"ᐱᑦᑕᐃᓕᒋᑦ. ᓄᖅᑲᖓᑎᑦᑕᐃᓕᒍᒃ. ᐱᐅᔪᑦ ᓴᖅᑭᓂᐊᖅᑐᑦ." ᐅᖃᐅᓯᖅᑕᑦ ᐊᔪᕐᓇᙱᑦᑐᑯᓘᕗᑦ ᑭᓯᐊᓂ ᐆᒻᒪᑎᖓᓄᐊᑲᐅᑎᒋᓲᑦ ᕋᐃᓚᓐ ᒪᑳᓚᒻ ᓂᕆᐅᖕᓂᖃᖅᐳᑦ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᒪᒃᑯᒃᑐᓂᒃ ᖃᐅᔨᖃᑦᑕᖅᓯᒪᔭᖏᓐᓂᒃ. ᕋᐃᓚᓐ ᒥᑕᔅ ᐊᒻᒪ ᐊᓂᔅᓇᐱ ᐊᓈᓇᖓᑕ ᓴᓂᐊᓃᙶᖅᑐᖅ ᐊᒻᒪ ᓯᑳᑎ ᐊᑖᑕᖓᑕ ᓴᓂᐊᓃᖦᖢᓂ ᐱᕈᖅᓴᓚᐅᖅᓯᒪᓪᓗᓂᓗ ᒫᓂᑑᐸᐅᑉ ᓂᒋᐊᓂᑦ ᑎᐅᕆ 1-ᒥᑦ ᐅᑭᐅᖅᑕᖅᑐᒥ.

ᒪᑳᓚᒻ ᒫᓐᓇ ᓄᓇᖃᖅᑐᖅ ᑭᑦᓯᓚᓄᒥ ᓴᓂᓪᓕᖓᓂ ᕚᓐᑰᕙᒥ ᐃᖅᑲᓇᐃᔭᕐᖢᓂᓗ ᓴᐃᓐᑦ ᐹᓪ ᐋᓐᓂᐊᕕᖓᓂ, UBC ᑐᑦᑕᕐᕕᖓᓂ ᐆᒻᒪᑎᒧᑦ ᐳᕙᖕᓄᑦ ᐃᓱᒪᒃᓴᖅᓯᐅᑦᑎᐊᖅᓯᒪᓗᓂ ᑲᒪᒋᔭᐅᓪᓗᓂ ᓘᒃᑖᖅ ᓕᐊᒻ ᑉᕋᓐᕼᐋᒻ. ᐊᑭᓕᖅᓱᖅᑕᐅᙱᖦᖢᓂ ᐱᓕᕆᖃᑦᑕᖅᓯᒪᔪᖅ, ᐊᒻᒪᐃᓛᒃ ᖃᐅᔨᓴᖅᑎᐅᓪᓗᓂ ᐃᓕᓐᓂᐊᖅᑎ ᑮᓇᐅᔭᖃᖅᑎᑕᐅᓪᓗᓂ ᐃᓕᓐᓂᐊᖅᑕᒥᓂᒃ ᐊᓂᒍᐃᓯᒪᙱᑦᑐᓄᑦ ᐃᓕᓐᓂᐊᖅᑎᓄᑦ ᖃᐅᔨᓴᕐᓂᕐᒧᑦ ᑐᓐᓂᖅᑯᓯᐊᒃᑯᑦ ᐊᒻᒪᐃᓛᒃ Master's Science−ᒥ ᐱᓕᕆᓕᓚᐅᖅᖢᓂ ᐆᒃᑑᒪᔭᒍᑕᐅᓪᓗᓂ ᐃᓅᓕᓴᐅᑎᓂᒃ UBC−ᑯᓐᓂ.

ᖃᐅᔨᓴᓯᒋᐊᓚᐅᖅᑐᖅ ᐃᒪᕐᒥᐅᑕᓂᒃ ᖃᐅᔨᓴᕐᕕᖕᒥ ᖃᐅᔨᓴᖅᖢᓂ macro algae-ᒥᑦ ᓘᒃᑖᖅ ᐹᑐᕆᒃ ᒫᑦᓂᒥᑦ UBC-ᒥᑦ ᖃᐅᔨᓴᖅᑐᓂᑦ ᑲᔪᖏᖅᓴᐃᓂᕐᒧᑦ ᐱᓕᕆᐊᒥᑦ, ᓅᖦᖢᓂᑦ ᐱᕈᖅᑐᓂᑦ ᐅᑭᐅᖅᑕᖅᑐᒥᑦ Cascades-ᒥᑦ. ᖃᐅᔨᓴᓚᐅᖅᑎᓪᓗᒍ, ᐃᓕᓐᓂᐊᓕᓚᐅᖅᑐᖅ ᑎᒥᐅᑉ ᖃᓄᐃᙱᓐᓂᖓᓄᑦ ᐊᒻᒪ ᖃᓄᐃᙱᑦᑎᐊᕋᓱᐊᕐᓂᕐᒧᑦ. 

"ᖃᐅᔨᒪᑦᑎᐊᓚᐅᙱᑦᑐᖓ ᖃᓄᐃᓕᐅᕈᒪᖕᒪᖔᕐᒪ ᐱᕈᖅᐸᓪᓕᐊᑎᓪᓗᖓ. ᖃᐅᔨᒪᐃᓐᓇᐅᔭᓚᐅᖅᑐᖓ ᐅᖃᖃᑎᖃᕆᐊᒃᓴᖅ ᐃᓄᖕᓂᒃ ᐃᑲᔪᖅᐸᒃᖢᖓᓗ ᐃᓄᖕᓂᒃ," ᐃᖅᑲᐅᒪᔪᖅ. ᐃᓱᒪᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᐃᓕᓴᐃᔨᕈᑐᐃᓐᓇᕆᐊᖃᕆᐊᖓ ᐊᒻᒪᓗ ᐃᓕᓐᓂᐊᕈᒪᐃᓐᓇᖅᑐᓂ ᑭᓪᓕᓯᓂᐊᕐᓂᕐᒥᒃ. ᐋᓐᓂᐊᖅᑐᓕᕆᓂᕐᒧᑦ, ᐃᓕᓐᓂᐊᖃᑦᑕᖅᑐᖅ ᖃᐅᔨᓴᖅᑐᓕᕆᓂᕐᒥᑦ ᐊᒻᒪ ᐃᑲᔪᖅᑐᓂ ᐃᓄᓐᓂᑦ, ᑐᑭᓕᐊᕐᓂᖃᖅᑎᑦᑎᓪᓗᓂ ᓯᕗᒧᑦ.

ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᖃᐅᔨᓴᕐᓂᖓ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᒥᒃ ᐊᖓᔪᖅᑳᕆᔭᐅᓚᐅᖅᐳᖅ, ᐆᒻᒪᑎᓕᕆᔨ ᐊᒻᒪ ᓘᒃᑖᒧᑦ, ᐃᑲᔪᓚᐅᖅᐳᖅ ᓄᕙᒡᔪᐊᕐᓇᖅ−ᒥ ᓄᖅᑲᖅᑎᖦᖢᒍ ᒪᓪᓕᖅᑎᓪᓗᒍ. ᓂᕆᐅᒋᔭᖃᖅᐳᖅ ᑐᕌᑲᐅᑎᒋᔪᓂᒃ ᐃᓗᐊᖅᓴᖅᑕᐅᔭᖅᑐᖅᓯᒪᔪᓂᒃ ᐱᓕᕆᖃᑎᖃᖅᐸᖕᓂᕐᓂᒃ ᐃᖅᑲᓇᐃᔭᑐᐃᓐᓇᙱᓪᓗᑎᒃ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᑯᑦ ᓯᕗᓂᒃᓴᑦᑎᓐᓂ. ᐃᓕᓐᓂᐊᖅᑎᐅᓪᓗᓂ ᐃᓕᓐᓂᐊᖅᑎᐅᓪᓗᓂᓗ, ᑖᓐᓇ ᐅᖓᓯᒃᑑᕗᖅ ᓯᕗᓪᓕᖅᐹᒥ ᐱᓇᔪᒃᑕᖓᓂ ᐊᓂᒍᖅᑎᖦᖢᒍ.

ᐱᕈᖅᓴᔭᐅᓪᓗᓂ ᐃᓕᓴᐃᔨᒧᑦ, ᖃᐅᔨᒪᓚᐅᖅᑐᖅ ᖃᓄᖅ ᐃᓕᓐᓂᐊᕆᐊᒃᓴᖅ ᖃᓄᑎᒋᓗ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ ᐱᓚᐅᕐᒪᖔᑦ ᐊᔪᕐᓇᙱᓈᖅᓯᑎᖦᖢᒍ ᒫᓂᑑᐸᒦᑎᓪᓗᒍ. ᓅᖦᖢᓂ UBC−ᑯᓐᓄᑦ ᓇᖕᒥᓂᖅ ᐅᕕᖓᔮᖅᑐᖅ ᖃᐅᔨᓪᓗᓂᓗ ᐃᓄᑑᔭᕆᐊᖃᕐᓂᕐᒧᑦ ᐊᒃᓱᕈᕐᓇᕐᓂᖓᓂᒃ. ᐱᐅᔪᒥᒃ ᐃᓅᖃᑎᖃᕐᓂᕐᒧᑦ ᐊᖕᒪᓗᖅᓯᓪᓗᓂ ᖃᐅᔨᓪᓗᓂᓗ ᐊᒃᓱᕈᕐᓇᕐᓂᖓᓂᒃ ᐃᓄᑑᓗᐊᕐᓂᖅ ᐊᔪᕐᓇᙱᓐᓂᖅᓴᐅᑎᑦᑎᓪᓗᓂ ᐃᓕᓐᓂᐊᕌᓂᒍᓯᐊᖓᓂᒃ ᐱᔭᕇᖅᓯᓪᓗᓂᓗ ᐱᐅᓂᖅᓴᓂᒃ ᐱᔭᕇᕐᖢᓂ ᐃᓕᓐᓂᐊᕐᓂᒃᑯᑦ.

ᓯᕗᓪᓕᖅᐹᒥ ᐊᕐᕌᒍᒥ, ᐊᔪᓚᐅᖅᑐᖅ ᐊᒃᓱᕈᕐᖢᓂᓗ ᐃᓱᒪᒥᒍᑦ ᖃᓄᐃᙱᑦᑎᐊᕐᓂᕐᒥᒃ. "ᐃᓱᒪᒌᓐᓇᐅᔭᖅᑕᕋ ᐊᕐᕌᒍ ᐊᑕᐅᓯᖅ ᐱᓕᕆᑦᑎᐊᙱᖦᖢᖓ ᖃᐅᔨᓂᐊᕐᓂᕋᕐᖢᓂ ᖃᓄᐃᓕᖓᓂᖓᓂᒃ ᐃᓅᓯᕐᒪ," ᐊᔾᔨᖃᖅᑐᖅ. ᑕᒪᓐᓇ ᐅᖃᐅᓯᕆᓚᐅᖅᐸᐅᒃ ᓇᓗᓇᐃᕈᑎᐅᓪᓗᓂ ᑲᔪᓯᑦᑎᐊᔾᔮᖏᓐᓂᕋᖅᑐᓂ ᓯᕗᓂᔅᓴᖅᑎᓐᓂᑦ ᐊᒻᒪ ᐊᕝᕕᐊᕈᑕᐅᒐᔭᖅᑐᓂ ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᔪᓄᑦ ᑭᓯᐊᓂ ᑕᒪᓐᓇ ᐱᐅᓂᖅᐸᐅᓚᐅᖅᐳᖅ ᓱᓕᔪᒥᑦ. "ᒥᑭᑦᑐᑯᓘᖕᒪᑦ ᑭᖑᒧᑦ ᑕᑯᒋᐊᖅᖢᒍ.  ᖃᔅᓯᐊᕐᔪᖕᓂᒃ ᐱᐅᙱᑦᑑᒐᓗᐊᓂᒃ ᐃᓕᓐᓂᐊᕈᑎᓕᖕᓂᒃ (ᐅᕝᕙᓘᓐᓃᑦ ᐱᐅᙱᑦᑑᒐᓗᐊᓂᒃ ᐃᓕᓐᓂᐊᕈᑎᓕᖕᓂᒃ) ᐅᑎᖅᑎᑦᑎᖃᑦᑕᙱᓪᓗᑎᑦ ᐱᓕᕆᐊᕆᔪᒪᔭᕐᓂᒃ." ᒪᑳᓚᒻ ᐃᓅᓯᓕᕆᔨᑦ.

ᐊᑐᓚᐅᖅᑎᓪᓗᒍ ᐃᓅᖃᑎᒥᓂᒃ ᐅᐸᒃᑕᐅᑦᑕᐃᓕᒪᓂᕐᒥᒃ, ᐅᖃᐅᔾᔪᐃᕙᒃᐳᖅ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᕿᒪᐃᔪᒪᓪᓗᑎᒃ ᓄᓇᒥᓂᒃ ᐃᓕᓐᓂᐊᕐᕕᖕᒧᑦ ᐃᖅᑲᓇᐃᔭᕐᓂᕐᒧᓪᓘᓐᓃᑦ. "ᐅᖃᕋᔭᖅᑐᖓ ᑕᐃᒪᐃᖁᔨᙱᓪᓗᖓ ᓲᖃᐃᒻᒪ ᖃᐅᔨᒪᙱᓐᓇᕕᑦ ᑭᓇᒥᑭᐊᖅ. ᑕᒪᓐᓇ ᓄᑖᖑᒻᒪᑦ ᐊᑐᖅᑕᐅᖃᑦᑕᓕᖅᑐᖅ ᐊᒻᒪᓗ ᐊᑐᖅᑕᐅᖃᑦᑕᖅᓯᒪᔪᑦ ᐃᓅᓯᐅᑉ ᐃᓚᒋᒻᒪᒍ. ᐃᓕᑦᑎᕙᓪᓕᐊᓂᕐᔪᐊᖑᖕᒪᑦ ᐊᑑᑎᖃᒻᒪᕆᒃᖢᓂᓗ," ᑎᓕᐅᕆᕗᖅ.

ᐃᓄᑑᓗᐊᓕᖅᑎᓐᓇᓱᒃᓗᒍ ᐅᖃᖅᐳᖅ, "ᑕᐃᒪᓕ ᐃᓄᑑᖅᑰᔨᒐᓗᐊᕈᕕᑦ, ᐃᓄᖕᓂᒃ ᐅᖃᖃᑎᖃᖅᐸᒡᓗᑎᑦ, ᐃᓄᖕᓂᒃ ᐅᖃᖃᑎᖃᑐᐃᓐᓇᕐᓗᑎᑦ, ᑕᐃᑲᓃᓕᑐᐊᕈᕕᑦ. ᐅᖃᖃᑎᖃᕐᓗᑎᑦ ᐃᓄᖕᓂᒃ ᐃᓕᑦᑎᓗᑎᓪᓗ ᐊᓯᖕᓂᑦ ᐊᓱᐃᓛᒃ ᓴᖅᑭᑎᑦᑎᓕᕐᓂᐊᖅᑐᑎᑦ ᑖᔅᓱᒥᖓ ᐃᓅᖃᑎᒌᖕᓂᕐᒧᑦ ᐊᖕᒪᓗᖅᓯᓯᒪᔪᒥᒃ. ᐱᐅᓯᕙᓪᓕᐊᖏᓐᓇᖃᑦᑕᖅᑐᖅ ᖃᖓᙳᖅᐸᓪᓕᐊᓪᓗᓂ." ᐊᑎᓕᐅᓚᐅᖅᑐᖅ ᖃᐅᔨᓴᖅᑐᓕᕆᓂᕐᒧᑦ ᐃᓕᓐᓂᐊᕇᙱᑦᑐᓄᑦ ᐃᓅᖃᑎᒌᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕇᙱᑦᑐᓄᑦ ᖃᐅᔨᓴᕐᓂᕐᒧᑦ ᑲᔪᖏᖅᓴᐃᔪᓕᕆᓂᖅ ᐱᕕᖃᕐᓂᖅᓴᐅᖁᓪᓗᒍ ᐱᓕᕆᖃᑎᖃᕐᓂᕐᒥᒃ ᐃᓄᖕᓂᒃ. 

ᑲᒪᒋᔭᖃᖅᑎᓪᓗᑎᑦ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐊᒃᓱᕈᕐᓇᖅᑐᓂᒃ, ᒪᑳᓚᒻ ᓇᓗᓇᐃᖅᓯᕗᖅ ᐱᕚᓪᓕᕈᑕᐅᔪᓐᓇᖅᑐᓂᒃ ᑎᒥᒃᑯᑦ ᐱᓕᕆᓂᕐᒥᒃ ᐱᔪᒃᓯᑎᑦᑎᓂᐊᕐᓗᓂ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒥᒃ ᐃᓚᖃᕐᓗᓂ ᓯᓚᒦᑉᐸᖕᓂᕐᒥᒃ. ᐱᓱᔪᒍᒪᔪᖅ, ᐱᓱᔪᒃᖢᓂ, ᓯᒡᔭᒧᓪᓗ. ᖁᕕᐊᓱᖕᓂᖓ ᐲᖅᑕᐅᓪᓗᓂ ᖁᕕᐊᓇᖅᑐᒧᑦ ᐃᓅᖃᑎᖃᕐᓂᕐᒧᑦ ᐱᕙᓪᓕᐊᔾᔪᑎᒋᕙᒃᑕᖓᓄᑦ ᖁᕕᐊᓇᙱᖦᖢᓂ, ᐃᑲᔪᕐᒥᔪᖅ ᑲᔪᓯᑎᓪᓗᒍ. ᑕᒪᓐᓇ, ᐊᒻᒪᓗ ᑲᔪᓯᑦᑎᐊᕈᒪᓂᖓ.

ᐃᓱᒪᒋᓪᓗᒍ ᖃᓄᖅ ᐅᖃᕋᔭᕐᒪᖔᖅ ᒪᒃᑯᓐᓂᖅᓴᒧᑦ, ᐅᖃᖅᑐᓂ, "ᐊᖅᑯᑎᒃᑯᑦ ᐊᐳᖅᑕᖅᑐᖃᕐᓂᐊᕐᒪᑦ. ᑕᒪᓐᓇ ᐊᖅᑯᑎᑐᐃᓐᓇᐅᖏᒻᒪᑦ ᑲᔪᓯᑦᑎᐊᕐᓂᕐᒧᑦ. ᐊᒥᓱᓂᒃ ᐊᓂᒍᐃᔭᕆᐊᖃᕐᓂᐊᕋᔅᓯ ᓴᐱᓕᖅᑕᐃᓕᓂᐊᙱᓐᓇᔅᓯ. ᖃᓄᐃᓕᐅᕈᒪᔭᕐᓂᒃ ᐱᓕᕆᔪᓐᓇᖅᐳᑎᑦ ᐃᓱᒪᐃᑦ ᐋᖅᑭᑐᐊᕈᕕᐅᒃ. ᖃᓄᐃᓕᐅᕋᓱᐊᑐᐃᓐᓇᕐᓗᑎᑦ ᖃᓄᐃᓕᐅᕈᒪᔭᕐᓂᑦ. ᑲᓲᒪᖃᑎᖃᕐᓂᖅ ᐊᒻᒪᓗ ᐅᖃᖃᑎᖃᖃᑦᑕᕐᓂᖅ ᐃᓄᓐᓂᒃ ᐊᖏᔪᒻᒪᕆᐅᒻᒪᑦ ᑕᐃᒪᐃᓕᐅᕐᓗᓂ. ᓇᓂᓯᓇᔭᖅᑐᑎᑦ ᑲᔪᓯᑦᑎᐊᕐᓂᕐᒥᒃ ᐊᓯᖕᓄᑦ ᐃᓄᑑᑎᓪᓗᑎᑦ."

ᔅᑎᑎ ᐊᖅᑯᑎᒋᔭᖓᓄᑦ ᑐᑭᖃᑦᑎᐊᖅᑐᒧᑦ ᖃᐅᔨᓴᕐᓂᕐᒧᑦ ᓯᕗᒻᒧᐊᒃᐸᓪᓕᐊᓂᕐᒧᓪᓗ ᐃᖅᑲᓇᐃᔮᖓᓂ, ᕋᐃᓚᓐ ᒪᑳᓚᒻ ᓴᖅᑭᑎᑦᑎᔪᖅ ᐆᒻᒪᑎᒧᑦ ᐱᔪᒃᓯᑎᑦᑎᓂᕐᒥ UBC−ᒥ ᐆᒻᒪᑎᒧᑦ ᐳᕙᖕᓄᑦ ᐃᓱᒪᒃᓴᖅᓯᐅᑦᑎᐊᕐᓂᕐᒥ. ᐱᕈᖅᐸᓪᓕᐊᑎᑦᑎᓂᖅ ᓴᙱᔪᓂᒃ ᐃᓅᖃᑎᒌᓂᒃ ᐊᑕᓂᕆᔭᐅᔪᓂᒃ ᐃᑲᔪᖅᑐᐃᓂᕐᒥᒡᓗ ᖃᓄᐃᙱᑦᑎᐊᖅᑐᓂᒃ ᓇᒧᙵᐅᕙᓪᓕᐊᓂᕐᒧᑦ ᐊᑐᖅᑕᐅᕙᒃᑐᓂᒃ, ᒪᑳᓚᒻ ᑲᔪᓯᑎᑦᑎᕗᖅ ᐱᔪᒪᔭᒥᓂᒃ ᐃᑲᔪᕈᒪᓪᓗᓂ ᐃᓄᖕᓂᒃ ᕿᓂᕐᓂᕐᒥᓂ ᓇᒡᓕᒍᓱᖕᓂᕐᒥᓂᒃ ᖃᐅᔨᓴᖅᑐᓕᕆᓂᕐᒥᒃ, ᑕᒪᕐᒥᑦᑎᐊᕐᓗ ᓲᖃᐃᒻᒪ ᓇᖕᒥᓂᖅ ᐅᖃᐅᔾᔪᐃᓂᕐᒥᓂᒃ ᒪᓕᓚᐅᕐᓂᖓᓄᑦ: "ᐱᑦᑕᐃᓕᒋᑦ. ᓄᖅᑲᖓᑎᑦᑕᐃᓕᒍᒃ. ᐱᐅᔪᑦ ᓴᖅᑭᓂᐊᖅᑐᑦ."

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.

ᓯᑎᐱᕆ 2022−ᒥ ᓄᑖᙳᕆᐊᖅᓯᒪᔪᖅ: ᕋᐃᓚᓐ ᓱᓕ ᐱᓇᔪᒃᐳᖅ Master's Science−ᒥ ᖃᐅᔨᓴᖅᑐᓕᕆᓂᕐᒥᒃ ᐆᒃᑑᒪᔭᒍᑕᐅᓪᓗᓂ UBC−ᒥ, ᐱᓇᔪᒍᒪᓪᓗᓂᓗ ᐃᓗᐊᖅᓴᐃᓂᕐᒧᑦ ᐃᓕᓐᓂᐊᕐᕕᖕᒥ ᐅᑭᐊᒃᓵᖑᓕᖅᐸᑦ. ᑐᕌᕆᔭᐅᓪᓗᐊᑕᖅᑐᖅ ᓄᒃᑕᖃᑦᑕᕈᒪᓂᐅᕗᖅ ᓄᓇᖃᖅᑳᖅᑐᓄᑦ ᓄᓇᓕᖕᓄᑦ ᐱᓕᕆᖃᑎᒋᔪᒪᓪᓗᒋᑦ ᑭᐅᓯᓂᐊᕐᓗᑎᒃ ᐊᐱᖅᑯᑎᒃᓴᓂᒃ ᐱᓯᒪᑐᐃᓐᓇᕆᐊᖃᖅᑕᒥᓂᒃ ᓄᓇᓕᖏᑕ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᖃᐅᔨᓴᕐᓂᒃᑯᑦ, ᑕᐃᒪᐃᓕᐅᕐᓂᕐᒥᓂᓗ ᑭᐅᓯᓗᓂ ᐱᔭᐅᔭᕆᐊᓕᖕᓂᒃ ᓄᓇᓕᒡᔪᐊᖑᙱᓐᓂᖅᓴᓂ ᓄᓇᖃᖅᑳᖅᑐᓄᑦ ᓘᒃᑖᓄᑦ.