"ᐱᕕᒃᓴᖃᕋᒪ. ᐊᑕᐅᓯᕐᒥᒃ ᐊᔾᔨᓕᐅᕆᔭᕆᐊᖃᕈᒪ, ᐃᒪᐃᓐᓂᐊᖅᑰᖅᑐᖓ," ᐅᖃᖅᑐᖅ ᓗᐊᓐᑕ ᑲᓛᒃ, ᐅᐊᓂᐸᐃᒡᒥ ᐊᔾᔨᓕᐅᕆᔨᒻᒪᕆᒃ ᓯᓐᓇᑦᑑᒪᖃᕐᔪᐊᖅᑐᖅ ᐊᒻᒪ 15-ᓄᑦ ᐊᕐᕌᒍᓄᑦ ᐸᕐᓇᒃᓯᒪᓪᓗᓂ ᑲᔪᓯᑎᑦᑐᒪᓪᓗᒋᑦ. ᐱᕈᖅᓴᑦᑎᐊᓚᐅᖅᑐᖅ, ᐱᕈᖅᓴᓪᓗᓂ ᐊᖓᔪᖅᑳᒥᓄᑦ ᑲᑎᑎᑕᐅᓯᒪᔪᓄᑦ ᐊᕐᕌᒍᑦ 20 ᐅᖓᑖᓄᑦ, ᓄᓇᓕᕋᓛᕐᒥᐅᑕᐅᓪᓗᓂ ᒫᓂᑑᐸᐅᑉ ᖃᓂᒋᔮᓂ, ᐋᓐᑎᐅᕆᐅ ᐊᒻᒪ ᒥᓂᓲᑕ ᑭᒡᓕᖏᓐᓂ. 

ᐊᑐᖅᓯᒪᔪᖅ ᓄᓇᓕᕋᓛᕐᒥᐅᑕᓂᒃ, ᐳᓚᕋᖅᑎᓂᒃ, ᐅᒥᐊᖅᑐᕐᓂᕐᒥᒃ, ᐃᖃᓪᓕᐊᕐᓂᕐᒥᒃ, ᐊᖑᓇᓱᖕᓂᕐᒥᒃ ᐊᒻᒪ ᑕᓯᕐᒥ ᐃᓅᓂᕐᒥᒃ. ᐃᓕᓐᓂᐊᖅᑎᑕᐅᓚᐅᖅᑐᖅ ᐅᓪᓗᐃᓐᓇᖅ ᐃᓕᓐᓂᐊᖅᑐᓂ ᐊᒻᒪᓗ ᐃᓚᖏᑦ ᑕᐃᑯᙵᐅᔾᔨᓪᓗᑎᒃ ᖃᒧᑕᐅᔭᒃᑯᑦ, ᑎᓴᒪᒃᑯᑦ ᐊᒻᒪᓗ ᐅᒥᐊᒃᑯᑦ. ᖃᑕᙳᑎᖏᑦ ᓅᓚᐅᖅᑐᑦ ᕚᓐᑰᕗ ᕿᑭᖅᑕᖓᓄᑦ ᓄᓇᕐᔪᐊᒥᓗ ᐊᖏᒃᓕᒋᐊᕐᖢᓂ. "ᐃᓕᓐᓂᐊᕈᑎᒋᓪᓚᕆᓚᐅᖅᑕᕋ ᑕᖅᑳᓂ ᐱᑕᖃᕐᓂᖓᓂᒃ," ᐃᖅᑲᐅᒪᔪᖅ, ᐃᓱᒪᓪᓗᓂ ᐃᓕᖅᑯᓯᓕᒫᓂᒃ ᑕᑯᖃᑦᑕᓚᐅᖅᑕᒥᓂᒃ. ᐊᖓᔪᖅᑳᖏᒃ ᐱᕈᖅᓴᓚᐅᖅᓯᒪᖕᒪᒋᑦ ᖃᓄᑐᐃᓐᓇᖅ ᐱᔪᒪᔭᒥᓂᒃ ᐃᓅᓯᕐᒥᓂ ᐊᒻᒪᓗ ᐃᓅᓇᓱᒃᑎᓪᓗᒍ ᐃᒪᕕᖕᒥ ᓯᓐᓇᑦᑑᒪᒋᔭᐅᓚᐅᖅᑐᖅ ᐃᒻᒥᓂᒃ ᐱᔪᒪᓯᒪᓂᕐᒥᓂᒃ.  ᐊᕐᕌᒍᑦ ᑕᓪᓕᒪᑦ ᐊᓂᒍᖅᑎᓪᓗᒋᑦ, ᖃᑕᙳᑎᖏᑦ ᓅᓚᐅᖅᓯᒪᔪᑦ ᐅᐃᓂᐹᒡᒧᑦ, ᐅᑭᐅᑦ ᐊᕙᑎᑦ ᐅᖓᑖᓄᑦ. ᕿᑐᕐᖓᖏᑦ ᐃᓕᓐᓂᐊᕐᒪᑕ ᖃᖓᑕᓂᕐᒥᒃ ᐃᖃᓗᓂᒃ ᐊᒻᒪᓗ ᐳᔫᕐᓂᕐᒥᒃ.

ᐱᕈᖅᓴᓪᓗᓂ, ᑲᓛᒃ ᐊᒃᓱᕈᓚᐅᖅᑐᖅ ᑲᙳᓱᒃᖢᓂ ᐃᓕᓐᓂᐊᕐᕕᖕᒥ, ᑭᓯᐊᓂ ᐃᖕᒥᓂᒃ ᑕᖅᑲᐅᖓᖅᓯᔪᒪᓕᕐᖢᓂ ᓲᖃᐃᒻᒪ ᑕᐃᒪᓐᓇ ᓇᓗᓇᐃᒃᑯᑦᑎᖅᑕᐅᔪᒪᙱᖦᖢᓂ. ᐊᑭᓕᖅᓱᖅᑕᐅᙱᖦᖢᓂ ᐱᓕᕆᓚᐅᖅᑐᖅ ᓄᓇᒥᓂ ᐊᒻᒪ ᑐᓴᐅᒪᖃᑎᒌᒍᓐᓇᑦᑎᐊᕐᓂᖅᓴᐅᓪᓗᓂ. ᐊᓯᐊᑦᑕᐅᖅ ᐊᔭᖅᑭᑦᑕᕈᑎᒋᕙᒃᑕᖓ ᑐᕌᕆᔭᖃᓚᐅᖅᐳᖅ ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᕐᒥᒃ, ᑕᒪᓐᓇᓗ ᐊᓂᒍᖅᑎᓯᒪᓪᓗᒍ ᐃᓕᑦᑎᒃᑲᓐᓂᖅᖢᓂ ᐊᓯᖏᓐᓂᒃ ᐃᓕᖅᑯᓯᕆᔭᐅᕙᒃᑐᓂᒃ ᒪᑐᐃᖅᓯᓪᓗᓂᓗ ᐃᓅᖃᑎᒥᓂᒃ ᐊᖕᒪᓗᖅᓯᓯᒪᔪᓂᒃ ᓄᑕᖅᑲᓄᑦ ᐊᔾᔨᒌᙱᑦᑐᓂᑦ ᓇᑭᙶᕈᓘᔭᖅᑐᓂᑦ. ᐃᑲᔪᖃᑕᐅᓚᐅᕐᒥᔪᖅ ᐃᓕᖅᑯᓯᓕᕆᓂᕐᒧᑦ ᑲᓇᑕᒥ ᐅᓇᑕᖅᑐᒃᓴᒃᑯᓐᓄᑦ. 

"ᐅᕙᓐᓄᑦ, ᐅᖃᐅᓯᕆᓕᓚᐅᖅᑕᕋ ᐊᒻᒪ ᐃᓕᖅᑯᓯᕋ ᖁᕕᐊᒋᓪᓚᕆᓕᖅᖢᒍ. ᐱᔪᓐᓇᕐᓂᖃᖅᑰᔨᓚᐅᖅᑐᖓ ᓲᕐᓗ, ᑭᓇᐅᓂᓐᓂᒃ ᐱᔪᓐᓇᖅᑎᑕᐅᔪᖓ," ᐃᖅᑲᐅᒪᔪᖅ. ᐱᓇᓱᐊᕈᓯᕐᓄᑦ 6-ᓄᑦ, ᐃᓐᓇᐃᑦ ᐃᓚᐅᖏᓐᓇᓚᐅᖅᐳᑦ, ᐅᖃᓪᓚᒃᖢᑎᒃ ᐅᖃᐅᓯᕐᒥᓂᒃ, ᑐᒃᓯᐅᑎᓪᓗᑎᒃ, ᐊᐅᒪᔮᖅᖢᑎᒃ ᐊᒻᒪ ᐊᖕᒪᓗᖅᓯᓪᓗᑎᒃ ᐊᒻᒪ ᑲᑎᙵᓪᓗᑎᒃ. ᐊᒃᓱᕈᓚᐅᖅᑐᖅ ᐊᖏᕐᕋᕈᒪᓪᓗᓂ ᐊᒻᒪᓗ ᐃᓐᓇᑐᖃᐃᑦ ᐅᖃᖅᑐᑎᒃ, "ᑕᒫᓃᒃᑲᕕᑦ, ᑕᐃᒪᐃᓕᐅᖅᑐᑎᑦ. ᐊᒻᒪᓗ ᐅᐱᒋᕙᑦᑎᒋᑦ. ᑭᒡᒐᖅᑐᐃᔪᑎᑦ ᓄᓇᔅᓯᓐᓂᒃ." 

ᑕᐃᒃᑯᐊ ᐋᓪᕘᑕᒥ ᐱᓐᖑᐊᖃᑕᐅᓚᐅᕐᒪᑕ ᐊᒻᒪᓗ ᑖᓐᓇ ᐊᖏᔪᖅᑳᕆᔭᐅᓚᐅᖅᑐᖅ, "ᓴᙱᔫᔪᑎᑦ. ᑭᒡᒐᖅᑐᐃᒐᕕᑦ ᓄᓇᔅᓯᓐᓂᒃ, ᐱᒃᑯᒋᕙᒋᓪᓗ," ᑐᑭᖃᖅᑐᒥᒃ ᓄᓇᕐᔪᐊᕐᒧᑦ. ᐃᓕᖅᑯᓯᕐᒥᓂᒃ ᐅᐱᒍᓱᑦᑎᐊᓚᐅᖅᑐᖅ. 

ᑮᓇᐅᔭᖃᖅᑎᑕᐅᓂᖅ ᐃᓕᓐᓂᐊᕐᓂᖓᓄᑦ ᐊᐳᖅᑕᕈᑎᒋᓚᐅᖅᐸᐅᒃ, ᐃᑲᔪᖅᑕᐅᙱᖦᖢᓂ ᓄᓇᓕᖕᒥᓂ ᐊᔾᔨᓕᐅᕆᓇᓱᒃᓗᓂ. ᐲᖅᓯᔭᕆᐊᖃᓚᐅᖅᑐᖅ, ᐱᓇᓱᐊᕐᓗᓂ ᐃᓕᓐᓂᐊᕆᐊᒃᑲᓐᓂᕈᓯᐊᓂᒃ ᐊᒻᒪᓗ ᕿᒡᒋᖅᑕᕐᓗᓂ ᐃᓕᓐᓂᐊᕋᓱᐊᕐᓗᓂ. ᒫᓐᓇ ᐊᔾᔨᓕᐅᕆᔨᐅᓪᓗᓂ, ᐊᔾᔨᙳᐊᓂᒃ ᑕᑯᔪᒪᑦᑎᐊᓕᖅᑐᖅ, ᑕᑯᔭᒐᖃᕐᕕᓕᐅᖅᖢᓂ ᐃᓄᖕᓄᑦ ᐊᒻᒪ ᑕᑯᓪᓗᓂ ᖁᕕᐊᓱᖕᓂᕐᒥᒃ ᐃᒃᐱᒍᓱᖕᒪᑕ ᑕᑯᒑᖓᒥᒃ ᐱᐊᓂᒃᓯᒪᔪᓂᒃ ᐱᖁᑎᓂᒃ ᖁᕕᐊᓱᒍᑎᒋᕙᒃᐸᔾᔪᒃ. ᕿᐊᓂᒃᑯᑦ, ᐃᕿᑦᑎᓂᒃᑯᑦ, ᖃᓄᐃᔾᔪᑎᐅᔪᑦ ᓈᒻᒪᒍᓐᓇᖅᑐᑦ. ᐱᓕᕆᐊᑦ ᐱᓕᕆᐊᖏᑦ ᐊᔾᔨᒌᖏᑦᑐᑦ ᐊᒻᒪ ᐃᖅᑲᓇᐃᔭᐃᓐᓇᖃᑦᑕᖅᑐᖅ, ᓇᒻᒥᓂᖅ ᐃᖅᑲᓇᐃᔭᖅᑐᓂ ᐊᒻᒪ ᓇᒻᒥᓂᖅ ᓄᑖᓂᑦ ᐱᓕᕆᐊᖃᖅᑐᓂ. 

ᐅᖃᐅᔾᔨᒋᐊᕐᓂᖓ ᒪᒃᑯᑦᑐᒧᑦ ᐃᖅᑲᓇᐃᔮᖃᕈᒪᔪᒧᑦ ᓯᓚᕐᔪᐊᕐᒥ ᐊᔾᔨᓕᐅᕆᓂᕐᒧᑦ ᑲᔪᓯᒋᐊᖃᖅᐳᖅ ᐱᓪᓗᒍ ᑕᕐᕆᔮᓕᐅᕈᑕᐅᔪᓐᓇᕐᒪᑦ ᐊᒻᒪ ᐊᒥᓱᓂᒃ ᐊᔾᔨᒌᙱᑦᑐᓂᒃ ᑐᑭᒧᐊᒍᑎᓂᒃ ᓲᕐᓗ ᐃᓇᖐᓗᓂ ᐅᕝᕙᓘᓐᓃᑦ ᐆᑦᑑᑎᓕᐅᕐᓗᓂ. ᐃᒪᐃᖁᔨᓇᔭᖅᐳᖅ, ᐊᔪᕈᓐᓃᖅᓴᖃᑦᑕᖁᔨᓪᓗᓂ ᓇᖕᒥᓂᕆᔭᐅᔪᒥᒃ, ᐃᓱᒪᑐᔪᓂᒃ ᐊᔾᔨᓕᐅᕆᓂᕐᒥᒃ, ᖃᓄᕐᓗ ᐊᑐᕈᓐᓇᕐᓂᕐᒥᒃ ᐊᔾᔨᓕᐅᕈᑎᒥᒃ. "ᐊᒃᓱᕈᕐᓇᕈᓐᓇᖅᑐᖅ ᖃᐅᔨᒪᓪᓗᖓᓗ ᐅᓄᖅᑐᑦ ᐃᓄᐃᑦ ᐃᓱᒪᔪᑦ ᐊᔾᔨᓕᐅᕆᑐᐃᓐᓇᕐᓂᕐᓂ, ᑭᓯᐊᓂ ... ᖃᐅᔨᒪᔭᐃᓐᓇᕆᔭᕆᐊᖃᖅᑕᑎᑦ ᓇᕿᑦᑕᐅᑎᓕᒫᑦ ᐊᔾᔨᓕᐅᕈᑎᒧᑦ," ᐅᖃᐅᔾᔨᓪᓗᓂ. ᐱᒋᐊᕈᑎᒧᑦ ᐊᔾᔨᓕᐅᕈᑎᒧᑦ, ᑲᓛᒃ ᐱᖁᔨᔪᖅ ᑳᓐᑕᓐ ᕆᐸᐅᓪᒥᑦ. ᓯᕗᓂᑦᑎᓐᓂ, ᓂᕆᐅᒍᒪᕗᖅ ᓇᒻᒥᓂᖅ ᓴᓇᕕᑖᓛᕆᐊᖓ, ᑕᑯᑎᑦᓯᓗᓂ ᐃᖅᑲᓇᐃᔮᒥᓂᒃ ᐊᒻᒪᓗ ᐊᑦᔨᓕᐅᕆᓗᓂ ᑮᓇᐅᔭᓂᒃ ᐊᑐᖅᑐᑦᓴᓂᒃ. ᐊᑭᓕᖅᓱᖅᑕᐅᓇᓂ ᐱᓕᕆᖃᑦᑕᖅᑐᖅ ᓄᓇᒥᓂ ᓲᖃᐃᒻᒪ ᐅᑎᖅᑎᑦᑎᔭᕆᐊᒃᓴᖅ ᖁᕕᐊᒋᑦᑎᐊᕐᒪᒍ. 

"ᓯᓚᑦᑐᖅᓴᕐᕕᖕᒦᑎᓪᓗᖓ, ᖃᔅᓯᐊᕐᔪᖕᓂᒃ ᐃᑳᑲᑕᓚᐅᖅᑐᖓ. ᑭᖑᒧᑦ ᑕᑯᒋᐊᖅᑐᖓ ᐊᒻᒪᓗ ᑕᒪᓐᓇ ᐅᖃᐅᓯᕆᓇᓱᐊᖅᑲᐅᔭᕋ ᕿᒪᒍᓐᓇᓚᐅᖅᑕᕋ ᐊᒻᒪᓗ ᖁᕕᐊᑉᐳᖓ ᑕᐃᒪᐃᓚᐅᙱᓐᓇᒪ. ᑕᒪᒃᑯᐊ ᖃᓄᐃᓕᐅᒃᑲᓐᓂᕆᐊᖃᓚᐅᖅᑕᒃᑲ. ᐅᖄᓚᐅᑎᒦᒋᐊᖃᓚᐅᕋᒪ. ᓇᓂᓯᒋᐊᖃᓚᐅᕋᒪ ᐃᑲᔪᖅᑎᔅᓴᓂᒃ ᐅᕙᓐᓂᒃ ᐃᑲᔪᕐᓂᐊᖅᑐᓂᒃ. ᐃᓄᐃᑦ ᖃᐅᔨᒪᖁᑐᐃᓐᓇᖅᑕᒃᑲ, ᐊᑭᓴᖅᑐᕐᓗᒋᑦ ᐱᔪᒪᔭᑎᑦ ᐊᒻᒪᓗ ᑭᓇᑐᐃᓐᓇᕐᒥᒃ ᓄᖅᑲᖅᑎᑦᑎᖁᔨᙱᓪᓗᑎᑦ. ᐅᖃᑦᑎᐊᙲᓐᓇᕋᓗᐊᕈᕕᑦ, ᖃᐅᔨᒪᕗᑎᑦ ᑭᓱᒥᒃ ᐱᔪᒪᖕᒪᖔᖅᐱᑦ, ᓱᖁᑎᒋᙱᖦᖢᒋᑦ ᑕᒪᕐᒥᑦᑎᐊᖅ," ᑕᐃᒪᓐᓇ ᐅᖃᖅᖢᓂ. 

ᐋᖅᑭᒃᓱᐃᕙᓪᓕᐊᓪᓗᓂ ᐃᖅᑲᓇᐃᔮᒥᒃ ᐊᔾᔨᓕᐅᕆᓂᕐᒥᒃ, ᓗᐊᕆᑕ ᑲᓛᒃ ᑎᒃᑯᐊᖅᑐᖅ ᐊᒻᒪᓗ ᖁᑭᖅᓯᓪᓗᓂ ᐃᓅᓯᕐᒥᒃ ᐃᒻᒥᓂᒃ. ᐊᑕᐅᓯᖅ ᐊᔾᔨᙳᐊᖅ, ᓯᓐᓇᑦᑑᒪᒋᔭᖏᑦ ᓱᓕᓕᖅᑎᖦᖢᓂᒋᑦ, ᖃᓄᖅ ᐊᑯᓂᐅᑎᒋᔪᖅ ᐱᓕᕆᐊᖑᒐᓗᐊᕈᓂ. ᑲᖐᓱᑦᑎᐊᙱᖦᖢᓂ ᐊᒻᒪ ᑮᓇᐅᔭᓂᒃ ᓇᓂᓯᓇᓱᒃᖢᓂ, ᑕᐅᑐᖅᑰᖅᑕᒥᓄᑦ ᐱᓕᕆᔪᓐᓇᖅᓯᓚᐅᖅᐳᖅ ᐱᓕᕆᐊᕆᔪᒪᐃᓐᓇᐅᔭᖅᑕᒥᓂᒃ ᐱᓕᕆᓪᓗᓂ, ᐊᔪᕐᓇᙱᑦᑐᑯᓘᑎᖦᖢᒍ... ᐱᐅᔪᒥᒡᓗ ᑎᑎᕋᖅᓯᒪᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.