ᓄᑕᖅᑲᓂᒃ ᐃᑲᔪᓯᒋᐊᓚᐅᖅᑐᖅ ᐃᓕᓐᓂᐊᕐᕕᐊᕈᓯᕐᒥ, ᐊᓱᐃᓛᒃ ᑎᑎᕋᕐᖢᓂ ᕿᒥᕐᕈᐊᒐᕐᓂᑦ ᐱᔪᒪᓕᖅᑎᓐᓇᓱᒃᖢᒋᑦ ᖁᕕᐊᒋᓪᓗᓂᒋᓪᓗ. ᓕᐊᔅᓕ ᒐᓐᑐᓪ ᒪᒃᑯᓛᖑᕗᖅ 7-ᓂᒃ ᕿᑐᕐᖓᓕᒃ, ᐱᕈᖅᓴᓪᓗᓂ ᐃᒥᐊᓗᓗᐊᖃᑦᑕᖅᑐᒧᑦ ᐊᑖᑕᒧᑦ ᐊᒻᒪᓗ ᑐᓵᖏᑦᑐᒧᑦ ᐊᓈᓇᐅᓪᓗᓂ ᐃᓚᒥᓄᑦ ᓅᓚᐅᖅᑐᖅ ᐊᑖᑕᖓᑕ ᐅᓇᑕᖅᑐᒃᓴᖁᑎᖏᓐᓄᑦ. ᖃᐅᔨᒪᓚᐅᕋᓗᐊᖅᑎᓪᓗᒍ ᖃᑕᙳᑎᖏᑦ ᓄᓇᖃᖅᑳᖅᓯᒪᔪᓂᒃ ᓯᕗᓕᕕᓂᖏᓐᓂᒃ, ᐊᒃᑐᐊᓂᖃᙱᑦᑐᖅ ᓄᓇᓕᖓᓄᑦ ᐊᒻᒪ ᐱᐅᓯᕆᔭᐅᕙᓚᐅᖅᑐᑦ ᑲᙳᓲᑎᒋᔭᐅᙱᖦᖢᑎᒃ. ᑲᑎᑎᑕᐅᓯᒪᔪᖅ ᐱᖓᓱᓂᒃ ᐃᓐᓇᕐᓂ ᕿᑐᕐᖓᓕᒃ ᐊᒻᒪᓗ ᓄᖅᑲᕈᒪᓕᓚᐅᖅᑐᖅ ᓄᑕᕋᐅᓂᕐᒥᓂᒃ.

ᐃᖅᑲᓇᐃᔭᖅᑎᓪᓗᒍ, Gentile−ᑯᑦ ᐱᓕᕆᓚᐅᖅᐳᑦ ᐃᓕᓐᓂᐊᕐᕕᖕᒥ ᐃᑲᔪᖅᑎᐅᓪᓗᓂ ᐃᑲᔪᖅᑐᐃᓪᓗᓂ ᐃᓕᓐᓂᐊᖅᑎᓂᒃ ᑎᒥᒥᒍᑦ ᐊᔪᕈᑎᓕᖕᓂᒃ. ᓂᔾᔭᐅᓯᔭᖅᑎᐅᓚᐅᕐᒥᔪᖅ ᐊᒻᒪᓗ ᐃᓐᖏᖅᑎᐅᓪᓗᓂ ᐊᒻᒪᓗ ᓇᔅᓴᖅᑐᓂ ᐃᖅᑲᓇᐃᔮᖓᓄᑦ. ᐃᙱᐅᓯᖏᑦ ᖃᐅᔨᓇᓱᖃᑦᑕᖅᐳᑦ ᐃᒃᐱᒋᔭᒃᑯᑦ ᐱᓕᕆᐊᒥᒋᔭᖏᓐᓂᒃ ᐊᒻᒪ ᐃᓅᖃᑎᒌᒍᓯᖏᓐᓂᒃ. ᑕᓪᓕᒪᑦ ᐊᕐᕌᒍᐃᑦ ᓈᓕᖅᑐᑦ, ᑎᑎᕋᓚᐅᖅᓯᒪᔪᖅ ᓯᕗᓪᓕᖅᐹᒥ ᐅᖃᓕᒫᒐᓕᐊᒥᓂᒃ, ᐃᐅᓪᕕᔅ, ᐅᕙᖓ ᐊᒻᒪᓗ ᓕᒪᓐᑦ ᓇᖏᖅᑐᑦ ᐊᐅᔭᒥ. ᐅᖃᓕᒫᒐᓕᐅᖅᑎᐅᔪᖅ ᑎᑎᕋᓚᐅᖅᑐᖅ ᐊᒻᒪᓗ ᓂᕈᐊᕋᔅᓴᓕᐊᖑᓪᓗᓂ 12-ᓄᑦ ᑐᓂᕐᕈᑎᓄᑦ, ᓵᓚᖃᖅᑐᓂ ᑲᓇᑕᒥ ᑐᓂᕐᕈᑎᒥᒃ, ᔩᓐ ᓕᑐᓪ ᓯᕗᓪᓕᖅᐹᖅ ᓵᓚᖃᐅᓯᐊᖅ ᐊᒻᒪᓗ ᕕᒃᑐᐊᕆᐊ ᓱᕈᓯᕐᓄᑦ ᐅᖃᓕᒫᒐᕐᓄᑦ ᓵᓚᖃᐅᓯᐊᖅ. ᒪᕐᕈᑲᓐᓃᓐᓂᒃ ᐅᖃᓕᒫᒐᓕᐅᒃᑲᓐᓂᓚᐅᖅᐳᖅ ᐃᐅᓪᕕᔅ-ᒥ . ᐊᑕᐅᑦᑎᒃᑯᓪᓗ, ᓈᓚᐅᑎᒃᑰᖃᑦᑕᕐᒥᔪᖅ podcasts-ᒥ ᓄᑕᖅᑲᓄᑦ ᐃᓚᒋᔭᐅᓪᓗᓂ ᖃᐅᔨᓇᓲᑎᓄᑦ ᑕᕐᕆᔮᒃᓴᓄᑦ ᑕᐃᔭᐅᔪᖅ ᐋᒡᑕ ᑯᕆᓯ ᑎᑕᑎᔅ ᐱᓕᕆᕝᕕᒃ, ᑕᐃᑲᓂᓗ ᐱᖃᓐᓇᕆᔭᖓᓗ, ᐅᐃᔾᔮᖅᑐᖅ, ᑲᐃᓪᓗᐊᕈᑎᒦᖦᖢᓂ, ᐋᖅᑭᒃᓯᓪᓗᓂ ᖃᐅᔨᒪᓇᙱᑦᑐᓂᒃ ᓄᓇᓕᖕᒥᓂ. 

ᐃᓱᒪᓪᓗᓂ ᑐᓗᖅᑕᕈᑎᓂᒃ ᕐᑳᖏᐅᑎᓯᒪᔭᖓᓂᒃ, Gentile−ᒧᑦ ᓯᓚᑦᑐᖅᓴᕐᕕᖕᔪᐊᓕᐊᕈᓐᓇᙱᖦᖢᓂ ᐊᓈᓇᒋᔭᐅᓗᓂ ᓄᑕᖅᑲᓄᑦ. ᐃᓕᓐᓂᐊᓚᐅᖅᑐᖅ ᐅᖃᓕᒫᒐᖃᕐᕕᓕᐊᖅᖢᓂ ᐅᖃᓕᒫᖅᖢᓂᓗ ᑎᑎᕋᖅᑕᓕᒫᒥᓂᒃ. ᐊᓯᐊᓂ ᐊᒃᓱᕈᓚᐅᖅᑐᖅ ᐃᓅᖃᑎᒥᓄᑦ ᐅᒃᐱᕈᓱᖕᓂᕐᒥᓄᑦ ᐱᔾᔪᑎᓄᑦ ᐱᕈᖅᐸᓪᓕᐊᓂᖓᓄᑦ, ᐅᑎᖅᑎᖦᖢᓂᒋᑦ ᓇᖕᒥᓂᖅ ᐱᖃᑎᖃᕐᓂᕐᒧᑦ ᐱᔪᓐᓇᕐᓂᖓᓄᓪᓗ ᓈᒻᒪᒃᓗᓂ ᐃᖅᑲᓇᐃᔭᕐᕕᖕᒥ. ᑕᐃᑉᓱᒪᓂ, ᐃᓄᖕᓂᒃ ᐃᓯᖅᑎᑦᑎᓚᐅᖅᑐᖅ ᐊᒻᒪᓗ ᐆᒻᒪᓯᕆᑉᓗᓂ ᓴᙱᔪᓄᑦ ᐊᕐᓇᓄᑦ ᐅᖓᓯᒃᑐᒥᑦ ᐃᓕᓐᓂᐊᕐᓂᕐᒧᑦ ᐱᓕᕆᓚᐅᖅᑐᖅ ᑎᓕᐅᕆᑉᓗᓂ ᓂᔾᔭᐅᑎᖏᓐᓂᒃ ᐊᒻᒪᓗ ᐱᐅᒋᑦᑎᐊᓚᐅᖅᑕᖓ. "ᐊᖏᓛᖅ ᐅᕙᓐᓄᑦ ᐅᒃᐱᕆᔭᐅᔪᓐᓇᖅᖢᖓ ᒫᓐᓇᓗ ᐃᓕᑦᑎᓯᒪᓕᖅᑐᖓ ᐆᒻᒪᑎᒐ ᒪᒃᐱᑐᐃᓐᓇᕐᓗᒍ ᐅᖃᓪᓚᒃᖢᖓᓗ ᓯᓚᕐᔪᐊᒧᑦ, ᓯᕗᕚᑦᑎᓐᓄᑦ, ᐃᑲᔪᖅᑕᐅᔪᒪᓕᖅᖢᖓ ᐊᒻᒪ ᐅᕙᓐᓄᑦ ᐊᔾᔨᒌᙱᑦᑐᒃᑯᑦ," ᓇᓗᓇᐃᖅᓯᓪᓗᓂ.

ᐅᖃᓕᒫᒐᖓ ᐊᖏᖅᑕᐅᖕᒪᑦ ᐅᖃᓕᒫᒐᙳᖅᑎᑕᐅᓂᕐᒧᑦ, Gentile ᖃᐅᔨᔭᐅᓚᐅᕐᒥᔪᖅ ᐃᒡᓕᐊᒃᑯᑦ ᐋᓐᓂᐊᖃᕐᓂᖓᓂᒃ. ᐃᓅᓕᓴᖅᑕᐅᓚᐅᖅᑐᖅ ᐅᖃᖃᑎᖃᖅᖢᓂᓗ ᐃᒃᐱᓐᓇᐃᑐᓕᓂᖃᕐᓂᕐᒧᑦ, ᑕᑯᒃᓴᐅᔪᒃᑯᑦ ᐊᒻᒪ ᐃᓱᒪᒃᓴᖅᓯᐅᖅᑎᑕᐅᓪᓗᓂ, ᐃᑲᔪᖅᑕᐅᔪᒪᓪᓗᓂ ᐊᒻᒪ ᐃᓕᑦᑎᔪᒪᓪᓗᓂ. ᖃᐅᑕᒫᑦ ᖁᔭᓕᖃᑦᑕᓚᐅᖅᐳᖅ ᐊᒻᒪ ᐃᓱᒪᑦᑎᐊᕈᓐᓇᖅᓯᕙᒃᖢᓂ ᖃᓄᐃᑦᑐᓐᓃᖅᐸᓪᓕᐊᓂᖓᓄᑦ.

ᑲᔪᓯᓯᒪᔪᖅ ᐊᔪᕈᓐᓃᖅᓴᖃᑦᑕᕐᓂᕐᒥᓂᒃ ᐊᒻᒪᓗ ᔫᒐᒥᒃ ᐱᓱᒃᐸᒃᑭᓪᓗᓂ ᕿᔪᖕᓄᑦ ᖃᓄᐃᙱᑦᑎᐊᖏᓐᓇᖁᓪᓗᒍ. "ᓄᓇᒥ ᓄᓇᑐᐃᓐᓇᕐᒦᑦᑕᕆᐊᖃᖅᑐᖓ ᐊᒻᒪ ᓄᓇᑐᐃᓐᓇᕐᒥ. ᑕᐃᒪᐃᙱᒃᑳᖓᒪ, ᓇᓗᓕᓲᖑᔪᖓ. ᑕᓕᐊᕋ ᓴᙲᑦᑐᑯᓘᖅᑰᔨᔪᖅ," ᐅᕕᖓᓪᓗᓂ. ᑕᐅᑐᒃᖢᓂ ᓈᓚᒃᖢᓂᓗ ᑎᖕᒥᐊᓂᑦ, ᑐᑭᖃᑦᑎᐊᕐᐳᖅ ᐃᙱᐅᓯᖏᓐᓂᑦ ᐊᐅᓚᓐᓂᖏᓐᓂᒡᓗ.

Gentile−ᑯᑦ ᑐᓴᖅᑎᑦᑎᔪᓐᓇᖅᐸᑕ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐃᒪᐃᓐᓇᔭᖅᐳᖅ, "ᑲᑉᐱᐊᓱᓗᐊᙱᓪᓗᑎᑦ, ᐅᒃᐱᕆᔭᖃᕐᓗᑎᓪᓗ ᐃᓱᒪᒥᐅᑕᕆᔭᕐᓂᒃ, ᓇᖕᒥᓂᕐᓗ ᐅᒃᐱᕆᓂᖅᓴᐅᓗᑎᑦ. ᐅᒃᐱᕆᓗᒍ, ᐱᕈᖅᑎᓪᓗᒍ ᐊᒻᒪᓗ ᐃᓕᑦᑎᓗᑎᑦ ᓇᒡᓕᒍᓱᖕᓂᕐᒥᒃ." ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ "ᐊᔪᖅᓯᓯᒪᓗᐊᖅᑰᔨᑐᐃᓐᓇᕆᐊᖃᖅᑐᑎᑦ, ᑭᓯᐊᓂ ᑭᓇᒥᑭᐊᖅ ᐃᑲᔪᖅᑐᖃᐃᓐᓇᐅᔭᖅᑐᖅ. ᐆᒻᒪᑏᑦ ᒪᑐᐃᕆᐊᖃᑐᐃᓐᓇᖅᑕᐃᑦ ᐱᕙᒌᔭᖅᓯᒪᓗᑎᓪᓗ ᐃᑲᔪᖅᑕᐅᔪᒪᓗᑎᑦ."

ᑕᐃᒃᑯᓄᖓᓕ ᐃᓄᓐᓄᑦ ᑲᔪᖏᖅᓴᐃᔪᓄᑦ, ᓂᔾᔭᐅᓯᔭᖅᑎ ᐹᓂ ᐱᓐᑐᓪ ᐱᖃᓐᓇᕆᔭᐅᓕᖅᑐᖅ ᐊᒻᒪᓗ ᓂᔾᔭᐅᑎᖓ ᖁᔭᓕᔪᖅ ᖃᓄᖅ ᓂᔾᔭᐅᓯᔭᖃᑦᑕᕐᒪᖔᖅ ᓇᓪᓕᒋᔭᒥᓄᑦ. ᐱᒃᑯᒋᔭᖃᖅᐳᖅ ᓄᓇᓕᖕᒥᐅᓂᒃ ᓄᓇᖃᖅᑳᖅᑐᓂᒃ ᐆᒻᒪᕆᐊᖅᑎᑦᑎᔪᓂᒃ ᐅᖃᐅᓯᕐᒥᓂᒃ ᐃᓚᐅᓕᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᒥᒃ ᐱᖃᓐᓇᕆᔭᖏᓪᓗ ᐃᓕᓴᐃᔪᑦ ᑕᒪᑐᒥᖓ ᐱᓕᕆᐊᖑᔪᒥ. ᖁᔭᓕᖕᒥᔪᖅ ᐅᖃᓕᒫᒐᓕᐅᖅᑎᓂᑦ ᑭᐊᕕᓐ ᐊᒻᒪ ᕙᓱᓪ ᓯᐅᓪᕝᔅᑐ, ᐊᑖᑕᒋᔭᐅᔪᖅ−ᓴᓐᑐ ᑎᑎᕋᖃᑦᑕᖅᓯᒪᔪᖅ ᐊᑯᓐᓂᖅᓱᖅᑐᓂᑦ ᐅᖃᓕᒫᒐᕐᓂᑦ ᐊᑕᐅᑦᑎᒃᑯᑦ.

ᐱᒋᐊᕐᓂᖓᓂ, ᓕᐊᔅᓕ ᐃᑲᔪᓚᐅᖅᐳᖅ ᓄᑕᖅᑲᓂᒃ ᐃᓕᓐᓂᐊᕐᕕᐊᕈᓯᕐᒥ, ᐊᒻᒪᐃᓛᒃ ᑎᑎᕋᖃᑦᑕᓕᓚᐅᖅᐳᖅ ᐅᖃᓕᒫᒐᕐᓂᒃ ᐃᙱᐅᓯᕐᓂᒡᓗ ᐱᔪᒃᓯᓕᖅᑎᑦᑐᒪᓪᓗᒋᑦ ᖁᕕᐊᓱᒃᑎᖦᖢᒋᓪᓗ. ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑎᐅᓚᐅᖅᑐᖅ ᓯᕗᓪᓕᕐᒥ, ᑭᓯᐊᓂ ᐃᓅᓯᖓ ᓇᖕᒥᓂᖅ ᐃᓕᑦᑎᔾᔪᑎᒋᓪᓗᓂᐅᒃ ᐅᒃᐱᕈᓱᖕᓂᕐᒥᒃ ᐃᓄᖕᓂᒃ, ᒪᒥᑉᐸᓪᓕᐊᓂᕐᒥᒃ ᐃᒃᐱᓐᓇᐃᑐᓕᓂᕐᒥᒃ ᐊᒻᒪ ᐃᓵᖅᑕᐅᑲᑕᓕᕐᓂᕐᒥᒃ. ᓄᑕᕋᐅᓂᕐᒥᓂᒃ ᐊᔪᕐᓇᖅᑐᒃᑰᖅᖢᓂ ᐊᓂᒍᐃᓚᐅᖅᐳᖅ, ᖃᐅᔨᓚᐅᖅᐳᖅ ᓄᑕᖅᑲᓂᒃ ᖁᕕᐊᓱᒃᑎᑦᑎᔪᓐᓇᕐᓂᕐᒥᒃ ᑎᑎᖅᑲᑎᒍᑦ ᑐᓴᕐᓈᕐᓂᒃᑯᓪᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.