ᓘᓯ ᕙᓗ ᐅᖃᖅᐳᖅ ᐃᓕᓐᓂᐊᕐᓂᖅ ᐃᓅᓯᓕᒫᒧᑦ ᐃᖏᕐᕋᓂᐅᓪᓗᓂ ᖃᐅᑕᒫᑦ ᐃᓕᑦᑎᖃᑦᑕᕐᒪᑦ.

ᓘᓯ ᕙᓗ ᐅᖃᖅᐳᖅ ᐃᓕᓐᓂᐊᕐᓂᖅ ᐃᓅᓯᓕᒫᒧᑦ ᐃᖏᕐᕋᓂᐅᖕᒪᑦ. 

"ᐃᓕᑦᑎᔪᒪᓲᖑᔪᖓ, ᓄᑖᓂᒃ ᐊᔪᕈᓐᓃᖅᓴᕐᓗᖓ ᐊᒻᒪ ᐱᓗᐊᖅᑐᒥᒃ ᓄᑖᓂᒃ ᐱᓕᕆᔪᓐᓇᖅᑕᓐᓂᒃ ᐃᖅᑲᐅᒪᔭᓐᓂᒃ ᓴᖅᑭᑦᑎᓂᐊᓕᕈᒪ ᐅᕝᕙᓘᓐᓃᑦ ᓇᔭᓐᓄᑦ ᖃᓄᐃᓕᐅᕈᓐᓇᖅᑕᓐᓂᒃ. ᐊᕐᕌᓂ ᐃᓕᑦᑎᓚᐅᖅᑐᖓ ᖃᓄᖅ ᑐᓕᒫᙳᐊᓕᐅᕆᐊᒃᓴᖅ, ᐱᐅᔪᐊᓘᓚᐅᖅᑐᖅ," ᐅᖃᖅᑐᕕᓂᖅ ᕙᓗ, ᐊᓪᓚᑎ ᐅᐃᓂᐸᒡᒥᙶᖅᑐᖅ. 

"ᑕᐃᒪᓕ ᐱᔪᒃᓯᓂᖃᐃᓐᓇᐅᔭᖅᑐᖓ ᓄᑖᓂᒃ, ᓄᑖᓂᒃ ᖃᐅᔨᕙᓪᓕᐊᙱᓪᓗᖓ, ᑭᓯᐊᓂ ᐊᒃᑐᐊᓂᖃᓕᕐᓂᖅ ᓄᓇᓕᖕᒥᐅᑕᓂᒃ ᐃᓕᑦᑎᒃᑲᓐᓂᕈᒪᓂᕐᒧᑦ ᖃᑕᙳᑎᓐᓂᒃ ᓇᑭᙶᕐᓂᑦᑎᓐᓂᒡᓗ."

PhD−ᒧᑦ ᐃᓕᓐᓂᐊᕐᓂᕐᒧᑦ ᓂᕈᐊᒐᒃᓴᐅᔪᖅ ᓵᔅᑳᑦᓱᐊᓐ ᓯᓚᑦᑐᖅᓴᕐᕕᒡᔪᐊᖓᓂ ᐊᒻᒪ ᑐᕌᒐᖃᖅᖢᓂ Métis hip hop−ᒥ ᓴᓇᙳᐊᖅᑎᓂᒃ. ᕙᓗ ᓂᕆᐅᓚᐅᕋᓗᐊᖅᐳᖅ ᖃᐅᔨᔪᒪᓪᓗᓂ ᖃᐅᔨᖃᑦᑕᖅᓯᒪᔭᖏᓐᓂᒃ ᓴᓇᙳᐊᕐᓂᕐᒥᒃ ᐃᓕᓐᓂᐊᖅᑎᓪᓗᒋᑦ ᖃᐅᔨᖃᑦᑕᖅᓯᒪᔭᖏᓐᓂᒃ ᐃᓕᓐᓂᐊᖅᑎᑦᑎᔾᔪᑎᓂᒃ. ᐃᓕᓐᓂᐊᕐᕕᖕᓂᒃ ᑐᙵᓇᖅᑎᑦᑎᒃᑲᓐᓂᕈᒪᔪᖅ ᐊᓪᓚᖓᔪᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ. 

ᕙᓗ ᐃᓕᓴᐃᔨᐅᖕᒥᔪᖅ ᓯᓚᑦᑐᖅᓴᕐᕕᒡᔪᐊᖓᓂ ᒫᓂᑑᐸᐅᑉ ᐊᒻᒪᓗ ᓯᓚᑦᑐᖅᓴᕐᕕᒡᔪᐊᖓᓂ ᐅᐃᓂᐹᒡᒥ ᖃᐅᔨᓪᓗᓂᓗ ᐱᔪᒪᓂᖃᕐᓂᖓᓂᒃ ᐃᓕᓴᐃᓂᕐᒥᒃ.

"ᖁᕕᐊᒋᑦᑎᐊᓚᐅᖅᑕᕋ ᐃᓕᓴᐃᓂᖅ. ᐊᐃᑉᐸᖓ ᐃᓪᓗᕈᓯᕐᒦᖃᑎᒋᓪᓗᒍ ᓱᕈᓯᕐᓄᑦ. "ᐄᔭ. ᑖᓐᓇ ᐱᐅᓛᖑᔪᖅ." ᓇᖏᕐᓗᑎᑦ ᐃᒡᓗᕈᓯᐅᑉ ᓵᑦᑎᐊᖓᓂ ᐅᕝᕙᓘᓐᓃᑦ ᐱᓕᕆᖃᑎᖃᕐᓗᑎᑦ ᐃᓄᖕᓂᒃ ᐊᑕᐅᓯᐅᖃᑎᒌᒃᓗᑎᒃ," ᐅᖃᖅᐳᖅ ᕙᓗ. 

ᖁᕕᐊᒋᔭᖃᓚᐅᖅᑐᖅ ᑕᐅᑐᕋᓐᓈᕐᓂᕐᒥᒃ ᐃᓄᖕᓂᒃ ᐃᓕᑦᑎᕙᓪᓕᐊᔪᓂᒃ ᐱᕈᖅᐸᓪᓕᐊᔪᓂᒡᓗ. ᕙᓗ ᐃᑲᔪᕈᒪᓪᓚᑦᑖᖅᐳᖅ ᒪᕐᕉᖕᓂᒃ−ᑕᕐᕆᔭᐅᔫᖕᓂᒃ ᐊᒻᒪ LGBTQ−ᒥ ᒪᒃᑯᒃᑐᓂᒃ ᐊᒻᒪ ᐃᓕᓐᓂᐊᒃᑲᓐᓂᕐᓗᑎᒃ ᒥᑎᐅᑉ ᐃᓕᖅᑯᓯᖓᓂᒃ ᐊᒻᒪ ᓴᓇᐅᒐᖏᓐᓂᒃ.

ᓇᓂᓯᓚᐅᖅᑐᖅ ᐃᓕᓐᓂᐊᑲᓐᓂᕐᓂᕐᒧᑦ ᐱᓕᕆᕝᕕᐅᔪᓂᑦ ᐊᖅᑯᑎᑦᓯᐊᕙᒻᒥᑦ ᑲᑎᑎᑦᓯᓂᕐᒥᑦ ᐃᓕᖅᑯᓯᕐᒥᑦ ᑲᓲᒪᔪᓂᑦ ᐃᓄᓐᓂᑦ. 

"ᐊᒥᓱᑦ ᐃᓚᒌᑦ ᑲᑎᙵᔪᓐᓃᖅᑐᑦ ᓄᓇᓕᖏᑕ ᖃᐅᔨᒪᔭᖏᓐᓂᑦ ᐅᕝᕙᓘᓐᓃᑦ ᐃᓚᑎᑦ ᓅᑦᑕᕆᐊᖃᕐᓂᖅᐸᑕ ᓄᓇᓕᐸᐅᔭᕐᒧᑦ ᖃᔅᓯᐊᕐᔪᐃᑦ ᐊᓂᒍᖅᑐᑦ ᐊᒃᑐᐊᓂᖃᙱᖦᖢᑎᓪᓗ ᓴᓂᕐᕙᒃᑕᐅᓯᒪᔪᒧᑦ, ᑲᑉᐱᐊᓇᕈᓐᓇᖅᑐᖅ ᐅᑎᕋᓱᒃᓗᓂ ᑲᑎᙵᖃᑎᖃᕐᓗᓂᓗ," ᐅᖃᖅᑐᖅ ᕙᓗ. 

ᐊᒻᒪ ᐃᑲᔪᖅᓱᖅᑕᐅᔪᑦ ᓲᕐᓗ ᐃᓐᓇᐃᑦ ᐊᖏᕐᕋᓖᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐃᑲᔪᖅᑎᑦ ᐃᑲᔪᓚᐅᖅᐳᑦ ᑲᑎᙵᒃᑲᓐᓂᖅᑎᓪᓗᒋᑦ. ᕙᓗ ᓇᓂᓯᓚᐅᕐᒥᔪᖅ ᐃᑲᔪᖅᓱᐃᑦᑎᐊᕐᓂᕐᒥᑦ ᐱᓇᔪᒃᑎᓪᓗᒍ ᐃᓕᓐᓂᐊᕈᑎᒧᑦ ᐃᑲᔫᑎᒥᑦ. 

ᑮᓇᐅᔭᑭᒃᓴᐃᓐᓇᖅᐸᓚᐅᖅᑐᖅ ᐃᓕᓐᓂᐊᕆᐊᕆᐊᒃᓴᖅ ᐃᓕᓐᓂᐊᕐᕕᖕᓂ ᐃᓕᓐᓂᐊᕐᕕᓪᓗ ᐃᑲᔪᖅᖢᑎᒃ ᓇᓂᓯᓇᓱᒃᑎᓪᓗᒋᑦ ᐱᓇᔪᒃᖢᑎᒡᓗ ᑖᒃᑯᓂᖓ ᐱᔭᕆᐊᖃᓪᓚᕆᒃᑐᓂᑦ ᑮᓇᐅᔭᓂᑦ.

ᐊᓯᐊᑦᑕᐅᖅ ᐊᕝᕕᐊᕈᑎᐅᔪᖅ ᐊᑲᐅᒋᔭᖓᒍᑦ ᐊᒻᒪᓗ ᐃᓄᓐᓂᒃ ᑲᑎᖃᑎᖃᕋᓱᐊᖅᑐᓂ. ᕙᓗᕐᔅ ᐅᖃᐅᔾᔨᒋᐊᕐᓂᖓ ᑕᐅᖅᓰᖃᑦᑕᐅᑎᓗᓂ ᐃᕐᖐᓐᓈᕈᑎᒃᑯᑦ, ᐅᐸᒍᑎᓗᓂ ᓯᓚᑦᑐᖅᓴᕐᕕᖕᒥ ᖃᓄᐃᓕᐅᕈᑎᓄᑦ ᓲᖃᐃᒻᒪ ᖃᐅᔨᒪᔪᖃᓚᐅᖅᓯᒪᙱᒻᒪᑦ ᓇᒧᑦ ᑖᒃᑯᐊ ᑲᓲᑎᔾᔪᑎᑦ ᑐᕌᕐᓂᐊᕐᒪᖔᑕ. ᐊᒻᒪᓗ ᑕᐃᒪᐃᑦᑕᐅᑎᒋᖏᑉᐸᑦ, ᓱᓕ ᐃᓕᓐᓄᑦ ᐱᑦᑎᐊᕋᓱᓐᓂᐊᖅᐳᑎᑦ. 

"ᐃᓕᖕᓂᒃ ᐱᐅᓂᖅᓴᐅᒋᑦ. ᐱᑦᑎᐊᖅᐸᒡᓗᑎᑦ, ᑭᓱᒃᑭᐊᖅ ᐊᑯᓂᐅᓲᑦ. ᖃᓄᐃᑦᑐᖃᙱᑐᐃᓐᓇᕆᐊᓕᒃ ᐱᕕᒃᓴᕆᑎᑕᐅᔪᒃᑯᑦ ᓴᖅᑭᓐᓂᐊᕋᓱᒋᓗᒍ ᐅᕝᕙᓘᓐᓃᑦ ᐊᔾᔨᒋᙱᑐᐃᓐᓇᕆᐊᖃᖅᑕᖓᓂᒃ ᐃᓱᒪᒋᔭᕐᓂᒃ, ᑭᓯᐊᓂ ᐃᒻᒥᓂᒃ ᐱᑦᑎᐊᕐᓗᑎᒃ ᖁᔭᓕᓗᑎᒡᓗ ᑭᓱᓕᒫᓂᒃ ᐱᓯᒪᔭᕐᓂᒃ." ᐅᖃᖅᖢᓂ ᕙᓗ. 

ᐊᒻᒪᓗ ᐃᓕᓐᓂᐊᐸᓪᓕᐊᑎᓪᓗᒍ ᓱᓕ, ᕙᓗ ᑲᔪᖏᖅᓴᐃᖃᑦᑕᖅᑐᖅ ᐊᕐᓇᓂᑦ ᐃᓅᓯᖓᓂᑦ. 

"ᖁᕕᐊᓱᒃᑎᑕᐅᓪᓗᐊᑕᖃᑦᑕᖅᑐᖓ ᑲᒪᓇᖅᑐᓄᑦ ᐊᕐᓇᓄᑦ ᐃᓅᓯᓐᓂ. ᐊᓈᓇᒋᒐᓗᐊᕈᒃᑯ, ᑲᒪᓇᑦᑎᐊᖅᑐᖅ. ᐅᕝᕙᓘᓐᓃᑦ ᐊᑦᑕᒃᑲ, ᑖᒃᑯᐊᓕᒫᑦ ᐊᕐᓇᐃᑦ ᓯᓚᑐᔪᐊᓘᒻᒪᑕ ᐊᒻᒪᓗ ᐃᖏᕐᕋᓪᓗᑎᒃ. ᐊᒻᒪᓗ ᑲᒪᓇᖅᑐᒻᒪᕆᐅᓪᓗᑎᒃ ᑕᑯᔭᕆᐊᒃᓴᖅ ᐊᒻᒪᓗ ᐅᕙᖓᐅᔪᒪᑐᐃᓐᓇᖅᑐᖓ, ᐊᑦᑕᒋᔪᒪᒐᒃᑭᑦ ᐅᓪᓗᐃᓐᓇᖅ." ᐅᖃᖅᖢᓂ ᕙᓗ.

ᖁᔭᓐᓇᒦᒃ ᐋᔅᑳᕐ ᐸᐃᑯᕐ III ᑎᑎᕋᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ.