ᒪᕐᕈᐃᓪᓗᐊᕐᓗᒍ ᖁᑦᑎᖕᓂᖅᐹᖅ ᒪᕐᕈᐃᓪᓗᐊᕐᓗᒍ ᐊᔪᕐᓇᖅᐸ? ᒪᓕᓴ ᒧᔭᓐ ᐃᒻᒥᓂᒃ ᖃᐅᔨᓯᒪᔪᖅ. ᐋᓪᕘᑕᒥ ᓯᓚᑦᑐᓴᕐᕕᕐᔪᐊᕐᒨᖅᐸᑦᑐᖅ ᐃᐊᑦᒪᓐᑕᓐᒥ ᐊᒻᒪ ᔅᐅᐊᓐ ᕆᕗᒦᙶᖅᓯᒪᓪᓗᓂ.  ᑎᓴᒪᒋᓕᖅᑕᖓᓂ ᐊᕐᕌᒍᒥ ᐃᓕᓐᓂᐊᖅᑎᓪᓗᒍ ᐃᓕᓐᓂᐊᕐᓂᕐᒧᑦ ᓄᓇᖃᖅᑳᖅᑐᓄᓪᓗ ᐊᔪᕈᓐᓃᖅᓴᕐᓂᕆᔭᐅᔪᓄᑦ, ᑖᓐᓇ ᐊᖓᔪᖅᑳᕆᔭᐅᔪᖅ ᓄᓇᖃᖅᑳᖅᑐᓄᑦ ᐃᓕᓐᓂᐊᖅᑎᓄᑦ ᑲᑐᔾᔨᖃᑎᒌᓄᑦ. ᓯᕗᓪᓕᕐᒥ ᐱᔪᒪᓂᖃᑐᐃᓐᓇᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂᒃ, ᑭᓯᐊᓂ ᐱᕕᖃᕐᖢᓂ ᐱᔭᕇᖅᓯᓂᕐᒥᒃ ᑲᑎᖦᖢᒋᑦ ᐃᓕᓐᓂᐊᕌᓂᒍᓯᐊᕐᒥᒃ ᐃᓕᓐᓂᐊᕐᓂᕐᒥᒃ ᐊᑕᐅᓯᒃᑲᓐᓂᕐᒥᒃ ᐊᕐᕌᒍᒥᒃ ᐃᓕᓐᓂᐊᕐᓗᓂ, ᒥᖦᖢᓂ ᒪᕐᕉᖕᓂᒃ ᐃᓕᓐᓂᐊᕌᓂᒍᓯᐊᖓᓂᒃ, ᐃᔨᖓ ᖃᐅᔨᓪᓗᓂᐅᒃ. ᐃᓕᓐᓂᐊᓚᐅᖅᖢᓂ ᒪᕐᕉᖕᓂᒃ, ᖃᐅᔨᓚᐅᖅᑐᖅ ᐃᓕᓴᐃᔨᙳᕈᒪᓂᕐᒥᓂᒃ. 

ᓯᓚᑦᑐᖅᓴᕐᕕᒡᔪᐊᙳᓚᐅᖅᑎᓐᓇᒍ, ᒧᐃᐊᓐ ᐊᖓᔪᒃᖡᑦ ᐃᓕᓐᓂᐊᕐᕕᖓᓄᐊᓚᐅᖅᓯᒪᕗᖅ ᓴᐃᓐᑦ ᔫᓯᐱᒥ, ᐊᓂᒍᐃᓪᓗᓂ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ. ᐊᑐᓚᐅᖅᑕᖓ ᑕᖃᓇᓚᐅᖅᑐᖅ ᐊᒻᒪᓗ ᖁᕕᐊᓱᒃᖢᓂ ᐃᑲᔪᖅᑐᖅᑕᐅᓂᖓᓄᑦ ᐳᕋᐃᑦ ᐃᖏᕐᕋᓂᐅᔪᓂᑦ, ᑐᕌᖓᔪᖅ ᐃᑲᔪᐃᓂᕐᒧᑦ ᓄᓇᖃᖅᑳᖅᑐᑦ ᐃᓕᓐᓂᐊᖅᑎᓂᒃ ᐃᓚᐅᖃᑕᐅᑉᓗᓂ ᓯᕗᓕᐅᖅᑎᐅᓂᕐᒧᑦ ᐊᒻᒪᓗ ᐃᓚᐅᖃᑕᐅᑉᓗᓂ ᐊᓗᒐᓕᐅᕐᓂᕐᒧᑦ. ᐊᓕᐊᓇᐃᑦᑐᖅ ᐃᓕᓐᓂᐊᒃᑲᓐᓂᖕᓂᖕᒧᑦ ᐱᓕᕆᐊᒃᓴᑦ ᐃᓕᓐᓂᐊᕆᐊᕈᒪᓕᓚᐅᕐᐳᖅ ᓯᕗᓕᖅᑎᐅᓂᑰᓪᓗᓂᓗ ᖁᑦᑎᓛᓂᑦ ᐃᓕᓐᓂᐊᕐᕕᖕᒥᑦ ᐃᓚᐅᒃᑲᓐᓂᕈᒪᓕᖅᖢᓂ ᓯᕗᓕᖅᑎᐅᓂᖕᒥᑦ ᓯᓚᑦᑐᖅᓴᕐᕕᒡᔪᐊᖓᓂᑦ. 

ᐱᔾᔪᑎᒋᓪᓗᒍ ᒧᐃᐊᓐ ᐱᕈᖅᓴᓚᐅᕐᒪᑦ ᐃᐊᑦᒪᓐᑕᓐᒥ, ᓄᓇᒥᓂᒃ ᐊᐅᓪᓚᕆᐊᖃᓚᐅᓐᖏᓚᖅ ᐃᓕᓐᓂᐊᕆᐊᕋᓱᐊᕐᓗᓂ. ᕙᓯᒥᒃ ᐅᓯᔭᕆᐊᖃᑐᐃᓐᓇᖅᑐᖅ ᐊᒻᒪᓗ ᐃᓕᓐᓂᐊᕆᐊᕐᓗᓂ. ᐃᓚᖓᑦ ᐊᖏᓛᖑᓪᓗᓂ ᑐᓗᖅᑕᕈᑎᖓ ᓇᓕᒧᒌᒃᑎᑦᑎᓂᕐᒧᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕈᑎᖏᓐᓂ, ᐊᑭᓕᖅᓱᖅᑕᐅᙱᖦᖢᓂ ᖃᓄᐃᓕᐅᕈᑎᑦ ᐊᖏᕐᕋᒥᓗ ᐃᓅᓯᖏᓐᓂ. ᓯᕗᓪᓕᐅᔾᔨᓂᕐᒥᑦ ᐱᓕᕆᐊᖏᓐᓂᑦ ᐃᓕᓐᓂᐊᖅᑎᐅᓪᓗᓂ ᐊᒻᒪᓗ ᖁᕕᐊᓱᖃᑎᖃᕐᓂᕐᒥᑦ ᐃᓚᒌᓂᑦ ᓇᓕᒧᒌᑦᑎᑦᓯᓂᕐᒥᑦ ᐱᓕᕆᐊᖃᕐᓂᕐᒥᑦ ᖁᕕᐊᒋᔭᖃᖅᓱᓂᓗ ᐃᓚᒋᔭᐅᓂᕐᒥᑦ ᐃᓕᓐᓂᐊᕐᕕᖏᓐᓂᑦ ᓄᓇᓕᓐᓂᑦ ᓯᕗᓕᖅᑎᐅᓂᕐᒥᓪᓗ. ᐊᓕᐊᓇᐃᑦᑐᒻᒪᕆᐅᕗᖅ ᐊᑭᓕᖅᓱᖅᑕᐅᓇᓂ ᐱᓕᕆᑎᓪᓗᒍ ᐱᓕᕆᖃᑎᒌᓂᒃ ᐱᓕᕆᔪᓂᒃ ᐱᐅᔪᒥᒃ ᐃᓕᓐᓂᐊᕐᕕᖕᒥ ᐊᕙᑎᖃᖁᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ, ᐊᒻᒪᓗ ᐃᓕᓐᓂᐊᕈᑎᒃᓴᓂᒃ ᐃᓕᓐᓂᐊᕈᑎᒃᓴᓂᒡᓗ ᐊᑐᐃᓐᓇᐅᑎᑦᑎᕙᒃᖢᑎᒃ. ᐃᓂᒃᓴᖅᑕᖃᖅᐳᖅ ᐃᓕᓐᓂᐊᖅᑎᓄᑦ ᐃᓕᓐᓂᐊᕈᓐᓇᕐᓗᑎᒃ ᐊᒻᒪ ᑕᒧᓗᒐᒃᓴᓕᐅᕈᓐᓇᖅᖢᑎᒃ ᑕᒪᓐᓇᓗ ᖁᕕᐊᒋᑦᑎᐊᖅᖢᓂᐅᒃ ᐃᓚᒋᔭᐅᔭᕆᐊᒃᓴᖅ.

ᐃᑲᔪᕐᓂᐊᕐᓗᓂ ᓇᓕᒧᒌᒃᑎᑦᑎᓂᕐᒥᒃ ᐱᓕᕆᐊᒃᓴᖃᕐᔪᐊᖅᑎᓪᓗᒍ ᐃᓅᓯᖓᓂ, ᐊᑐᖃᑦᑕᖅᑐᖅ ᑲᑎᒪᔾᔪᑎᒃᓴᓂᒃ ᑎᑎᕋᕐᖢᓂ ᑭᓱᓕᒫᓂᒃ ᐸᕐᓇᐃᓗᓂᓗ ᑭᓱᓕᒫᓂᒃ. ᒧᐃᔮᓐ ᐊᑐᓲᖑᖕᒥᔪᖅ ᒎᒎᓪ ᐅᓪᓗᖅᓯᐅᑎᒥᒃ, ᐋᖅᑭᒃᓯᓪᓗᓂ ᑭᒡᓕᖏᓐᓂ ᐱᖁᓪᓗᒍ ᐃᓅᖃᑎᒌᖕᓂᖅ ᐃᓕᓐᓂᐊᕐᕕᖕᒥᓗ ᐃᓅᓯᖓ ᐱᓗᐊᖅᑕᐃᓕᑎᓪᓗᒍ ᖃᑕᙳᑎᖏᓐᓂ. "ᐸᕐᓇᐃᓂᖅ ᐱᒻᒪᕆᐅᕗᖅ," ᐅᖃᖅᑐᖅ. 

ᐱᔪᒃᓯᑎᑦᑎᔾᔪᑎᒋᔭᖓ ᐃᓕᓐᓂᐊᖏᓐᓇᕐᓂᕐᒧᑦ ᑮᓇᐅᔭᓕᐅᕈᓐᓇᖅᓯᓗᓂ ᐃᓗᐊᖅᓯᕚᓪᓕᕐᓗᓂ ᐃᓐᓇᐅᓂᖅᓴᐅᑎᓪᓗᒍ ᐊᒻᒪ ᐃᒻᒪᖄ ᑲᓕᒐᕐᒥᒃ ᐊᑭᓖᔪᓐᓇᕐᓗᓂ ᐅᕝᕙᓘᓐᓃᑦ ᑎᓴᒪᓕᒃᑯᑦ. ᒧᔮᓐ ᐃᓕᓴᐃᔨᐅᔪᒪᖕᒥᔪᖅ ᑎᓕᐅᕆᓗᓂ ᐃᓕᓐᓂᐊᖅᑎᓂᒃ ᒪᑐᐃᕐᓗᑎᒃ ᐃᓱᒪᖏᑦ ᐃᓱᒪᓗᑎᒃᓗ ᐃᖕᒥᖕᓄᑦ. ᐊᑭᓕᖅᓱᖅᑕᐅᙱᖦᖢᓂ ᐱᓕᕆᖃᑦᑕᕐᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑐᔾᔨᖃᑎᒌᓄᑦ ᖃᐅᔨᒪᔭᐅᕗᖅ ᑲᑐᔾᔨᖃᑎᒌᓄᑦ ᐃᑲᔪᖃᑦᑕᖅᓯᒪᔭᖏᑦ ᐃᑲᔪᖅᐸᒃᖢᓂᒋᑦ. "ᐃᓘᓐᓇᑕ ᐃᑲᔪᖃᑦᑕᐅᑎᔪᒍᑦ," ᐱᙳᐊᖅᑐᖅ. ᖃᑕᙳᑎᖏᑦ ᐱᖃᓐᓇᕆᔭᖏᓪᓗ ᑐᑭᓯᐅᒪᐃᓐᓇᖃᑦᑕᙱᒻᒪᑕ ᖃᓄᐃᑦᑐᒃᑰᕐᒪᖔᑦ ᐱᐅᓪᓗᓂᓗ ᖃᐅᔨᒪᓪᓗᓂ ᐃᓄᒃᑕᖃᕐᓂᖓᓂᒃ ᐃᓕᓐᓂᐊᕐᕕᖕᒥ. 

ᒪᒃᑯᓐᓂᖅᓴᓂᒃ ᐅᖃᐅᔾᔨᒋᐊᕈᓐᓇᕈᓂ, ᓯᓚᑦᑐᓴᕐᕕᔾᔪᐊᖅ ᐱᒡᒐᓇᙱᓂᖅᓴᐅᔪᓐᓇᕐᒪᑦ ᐃᓕᓐᓂᐊᕐᕕᕐᔪᐊᕐᒥᑦ ᐊᒻᒪ ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᔪᓂᒃ ᐊᒻᒪ ᓯᓚᑦᑐᓴᕐᕕᕐᔪᐊᕐᒨᕋᓱᐊᕆᐊᖓ ᐱᒡᒐᓇᕐᓂᖅᓴᐅᔪᓐᓇᖅᐳᖅ. ᑕᐃᒪᓐᓇ ᐊᑐᓚᐅᖅᑕᖓ. ᐃᒻᒥᓂᒃ ᐅᖃᐅᔾᔨᔪᒪᓇᔭᖅᑐᖅ ᖃᓄᖅ ᐊᓕᐊᓇᐃᑦᑐᖅ ᓯᓚᑦᑐᖅᓴᕐᕕᒡᔪᐊᖑᓂᐊᕐᒪᖔᑦ, ᐊᒃᓱᕈᕐᓇᕋᓗᐊᖅᑎᓪᓗᒍ. ᐃᒃᐱᒍᓱᒃᑐᖅ ᖃᐅᔨᒪᒍᓂ, ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ ᐱᒻᒪᕆᐅᑎᑦᑎᓂᖅᓴᐅᑐᐃᓐᓇᕆᐊᓕᒃ. "ᐅᖃᕈᓐᓇᑐᐃᓐᓇᖅᑐᖓ ᓯᓚᑦᑐᖅᓴᕐᕕᒡᔪᐊᑉ ᐊᓕᐊᓇᐃᑦᑐᒻᒪᕆᐅᖕᒪᑦ ᖁᕕᐊᒋᓪᓗᓂᐅᒡᓗ," ᕿᒃᓵᒃᑐᖅ. 

ᒪᕐᕈᐊᖅᑎᖅ ᐊᕐᕌᒍᒃᑲᓐᓂᐅᕗᖅ ᑭᓯᐊᓂ ᒪᓕᔾᔭ ᒧᐃᔮᓐ ᒪᕐᕈᐊᖅᑎᖅᑐᓂ ᐱᐅᔪᓂᒃ ᐊᑐᖅᓯᒪᔪᖅ. ᐊᑭᓕᖅᓱᖅᑕᐅᙱᖦᖢᓂ ᐱᓕᕆᖃᑦᑕᕐᓂᖅ, ᐃᓕᓐᓂᐊᖅᖢᓂ, ᐱᖃᑎᖃᖅᖢᓂ ᐃᓄᖕᓂᒃ ᓇᒡᓕᒋᔭᒥᓂᒃ, ᐱᔪᒃᓯᑦᑎᐊᖅᑐᖅ ᐃᓕᓐᓂᐊᖅᖢᓂ, ᓯᕗᓂᒃᓴᒧᑦ ᑕᐅᑐᒃᖢᓂ ᓂᕆᐅᖕᓂᖃᑦᑎᐊᕐᓂᕐᒥᒃ. ᐃᑲᔪᖅᑐᖅᑕᐅᓪᓗᓂ ᓴᙱᔪᒥᑦ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᑎᓂᑦ ᐃᓕᓐᓂᐊᕐᓂᖏᓐᓂᑦ, ᓇᓂᓯᔪᖅ ᖃᓄᖅ ᐃᓚᒋᔭᐅᓂᕐᒥᑦ ᐃᓅᓯᖅ ᐱᐅᓯᕚᓪᓕᑎᑦᓯᓂᕐᒥᑦ ᐃᓕᓐᓂᐊᖃᑎᖏᓐᓄᑦ ᑎᓕᐅᕆᓯᒪᑦᓱᓂᓗ ᐃᓄᓐᓂᑦ ᓂᑲᒍᓱᖁᔨᑦᓱᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.