"ᖁᕕᐊᒋᑦᑎᐊᖅᑕᕋ ᐃᓄᖕᓂᒃ ᑲᑎᖃᑎᖃᕐᓂᖅ, ᑲᑎᖃᑎᖃᕐᓂᖅ ᐃᓕᓐᓂᐊᖅᑎᓂᒃ, ᑕᑯᓪᓗᒋᑦ ᐱᕈᖅᐸᓪᓕᐊᑎᓪᓗᒋᑦ, ᑕᑯᓪᓗᒋᑦ ᑎᑭᐅᑎᓂᕐᒧᑦ ᑐᕌᒐᖏᓐᓄᑦ," ᐹᒻᔅ ᑯᕆᔅᑕᓐ ᑐᑐᔅ ᓇᖏᖅᑐᖅ ᐸᕙᓗ ᑕᑰᑕ ᓄᓇᖃᖅᑳᖅᓯᒪᔪᖅ. ᐊᓈᓇᒋᔭᐅᔪᖅ ᐱᖓᓱᓄᑦ, ᐃᖅᑲᓇᐃᔭᓯᒋᐊᓚᐅᖅᑐᖅ ᐃᓕᓴᐃᔨᐅᓪᓗᓂ. ᒫᓐᓇ, ᐃᓕᓴᐃᖃᑦᑕᓕᖅᑐᖅ ᐃᓕᓴᐃᔨᓂᒃ ᑐᑭᒧᐊᒃᑎᑦᑎᔨᐅᓪᓗᓂ ᐃᓱᒪᒥᒍᑦ ᐊᔪᕈᑎᓕᖕᓄᑦ ᐱᔨᑦᑎᕋᖅᑎᓄᑦ ᑲᒪᒋᔭᐅᓪᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑐᔾᔨᖃᑎᒌᓄᑦ, ᐃᑲᔪᖅᓱᖅᖢᒋᑦ ᐃᓕᓐᓂᐊᖅᑎᓪᓗ ᐃᓱᒪᒥᒍᑦ ᖃᓄᐃᙱᑦᑎᐊᕈᓯᖏᓐᓄᑦ. ᐃᓕᓐᓂᐊᕐᕕᐅᑉ ᓯᓚᑖᓂ, ᑑᕆᔅ ᒧᒥᖅᑐᖅ ᒧᒥᖅᑎᐅᔪᖅ. ᓴᐸᖓᓕᐅᖃᑦᑕᖅᑐᖅ, ᐊᓐᓄᕌᓂᑦ, ᐊᓐᓄᕋᔾᔨᐅᖅᑐᓂ ᐊᒻᒪ ᒥᖅᓱᖅᑎᐅᓪᓗᓂ.  

ᐱᕈᖅᓴᔭᐅᓪᓗᓂ ᐊᓈᓇᑦᑎᐊᒥᓄᑦ ᓄᑕᕋᓛᖑᓚᐅᖅᑎᓪᓗᒍ, ᑑᑭᔅ ᐱᕈᖅᓴᓚᐅᖅᐳᖅ ᐊᔪᖅᓴᕐᓂᕐᒥᒃ, ᐅᐃᕆᓯᒪᓂᕐᒥᒃ ᐊᒻᒪ ᖁᐊᖅᓵᕐᓇᖅᑐᒃᑰᕐᓂᕐᒥᒃ. ᐃᓕᓐᓂᐊᕐᕕᒃ ᓯᕗᓪᓕᐅᔾᔭᐅᓯᒪᙱᒻᒪᑦ ᐊᒃᓱᕈᕐᓇᕐᓂᖓ ᐱᔾᔪᑎᒋᓪᓗᒍ. ᒪᕐᕉᒃ ᐃᓕᓴᐃᔨᑦᑎᐊᕙᐅᔫᒃ ᐱᔪᒃᓯᑎᑦᑎᓪᓗᑎᒃ ᐃᖅᑲᓇᐃᔮᕆᓛᕈᒪᔭᖓᓂᒃ. "ᑕᑯᓚᐅᖅᑖᖓ ᓄᑕᕋᐅᑎᓪᓗᖓ. ᑕᐃᒫᒃ ᐃᓱᒪᓚᐅᖅᑐᖓ. ᑕᒪᓐᓇ ᓇᒻᒥᓂᖅ ᐅᐱᒋᔾᔪᑎᒋᓕᓚᐅᖅᑕᕋ, ᐃᒻᒥᓂᒃ ᐅᑉᐱᕈᓱᓕᕈᑎᒐ. ᐅᐱᒋᔭᐅᑦᑎᐊᓚᐅᖅᑐᑦ. ᐅᖃᐅᑎᓚᐅᕐᒪᖓ ᓯᓚᑐᓂᕋᖅᑐᑎᒃ. ᑖᒃᑯᐊ ᐊᒃᑐᐊᓂᖃᖃᑎᒋᓵᖅᑕᒃᑲ... ᐃᑉᐱᒋᓚᐅᖅᑕᕋᓕ ᐅᕙᓐᓄᑦ ᐊᑦᑐᐃᓂᖃᕆᐊᖓ... ᑕᒪᒃᑯᐊ ᐊᒃᑐᐊᓂᖃᑦᑎᐊᓚᐅᖅᑐᖓ, ᐃᔾᔪᐊᒐᒃᓴᑦᑎᐊᕙᐅᓚᐅᖅᑐᖓ. 15-ᓂᒃ ᐅᑭᐅᖃᖅᑰᓕᖅᑐᖓ 'ᖃᓄᐃᕈᒪᓕᖅᑎᓪᓗᖓ, ᐃᓕᓴᐃᔨᐅᔪᒪᓲᖑᔪᖓ. ᐃᑲᔪᖅᑐᐃᔪᒪᒐᒪ ᐃᓕᓐᓂᐊᖅᑎᓂᒃ ᐊᒻᒪᓗ ᑕᐃᓐᓇ ᐃᓄᒃ, ᑕᐃᓐᓇ ᖁᕕᐊᓱᒃᑐᖅ ᑕᑯᔭᕆᐊᒃᓴᖅ ᐃᓯᕈᑎᒃ ᐃᓕᓐᓂᐊᕐᕕᖕᒧᑦ. ᑖᓐᓇ ᐃᑲᔪᖅᑎᒋᔪᒪᒐᒃᑯ ᖃᐅᔨᒪᒐᒪ ᖃᓄᐃᒻᒪᖔᖅ ᐊᔅᓱᕈᕐᓇᖅᑐᒃᑰᖅᑐᓂ ᓱᕈᓯᐅᑎᓪᓗᒋᑦ ᐊᒻᒪ ᒪᒃᑯᑦᑐᐃᑦ ᐊᕐᕌᒍᖏᓐᓂᑦ.'" ᐃᖅᑲᐅᒪᔪᖅ. 

ᑲᔪᓯᓚᐅᖅᑐᖅ ᓯᓚᑦᑐᓴᕐᕕᕐᔪᐊᒧᑦ ᐊᒻᒪᓗ ᐸᐃᑉᐹᑖᖅᑐᓂ ᐃᓕᓐᓂᐊᖅᑐᓕᕆᓂᕐᒧᑦ, ᑕᐃᑲᓂᒥᐅᑕᐅᔫᔮᓚᐅᙱᒃᑲᓗᐊᖅᑐᓂ. "ᐅᔾᔨᕈᓱᓚᐅᖅᑐᖓ ᑖᒃᑯᐊ ᐃᓕᓐᓂᐊᖅᑐᓕᕆᔾᔪᑏᑦ, ᐃᓕᓐᓂᐊᖅᑎᑦᑎᓲᖑᓂᖏᓐᓂᒃ ᑕᐃᒪᓐᓇᐅᙱᑦᑐᒃᑯᑦ, ᐅᕙᑦᑎᓐᓄᑦ ᓈᒻᒪᙱᒻᒪᑦ ᓄᓇᖃᖅᑳᖅᓯᒪᔪᑦ ᐃᓄᖏᓐᓄᑦ. ᑕᐃᔅᓱᒪᓂ, ᐊᑐᓵᓚᐅᖅᑕᕋ ᐊᔪᙱᓐᓂᓕᒫᓐᓂᓪᓗ ᐱᓕᕆᓪᓗᖓ," ᐃᖅᑲᐅᒪᔪᖅ. 

ᑑᑭᔅ ᑮᓇᐅᔭᑎᒍᑦ ᐃᓱᒫᓘᑎᖃᓚᐅᖅᐳᖅ ᐊᒻᒪ ᐊᖏᔪᖅᑳᖏᑦ ᐱᓕᕆᐊᖃᖅᑐᑎᒃ, ᑭᓯᐊᓂ ᐊᔭᐅᖅᓯᒋᐊᓚᐅᖅᐳᖅ ᐊᓈᓇᑦᑎᐊᕐᒥᓂᒃ ᐊᒻᒪ ᓯᓚᑐᓂᖏᑦ ᐅᖃᐅᔾᔨᓪᓗᑎᒃ ᖃᓄᐃᒃᑲᔭᙱᒋᐊᖓ, ᐱᒡᒐᓇᕋᔭᕋᓗᐊᖅᑎᓪᓗᒋᑦ. ᑎᓕᐅᕆᓪᓗᑎᒃ ᐸᕐᓇᐃᓗᓂ, ᐊᔭᐅᕐᓗᓂ ᑕᐅᑐᑦᑎᐊᖏᓐᓇᕐᓗᓂᓗ. ᓈᓚᒃᖢᓂ ᐊᒃᓱᕈᕈᑎᖏᓐᓂ, ᐃᑲᔪᖅᓱᕐᖢᓂᐅᒃ.

ᐃᓕᓴᐃᓂᕐᒥᒃ ᖁᕕᐊᒋᔭᖃᓚᐅᖅᑐᖅ ᑭᓯᐊᓂ ᐃᓱᒪᓕᕆᓂᕐᒧᑦ ᐱᓕᒻᒪᒃᓴᕐᓂᕐᒥᒃ ᐃᓕᓐᓂᐊᒃᑲᓐᓂᕈᒪᓚᐅᖅᑐᖅ ᐃᓕᓴᖅᓯᓗᓂ ᐊᒃᓱᕈᕐᓇᖅᑐᒃᑰᖃᑦᑕᖅᑐᓂᒃ ᐃᓕᓐᓂᐊᖅᑎᓄᑦ. ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓕᓐᓂᐊᕐᓂᓕᕆᓂᕐᒧᑦ ᐊᑕᐅᓯᑐᐃᓐᓇᕐᒥᑦ ᐃᓕᓐᓂᐊᓚᐅᖅᑐᖅ ᐊᒻᒪᓗ ᐱᒃᑲᓐᓂᕈᒪᓪᓗᓂ. ᐃᓕᓐᓂᐊᓚᐅᖅᑐᖅ Master's of Education Psychoology−ᒥ ᕆᔾᔨᓇ ᓯᓚᑦᑐᖅᓴᕐᕕᒡᔪᐊᖓᓂ ᐃᓕᓐᓂᐊᖅᖢᓂᓗ ᐃᓅᓯᓕᕆᓂᕐᒥᒃ ᐊᒻᒪ ᒪᒥᓴᕐᓂᕐᒥᒃ ᐃᑲᔪᖅᓱᐃᓂᕐᒥᒃ ᐊᒻᒪ ᐃᓕᓐᓂᐊᖅᑕᐅᔪᓄᑦ ᐸᕐᓇᐅᑎᓄᑦ. 

ᐃᓱᒪᓚᐅᖅᑐᖅ ᐊᑐᕐᓂᐊᕋᓱᒋᓪᓗᓂ ᑖᒃᑯᓂᖓ ᐊᔪᙱᓐᓂᕐᓂ ᐃᓕᓐᓂᐊᕐᕕᐊᕈᓯᕐᒧᑦ ᑭᓯᐊᓂ ᐃᓅᓯᖅ ᐊᔾᔨᒋᙱᖦᖢᓂᐅᒃ ᐊᓯᔾᔨᕐᖢᓂ. ᐊᓯᐊᓂᒃ ᓄᖅᑲᓚᐅᖅᑐᖅ ᑭᓯᐊᓂ ᓱᓕ ᐃᖅᑲᓇᐃᔮᕆᓛᕈᒪᔭᖃᑦᑎᐊᖅᑐᖅ. "ᑕᑯᖃᑦᑕᖅᑐᖓ ᐃᓄᖕᓂᒃ ᐱᐅᓂᖅᓴᓂᒃ ᓂᕈᐊᖅᑐᓂᒃ, ᐊᑕᐅᓯᐊᖅᖢᖓ ᐊᓪᓗᕆᐊᕐᓗᑎᒃ. ᑕᑯᒐᒪ ᐊᓯᔾᔨᕐᓂᖓᓂᒃ ᐃᓄᒃ ᑖᖅᑐᒦᒍᓐᓇᖅᑐᖅ ᕿᑦᓵᓇᑲᓴᑦᑐᒥᒃ ᐊᒻᒪᓗ ᓂᕆᐅᓐᓂᖃᑦᓯᐊᕈᓐᓃᖅᑐᒥᒃ, ᐊᒻᒪᓗ ᐱᑕᖃᖏᒻᒪᑦ ᐱᕈᑦᓯᐊᑲᓴᓐᓂᕐᒥᒃ ᐊᒻᒪᓗ ᓂᑲᒍᓱᓐᓂᕐᒥᒃ... ᐱᐅᔪᐊᓘᓪᓗᓂ ᐊᓯᔾᔨᕐᓂᐅᔪᖅ ᑕᑯᓪᓗᓂ," ᓇᓗᓇᐃᖅᓯᓪᓗᓂ.  

ᓲᕐᓗ ᐃᓕᓐᓂᐊᖅᑕᒥᓂᒃ ᐊᓂᒍᐃᓯᒪᙱᖦᖢᓂ, ᑑᕆᔅ ᓈᒻᒪᒐᓱᒋᙱᖦᖢᓂᐅᒃ, ᓯᓚᑦᑐᖅᓴᕐᕕᖕᔪᐊᒧᑦ ᐃᓕᓐᓂᐊᖅᖢᓂ ᐋᖅᑭᒃᑕᐅᓯᒪᙱᖦᖢᓂ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ. ᑕᐃᒪ ᑕᑯᓯᒪᔭᖓ, ᑕᒪᓐᓇ ᐊᓯᔾᔨᐸᓪᓕᐊᔪᖅ. "ᐊᓯᔾᔨᖅᑕᐅᕙᓪᓕᐊᕗᖅ... ᓯᓚᑦᑐᖅᓴᕐᕕᒡᔪᐊᑦ ᐃᓚᓕᐅᔾᔨᕙᓪᓕᐊᕗᑦ ᐃᓕᖅᑯᓯᑦᑎᓐᓂ... ᐱᐅᓯᕙᓪᓕᐊᔪᖅ," ᐅᖃᕈᓐᓇᖅᓯᔪᖅ. 

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓄᓇᒥᓂᒃ ᐊᐅᓪᓚᕈᒪᔪᓂᒃ ᐃᓕᓐᓂᐊᕆᐊᕈᒪᓪᓗᑎᒃ ᖃᐅᔨᓇᓱᒃᖢᓂ ᑭᓱᑦ ᐃᑲᔫᑎᒃᓴᑦ ᐊᑐᐃᓐᓇᐅᖕᒪᖔᑕ ᐃᓕᓐᓂᐊᕐᕕᖕᒥ, ᐱᓗᐊᖅᑐᒥᒃ ᐃᓅᓯᓕᕆᔨᓄᑦ ᐃᑲᔪᖅᓱᐃᔾᔪᑎᑦ. "ᐃᓱᒪᒋᔭᕋ ᑭᒃᑯᓕᒫᑦ ᖃᐅᔨᒋᐊᕆᐊᖃᕋᓱᒋᓪᓗᒋᑦ ᒪᒥᓴᕐᓂᕐᒥᒃ ᐃᓅᓯᓕᕆᓂᕐᒥᒡᓘᓐᓃᑦ ᐊᑕᐅᓯᐊᕐᓗᑎᒃ ᐃᓅᓯᖏᓐᓂ. ᓲᖃᐃᒻᒪᓕ ᐃᑲᔪᖅᑐᐃᑦᑎᐊᕐᓇᕐᒪᑦ, ᐃᑲᔫᑎᖃᕐᔪᐊᖅᑐᖅ," ᑎᓕᐅᕆᔪᖅ, ᐅᖃᕐᖢᓂ ᒪᒥᓴᕐᓂᕐᒥ ᓇᖕᒥᓂᖅ, ᒪᒥᓴᐃᔨᐅᒐᓗᐊᕐᓗᓂ. ᐃᓛᒃᑰᖅᑐᒥᒃ, ᑐᓴᖅᑕᐅᔭᕆᐊᖃᙱᑦᑐᓂᒃ ᐃᑲᔪᖅᑕᐅᓂᖅ ᑕᑯᕙᐅᒃ ᐃᑲᔫᑎᖃᕐᓂᖓᓂᒃ ᐃᓄᖕᓄᑦ ᓅᑉᐸᓪᓕᐊᔪᓄᑦ ᖃᐅᔨᒪᔪᓐᓃᖅᑐᓄᑦ ᐋᖅᑭᒃᓯᒪᔪᓄᑦ ᓅᑉᐸᓪᓕᐊᓕᖅᑎᓪᓗᒋᓪᓗ. 

"ᑕᒪᕐᒥᑦᑎᐊᖅ ᖃᐅᔨᒋᐊᕆᐊᖃᖅᑰᖅᑐᑦ ᒪᒥᓴᕐᓂᕐᒥᒃ ᐅᕝᕙᓘᓐᓃᑦ ᐃᓅᓯᓕᕆᓂᕐᒥᒃ ᐊᑕᐅᓯᐊᕐᓗᑎᒃ ᐃᓅᓯᕐᒥᓂ."

ᐃᓕᓐᓂᐊᖅᑎᐅᓪᓗᓂ, ᑑᕆᔅ ᐊᒃᓱᕈᓚᐅᖅᑐᖅ ᓇᖕᒥᓂᖅ ᐅᔾᔨᕈᓱᙱᓗᐊᒧᑦ ᓇᖕᒥᓂᖅ ᐱᔪᒪᓕᕈᑎᖏᓐᓂ. ᐃᓗᑐᓂᖅᓴᒥᑦ, ᐃᒻᒥᓂᒃ ᑐᑭᓯᔪᓐᓇᖅᓯᓚᐅᖅᑐᖅ. ᐊᒃᓱᕈᖃᑦᑕᓚᐅᕐᒥᔪᖅ ᑮᓇᐅᔭᑎᒍᑦ, ᑭᓯᐊᓂ ᓂᐅᕕᐊᒃᓴᖃᖅᖢᓂ ᓴᐸᖓᕐᓂᒃ, ᖃᓪᓗᓈᖅᑕᓂᒃ ᐊᓐᓄᕌᓂᒃ, ᓇᓂᓯᒃᑲᓐᓂᓚᐅᖅᑐᖅ ᑮᓇᐅᔭᓂᒃ ᐅᖃᓕᒫᒐᕐᓄᑦ ᐊᒻᒪ ᐊᑭᓕᒐᒃᓴᓄᑦ. "ᐃᓚᖓ ᐃᕐᖑᑕᒪ ᑐᓂᓚᐅᖅᑖᖓ ᓴᐸᖓᓕᕆᓂᖅ, ᓄᓇᖃᖅᑳᖅᓯᒪᔪᑦ ᐊᕐᓇᐃᑦ, ᐊᒃᓱᕈᖅᖢᑎᒃ ᐱᓕᕆᓪᓗᑎᒃ, ᐱᓕᕆᑦᑎᐊᕋᓱᑦᑎᐊᕋᓱᒃᖢᑎᒃ. ᑕᒪᒃᑯᐊ ᐊᔪᓐᖏᓐᓂᐅᔪᑦ ᐃᑲᔪᒻᒪᕆᓚᐅᖅᑐᑦ ᐅᕙᓐᓂᒃ ᑮᓇᐅᔭᑎᒍᑦ ᐊᐳᖅᑕᕈᑕᐅᔪᓂᒃ. ᐅᖃᐃᓐᓇᖅᐸᓚᐅᖅᑐᖅ, 'ᐃᓕᑐᐊᕈᕕᑦ ᖃᓄᖅ ᓴᐸᖓᓕᕆᐊᒃᓴᖅ ᑮᓇᐅᔭᖃᓚᐅᖅᓯᒪᔾᔮᙱᓐᓇᕕᑦ, ᐃᓚᑎᑦ ᐱᑎᑦᑎᔪᓐᓇᐃᓐᓇᐅᔭᕐᓂᐊᖅᑐᑎᑦ, ᐃᓕᖕᓂᒃ ᐱᑎᑦᑎᔪᓐᓇᐃᓐᓇᕐᓂᐊᖅᑐᑎᑦ.'" ᑕᐃᒪᐃᒻᒪᑦ ᓇᒻᒥᓂᖅ ᕿᑐᕐᖓᒥᓂᒃ ᐃᓕᓐᓂᐊᖅᑎᑦᑎᕗᖅ ᑕᒪᒃᑯᓂᖓ ᖃᐅᔾᔨᑎᓂᒃ.  

ᐅᓇᑦᑕᐅᖅ ᐊᕝᕕᐊᕈᑎᐅᔪᖅ ᑑᕆᔅ ᓂᑲᓪᓗᖓᓐᓇᓚᐅᖅᑐᖅ, ᓴᖅᑭᖃᑦᑕᖅᑐᖅ ᐃᓅᓯᓕᒫᖓᓂ. ᐃᓕᑦᑎᓪᓗᓂ ᐅᑕᖅᑭᔅᓲᔭᕈᓐᓇᙱᖦᖢᓂ ᐃᑲᔪᖅᑕᐅᓇᓱᒃᓗᓂ ᓲᖃᐃᒻᒪ ᐃᓄᑑᓗᐊᕈᓐᓇᙱᒻᒪᑦ ᖃᓄᐃᙱᑦᑎᐊᕐᓗᓂᓗ ᕿᓄᐃᓵᕐᓂᕐᒧᑦ ᐊᑐᒐᒃᓴᓂᑦ ᑎᒥᒧᑦ ᐱᐅᙱᑦᑑᙱᖔᖅᑐᖅ. ᐅᖃᖃᑎᖃᕐᓗᓂ ᒪᒥᓴᐃᔨᒥᒃ ᓴᐸᖓᓕᕆᓗᓂᓗ ᐃᑲᔫᑎᖃᖅᑐᑦ ᐊᒻᒪᓗᑦᑕᐅᖅ ᒧᒥᕐᓗᓂ ᐊᓗᒐᕐᒥᒃ, ᐊᐅᒪᔮᕐᓗᓂ ᑭᓯᐊᓂ ᐊᑲᐅᓯᒃᐸᑦ, ᖁᕕᐊᓱᓕᖅᐸᑦ, ᑕᖃᓗᓂ ᐊᒻᒪ ᐊᐅᒪᔮᓕᖅᐸᑦ. 

ᒪᒃᑯᒃᑑᓪᓗᓂ, ᐃᓱᒪᒐᔪᓚᐅᖅᑐᖅ ᐃᖢᕐᕆᓇᔭᖕᒪᖔᑦ ᐊᑦᑕᖕᓇᙱᖦᖢᓂᓗ. ᒪᒃᑯᖕᓂᖅᓴᓂᒃ ᐅᖃᐅᑎᔪᓐᓇᕈᓂᐅᒃ, "ᐅᖃᖃᑎᖃᕆᑦ ᖃᓄᐃᙱᑦᑎᐊᖅᑐᒥᒃ ᐊᑕᖃᑦᑕᐅᑎᓂᕐᒥᒃ." ᖃᓄᐃᙱᑦᑎᐊᖅᑐᒥᒃ ᐊᒃᑐᐊᓂᖃᕐᓂᖅ ᒫᓐᓇ ᐱᔪᒪᓕᓚᐅᖅᑕᖓ ᓄᓇᒦᖃᑕᐅᓗᓂ. ᑕᒪᓐᓇ ᐱᓕᕆᖃᑎᒌᓐᓂᐅᔪᖅ ᐋᖅᑭᑦᑕᐅᓯᒪᓂᖅᓴᐅᓕᓚᐅᖅᑐᖅ 2000-ᖏᓐᓂ ᐊᒻᒪᓗ ᒫᓐᓇ ᑲᓱᖃᑎᖃᓕᖅᑯ ᐱᓂᐊᕐᓂᕋᕐᓂᕐᒥᑦ ᐃᑉᐱᒍᓱᓕᕋᐃᒐᒥ ᐅᕝᕙᓘᓐᓃᑦ ᐅᖁᒪᐃᑦᑐᒥᑦ ᓄᖅᑲᑎᑦᑎᒋᐊᖃᓕᖅᑐᓂ.  

ᐅᖃᐅᓯᕆᔪᒪᓇᔭᖅᑕᖓ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐃᒪᓐᓇ, "ᐱᒻᒪᕆᐅᔪᑎᑦ. ᓴᙱᓂᖃᖅᑐᑎᑦ. ᑭᒃᑯᓕᒫᑦ ᓴᙱᓂᓖᑦ. ᐃᓱᒪᒋᓗᒋᑦ ᓴᙱᓂᑎᑦ ᑭᓲᖕᒪᖔᑕ. ᑕᐅᑐᓪᓗᐊᑕᕐᓗᒋᑦ ᓴᙱᓂᑎᑦ." ᓴᙱᓂᖏᑦ ᐅᖃᐅᓯᕆᖃᑦᑕᖅᑕᖏᑦ ᐱᑐᐃᓐᓇᐅᙱᖦᖢᑎᒃ ᑭᓯᐊᓂ ᐃᓅᖃᑎᖃᕈᓐᓇᑦᑎᐊᕐᓂᖅ ᓲᕐᓗ ᓈᓚᖕᓂᖅ, ᐃᓄᐃᑦ ᐃᖢᕐᕆᓕᖅᑎᓪᓗᒋᑦ, ᐅᕝᕙᓘᓐᓃᑦ ᐃᒃᐱᒍᓱᒃᓗᑎᒃ ᐊᓯᒥᑕ ᐃᒃᐱᒋᔭᖏᓐᓂᒃ. "ᖃᐅᔨᓗᒋᑦ ᓱᓇᐅᒻᒪᖔᑕ ᑐᓂᕐᕈᓯᐊᑎᑦ, ᐅᐱᒋᓗᒋᓪᓗ, ᓴᙱᓕᑎᑦᓯᓂᕐᒥᑦ ᑕᐃᒃᑯᓂᖓ ᐊᑐᕐᓂᕐᒥᓪᓗ ᑕᐃᒃᑯᓂᖓ ᐱᔪᓐᓇᕐᓂᓕᒫᓐᓂᑦ. ᐃᓕᓐᓂᐊᖏᓐᓇᕐᓗᑎᓪᓗ. ᐃᓛᓐᓂᒃᑯᑦ ᓄᖅᑲᖓᑲᐃᓐᓇᐸᒃᑲᑦᑕ ᐃᓕᓐᓂᐊᕐᓂᑦᑎᓐᓂᒃ, ᖃᓄᐃᓐᖏᑦᑐᖅ, ᐅᑎᖏᓐᓇᓲᖑᒐᑦᑕ. ᐅᑎᑐᐃᓐᓇᕐᓗᑎᑦ ᐊᑲᐅᓯᕚᓪᓕᕈᕕᑦ," ᑲᔪᓯᓗᓂ. 

ᒪᒃᑯᒃᖢᓂ, ᑑᕆᔅ ᐃᓱᒪᓚᐅᖅᑐᖅ ᐃᓄᑑᓇᓱᒋᓪᓗᓂ ᐊᒃᓱᕈᕐᓇᖅᑐᒃᑰᖅᑎᓪᓗᒍ ᐊᓯᖏᓪᓗ ᐊᑐᙱᖦᖢᑎᒃ ᐊᑐᖅᑕᒥᓂᒃ. ᒫᓐᓇ ᐃᓐᓇᐅᓪᓗᓂ, ᖃᐅᔨᒪᔪᖅ ᑕᐃᒪᐃᙱᓐᓂᖓᓂᒃ ᐊᒥᖅᑳᕈᑎᖃᕐᖢᓂᓗ ᐊᑐᕐᓂᑯᖏᓐᓂ ᐊᓯᖏᑦ ᐃᓄᑑᓗᐊᖅᑰᔨᙱᖦᖢᑎᒃ. ᐃᓄᖕᓂᒃ ᑲᑎᖃᑎᖃᕐᓂᖅ, ᑲᑎᖃᑎᖃᕐᓂᖅ ᐃᓕᓐᓂᐊᖅᑎᓂᒃ, ᑕᑯᓗᒋᑦ ᐱᕈᖅᐸᓪᓕᐊᑎᓪᓗᒋᑦ, ᑕᑯᓗᒋᑦ ᑎᑭᐅᑎᓂᕐᒧᑦ ᑐᕌᒐᖏᓐᓄᑦ, ᑯᕆᔅᑕᓐ ᑐᑐᔅ ᐊᓯᔾᔩᔪᖅ. ᐃᓕᓴᐃᓪᓗᓂ ᐃᓕᑕᖏᓐᓂᒃ ᓲᖃᐃᒻᒪ ᐃᓕᓴᐃᔨᑦ ᐱᔪᒪᓕᖅᑎᖦᖢᓂᒋᑦ, ᐃᓅᓯᖅ ᐊᖕᒪᓗᖅᓯᓯᒪᔪᖅ ᑐᙵᓱᒃᑎᑦᑎᓪᓗᓂᓗ ᐅᓄᕐᓂᖅᓴᓂᒃ ᐃᓄᖕᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.