"ᑖᒃᑯᐊ ᐊᖏᔪᑦ ᓯᓐᓇᑦᑑᒪᒋᓵᖅᑕᒃᑲ, ᓱᓕᓗ ᐱᓚᐅᖅᑐᖓ. ᑖᒃᑯᐊ ᐊᖏᔪᑦ ᓯᓐᓇᑦᑑᒪᒋᒐᒃᑭᑦ, ᓱᓕᓗ ᑖᒃᑯᐊ ᑐᓗᖅᑕᕈᑏᑦ ᐱᓯᒪᔭᒃᑲ," ᒪᐃᑲ ᕼᐋᐸ. ᐊᐳᖅᑕᕈᑎᖃᕋᓗᐊᖅᑎᓪᓗᒍ, ᐃᒻᒥᓂᒃ ᐊᑎᖅᑖᖅᑐᖅ ᐊᔾᔨᒌᙱᑦᑐᑎᒍᑦ. ᐃᓅᓪᓗᓂ ᐊᒻᒪ Caucasian-ᒥ ᐱᙳᐊᖅᑎᐅᓪᓗᓂ ᐊᒻᒪ ᓴᓇᙳᐊᖅᑎᐅᓪᓗᓂ. ᐃᓅᓂᑰᓪᓗᓂ ᐱᕈᖅᓴᓪᓗᓂᓗ ᐃᖃᓗᖕᓂ, ᓅᖦᖢᓂ ᓂᒋᕐᒧᑦ ᐃᓕᓐᓂᐊᕆᐊᕐᖢᓂ ᓯᓚᑦᑐᖅᓴᕐᕕᒡᔪᐊᒧᑦ ᐅᐃᓐᓱᒧᑦ ᐋᖅᑭᒃᓯᓚᐅᙱᑎᓪᓗᒍ ᑐᕌᓐᑐᒥ. ᑎᑎᕋᖃᑦᑕᖅᑐᖅ ᓄᑕᖅᑲᑦ ᐅᖃᓕᒫᒐᖏᓐᓂᒃ, ᐊᓕᐊᓇᐃᒋᔭᒥᓂᒃ ᐊᐃᑉᐸᖃᙱᖦᖢᓂ ᐊᓈᓇᐅᓪᓗᓂ. ᑕᓚᕕᓴᒃᑰᖅᓯᒪᔪᖅ ᐊᒻᒪᓗ ᓄᑖᒥᒃ ᓴᖅᑭᖅᑐᖃᖅᑐᓂ.  

ᕼᐋᐸ ᓄᓇᖃᖅᑎᓪᓗᒍ ᐃᖃᓗᓐᓂ, ᐃᓕᓐᓂᐊᖅᑎᑕᖃᓚᐅᖏᑦᑐᖅ ᑭᓯᐊᓂ ᐊᐅᓪᓚᕋᒥ, ᑭᓯᐊᓂ ᓴᓇᓐᖑᐊᖅᑎᐅᔪᖅ ᐃᓕᓐᓂᐊᕐᕕᕐᔪᐊᕐᒦᓚᐅᖅᑐᖅ. ᖃᓂᒋᔭᖓᓃᖦᖢᓂ ᐃᓄᖕᓂᒃ ᐊᒥᖅᑳᕈᑎᖃᖅᑐᓂᒃ ᐱᔪᒪᔭᖏᓐᓂ ᓯᓚᑦᑐᖅᓴᕐᕕᒃᔪᐊᒥ ᓇᒡᓕᒋᔭᐅᓚᐅᖅᑐᖅ. ᐃᓚᐅᖃᑕᐅᓚᐅᖅᑐᖅ ᑲᓇᑕᓕᒫᒥ ᕿᓂᖅᑎᓪᓗᒋᑦ ᓯᕗᓕᖅᑎᒃᓴᒥᒃ ᒧᕼᐊᒃ ᓂᕕᐊᖅᓵᓄᑦ ᒥᖦᖢᓂᐅᒡᓗ. ᖁᕕᐊᓱᑦᑐᒻᒪᕆᐅᓚᐅᖅᐳᖅ ᐊᒻᒪ ᖁᕕᐊᒋᔭᖃᖅᑐᓂ ᓇᒻᒥᓂᖅ ᑭᓯᐊᓂ ᐊᔅᓱᕈᖅᑐᓂ ᓂᕈᐊᕆᐊᖃᓚᐅᖅᐳᖅ ᒪᓕᓪᓗᓂ ᓯᓐᓇᑦᑑᒪᒋᔭᖏᓐᓂᑦ ᐅᕝᕙᓘᓐᓃᑦ ᐱᔭᕇᖅᓯᓪᓗᓂ ᓯᓚᑦᑐᓴᕐᕕᕐᔪᐊᕐᒥᑦ. ᓂᕈᐊᓚᐅᖅᑐᖅ ᓈᓚᐅᑎᒃᑰᕐᓂᕐᒥᒃ ᖁᕕᐊᓱᒃᖢᓂᓗ ᑕᐃᒪᐃᓚᐅᕐᓂᕐᒥᓂᒃ ᓲᖃᐃᒻᒪ ᖃᐅᔨᒪᐃᓐᓇᐅᔭᕐᒪᑦ ᖃᓄᐃᓕᐅᕈᒪᓂᕐᒥᓂᒃ, ᖃᐅᔨᒪᙱᖦᖢᓂ ᖃᓄᖅ.

"ᐃᖅᑲᓇᐃᔮᓪᓚᕆᐅᓇᓱᒋᓚᐅᙱᑕᕋ, ᐊᔾᔨᒌᒃᑎᑦᑎᓗᓂ. ᖃᐅᔨᒪᑐᐃᓐᓇᓚᐅᖅᑐᖓ ᑕᒪᓐᓇ ᐱᐅᒋᑦᑎᐊᕋᒃᑯ, ᐊᒻᒪᓗ ᖁᕕᐊᒋᑦᑎᐊᓚᐅᖅᑕᕋ. ᓇᓪᓕᒋᓪᓚᕆᑦᑕᕋ ᑕᕐᕆᔭᕐᕕᒃ. ᐊᓕᐊᓇᐃᒋᑦᑎᐊᖅᑕᕋ ᐅᓂᒃᑳᖅᑐᐊᕐᓂᖅ ᓇᖕᒥᓂᖅ ᓵᑦᑎᐊᖓᓃᑎᓪᓗᑎᑦ ᖁᙱᐊᕆᐊᖅᓯᒪᔪᓄᑦ," Hᐋᐳ ᓴᖅᑭᔮᖅᑎᑦᑎᔪᖅ. ᐅᑎᖅᓯᒪᓕᖅᑐᖅ ᑕᕐᕆᔭᕆᐊᖅᑐᖅᖢᓂ ᔅᑐᕌᑦᕗᑦᒥ ᖁᕕᐊᒋᓚᐅᖅᖢᓂᐅᒡᓗ, ᐱᓕᕆᒃᑲᓐᓂᕈᒪᓪᓗᓂ.  

ᓂᕈᐊᕐᓂᐊᕐᓗᓂ ᐱᓕᕆᐊᒃᓴᓂᒃ, Hᐋᐳ ᓂᕈᐊᖃᑦᑕᖅᑐᖅ. "ᑕᐅᑐᒐᖃᓪᓗᐊᑕᖅᓯᒪᕗᖓ ᑭᓱᓂᒃ ᐱᓕᕆᐊᖃᖅᐸᖕᒪᖔᕐᒪ ᑭᓱᓂᒡᓗ ᐱᓕᕆᐊᖃᖅᐸᖕᒪᖔᕐᒪ ᐋᒃᑳᖅᐳᖓ, ᓲᖃᐃᒻᒪ ᑕᐅᑐᒃᑕᐅᔪᒪᙱᓐᓇᒪ ᐊᓯᒃᑲᓐᓂᖓᓂᒃ ᐊᔾᔨᒌᙱᑦᑐᓂᒃ ᐃᓄᒃ ᐱᙳᐊᖅᑎᐅᓂᖓᓂᒃ. ᑕᕐᕆᔭᖅᑎᐅᑐᐃᓐᓇᕈᒪᔪᖓ, ᐊᒻᒪᓗ ᑕᒪᓐᓇ ᐊᖏᔪᒻᒪᕆᐅᓪᓗᓂ, ᐊᒻᒪᓗ ᖁᕕᐊᓇᖅᐳᖅ ᐅᐱᒋᓪᓗᒍ ᓯᕗᓕᕆᓂᑯᓗᒐ ᑭᓯᐊᓂᓕ ᑕᒪᓐᓇ ᐅᖃᐅᓯᕆᑐᐃᓐᓇᖏᑕᕋ," ᓇᓗᓇᐃᕐᓯᔪᖅ.

ᐃᓱᒪᒋᓪᓗᒍ ᐊᖅᑯᑎᒋᓂᐊᖅᑕᖓ ᐱᙳᐊᖅᑎᙳᕐᓂᕐᒧᑦ, Hᐋᐸ ᑐᓴᖅᑎᑦᑎᔪᒪᔪᖅ ᐱᔪᒪᔪᓄᑦ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐊᒃᓱᕈᕐᓇᓛᖑᔪᖅ ᐃᓚᖓ ᐊᖏᕐᕋᖓᑕ ᕿᒪᒍᒪᓪᓗᓂᐅᒃ ᓲᖃᐃᒻᒪ ᐋᖅᑭᒃᑕᖅ ᑲᑉᐱᐊᓇᓚᐅᕐᒪᑦ ᐊᐅᓪᓚᖅᓯᒪᓪᓗᓂᓗ ᐊᖏᕐᕋᒥᓂᒃ ᐊᒃᓱᕈᕐᓇᓚᐅᖅᑐᖅ. ᐃᑲᔪᖅᑕᐅᔪᒪᓂᖅ ᐊᒻᒪᓗ ᖃᐅᔨᓂᖅ ᓄᓇᓕᐅᔪᒥᒃ ᐱᒻᒪᕆᐅᓚᐅᖅᑐᖅ ᐊᒻᒪᓗ ᐊᑐᖁᓪᓗᓂᐅᒃ ᐃᑲᔪᕈᑎᒃᓴᓂᒃ ᖃᓪᓗᓈᑦ ᓄᓇᖓᓐᓂ ᐃᓕᑦᑎᓂᕐᒧᑦ ᐊᒻᒪᓗ ᐃᑲᔪᖅᑐᖅᑕᐅᓂᕐᒧᑦ ᐊᖏᕐᕋᒥᒃ ᕿᒪᐃᓯᒪᓗᓂ, ᐱᓗᐊᖅᑐᒥᒃ ᓄᓇᓕᑭᓐᓂᖅᓴᒥᑦ ᓄᓇᖃᕈᕕᑦ. ᑐᖓᓱᒡᕕᖓ ᐃᓄᐃᑦ ᑲᑎᙵᖃᑎᖃᖁᓇᔭᖅᑕᖏᑦ ᑎᑎᕋᕐᕕᖃᕐᓂᖏᓐᓄᑦ ᓄᓇᓕᐸᐅᔭᕐᓂ.

ᐊᐃᑉᐸᖓᑦᑕᐅᖅ Hᐋᐸ ᒪᒃᑯᑦᑐᓂᒃ ᖃᐅᔨᒪᖁᔨᒻᒥᔪᖅ ᐱᑕᖃᕈᓐᓇᕆᐊᖓᓂᒃ ᐱᕕᑦᓴᖃᕐᓂᐅᔪᓂᒃ ᐅᑭᐅᖅᑕᖅᑐᒥ ᐊᒻᒪᓗ ᕿᒪᐃᒋᐊᖃᐃᓐᓇᖅᐸᒐᓂ ᐱᔪᒪᔭᕐᓂᒃ. ᑖᓐᓇ ᐅᑭᐅᖅᑕᖅᑐᒥ ᑕᑯᓐᓇᖅᑎᑦᑎᓂᐅᓂᐊᖅᑐᖅ, APTN-ᑯᑦ, ᓰᕖᓰᒃᑯᑦ ᐊᒻᒪᓗ ᓂᖀᑦ, ᐊᔾᔨᓕᐅᖅᑕᐅᓚᐅᖅᑐᑦ ᐊᖏᕐᕋᒧᑦ ᐊᒻᒪᓗ ᐃᖅᑲᓇᐃᔮᒃᓴᓕᐅᖅᑐᑎᒃ ᓄᓇᕗᒻᒥ.

"ᐅᖃᐃᓐᓇᕈᒪᙱᑦᑐᖓ ᐊᐅᓪᓚᕐᓂᖅ ᐱᒻᒪᕆᐊᓘᓂᖓᓂᒃ, ᓲᖃᐃᒻᒪ ᐅᑎᕐᓂᖅ ᐱᒻᒪᕆᐅᖕᒥᔪᖅᑕᐅᖅ," ᐊᒃᑐᐊᓂᖃᖅᑐᖅ.

ᐊᐳᖅᑕᕈᑏᑦ ᐱᔾᔪᑎᒋᓪᓗᒋᑦ, ᕼᐋᐸ ᐱᓕᕆᐊᖃᕆᐊᖃᖅᓯᒪᔪᖅ ᕿᐱᓗᓐᓂᐅᔪᓂᒃ ᐱᙳᐊᖅᑎᐅᓪᓗᓂ, ᐊᓯᖏᓐᓂᒃ ᐱᓕᕆᓂᖅᓴᐅᓪᓗᓂ. ᖃᓪᓗᓈᑦ ᓄᓈᓄᑦ ᓅᖦᖢᓂ, ᐊᖏᕐᕋᙱᖦᖢᓂ ᐃᖃᓗᒃᑐᖅᑰᔨᓪᓗᓂᓗ ᐃᒪᖃᕈᓐᓃᖅᖢᓂ.  "ᓄᓇᖃᖅᑳᖅᓯᒪᖅᑰᔨᔪᖓ, ᐃᓛᓐᓂᒃᑯᑦ ᓈᒻᒪᓚᐅᖅᓯᒪᖅᑰᔨᙱᖦᖢᖓ, ᓇᖕᒥᓂᕆᑐᐃᓐᓇᖅᖢᒍᓗ ᖃᐅᔨᒪᓪᓗᑎᓪᓗ ᐊᖏᕐᕋᐅᖏᓐᓇᕈᓐᓇᕋᕕᑦ, ᓄᓇᔅᓯᓐᓄᑦ ᐅᑎᕈᓐᓇᐃᓐᓇᐅᔭᖅᑐᑎᑦ," ᐅᖃᖅᖢᓂ.

‍

‍

ᐃᓄᐃᑦ ᑐᕌᓐᑐᒥ ᑐᑦᑕᕐᕕᒃ ᐃᑲᔪᖅᓯᒪᔪᖅ ᐃᑲᔪᖃᑦᑕᖅᓯᒪᓪᓗᓂ, ᓴᐸᖓᖃᕐᕕᐅᓪᓗᓂ, ᐃᓐᓇᕐᓂ ᐱᖃᑎᖃᖅᐸᒃᖢᓂ ᐊᒻᒪ ᓂᕿᓪᓚᑦᑖᓂᒃ ᓂᕆᖃᑎᖃᖅᐸᒃᖢᓂ. Hᐋᐳ ᐅᖃᐅᓯᖃᖅᑐᖅ ᑕᐃᑲᓃᓚᐅᖅᓯᒪᓂᖓᓂᒃ "ᐃᓅᓪᓗᓂ, ᐃᒡᓚᑲᑕᒃᖢᓂ ᓯᕙᓂᖅᐱᑦ ᒥᒃᓵᓄᑦ. ᖃᓪᓗᓈᑦ ᓄᓇᖓᓐᓅᑳᓪᓚᒡᓗᑎᑦ, ᕿᓚᒥᐊᓗᒃ, ᐊᖏᕐᕋᖅᓯᒪᖅᑰᔨᓕᕐᒥᒐᕕᑦ. ᑕᐃᒪᓐᓇ ᑕᕝᕙ ᐅᕙᓐᓄᑦ ᐅᑎᕈᑎᒋᑦᑎᐊᕋᒃᑯ ᐱᓕᕆᐊᕆᔭᓐᓄᑦ ᐊᒻᒪ ᖃᓄᐃᒻᒪᑦ ᑕᐃᒪᐃᓕᐅᕐᒪᖔᕐᒪ." ᐃᓱᒪᓪᓗᓂ ᓄᓇᓕᖓ ᕿᒪᒃᓗᒍ ᐊᖏᕐᕋᖏᓐᓂ, ᐱᒻᒪᕆᐅᔪᖅ ᐱᕈᖅᓴᑎᓪᓗᒍ ᕿᑐᕐᖓᖏᑦ ᐃᓕᑦᑎᕝᕕᒋᓪᓗᓂᒋᓪᓗ.

Hᐋᐳ ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐱᙳᐊᖏᓐᓇᕋᔭᕐᑐᖅ. ᐊᐅᓚᓐᓂᐊᕐᓗᒍ ᐃᓱᒪᖓ, ᖁᕕᐊᒋᔭᖃᖅᑐᖅ ᖃᓄᐃᑦᑐᑐᐃᓐᓇᕐᓂᑦ ᒪᒥᓴᕐᓂᕐᒥᑦ ᑭᓯᐊᓂ ᐱᓗᐊᖅᑐᒥᑦ ᐅᖃᐅᓯᖃᖃᑎᒌᖏᑦᑐᓄᑦ ᐱᐅᓯᕐᓂᑦ ᒪᒥᓴᕐᓂᕐᒥᑦ. ᓴᐸᖓᓕᖃᑦᑕᕐᒥᔪᖅ ᐱᓱᑲᑕᒃᖢᓂᓗ ᐱᕈᖅᓯᐊᓂᒃ ᐊᐃᒃᖠᖅᖢᓂ ᒪᒥᓴᕈᒪᔪᓂᒃ. ᓇᓂᓯᓇᓱᓲᖅ ᓇᓕᒧᒌᒃᑐᒥᒃ, ᐃᒥᑲᑕᐃᓐᓇᕐᖢᓂ, ᐃᖃᐃᓕᓴᕐᖢᓂ, ᐱᓱᑐᐃᓐᓇᕐᖢᓂᓘᓐᓃᑦ. ᓘᒃᑖᒧᑦ ᐃᑲᔪᖅᑕᐅᔪᒪᓗᓂ ᐱᔭᕆᐊᖃᖅᐸᑦ, ᑎᒍᐊᖃᓚᐅᑲᒃᐸᒡᓗᑎᑦ, ᐊᒻᒪ ᒥᑭᑦᑐᓂᒃ ᐱᓕᕆᕙᒡᓗᓂ ᓇᓕᒧᒌᒃᑎᓐᓇᓱᒡᓗᒍ ᐃᓱᒪᒋᔭᖓ. ᐊᓂᖃᑦᑕᖁᔨᓂᖅᓴᐅᕗᖅ ᐱᓱᒋᐊᖅᑐᖁᔨᓪᓗᓂᓗ. "ᓲᕐᓗ ᐃᓕᖕᓂᒃ ᑲᒪᒋᓂᖅ ᓲᕐᓗ ᓄᓇᕋᙳᐊᑎᑐᑦ, ᓲᕐᓗ ᖃᐳᐊᙳᐊᑎᑐᑦ. ᐸᐃᑉᐱᐊᒐᕐᒥᒃ ᐱᔭᕆᐊᖃᖅᑐᑎᑦ ᐱᓱᔪᒡᓗᑎᑦ. ᓇᒻᒥᓂᖅ ᑲᒪᒋᑦᑎᐊᖅᑐᖅ. ᐃᓛᓐᓂᒃᑯᑦ ᐃᒻᒥᓂᒃ ᐱᐅᖅᑰᔨᓐᓇᖅᑐᖅ, ᑭᓯᐊᓂ ᐱᒻᒪᕆᐅᔪᖅ," ᓇᓗᓇᐃᖅᓯᓪᓗᓂ.

ᑲᔪᖏᖅᓴᐃᓂᕐᒧᑦ, Hᐋᐳ ᐅᓂᒃᑳᓂᑦ ᐱᖃᑦᑕᖅᑐᖅ. ᑖᓐᓇ ᕿᑐᕐᖓᖏᓪᓗ ᐅᖃᓕᒫᕈᒪᑦᑎᐊᖅᑑᒃ ᐅᓂᒃᑳᓂᑦ, ᐃᓕᓴᐃᑦᑎᐊᖅᐸᒃᖢᓂ ᓯᕗᕚᖏᓐᓂᑦ. "ᐅᓂᒃᑳᑦ ᐱᒻᒪᕆᐅᖕᒪᑕ ᑲᔪᓯᑎᑦᑏᓐᓇᕆᐊᒃᓴᖅ ᑲᔪᓯᑏᓐᓇᕐᓗᒋᓪᓗ, ᑕᐃᒪᐃᒻᒪᑦ ᑎᑎᕋᕆᐊᒃᓴᖅ ᐊᓕᐊᓇᐃᒋᑦᑎᐊᖅᑕᒃᑲ ᓄᑕᖅᑲᑦ ᐅᖃᓕᒫᒐᖏᑦ, ᓲᖃᐃᒻᒪ ᐃᓚᖏᑦ ᑖᒃᑯᐊ ᐅᓂᒃᑳᖅᑐᐊᑦ ᐃᓄᖕᓄᑦ ᐅᖃᓕᒫᒐᒃᓴᑦᑎᐊᕙᐅᖕᒪᑕ ᐃᓕᑦᑎᕝᕕᒋᓗᒋᓪᓗ," ᑕᑯᒃᓴᐅᑎᖦᖢᓂᒋᑦ.

ᓯᕗᓪᓕᖅᐹᒥ ᓱᕈᓯᐅᑉ ᐅᖃᓕᒫᒐᖓ ᑎᑎᕋᖅᑕᐅᓚᐅᖅᑐᖅ ᓯᕗᓂᐊᒍᑦ ᐋᓐᓂᐊᓇᖅᑐᖃᓕᕐᓂᖅᑲᑦ ᐊᒻᒪᓗ ᐃᓅᓪᓗᓂ ᐅᓂᒃᑳᖅᑐᐊᖑᓚᐅᖅᑐᖅ ᖃᓄᖅ ᐊᐃᕖᑦ ᐊᒻᒪᓗ ᑐᑦᑐᐃᑦ ᓴᖅᑭᓚᐅᕐᒪᖔᑕ. ᑕᐃᔭᐅᔪᖅ ᐊᐃᕖᑦ ᐊᒻᒪᓗ ᑐᒃᑐᐃᑦ, ᑎᑎᕋᖅᑕᐅᔪᑦ Inhabit Media-ᑯᓐᓂᑦ. Hᐋᐳ ᐅᓂᒃᑳᕈᒪᓚᐅᕐᒪᑦ ᓱᕈᓯᐅᓪᓗᓂ ᑐᓴᖅᑕᒥᓂᒃ ᐊᒻᒪᓗ ᑕᐃᒪᓐᓇ ᐅᖃᓕᒫᒐᐅᔪᖅ ᓴᖅᑭᓚᐅᖅᑐᖅ.

ᑭᖑᓪᓕᕐᒥ ᐅᖃᓕᒫᒐᓕᐊᖓ, ᓯᕗᓪᓕᖅᐹᖑᔪᑦ ᐃᓄᐃᑦ, ᑲᔪᖏᖅᓴᖅᑕᐅᓚᐅᖅᑐᖅ ᐅᓂᒃᑳᖅᑕᐅᓪᓗᓂ ᐃᓪᓗᓕᒻᒥᒃ, ᓇᑭᙶᕐᒪᖔᑕ ᐃᓚᒌᑦ, ᐊᒻᒪᓗ ᖃᓄᖅ ᐃᓄᐃᑦ ᐃᓅᓂᕐᒪᖔᑕ. Hᐋᐳ ᖁᕕᐊᒋᔭᖃᑦᑎᐊᖅᑐᖅ ᑎᑎᖅᑐᒐᑦᑎᐊᕙᓐᓂᑦ. "ᖁᕕᐊᒋᑦᑎᐊᖅᑕᒃᑲ ᓄᑕᖅᑲᑦ ᐅᖃᓕᒫᒐᖏᓐᓂᒃ ᐱᓕᕆᓪᓗᖓ ᐱᐅᓯᕆᕙᓚᐅᖅᑕᒃᑲ ᐱᐅᒋᒐᒃᑭᑦ. ᐊᑖᑕᒐ ᐃᑦᑕᕐᓂᓴᓕᕆᔨᐅᔪᖅ, ᐊᒻᒪᓗ ᖁᕕᐊᒋᑦᑎᐊᖅᑕᕋ ᐃᓕᑉᐸᓪᓕᐊᓂᖅ ᐱᐅᓯᕆᔭᐅᕙᓚᐅᖅᑐᓂᒃ," ᖃᐅᔨᒪᔮᕆᑦᑎᐊᖅᑕᖓ. ᐊᐃᑉᐸᖓ ᐊᑎᖓ ᓱᓕ ᓴᖅᑭᑕᐅᓯᒪᖏᑦᑐᖅ ᑭᓯᐊᓂ ᒫᓐᓇᒫᕈᓗᒃ ᓴᖅᑭᓛᓕᖅᑐᖅ.  

ᓯᓐᓇᑦᑑᒪᕐᔪᐊᖅᖢᓂ, ᑐᓗᖅᑕᕈᑎᖃᖅᖢᓂᓗ, ᒪᐃᑲ ᕼᐋᐸ ᐊᖅᑯᑎᒥᓂᒃ ᓇᓂᓯᕙᓪᓕᐊᕗᖅ, ᐃᒐᓛᖓᓂ, ᓄᑕᖅᑲᓄᑦ ᐅᖃᓕᒫᒐᓕᐅᖅᑎᐅᓪᓗᓂ ᐊᒻᒪ ᐊᓈᓇᐅᓪᓗᓂ. ᐃᓄᐃᑦ ᓄᓇᖏᓐᓂᒃ ᐅᖓᓯᒋᒐᓗᐊᖅᖢᓂᐅᒃ, ᐃᓕᖅᑯᓯᕐᒥᓂᒃ ᐊᑐᕋᓱᒃᐸᒃᑕᒥᓂᒃ ᐃᓚᒥᓄᑦ ᐊᒻᒪ ᐆᒻᒪᑎᒥᓄᑦ. ᐅᓂᒃᑳᖅᑐᐊᖃᑦᑕᐅᑎᓪᓗᓂ ᐊᔾᔨᒌᙱᑦᑐᓂᒃ ᐊᑯᓐᓂᖅᓱᖅᑐᓂᒃ, ᐃᓄᐃᑦ ᐃᓕᖅᑯᓯᖓᓂᒃ ᓄᓇᕐᔪᐊᕐᒧᑦ ᐊᒻᒪ ᓄᑕᕋᐅᓂᕐᒥᓄᑦ ᑕᐅᑐᖅᑰᖅᑕᖏᓐᓂᒃ ᐃᓅᓯᖃᓕᖁᔨᕗᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑎᑎᕋᓵᕋᕕᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!