"ᓇᒡᓕᒋᔭᕐᓂᒃ ᓇᓂᓯᓗᑎᑦ, ᐊᑐᐃᓐᓇᕐᓗᒍᓗ," ᑎᓕᐅᕆᕗᖅ Loïk ᕋᐃᒪᓐ, ᒪᕐᕉᖕᓂᒃ−Spirit outreach Coordinator−ᒥᒃ ᐅᕙᓂ, St. Boniface ᑕᑯᔭᒐᖃᕐᕕᖕᒥ. ᐅᐃᓂᐸᒡᒥᐅᑕᖅ ᑭᓯᐊᓂ ᑯᐸᐃᑉ ᑕᕐᕋᖓᓂᒥᐅᑕᒃᓴᔭᐅᔪᖅ. ᐃᖅᑲᓇᐃᔭᖅᖢᓂ, ᐋᖅᑭᒃᓱᐃᕙᒃᐳᖅ ᑕᑯᔭᒐᖃᕐᕕᖕᒥ ᑕᑯᔭᖅᑐᖅᑎᑕᐅᔪᓂᒃ ᐊᑐᖅᑐᐊᕐᓂᕐᒥᒡᓗ, ᐋᖅᑭᒃᓱᐃᕙᒃᖢᓂ ᐱᓕᕆᐊᒃᓴᓄᑦ, ᐊᐅᓚᑦᑎᕙᒃᖢᓂ ᑭᒃᑯᑐᐃᓐᓇᓄᑦ ᑕᑯᔭᐅᔪᓐᓇᖅᐸᒃᑐᓂᒃ ᒪᓂᓴᐅᓯᐅᖅᑎᑦᑎᕙᒃᖢᓂᓗ ᐃᑭᐊᖅᑭᕕᒡᓗ ᐅᓪᓗᒥᒧᑦ ᐊᖑᒻᒪᑎᕙᒃᖢᓂ.  

ᑕᑯᔭᒐᖃᕐᕕᖕᒥ ᐱᓕᕆᓚᐅᖅᑐᖅ ᐅᓚᒥᖓᓃᓚᐅᙱᑦᑐᖅ ᑭᓯᐊᓂ ᐃᖅᑲᓇᐃᔭᕋᓱᓚᐅᖅᑐᖅ ᓄᓇᓕᖕᓂ ᓴᓈᓄᑦ ᑕᑯᔭᒐᖃᕐᕕᖕᒥ ᓅᑎᓪᓗᒍ ᐅᐃᓂᐹᒡᒧᑦ. ᐱᑕᖃᓚᐅᙱᒻᒪᑕ ᑕᐃᔅᓱᒪᓂ ᑭᓯᐊᓂ ᐃᖅᑲᓇᐃᔭᖅᑎᑖᓕᓚᐅᖅᓯᒪᕗᑦ, ᐃᓯᒐᖅᑖᖅᑎᖦᖢᒍ ᑕᑯᔭᒐᖃᕐᕕᐅᑉ ᐹᖓᓄᑦ/ᐳᓛᕐᕕᖕᒧᑦ. ᐃᓄᖕᓂᒃ ᑲᑎᖃᑎᖃᕐᓂᖅ, ᐃᓚᒋᔭᐅᓪᓗᓂᓗ ᑕᑯᔭᒐᖃᕐᕕᖕᒥ ᓄᓇᕐᔪᐊᓕᒫᒥᑦ ᐊᔾᔨᒌᙱᕈᓘᔭᖅᑐᓄᑦ ᐊᔾᔨᐅᙱᑦᑐᓄᑦ ᐱᔾᔪᑕᐅᕗᑦ ᐊᓕᐊᓇᐃᒋᔭᖏᑦ. 

ᓱᕈᓯᐅᓪᓗᓂ, ᓗᐊᒃ ᓯᓐᓇᑦᑑᒪᖃᓚᐅᖏᑦᑐᖅ ᐊᒻᒪᓗ ᒫᓐᓇ ᐱᓕᕆᐊᖃᓕᖅᑐᖅ ᑲᒪᒋᔭᖃᖅᑐᓂ ᑮᓇᐅᔭᓕᕆᓂᕐᒧᑦ ᑲᒪᒋᔭᕆᐊᓕᒻᒥᓂᒃ. ᐃᓕᓐᓂᐊᕐᕕᑦᑎᐊᕙᐅᔪᓐᓃᖏᓐᓇᐅᔭᖅᑐᖅ ᑭᓯᐊᓂ ᑕᑯᓪᓗᓂ ᐱᒻᒪᕆᐅᓂᖓᓂᒃ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᐊᓂᒍᐃᔾᔪᑎᒥᒃ. ᐊᓈᓇᖓ ᑎᓕᐅᕆᓪᓗᓂ ᓴᓇᔪᓕᕆᓂᕐᒥᒃ ᐃᓕᓐᓂᐊᕆᐊᖁᔨᓪᓗᓂ ᑭᓯᐊᓂ ᐱᔪᒪᙱᖦᖢᓂ.  

ᑎᓕᐅᕆᔪᖅ ᒪᒃᑯᑦᑐᓂᑦ ᐃᖅᑲᓇᐃᔭᖁᔨᑦᓱᓂ ᖁᕕᐊᒋᔭᖏᓐᓂᑦ ᐅᖃᖅᓱᓂᓗ ᐃᓕᓐᓂᐊᕈᓐᓃᕈᕕᑦ, ᐅᔾᔨᕈᓱᑦᑐᑎᑦ ᖃᑦᓯᐅᒻᒪᖔᑕ ᐃᖅᑲᓇᐃᔮᑦ ᐱᑕᖃᕐᓂᖏᓐᓂᑦ ᓄᓇᕐᔪᐊᕐᒥ. "ᐊᑕᐅᓯᕐᒥᒃ ᐃᓅᓯᖃᖅᑐᑎᑦ. ᐃᓅᓯᖅ ᑕᑭᔫᕗᖅ, ᑭᓯᐊᓂ ᓇᐃᖦᖢᓂ," ᓇᓗᓇᐃᖅᐳᖅ. ᐊᖏᔪᑦᑎᖅᐹᖓ ᓇᔭᖓ ᐊᒥᓱᓂᒃ ᐃᖅᑲᓇᐃᔮᖃᖅᓯᒪᕗᖅ ᐊᒻᒪ ᒫᓐᓇ ᐃᓕᓴᐃᔨᒥᒃ ᑭᖑᕝᕕᖅᑎᐅᓕᖅᖢᓂ 30-ᖏᓐᓂ, ᑕᑯᒃᓴᐅᑎᑦᑎᓪᓗᓂ ᑭᖑᕙᓗᐊᓚᐅᖅᓯᒪᙱᖦᖢᓂ ᐃᓕᓐᓂᐊᕐᕕᖕᒧᑦ ᐅᑎᕆᐊᒃᓴᖅ ᐃᓱᒪᐃᑦ ᐊᓯᔾᔨᕈᕕᐅᒃ. ᐊᐃᑉᐸᖓ ᓇᔭᖓ ᐆᒪᔪᕋᓛᓕᕆᔨ. 

ᐊᓈᓇᖓ 6-ᓂᒃ ᐊᔾᔨᒌᙱᑦᑐᓂᒃ ᐃᖅᑲᓇᐃᔮᖃᖅᓯᒪᕗᖅ, ᐅᑯᓂᖓᓗ ᐃᒡᓗᓂᒃ ᓂᐅᕐᕈᑎᖃᖅᖢᓂ, ᐃᔨᓕᕆᔨᓂᒃ ᐱᓕᕆᖃᑎᖃᖅᖢᓂ ᒫᓐᓇᓗ ᖃᖓᑦᑕᐅᓯᕆᔨᐅᓕᖅᖢᓂ. "ᖃᓄᑐᐃᓐᓇᖅᑕᐅᖅ ᐱᓕᕆᔪᓐᓇᕐᒥᔪᓯ ᐃᓅᓯᕐᓂ. ᑕᑭᔪᐊᓘᖕᒪᑦ ᐊᓯᔾᔨᕈᓐᓇᖅᖢᑎᓪᓗ ᐊᕐᕌᒍᑦ ᖁᓕᑦ ᐊᓂᒍᕌᖓᑕ ᐱᔪᒪᒍᕕᑦ," ᑲᔪᓯᓗᓂ. ᐱᕈᖅᓴᐃᓂᖅ ᐱᖓᓱᓂᒃ ᓄᑕᖅᑲᓂᒃ, ᐊᓈᓇᖓ ᓯᓚᑦᑐᖅᓴᕐᕕᒃᔪᐊᒥ ᐃᓕᓐᓂᐊᕐᖢᓂ ᐊᓯᔾᔨᕋᓱᒃᓗᒍ ᐊᖅᑯᑎᑦ, ᐱᓇᓱᒃᓗᓂ ᐃᓅᓯᖓ ᐱᔪᒪᔭᖓ.

ᓗᐊᒃ ᐃᓕᓐᓂᐊᕆᐊᓚᐅᖅᓯᒪᔪᖅ ᓯᓚᑦᑐᖅᓴᕐᕕᒡᔪᐊᖓᓂ ᐋᑐᕚᒥ ᐃᓕᓐᓂᐊᖅᑎᑦᑎᔭᖅᑐᖅᖢᓂ ᖃᓪᓗᓈᑎᑐᑦ ᐊᐃᑉᐸᕆᓪᓗᒍ ᐅᖃᐅᓯᐅᓪᓗᓂ ᑭᓯᐊᓂ ᐃᓕᓐᓂᐊᕐᕕᐊᕈᓯᕐᒥ ᐊᓕᐊᓇᐃᒋᙱᖦᖢᒍ. ᐅᑭᐅᖅᑕᖅᑐᒧᑦ ᐊᒃᑐᐊᖃᑦᑕᐅᑎᔪᑎᒍᑦ, Loïk ᐃᓕᓐᓂᐊᖅᑎᑦᑎᓲᖑᕗᑦ ᓴᓇᐅᒐᕐᓂᒃ ᖁᕕᐊᒋᑦᑎᐊᖅᖢᒍᓗ ᖃᐅᔨᒪᔭᒥᓂᒃ ᑐᓴᖅᑎᑦᑎᔪᓐᓇᕐᓂᖓᓄᑦ ᐃᓕᓐᓂᐊᖅᑎᓂᒃ ᑲᒪᒋᔭᖃᙱᓪᓗᓂ ᐃᑲᕐᕋᐅᑉ ᐅᖓᑖᓄᑦ. ᐃᓕᓴᐃᑎᓪᓗᒍ ᖁᕕᐊᓱᙱᖦᖢᓂ, ᐅᖃᐅᓯᕐᓂᒃ ᐱᐅᒃᓴᑦᑎᐊᖅᑐᖅ ᓱᓕᓗ ᓄᓕᐊᒥᓂᒃ ᐅᖃᑲᑕᐃᓐᓇᖅᖢᓂ. 

ᓯᕕᑐᔫᓗᓂ ᐊᒻᒪ ᐱᓵᓕᓗᐊᙱᓪᓗᓂ Loïk−ᒥ ᐃᒪᐃᖁᔨᕗᖅ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᓕᕌᖓᕕᑦ ᐃᒃᐱᒋᖁᙱᖦᖢᒍ ᐊᓂᒍᐃᔾᔪᑎᑖᕈᑎᖕᓄᑦ. ᐃᖅᑲᓇᐃᔭᖅᖢᓂ ᒥᑭᑦᑐᒥ ᑕᑯᔭᒐᖃᕐᕕᖕᒥ ᐱᓕᕆᓗᑎᓪᓗ ᓯᕗᒻᒧᐊᒃᐸᓪᓕᐊᓂᕐᒧᑦ ᑕᑯᔭᒐᖃᕐᕕᖕᒥ ᓄᓇᕐᔪᐊᕐᒥ, ᐊᖏᓂᖅᓴᑦ ᑕᑯᔭᒐᖃᕐᕕᑦ ᑕᑯᔪᒪᔪᑦ ᐊᕐᕌᒍᓄᑦ ᑕᓪᓕᒪᓄᑦ ᐊᑐᕐᓂᑯᓂᑦ ᓇᒃᓴᓚᐅᙱᓐᓂᖏᓐᓂ. ᑕᐃᒪᓕ, Loïk-ᑯᑦ ᑕᒪᑐᒥᖓ ᐱᓕᕆᔪᓐᓇᖅᓯᓂᐊᖅᐳᑦ ᐊᖏᓂᖅᓴᒃᑯᑦ.  

ᐊᐅᓪᓚᕋᑖᖅᑎᓪᓗᒍ ᓄᓇᓕᐸᐅᔭᕐᒧᑦ, ᖃᐅᔨᓚᐅᖅᑐᖅ ᐊᒃᓱᕈᕐᓇᖅᑐᒥᒃ ᑭᓯᐊᓂ ᐃᓕᑲᐅᖅᑐᕐᖢᓂ ᐱᔪᓐᓇᕐᓂᖅᓴᐅᓂᖓᓂᒃ ᐃᓱᒪᒋᓚᐅᖅᑕᒥᓂᒃ. ᓄᓇᓕᐸᐅᔭᕐᒧᑦ ᓅᓪᓗᓂ ᐃᓕᕋᓱᓕᕐᓇᕐᒪᑦ ᑕᐃᒪᓐᓇᑦᑕᐃᓐᓇᖅ, ᑭᓯᐊᓂ ᑭᖑᓂᐊᒍᑦ ᖃᐅᔨᒐᒥ ᐱᐅᓗᐊᙱᒻᒪᑦ ᐊᒻᒪ ᓇᓂᔭᕐᓂᖅᑐᓂ ᐃᓄᖁᑎᔅᓯᓐᓂᒃ ᓄᓇᓕᐸᐅᔭᐅᑉ ᓄᓇᓕᖏᓐᓂ. ᐊᓯᔾᔩᓂᖅ ᑲᓇᑕᒥ ᐊᕕᑦᑐᖅᓯᒪᔪᓂᑦ ᐋᖅᑭᒋᐊᖅᑕᐅᔪᒻᒪᕆᐅᓚᐅᖅᐳᖅ ᐱᓪᓗᒍ ᐱᓕᕆᔾᔪᓯᐅᔪᑦ ᐊᔾᔨᒌᓐᖏᒻᒪᑕ ᐊᓯᐊᓄᑦ ᐊᒻᒪ ᐃᑉᐱᒍᓱᓚᐅᕐᒪᑦ ᐃᓕᖅᑯᓯᑐᖃᕐᒥᑦ ᖁᐊᖅᓵᓇᖅᑐᒥᑦ. "ᑕᑯᓪᓗᒍ ᖃᓄᐃᓕᐅᕈᓘᔭᕐᓂᐅᓂᖓᓂᒃ, ᐃᓱᒪᔪᖓ, ᐱᐅᓛᖑᓇᓱᒋᓪᓗᒍ ᐱᓕᕆᐊᕆᓗᒍ. ᑲᑉᐱᐊᓇᖅᑐᖅ, ᑭᓯᐊᓂ ᐊᑕᐅᑦᑎᒃᑯᑦ, ᕿᒡᒋᑐᐃᓐᓇᖅᑐᑎᑦ ᐃᓛᓐᓂᒃᑯᑦ ᐃᓅᓯᕐᓂ," Loïk ᐅᖃᐅᔾᔨᒋᐊᕈᑏᑦ.

ᐃᖏᕐᕋᓂᖅ ᐋᑐᕚᒥ ᐊᒻᒪ ᒑᑎᓅᒥ ᐊᒃᓱᕈᕐᓇᓚᐅᖅᑐᖅ, ᑭᓯᐊᓂ ᒫᓐᓇ ᐅᐃᓂᐹᒡᒥ ᐊᐃᑉᐸᕆᔭᐅᓕᖅᑐᖅ ᓄᓇᓕᖕᒧᐊᕆᐊᒃᓴᖅ. ᓄᓇᓕᐸᐅᔭᖅ ᐊᓕᐊᓇᐃᒋᑦᑎᐊᖅᑕᖓ ᐊᒻᒪ ᓂᕆᔭᒃᓴᑦᑎᐊᕙᐃᑦ, ᐊᑭᖃᙱᖦᖢᑎᒃ ᖃᓄᐃᓕᐅᕐᓇᐃᑦ ᐊᒻᒪ ᐱᓕᕆᓐᓇᑦᑎᐊᕐᓇᖅᖢᓂ ᐊᕐᕌᒍᓕᒫᖅ. ᐅᑭᐅᒃᑯᑦ ᓇᐃᓐᓂᖅᓴᐅᕙᒻᒪᑕ ᓇᑭᙶᕐᒪᖔᖅ ᐊᒻᒪᓗ ᐱᓱᑲᑕᒃᑲᔪᑦᑐᓂ ᐊᒻᒪᓗ ᓂᓪᓚᓱᑦᑐᒻᒪᕆᐅᓪᓗᓂ. 

ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔾᔪᑎᖃᖅᖢᑎᒃ, Loïk−ᑯᑦ ᓇᑲᑦᑎᔭᕆᐊᖃᓚᐅᖅᐳᑦ ᑕᑯᒃᓴᐅᕝᕕᒃᑯᑦ ᐱᕕᒃᓴᒥᒃ, ᑕᒪᓐᓇᓗ ᐃᒪᓐᓇ ᑐᑭᖃᖅᖢᓂ, ᐅᓄᙱᓐᓂᖅᓴᓂᒃ ᑕᕐᕆᔭᖅᑎᑦᑎᕙᖕᓂᕐᒥᒃ. Loïk ᒥᕐᖑᐃᖅᓯᕐᕕᓕᐊᖅᐸᓕᖅᐳᑦ ᒫᓐᓇ ᓴᐃᓕᔭᖅᑐᖅᖢᑎᒃ ᐅᕝᕙᓘᓐᓃᑦ ᓈᓚᖔᓕᖅᖢᑎᒃ ᓂᐱᓕᐅᖅᓯᒪᔪᓂᒃ. "ᐅᖃᐅᓯᕆᖃᑦᑕᖅᓯᒪᔭᕗᑦ ᖃᓄᐃᓕᐅᐃᓐᓇᕆᐊᖃᕋᕕᑦ ᐅᕝᕙᓘᓐᓃᑦ ᐱᓕᕆᑦᑎᐊᖏᓐᓇᕆᐊᖃᕋᕕᑦ ᐊᑑᑎᖃᕐᓂᐊᕈᕕᑦ ᐅᕝᕙᓘᓐᓃᑦ ᑭᓱᒥᑭᐊᖅ. ᐃᔩᒃᑲ ᐱᔾᔪᑎᒋᓪᓗᒋᑦ, ᐅᑎᕆᐊᖃᖅᓯᒪᕗᖓ ᓲᕐᓗ, 'ᐋᒃᑲ, ᐅᕙᓂ ᐃᒃᓯᕚᑐᐃᓐᓇᕈᓐᓇᖅᑐᖓ ᐃᑲᕐᕋᓕᒫᒥᒃ ᖃᓄᐃᙱᖦᖢᖓᓗ,' Loïk−ᒧᑦ.  ᐅᑭᐅᒃᑯᑦ, ᑎᑎᕋᐅᔭᓲᖅ ᐊᒻᒪᓗ ᐊᐅᔭᒃᑯᑦ ᓱᓕ ᐃᒃᓯᕚᕈᓐᓇᖅᑑᔮᖏᒻᒪᑦ ᐊᒻᒪᓗ ᓯᓚᒦᒍᒪᓂᖅᓴᐅᓪᓗᓂ.

"ᐊᑕᐅᓯᕐᒥᒃ ᐃᓅᓯᖃᖅᐱᑦ, ᓱᓕᕕᑦ? ᖃᓄᐃᒻᒪᑦ ᐱᖏᒍᓱᒃᓗᓂ ᖃᓄᖅ ᐊᓯᑎᑦ ᐃᓱᒪᖕᒪᖔᑕ? ᐱᕕᒃᓴᖃᙱᑉᐳᖓ. ᐊᓯᖏᓐᓂᒃ ᐱᓕᕆᔭᕆᐊᖃᕋᒪ."

ᒪᑐᕙᓪᓕᐊᓕᕐᓗᒍ, Loïk−ᑯᑦ ᐅᖃᐅᔾᔪᐃᓂᖓ ᖁᙱᐊᖅᑎᓄᑦ ᐅᓇᐅᕗᖅ, "ᐱᓇᔪᒋᐊᖃᖅᐳᑎᑦ ᓇᖕᒥᓂᖅ ᐱᓪᓚᕆᒋᓛᕐᓂᒃ. ᐱᒡᒐᓇᖅᑐᒻᒪᕆᐅᒻᒪᑦ ᐊᒻᒪ ᐃᖅᑲᖅᑐᐃᔨᑕᖃᐃᓐᓇᕐᓂᐊᖅᑐᓂ. ᓱᓕ ᐳᐃᒍᕋᓱᖃᑦᑕᖅᑐᖓ ᐊᓯᓐᓄᑦ ᖃᓄᖅ ᐃᓱᒪᖕᒪᖔᕐᒪ ᕿᒡᒋᑐᐃᓐᓇᕐᓗᖓᓗ ᐊᓕᐊᓇᐃᒋᔭᓐᓂᓪᓗ ᐱᓕᕆᓗᖓ. ᓄᓕᐊᕋ ᐅᖃᐅᑎᒐᔪᒃᑲᒃᑯ, 'ᐅᖁᖓᔪᖓ ᐊᒻᒪᓗ ᖃᓄᐃᖏᑦᑐᖅ ᖃᐅᓯᕐᒧᑦ. ᐄ, ᑕᐃᒪᓐᓇᐅᖅᑰᔨᒻᒪᑦ. ᐅᑉᐱᕈᓱᒃᑯᕕᑦ, ᐅᖃᖅᑐᖃᔾᔮᖏᑦᑐᖅ. ᕿᒥᕐᕈᑐᐃᓐᓇᕐᓂᐊᖅᑐᑦ ᐃᓕᓐᓂᒃ ᐊᒻᒪᓗ ᐃᓱᒪᒍᓐᓇᖅᑐᑎᒃ ᑭᓱᑐᐃᓐᓇᕐᒥᑦ ᐱᔪᒪᔭᒥᓂᒃ. ᖃᓄᐃᒃᓴᙱᑦᑎᐊᖅᐳᖓ. ᑕᒪᓐᓇ ᐊᑲᐅᓐᖏᓕᐅᕈᑎᒋᓐᖏᑕᕋ."

ᐱᕕᖃᕐᓇᓚᐅᖅᐳᖅ ᖃᐅᔨᓇᓱᒃᖢᓂ ᖁᓱᙱᓐᓂᕐᒥᒃ, ᐃᓕᑦᑎᕙᓪᓕᐊᑦᑎᐊᙱᖦᖢᑎᒃ ᐊᒻᒪ ᐃᒻᒥᓂᒃ ᑭᐱᙳᐃᔭᐃᓪᓗᑎᒃ ᐊᒻᒪ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓂᒃ ᕿᒪᐃᓯᒪᙱᖦᖢᑎᒃ. ᐃᓱᓕᑦᑕᖅᑎᖦᖢᒍ ᑕᐅᑐᖕᓂᐅᑉ ᖃᖓᒃᑰᕐᓂᖓ, Loïk−ᑯᑦ ᐃᓕᑦᑎᓯᒪᕗᑦ ᓯᕗᓪᓕᖅᐸᐅᑦᑎᐅᔾᔨᓂᕐᒥᒃ ᑭᓱᓂᒃ ᐱᓕᕆᐊᖃᓪᓚᕆᒍᒪᕙᖕᒪᖔᑦ ᓇᓗᙱᑦᑎᐊᕈᒪᓂᕐᒥᓄᑦ ᑕᒪᓐᓇ ᐊᑐᕐᓂᖃᕋᓗᐊᕐᒪᖔᑦ. ᑕᐃᒪᐃᒻᒪᑦ ᑕᑯᒃᓴᐅᑎᑦᑎᑲᑕᐃᓐᓇᖅᐳᖅ, ᑕᕐᕆᔭᖅᑎᑦᑎᑲᑕᐃᓐᓇᖅᐳᖅ ᐊᒻᒪ ᐱᙳᐊᕈᑎᓂᒃ ᐊᓕᐊᓇᐃᒋᔭᒥᓂᒃ ᐊᑐᖅᑕᐃᓕᒪᓪᓗᓂ ᐊᒻᒪ ᖃᕆᓴᐅᔭᒃᑯᑦ ᑲᑎᙵᖃᑎᖃᖅᐸᙱᖦᖢᓂ ᐃᑲᔫᑎᖃᙱᑦᑐᓂᒃ. ᐊᐃᑉᐸᖓ ᐃᑲᔫᑎ ᓯᓂᑦᑎᐊᕐᓇᓚᐅᖅᑐᖅ ᐅᓐᓄᐊᒃᑯᑦ. 

ᓇᓂᓯᓪᓗᓂ ᑭᓱᓂᒃ ᖁᕕᐊᒋᔭᖃᕐᒪᖔᑦ ᐊᒻᒪᓗ ᑲᔪᓯᑎᓪᓗᒍ ᐃᑲᔪᖅᓯᒪᔪᖅ ᓗᐊᒃ ᕋᐃᒪᓐᒥᒃ ᓇᓂᓯᓂᕐᒥᒃ ᐃᖅᑲᓇᐃᔮᒃᓴᒥᒃ ᑕᑯᔭᒐᖃᕐᕕᖕᒥ ᐊᒻᒪᓗ ᐳᓛᕐᕕᖕᒥ ᐃᓂᒥᒃ ᐃᓱᒪᒋᓚᐅᖅᓯᒪᙱᑕᖓ ᐱᕈᖅᓴᓂᖅ. ᓇᓂᓯᓪᓗᓂ ᐃᓂᒥᒃ ᓄᑖᓄᑦ ᓄᓇᓕᐸᐅᔭᕐᓄᑦ ᐊᒻᒪᓗ ᑭᓱᑐᐃᓐᓇᓄᑦ ᐃᓅᔾᔪᑎᒋᓲᖏᓐᓄᑦ, ᐃᓕᓯᒪᔪᖅ ᓇᖕᒥᓂᖅ ᖃᐅᓯᕐᓂᕐᒥᒃ ᐊᒻᒪᓗ ᖁᕕᐊᓲᑎᒋᓗᒍ, ᑎᓕᐅᕆᓪᓗᓂ ᐊᓯᒥᖕᓂᒃ ᑕᐃᒪᐃᓕᐅᖁᔨᓂᕐᒥᒃ. ᐊᑕᐅᓯᑐᐃᓐᓇᕐᒥᑦ ᐃᓅᓯᖃᖅᑐᓂ, ᓈᓴᐃᕗᖅ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.