ᓄᓇᒥᓂᒃ ᕿᒪᐃᓚᐅᖅᓯᒪᕗᖅ ᐱᕕᒃᓴᖅᓯᐅᖅᑐᓂ ᐊᒻᒪᓗ ᑕᐃᒪᓐᓇᑦᑎᐊᖅ ᓇᓂᓯᓚᐅᖅᐳᖅ. ᕕᓐᓴᓐᑦ ᒪᒃᓚᐅᑦ ᐃᓚᒋᔭᐅᔪᖅ Deh Gáh Got'îê ᓄᓇᖃᖅᑳᖅᓯᒪᔪᓄᑦ ᕗᐊᑦ ᐳᕋᓐᑎᓐᓯ, ᓄᓇᑦᓯᐊᕐᒥ ᐃᖅᑲᓇᐃᔭᖅᓯᒪᓕᖅᑐᖅ ᓄᓇᑦᑎᐊᑉ ᒪᓕᒐᓕᐅᕐᕕᐊᓄᑦ ᑐᓴᖅᓴᐅᑎᑦᑎᔨᐅᓪᓗᓂ ᐊᕐᕌᒍᓄᑦ ᑎᓴᒪᓄᑦ.

ᒪᒃᓚᐅᑦ ᐊᒃᓱᕈᖅᖢᓂ ᐱᓕᕆᓚᐅᖅᐳᖅ ᐊᔾᔨᒌᙱᕈᓘᔭᖅᑐᓂ ᐃᖅᑲᓇᐃᔮᓂ ᑖᔅᓱᒧᖓ ᑎᑭᐅᑎᓚᐅᙱᓐᓂᕐᒥᓂ. ᐃᖅᑲᓇᐃᔭᓯᒋᐊᓚᐅᖅᓯᒪᕗᖅ ᑕᐃᒪᓐᓂᒃ ᐅᔭᕋᖕᓂᐊᕐᕕᖕᒥ, ᐱᓕᕆᓕᒻᒪᒃᓴᓕᖅᖢᓂ ᐊᒃᓱᕈᖅᖢᓂ ᐃᖅᑲᓇᐃᔭᕈᓐᓇᕐᓂᕐᒥᒃ. ᖁᕕᐊᒋᔭᖃᕋᓗᐊᖅᖢᓂ ᐊᑭᖃᙱᑦᑐᒥᒃ ᐃᖃᐃᓕᓴᕐᕕᖕᒥ ᐊᒻᒪ ᐊᑭᖃᙱᑦᑐᓂᒃ ᓂᕿᑖᕈᑎᒃᓴᓂᒃ ᐅᔭᕋᖕᓂᐊᕐᕕᖕᒥ, ᐊᔪᕐᓇᖅᑐᖅᓯᐅᓚᐅᖅᐳᖅ ᐊᐅᓪᓚᖅᓯᒪᓪᓗᓂ ᐱᓇᓱᐊᕈᓯᒐᓴᖕᓄᑦ ᐃᖅᑲᓇᐃᔮᖅᑖᖅᖢᓂᓗ ᓰᐲᓰᒃᑯᓐᓄᑦ. ᐃᒡᓗᓕᐅᖅᑎᐅᖃᑦᑕᖅᓯᒪᖕᒥᔪᖅ, ᓇᐹᖅᑐᓕᕆᓂᕐᒥᒃ ᐊᒻᒪ ᓄᓇᓕᖕᓂ ᓂᐅᕕᕐᕕᖕᓂ. ᑖᔅᓱᒥᖓ ᐃᖅᑲᓇᐃᔮᖅᑖᕈᓐᓇᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐊᖅᑯᑎᖃᖅᖢᑎᒃ ᐃᓕᓐᓂᐊᒐᒃᓴᒥᒃ ᐊᑐᐃᓐᓇᐅᑎᑕᐅᔪᒥᒃ ᓄᓇᑦᑎᐊᑉ ᒐᕙᒪᒃᑯᖏᓐᓂᑦ. ᐱᓇᔪᓚᐅᖅᐳᖅ ᐃᖅᑲᓇᐃᔭᓚᐅᖅᖢᓂ ᓰᐲᓰᒃᑯᓐᓄᑦ ᐊᕐᕌᒍᓄᑦ ᐱᖓᓱᓄᑦ ᐊᖏᖅᑕᐅᓚᐅᖅᖢᓂᓗ ᐱᓕᕆᐊᖑᔪᒧᑦ ᑐᕌᕆᔭᖃᖅᑐᓄᑦ ᓄᓇᖃᖅᑳᖅᑐᓄᑦ ᐱᓇᔪᒃᑐᓄᑦ ᐱᒋᐊᓕᓵᕐᓂᕐᒧᑦ ᐊᔪᕈᓐᓃᖅᓴᕐᓂᕐᒧᓪᓗ ᐱᕕᒃᓴᓄᑦ.

ᐱᕙᒌᔭᕋᓱᒃᖢᒍ ᐱᓕᕆᐊᒃᓴᒧᑦ, ᒪᒃᓚᐅᑦ ᐃᓚᐅᓚᐅᖅᐳᖅ ᐱᓕᕆᕝᕕᖕᒥ ᐱᓕᒻᒪᒃᓴᕐᓂᕐᒥᒃ, ᐅᖓᑖᓄᑦ ᐱᓕᕆᖃᑦᑕᖅᓯᒪᔭᖓᑕ ᓂᐱᓕᐅᕆᓂᕐᒥᒃ ᑕᕐᕆᔭᐅᓯᐅᕐᓂᕐᒥᒡᓗ ᓂᔾᔭᐅᓯᔭᖅᑎᐅᓪᓗᓂ. ᐃᙱᖅᑎᐅᓚᐅᖅᑐᓂ ᑯᒃᑭᑕᐹᖅᑎᐅᓚᐅᖅᑐᓂ ᐊᒻᒪ ᐃᖅᑲᓇᐃᔭᖃᑦᑕᖅᓯᒪᓪᓗᓂ ᓰᐲᓰᒃᑯᓐᓄᑦ ᓈᓚᐅᑎᓕᕆᔨᐅᓕᖅᑐᓂ. ᓯᕗᓪᓕᕐᒥ ᑲᑉᐱᐊᓱᓚᐅᕋᓗᐊᖅᖢᓂ ᐊᖏᕐᕋᒥᓂ ᐊᐅᓪᓚᕆᐊᒃᓴᖅ, ᐅᒃᐱᕆᔭᖃᓚᐅᖅᐳᖅ ᒪᓕᒃᖢᓂᓗ ᐊᖓᔪᖅᑳᖏᑕ ᐅᖃᐅᔾᔪᖅᑕᖏᓐᓂᒃ ᖃᐅᔨᓇᓱᒍᒪᓪᓗᓂ ᓇᓂᓯᔪᒪᓪᓗᓂᓗ ᐱᕕᒃᓴᓂᒃ ᓄᓇᖓᑕ ᓯᓚᑖᓂ. "ᐃᓱᒪᔪᖓ ᑕᒪᓐᓇ ᐱᐅᓛᖑᓇᓱᒋᓪᓗᒍ ᐃᓱᒪᓕᐅᕈᑎᒋᓚᐅᖅᑕᕋ, ᖃᐅᔨᓇᓱᒡᓗᒍ," ᐅᖃᖅᑐᖅ. ᓂᕆᐅᒃᑐᖅ ᖃᖓᑐᐃᓐᓇᖅ ᐅᑎᓛᕈᒪᓪᓗᓂ ᓄᓇᒥᓄᑦ ᐊᒻᒪᓗ ᐅᖃᐅᓯᖃᕐᓗᓂ ᐊᑐᖅᓯᒪᔭᒥᓂᒃ, ᐃᑲᔪᕐᓗᓂ ᒪᒃᑯᖕᓂᖅᓴᓂᒃ.

ᔭᓗᓇᐃᒧᑦ ᓅᓚᐅᖅᖢᓂ ᐱᓕᒻᒪᒃᓴᒃᑲᓐᓂᕐᓂᕐᒧᑦ ᐱᕕᒃᓴᓄᓪᓗ, ᐅᖃᐅᔾᔨᒋᐊᕈᑎᒋᔭᖓ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐊᐅᓪᓚᕆᐊᖃᖅᑐᓄᑦ ᓄᓇᓕᖏᓐᓂ ᐃᒪᓐᓇᐅᕗᖅ, "ᐃᓱᒪᓕᕐᓂᕈᕕᑦ ᐊᐅᓪᓚᕆᐊᒃᓴᖅ ᓄᓇᓕᖕᓂᑦ, ᖃᐅᔨᒪᒋᐊᑐᐃᓐᓇᕆᑦ ᐃᑲᔪᖅᑐᖅᑕᐅᒐᓗᐊᕐᒪᖔᖅᐱᑦ ᐃᓚᖕᓄᑦ. ᐱᖃᓐᓇᕆᔭᑎᑦ ᓄᒃᑎᕌᓂᒃᓯᒪᔪᑦ ᐃᑲᔪᖅᑕᐅᔪᒪᕙᒡᓗᑎᑦ, ᐃᑲᔪᖅᑕᐅᔪᒪᕙᒡᓗᑎᑦ. ᖃᐅᔨᓴᓚᐅᕆᑦ... ᑲᑉᐱᐊᓱᙱᓪᓗᑎᑦ ᓯᕗᒻᒧᐊᒋᐊᒃᓴᖅ ᐱᕈᖅᐸᓪᓕᐊᓗᑎᓪᓗ ᐃᓕᖕᓂᒃ ᖃᐅᔨᕙᓪᓕᐊᓗᑎᑦ.... ᓄᓇᓕᒋᔭᐃᑦ ᐊᑐᐃᓐᓇᐅᖏᓐᓇᐅᔭᕐᓂᐊᖅᑐᖅ ᐅᑎᕈᕕᑦ, ᐃᒻᒪᖄ ᓯᓚᑦᑐᖅᓴᕐᕕᖕᒥ ᐊᓂᒍᐃᒍᕕᑦ ᓯᓚᑦᑐᖅᓴᕐᕕᒡᔪᐊᒥᓪᓘᓐᓃᑦ... ᐃᓅᓯᖅ ᓇᐃᓗᐊᕐᒪᑦ ᖃᐅᔨᓇᓱᙱᓪᓗᓂ ᓄᓇᕐᔪᐊᒥᒃ. ᓯᕗᒻᒧᐊᑐᐃᓐᓇᕆᑦ ᐊᒻᒪ ᑭᖑᒧᑦ ᑕᑯᒋᐊᙱᓪᓗᑎᑦ." ᒪᒃᓚᐅᑦ ᖁᐊᖅᓵᓚᐅᖅᐳᖅ ᖃᔅᓯᓂᒃ ᐱᕕᒃᓴᓂᒃ ᐊᑐᐃᓐᓇᖅᑕᖃᓚᐅᕐᓂᖓᓂᒃ ᐊᐅᓪᓚᕋᒥ.

ᐃᑲᔪᓚᐅᖅᐸᖓ ᑲᑉᐱᐊᓱᖕᓂᕐᒥᓂᒃ ᐊᓂᓂᐊᕆᐊᒃᓴᖅ ᐊᖏᕐᕋᒥᓂ ᐊᐅᓪᓚᖅᓯᒪᓪᓗᓂ ᐱᙳᐊᖃᑕᐅᓪᓗᓂ ᐃᓕᓐᓂᐊᕐᕕᐊᓗᖕᒥ. ᑭᖑᓂᐊᒍᓪᓗ ᐊᑭᓕᖅᓱᖅᑕᐅᙱᖦᖢᓂ ᐱᓕᕆᓕᓚᐅᖅᓯᒪᕗᖅ ᑲᓇᑕᒥ ᓄᓇᕐᔪᐊᕐᒥ ᒪᒃᑯᒃᑐᓄᑦ ᐱᓕᕆᐊᖑᔪᒧᑦ ᐱᕕᒃᓴᖃᖅᑎᑦᑎᓪᓗᓂ ᐊᐅᓪᓚᕈᓐᓇᕐᓂᕐᒥᒃ ᒥᐊᓕᒐᐃᑦ ᕿᑎᐊᓄᑦ ᖃᔅᓯᐊᕐᔪᖕᓄᑦ ᑕᖅᑭᓄᑦ. ᐱᔭᕇᖅᓯᓯᒪᖕᒥᔪᖅ ᑐᓗᒐᕐᒧᑦ ᐱᓕᕆᐊᒥᒃ. ᒪᒃᓚᐅᑦ ᑕᒪᒃᑯᓂᖓ ᐱᕕᒃᓴᓂᒃ ᐊᑐᓚᐅᖅᐳᖅ ᐃᓗᐊᕆᔭᒥᓂᒃ ᕿᒪᕉᑎᔪᒪᓪᓗᓂ ᑕᑯᒃᑲᓐᓂᕈᒪᓪᓗᓂᓗ ᑲᓇᑕᒥᐅᓂᒃ ᓄᓇᕐᔪᐊᒥᒡᓗ.

ᐊᔪᕐᓇᖅᑐᖅᓯᐅᕈᑎᒋᕙᒃᑕᒥᓄᑦ, ᒪᒃᓚᐅᑦ ᐱᕈᖅᓴᔭᐅᓚᐅᖅᐳᖅ ᐃᓕᓐᓂᐊᕆᐊᖅᑎᑕᐅᕙᓚᐅᖅᑐᓄᑦ ᐊᒻᒪ ᑭᖑᕚᕇᓄᑦ ᐊᒃᓱᕈᕐᓇᖅᑐᒃᑰᕈᑎᖃᖅᐸᒃᖢᓂ. ᐊᒃᓱᕉᑎᖃᓚᐅᕆᕗᖅ ᐱᕕᒃᓴᖃᑦᑎᐊᙱᓐᓂᕐᒧᑦ ᓄᓇᒥᓂ. ᐃᓕᓐᓂᐊᕐᕕᐊᓗᖕᒥ ᐊᓂᒍᐃᕌᓪᓚᓚᐅᖅᖢᓂ, ᐃᓕᓐᓂᐊᕈᑎᖏᑦ ᓈᒻᒪᙱᓗᐊᓕᓚᐅᖅᐳᑦ ᓯᓚᑦᑐᖅᓴᕐᕕᖕᒧᑦ ᐅᕝᕙᓘᓐᓃᑦ ᓴᓇᔨᐅᓂᕐᒧᑦ. ᐅᔭᕋᖕᓂᐊᕐᕕᖕᒧᑦ ᓅᓕᕋᒥ, ᐱᕕᒃᓴᒥᒃ ᓇᓂᓯᔪᓐᓇᓚᐅᖅᐳᖅ. ᐃᙱᐅᓯᓕᐅᕈᓘᔭᖅᐸᓚᐅᕆᕗᖅ, ᐅᓂᒃᑳᖅᐸᒃᖢᓂ ᐊᓯᒥᓄᑦ ᐱᙳᐊᖃᑕᐅᕙᒃᖢᓂ ᐃᖃᐃᓕᓴᖅᐸᒃᖢᓂᓗ. ᐃᓅᓯᖃᑦᑎᐊᖅᖢᓂ ᐱᕚᓪᓕᕈᑎᖃᓚᐅᖅᐳᖅ ᒪᒥᓴᕐᓂᒃᑯᓪᓗ. ᑲᔪᖏᖅᓴᖅᑕᐅᓚᐅᖅᐳᖅ ᖃᐅᔨᒐᒥ ᐊᑐᐃᓐᓇᐅᓂᖓᓂ ᐊᑭᖃᙱᖦᖢᓂ ᐊᒻᒪ ᐱᔪᒪᙱᖦᖢᓂ ᐅᖃᐅᓯᒃᓴᓂ ᑐᓴᓚᐅᖅᑕᖏᓐᓂ 'ᓴᙱᔫᓂᖅ' ᐱᐅᓂᖅᓴᐅᓂᖓᓂ ᒪᒥᓴᕐᓂᐅᔪᒥᑦ. "ᑲᒪᒋᔭᕆᐊᖃᕋᑦᑎᒍᑦ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ, ᑕᐃᒪᐃᓐᓂᖓᓄᑦ ᐊᑐᑦᑎᐊᕋᓱᒃᐸᒃᑲ ᐃᑲᔫᑎᒃᓴᓕᒫᑦ," ᐅᓂᒃᑳᖅᑐᖅ. ᐊᒥᓱᓂᒃ ᐊᕝᕕᐊᕈᑎᖃᕋᓗᐊᖅᖢᓂ, ᐃᓕᑦᑎᓚᐅᖅᐳᖅ ᐊᓂᒍᐃᔪᓐᓇᕐᓂᕐᒥᒃ ᓂᕆᐅᒃᐳᕐᓗ ᐊᓯᒥᓄᑦ ᓇᓂᓯᓂᐊᕐᓂᖏᓐᓂᒃ ᓇᖕᒥᓂᖅ ᐊᖅᑯᑎᒋᓂᐊᖅᑕᒥᓂᒃ ᐊᒃᓱᕈᕐᓇᕐᓂᖏᑕ ᐅᖓᑖᓄᑦ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒥᓄᑦ ᐃᒪᓐᓇᐅᓇᔭᖅᐳᖅ, "ᓯᓚᑦᑐᖅᓴᕐᕕᒡᔪᐊᕐᒧᐊᕐᓗᑎᑦ, ᑲᑉᐱᐊᓱᙱᓪᓗᑎᑦ ᕿᒥᕐᕈᔭᕆᐊᒃᓴᖅ ᓄᓇᕐᔪᐊᒥ ᐊᒻᒪ ᑐᓴᕐᓈᒐᒃᓴᒃᑲᓂᒃ ᖃᐅᔨᑎᑦᑎᓗᑎᑦ, ᑲᑉᐱᐊᓱᙱᓪᓗᓯᓗ. ᐃᓕᓐᓂᐊᕆᐊᑐᐃᓐᓇᕐᓗᑎᑦ, ᓯᓚᑦᑐᖅᓴᕐᕕᖕᒧᐊᕐᓗᑎᑦ, ᐊᒻᒪ ᑲᒪᑦᑎᐊᕐᓗᑎᑦ ᑭᓱᑕᖃᕐᒪᖔᑦ ᑕᖅᑳᓂ." ᑭᖑᒧᑦ ᑕᑯᓪᓗᓂ, ᒪᒃᓚᐅᑦ ᐃᓱᒪᔪᖅ ᐃᓕᓐᓂᐊᕆᐊᓪᓗᐊᓚᐅᕐᓂᕐᒥᓂᒃ ᐊᒻᒪ ᐅᖃᐅᔾᔨᔪᓐᓇᕈᒪᓪᓗᓂ ᒪᒃᑯᖕᓂᖅᓴᓂ ᐃᓕᓐᓂᐊᒃᑲᓐᓂᖁᓗᒍ.

ᐱᔪᒃᓯᑎᑦᑎᓂᒃᑯᓪᓕ, ᒪᒃᓚᐅᑦ ᕿᑐᕐᙵᒥᓄᑦ ᑕᐅᑐᒃᐸᒃᐳᖅ ᑲᔪᖏᖅᓴᐃᕙᒃᑐᓂᒃ ᐃᓄᑦᑎᐊᕙᐅᓂᖅᓴᐅᔪᒪᓪᓗᓂ. ᐱᐅᓛᖑᓇᓱᒃᐸᒃᐳᖅ ᐃᒻᒥᓄᑦ ᐃᔾᔪᐊᒐᒃᓴᑦᑎᐊᕙᐅᔪᒪᓪᓗᓂᓗ ᐃᒻᒥᓄᑦ ᐊᓯᒥᓄᓪᓗ. ᐊᖓᔪᖅᑳᖏᒃ ᑲᔪᖏᖅᓴᐃᒋᕗᑦ ᓴᙱᔫᖁᔭᐅᓪᓗᓂ ᐊᒻᒪ ᑲᔪᓰᓐᓇᖁᔭᐅᓪᓗᓂ. ᖃᑕᙳᑎᖏᑦ, ᑕᒪᐃᑎᒍᑦ, ᑐᙵᓱᒃᑎᑦᑎᕙᒃᐳᖅ, ᐃᓱᒪᒋᓪᓗᒋᑦ ᓯᕗᕚᖏᑦ, ᐃᑦᑐᒃᑯᖏᑦ ᐊᑖᑕᑦᑎᐊᒃᑯᖏᑦ/ᐊᑖᑕᑦᑎᐊᒃᑯᖏᑦ. "ᓇᓗᓇᙱᑦᑐᖅ ᐅᕙᑦᑎᓐᓂ ᐱᒃᑯᒍᓱᖕᓂᐊᖅᑐᑦ," ᓂᐱᖅᑯᖅᑐᓪᓗᓂ ᐅᖃᖅᑐᖅ. ᓯᕗᓂᒃᓴᒧᑦ ᑕᐅᑐᒃᖢᒍ, ᐱᓕᕆᐊᖃᐃᓐᓇᕐᓂᐊᖅᑐᖅ ᓂᐱᓕᐅᖅᑕᒥᓂᒃ ᐊᑎᖃᖅᖢᓂ ᕕᓐᔅ ᐅᐃᓐᑐᕐ.

ᓄᓇᒥᓂ ᕿᒪᐃᓚᐅᖅᖢᓂ ᐱᕕᒃᓴᖅᓯᐅᖅᖢᓂ, ᕕᓐᓴᓐᑦ ᒪᒃᓚᐅᑦ ᓇᓂᓯᓚᐅᖅᐳᖅ. ᐃᖅᑲᓇᐃᔮᕆᓕᖅᖢᓂᐅᒃ ᑐᓴᖅᓴᐅᔪᓐᓇᐅᑎᓕᕆᔨᐅᓪᓗᓂ ᓄᓇᑦᓯᐊᕐᒥ ᒪᓕᒐᓕᐅᕐᕕᖕᒥ, ᐱᓕᕆᖃᑦᑕᖅᓯᒪᓂᑰᕗᖅ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ ᐊᒻᒪ ᐱᓕᕆᕝᕕᖕᓂ ᐱᓕᕆᕙᓪᓕᐊᑎᓪᓗᒍ. ᖃᖓᑐᐃᓐᓇᖅ ᐊᖏᕐᕋᐅᓛᓕᖅᐳᖅ ᐊᔪᕈᓐᓃᖅᑕᒥᓂᒃ ᐊᒥᖅᑳᖃᑎᖃᕆᐊᖅᑐᕐᓗᓂ, ᑭᓯᐊᓂ ᒫᓐᓇᒧᑦ, ᓂᔾᔭᐅᓯᔭᖅᑎᐅᓕᖅᐳᖅ ᐃᓅᓇᓱᐊᖅᖢᓂᓗ ᖁᕕᐊᒋᔭᒥᓂᒃ ᐱᓕᕆᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.