"ᐃᖅᑲᐅᒪᔪᖓ ᓱᓕ ᑎᐱᖏᑦ ᐅᖃᓕᒫᒐᖃᕐᕖᑦ ᓯᓚᑦᑐᖅᓴᕐᕕᒡᔪᐊᓂ, ᐅᓪᓚᑲᑕᑐᐃᓐᓇᖅᖢᑎᒃ ᓇᐃᒪᑲᑕᒃᖢᒋᓪᓗ ᐅᖃᓕᒫᒐᑦ ᐊᒻᒪ ᑭᓱᓕᒫᑦ ᐊᒃᑐᑲᑕᒃᖢᒋ," ᑭᐊᓪᓯ ᕗᕋᐃᓱ ᐃᖅᑲᐅᒪᔪᖅ. ᐱᕈᖅᓴᔭᐅᓪᓗᓂ ᐊᑕᐅᓯᕐᒧᑦ ᐊᓈᓇᒧᑦ ᓇᖕᒥᓂᖅ ᐃᓕᓐᓂᐊᒃᑲᓐᓂᖅᑐᒧᑦ, ᕗᕋᐃᓱ ᐃᓕᑦᑎᓪᓗᓂ ᐃᓕᓐᓂᐊᕐᓂᖅ ᐃᑲᔫᑎᖃᕐᓂᖓᓂᒃ ᐃᓅᑉ ᓯᕗᓂᒃᓴᖓᓄᑦ.  

"ᐅᖃᓕᒫᒐᐅᑉ ᑎᐱᖓ ᐃᖅᑲᐃᔾᔪᑎᒋᕙᕋ ᐅᑭᐅᒐᓴᖕᓂᑦ ᐊᓈᓇᒪ ᓯᓚᑦᑐᖅᓴᕐᕕᓕᐊᕈᑎᕙᓚᐅᖅᑖᖓ. ᐃᓛᓐᓂᒃᑯᑦ ᐸᐃᕆᔨᖃᙱᑉᐸᑦ, ᐃᒃᓯᕚᕋᔭᖅᑐᖓ ᑐᓄᐊᓂ ᐅᖃᓪᓚᒡᕕᐅᑉ ᑕᖅᓯᖅᓱᐃᓂᕐᒥᒃ ᑕᐅᑐᓪᓗᐊᑕᑐᐃᓐᓇᕐᓗᖓᓘᓐᓃᑦ ᐃᓕᓐᓂᐊᕐᓂᓕᕆᓂᕐᒥᒃ ᐊᖏᕐᕋᑦᑎᓐᓂ," ᑲᔪᓯᓪᓗᓂ.  ᐊᓈᓇᖓ ᐃᖅᑲᓇᐃᔭᕐᖢᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᖏᓐᓂ, ᐊᓱᐃᓛᒃ ᑖᓐᓇᐅᒋᓪᓗᓂ. ᕗᕋᐃᓱ ᐱᔪᒃᓯᑎᑕᐅᕙᒃᑭᕗᖅ ᐊᓈᓇᑦᑎᐊᒥᓄᑦ, ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᒧᑦ ᓱᓕ ᐃᖅᑲᓇᐃᔭᖅᖢᓂ ᐃᓕᓐᓂᐊᕆᐊᖅᐸᒃᖢᓂᓗ 

"ᐊᒃᓱᕉᑎᖃᐃᓐᓇᐅᔭᖅᑐᖓ ᓄᓇᖃᖅᑳᖅᓯᒪᔪᑦ ᓄᑕᖅᑲᑦ ᖁᓱᔪᓐᓃᖅᑎᖦᖢᒋᑦ ᐱᔪᒃᓯᑎᖦᖢᒋᓪᓗ ᑲᔪᓯᑦᑎᐊᖁᓪᓗᒋᑦ ᐃᓄᐃᑦ."

ᕗᕋᐃᓱ ᑯᕇ ᐊᕐᓇᐅᔪᖅ ᒥᓯᕙᔅ ᓄᓇᖃᖅᑳᖅᓯᒪᔪᓂᑦ ᓵᔅᑳᑦᓱᐋᓐᒥ ᐃᓕᓴᐃᓪᓗᓂᓗ ᓄᓇᖃᖅᑳᖅᓯᒪᔪᓂᑦ ᑐᕌᒐᖃᕐᓂᕐᒥᑦ ᐃᓕᓐᓂᐊᕐᕕᒻᒥᑦ ᑳᓪᒍᕆᒥᑦ. ᐊᒃᓱᕉᑎᖃᐃᓐᓇᐅᔭᖅᑐᖅ ᐱᓕᕆᖃᑎᖃᕐᓂᕐᒥᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ ᐃᓱᒪᒋᔭᖃᕐᖢᓂᓗ ᖁᓱᔪᓐᓃᖅᑎᓐᓇᓱᒃᓗᒋᑦ ᐱᒋᐊᖅᓵᓕᓗᑎᒃ ᐱᒻᒪᕆᐅᓗᑎᒃ. ᕗᕋᐃᓱ ᐊᐅᔭᒃᑯᑦ ᐃᓕᓐᓂᐊᖅᑎᐅᓚᐅᖅᑐᖅ ᕙᐃᑦ ᐸᕙᓗ ᒪᒃᑯᒃᑐᓄᑦ ᑐᔪᕐᒥᕕᖕᒥᑦ ᐊᐅᔭᒃᑯᑦ ᐃᓕᓐᓂᐊᖅᑎᓄᑦ ᒪᒃᑯᒃᑐᓄᓪᓗ ᐃᑲᔪᖅᑎᐅᓪᓗᓂ, ᐱᓕᕆᖃᑎᖃᖅᖢᓂ ᐊᒃᑐᖅᑕᐅᓴᕋᐃᑦᑐᓂᒃ ᓄᑕᖅᑲᓂᒃ ᖃᑕᙳᑎᒌᓂᒡᓗ. ᓵᔅᑲᑑᓐᒥ, ᐱᓕᕆᖃᑎᖃᖃᑦᑕᓚᐅᖅᐳᖅ ᐊᔾᔨᒌᙱᑦᑐᓂᒃ ᐱᓕᕆᔨᒻᒪᕆᖕᓂᒃ, ᐃᓅᓯᓕᕆᔪᓐᓇᕐᓂᕐᒥᓂᒃ ᐋᖅᑭᒃᓱᐃᕙᓪᓕᐊᓪᓗᓂ ᐊᒻᒪ ᐃᑲᔪᕈᒪᑦᑎᐊᖅᐸᒃᖢᓂ.

"ᐱᔭᕆᐊᑭᑦᑐᒻᒪᕆᐊᓗᐃᑦ ᓄᑕᕋᕗᑦ, ᐆᒻᒪᓯᕆᕐᔪᐊᖅᑐᑦ. ᐱᔪᓐᓇᕐᓂᓕᒫᒃᑯᑦ ᐃᓕᓐᓂᐊᖅᑎᑦᑎᓇᓱᐊᖃᑦᑕᖅᑐᖓ ᐃᓕᓐᓂᐊᕈᑎᒃᓴᐅᔪᓂᒃ, ᑭᓯᐊᓂᓕ ᐃᓕᓐᓂᐊᖅᑎᑦᑎᓗᖓ ᓇᓪᓕᓂᕐᒥᒃ ᐊᒻᒪᓗ ᐃᓄᑦᑎᐊᕙᐅᓂᕐᒥᒃ, ᑕᒪᒃᑯᐊᓕᒫᑦ ᐅᒃᐱᕆᔭᕗᑦ ᐃᓕᓐᓂᐊᖅᑎᑕᐅᓯᒪᓐᖏᑦᑐᒍᑦ ᐃᓕᓐᓂᐊᖅᑐᓕᕆᓂᕐᒧᑦ. ᑖᒃᑯᐊ ᐱᒻᒪᕆᐅᒋᔭᑎᑦ ᐊᔪᙱᓐᓂᓪᓗ ᐃᓕᑕᑎᑦ ᐃᒃᐱᖕᓂᐊᓂᒃᑯᑦ ᐊᓯᖕᓄᑦ ᐃᓄᖕᓄᑦ ᑐᓂᖃᑦᑕᖅᑕᕐᓄᑦ." 

ᕗᕋᐃᓱ ᐃᓕᓐᓂᐊᑦᑎᐊᖅᓯᒪᔪᖅ, ᐃᓚᐅᖃᑕᐅᓪᓗᓂ ᐱᙳᐊᕐᓂᕐᒧᑦ ᒐᕙᒪᓕᕆᓂᕐᒧᓪᓗ ᐊᒻᒪᓗ ᓯᕗᓕᖅᑎᐅᓪᓗᓂ. ᐊᓈᓇᙳᕐᖢᓂ 16−ᓄᑦ ᐱᒋᐊᒃᑲᓐᓂᕐᖢᓂᓗ ᐃᓕᓐᓂᐊᖅᑕᖓ ᖁᓕᑦ ᐅᓪᓗᑦ ᐊᓂᒍᖅᑎᓪᓗᒋᑦ ᓄᑕᕋᓛᖓᓗ ᐅᑎᖅᑎᓪᓗᒍ. ᕗᕋᐃᓱ ᐃᒻᒥᓂᒃ ᓂᖅᑐᐃᖏᓐᓇᓚᐅᖅᑐᖅ. ᐱᔭᕇᓚᐅᖅᑐᖅ ᐊᒻᒪᓗ ᐱᔨᑦᑎᖅᑎᐅᓪᓗᓂ ᐊᕐᕌᒍᓄᑦ ᖃᔅᓯᐊᕐᔪᖕᓄᑦ, ᑭᓯᐊᓂ ᖃᐅᔨᒐᒥ ᑭᓱᒥᑭᐊᖅ ᐱᑕᖃᙱᓐᓂᖓᓂᑦ ᐃᓅᓯᖓᓂᑦ. 

ᒐᕙᒪᒃᑯᑦ ᐃᒡᓗᖁᑎᖓᓂ ᐃᒡᓗᖃᖅᖢᓂ, ᐊᑭᑭᓛᒥᑦ ᐊᑭᓕᖅᑕᐅᖃᑦᑕᖅᖢᓂ, ᐊᑭᓕᒃᓴᒥᓂᒃ ᐊᒃᓱᕈᓚᐅᖅᑐᖅ. ᓯᖓᐃᓕᓚᐅᖅᑐᖅ ᐸᓂᖓ ᐱᖃᑎᒋᓪᓗᓂᐅᒃ ᖁᑦᑎᖕᓂᖅᓴᒥᒃ ᐃᓕᓐᓂᐊᕈᒪᓕᕐᖢᓂ, ᐱᒋᐊᕐᖢᓂ ᐃᓕᓐᓂᐊᕐᓂᕐᒧᑦ ᐃᑲᔪᖅᑎᒧᑦ ᐱᓕᕆᐊᒃᓴᒥ. ᐱᔭᕇᕋᒥ, ᖃᐅᔨᓕᓚᐅᖅᑐᖅ ᐃᓕᓐᓂᐊᕐᓂᕐᒧᑦ ᐃᑲᔪᖅᑎᐅᑉ ᐃᖅᑲᓇᐃᔮᖓ ᐱᔭᕆᐊᖃᙱᑕᖓ, ᐃᓕᓴᐃᔨᐅᔪᒪᓚᐅᖅᑐᖅ. ᐃᓕᓐᓂᐊᓚᐅᖅᑐᖅ ᐃᖅᑭᓖᑦ ᐃᓕᓴᐃᔨᕈᖅᓴᓂᕐᒧᑦ ᐃᓕᓐᓂᐊᕈᑎᒥᒃ ᐊᒻᒪᓗ ᐱᓪᓗᓂ. 

"ᐱᒻᒪᕆᐅᓇᓱᒋᔭᕋ ᐱᓇᓱᐊᕐᓗᑕ ᐊᒥᓱᓂᑦ ᓄᓇᖃᖅᑳᖅᓯᒪᔪᓂᑦ ᓄᑕᖅᑲᓂᑦ ᐃᓱᓕᑦᑎᔪᓂᑦ ᐃᓕᓐᓂᐊᒃᑲᓐᓂᖕᓂᖕᓂᓪᓗ. ᐃᓚᒋᔭᐅᖏᓐᓇᕐᓂᐊᖅᑐᖅ ᐃᓕᓐᓂᐊᕈᑎᓐᓄᑦ ᖁᓱᔪᓐᓃᖅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᓄᑕᕋᖏᑦ ᒪᒃᑯᒃᑐᖁᑎᕗᓪᓗ."  

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐊᖏᕐᕋᒧᑦ ᐊᐅᓪᓚᕈᒪᔪᓄᑦ ᐃᓕᓐᓂᐊᕆᐊᕐᓗᓂ ᐃᖅᑲᓇᐃᔮᒧᓪᓘᓐᓃᑦ ᐅᓗᕆᐊᓇᖅᑐᓂᑦ ᐊᐃᒃᓯᖃᑦᑕᖕᓂᐅᕗᖅ.  "ᐃᓛᓐᓂᒃᑯᑦ ᐃᓱᒪᑐᔭᕆᐊᖃᒻᒪᕆᒋᐊᖃᖅᑐᑎᑦ ᐱᔪᒪᔭᕐᓂᒃ ᐱᓇᓱᒃᓗᑎᑦ. ᑕᒪᓐᓇ ᑐᑭᖃᖅᐳᖅ ᐊᓪᓗᕐᓂᖅ ᐊᑲᐅᒋᔭᕐᓂᑦ ᐊᒻᒪ ᑲᑎᖃᑎᖃᕐᓂᖅ ᓄᑖᓂᒃ ᐃᓄᓐᓂᒃ, ᓄᑖᓂᒃ ᐱᓇᓱᐊᕐᓂᖅ, ᐃᓕᓐᓂᒃ ᐊᑲᐅᒃᓴᕈᓐᓃᕐᓗᑎᑦ, ᑭᓯᐊᓂ ᐊᑐᐃᓐᓇᖃᑦᑕᖅᑕᕋ ᑕᒪᓐᓇ ᐊᓯᔾᔨᓚᐅᕐᓇᖓ, ᐱᕈᖅᐸᓪᓕᐊᓂᖃᙱᓚᖅ. ᐃᖢᕐᕆᓐᓇᙱᖦᖢᓂ, ᐊᓯᔾᔨᖅᑐᖃᙱᒃᑭᕗᖅᑕᐅᖅ," ᐅᖃᖅᖢᓂ.

ᓱᕈᓯᕗᑦ ᑭᖑᒧᑦ ᑕᐅᑐᓐᓂᐊᕐᒪᑕ ᐊᒻᒪᓗ ᐅᐱᒍᓱᓪᓗᑎᒃ ᐱᓕᕆᐊᕆᓯᒪᔭᑦᑎᓐᓂᒃ. ᑕᐃᒪᐃᒻᒪᑦ ᑕᐃᒪᐃᓕᐅᖅᐸᒃᐳᒍᑦ, ᑭᖑᕚᒃᓴᑦᑎᓐᓄᑦ.

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᖕᓂᖅᓴᒧᑦ, ᐅᖃᕋᔭᖅᑐᖅ "ᓴᐱᓕᖅᑕᐃᓕᒋᑦ. ᑲᔪᓰᓐᓇᕆᑦ, ᓯᕗᒻᒧᐊᒃᐸᓪᓕᐊᖏᓐᓇᕆᑦ. ᖃᓄᐃᙱᑦᑐᖅ ᐅᓪᓗᕐᒥᒃ ᕿᐊᒐᓗᐊᕐᓗᓂ. ᖃᓄᐃᖏᑦᑐᖅ ᖁᔭᓈᖅᑕᐅᑎᓪᓗᒋᑦ ᐅᓪᓗᐃᑦ." ᕗᕋᐃᓱ ᐅᒃᐱᕈᓱᒃᑐᖅ ᐃᓱᒪᒥᒍᑦ ᐊᔪᕈᑎᖃᕐᓂᕐᒧᑦ ᓄᖅᑲᖓᓚᐅᑲᖕᓂᖅ ᑕᐅᑐᓪᓗᐊᑕᕐᓂᕐᓗ ᑭᓱᓂᒃ ᖁᕕᐊᓱᒃᑎᑦᑎᕙᖕᒪᖔᑦ. ᑕᒪᕐᒥᑲᓴᑦᑎᐊᖅ ᐅᒃᐱᕆᔭᖃᖅᐳᖅ ᑕᐅᑐᒐᖃᓪᓗᐊᑕᕐᓂᕐᒥᒃ ᖁᔭᓕᓂᕐᒥᒃ ᑕᒪᐃᓐᓄᑦ ᐱᓯᒪᔭᒥᓄᑦ ᐱᔾᔪᑎᒋᔭᒥᓄᓪᓗ. ᒫᓐᓇ ᓇᒻᒥᓂᖅ ᐃᓪᓗᑖᕋᓱᐊᕐᓂᖅ ᐊᒻᒪᓗ ᓇᓂᓯᒐᓱᐊᕐᓂᖅ ᓄᓇᓕᓐᓂᒃ ᑳᓪᒍᕆᒥ.

ᕿᑐᕐᖓᒃᑲ ᑕᑯᑦᑎᐊᖁᕙᒃᑲ ᑲᔪᓯᑦᑎᐊᖁᓪᓗᒋᑦ, ᐊᓯᓐᓂᒃ ᑕᑎᖃᖃᑦᑕᖁᙱᖦᖢᒋᑦ, ᐊᓯᓐᓂᒃ ᑕᑎᖃᖁᙱᖦᖢᒋᑦ, ᐊᓯᓐᓂᒃ ᐊᓃᕐᓗᑎᒃ ᐊᒻᒪ ᐱᑦᑕᐃᓕᓗᑎᒃ. 

ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᖅ ᑎᑭᒻᒪᑦ, ᕗᕋᐃᓱ ᑎᑎᕋᓚᐅᖅᐳᖅ ᐃᓕᓐᓂᐊᖅᑎᖏᓐᓄᑦ, ᖃᐅᔨᒪᓪᓗᑎᒃ ᐃᓚᖏᑦ ᐅᖃᓕᒫᕈᓐᓇᕐᓂᖏᓐᓂᒃ ᐅᕝᕙᓘᓐᓃᑦ ᑭᐅᔪᓐᓇᕐᓂᖏᓐᓂᒃ. ᐃᓕᓐᓂᐊᕐᕕᖕᒥ ᐃᓕᓐᓂᐊᖅᖢᓂ, ᐅᓂᒃᑳᖅᖢᓂ, "ᓈᓚᒃᐸᒃᖢᑕ ᐅᖃᓪᓚᒃᐸᒃᖢᑕᓗ ᐃᒡᓚᖅᐸᒃᖢᑕᓗ ᕿᐊᕙᒃᖢᑕᓗ ᐊᒡᒐᕗᓪᓗ ᐊᐅᓚᑉᐸᒃᑕᕗᑦ. ᑕᐃᒪᓐᓇ ᐃᓕᑦᑎᕗᒍᑦ." ᒫᓐᓇᓕ, ᓂᕿᓕᐅᖅᑎᐅᕙᓚᐅᖅᑐᖅ, ᓴᓗᒪᓪᓗᓂ, ᑎᑎᕋᖅᐸᒃᖢᓂ, ᐅᖃᓕᒫᖅᐸᒃᖢᓂ ᐊᖏᕐᕋᒥᓂᒃ ᐱᓕᕆᑲᑕᐃᓐᓇᖅᐸᒃᖢᓂ, ᐃᓱᒪᓪᓗᓂ ᐅᓪᓗᕐᒥᒃ ᑲᑎᒃᑲᓐᓂᕐᓂᐊᕋᓱᒋᓪᓗᓂᐅᒃ ᐃᓕᓐᓂᐊᖅᑎᖏᓐᓄᑦ ᐊᒻᒪ ᐃᓕᓴᐃᔨᐅᒃᑲᓐᓂᓕᕐᓗᓂ, ᓇᓂ ᐱᔪᒪᖕᒪᖔᑦ. 

"ᖃᔅᓯᑲᓪᓚᖕᓂᒃ ᐊᔾᔨᒌᙱᑦᑐᓂᒃ ᐊᖅᑯᑎᖃᕋᔭᓚᐅᕋᓗᐊᖅᑐᖓ, ᑭᓯᐊᓂ ᑕᐃᒃᑯᐊ ᓂᕈᐊᖅᓯᒪᔭᒃᑲ ᒪᐅᙵᖅᑕᐅᓚᐅᖅᑐᑦ. ᖁᔭᓕᔪᒻᒪᕆᐅᕗᖓ ᐅᓪᓗᖅ ᐊᓂᒍᖅᑎᓪᓗᒍ," ᐅᖃᖅᖢᓂ. ᐃᓚᒥᓄᑦ, ᐆᒃᑑᑎᒥᒃ ᐋᖅᑭᒃᓯᔪᒪᖕᒪᑦ ᕿᑐᕐᖓᒥᓄᑦ ᐃᓕᓐᓂᐊᕆᐊᖃᑕᐅᓚᐅᖅᑐᓄᑦ ᒪᒃᑯᓗᐊᖅᑎᓪᓗᒋᑦ ᐱᓱᒋᐊᒃᓴᖅ. ᐱᕈᖅᓴᓚᐅᖅᑎᓪᓗᒋᑦ ᐅᖃᓕᒫᒐᖃᕐᕖᑦ ᑎᐱᖃᓕᖅᑎᓪᓗᒋᑦ ᓯᓚᑦᑐᖅᓴᕐᕕᒡᔪᐊᓂ, ᑭᐊᓪᓯ ᕗᕋᐃᓱ ᐃᑲᔪᖅᐳᖅ ᑭᖑᕚᒃᓴᑦᑎᓐᓂ ᐃᓕᑦᑎᕙᓪᓕᐊᓪᓗᓂ ᓂᕆᐅᖕᓂᖃᕈᓐᓇᕐᓂᕐᒥᓂᒃ ᐃᓕᓐᓂᐊᒃᑲᓐᓂᕈᓐᓇᖅᓯᓂᕐᒥᒃ, ᐊᒻᒪ ᓇᖕᒥᓂᖅ ᐊᖅᑯᑎᒋᓂᐊᖅᑕᒥᓂᒃ ᓇᓂᓯᓗᑎᒃ ᖁᓱᙱᓪᓗᑎᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.