"ᖃᓄᑐᐃᓐᓇᖅ ᖁᐊᖅᓵᖅᓯᒪᓂᒃᑰᕋᓗᐊᕈᕕᑦ, ᖃᓄᑐᐃᓐᓇᖅ ᐱᐅᙱᑦᑐᓂᒃ ᖃᓄᐃᑦᑐᖃᕋᓗᐊᖅᐸᑦ ᐃᓅᓯᕐᓂ, ᑲᔪᓯᔪᓐᓇᐃᓐᓇᕈᓐᓇᖅᑐᑎᑦ ᑲᔪᓯᑦᑎᐊᕈᓐᓇᕐᓗᑎᓪᓗ," ᓕᓚᓅᓇ ᓇᐃᑐᑰᓐ ᐊᒥᖅᑳᖃᑎᖃᓲᖅ. ᔅᑑᕐᔭᓐ ᑕᓯᕐᒥᐅᑕᖅ, ᓴᔅᑳᑦᓱᐊᓐᒥ, ᒫᓐᓇ ᓴᔅᑲᑑᓐᒥᐅᑕᐅᓕᖅᑐᖅ. ᐊᕐᕌᒍᓄᑦ ᖁᓕᓄᑦ ᓱᕈᓯᓕᕆᔨᐅᓚᐅᖅᓯᒪᕗᖅ ᐳᕆᓐᔅ ᐋᓪᐳᑦᒥ ᐃᓕᓐᓂᐊᕐᕕᓕᐊᓚᐅᕋᓂ ᓱᕈᓯᕐᓄᑦ ᐃᓱᒪᓕᕆᔨᕈᓚᐅᕋᓂ.

ᓄᑕᖅᑲᓂᒃ ᐱᓕᕆᖃᑎᖃᕈᒪᓚᐅᖅᑐᖅ ᐃᓗᑐᓂᖅᓴᒃᑯᑦ ᑐᑭᖃᕐᓂᖅᓴᐅᔪᒃᑯᓪᓗ ᑭᓯᐊᓂ ᐊᓯᐊᓂᒃ ᐊᖅᑯᑎᒃᓴᖅᓯᐅᓕᓚᐅᖅᑐᖅ... ᐃᓐᓇᐅᓂᖅᓴᖅ ᒪᒃᑯᒃᑐᒥᑦ. ᐃᑦᑕᕐᓂᓴᓕᕆᓂᕐᒧᑦ ᐃᓕᓐᓂᐊᓕᓚᐅᖅᓯᒪᔪᖅ, ᓯᓐᓇᑦᑑᒪᒋᓚᐅᖅᓯᒪᓪᓗᓂᐅᒃ ᓱᕈᓯᐅᒐᒥ ᐊᒻᒪᓗ ᐊᑯᓂᐊᓗᒃ ᖃᐅᔨᒪᔪᒪᓕᓚᐅᖅᑐᖅ ᓯᕗᓕᕕᓂᕐᒥᓂᒃ ᖃᓄᐃᑦᑑᒐᔭᕐᓂᕐᒪᖔᖅ. ᐊᓂᒍᐃᓚᐅᖅᑐᖅ BA−ᒥᒃ ᐃᑦᑕᕐᓂᓴᓕᕆᓂᕐᒥᒃ ᒫᓐᓇᓗ ᐱᓕᕆᐊᖃᓕᖅᖢᓂ Master's degree−ᒥᒃ.

ᓈᑐᕚᓐ ᐃᓕᓐᓂᐊᓚᐅᖅᑐᖅ ᐃᓕᓐᓂᐊᕐᕕᐊᕈᓯᕐᒥ ᐊᒻᒪᓗ ᐃᓕᑦᑎᔪᒻᒪᕆᐅᓪᓗᓂ ᐱᕈᖅᐸᓪᓕᐊᓂᕐᒥᒃ ᕙᓯᒥ. ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓂᒃᑎᓪᓗᒍ, ᓯᓚᑦᑐᖅᓴᕐᕕᒡᔪᐊᓕᐊᓚᐅᖅᑐᖅ ᑭᓯᐊᓂ ᖁᐊᖅᓵᖅᓇᖅᑐᒧᑦ ᖃᓄᐃᔾᔪᑎᖃᓚᐅᖅᑐᖅ ᐊᕐᕌᒍᓄᑦ 6-ᓄᑦ ᐊᓂᔪᓐᓇᖅᓯᓚᐅᖅᐳᖅ. ᐅᑎᓚᐅᖅᑐᖅ ᐃᓐᓇᐅᓪᓗᓂ ᐃᓕᓐᓂᐊᖅᑎᐅᓪᓗᓂ, ᐱᔭᕇᕐᖢᓂᐅᒃ ᐃᓕᓐᓂᐊᕈᑎᖓ ᐊᓯᐊᓄᑦ ᓅᖦᖢᓂ. "ᐊᓂᒍᐃᖃᑦᑕᓕᕈᕕᑦ ᐃᓕᓐᓂᐊᖅᑕᕐᓂᑦ, ᐱᓯᒪᐃᓐᓇᕆᐊᖃᖅᑕᑦ ᐃᒃᐱᒋᙱᒃᑯᕕᐅᒃᓗ, ᓄᖅᑲᖓᓚᐅᑲᒋᐊᖃᖅᑐᑎᑦ," ᐅᖃᐅᔾᔨᔪᖅ.

ᓇᖕᒥᓂᖅᓱᕐᓂᖅ ᐊᒻᒪ ᐃᒻᒥᒃᑰᕈᓐᓇᕐᓂᖅ ᐃᓐᓇᐃᑦ ᐃᓕᓐᓂᐊᕐᓂᖏᓐᓂᒃ ᐋᖅᑭᒋᐊᖅᑕᐅᓯᒪᕗᖅ ᑎᓕᐅᕆᓪᓗᓂᓗ ᒪᒃᑯᒃᑐᓂᒃ ᑲᒪᒋᔭᖃᖁᓪᓗᒋᑦ ᐃᓕᓐᓂᐊᖅᑕᖏᓐᓂᒃ. ᐃᓕᓐᓂᐊᕆᐊᕐᓂᐊᕈᑎᒃ, ᕿᓂᖁᔨᕗᖅ ᓄᓇᓕᖕᓂ ᐃᑲᔫᑎᒃᓴᓂᒃ ᐊᒻᒪ ᐱᔭᕆᐊᖃᕐᓂᖅᐹᖏᑦ ᒪᓕᒃᑕᐅᒐᓗᐊᕐᒪᖔᑕ: ᓂᕆᔭᒃᓴᑦ, ᐃᒡᓗᓕᕆᓂᖅ, ᐃᖏᕐᕋᔾᔪᑎᑦ ᐊᒻᒪ ᖃᕋᓴᐅᔭᖃᖅᑎᑦᑎᓂᖅ ᐃᓕᓐᓂᐊᕐᕕᖕᒧᑦ. ᓇᐃᑐᕼᐅᑲᓐ ᐊᐱᕆᖁᔨᕗᖅ ᑲᔪᖏᖅᓴᐃᔨᓂᑦ ᐃᑲᔪᖅᑕᐅᔪᒪᓗᓂ ᐅᖃᐅᔾᔪᐃᓗᓂᓗ ᖃᓄᖅ ᑕᒪᒃᑯᐊ ᐱᔭᐅᔭᕆᐊᓖᑦ ᐱᓕᕆᐊᖑᔪᓐᓇᕐᒪᖔᑕ.

ᐃᓅᖃᑎᒌᓂᑦ ᑲᓱᖅᓯᒪᓂᖅ ᐱᔭᕆᐊᖃᕐᒥᔪᖅ ᑕᑕᑎᕆᓂᕐᒥᑦ, ᖃᐅᔨᒪᑦᓱᑎᓪᓗ ᓯᕗᓪᓕᕐᒥᑦ ᖃᓄᖅ ᐱᒻᒪᕆᐅᑎᒋᒻᒪᖔᑦ ᓴᖅᑭᑎᑦᓯᓂᕐᒥᑦ ᐱᓕᕆᖃᑎᒌᓐᓂᕐᒥᑦ ᐃᑲᔪᖅᑐᓂᕐᒥᑦ ᐱᔭᕆᐊᑐᓕᕋᐃᑉᐸᑦ. ᐸᕐᓇᐅᑎᑕᖃᖅᑎᓐᓇᒍ ᑭᙴᒪᒋᔭᖏᓐᓂᑦ ᐊᒻᒪ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᐱᑕᖃᖅᑎᓐᓇᒍ, ᓈᑐᕚᓐ ᑕᒻᒪᓚᐅᖅᑐᖅ ᐊᖏᕐᕋᒧᑦ ᐊᔪᕐᓇᖅᓯᑎᓪᓗᒍ. ᐊᒃᑐᐊᓂᖃᓗᐊᙱᑦᑐᖅ ᑭᓯᐊᓂ ᐱᐅᓂᕆᔭᖓ − ᐱᖃᑎᖃᕐᓂᖅ ᐃᓄᖕᓂᒃ ᐱᐅᔪᒥᒃ ᐱᔪᒪᓕᖅᑎᑦᑎᔪᓂᒃ ᑲᒪᑦᑎᐊᖅᑐᓂᒃᓗ ᓯᕗᓂᒃᓴᕐᓂᒃ. ᐃᒃᐱᒍᓱᒃᑐᖅ ᐱᒻᒪᕆᐅᓂᖓᓂᒃ ᐃᓅᖃᑎᖃᕋᓱᒃᑕᐃᓕᒪᓗᓂ ᐃᒥᕋᓚᒡᕕᖕᓂᓗ.

ᓄᖅᑲᖓᑲᐃᓐᓇᕐᓂᖅ ᓯᓚᑦᑐᓴᕐᕕᕐᔪᐊᕐᒨᑲᐅᑎᒋᙱᓪᓗᓂ ᐃᓱᒪᑦᑎᐊᕈᑎᑦᑎᐊᕙᐅᔪᓐᓇᖅᑐᖅ ᐱᑐᐃᓐᓇᕆᐊᖃᙱᒃᑯᕕᑦ ᐃᖅᑲᓇᐃᔭᕆᐊᕐᓗᓂᓗ, ᖃᐅᔨᓪᓗᓂ. ᓯᕗᓪᓕᖅᐹᒥ ᓄᓇᓕᐸᐅᔭᒥ ᐃᓪᓗᖓ ᓯᕗᓂᐊᒍᑦ ᐱᓯᒪᓚᐅᖏᑕᖓ ᐊᒻᒪᓗ ᐃᓕᕋᓇᖅᑐᓂ ᐊᑐᖅᑐᓂ ᐃᖏᕐᕋᔾᔪᑎᓂᒃ. ᐱᓕᕆᐊᖃᖅᐸᓚᐅᓐᖏᓚᖅ ᑭᖑᕙᖅᑐᓂᒃ ᐱᓕᕆᐊᔅᓴᓂᒃ ᐊᒻᒪ ᐱᐅᓂᖅᐹᖑᒍᓐᓃᖅᑐᓂ ᐸᕐᓇᐅᑎᐅᓪᓗᓂ.  "ᐃᓕᓴᐃᔨᕕᑦ ᓂᐊᖁᖓ ᐊᑐᕐᓗᒍ ᐃᑲᔪᕐᔪᐊᕐᓂᐊᖅᑐᖅ ᐃᓕᖕᓂᒃ ᐊᑯᓂᐅᔪᒃᑯᑦ," ᐅᖃᖅᑐᖅ.

ᐊᐃᑉᐸᖓᑦᑕᐅᖅ ᖃᐅᔨᓚᐅᖅᑕᖓ ᓂᐊᖁᖓᒎᕆᐊᖃᓚᐅᖅᑐᖅ ᓇᓗᓇᐃᖅᑕᐅᓪᓗᓂ ᐊᒻᒪᓗ ᑕᐃᔭᐅᓪᓗᓂ ᐃᓅᓪᓗᓂ ᐃᓕᓐᓂᐊᖃᑎᒥᓂ. ᑕᒪᓐᓇ ᓴᖅᑭᕈᓐᓇᖅᑐᖅ ᐃᓕᖅᑯᓯᕐᒥᑦ ᐅᔾᔨᕈᓱᑦᓯᐊᖏᓐᓂᕐᒥᑦ ᑐᑭᓯᐅᒪᖏᓐᓂᕐᒥᓪᓗ ᖃᓄᖅ ᐊᔾᔨᒌᖏᑦᑐᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ. ᖃᐅᔨᒪᙱᒻᒪᑕ ᐊᑕᐅᓯᖅ ᐃᓄᒃ ᓂᓪᓕᐊᒍᓐᓇᖏᒻᒪᑦ ᑭᒡᒐᖅᑐᐃᓗᓂ ᐊᒥᓱᓂᒃ ᓄᓇᓕᓐᓂᒃ.

ᑭᖑᒧᑦ ᑕᑯᓪᓗᓂ, ᐃᒻᒥᓂᒃ ᐅᖃᐅᔾᔨᔪᒪᕗᖅ ᑲᑉᐱᐊᓱᖁᙱᖦᖢᒍ ᖃᓄᐃᓕᐅᕈᒪᔭᒥᓂᒃ ᓯᓚᑦᑐᖅᓴᕐᕕᒡᔪᐊᒥ ᑲᑉᐱᐊᓱᙱᖦᖢᓂᓗ ᐱᖃᓐᓇᕆᔭᖅᑖᕆᐊᒃᓴᖅ. ᐊᐃᑉᐸᕆᓕᖅᑕᖓᓂ, ᓯᕘᕋᙱᓐᓂᖅᓴᐅᓪᓗᓂ ᐱᖃᓐᓇᕆᔭᖏᓪᓗ ᐊᔪᕐᓇᙱᓐᓂᖅᓴᐅᑎᖦᖢᓂᒋᑦ.  ᓇᐃᔫᕐᑯᕐᑯᓐ ᑲᑉᐱᐊᓱᖁᙱᖦᖢᓂᒋᑦ ᐃᑲᔪᖅᑕᐅᔭᕆᐊᒃᓴᖅ, ᑲᑎᖃᑎᖃᕆᐊᒃᓴᖅ ᓄᑖᓂᒃ ᐃᓄᖕᓂᒃ, ᐃᓚᐅᖃᑕᐅᓗᓂ ᐱᓕᕆᖃᑎᒌᓂᒃ ᐊᑲᕐᕉᑎᖃᕐᓗᓂᓗ ᐊᑐᐃᓐᓇᐅᔪᓕᒫᓂᒃ ᐱᕕᒃᓴᓂᑦ.

ᐅᓪᓗᒥ ᒪᒃᑯᒃᑐᖅ ᑕᐃᒪᓐᓇᓴᐃᓐᓇᖅ ᑕᒻᒪᖁᙱᖦᖢᓂᐅᒃ ᐃᓚᐅᑐᐃᓐᓇᕐᓗᓂᓗ. "ᐅᓄᖅᑐᐊᓘᖕᒪᑕ ᐃᓐᓄᒋᐊᓕᑦ, ᐱᔭᕆᐊᖃᖅᖢᑎᒡᓗ. ᐃᓕᒌᓂᑦ ᐱᔭᕆᐊᖃᕐᒪᑕ. ᐃᖃᐃᓕᓴᕐᕕᖕᒦᑦᑕᕆᐊᖃᖅᐳᑦ, ᑕᑕᑎᕆᔭᕆᐊᖃᕐᒪᑕ ᑖᒃᑯᓂᖓ ᐃᓂᓂᒃ, ᐊᒻᒪ ᐱᓕᕆᔪᓐᓇᕐᓗᑎᒃ ᐱᓕᕆᐊᕆᔪᒪᔭᒥᓂᒃ," ᑎᓕᐅᕆᕗᖅ.

ᓴᐱᓕᖅᑕᐃᓕᓂᖅ ᑎᓕᐅᕆᕗᖅ ᒪᒃᑯᒃᑐᓂᑦ ᐃᓕᓐᓂᐊᕆᐊᕈᒪᔪᓂᑦ ᓂᕆᐅᒃᐳᕐᓗ ᐊᔾᔨᖃᖅᑎᑦᑎᔾᔮᕋᓱᒋᙱᖦᖢᓂᒋᑦ ᐃᖏᕐᕋᓂᖏᓐᓂᑦ ᐃᓕᓐᓂᐊᖃᑎᒥᓄᑦ. "ᐃᓅᓯᐃᑦ ᐊᖅᑯᑎᒋᓂᐊᖅᑕᕐᓂᒃ ᐊᑐᕐᓂᐊᖅᑐᖅ ᖃᐅᔨᒪᙱᑕᕐᓂᒃ. ᖃᐅᔨᒪᓚᐅᙱᓐᓇᒪ ᐃᑦᑕᕐᓂᓴᓕᕆᔨᙳᕐᓂᐊᕐᒪᖔᕐᒪ. ᑭᓯᐊᓂᓕ ᐅᕙᖓ, ᑕᐃᒪᐃᓕᐅᖅᑐᖓ ᐊᒻᒪᓗ ᓇᓪᓕᒋᓪᓗᒍ. ᓯᕗᒻᒧᐊᒃᐸᓪᓕᐊᖏᓐᓇᕆᑦ," ᓇᐃᑐᕚᓐ ᑎᓕᐅᕆᕗᖅ.

ᐊᐅᓚᓐᓂᐊᕐᓗᒍ ᐃᓱᒪᖓ, ᐃᓅᓯᓕᕆᔨᒥᒃ ᓇᓂᓯᓚᐅᖅᑐᖅ ᐅᖃᖃᑎᖃᕈᓐᓇᖅᑐᒥᒃ ᖃᔅᓰᕌᕐᔪᒃᖢᓂ ᑕᖅᑭᒥ. ᐆᒻᒪᕆᒐᓱᓲᖅ ᓯᓚᒦᖏᓐᓇᕋᓱᒃᐸᒃᖢᓂᓗ ᖃᐅᑕᒫᑦ. ᐃᖃᐃᓕᓴᕐᕕᓕᐊᕈᒪᒍᓂ ᐅᕝᕙᓘᓐᓃᑦ ᔫᒐᓕᐅᕆᐊᒃᓴᖅ ᐊᖏᕐᕋᒥᓂᒃ ᐊᐅᓚᑲᑕᐃᓐᓇᕈᒪᓪᓗᓂ ᐊᒻᒪ ᓴᓇᙳᐊᕆᐊᒃᓴᖅ ᖁᕕᐊᒋᓪᓗᓂᐅᒃ. ᐊᒥᐊᕆᓂᕐᒥᑦ, ᑎᑎᖅᑐᒐᕐᓂᕐᒥᑦ, ᑮᓇᒃᑯᑦ ᑮᓇᒃᑯᑦ ᐊᒻᒪᓗ ᓴᓇᑐᓂᕐᒥᑦ, ᓇᐃᑐᕚᓐ ᖁᕕᐊᒋᔭᖃᖅᑐᖅ ᐱᓕᕆᐊᖓᓂᑦ Twitch-ᑯᑦ ᐅᕝᕙᓘᓐᓃᑦ Youtube-ᑯᑦ. ᖃᕋᓴᐅᔭᒃᑯᑦ ᐱᙳᐊᖃᑎᖃᕈᓘᔭᖃᑦᑕᓚᐅᖅᐳᖅ ᐱᖃᓐᓇᕆᔭᒥᓂᒃ ᐊᒻᒪ ᐱᙳᐊᖃᑎᒋᔪᒪᖃᑦᑕᖅᑕᒥᓂᒃ ᖁᕕᐊᒋᓪᓗᓂᒋᑦ.

ᐱᔪᒃᓯᑎᑦᑎᔭᕆᐊᖃᓕᕌᖓᑦ, ᐊᓯᒥᓄᑦ ᑕᐅᑐᒃᐸᒃᐳᖅ ᐱᓕᕆᑎᓪᓗᒍ, ᑕᒪᒃᑯᐊᓗ ᓂᐊᖁᖅᓯᐅᖅᖢᑎᒃ ᐃᓂᖃᖅᖢᑎᒡᓗ ᐊᓯᒥᓄᑦ, ᐱᓕᕆᐊᖃᖅᐸᒃᖢᓂᓗ ᑕᒪᓐᓇᓗ ᐊᓯᔾᔨᕐᓂᖃᖅᖢᓂ. "ᑕᑯᔭᕌᖓᒪ ᐊᓯᖏᓐᓂᒃ ᐃᓄᖕᓂᒃ ᐱᓕᕆᑦᑎᐊᖅᑐᓂᒃ, ᐱᓕᕆᑦᑎᐊᕈᒪᖃᑦᑕᖅᑐᖓ," ᖁᖓᑉᐸᒃᖢᓂ. ᖃᖓᑐᐃᓐᓇᖅ ᓈᑐᕚᓐ ᐃᓱᒪᓕᕋᐃᒐᒥ ᐃᖅᑲᓇᐃᔮᖓ ᖃᓄᐃᑦᓴᖏᑉᐸᑦ, ᑕᑯᓐᓇᖃᑦᑕᖅᑐᖅ ᐃᖅᑲᓇᐃᔭᖃᑎᖏᑦ ᖃᓄᖅ ᐃᓱᒪᒻᒪᖔᑕ ᐅᕝᕙᓘᓐᓃᑦ ᐊᓯᖏᑦ ᖃᓄᐃᓕᐅᖃᑦᑕᖅᓯᒪᒻᒪᖔᑕ ᑭᖑᓂᑦᑎᓐᓂᑦ ᐆᒻᒪᖅᑯᑎᐅᑉ ᐱᔪᒪᔭᖓᓂᑦ. ᐃᖅᑲᐅᒪᔪᖅ ᑭᓇᐅᓂᕐᒥᓂᒃ ᐊᒻᒪ ᓇᓃᒻᒪᖔᑦ ᐊᒻᒪ ᖃᓄᐃᓕᐅᕐᒪᖔᑦ ᐊᓯᒥᓄᑦ.

ᑭᓱᑭᐊᖅ ᐱᔪᒃᓯᑎᑦᑎᔪᖅ ᖃᐅᔨᒪᓪᓗᓂ ᐱᓕᕆᔨᒻᒪᕆᐅᔪᓐᓇᕐᓂᕐᒥᓂᒃ ᓄᓇᖃᖅᑳᖅᓯᒪᓗᓂ ᑕᑯᑎᓪᓗᒋᓪᓗ ᒪᒃᑯᒃᑐᑦ ᐅᑭᐅᖅᑕᖅᑐᒥᐅᑕᐅᓗᑎᒃ ᐱᔪᓐᓇᖅᑕᖏᓐᓂᒃ. ᑕᒪᓐᓇ ᑕᑯᔅᓴᐅᑎᑦᑎᕗᖅ ᖃᓄᖅ ᑲᔪᓯᔪᓐᓇᕐᒪᖔᖅ ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᒐᓱᐊᖅᑎᓪᓗᒍ. ᑭᓱᓕᒫᓂᒃ ᐊᑐᓚᐅᖅᑎᓪᓗᒍ, ᓕᓚᓄᓇ ᓇᔫᑐᑲᓐ ᖃᐅᔨᒪᔪᖅ ᖃᓄᑎᒋ ᖁᐊᖅᓵᖅᓯᒪᒐᓗᐊᕈᓂ, ᖃᔅᓯᓂᒃ ᐱᐅᙱᑦᑐᓂᒃ ᐊᑐᕋᓗᐊᕈᕕᑦ ᐃᓅᓯᕐᓂ, ᑲᔪᓯᔪᓐᓇᖅᑐᑎᑦ ᑲᔪᓯᑦᑎᐊᕈᓐᓇᖅᖢᑎᓪᓗ. ᐃᓕᓐᓂᐊᕐᒪᑦ ᑭᖑᓂᑦᑎᓐᓂᑦ ᓂᕆᐅᑦᑐᓂ ᐱᐅᓂᖅᓴᒥᑦ ᓯᕗᓂᔅᓴᖃᕈᒪᓪᓗᓂ ᐊᒻᒪ ᐊᓯᐊᒍᑦ ᐱᓯᒪᒐᔭᙱᒻᒪᒍ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.