"ᖃᐅᔨᒪᓗᑎᑦ ᐃᓂᒋᔭᕐᓂ ᓄᓇᖃᕐᓂᕐᓂᒃ... ᑕᐃᑲᓃᑦᑕᕆᐊᖃᖅᖢᑎᓪᓗ." ᑖᒃᑯᐊ ᓴᙱᔪᑦ ᐅᖃᐅᓰᑦ ᒥᒍᐊᓐ ᐅᒃᓴᓯᑭᒥᑦ, ᑯᕇ ᐊᒻᒪ ᓇᑯᑕ ᐊᕐᓇᖅ ᓄᑕᕋᐅᓂᖅᐹᖑᓚᐅᖅᑐᖅ ᐳᕆᓐᔅ ᐋᓪᐴᑦᒥᑦ, ᖃᓪᓗᓈᓄᑦ ᓅᓚᐅᕋᓂ 16-ᓂᒃ ᐅᑭᐅᖃᖅᖢᓂ. ᕙᐃᑦ ᕙᐃᑦᔅᒥᙶᖅᓯᒪᔪᖅ, ᐅᒃᓴᓯᑭᓕᓐ ᑲᑎᑎᑕᐅᓯᒪᔪᖅ, ᖁᓕᓂᒃ ᐅᑭᐅᓕᒃ ᐃᕐᓂᖓ ᐊᒻᒪ ᒧᒥᖅᑎᐅᔪᖅ ᐃᓕᓴᐃᔨᐅᙱᖦᖢᓂ ᓵᔅᑲᑑᓐ ᐃᓕᓐᓂᐊᕐᕕᖓᓂ. 

ᐅᒃᓴᓯᑭᓕᓐᒥ ᐃᓕᓴᐃᖃᑦᑕᓚᐅᖅᐳᖅ ᐃᓕᓐᓂᐊᕈᑎᒥᓂᒃ ᐃᓕᓐᓂᐊᕈᑎᓖᑦ 7 ᐊᒻᒪ 8 ᐊᑯᓐᓂᖓᓂ ᐃᓕᓐᓂᐊᓕᓵᖅᑐᓂᓪᓗ ᐃᓕᓐᓂᐊᕈᑎᓕᖕᓄᑦ 2-ᒧᑦ ᑎᑭᓪᓗᒍ.  ᐊᖓᔪᒃᖠᐅᓂᖅᓴᓄᑦ ᐃᓕᓐᓂᐊᖅᑎᖏᓐᓄᑦ, ᐃᓕᓴᐃᕙᒃᐳᖅ ᐅᖃᐅᓯᓕᕆᓂᕐᒥᒃ, ᓴᓇᙳᐊᕐᓂᕐᒥᒃ, ᐃᓕᖅᑯᓯᓕᕆᓂᕐᒥᒃ, ᐃᖅᑲᓇᐃᔮᖃᕐᓂᕐᒥᒃ, ᐱᓕᕆᐊᖃᓪᓚᕆᖕᓂᕐᒥᒡᓗ ᓴᓇᙳᐊᖅᑕᐅᕙᒃᑐᓂᒃ. ᒪᒃᑯᖕᓂᖅᓴᐃᑦ ᐃᓕᓐᓂᐊᖅᑎᖏᑦ ᐃᓕᑦᑎᓗᑎᒃ ᐅᖃᐅᓯᕐᒥᒃ, ᐃᓕᖅᑯᓯᓕᕆᓂᕐᒥᒃ ᐊᒻᒪᓗ ᓴᓇᙳᐊᕐᓂᕐᒥᒃ. ᖁᕕᐊᒋᔭᖃᖅᑐᖅ ᐱᓕᕆᖃᑎᖃᕐᓂᕐᒥᑦ ᐊᖏᔪᑦᑎᓂᑦ ᓄᑲᖅᑎᖅᐹᓂᓪᓗ ᓄᑕᖅᑲᕐᓂᑦ ᐃᓕᓐᓂᐊᕐᕕᒻᒥᑦ. ᐊᐅᔭᒃᑯᑦ ᐃᖅᑲᓇᐃᔭᖃᑦᑕᕐᒥᔪᖅ ᐊᓈᓇᐅᔪᓂᒃ ᕿᑐᕐᖓᖏᓐᓂᓪᓗ. 

ᐃᓕᓴᐃᓚᐅᙱᑎᓪᓗᒍ, ᒪᒃᑯᒃᑐᓄᑦ ᑲᒪᒋᔭᐅᓂᕐᒧᑦ ᐱᓕᕆᐊᖃᕐᖢᓂ ᓵᔅᒃ ᐹᓕᑕᔅᒥ ᐃᓕᓴᐃᓪᓗᓂᓗ ᓴᓇᐅᒐᓕᕆᓂᕐᒥᒃ ᐱᓯᒪᔭᐅᕙᒃᑐᓄᑦ ᐊᖏᕐᕋᖏᓐᓂ, ᐱᕈᖅᐸᓪᓕᐊᑎᓪᓗᒍ ᐊᑐᕐᓂᑯᖏᓐᓂ ᐃᖅᑲᓇᐃᔭᕐᓂᕐᒥ ᐊᐅᔭᒃᑯᑦ ᐅᓪᓗᒃᑯᓪᓗ ᓄᓇᓕᕋᓛᖃᕐᕕᖕᓂ.  

ᓱᕈᓯᐅᓪᓗᓂ ᐊᒻᒪᓗ ᐅᕕᒃᑲᐅᓪᓗᓂ, ᖁᕕᐊᒋᔭᖃᓚᐅᖏᑦᑐᖅ ᐃᓕᓐᓂᐊᓂᕐᒥᑦ ᓄᓇᓕᕐᔪᐊᖑᓂᖅᓴᓂᑦ, ᐃᑉᐱᒍᓱᓚᐅᖅᑐᖅ ᐃᓚᒋᔭᐅᖏᓐᓂᖓᓂᑦ ᑭᓯᐊᓂ ᖁᑦᑎᓂᖅᓴᒥᑦ ᐊᕐᕌᒍᖓᓂᑦ ᐃᓕᓐᓂᐊᖅᑎᓪᓗᒍ ᓴᓂᕐᕙᑦᑕᐅᓯᒪᔪᒥᑦ ᓄᓇᓕᖓᑕ ᓄᓇᓕᖓᓂᑦ. ᑕᐃᑲᓂ ᑲᔪᓯᓂᖃᑦᑎᐊᓚᐅᖅᐳᖅ, ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓄᑕᖅᑲᓂᒃ ᐊᒻᒪ ᓄᓇᖃᖅᑳᖅᓯᒪᔪᓂᒃ ᐃᓕᓴᐃᔨᖃᖅᖢᓂ ᓯᕗᓪᓕᖅᐹᑦᑎᐊᒥ. ᐱᔪᒃᓯᑎᑦᑎᓚᐅᖅᑐᖅ ᐃᓕᓐᓂᐊᒃᑲᓐᓂᕆᐊᒃᓴᖅ ᐃᓕᓴᐃᔨᙳᖅᖢᓂᓗ.

ᐅᐸᒍᑎᓚᐅᖅᑎᓪᓗᒍ ᓵᔅᒃ ᐹᓕᑕᔅ ᒪᒃᑯᒃᑐᓄᑦ ᑲᒪᒋᔭᐅᓂᕐᒧᑦ, Oksasikewiym ᓄᖅᑲᖓᑲᐃᓐᓇᓚᐅᖅᑐᖅ ᐃᕐᓂᖓᓗ. ᓵᔅᑳᑦᓱᐊᓐᒦᓚᐅᖅᓯᒪᔪᖅ ᐃᕐᓂᖓ ᓄᑕᕋᐅᓪᓗᓂ ᐊᒻᒪᓗ ᐃᓕᓴᐃᔨᕈᕋᓱᐊᖅᑐᓂ ᐃᖅᑭᓖᑦ ᐃᓕᓴᐃᔨᕈᖅᓴᓂᕐᒧᑦ ᐃᓕᓐᓂᐊᕈᑎᖏᑎᒍᑦ. "ᑕᐃᒪᓕ, ᑖᓐᓇ ᐱᐅᓛᖑᖅᑰᓚᐅᖅᑐᖅ ᓂᕈᐊᕆᓚᐅᖅᑕᕋ ᐃᓕᓐᓂᐊᓕᖅᑎᓪᓗᖓ. ᑲᒪᓇᖅᑐᒻᒪᕆᐅᓚᐅᖅᑐᖅ," ᐊᓕᐊᓇᔅ. ᐱᖃᓐᓇᕆᔭᒥᓂᒃ ᒪᒥᓴᖅᖢᓂᓗ ᐊᒻᒪ ᐃᒻᒥᓂᒃ ᐃᓕᑦᑎᔪᒻᒪᕆᐅᓪᓗᓂ. ᐃᓕᓐᓂᐊᕐᕕᖕᒧᑦ ᐅᑎᒃᑲᓐᓂᓕᕆᕗᖅ, Cree ᐅᖃᐅᓯᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᖢᓂ. 

ᐱᕈᖅᐸᓪᓕᐊᓪᓗᓂ, Oksasikewiym−ᒥ ᐱᕈᖅᓴᓚᐅᖅᐳᖅ ᐊᖏᕐᕋᒥ ᓄᓇᖃᖅᑳᖅᓯᒪᔪᑦ ᐃᓕᓴᐃᔾᔪᓯᖏᓐᓂᒃ ᐊᒻᒪ ᐃᓕᖅᑯᓯᖓᓐᓂᒃ, ᐃᑲᔫᑎᖃᖅᖢᓂ ᐃᓕᓐᓂᐊᕐᓂᕐᒥᒃ ᐃᓚᒥᓂᒃ. ᓂᕈᐊᓚᐅᖅᑐᖅ ᐃᓅᓕᓴᐅᑎᓂᑦ ᓄᓇᒥ ᐃᓕᑦᑎᓪᓗᓂᓗ ᐊᓈᓇᐅᓂᕐᒥᑦ, ᐊᖓᔪᖅᑳᖑᓂᕐᒥᑦ, ᖁᕕᐊᓲᑎᖃᕐᓂᕐᒥᑦ ᐅᖃᐅᓯᖏᓐᓂᒡᓗ. ᐅᒃᓴᓯᑭᓕᓐᒻ ᐱᕈᖅᓴᓚᐅᖅᑐᖅ ᐊᕙᓗᔭᐅᓯᒪᓪᓗᓂ ᐊᒥᓱᓄᑦ ᐊᕐᓇᓄᑦ, ᐊᓈᓇᖓᓂᑦ ᐊᑦᑕᖏᓐᓂᓪᓗ. ᐃᓕᖅᑯᓯᒃᑰᖓᓚᐅᖅᑐᖅ ᑭᓯᐊᓂ ᓇᖕᒥᓂᖅ ᐊᒃᓱᕈᕐᓇᖅᑐᖃᓚᐅᖅᑐᖅ. 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᐅᓪᓚᕈᒪᓪᓗᑎᒃ ᓄᓇᓕᖏᓐᓂᑦ ᐃᓕᓐᓂᐊᕋᓱᐊᕐᓗᑎᒃ ᓇᓂᓯᓗᑎᒃ ᓄᓇᓕᖕᒥᓂᒃ. ᑲᑉᐱᐊᓱᓚᐅᖅᑐᖅ ᖃᐅᔨᒪᙱᖦᖢᓂᓗ ᓯᓚᑦᑐᖅᓴᕐᕕᒡᔪᐊᒥ ᖃᐅᔨᒪᓕᖅᑎᑕᐅᒃᑲᓐᓂᕐᓂᕐᒥᒃ, ᐃᓚᒋᔭᐅᖅᑰᔨᙱᖦᖢᓂ ᐊᒃᓱᕈᓗᐊᖅᑰᔨᓪᓗᓂᓗ ᓇᖕᒥᓂᖅ−ᐱᔪᓐᓇᙱᖦᖢᓂ. Oksasikewiyinm ᐱᖃᓐᓇᕆᔭᐅᔅᓲᔭᓕᓚᐅᖅᑐᖅ, ᐃᓕᓐᓂᐊᖃᑎᒋᓪᓗᒋᑦ ᐅᓐᓄᒃᑯᑦ ᑎᑎᕋᐅᔭᖃᑎᒋᓪᓗᒋᓪᓗ ᑲᑎᙵᓪᓗᑎᒃ ᐱᐊᓂᒐᓱᒃᖢᒋᑦ ᐊᒻᒪ ᐊᔪᙱᖦᖢᑎᒃ. ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᕕᖓ ᓯᓚᑦᑐᖅᓴᕐᕕᒡᔪᐊᒥ ᐃᑲᔫᑎᖃᓚᐅᕐᒥᔪᖅ, ᓂᕆᔭᒃᓴᖃᖅᑎᑦᑎᓪᓗᑎᒃ ᐊᒻᒪ ᐱᕕᒃᓴᖃᖅᑎᑦᑎᓪᓗᑎᒃ ᑲᑎᙵᖃᑎᖃᕐᓂᕐᒥᒃ. ᑕᐃᒃᑯᐊ ᐃᓕᓴᐃᔨᒻᒪᕇᑦ ᑐᙵᓱᑦᑎᑕᐅᑦᑎᐊᓚᐅᕐᒥᔪᑦ.

ᐊᓯᖓ ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᓅᑉᐸᓪᓕᐊᔪᓄᑦ ᐃᓕᓐᓂᐊᕐᕕᖕᒧᑦ ᐊᔪᕈᓐᓃᖅᓴᐃᓐᓇᕐᓂᖅ ᐅᒃᐱᕐᓂᓕᕆᓂᕐᒥᒃ, ᑐᒃᓯᐊᕐᓂᒃᑯᑦ ᑐᒃᓯᐊᕐᓂᒃᑯᓪᓘᓐᓃᑦ. ᖃᐅᔨᓚᐅᖅᑐᖅ ᐃᑲᔪᓚᐅᖅᑐᖅ ᐊᒃᓱᕈᕐᓇᕈᓐᓃᖅᐹᓪᓕᖅᑎᑦᑎᓪᓗᓂ ᓯᓚᑦᑐᖅᓴᕐᕕᒡᔪᐊᕐᒥ ᐱᓕᕆᐊᒃᓴᖏᓐᓂ ᐊᒃᑑᑎᔪᓂᒃᓗ ᐃᓱᒪᖓᑕ ᖃᓄᐃᙱᑦᑎᐊᕐᓂᖓᓄᑦ. ᐃᑲᔪᓚᐅᕆᕗᖅᑕᐅᖅ ᓇᖕᒥᓂᖅ ᑲᑎᙵᖃᑎᖃᐃᓐᓇᕐᓂᕐᒥᒃ ᐊᒃᓱᕈᕐᓇᖅᑐᒃᑰᖅᑎᓪᓗᒍ.

ᓱᕈᓯᐅᓪᓗᓂ, Oksasikewiym ᐊᒃᓱᕈᕐᓇᖅᑐᒃᑰᖃᑦᑕᓚᐅᕐᒥᔪᑦᑕᐅᖅ, ᑭᖑᕚᕇᓄᑦ ᐊᒃᑐᐃᓂᐅᕙᒃᑐᑦ ᖃᓪᓗᓈᖑᖃᑎᒌᙱᑦᑐᓄᑦ ᐱᕈᖅᓴᓪᓗᑎᒡᓗ ᐃᓄᑑᓪᓗᑎᒃ ᐃᒡᓗᒥᐅᖃᑎᒌᓄᑦ ᐃᓚᒋᔭᐅᓪᓗᓂ 6−ᓄᑦ ᓄᑕᖅᑲᓄᑦ. "ᐊᖏᕐᕋᒥ ᐱᕈᖅᓴᓚᐅᖅᑐᖓ ᐊᒃᓱᕈᕐᓇᖅᑐᖃᕐᔪᐊᖅᑎᓪᓗᒍ, ᐊᔪᓕᖅᓯᒪᕐᔪᐊᖅᖢᓂ, ᐊᔪᖅᓴᖅᖢᓂ, ᐊᒻᒪ ᐊᑐᕐᓂᕐᓗᒃᑕᐅᓪᓗᓂ," ᐃᖅᑲᐅᒪᔪᖅ.  ᐊᒃᓱᕈᕐᓇᖅᑐᒃᑰᖃᑦᑕᖅᑎᓪᓗᒍ, ᑕᑯᕙᒃᑭᕗᖅᑕᐅᖅ ᓴᐃᒻᒪᖅᑎᑕᐅᔪᓂᒃ ᐊᒃᓱᕈᖅᖢᓂ ᐱᕕᒃᓴᖃᖅᖢᓂᓗ ᑕᑯᔪᓐᓇᕐᓂᕐᒥᒃ ᐃᓚᒥᓂᒃ ᐊᓂᒍᐃᕙᓪᓕᐊᓂᕐᒧᑦ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ ᐊᓈᓇᖓᓗ ᐃᓕᓐᓂᐊᕆᐊᒃᑲᓐᓂᖅᐸᒃᖢᓂ ᖃᖓᙳᒃᑲᓐᓂᖅᐸᑦ ᐃᓅᓯᕐᒥᓂ.  

ᐅᖃᐅᔾᔨᒋᐊᕈᓐᓇᕈᓂ ᓄᑲᖅᑎᐅᓂᖅᓴᓄᑦ ᓇᒻᒥᓂᖅ, "ᖃᓄᐃᖏᑦᑐᖅ ᐃᓅᓯᓕᒫᑎᑦ ᓈᓴᖅᑕᐅᓯᒪᑎᓐᓇᒋᑦ ᒫᓐᓇᐅᔪᖅ. ᑕᒪᓐᓇ ᐱᕕᒃᓴᓕᒻᒪᕆᐊᓘᒻᒪᑦ ᖃᐅᔨᓇᓱᐊᕐᓗᓂ. ᐱᕕᖃᑦᑎᐊᖅᐳᑎᑦ ᐃᓅᓯᕐᓂᒃ ᐋᖅᑭᒃᓯᓇᓱᒡᓗᑎᑦ ᐊᒻᒪ ᖃᐅᔨᓇᓱᒡᓗᑎᑦ ᖃᓄᐃᓕᐅᕈᒪᖕᒪᖔᖅᐱᑦ ᐃᓅᓯᕐᓂ. ᐊᓯᖕᓄᑦᑕᐅᖅ ᑕᐅᑐᙱᒻᒥᓗᑎᑦ. ᐅᕙᓃᑦᑐᐃᓐᓇᐅᒐᑦᑕ ᓇᒻᒥᓂᖅ ᐃᖏᕐᕋᑎᓪᓗᑕ ᐊᒻᒪᓗ ᐊᑦᔨᒌᖏᑦᑐᐃᓐᓇᐅᒐᑦᑕ, ᑕᒪᓐᓇ ᐃᖏᕐᕋᓂᐅᔪᖅ ᐊᑦᔨᒋᖏᑎᐊᒻᒪᕆᓐᓂᐊᕐᒪᒍ ᐃᓘᓇᖏᓐᓄᑦ. ᑕᒪᓐᓇ ᓱᓕ ᐅᖃᐅᓯᕆᕙᕋ ᒫᓐᓇᐅᔪᖅ."

ᐊᑭᓴᖅᑐᖃᑦᑕᓚᐅᖕᒥᔪᖅ ᐃᓱᒪᒋᔭᖏᓐᓂᑦ ᖃᓄᖅ ᐃᓅᓯᖅ ᑕᐅᑦᑐᖃᕆᐊᖃᖕᒪᖔᑦ. "ᐃᓱᒪᒋᔭᕋᓕ ᑕᒫᓂ ᐅᐊᓕᓂᕐᒥ ᓄᓇᖃᕋᑦᑕ, ᐅᖃᐃᓐᓇᐅᔭᕋᑦᑕ ᓇᓗᓇᐃᒃᑯᑕᖃᕆᐊᖃᕐᓂᑎᓐᓂᒃ ᐊᕐᕌᒍᑦᑎᓐᓄᑦ, ᐊᒥᓱᑎᒍᑦ ᐊᕐᕌᒍᓅᕆᐊᖃᑦᑐᒍᑦ ᐊᒻᒪᓗ ᑲᑎᑎᑕᐅᔭᕆᐊᖃᓕᖅᑐᑕ ᐊᒻᒪᓗ ᕿᑐᕐᖓᖃᕐᓗᑕ ᐊᒻᒪᓗ ᑕᒪᒃᑯᐊ ᒪᓕᒐᓕᒫᑦ ᐋᖅᑭᒃᓯᒪᒻᒪᑕ ᐅᕙᑦᑎᓐᓂᒃ ᐊᑭᕋᖅᑐᖅᑐᑎᒃ. ᐃᓱᒪᑐᐃᓐᓇᕋᒪᓕ ᐃᖏᕐᕋᓂᕆᕙᑦᑕᕗᑦ. ᑭᖑᑉᐱᐊᒐᓛᓚᐅᖅᑐᖓ ᖃᓄᐃᒐᓂᓗ. ᐊᔪᕐᓇᕐᓂᖅᓴᐅᕌᕐᔪᓚᐅᖅᑐᖅ, ᓴᒡᓗᔾᔮᓇᓂ, ᑭᓯᐊᓂ ᖃᓄᐃᙱᑦᑐᖅ. ᐱᐅᔪᒍᑦ," ᐱᔭᕇᖅᑐᖅ.

ᑕᐃᒪᓕ ᑲᔪᖏᕐᓴᐃᔾᔪᑕᐅᕗᖅ ᐅᒃᓴᓯᑭᒥ ᐃᓚᒥᓂᒃ ᑲᔪᓯᑎᑦᑏᓐᓇᕈᒪᓪᓗᓂ ᐊᒻᒪᓗ ᖃᓄᐃᓐᖏᑦᑎᐊᖅᑐᒥᒃ ᐃᓅᓯᖃᕈᒪᓪᓗᓂ ᐃᓚᒥᓄᑦ. "ᑕᑯᑎᑦᑐᒪᕙᒃᑲᑦᑕᐅᖅ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃᑕᐅᖅ," ᐅᖃᖅᖢᓂ, ᐃᓱᒪᓪᓗᓂ ᖃᓄᖅ ᐋᖅᑭᒃᓯᔪᒪᖕᒪᖔᑦ ᑕᑯᔾᔪᑕᐅᔪᓐᓇᖅᑐᒥᒃ ᐃᕐᓂᕐᒥᓂᒃ ᑕᒫᓂᕐᕆᙱᑕᒥᓂᒃ ᐊᑐᓕᖅᑎᑦᑎᔪᓐᓇᕐᓂᐊᕐᒪᑦ ᐃᓕᖅᑯᓯᑐᖃᒃᑯᑦ ᐊᖓᔪᖅᑳᖑᕙᖕᓂᕐᒧᑦ ᐊᑐᖅᑕᐅᕙᒃᑐᓂᒃ ᓇᖕᒥᓂᖅ ᐃᓅᓯᕐᒥᓂ ᐱᕈᖅᐸᓪᓕᐊᓂᕐᒥᓂ. ᒪᒃᑯᒃᑐᖅ ᐱᓕᕆᖃᑎᒋᖃᑦᑕᖅᑕᖓ ᐃᓕᓐᓂᐊᖅᑎᖏᓪᓗ ᐱᔪᒃᓯᑎᑦᑎᓪᓗᑎᒃᑕᐅᖅ. "ᑕᑯᖁᓪᓚᕆᑦᑕᒃᑲ ᐱᐅᔪᐊᓘᓂᖓᓂᒃ ᐊᒻᒪ ᖃᓄᖅ ᑲᒪᓇᖅᑎᒋᖕᒪᖔᑕ ᐊᒻᒪ ᖃᓄᖅ ᐊᔪᙱᑎᒋᖕᒪᖔᑕ ᐃᓄᖁᑎᕗᑦ," ᕿᒃᓵᒃᑐᖅ.

ᐃᒻᒥᓂᒃ ᑲᒪᒋᓪᓗᓂ, ᒪᒥᓴᕆᐊᖅᑐᖅᖢᓂ, ᐊᐅᓪᓚᕆᐊᖅᑐᖅᖢᓂ, ᖁᕕᐊᓱᖃᑎᒌᒋᐊᖅᑐᖅᖢᓂ ᐊᒻᒪ ᐊᑭᓯᔭᖅᑐᖅᖢᓂ, ᐱᓕᕆᕙᒃᖢᓂ, ᐅᓪᓚᒃᖢᓂ, ᐅᖃᓕᒫᕆᐊᖅᑐᖅᖢᓂ ᐊᒻᒪ ᐃᖃᐃᓕᓴᕐᕕᓕᐊᖅᖢᓂ. ᓄᖅᑲᖓᓚᐅᑲᖃᑦᑕᖅᑐᖅ ᐃᓄᖕᓄᑦ ᑐᓴᐅᒪᔾᔪᑎᓂᑦ ᐅᖃᓘᑎᖓᓂᒡᓗ. Oksasikewiym−ᑯᑦ ᐃᒻᒥᓂᒃ ᓂᑲᒍᓱᒐᓱᓲᑦ, ᑕᖃᐃᖅᓯᑦᑎᐊᖅᐸᒃᖢᓂ ᑎᒥᓂᒡᓗ ᓈᓚᑦᑎᐊᖅᐸᒃᖢᓂ.

ᐃᓕᓐᓂᐊᓚᐅᖅᑕᖓ ᑭᓇᐅᓂᕐᒥᓂᒃ, ᖃᐅᔨᒪᓂᕐᒥᑦ ᐃᓂᖃᕐᓂᕐᓂᑦ ᐊᒻᒪᓗ ᑕᐃᑲᓃᑦᑕᕆᐊᖃᖅᑐᑎᑦ ᐊᑕᐅᓯᖅ ᒥᒍᐊᓐ ᐅᒃᓴᓯᑭᓂᒥᑦ ᑐᓂᓯᖃᑦᑕᖅᑐᖅ ᐃᓕᓐᓂᐊᖅᑎᓄᑦ ᐸᖅᑭᔭᖏᓐᓄᑦ ᐊᒻᒪᓗ ᓱᕈᓯᖏᓐᓄᑦ ᐃᓅᓯᖓᓂᑦ. ᑖᓐᓇ ᑯᕇ ᐊᒻᒪ ᓇᑯᑕ ᐊᕐᓇᖅ ᓇᓂᓯᓪᓗᑎᒃ ᐃᓕᓐᓂᐊᕐᓂᕐᒧᑦ ᐊᖏᕐᕋᒥᒃ ᐊᖏᕐᕋᖓᓂ ᓄᓇᓕᖕᒥ ᓴᓂᐊᓂ ᓄᓇᖃᖅᑳᖅᓯᒪᔪᑦ ᐃᓕᓴᐃᔨᑦ ᐱᔪᒪᓕᖅᑎᖦᖢᓂᒋᑦ ᐃᖅᑲᓇᐃᔮᒧᑦ ᐃᓕᓴᐃᔨᐅᓂᕐᒧᑦ. ᒫᓐᓇ, ᐃᓕᓴᐃᔨᙳᖅᑐᖅ ᐱᔭᕆᐊᖃᖅᑕᓕᒫᒥᓂᒃ ᑭᖑᕚᕇᓄᑦ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ, ᐅᖃᐅᓯᖃᑎᒌᒃᓗᓂ, ᐃᓕᖅᑯᓯᒃᑯᑦ ᐃᓕᖅᑯᓯᑐᖃᒃᑯᓪᓗ ᐅᐱᒍᓱᖕᓂᕐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.