ᓯᕗᓪᓕᕐᒥ ᖁᒃᓴᓱᓚᐅᖅᓯᒪᙱᑦᑐᖅ ᑕᕐᕆᔭᐅᓯᐅᖅᑎᐅᓂᕐᒥᒃ, ᑭᓯᐊᓂ ᖃᐅᔨᓕᓚᐅᖅᐳᖅ ᐱᓕᕆᐊᑐᐊᕆᔪᒪᔭᒥᓂᒃ. ᕋᐃᑦᓱᓪ ᑯᐊᔅᑕᓐ ᐃᓅᓚᐅᖅᓯᒪᔪᖅ ᒨᔅ ᕚᑐᕆ, ᐋᓐᑎᐅᕆᐅᒥ, ᑕᐃᑲᓂᕐᒥᐅᑕᐅᓚᐅᖅᓯᒪᓪᓗᓂᓗ ᑎᑭᖦᖢᒍ 6-ᓂᒃ ᐅᑭᐅᖃᓕᖅᖢᓂ. ᐊᕐᕌᒍᓂ ᖁᓕᓂ ᐊᒡᒋᖅᑐᓂ, ᑕᓐᑐ ᐸᐃᒥ ᓄᓇᖃᓚᐅᖅᐳᖅ ᐊᓈᓇᖓ ᐃᓕᓐᓂᐊᖅᑎᓪᓗᒍ ᐃᓕᓴᐃᔨᙳᕐᓂᕐᒧᑦ. ᐊᐅᔭᒃᑯᑦ, ᐊᖏᕐᕋᖅᐸᓚᐅᖅᑐᑦ ᑲᑎᙵᖃᑎᖃᕈᒪᓪᓗᑎᒃ ᓄᓇᓕᒋᔭᒥᓄᑦ. ᐃᓚᒋᔭᐅᔪᖅ ᒨᔅ ᑯᕇ ᓄᓇᖃᖅᑳᖅᓯᒪᔪᓄᑦ.

ᒫᓐᓇ ᐃᓕᓐᓂᐊᖅᑎᐅᓕᖅᖢᓂ, ᑯᐊᔅᑕᓐ ᓄᓇᖃᖅᐳᖅ ᑐᕌᓐᑐᒥ ᑎᓴᒪᒋᓕᖅᑕᖓᓂ ᐊᕐᕌᒍᖓᓂ ᓯᐅᕆᑕᓐ ᓯᓚᑦᑐᖅᓴᕐᕕᖓᓂ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᒐᒃᓴᒥ. ᖁᕕᐊᒋᔭᖃᖅᑐᖅ ᐋᓐᓂᐊᖅᑐᓕᕆᓂᕐᒥᒃ ᐊᒻᒪ ᖃᐅᔨᓴᖅᑐᓕᕆᓂᕐᒥᒃ ᑐᓴᐅᒪᔪᓕᕆᓂᕐᒥᒃ ᐊᒻᒪᓗᑦᑕᐅᖅ ᑕᕐᕆᔭᒐᒃᓴᓂᒃ ᓄᖅᑲᖅᑎᑦᑎᔪᓐᓇᕐᓂᕐᒥᒃ. ᐱᔭᕇᖅᓯᓯᒪᓕᕇᖅᐳᖅ ᓴᓇᙳᐊᕐᓂᕐᒧᑦ ᑐᙵᕕᒋᔭᐅᔪᒥ ᓇᓗᓇᐃᒃᑯᑕᖅᑖᕐᓂᕐᒥᒃ ᐅᕙᙵᑦ, Fanshawe College-ᒥ. ᑎᑎᖅᑐᒐᖅᑎᑐᐃᓐᓇᐅᓪᓗᓂ, ᐅᓂᒃᑳᖅᑐᐊᓕᐅᕈᓐᓇᖅᑐᖅ, ᑎᑎᕋᐅᔭᕈᓐᓇᖅᑐᖅ, ᐋᖅᑭᔅᓱᐃᔪᓐᓇᖅᑐᓂ ᐃᓄᓐᖑᐊᓂᑦ, ᐊᒻᒪ ᓂᐱᓕᐅᕆᔪᓐᓇᖅᑐᓂ.

ᐊᐅᔭᒃᑯᑦ, ᐊᖏᕐᕋᖅᐸᒃᐳᖅ ᖁᕕᐊᓲᑎᖃᕆᐊᖅᑐᖅᖢᓂ ᐊᒻᒪ ᐃᒪᕐᒥᒃ ᐊᒻᒪ ᓄᓇᒥᒃ ᐱᐅᖅᓱᐊᕐᓂᕐᒧᑦ ᐱᓕᕆᑎᑦᑎᔭᖅᑐᖅᖢᓂ. ᐃᓱᒪᖅᓱᓕᕌᖓᒥ ᐊᕐᕌᒎᑉ ᐃᓗᐊᓂ, ᓯᐊᕐᕆᔮᕐᕕᖕᒦᑉᐸᒃᐳᖅ ᒧᒥᕐᕕᖕᒦᑉᐸᒃᖢᓂᓗ. ᓯᕗᓪᓕᖅᐹᖓᓂ ᐊᕐᕌᒍᖓᓂ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᕐᕕᖕᒥ, ᐃᓕᓐᓂᐊᓚᐅᖅᐳᖅ ᐅᖓᓯᒃᑐᒥ ᐊᒻᒪ ᐃᑦᑐᒃᑯᒥᓃᖦᖢᓂ.

ᑯᐊᔅᑕᓐ ᑎᑎᕋᐅᔭᖅᑎᐅᖏᓐᓇᕈᒪᓚᐅᙱᑦᑐᖅ, ᑮᓇᐅᔭᓕᐅᕈᒪᒐᒥ, ᑭᓯᐊᓂ ᖃᐅᔨᓕᓚᐅᖅᐳᖅ ᖁᕕᐊᒋᔭᑐᐊᕆᖕᒪᒍ. ᕚᓐᓵ ᓯᓚᑦᑐᖅᓴᕐᕕᖕᒧᑦ ᐃᓕᓐᓂᐊᕆᐊᓚᐅᖅᓯᒪᕗᖅ ᓯᕗᓪᓕᕐᒥ ᓄᓇᖃᖅᑳᖅᑐᑦ ᐃᓕᓐᓂᐊᕐᕕᖓ ᐱᐅᑦᑎᐊᕐᓂᖓᓄᑦ. ᖁᕕᐊᒋᔭᖃᓚᐅᖅᑐᖅ ᐊᕐᕌᒍᒥᒃ ᓴᓇᙳᐊᕐᓂᕐᒥᒃ. ᓇᓗᖅᑯᑎᙱᖦᖢᓂ ᑲᔪᓰᓐᓇᕈᓐᓇᓕᖅᖢᓂ ᓴᓇᙳᐊᕐᓂᕐᒧᑦ−ᑐᙵᕕᓕᖕᒥᒃ ᐃᖅᑲᓇᐃᔮᖃᕐᓂᕐᒥᒃ. ᑕᐃᑲᙵᑦ, ᐱᓇᔪᓕᓚᐅᖅᐳᖅ ᓯᐅᕆᑕᓐ ᓯᓚᑦᑐᖅᓴᕐᕕᖕᒧᑦ ᑕᕐᕆᔭᐅᓯᐅᕐᓂᕐᒧᑦ ᐊᖏᖅᑕᐅᓚᐅᙱᓚᖅ. ᐱᓕᕆᐊᒃᓴᒥᓂᒃ ᐱᓕᕆᐊᖃᓕᓚᐅᖅᐳᖅ ᐊᖏᖅᑕᐅᙱᒃᑲᓐᓂᓚᐅᖅᖢᓂᓗ ᐱᓇᔪᒃᑲᓐᓂᓕᖅᖢᓂᓗ. ᐃᓯᑕᐃᓐᓇᕋᒥ.

ᑐᓴᕐᓇᓕᓚᐅᖅᐳᖅ ᐊᕐᓇᖅ ᒨᔅ ᕚᔅᑐᕆᒥ ᐃᓕᓐᓂᐊᕆᐊᕐᓂᐊᕐᓂᖓᓂᒃ ᓯᐅᕆᑕᓐ ᓯᓚᑦᑐᖅᓴᕐᕕᖕᒧᑦ ᐊᒻᒪ ᐋᓐᓂᐊᕕᖓᓂ ᖃᐃᖁᔭᐅᓪᓗᓂ ᑕᕐᕆᔭᐅᓯᐅᖁᔭᐅᓪᓗᓂ ᐆᒻᒪᑎᒃᑯᑦ ᖃᓄᐃᙱᑦᑎᐊᕐᓂᐅᑉ ᒥᒃᓵᓄᑦ. ᑕᒪᕐᒥᑲᓴᒃ ᐋᖅᑭᒃᓱᖅᓯᒪᓂᖏᓐᓂᒃ, ᐅᓂᒃᑳᖅᑐᐊᓂᒃ ᑎᑎᕋᖅᐸᒃᖢᓂ ᐊᒻᒪ ᑎᑎᕋᖅᐸᒃᖢᓂ.

ᑭᖑᓂᐊᒍᑦ, ᑕᕐᕆᔭᓕᐅᓚᐅᖅᐳᖅ ᓄᖅᑲᖅᑕᖅᑐᒥᒃ ᑕᕐᕆᔭᒐᒃᓴᒥᒃ ᑲᔪᓯᑦᑎᐊᓚᐅᖅᖢᓂᓗ. ᓯᐅᕆᑕᓐ ᓯᓚᑦᑐᖅᓴᕐᕕᖕᒧᑦ ᐃᓕᓐᓂᐊᕆᐊᖅᓯᒪᓪᓗᓂ ᐊᒥᓱᓂᒃ ᒪᑐᐃᖅᓯᓯᒪᕗᖅ ᑖᔅᓱᒧᖓ, ᑲᑎᓯᓯᒪᒐᓗᐊᖅᖢᓂ ᐅᓄᖅᑐᓂᒃ ᑎᑎᕋᐅᔭᖅᑎᓂᒃ ᐃᓕᓐᓂᐊᖅᓯᒪᓪᓚᕆᙱᑦᑐᓂᒃ ᐊᔪᙱᑦᑎᐊᖅᑐᓂᒃ ᐃᖅᑲᓇᐃᔮᒥᓂᒃ.  

ᐊᑐᓚᐅᖅᑎᓪᓗᒍ ᕚᓐᓵᒥ ᐊᒻᒪ ᖃᓄᖅ ᐃᑲᔪᖅᓱᐃᓂᖃᓚᐅᕐᒪᖔᑦ ᓄᓇᖃᖅᑳᖅᑐᓄᑦ ᐅᐸᒡᕕᒃ, ᑯᕆᔅᑕᓐ ᐊᑐᓕᖁᔨᕗᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᖏᓐᓂᒃ ᖃᐅᔨᒋᐊᖃᑦᑕᖁᔨᓪᓗᓂ. "ᑕᐃᑲᓃᑉᐳᑦ ᐃᑲᔪᕈᒪᓪᓗᑎᒃ ᐃᓕᖕᓂᒃ ᓄᓇᖃᖅᑳᖅᓯᒪᓪᓗᑎᒃ ᐊᓂᒍᐃᑦᑎᐊᕐᓂᕐᒥᒃ ᐃᓕᓐᓂᐊᒃᑲᓐᓂᕐᓂᕐᒥᒃ, ᓲᖃᐃᒻᒪ ᖃᐅᔨᒪᖕᒪᑕ ᖃᓄᖅ ᐊᒃᓱᕈᕐᓇᖅᑎᒋᔪᓐᓇᕐᓂᖓᓂᒃ ᓅᑉᐸᓪᓕᐊᓂᐊᕐᓗᓂ ᓲᕐᓗ ᒥᑭᑦᑐᒥ ᓄᓇᖃᖅᑳᖅᑐᑦ ᓄᓇᓕᖓᓂ ᓄᓇᓕᐸᐅᔭᒥ ᐅᕝᕙᓘᓐᓃᑦ ᓴᓂᕐᕙᒃᑕᐅᓯᒪᔪᒥ ᐅᖓᓯᒃᑐᒥ ᐅᑭᐅᖅᑕᖅᑐᒥ, ᐊᒻᒪᓗ ᐊᒃᓱᕈᕐᓇᕈᓐᓇᕐᓂᖓᓂᒃ," ᐅᓂᒃᑳᖅᐳᖅ, ᐃᓱᒪᒋᓪᓗᒍ ᖃᔅᓯᑦ ᐃᓕᓐᓂᐊᖅᑏᑦ ᑖᒃᑯᓇᙵᑦ ᐃᓄᒋᐊᖕᓂᐅᔪᓂ ᐊᒃᓱᕈᕈᑎᖃᖅᐸᖕᓂᖏᓐᓂᒃ ᐊᖏᕐᕋᐅᕙᓪᓕᐊᓕᖅᐸᒃᖢᑎᒡᓗ. "ᐊᑐᕐᓗᒋᑦ ᑖᒃᑯᐊ ᐃᑲᔫᑎᒃᓴᑦ ᐱᕚᓪᓕᖅᑎᑦᑎᔪᓐᓇᖅᐳᑦ ᑲᔪᓯᑦᑎᐊᕈᓐᓇᕐᓂᕐᓂᒃ ᐃᓕᓐᓂᐊᒃᑲᓐᓂᕐᓂᕐᒧᑦ," ᐅᖃᖅᑐᖅ.

ᓴᓇᕐᕈᑎᓂᑦ ᐱᒋᐊᓕᓵᖅᑐᓄᑦ ᑎᑎᕋᐅᔭᖅᑎᓄᑦ ᐊᑐᕈᒪᓇᔭᖅᑕᖏᓐᓂᒃ, ᑯᕆᔅᑕᓐ ᐊᑐᖁᔨᕗᖅ Procreate app-ᒥᒃ ᐋᖅᑭᒃᓱᐃᓂᐊᕐᓗᓂ ᐊᔾᔨᙳᐊᓂᒃ ᓴᖅᑭᑎᓪᓗᒋᓪᓗ ᐃᑭᐊᖅᑭᕕᒃᑯᑦ ᐱᒋᐊᖅᐸᓪᓕᐊᔪᒪᓂᕐᒧᑦ ᐋᖅᑭᒃᓱᐃᕙᓪᓕᐊᓂᕐᒥᒃ ᓄᓇᓕᖕᓂ ᓴᓇᙳᐊᖅᑕᕐᓂᒃ. 3d-ᒧᑦ ᐱᓕᕆᓂᐊᕐᓗᓂ, ᐃᒪᐃᖁᔨᕗᖅ Blender-ᒥᒃ ᐊᔪᕈᓐᓃᖅᓴᕐᓗᓂ ᐆᒃᑐᕋᐃᓂᕐᒥᒃ ᐊᒻᒪᓗ ᐃᓕᑦᑎᕙᓪᓕᐊᓗᓂ ᖃᓄᖅ ᐊᑐᕆᐊᒃᓴᖅ YouTube-ᒥ ᐊᔪᕆᖅᓲᔾᔨᓯᒪᔪᓂᒃ. ᐱᒋᐊᖁᔨᙱᑦᑎᐊᖅᑐᖅ Adobe Suite-ᒥᒃ.

ᐱᔪᒃᓯᑎᑦᑎᔾᔪᑎᒋᕙᓚᐅᖅᑕᖓ ᓱᕈᓯᐅᑎᓪᓗᒍ ᑕᐅᑐᒃᖢᓂ Discovery Channel-ᒥ ᐊᒻᒪ ᐊᓈᓇᖓᑕ ᐃᓕᓐᓂᐊᖅᑎᑕᖏᓐᓂᒃ ᐃᒃᓯᕚᖃᑕᐅᕙᒃᖢᓂ, ᐃᓕᑦᑎᕙᓪᓕᐊᓪᓗᓂ ᐊᕙᑎᐅᑉ ᒥᒃᓵᓄᑦ ᐊᒻᒪ ᖃᓄᑎᒋ ᐊᓯᔾᔨᖅᓯᒪᓕᕐᒪᖔᑦ, ᓱᒃᑲᐃᒡᓕᒋᐊᖅᑎᑦᑎᔭᕆᐊᖃᕐᓂᖅ ᐆᒻᒪᖅᑯᑎᓂᒃ ᐊᑐᕐᓂᕐᒥᒃ, ᐊᒻᒪ ᐱᒻᒪᕆᐅᑎᑦᑎᓂᕐᒥᒃ ᖃᐅᔨᓴᖅᑐᓕᕆᓂᕐᒥᒃ, ᐱᒋᐊᖅᑎᑦᑎᓪᓗᓂ ᐱᓇᔪᖕᓂᕆᔭᖓᓂᒃ. ᑕᒪᒃᑯᐊ ᐅᒃᐱᕆᔭᓪᓗᐊᑕᖏᑦ ᖃᐅᔨᑎᑦᑎᕗᑦ ᓇᐃᑦᑐᒥᒃ ᑕᕐᕆᔭᓕᐊᕆᕙᓪᓕᐊᔭᖓᓂᒃ ᑎᓴᒪᒋᓕᖅᑕᖓᓂ ᐊᕐᕌᒍᖓᓂ ᐃᓕᓐᓂᐊᖅᑕᒥᓄᑦ.  

ᐃᓕᓐᓂᐊᕐᓂᕐᒥᒍᓪᓕ, ᑯᕆᔅᑕᓐ ᓴᓇᙳᐊᖃᑦᑕᓚᐅᖅᑐᖅ, ᑕᑯᕙᒃᖢᓂ ᐊᒻᒪ ᑲᑎᙵᖃᑎᖃᖅᐸᒃᖢᓂ ᓴᓇᙳᐊᖅᑕᐅᕙᒃᑐᓂᒃ. ᑎᑎᕋᐅᔭᖅᐸᒃᖢᓂ ᐱᕙᓪᓕᐊᔪᓂᒃ ᖁᕕᐊᒋᔭᒥᓂᒃ ᐊᒻᒪ ᓴᓇᙳᐊᖅᑎᓂᒃ ᐱᖃᓐᓇᕆᔭᒥᓂᒃ ᑲᑎᖃᑎᖃᖅᐸᒃᖢᓂ ᑕᐃᒪᓐᓇ. ᑎᑎᕋᐅᔭᐃᓐᓇᐅᔭᖅᐸᓚᐅᖅᐳᖅ, ᑎᑎᕋᐅᔭᑦᑎᐊᙱᒃᑲᓗᐊᕈᓂ. ᐱᓕᕆᖃᑦᑕᖅᓯᒪᖕᒥᔪᖅ ᐃᑲᔪᖅᑐᐃᓪᓗᓂ ᖃᓄᐃᓕᐅᕐᓂᐅᔪᒥ ᑕᐃᔭᐅᔪᒥ ᑲᑎᙵᓂᐅᔪᒥ ᐃᓄᖁᑎᑦᑎᓐᓂ, ᓄᓇᓕᖕᓂ ᖁᕕᐊᓱᖃᑎᒌᖕᓂᐅᔪᒥ ᓄᓇᓕᖓᓂ ᐃᓕᑦᑎᔪᓐᓇᓚᐅᖅᐳᖅ ᐃᓐᓇᕐᓂᑦ. ᖁᕕᐊᒋᔭᖃᖅᑐᖅ ᐃᓕᑦᑎᒋᐊᒃᓴᖅ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᓕᖏᑕ ᒥᒃᓵᓄᑦ, ᐃᓚᐅᕙᒃᖢᓂ ᐃᓕᖅᑯᓯᑐᖃᕐᓄᑦ ᐊᐅᓪᓛᖅᓯᒪᕝᕕᖕᓄᑦ ᐊᓯᖏᓐᓄᓪᓗ ᐃᓕᖅᑯᓯᑐᖃᕐᓄᑦ ᖃᐅᔨᖃᑦᑕᖅᓯᒪᔭᒥᓄᑦ. ᓯᕗᓂᒃᓴᒧᑦ ᑕᐅᑐᒃᖢᒍ, ᑯᐊᔅᑕᓐ ᐊᔪᕈᓐᓃᖅᐸᓪᓕᐊᔪᒪᕗᖅ ᑎᑎᕋᐅᔭᖅᑎᐅᓂᕐᒥᒃ.

ᐃᓱᒪᒋᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓱᒪᑐᐃᓐᓇᕆᐊᓖᑦ ᐊᐅᓪᓚᕈᒪᓗᑎᒃ ᓄᓇᓕᖏᓐᓂᒃ ᓯᕗᓪᓕᖅᐹᑦᑎᐊᒥ, ᐃᒪᓐᓇᐅᓇᔭᖅᐳᖅ, "ᐊᓪᓗᕆᐊᕆᑦ, ᑲᑉᐱᐊᓇᕋᓗᐊᖅᐸᑦ... ᐱᓕᕆᖃᑦᑕᖅᓯᒪᓂᖅ ᐊᒻᒪ ᐃᓕᓐᓂᐊᖅᓯᒪᓂᖅ ᐱᕈᖅᓴᐃᔾᔪᑕᐅᕗᖅ ᐃᓄᖁᑎᕕᑦ ᓯᕗᓂᒃᓴᖓᓄᑦ, ᐱᓗᐊᖅᑐᒥ ᓄᓇᓕᔅᓯᓐᓄᑦ, ᐃᕝᕕᑐᐊᖑᙱᑦᑐᖅ. ᐃᓕᓐᓂᐊᕆᐊᕐᓂᐊᕈᕕᑦ ᐅᕝᕙᓘᓐᓃᑦ ᐱᐅᔪᐊᓗᖕᒥ ᐊᑐᕈᕕᑦ ᐃᓅᓯᕐᓂ, ᐃᓄᐃᑦ ᓄᓇᓕᔅᓯᓐᓂ ᑕᑯᕙᒃᐳᑦ ᐊᒻᒪ ᐱᔪᒃᓯᓕᕐᓇᑦᑎᐊᖅᖢᓂ ᐃᒻᒥᓂᒃ ᐱᓕᕆᑦᑎᐊᕐᓂᖅᓴᐅᔪᒪᓪᓗᑎᒃ." ᐅᖃᓚᐅᖅᐳᖅ ᐅᑎᕈᓐᓇᐃᓐᓇᐅᔭᕐᓂᕐᓂᒃ ᐊᒻᒪ ᐃᓕᓴᖅᓯᓪᓗᓂ ᐱᔪᓐᓇᕐᓂᕐᒥᓂᒃ ᓂᔾᔭᐅᓯᔭᖅᑎᓂᒃ ᑮᓇᐅᔭᖃᖅᑎᑦᑎᔪᓐᓇᕐᓂᕐᒥᓂᒃ ᐃᓕᓐᓂᐊᖅᑕᒥᓂᒃ. "ᐊᒃᓱᕈᕐᓇᖅᐳᖅ ᐊᖏᕐᕋᖅᓯᒪᙱᓪᓗᓂ ᐅᓪᓘᑉ ᓄᙳᐊᓂ, ᑭᓯᐊᓂᓗ, ᐊᐃᑦᑖᖑᒐᓗᐊᖅ, ᐱᕕᒃᓴᖅᑕᖃᕐᓂᖅᓴᐅᕗᖅ ᓄᓇᓕᕕᑦ ᓯᓚᑖᓂ," ᐅᖃᓚᐅᖅᐳᖅ.

ᒪᒃᑯᖕᓂᖅᓴᒧᑦ ᐃᒻᒥᓄᑦ ᐅᖃᐅᔾᔨᔪᓐᓇᕈᓂ ᐃᒪᓐᓇᐅᓇᔭᖅᐳᖅ, "ᐃᓱᒫᓗᒋᙱᓪᓗᒋᑦ ᐃᓕᓐᓂᐊᕈᑎᑎᑦ. ᐃᓱᒫᓗᒡᓗᑎᑦ ᑭᓇᐅᖕᒪᖔᖅᐱᑦ ᐃᓅᓪᓗᑎᑦ ᐊᒻᒪ ᖁᕕᐊᒋᔭᕐᓂᒃ ᖁᕕᐊᒋᔭᖃᕐᓗᑎᑦ." ᐱᕈᖅᓴᓪᓗᓂ, ᑯᐊᔅᑕᓐ ᐱᒡᒍᓴᐅᔾᔪᐊᖃᑦᑕᓚᐅᖅᑐᖅ ᐃᓕᓐᓂᐊᕈᑎᖏᓐᓂᒃ ᓲᖃᐃᒻᒪ ᖃᑕᙳᑎᖏᑦ ᐊᒃᓱᕉᑎᖃᓚᐅᕐᒪᑕ ᐃᓕᓐᓂᐊᕐᓂᕐᒥᒃ.

ᐊᔪᕐᓇᖅᑐᖅᓯᐅᕈᑎᒋᔭᒥᓄᑦ ᓵᙵᔭᖃᓕᕌᖓᒥ, ᑯᕆᔅᑕᓐ ᐅᖃᓚᐅᖅᐳᖅ, "ᖁᐱᕐᕈᐊᕐᔪᖃᕋᒪ ᖃᕋᓴᓐᓂ ᐅᖃᐅᔾᔨᕙᒃᑐᒥᒃ ᐱᓕᕆᙱᓗᐊᓕᕐᓂᓐᓂᒃ, ᑕᒪᓐᓇᓗ ᐅᕙᓐᓂᒃ ᐊᑲᐅᙱᓕᐅᕈᑎᖃᓕᖅᖢᓂ." ᐊᖏᖅᖢᓂ ᑕᕐᕆᔭᐅᓯᐅᕐᓂᕐᒧᑦ ᐊᖓᔪᖅᑳᖑᓪᓗᓂ ᐃᓕᓐᓂᐊᖅᑏᑦ ᑲᑎᒪᔨᖏᓐᓄᑦ, ᐃᓕᓐᓂᐊᖅᑕᐃᓐᓇᕆᓪᓗᓂᐅᒃ ᐊᒻᒪ ᐃᓱᒪᒥᒍᑦ ᖃᓄᐃᖏᑦᑎᐊᕋᓱᒃᖢᓂ ᐊᒃᓱᕈᕐᓇᓗᐊᓚᐅᖅᐳᖅ ᐊᒻᒪ ᐃᓕᓐᓂᐊᖅᑕᒥᓂᒃ ᐊᓂᒍᐃᙱᖦᖢᓂ. ᐊᕐᕌᒍᒃᑲᓐᓂᕐᒥᒃ ᐃᓕᓐᓂᐊᒃᑲᓐᓂᕆᐊᖃᓕᓚᐅᖅᐳᖅ ᐱᖃᓐᓇᕆᔭᓕᒫᖏᓪᓗ ᐃᓕᓐᓂᐊᖅᑕᒥᓂᒃ ᐊᓂᒍᐃᓪᓗᑎᒃ ᐱᑕᖃᙱᖦᖢᓂ. ᐃᓱᒪᒥᒍᑦ ᖃᓄᐃᙱᑦᑎᐊᕈᓯᕐᒥᓂᒃ ᐃᒃᓯᖕᓇᐃᓯᒪᓚᐅᕆᕗᖅ. ᐱᐅᓂᖓᒍᓪᓕ, ᑲᑎᖃᑎᖃᕈᓐᓇᖅᓯᓚᐅᖅᐳᖅ ᐊᒻᒪ ᖃᓂᒃᓴᓕᖅᖢᓂ ᑲᑎᙵᔪᓂᒃ ᐃᓄᖕᓂᒃ ᑕᕐᕆᔭᐅᓯᐅᖃᑎᒋᓚᐅᖅᑕᖏᓐᓂᒃ, ᐊᒻᒪ ᒧᒥᕆᐅᖅᓴᓪᓗᓂ ᓯᐊᕐᕆᔮᖅᐸᒃᖢᓂᓗ. ᓯᐊᒻᒪᒃᑎᖅᓯᒪᓪᓗᓂ ᐃᓕᓐᓂᐊᖅᑕᒥᓂᒃ ᐊᕐᕌᒍᓄᑦ ᑕᓪᓕᒪᓄᑦ ᐊᔪᕐᓇᙱᓐᓂᖅᓴᐅᑎᑦᑎᓚᐅᕆᕗᖅᑕᐅᖅ. "ᐃᓕᑦᑎᕙᓪᓕᐊᓕᖅᐳᖓ ᒫᓐᓇ ᐋᒃᑳᕈᓐᓇᕐᓂᕐᒥᒃ ᑭᓱᑐᐃᓐᓇᓄᑦ ᐃᓛᓐᓂᒃᑯᑦ, ᐊᒻᒪᓗ ᐱᔪᓐᓇᖅᑎᑦᑎᓯᒪᓪᓗᓂ ᐊᖏᕈᓐᓇᕐᓂᕐᒥᒃ ᖃᓄᐃᓕᐅᕈᒪᓪᓚᕆᖕᒪᖔᕐᒪ," ᐅᖃᖅᑐᖅ.

ᓇᓕᒧᒌᒃᑎᑦᑎᓇᓱᒃᖢᓂ ᐃᓱᒪᒥᒍᑦ ᖃᓄᐃᙱᑦᑎᐊᕈᓐᓇᕐᓂᖓᓂᒃ, ᑯᕆᔅᑕᓐ ᑎᒥᒥᓂᒃ ᐊᐅᓚᑎᑦᑎᔪᓐᓇᙱᖦᖢᓂ ᐋᔩᕋᕈᑕᐅᔪᓐᓇᙱᖦᖢᓂ. ᐃᖃᐃᓕᓴᖃᑦᑕᕈᓐᓃᕐᓂᖅ ᒧᒥᕆᐊᖃᑦᑕᕈᓐᓃᕐᓂᕐᓘᓐᓃᑦ ᐱᓱᔪᒋᐊᖅᑐᖃᑦᑕᕈᓐᓃᕐᓂᕐᒥᒡᓘᓐᓃᑦ ᑕᖃᓗᐊᕐᓂᕐᒧᑦ ᐃᖅᑲᓇᐃᔮᒧᓪᓘᓐᓃᑦ ᓴᖅᑭᑎᑦᑎᓕᖅᐸᒃᐳᖅ ᐊᒃᓱᕈᕐᓇᕐᓂᖅᓴᐅᓕᖅᐸᒃᖢᓂ ᐱᓕᕆᑦᑎᐊᙱᓐᓂᖅᓴᐅᓕᖅᐸᒃᖢᓂᓗ. ᖃᐅᔨᒋᕗᖅᑕᐅᖅ ᐊᓯᔾᔨᖅᓯᓂᖅ ᑎᑎᕋᕐᓂᕐᒥᒃ ᐋᖅᑭᒃᓱᐃᓂᕐᒥᒡᓘᓐᓃᑦ ᑎᑎᕋᕐᓂᕐᒥᒡᓘᓐᓃᑦ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐊᓯᔾᔨᖅᓯᓂᖃᖅᐸᒃᑭᕗᖅᑕᐅᖅ.

ᐃᓱᓕᑉᐸᓪᓕᐊᓕᕐᓗᓂ, ᑯᕆᔅᑕᓐ ᓂᕆᐅᒃᐳᖅ ᓄᓇᖃᖅᑳᖅᑐᓂᒃ ᑎᑎᕋᐅᔭᖅᑎᖃᒃᑲᓐᓂᓛᕈᒪᓪᓗᓂ ᓄᓇᕐᔪᐊᒥ. ᐊᑐᖁᔨᔪᖅ ᐃᑲᔫᑎᒃᓴᓂᒃ BAM Animation Youtube-ᑯᑦ, ᐱᐅᔪᒻᒪᕆᖕᓂᒃ ᐊᑭᖃᙱᑦᑐᓂᒃ ᐊᔪᕆᖅᓲᔾᔨᔾᔪᑎᓂᒃ, ᐊᒻᒪ ᐃᓕᓴᐃᔨᖓ ᑯᕆᔅ ᐅᐊᓪᔅ ᐅᖃᓕᒫᒐᖓ Stop Motion Filmmaking: The Complete Guide to Fabrication and Animation. ᐃᑲᔪᕈᒪᓚᐅᕆᕗᖅ ᓇᓕᐊᖕᓂᑐᐃᓐᓇᖅ ᓄᓇᖃᖅᑳᖅᑐᓂᒃ ᑕᕐᕆᔭᐅᓯᐅᖅᑎᙳᕈᒪᔪᓂᒃ ᕿᒥᕐᕈᓗᒋᑦ ᐱᓕᕆᐊᕆᓯᒪᔭᖏᑦ ᐃᑲᔪᕐᓗᒋᓪᓘᓐᓃᑦ ᑕᕐᕆᔭᐅᓯᐅᕐᓂᕐᒧᑦ ᐃᓕᓐᓂᐊᕐᕕᖕᒧᑦ ᖃᐅᔨᒋᐊᕈᒪᒍᑎᒃ.

ᓯᕗᓪᓕᕐᒥ ᖁᒃᓴᓱᓚᐅᖅᖢᓂ ᑎᑎᕋᐅᔭᖅᑎᙳᕆᐊᒃᓴᖅ, ᕋᐃᑦᓱᓪ ᑯᐊᔅᑕᓐ ᑕᐅᑐᙳᐊᖅᑕᒥᓂᒃ ᐱᓇᓱᓕᓚᐅᖅᐳᖅ ᑕᐃᒪᓐᓇᑐᐊᖅ ᐱᔪᒪᒐᒥ. ᒫᓐᓇ ᑎᓴᒪᒋᓕᖅᑕᖓᓂ ᐊᕐᕌᒍᖓᓂ ᑕᕐᕆᔭᐅᓯᐅᖅᑎᐅᓪᓗᓂ ᓯᐅᕆᑕᓐ ᓯᓚᑦᑐᖅᓴᕐᕕᖓᓂ, ᓇᐃᑦᑐᒥᒃ ᑕᕐᕆᔮᒃᓴᓕᐅᖅᓯᒪᓕᖅᑐᖅ ᐋᓐᓂᐊᕕᖓᓄᑦ ᐊᒻᒪᓗ ᑕᕐᕆᔭᒐᒃᓴᒥᒃ stop motion-ᒥᒃ. ᐊᐅᔭᖅ ᖁᕕᐊᓲᑎᖃᖅᐸᒃᖢᓂ ᐊᒻᒪ ᐱᓕᕆᕙᒃᖢᓂ ᐊᖏᕐᕋᒥᓂ, ᑲᑎᙵᓂᖃᐃᓐᓇᖅᐳᖅ ᓄᓇᓕᖓᓂ ᐊᒻᒪ ᐱᒻᒪᕆᐅᒋᔭᖏᓐᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.