"ᐃᓅᓯᓕᒫᑦᑎᓐᓂ ᐃᓕᑦᑎᕙᓪᓕᐊᕗᒍᑦ; ᐃᓕᓐᓂᐊᕐᓂᕗᑦ ᐃᓱᓕᓚᐅᖅᓯᒪᙱᑦᑐᖅ, ᐱᓪᓚᕆᐊᓗᒃ," ᐅᖃᖅᑐᖅ ᐃᓕᓐᓂᐊᕐᓂᖅ ᐃᓕᖅᑯᓯᓕᕆᓂᕐᓗ ᖃᐅᔨᒃᑲᐃᔨ ᒥᐅᕆᓕᓐ ᔭᓐᓴᓐ. ᓄᓇᖅᐸᓯᒃᑐᒥ Tlingit/Tagish Khwáan, Carcross, Yukon-ᒥ, ᐊᒻᒪ clan-ᖓ ᑭᓪᓕᖅ ᐋᕐᓗ. ᐃᓅᓚᐅᖅᓯᒪᔪᖅ ᑲᑎᑎᑕᐅᓪᓗᓂ ᐊᖓᔪᖅᑳᑦᑎᐊᕙᐅᓪᓗᓂ ᐃᓅᔪᓐᓃᖅᓯᒪᔪᓄᑦ. ᐱᕈᖅᓴᓂᖓ ᐃᑲᔪᖅᑐᐃᑦᑎᐊᓚᐅᖅᑐᖅ, ᓇᒡᓕᒍᓱᒃᖢᓂ ᐊᒻᒪ ᑎᓕᐅᕆᓪᓗᓂ ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᖅᑎᓪᓗᒍ. ᐃᓕᖅᑯᓯᒃᑯᑦ ᓴᙱᔫᓪᓗᓂ ᑐᙵᕕᖃᑦᑎᐊᖅᖢᓂᓗ, ᖃᑕᙳᑎᖏᑦ ᐊᓐᓇᐅᒪᔪᓐᓇᓚᐅᖅᑐᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᓄᑦ ᐊᒃᑑᑎᔪᓄᑦ ᐊᓯᖏᓐᓄᓪᓗ ᐊᒃᓱᕈᕐᓇᖅᑐᓄᑦ ᐃᓅᖃᑎᒌᖕᓂᕐᒧᑦ ᐱᔾᔪᑎᓄᑦ. 

ᐊᓈᓇᒥᓄᑦ ᐱᔪᒃᓯᑎᑕᐅᑦᑎᐊᖅᑐᖅ. "ᑕᕝᕙᓂ ᓄᓇᕐᔪᐊᕐᒧᑦ ᑎᑭᖦᖢᓂ ᐅᓇᑕᖅᑎᐅᔪᖅ ᐊᕐᓇᖅ, ᐅᓇᑕᖅᑎ, ᐋᖅᑭᒃᓯᑐᐃᓐᓇᕐᖢᓂ ᖁᕝᕙᕆᐊᖅᑎᖦᖢᓂᒋᑦ ᐃᓄᖁᑎᖏᑦ ᕿᑐᕐᖓᖏᓪᓗ ᐃᓂᑦᑎᐊᕙᖕᒧᑦ," ᐃᖅᑲᐅᒪᔪᖅ.  "ᐱᕈᖅᓴᓚᐅᖅᑐᖓ ᐊᓈᓇᒪ ᐅᖃᐅᑎᓪᓗᓂᖓ, 'ᐅᒃᑯᓯᙳᐊᖑᔪᑎᑦ ᐳᐃᒍᖅᑕᐃᓕᒍᒃ ᖃᓄᖅ ᑐᑭᖃᕐᒪᖔᑦ. ᑕᒪᓐᓇ ᖃᓄᖅ ᑐᑭᖃᕐᒪᖔᑦ ᖃᐅᔨᒪᕕᑦ? ᑐᑭᖃᖅᑐᕐᓕ ᐱᐅᔪᐊᓘᔪᑎᑦ, ᓯᓚᑐᔪᑎᑦ," ᑲᔪᓯᓪᓗᓂ. 

ᔨᓐᓴᓐ ᐊᓈᓇᖓ ᐃᖕᒥᓂᒃ ᐅᐱᒋᔪᒪᔭᒥᓂᒃ ᐱᕈᐃᓚᐅᖅᑐᖅ ᑭᓯᐊᓂ ᓄᓇᑦᑎᓐᓂ. ᐊᓈᓇᖓᑕ ᐅᖃᐅᑎᕙᓚᐅᖅᑕᖓ, "ᐃᓄᖁᑎᕗᑦ ᐱᐅᒻᒪᑕ, ᑭᓱᓕᒫᓂᒃ ᐱᔭᕆᐊᖃᕐᒪᑕ ᐱᐅᔪᒥᒃ ᐊᒻᒪᓗ ᓱᓕᔪᒥᒃ ᑕᒫᓂ ᓄᓇᕐᔪᐊᕐᒥ. ᐃᓄᖁᑎᕗᑦ ᖁᕕᐊᓱᒃᑲᓐᓂᕆᐊᖃᓕᖅᐳᑦ. ᐃᓄᖁᑎᕗᑦ ᖁᕕᐊᓱᒋᐊᖃᓕᖅᑐᑦ ᐃᓅᓯᑦᑎᓐᓂ." 

ᔭᓐᓴᓐ ᑐᓴᖅᑎᓪᓗᒍ ᓈᒻᒪᒍᓱᙱᓐᓂᕐᒥᒃ ᓄᓇᕐᔪᐊᒥ ᐊᔾᔨᒌᒃᑎᑦᑎᙱᓐᓂᕐᒥᒃ ᓄᓇᖃᖅᑳᖅᓯᒪᔪᓂᒃ ᐃᓄᖕᓂᒃ, ᐊᓈᓇᖓᑕ ᓂᐱᖓ ᐊᐃᕙᔾᔪᑎᒋᖃᑦᑕᓚᐅᖅᑕᖓ ᓂᐊᖁᖓᒍᑦ. ᑲᑉᐱᐊᓱᙱᑦᑐᖅ ᐊᕐᓇᖅ ᓇᖏᓚᐅᖅᑐᖅ ᓄᓇᒥᓂᒃ, ᔨᓐᓴᓐ ᐊᓈᓇᖓ ᑐᕌᖅᑎᑦᑎᓪᓗᓂ ᐊᓯᔾᔨᕐᓂᕐᒧᑦ ᐱᕙᓪᓕᐊᓂᕐᓄᓪᓗ, ᐊᒥᖅᑳᕈᑎᖃᕐᖢᓂ ᓯᓚᑐᓂᕐᒥᓂᒃ. ᑎᓕᐅᕆᓪᓗᓂ ᐊᓐᓇᒍᓐᓇᕐᓂᕐᒥᒃ, ᑎᔅᓯᓈᕿᓂᕐᒥᒃ, ᖁᔭᓕᓂᕐᒥᒃ, ᓴᙱᓂᕐᒥᒃᓗ ᐅᓇᑕᕐᓂᕐᒥᒃ ᓈᒻᒪᒃᓗᓂ.

ᐱᕈᖅᐸᓪᓕᐊᓪᓗᓂ, ᑭᒃᑯᑐᐃᓐᓇᕐᓄᑦ ᐃᓕᓐᓂᐊᕐᕕᒃ ᐱᐅᓚᐅᙱᑦᑐᖅ ᓲᖃᐃᒻᒪ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓂᑲᒍᓱᒃᑎᑕᐅᓚᐅᕐᒪᑕ, ᓯᕗᒻᒧᐊᒃᑎᑦᑎᓪᓗᓂ ᐃᓕᓐᓂᐊᒃᑲᓐᓂᕐᓂᕐᒧᑦ ᐊᒃᓱᕈᕐᓇᖅᑐᒧᑦ ᐱᐅᙱᑦᑐᓄᑦ ᓂᐱᓄᑦ ᖁᕕᐊᓱᙱᖦᖢᓂ. ᓯᓚᑦᑐᖅᓴᕐᕕᔾᔪᐊᕐᒥᐅᑕᐅᖅᑰᔨᓚᐅᙱᑦᑐᖅ ᓲᖃᐃᒻᒪ ᐊᓕᐊᓇᐃᒋᔭᐅᑦᑎᐊᓚᐅᕐᓂᖓᓄᑦ, ᑭᓯᐊᓂ ᖁᓱᙱᖦᖢᓂ ᑲᔪᓯᔪᓐᓇᖅᓯᓚᐅᖅᑐᖅ. 

"ᑐᑭᓯᔪᖓ ᐱᓕᕆᔾᔪᓯᕐᒥᒃ, ᐱᓕᕆᔾᔪᓯᐅᔪᖅ ᑐᙵᓇᙱᖦᖢᓂ ᐅᕝᕙᓘᓐᓃᑦ ᑐᙵᓇᙱᖦᖢᓂ ᐃᓄᖁᑎᑦᑎᓐᓄᑦ, ᐅᕙᑦᑎᓐᓂᓪᓗ ᑎᓕᐅᕆᓯᒪᓪᓗᓂ ᑭᓱᓕᒫᓂᒃ ᐊᑐᙱᑕᑦᑎᓐᓂᒃ, ᐊᑐᕐᓂᐊᕐᓗᒍ," ᐃᒻᒥᓂᒃ ᐅᖃᖅᖢᓂ.  ᐃᓕᓐᓂᐊᕇᖅᓯᒪᙱᑦᑐᖅ ᓯᓚᑦᑐᖅᓴᕐᕕᒡᔪᐊᒥᑦ ᐃᓕᖅᑯᓯᓕᕆᔨᒻᒪᕆᐅᓚᐅᖅᐳᖅ ᖁᑦᑎᖕᓂᖅᐹᒥᓪᓗ ᓄᓇᖃᖅᑳᖅᓯᒪᔪᓂᑦ ᐊᐅᓚᑦᑎᓪᓗᓂ. ᒍᕋᑦ ᐃᓕᓐᓂᐊᕐᕕᒃ ᐊᔪᕐᓇᙱᓐᓂᖅᓴᐅᓚᐅᖅᑐᖅ ᖁᓱᔪᓐᓃᑦᑎᐊᓕᕐᖢᓂ ᐱᐅᓪᓗᓂᓗ ᓇᖕᒥᓂᖅ−ᐃᓕᓐᓂᐊᕈᓐᓇᑦᑎᐊᕐᖢᓂ. 

ᐃᓕᓐᓂᐊᓕᓵᖅᑎᓪᓗᒍ ᓯᓚᑦᑐᖅᓴᕐᕕᖕᒥ, ᐱᕙᒌᔭᖅᓯᒪᑦᑎᐊᙱᖦᖢᓂ ᑲᔪᓯᑦᑎᐊᕐᓂᕐᒧᑦ. ᐊᔪᙱᓐᓂᖃᓚᐅᙱᑦᑐᖅ ᑭᓯᐊᓂ ᖃᐅᔨᓚᐅᖅᑐᖅ ᐊᖓᔪᒃᖠᐅᓂᖅᓴᓂᒃ ᐃᓕᓐᓂᐊᖅᑎᓂᒃ ᐱᖃᑎᖃᓚᐅᕐᖢᓂ ᖃᐅᔨᒪᔪᓂᒃ ᖃᓄᐃᓕᐅᕐᓂᕐᒥᓂᒃ. ᐃᓕᓐᓂᐊᕈᑎᖏᑦ ᐱᐅᓯᕚᓪᓕᓚᐅᖅᑐᑦ ᐱᔭᕇᕋᓱᐊᕐᓂᖓᓂᑦ ᑏᓐ ᑎᑎᕋᖅᓯᒪᔪᓂᑦ. ᔨᓐᓴᓐ ᓯᕗᓪᓕᖅᐹᖑᓚᐅᖅᐳᖅ ᐃᓚᒥᓂᒃ ᓯᓚᑦᑐᖅᓴᕐᕕᒡᔪᐊᓕᐊᖅᖢᓂ, ᐊᓈᓇᖓᓗ ᐃᑲᔪᖅᑐᐃᓪᓗᓂ ᑕᐅᕙᓕᒫᖅ. 

"ᑕᒪᕐᒥᑦᑎᐊᖅ ᐱᓕᕆᑳᓪᓚᒡᓗᑎᑦ ᐃᓱᒪᑦᑎᐊᙱᖦᖢᑎᓪᓗ ᑕᐃᒪᐃᓕᐅᕐᓂᐊᕐᓂᕐᓂᒃ. ᑭᓯᐊᓂ ᐱᑕᖃᖅᑐᑎᑦ."

ᓯᓚᑦᑐᖅᓴᕐᕕᒡᔪᐊᖃᓚᐅᖅᑎᓪᓗᒍ, ᔨᓐᓴᓐ ᐅᖃᖃᑎᖃᓕᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᓕᕆᓂᖏᓐᓂᑦ ᖃᓄᐃᙱᑦᑎᐊᖕᓂᖏᓐᓂᒡᓗ ᓲᖃᐃᒻᒪ ᐃᓕᓐᓂᐊᕇᖅᓯᒪᙱᑦᑐᓄᑦ ᐱᔭᕇᕈᓯᐊᖅ ᑕᐅᑐᓪᓗᐊᑕᖅᖢᓂ ᐱᐅᓯᑐᖃᓂᑦ ᐃᓕᖅᑯᓯᖕᓂᓪᓗ, ᐃᓅᓯᖓ ᐊᔾᔨᒋᙱᑖᓂᑦ ᓯᕗᒧᐊᓚᐅᖕᒪᑦ. ᐱᓕᕆᖃᑎᖃᓚᐅᖅᑐᖅ ᐊᕐᓇᒥᒃ ᖃᓂᑦᑐᒥᒃ ᓄᓇᖃᓚᐅᖅᓯᒪᔪᒥᒃ ᐊᒻᒪᓗ ᔫᑳᓐ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᑖᓚᐅᖅᑐᑦ ᐃᓕᓴᐃᖁᓪᓗᒋᑦ ᐃᖅᑲᓇᐃᔭᖅᑎᒥᓂᒃ ᐃᓕᖅᑯᓯᓕᕆᓂᕐᒥᒃ, ᐱᐅᓯᕆᔭᐅᕙᓚᐅᖅᑐᓂᒃ, ᓄᓇᑖᕋᓱᐊᕐᓂᕐᒥᒃ, ᐊᒻᒪᓗ ᓇᖕᒥᓂᖅ ᒐᕙᒪᖃᕐᓂᕐᒥᒃ.  

ᐊᑐᖅᓯᒪᔭᖓ ᐃᓕᓐᓂᐊᖅᑎᓚᐅᖅᑕᖓ ᐃᓕᓴᐃᔨᐅᓂᖓᓂᒃ ᐅᓂᒃᑳᖅᑐᐊᕐᓂᕐᒥᒃ, ᐊᒥᖅᑳᖃᑎᖃᕐᓂᕐᒥᒃ ᐃᑲᔪᕈᓐᓇᕐᓂᕐᒥᒃᓗ ᐃᓄᖕᓂᒃ ᑐᑭᓯᓂᕐᒥᒃ ᑕᐅᑐᒃᑕᐅᔪᓂᒃ. ᒫᓐᓇ ᐃᓕᓴᐃᖃᑦᑕᓕᖅᑐᖅ ᔫᑳᓐ ᓯᓚᑦᑐᖅᓴᕐᕕᒡᔪᐊᖓᓂ, ᑭᒃᑯᑐᐃᓐᓇᕐᓄᑦ ᐅᖃᓪᓚᖃᑦᑕᕐᖢᓂ, ᐃᓕᓐᓂᐊᖅᑎᑦᑎᕙᒃᖢᓂᓗ ᐃᓕᓐᓂᐊᖅᓯᓐᓈᑦ ᑲᑎᒪᓂᕐᓂ. ᐱᓕᕆᖃᑎᖃᖅᐳᖅ ᓄᑖᒥᒃ ᐱᓕᕆᖃᑎᑖᓵᒥᒃ ᐋᓐᓂᖅᓯᕆᓂᐅᖃᑦᑕᖅᑐᒧᑦ ᓄᓇᖃᖅᑳᖅᑐᑦ ᓄᓇᓕᖕᓂ ᐱᓕᕆᖃᑎᒌᖕᓂᐅᕙᒃᑐᒥᒃ, ᐃᓕᓴᐃᓪᓗᓂ ᐃᓄᑦᑎᐊᕙᐅᓂᕐᒥᒃ. ᐱᔪᒃᓯᓂᖃᑦᑎᐊᖅᑐᖅ ᑐᑭᖓᓂᒃ ᐃᖅᑲᓇᐃᔮᖓᑕ, ᐊᑐᕐᓂᑯᖓ ᑲᓲᒪᓂᕐᒥᒃ ᐊᓯᔾᔩᓂᕐᒥᒃᓗ ᓄᓇᕐᔪᐊᒥ ᑲᔾᔮᕐᓇᕐᓂᖓᓄᓪᓗ ᐃᓄᖁᑎᖏᑕ. 

ᓯᓚᑖᓂ ᐅᖃᖃᑎᖃᕐᓂᕐᒧᑦ ᐱᓕᕆᐊᖓᓂᑦ, ᔨᓐᓴᓐ ᐱᓕᕆᒃᑲᒻᒪᕆᐊᓗᒃ ᐃᓕᖅᑯᓯᑎᒍᑦ, ᓯᕗᒃᑲᑕᖅᑎᐅᓪᓗᓂ ᒧᒥᖅᑎᓂᑦ ᐊᒻᒪᓗ ᓴᐸᖓᓕᖅᓯᓪᓗᓂ. ᐃᒃᓯᕙᐅᑕᕆᔭᐅᖕᒥᔪᖅ ᔫᑳᓐ ᓄᓇᖃᖅᑳᖅᓯᒪᔪᑦ ᓄᓇᖃᖅᑳᖅᓯᒪᔪᑦ ᐃᓕᖅᑯᓯᓕᕆᔨᖏᓐᓄᑦ ᐊᒻᒪ ᐳᓚᕋᖅᑐᓕᕆᔨᑦ ᑲᑐᔾᔨᖃᑎᒌᓄᑦ ᐊᒻᒪ ᑲᑎᒪᑎᑦᑎᔨᐅᓪᓗᓂ ᓄᓇᖃᖅᑳᖅᓯᒪᔪᑦ ᐳᓚᕋᖅᑐᓕᕆᔨᑦ ᑲᓇᑕᒥ. ᐱᖓᓱᐊᖅᑎᖅᑐᓂ ᐱᓇᓱᐊᕈᓯᕐᒥ ᐃᖅᑲᓇᐃᔭᕋᓱᖃᑦᑕᖅᑐᖅ, ᓂᕿᑦᑎᐊᕙᓕᕆᓪᓗᓂ ᐊᒻᒪᓗ ᑐᕌᒐᖃᖅᑐᓂ ᖃᓄᐃᖏᑎᐊᕐᓂᕐᒥᒃ, ᓲᕐᓗ ᓯᓂᑦᑎᐊᖃᑦᑕᕐᓂᖅ.  

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐊᖅᑯᑎᒃᓴᖅᓯᐅᖅᑎᓪᓗᒋᑦ ᐊᓯᔾᔨᒐᒃᓴᐅᓗᓂ. "ᐆᒻᒪᑎᐃᑦ ᒪᓕᒡᓗᒍ, ᑭᓯᐊᓂ ᒪᑐᐃᙶᕈᓐᓇᕆᕗᑎᑦ ᐊᓯᔾᔨᑐᐃᓐᓇᕆᐊᓕᖕᓄᑦ," ᐅᖃᐅᔾᔨᕗᖅ. ᓂᕆᐅᑉᐳᖅ ᐃᓕᓐᓂᐊᖅᑏᑦ ᐃᓕᓐᓂᐊᖏᓐᓇᖁᓪᓗᒋᑦ ᐊᒻᒪ ᖁᑦᑎᒃᓯᕙᓪᓕᐊᓗᑎᒃ ᐊᑐᖅᑕᐅᖃᑦᑕᖅᑐᒥᒃ ᓴᓇᔭᐅᓯᒪᙱᑦᑐᒥᒃ. "ᖃᐅᔨᒪᔪᒍᑦ ᐃᓚᖓ ᐊᓕᓚᔪᖅ ᓇᓗᓇᐃᖅᓯᙱᑦᑐᖅ ᐃᓕᖕᓂᒃ, ᐅᕝᕙᓘᓐᓃᑦ ᓱᓕᓂᓐᓂᒃ, ᑭᓯᐊᓂ ᑕᓖᔭᕐᓂᖅᓴᐅᔪᖅ. ᒪᑐᐃᖅᓯᓪᓚᕆᖕᓂᐊᖅᑐᖅ ᐱᕕᒃᓴᒃᑲᓐᓂᕐᓂᒃ ᐱᕕᒃᓴᓂᒡᓗ," ᑲᔪᓯᓪᓗᓂ. ᐱᓗᐊᖅᑐᒥ, ᓴᐱᓕᖁᓇᙱᒃᑲᓗᐊᖅᐳᑦ. 

ᓂᕆᐅᒋᔭᖃᖅᐳᖅ ᓯᕗᓂᒃᓴᑦᑎᓐᓄᑦ ᐋᖅᑭᒃᓱᐃᓂᐊᕐᓂᖓᓂᒃ ᐃᖅᑲᐅᒪᔾᔪᑕᐅᔪᓐᓇᖅᑐᒥᒃ ᑐᙵᓇᕐᓂᕐᒥᒃ ᐱᓕᕆᐊᕆᔭᒥᓂ, ᐱᕕᒃᓴᖃᕐᓗᓂᓗ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᐱᔪᒃᓯᑎᑦᑎᓂᕐᒥᒡᓗ ᒪᒃᑯᒃᑐᓂᒃ ᑲᔪᓯᑎᑦᑎᓂᐊᖅᑐᓂᒃ ᑕᒪᑐᒥᖓ ᐱᓕᕆᐊᒃᓴᒥᒃ. ᓅᑎᑦᓯᒍᒪᔪᖅ ᐃᓕᖅᑯᓯᕐᒥᓂᑦ ᖃᐅᔨᒪᓂᕐᒥᑦ, ᐃᑭᑎᑦᓯᖏᓐᓇᕐᓂᕐᒥᑦ, ᐱᕈᖅᑎᑦᓯᓂᕐᒥᓪᓗ ᓄᓇᓕᓐᓂᑦ ᖃᓄᐃᖏᑦᓯᐊᕐᓂᕐᒥᓪᓗ. ᒥᐅᕆᓕᓐ ᔨᓐᓴᓐ ᖃᐅᔨᒪᔪᖅ ᐃᓅᓯᓕᒫᖅ ᐃᓕᓐᓂᐊᖅᑎᐅᒐᑦᑕ ᐊᒻᒪᓗ ᐃᓕᓐᓂᐊᖅᑕᕗᑦ ᐃᓱᓕᓚᐅᖅᓯᒪᓇᓂ, ᐱᓪᓚᕆᐊᓗᒃ. ᖁᕕᐊᓇᖅᐳᖅ, ᐃᓕᓴᐃᕙᙱᒻᒪᑦ, ᒪᒃᑯᒃᑐᑦ ᑐᓵᔪᓐᓇᑐᐊᖅᐸᑕ ᓂᐱᒥᓂᒃ ᓂᐊᖁᒥᒍᑦ ᐊᓈᓇᖓᑕ ᖃᓄᐃᓕᐅᖅᐸᓚᐅᕈᓯᖏᓐᓂᒃ ᑕᐃᔅᓱᒪᓂᐊᓗᒃ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.