"ᑭᓇ ᖃᐅᔨᒪᕙ ᐊᕐᕌᒍᑦ 9 ᐊᓂᒍᖅᑎᓪᓗᒋᑦ, ᐅᕙᓂ ᐃᒃᓯᕚᕋᔭᖅᑐᖓ, ᐃᓕᓴᐃᔨ, ᐃᑲᔪᖅᑎ, ᓯᕗᓕᖅᑎᐅᓗᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᓕᕆᓂᕐᒥ ᓄᓇᓕᑦᑎᓐᓂ?" ᒥᐅᕆᑲ ᔅᑳᓚ ᓴᖅᑭᔮᖅᑎᑦᑎᕗᖅ ᐃᓕᓐᓂᐊᖅᑎᒥᓂᒃ ᓇᒧᙵᐅᕙᓪᓕᐊᓂᕆᓚᐅᖅᑕᖓᓂᒃ, ᐃᓕᓴᐃᔨᒧᑦ ᐃᓕᓐᓂᐊᖅᑎᒧᓪᓗ, ᐅᖃᐅᓯᖃᖅᖢᓂ ᖃᓄᖅ ᐅᖓᓯᒃᑎᒋᖕᒪᖔᑦ. ᐊᓂᔅᓈᐱ ᐊᒻᒪ ᕋᑦ ᕆᕗ ᒥᑎᔅ ᐊᕐᓇᖅ, ᐊᑎᖓ ᖃᐅᓪᓗᖅᑐᖅ ᑯᓘᑦ ᐊᕐᓇᖅ. ᐃᓚᒋᔭᐅᔪᖅ ᑎᐅᓚᓐᒧᑦ, ᐃᓅᓚᐅᖅᓯᒪᓪᓗᓂᓗ ᐱᕈᖅᓴᓚᐅᖅᓯᒪᓪᓗᓂᓗ ᐅᐃᓂᐹᒡ ᐅᐊᖕᓇᖓᓂ. ᐊᓈᓇᒋᔭᐅᔪᖅ ᒪᕐᕉᖕᓄᑦ ᐃᕐᓃᑦ ᐃᓕᓴᐃᔨᐅᓪᓗᓂᓗ ᐃᓕᓐᓂᐊᒐᒃᓴᓄᓪᓗ ᐱᕙᓪᓕᐊᑎᑦᑎᔨᐅᓪᓗᓂ ᑲᓇᑕᒥ ᐊᕕᒃᑐᖅᓯᒪᓂᐅᔪᓂ ᑲᓇᑕᒥᓗ. 

Schalla−ᑯᑦ ᐊᔪᙱᓐᓂᓖᑦ 1 ᐊᒻᒪ ᒪᕐᕉᒃ ᐃᓕᓐᓂᐊᕐᕕᐊᕈᓯᖏᑦ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᓕᕆᓂᕐᒧᑦ ᐃᓕᓐᓂᐊᕐᕕᖕᒥ ᐱᔾᔪᑎᖃᓪᓗᐊᑕᖅᐳᑦ ᐃᓕᖅᑯᓯᕐᓂᒃ ᐃᓕᓐᓂᐊᖅᑎᑦᑎᓂᕐᒥᒃ ᐊᒻᒪ ᐅᖃᐅᓯᕐᒥᒃ ᓴᖅᑭᑎᑦᑎᒃᑲᓐᓂᕋᓱᖕᓂᕐᒧᑦ. ᑎᑎᕋᖃᑕᐅᓚᐅᕐᒥᔪᖅ ᓯᕗᓪᓕᖅᐹᒥ ᖃᑦᑎᕆᔨᑦ ᐃᓕᓴᐃᔨᑦ ᖃᐅᔨᒪᔾᔪᑎᖏᓐᓂᒃ, ᐃᓕᖅᑯᓯᕐᒧᑦ ᐊᒻᒪ ᐅᖃᐅᓯᕐᒧᑦ ᑲᑎᙵᑎᑦᑎᓪᓗᓂ ᐃᓚᐅᔪᑦ ᐃᓅᓯᖏᓐᓂᒃ. ᐅᖓᑎᓗᐊᖓᓄᑦ ᐊᐱᖅᓱᖅᑕᐅᑎᓪᓗᒍ ᐃᑲᔪᕋᓱᒃᖢᓂ ᐃᓕᓐᓂᐊᖅᑎᓂᒃ ᑕᐅᑐᒃᖢᑎᒃ ᖁᕕᐊᒋᔭᒥᓂᒃ, ᑕᐃᒪᐃᖃᑦᑕᕐᒪᑦ ᓇᖕᒥᓂᖅ ᐃᓕᓐᓂᐊᖅᑎᖏᓐᓄᑦ ᖃᐅᑕᒫᑦ. 

"ᐱᕕᖃᒃᑲᓐᓂᖁᓇᔭᖅᑕᕋ ᐃᓕᖅᑯᓯᕋ ᐃᓕᓐᓂᐊᕐᕕᐊᕈᓯᓐᓄᑦ. ᓱᓕᓐᖏᑦᑐᒥᒃ ᐅᖃᖅᑲᐅᖏᑦᑐᖓ ᐊᒻᒪᓗ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓱᕈᓯᕐᓂᒃ ᑕᐃᒪᐃᖁᔨᓇᖓ.

ᐱᕈᖅᓴᓪᓗᓂ, ᖃᐅᔨᒪᓚᐅᖅᑐᖅ ᒥᑎᔅ ᐱᐅᓯᑐᖃᖓᓂᒃ ᑭᓯᐊᓂ ᐃᓕᑦᑎᑐᐃᓐᓇᓚᐅᖅᑐᖅ ᐊᓃᔅᓈᑉ ᑐᑭᓕᐊᕐᓂᖓᓂᒃ ᑭᖑᓂᐊᒍᑦ ᐃᓅᓯᖓᓂ. ᑕᓗᕈᒃᑯᔾᔨᓂᖅ ᖃᑕᙳᑎᖏᓐᓂᒃ ᐅᖃᐅᓯᖃᙱᖦᖢᓂ. ᐃᓕᓴᐃᔨᖏᑦ ᐅᓄᖅᑐᑦ ᖃᐅᔨᒪᓗᐊᓚᐅᙱᑦᑐᑦ ᓄᓇᖃᖅᑳᖅᓯᒪᔪᑦ ᒥᒃᓵᓄᑦ ᐊᐃᑦᑖᕈᓱᒃᖢᓂᓗ ᐃᓕᓐᓂᐊᖃᑎᒥᓄᑦ ᑐᓴᖅᑎᑦᑎᑲᑕᒍᓐᓃᖅᖢᓂ. ᐃᓕᓐᓂᐊᕈᓐᓃᓚᐅᖅᑐᖅ ᖁᑦᑎᖕᓂᓕ 10−ᒥᑦ ᐃᓱᒪᒥᒍᑦ ᐊᔪᕈᑎᖃᕐᓂᕐᒧᑦ ᐊᒻᒪ ᐃᕐᓂᖓ ᓯᕗᓪᓕᖅᐹᒥᑦ ᐊᓂᒍᐃᓚᐅᕋᓂ ᐅᐱᒋᔭᐅᓪᓗᓂ.  ᐃᕐᓂᖓᑕ ᐊᑖᑕᖓ, ᐅᐃᒋᓕᖅᑕᖓ, ᐱᔭᕇᓚᐅᖅᑐᖅ 16-ᓂᒃ. ᐅᑎᓚᐅᖅᑐᖅ ᖁᕝᕙᕆᐊᕐᓂᕐᒧᑦ ᐊᒻᒪᓗ ᐃᓕᓐᓂᐊᖏᓐᓇᖅᖢᓂ ᓯᕗᓂᒃᓴᖃᑦᑎᐊᖁᓪᓗᒍ ᐃᕐᓂᖓ.

"ᐱᕈᖁᓚᐅᙱᑕᕋ ᐅᕙᖓᑎᑐᑦ. ᐱᕈᖅᓯᒪᒐᓗᐊᖅᑎᓪᓗᖓ ᓇᓪᓕᒋᔭᒻᒪᕆᓐᓂᑦ. ᑭᖑᕚᕇᓄᑦ ᖁᐊᖅᓵᖅᓯᒪᓂᖅ ᓴᙱᔫᓚᐅᖅᑐᖅ ᐱᕈᖅᐸᓪᓕᐊᑎᓪᓗᖓ ᐊᒻᒪ ᖃᐅᔨᒪᓚᐅᖅᑐᖓ ᐃᖅᑲᓇᐃᔭᕆᐊᖃᕐᓂᓐᓂᑦ ᐃᕐᓂᕋ ᐱᐅᓛᒥᑦ ᐱᕕᖃᖁᓪᓗᒍ."

ᐃᓕᓴᐃᔨᐅᔪᖅ ᐃᑲᔪᓚᐅᖅᑐᖅ ᐃᖅᑲᓇᐃᔮᕆᓛᕈᒪᔭᒥᓂᒃ ᐅᖃᖅᑐᓂ, "ᒫᑲ, ᐃᓕᓴᐃᔨᐅᒋᐊᖃᖅᑰᕋᕕᑦ." ᐱᓇᔪᓚᐅᖅᐳᖅ ᓯᓚᑦᑐᖅᓴᕐᕕᒡᔪᐊᒧᑦ ᐅᐃᓂᐹᒡᒥ, ᐱᑎᑕᐅᓪᓗᓂ ᐃᓕᓐᓂᐊᕈᑎᒃᓴᖅᑖᖅᐸᖕᓂᕐᒥᒃ ᐊᖏᖅᑕᐅᓪᓗᓂᓗ ᐃᓚᓕᐅᔾᔭᐅᓯᒪᔪᒧᑦ Bachelor of Science−ᒧᑦ ᐱᔭᕇᖅᓯᔾᔪᓯᐊᖅ ᓯᕗᓪᓕᖅᓯᒪᓪᓗᓂᓗ ᐃᓕᓐᓂᐊᕐᓂᓕᕆᓂᕐᒧᑦ ᐱᓕᕆᐊᖑᕙᒃᑐᒧᑦ. ᐅᖃᐅᔾᔪᐃᓂᖓ ᐱᔪᒃᓯᑎᑦᑎᔪᒪᓪᓗᓂ ᓄᓇᖃᖅᑳᖅᑐᓂᒃ ᐃᓕᓴᐃᔨᓂᒃ ᐅᓇᐅᕗᖅ, "ᐊᑏᒎᖅ ᑕᐃᒪᐃᓕᐅᕆᑦ. ᑭᒡᒐᖅᑐᐃᔨᖃᕆᐊᖃᕋᑦᑕ ᐃᓕᓐᓂᐊᖅᑐᓕᕆᔾᔪᓯᑦᑎᓐᓂ. ᐱᔭᕆᐊᖃᖅᑐᖓ ᐃᓄᖕᓂᒃ ᐃᑲᔪᕐᓗᓂ ᐃᖅᑲᓇᐃᔭᖃᑎᖃᕐᓂᕐᒥᒃ ᐅᕙᓐᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᖏᓐᓂ."

ᓵᓚ ᐊᒃᓱᕈᖅᖢᓂ ᐱᓕᕆᓚᐅᖅᑐᖅ ᒫᓐᓇ ᓇᓃᓕᕋᒥ ᐊᒻᒪ ᐅᓄᖅᑐᓂᒃ ᐃᖅᑲᖅᑐᖅᑕᐅᑲᑕᓕᖅᖢᓂ. ᐃᓕᓐᓂᐊᖅᑕᒥᓂᒃ ᐊᓂᒍᐃᓇᓱᒃᐳᖅ ᓄᓇᖃᖅᑳᖅᓯᒪᔪᑦ ᖃᐅᔨᒪᔭᖏᓐᓂᒃ ᐊᒻᒪ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᐃᓕᓐᓂᐊᖅᑎᓪᓗᒍ ᐅᖃᐅᓯᕐᒥᓂᒃ ᖃᐅᔨᓚᐅᙱᑕᒥᓂᒃ ᓄᑕᕋᐅᓪᓗᓂ. ᐱᕈᖅᐸᓪᓕᐊᑎᓪᓗᒍ, ᓵᓚᐅᑉ ᐊᑖᑕᖓ ᓄᑮᖅᑎᓚᐅᕐᒪᑦ ᐊᒻᒪᓗ ᐱᕈᖅᓴᕋᐃᒋᐊᖃᓚᐅᖅᑐᓂ. ᐊᖓᔪᖅᑳᙳᕐᖢᓂ ᓇᖕᒥᓂᖅ ᐃᕐᓂᖓ ᒪᒃᑯᒃᑐᒧᑦ, ᐅᐃᖓᓗ ᐃᖅᑲᓇᐃᔭᕐᖢᓂ ᐊᔾᔨᐅᙱᑦᑐᒥᒃ ᐃᖅᑲᓇᐃᔮᖃᕐᖢᓂ ᐃᓕᓐᓂᐊᕐᕕᖕᒥ, ᐸᐃᕆᕝᕕᖕᓄᑦ ᐊᑭᓕᒐᒃᓵᕐᔪᑦ ᐃᒡᓗᒥᐅᑕᓄᓪᓗ ᑮᓇᐅᔭᖅᑐᕈᑎᒃᓴᓂᑦ. ᐋᓐᓂᐊᑖᕈᑕᐅᓚᐅᖅᑐᖅ ᐱᖓᓱᓂᒃ ᓯᖓᐃᓕᕐᓇᖅᖢᓂ ᐃᕐᓂᖅᑖᒃᑲᓐᓂᓚᐅᙱᓐᓂᖓᓂ.

ᑕᒪᕐᒥᑦᑎᐊᖅ ᖁᐊᖅᓵᕐᓇᖅᑐᒃᑰᕐᓂᕆᔭᐅᓚᐅᖅᑐᑦ ᓴᖅᑭᑎᑦᑎᓚᐅᖅᐳᑦ PTSD−ᒥ. ᓱᓕ, ᓯᑳᓚ ᓇᕿᑦᑎᕗᖅ. ᕿᓄᐃᓵᕈᑎᖃᓲᖅ ᐱᓱᔪᖕᓂᒃᑯᑦ ᖁᕕᐊᓲᑎᖃᕐᓂᒃᑯᓪᓗ, ᑲᑎᖃᑎᖃᕐᖢᓂ ᓄᓇᓕᖕᓄᑦ ᐃᓅᓕᓴᐅᑎᓄᓪᓗ ᐊᒃᓴᓗᐊᓕᖕᓄᑦ ᐃᓕᓴᐃᓂᕐᓂ ᖃᐅᔨᒪᓪᓗᓂᓗ ᖃᖓ ᐃᑲᔪᖅᑕᐅᔪᒪᔪᓐᓇᕐᒪᖔᑦ ᖃᑕᙳᑎᖏᓐᓂ ᐱᖃᓐᓇᕆᔭᖏᓐᓂᒃᓗ. "ᐊᒃᓱᕈᕐᓇᖅᑐᒻᒪᕆᐅᓯᒪᕗᖅ ᐅᕙᓐᓄᑦ ᐅᓇᑦᑕᐅᖅ ᐊᔭᐅᖅᑐᖅᑕᐅᓇᓱᒃᑎᓪᓗᒍ ᓄᓇᖃᖅᑳᖅᑐᑦ ᐃᓕᓐᓂᐊᖅᑎᑕᐅᕙᖕᓂᖏᓐᓄᑦ, ᓄᑕᖅᑲᒃᑲᓗ ᓴᙱᔫᓇᓱᒃᐸᒃᖢᖓᓗ, ᓴᐱᓕᖅᓴᕋᐃᙱᖦᖢᓂ ᓄᓇᖃᖅᑳᖅᑐᓄᑦ ᐊᕐᓇᒧᑦ ᐅᕙᓐᓂᒃ ᑕᑯᒃᓴᐅᑎᑦᑎᕗᖓ ᐅᓇᑖᕆᓇᓱᒃᑎᓪᓗᖓ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ ᐃᓱᒪᒋᔭᒃᓴᓄᑦ, ᐱᐅᓯᒋᐊᖅᑎᑦᑎᓇᓱᒃᖢᖓ ᐃᒃᐱᒋᔭᖃᑦᑎᐊᕋᓱᒃᐸᒃᖢᖓᓗ ᑎᒥᓐᓂᒃ, "ᑕᑯᒃᓴᐅᑎᑦᑎᔪᖅ. 

"ᐊᑕᐅᓯᖅ ᐊᖏᔪᖅ ᓇᓕᒧᒌᒃᑎᓐᓇᓱᒃᓗᒍ ᐃᓱᒪᒐ ᖃᓄᐃᙱᑦᑎᐊᕐᓂᕐᓗ ᖃᐅᔨᒪᓪᓗᓂ ᐊᔪᕐᓂᓐᓂ."

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᖕᓂᖅᓴᒧᑦ ᐅᖃᕐᓗᓂ, "ᒪᒃᑯᒃᑐᑦ ᐅᖃᐅᑎᓇᔭᖅᑕᒃᑲ ᐱᒻᒪᕆᐅᓂᕋᐃᓗᑎᑦ. ᐅᖃᐅᑎᓇᔭᖅᐳᖓ ᖁᐊᖅᓵᖅᓯᒪᓂᓕᒫᑦ, ᐊᒃᓱᕈᕐᓇᖅᑐᒃᑰᕈᑕᐅᓲᑦ, ᑐᓗᖅᑕᕈᑏᑦ, ᑮᓇᐃᑦ ᐊᑑᑎᖃᕐᓂᐊᖅᑐᖅ ᐱᓕᕆᐊᕆᔭᒃᑯᑦ ᐊᒻᒪ ᓄᑕᕋᑦᑎᐊᕙᒃᑯᑦ, ᑲᑎᖃᑎᖃᕈᓐᓇᖅᓯᓛᕋᕕᑦ ᐅᓄᖅᑐᓂᒃ ᒪᒃᑯᒃᑐᓂᒃ ᓄᓇᖃᖅᑳᖅᓯᒪᔪᓂᒃ ᓄᑕᖅᑲᓂᒃ ᓯᕗᓂᒃᓴᑦᑎᓐᓂ, ᐱᕈᖅᐸᓪᓕᐊᑐᐃᓐᓇᖅᑐᓂᒃ ᐊᒻᒪ ᓇᒡᓕᒍᓱᖕᓂᕐᒥᒃ ᓇᓂᓯᓗᑎᒃ, ᐃᓚᒋᔭᐅᓂᕐᒥᒃ ᐊᒻᒪ ᑭᓇᐅᓂᕐᒥᒃ ᐃᓕᓴᐃᔨᐅᑎᓪᓗᑎᑦ. ᐃᓕᓴᐃᔨᐅᓂᐊᖅᑐᑎᑦ ᒪᒃᑯᖕᓂᖅᓴᐅᑎᓪᓗᑎᑦ." 

ᓵᓚ ᕿᑐᕐᖓᖏᓐᓄᑦ ᐱᔪᒃᓯᑎᑕᐅᕗᖅ, ᐅᓂᒃᑳᖅᖢᓂ, "ᕿᑐᕐᖓᒃᑲ ᐅᕙᓐᓂᒃ ᐃᑲᔪᓚᐅᖅᐳᑦ ᓵᑕᒃᓴᐅᔪᓐᓇᖅᖢᖓ ᐱᓕᕆᐊᓐᓄᑦ, ᐱᓇᔪᒃᖢᖓᓗ ᐱᓕᕆᑦᑎᐊᕈᓐᓇᕐᓂᓐᓄᑦ ᐊᒻᒪ ᐊᒃᓱᕈᖅᖢᖓ ᐱᓕᕆᓪᓗᖓ ᑐᙵᕕᖓᓂᒃ ᑲᒪᒋᔭᖃᕋᒪ."  ᐱᔪᒃᓯᑎᑦᑎᖕᒥᔪᖅ ᐃᓕᓐᓂᐊᖅᑎᖏᓐᓂᒃ, ᐅᖃᐅᓯᖃᖅᖢᓂ ᖃᓄᖅ ᐱᐅᑎᒋᖕᒪᖔᑦ, "ᑕᒪᕐᒥᑦᑎᐊᖅ ᓄᓇᖃᖅᑳᖅᓯᒪᔪᑦ ᕿᑐᕐᖓᖏᑦ ᐃᓕᓴᐃᔭᒃᑲ, ᑕᑯᓪᓗᒋᓪᓗ ᓇᒡᓕᖕᓂᕐᒥᒃ, ᐊᒻᒪ ᐱᕈᖅᐸᓪᓕᐊᓂᖏᓐᓂᒃ ᑕᒪᑐᒪᓂ ᐊᕐᕌᒍᒥ, ᐊᒻᒪ ᖁᕕᐊᓇᙱᖦᖢᓂ, ᖁᖓᔮᖅᖢᑎᒃ, ᖃᐅᑕᒫᑦ 'ᓇᒡᓕᒋᕙᒋᑦ'." 

ᐱᔪᒃᓯᑎᑦᑎᕙᒃᐳᖅ ᐱᓕᕆᐊᖃᖅᐸᒃᑭᓪᓗᓂᓗ ᓂᕆᐅᒋᔭᒥᓂᒃ ᐱᔪᒃᓯᑎᑦᑎᓇᔭᕐᓂᕐᒥᒃ ᐊᓯᒥᓂᒃ. "ᐊᓕᐊᓇᐃᒍᓱᑦᑎᐊᖅᐳᖓ ᐅᓂᒃᑳᕈᓐᓇᕋᒪ, ᐱᔪᒃᓯᑎᑦᑎᔪᒪᓪᓗᖓᓗ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓄᑕᖅᑲᓂᒃ ᐅᓪᓗᖅ ᐊᑕᐅᓯᖅ ᐊᓂᒍᖅᑕᐅᔪᓐᓇᖁᓪᓗᒍ, ᖃᐅᔨᒪᓗᒋᓪᓗ ᐊᔪᙱᑉᐹᓪᓕᕐᓂᖏᓐᓂᒃ. ᑕᐃᒪᐃᒍᓐᓇᖅᑐᑎᑦ ᐊᐳᖅᑕᕈᑎᑕᖃᕋᓗᐊᖅᐸᑦ. ᖃᐅᔨᒪᔭᒃᑲ ᐅᑎᕆᐊᕈᑏᑦ. ᖃᐅᔨᒪᔪᖓ ᐊᒃᓱᕈᕐᓇᕐᓂᖏᑦ, ᑮᓇᐅᔭᑎᒍᑦ ᐊᒃᓱᕈᕈᑕᐅᕙᒃᑐᑦ. ᑕᐃᑲᓃᓯᒪᕗᖓ. 16-ᓂᒃ ᐅᑭᐅᖃᓕᖅᑎᓪᓗᖓ 16-ᓂᒃ ᐅᑭᐅᖃᓕᖅᑎᓪᓗᖓ ᐅᓪᓗᒥᒧᑦ ᑎᑭᖦᖢᒍ. ᑭᓯᐊᓂ ᐱᒻᒪᕆᐅᒐᕕᑦ, ᐊᒻᒪᓗ ᑕᐃᒪᐃᒍᓐᓇᖅᑐᑎᑦ," ᑎᓕᐅᕆᔪᖅ. 

ᒫᓐᓇ ᐃᓕᓴᐃᔨ, ᐃᑲᔪᖅᑎ, ᓯᕗᓕᖅᑎᐅᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓄᑦ ᓄᓇᖓᓂ, ᒥᐅᕆᑲ ᔅᑳᓚ ᖁᕝᕙᕆᐊᖅᓯᒪᔪᖅ ᐃᓅᓯᖓᑕ ᐊᒃᓱᕈᕐᓇᕐᓂᖓᓂᒃ ᓇᓂᓯᓇᓱᒃᖢᓂ ᐃᓂᒋᓂᐊᖅᑕᖓᓂᒃ: ᓯᕗᓂᐊᓂ ᐃᓕᓐᓂᐊᕐᕕᐊᕈᓯᕐᒥ ᐃᓕᓴᐃᑎᓪᓗᒍ, ᐃᓕᓐᓂᐊᕌᓂᖕᓂᕐᒧᑦ ᐃᓕᓐᓂᐊᕐᓂᕐᒥ, ᐊᒻᒪ ᕿᑐᕐᖓᖏᑕ ᑕᓕᖏᓐᓂ, ᓇᒡᓕᒍᓱᖕᓂᕐᒥᒃ. 9-ᓂᒃ ᐊᕐᕌᒍᓂᒃ, ᑭᓱᓕᒫᑦ ᐊᓯᔾᔨᖅᓯᒪᓕᕐᒪᑕ ᐱᐅᓂᖅᓴᒧᑦ ᐊᒻᒪᓗ ᐱᓕᕆᐊᖏᑦ ᖃᐅᑕᒫᑦ ᐃᑲᔪᖃᑦᑕᕐᒪᑕ ᓄᓇᕐᔪᐊᕐᒥ ᐊᓯᔾᔩᓂᕐᒥᒃ ᐱᐅᓂᖅᓴᒧᑦᑕᐅᖅ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.