"ᐅᖃᐅᓯᕐᓂᒃ ᐃᓕᑦᑎᔭᕆᐊᖃᖅᑐᑎᑦ. ᑐᑭᓯᔭᕆᐊᖃᖅᑕᐃᑦ. ᑕᒪᓐᓇ ᐱᕕᔾᔪᐊᖑᒻᒪᑦ ᒫᓐᓇᐅᓕᖅᑐᕐᓕ ᑭᒃᑰᒐᑦᑕ ᐊᓯᐅᔨᒐᐃᒐᑦᑕ ᐅᖃᐅᓯᑦᑎᓐᓂᒃ?" ᒫᑦᓕᓐ ᑲᑲᕙᐃ ᐊᐱᕆᕗᖅ. ᐱᕈᖅᓴᓚᐅᖅᑐᖅ ᕙᐃᑦ ᓇᓄᕐᒥᑦ ᓄᓇᖃᖅᑳᖅᓯᒪᔪᓂᑦ ᐊᓈᓇᑦᑎᐊᖓᓄᑦ ᐊᓈᓇᐅᓕᖅᖢᓂᓗ 9−ᓂᑦ ᕿᑐᕐᖓᖃᖅᖢᓂ 15−ᓂᑦ ᐃᕐᖑᑕᖃᖅᖢᓂ ᓇᖕᒥᓂᖅ. ᓄᓇᖃᖅᓯᒪᔪᖅ ᐊᖏᕐᕋᖓᓂ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐃᓅᓯᓕᒫᖓᓂ ᐃᓚᒋᔭᐅᓪᓗᓂᓗ ᐃᓐᓇᕐᓄᑦ ᐅᖃᐅᓯᕐᓄᑦ ᐱᓕᕆᐊᒃᓴᓂᑦ ᓄᓇᓕᖓᓂ, ᐱᓕᕆᖃᑎᖃᕐᖢᓂ ᐃᓐᓇᑐᖃᕐᓂ ᐅᖃᕈᓐᓇᑦᑎᐊᖅᑐᓂᒃᓗ ᑯᕇᔅᓂᑦ. 

ᐊᑕᐅᓯᐊᕐᖢᓂ, ᐃᖅᑲᓇᐃᔭᕐᖢᓂ ᕙᐃᑦ ᓇᓄᓕᕆᓂᕐᒧᑦ ᐃᓕᓐᓂᐊᕐᕕᒃ ᐃᒡᓗᖁᑎᖓᓂ ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑎᐅᓪᓗᓂ, ᑭᓯᐊᓂ ᐅᑎᕐᖢᓂ ᐃᓕᓐᓂᐊᕐᕕᖕᒧᑦ ᐃᓕᓐᓂᐊᕆᐊᕐᖢᓂ ᐱᓯᓂᓯᒧᑦ. ᐅᑎᒃᑲᓐᓂᓚᐅᕐᒥᔪᖅ ᐃᓕᓐᓂᐊᕐᕕᒻᒥ ᐃᓐᓇᐃᑦ ᐃᓕᓴᐃᓪᓗᑎᒃ ᐅᖃᐅᓯᕐᒥᒃ ᓱᕈᓯᕐᓄᑦ. ᐱᓕᕆᐊᖓ ᐱᔾᔪᑎᖃᓗᐊᖅᓯᒪᔪᖅ ᓄᑕᖅᑲᓂᒃ ᐊᒻᒪᓗ Cree language-ᒥᒃ ᓴᖅᑭᖃᑦᑕᐃᓐᓇᖅᖢᓂ, ᐅᔾᔨᕈᓱᓚᐅᕐᒪᑦ ᐅᖃᓪᓚᒍᓐᓇᑦᑎᐊᖏᓐᓂᖓᓂᒃ ᓄᓇᓕᖕᒥᓂ. "ᑕᐃᒪᓕ ᐃᓱᒪᓕᓚᐅᖅᑐᖓ 'ᐅᖃᐅᓯᖅᐳᑦ ᐅᑎᕆᐊᖃᕐᓂᑦᑎᓐᓂᒃ'," ᐃᖅᑲᐅᒪᔪᖅ.  

ᐱᒻᒪᕆᐅᓂᖓ ᐃᓐᓇᑐᖃᐃᑦ ᐅᖃᐅᓯᕆᕙᑉᐸᐅᒃ ᑕᐃᒃᑯᐊ ᐅᖃᐅᓯᖃᕐᒪᑕ ᐃᓕᖅᑯᓯᑐᖃᖅᑎᓐᓂᑦ ᐅᖃᐅᓯᑐᖃᕐᒥᑦ ᑲᓇᑕᒥ ᐅᖃᓕᒪᑎᓪᓗᒋᑦ. "ᐃᓐᓇᑐᖃᐃᑦ ᐅᖃᓕᒫᒐᖃᕐᕕᒋᓪᓗᐊᑕᖅᑕᕗᑦ. ᑕᐃᒃᑯᐊ ᑎᑎᖅᑲᖁᑎᑐᖃᐅᔪᑦ.. ᐅᐱᓐᓇᕋᓂ ᖃᐅᔨᒪᔭᐃᓐᓇᕆᒻᒪᒋᑦ ᑕᒪᒃᑯᐊ. ᖃᐅᔨᒪᖕᒪᑕ ᖃᓄᖅ ᐱᓕᕆᐊᖑᓚᐅᖅᓯᒪᖕᒪᖔᑦ ᖃᖓᑲᓪᓚᐅᓕᖅᑐᖅ, ᐱᓗᐊᖅᑐᒥᑦ ᓄᓇᔅᓯᓐᓂᑦ," ᓇᓗᓇᐃᕐᓯᔪᖅ. ᓄᓇᓕᖓᑦ ᖃᓄᐃᓕᐅᖅᐸᒻᒪᖔᖅ ᐊᒻᒪᓗ ᐅᖃᓕᒪᓪᓗᓂ ᐅᖃᐅᓯᖓᓂᑦ ᐊᔾᔨᒋᙱᒻᒪᒍ ᐊᒻᒪᓗ ᑕᒪᓐᓇ ᕿᓂᕐᒪᑕ ᓴᐳᔾᔨᓂᕐᒥᑦ ᐃᓕᓐᓂᐊᓂᕐᒥᑦ ᐱᑐᖃᐅᔪᓂᑦ ᓄᓇᒋᔭᖏᓐᓂ. ᐊᒥᓲᙱᖦᖢᑎᒃ ᐃᓐᓇᐃᑦ, ᓄᓇᓖᑦ ᐊᒃᓱᕈᖅᖢᑎᒃ ᐱᓕᕆᕗᑦ ᐅᖃᐅᓯᕐᒥᓂᒃ ᐅᖃᐅᓯᖃᕋᓱᒃᖢᑎᒃ. 

ᐊᔪᕐᓇᖅᑐᖅᓯᐅᓕᕌᖓᑦ ᑐᑭᓕᐅᕆᓂᕐᒥᒃ ᐅᖃᐅᓯᕐᒥᒍᑦ, ᑲᑲᕙᐃ ᐃᓚᒥᓄᑦ ᖃᓂᒋᔭᒥᓄᓪᓗ ᓄᓇᓕᖕᓄᑦ ᐅᖃᐅᔾᔪᖅᓱᖅᑕᐅᔪᒪᕙᒃᖢᓂ. ᐃᑲᕐᕋᒐᓵᓗᓐᓂᒃ ᐃᓅᑐᐃᓐᓇᕆᐊᓖᑦ ᑭᓯᐊᓂ ᐃᑲᔪᕈᒪᓂᖃᕋᔪᑦᑐᑦ. ᑕᐃᒫᒃᓴᐃᓐᓇᕐᓗ, ᐃᓕᓐᓂᐊᓚᐅᖅᑐᖅ ᐃᓕᓴᐃᓂᕐᒥᒃ ᑕᐅᑐᒃᖢᓂ ᓇᖕᒥᓂᖅ ᐃᓕᓴᐃᔨᒥᓂᒃ, ᒪᓕᒃᖢᓂ ᐆᒃᑑᑎᒥᓂᒃ ᕿᒡᒋᖅᑎᓪᓗᒍ ᑕᒪᒃᑮᓄᑦ ᐃᓯᒐᖕᓄᑦ. 

ᐃᓕᓐᓂᐊᖅᑎᑦᑎᑎᓪᓗᒍ ᐅᖃᐅᓯᕐᒥᒃ, ᑲᑲᕙᐃ ᐊᑐᖅᐸᒃᐳᖅ ᐅᖄᓚᐅᑎᒃᑯᑦ ᐊᑐᖅᑕᐅᓇᔭᖅᑐᒥᒃ ᐃᑲᔪᖅᖢᓂᓗ ᓄᑕᖅᑲᓂᒃ ᐃᓐᓇᕐᓂᒡᓗ ᐃᓕᑦᑎᕙᓪᓕᐊᓂᕐᒥᒃ ᐊᑕᐅᓯᕐᒥᒃ ᐅᖃᕈᓐᓇᕐᓂᕐᒥᒃ ᐊᑕᐅᑦᑎᒃᑯᑦ. ᐱᒋᐊᓪᓚᒃᑎᑦᑎᒃᑲᓐᓂᓲᖅ ᐃᓕᓐᓂᐊᕈᑎᒥᓂᒃ ᐊᑕᐅᓰᓐᓇᓕᑎᑦᑎᓂᒃᑯᑦ, ᐱᙳᐊᕐᓂᒃᑯᑦ, ᐊᑐᒐᒃᓴᖅ ᑕᐃᔭᖅ ᑲᑎᖦᖢᒋᑦ ᑎᒥᒃᑯᑦ ᑭᐅᓂᖅ ᐊᓯᖏᓪᓗ ᐊᑐᒐᒃᓴᑦ. ᓄᑕᖅᑲᑦ ᐱᕙᓪᓕᐊᓕᖅᑎᓪᓗᒋᑦ ᐅᖃᐅᓯᕐᒥᓂ ᐃᓕᓐᓂᐊᕈᑎᖏᓐᓂ, ᐊᖓᔪᖅᑳᕆᔭᐅᔪᑦ ᐊᐱᕆᖃᑦᑕᓚᐅᖅᐳᑦ ᑐᑭᓕᐅᖅᑕᐅᖁᔨᓪᓗᑎᒃ ᕿᑐᕐᖓᖏᑦ ᖃᓄᖅ ᐅᖃᕐᒪᖔᑕ, ᐃᓐᓇᕐᓄᑦ ᐅᖃᐅᓯᓕᕆᔪᓐᓇᖅᓯᓪᓗᑎᒃ. ᑕᒪᓐᓇ ᐱᕕᖃᖅᑎᑦᑎᓇᔭᖅᐳᖅ ᐅᖃᖃᑎᒌᒃᑲᓐᓂᕐᓂᕐᓂᒃ ᐊᖏᕐᕋᕆᔭᒥᓂ ᐅᕙᓂ, Cree−ᒥ ᑭᒃᑯᑐᐃᓐᓇᑦᑎᐊᓄᑦ ᐅᖃᐅᓯᕐᓄᑦ ᐃᓕᑦᑎᕙᓪᓕᐊᓂᕆᔭᐅᔪᒧᑦ. 

 ᐃᓕᑦᑎᕙᓪᓕᐊᓂᖅ ᐅᖃᐅᓯᕐᓂᒃ ᐊᔪᕐᓇᕐᓂᖅᓴᐅᔪᓐᓇᖅᐳᖅ ᖃᖓᙳᒃᑲᓐᓂᖅᐸᑦ ᐃᓅᓯᕐᓂ ᑕᐃᒪᐃᓐᓂᖓᓄᓪᓗ ᑕᒪᓐᓇ ᐊᑯᓂᒻᒪᕆᐅᕗᖅ ᑭᓯᐊᓂᓗᑦᑕᐅᖅ ᐱᓕᕆᖃᑎᒌᒃᐳᒃ ᐊᑕᐅᑦᑎᒃᑯᑦ, ᖃᐅᔨᑎᑦᑎᓂᒃᑯᑦ, ᓂᕐᔪᑎᓂᒃ, ᑕᖅᓴᓂᒃ, ᖃᔅᓯᐅᓂᕆᔭᖏᓐᓂᒃ ᐊᓯᒃᑲᓐᓂᖏᓐᓂᒡᓗ, ᐋᖅᑭᒃᓱᐃᕙᓪᓕᐊᓂᕐᒥᒃ ᐅᖃᐅᓯᕐᓂᒃ ᖁᓱᙱᓐᓂᕐᒥᒡᓗ. ᐊᔾᔨᙳᐊᓂᒃ ᑲᑎᙵᖃᑎᖃᕐᓂᖅ ᐅᖃᐅᓯᕐᓂᒃ ᐃᑲᔪᖅᐸᒃᐳᖅ ᐃᓕᓐᓂᐊᖅᑎᓂᒃ ᐊᖏᒡᓕᕙᓪᓕᐊᑎᑦᑎᓪᓗᓂ ᐅᖃᓪᓚᒍᓐᓇᕐᓂᕐᒥᒃ ᐃᓕᑦᑎᕙᓪᓕᐊᓂᕐᒧᓪᓗ ᐊᕙᑎᒥᒃ ᐃᒃᐱᒋᔭᖃᑦᑎᐊᕐᓂᕐᒥᒃ, ᑲᑲᕙᐃ ᑎᓕᐅᕆᕗᖅ ᐃᓕᓐᓂᐊᖅᑎᓂᒃ ᐃᒡᓚᖃᑦᑕᐅᑎᖃᑦᑕᖁᙱᖦᖢᒋᑦ ᑕᒻᒪᕌᖓᒥᒃ.

ᐃᓚᒋᓪᓗᓂᐅᒃ ᐃᓕᓐᓂᐊᖅᑕᖏᑕ, ᓴᓇᓯᒪᕗᑦ ᐃᓚᒌᓄᑦ ᓇᐹᖅᑐᓂᑦ Cree-ᒥ ᐊᒻᒪᓗ ᓱᖏᐅᑎᓯᒪᓪᓗᑎᒃ ᐱᔾᔪᑎᒃᓴᓂᑦ ᓇᖕᒥᓂᖅ ᐅᖃᐅᓯᕐᒥᓄᑦ ᐃᑲᔪᖅᑕᐅᓪᓗᑎᒃ ᐃᓐᓇᖏᓐᓄᑦ. ᑲᑲᕙᐃ ᐃᒪᐃᖁᔨᔪᖅ ᓂᐱᓕᐅᕆᓂᕐᒥᑦ ᐃᓄᑐᖃᕐᓂᑦ ᐅᖃᓪᓚᑦᑐᓂᑦ ᐅᖃᐅᓯᕐᒥᑦ ᐊᑲᐅᑦᓴᖅᐸᑕ ᓂᐱᓕᐅᖅᑕᐅᓂᕐᒧᑦ. ᐃᓐᓇᐃᑦ ᕿᑐᕐᖓᒥᓂᒃ ᐅᖃᓪᓚᒍᓐᓇᖅᓯᕙᓪᓕᐊᑎᓪᓗᒋᑦ, ᐅᖃᐅᓯᕐᒥᒃ ᐃᓕᓐᓂᐊᕐᓂᖅ ᐱᕙᓪᓕᐊᑐᐃᓐᓇᖅᐳᖅ ᐊᒻᒪ ᐃᓕᓐᓂᐊᖃᑎᒌᑦ ᐱᕈᖅᐸᓪᓕᐊᓪᓗᑎᒃ ᐃᓕᓐᓂᐊᕐᕕᖕᒥ ᐃᒡᓗᕈᓯᕐᒥ.  "ᕿᑐᕐᖓᕗᑦ ᑕᑯᔪᒪᒐᒃᑭᑦ, ᐊᒻᒪ ᒪᒃᑯᒃᑐᖁᑎᕗᑦ ᐅᖃᐅᓯᕐᒥᓂᒃ ᐅᖃᓪᓚᓲᑦ," ᓂᐱᖃᕐᓗᓂ ᑕᐅᑐᖅᑰᖅᑕᖓ. 

"ᕿᑐᕐᖓᕗᑦ ᑕᑯᔪᒪᔭᒃᑲ, ᐊᒻᒪ ᒪᒃᑯᒃᑐᖁᑎᕗᑦ ᐅᖃᐅᓯᕐᒥᓂᒃ ᐅᖃᓪᓚᓲᑦ"

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᓄᓇᒥᓂᒃ ᐊᐅᓪᓚᖅᑐᓄᑦ ᐃᖅᑲᓇᐃᔭᕆᐊᕐᓗᓂ ᐃᓕᓐᓂᐊᕐᕕᖕᒥ, "ᐃᓕᑦᑎᒋᑦ ᑭᓇᐅᓂᕐᓂ ᐊᐅᓪᓚᓚᐅᙱᓐᓂᕐᓂ, ᓇᑭᙶᕐᒪᖔᓪᓗ." ᐅᖃᖅᖢᓂ ᕿᓂᖁᔨᓪᓗᓂ ᐅᖃᐅᓯᖕᓂᑦ ᐃᓕᖅᑯᓯᖕᓂᓪᓗ ᐊᑐᒐᒃᓴᓂᑦ ᓄᑖᒥᑦ ᓄᓇᓕᖕᓂᑦ ᐃᓐᓇᖕᓂᓪᓗ ᐅᐸᒃᓯᒪᖃᑦᑕᕐᓂᐊᖅᑕᖏᓐᓂᑦ ᐊᒃᓱᕈᖕᓇᑐᒃᑰᖅᑎᓪᓗᒋᑦ.  ᓱᒃᑲᓴᖅᑐᒥᒃ ᓄᓇᓕᐸᐅᔭᕐᒥ ᐃᓅᓯᖅ ᐊᒻᒪ ᐃᓕᓐᓂᐊᖅᑕᐅᔭᕆᐊᓖᑦ, ᑲᑲᕙᐃ ᑭᒡᒐᖅᑐᐃᕗᑦ ᐃᓕᑦᑎᕙᓪᓕᐊᔪᒪᓪᓗᑎᒃ ᐊᒻᒪ ᐱᓕᕆᑦᑎᐊᕋᓱᒡᓗᑎᑦ. ᐃᓄᖕᓂᒃ ᐱᓕᕆᐊᒃᓴᓂᒡᓗ ᖃᐅᔨᒋᐊᖃᑦᑕᖁᔨᕗᖅ ᑐᙵᑦᑎᐊᖏᓐᓇᖁᓪᓗᒍ. 

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ, ᐊᓈᓇᑦᑎᐊᖓᑕ ᐃᓕᓐᓂᐊᕈᑎᒋᓇᔭᖅᑕᖓ. "ᐅᔾᔨᖅᓱᑦᑎᐊᕐᓗᒋᑦ ᐃᓕᓴᖅᑕᐅᕙᓪᓕᐊᔪᑦ. ᒪᑐᐃᖓᔪᒥᒃ ᐃᓱᒪᖃᕐᓗᑎᑦ ᐃᒃᐱᒍᓱᑦᑎᐊᕐᓗᑎᓪᓗ... ᐱᕕᖃᒃᑲᓐᓂᖁᓇᔭᖅᑕᕋ," ᐅᖃᖅᑐᖅ. ᓈᓚᖕᓂᖅ ᐊᖓᔪᖅᑳᓂᑦ ᐃᑦᑐᒃᑯᓂᓪᓗ/ᐊᑖᑕᑦᑎᐊᒃᑯᓂᑦ ᑎᓕᐅᕆᕙᒃᐳᖅ ᒪᒃᑯᒃᑐᓂᑦ ᐃᓕᓐᓂᐊᕈᓐᓇᖁᓪᓗᒋᑦ. 

ᑖᓐᓇ ᐅᖃᐅᓯᓕᕆᓂᕐᒧᑦ ᐃᓕᓴᐃᔨ, ᐊᓈᓇᒋᔭᐅᔪᖅ 9-ᓂᒃ ᐊᒻᒪᓗ ᓂᖏᐅᕆᔭᐅᔪᖅ 15-ᓂᒃ ᖃᐅᔨᒪᔪᖅ ᖃᓄᐃᒻᒪᖔᖅ ᐃᓕᑦᑕᕆᐊᖃᕋᕕᑦ ᐅᖃᐅᓯᕐᓂᒃ ᐊᒻᒪᓗ ᑐᑭᓯᔭᕆᐊᖃᖅᑕᐃᑦ. ᐊᓯᐅᔨᓂᖅ ᐅᖃᐅᓯᕐᒥᒃ ᐊᓯᐅᔨᓂᐅᕗᖅ ᑭᓇᐅᓂᕐᒥᓂᒃ ᐱᓕᕆᐊᖃᖅᖢᓂᓗ ᐊᑕᓕᖅᑎᑦᑎᔪᒪᓪᓗᓂ ᓄᓇᓕᖕᒥᐅᓂᒃ ᒪᒃᑯᒃᑐᓂᒃ ᐃᓐᓇᕐᓂᒡᓗ ᐅᖃᐅᓯᑐᖃᕐᒥᒃ. ᐃᑲᔪᖅᑕᐅᓪᓗᓂ ᐃᓐᓇᕐᓄᑦ, ᑲᔪᓯᑎᑦᑎᔪᖅ ᓄᑖᓂᒃ ᑭᖑᕚᕇᓂᒃ ᐅᖃᐅᓯᓕᕆᓂᕐᒥ ᐃᓕᑦᑎᕙᓪᓕᐊᔪᓂᒃ ᐊᒻᒪᓗ ᐊᒃᑐᐃᓂᖓ ᐅᖃᐅᓯᐅᑉ ᐅᖃᕈᓐᓇᕐᓂᖅᓴᐅᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.