ᐅᖃᐅᓯᐅᑉ ᓴᓇᒪᓂᖓ: ᓴᓕᐊ ᔫᓯᐱ ᒪᑐᐃᖅᓯᕗᖅ ᐹᓂᒃ ᐃᓕᖅᑯᓯᑐᖃᕐᓄᑦ ᐃᓕᑦᑎᕙᓪᓕᐊᓂᕐᒥᒃ
"[ᐅᖃᐅᓯᕐᒥᒃ ᐃᓕᓐᓂᐊᕐᓂᖅ] ᒪᑐᐃᖅᓯᓚᐅᖅᐳᖅ ᐅᕙᓐᓄᑦ ᒥᓐᓂᕈᑎᒋᑦᑎᐊᓲᓐᓂᒃ ᐊᒻᒪ ᓱᓕᑦᑎᐊᕐᓗᖓ. ᕿᓂᕆᐊᖃᖏᑦᑐᖓ ᑭᓇᑐᐃᓐᓇᕐᒥᒃ ᓱᓕᓂᖏᓐᓂᐊᕐᓗᓂ ᐅᕝᕙᓘᓐᓃᑦ ᐱᑕᖃᙱᓐᓂᐅᔪᑦ ᐃᓗᓪᓕᖅᓱᕐᓗᒋᑦ. ᐃᓄᓪᓚᕆᐅᒐᒪ. ᓇᖕᒥᓂᖅ ᐃᓕᖅᑯᓯᓐᓄᑦ ᑭᙴᒪᒋᔭᓐᓄᑦ ᑎᑭᐅᑎᔪᓐᓇᖅᑐᖓ," ᓴᓕᐊ ᔫᓯᐱ ᐃᖅᑲᐅᒪᔪᖅ.
ᕚᓐᑰᕗᒥ ᓄᓇᖃᖅᑐᖅ ᐊᒻᒪᓗ ᑐᑭᒧᐊᒃᑎᑦᑎᔨᐅᔪᖅ Squamish-ᒧᑦ ᐅᖃᐅᓯᕐᒧᑦ ᑮᓇᐅᔾᔭᒃᓴᕋᓱᐊᖅᑎᐅᙱᖦᖢᓂ Snéchim Foundation-ᑯᓐᓄᑦ. ᐱᓕᕆᐊᖏᑦ ᑐᕌᒐᖃᖅᑐᑦ ᓴᖅᑭᑎᑦᓯᓂᕐᒥᑦ ᐅᖃᕈᓐᓇᑦᓯᐊᓂᕐᒥᑦ ᐊᕐᕌᒍᓕᒫᕐᒧᑦ ᐃᓚᐅᑎᑦᓯᓂᕐᒧᑦ ᐱᓕᕆᐊᓂᑦ ᑲᑐᔾᔨᖃᑎᖃᖅᓱᑎᒃ SFU-ᑯᓐᓂᑦ ᐊᒻᒪ ᓴᖅᑭᑎᑦᓯᓂᕐᒥᑦ ᐃᖅᑲᓇᐃᔮᓂᑦ ᑕᐃᒃᑯᓄᖓ ᐃᖅᑲᓇᐃᔭᕈᒪᔪᓄᑦ ᐅᖃᐅᓯᕐᒥᑦ ᐆᒻᒪᖅᑎᑦᓯᑲᓐᓂᕐᓂᕐᒥᑦ. ᐅᖃᐅᓯᓕᕆᓂᕐᒧᑦ ᐱᓕᕆᐊᖃᓚᐅᖅᑐᖅ ᐊᒻᒪᓗ ᒫᓐᓇ ᐱᓕᕆᐊᕆᓕᖅᖢᓂᐅᒃ.
ᑲᑎᒪᑎᑦᑎᖃᑦᑕᕐᒥᔪᖅ, ᑭᒃᑯᑐᐃᓐᓇᕐᓄᑦ ᓴᓇᐅᒐᕐᓂᒃ ᑐᓴᕋᓱᒃᑎᑦᑎᕙᒃᖢᓂ ᐱᓕᕆᖃᑎᖃᓲᖅ ᓴᓇᙳᐊᖅᑎᓂᒃ ᐊᒻᒪ ᑕᐃᒃᑯᐊ ᐱᓕᕆᑎᑦᑎᓲᑦ ᐃᓄᖕᓄᑦ ᓴᓇᐅᒐᕐᓂᒃ ᓴᖅᑭᑦᑎᓇᓱᒃᖢᑎᒃ ᐱᕕᒃᓴᒃᑲᓐᓂᕐᓂᒃ ᓴᓗᒻᒪᖅᓴᖅᑕᐅᔾᔪᑎᓄᑦ ᐊᒻᒪ ᓴᓇᙳᐊᖅᑎᓄᑦ. ᐊᒻᒪᓗ, ᐱᑦᑕᐃᓕᑎᑦᑎᓲᑦ ᐱᒻᒪᕆᐊᓗᖕᓂᒃ ᐅᖃᖃᑎᒌᒃᐸᖕᓂᕐᓂᒃ, ᐊᔪᕈᓐᓃᖅᓴᖅᑎᑦᑎᓂᕐᒥᒃ ᐃᖅᑲᓇᐃᔭᕐᓂᕐᒥᒡᓗ ᓄᓇᓕᖕᓂ.
ᖃᑕᙳᑎᖏᑦ ᓇᓇᐃᒥᙶᖅᐳᑦ ᐊᒻᒪ ᔅᑯᐊᒥᔅ ᕚᓕᒥ ᐱᕈᖅᓴᖃᑎᒋᓚᐅᖅᖢᒍᓗ ᐊᓈᓇᒥᓂᒃ Tsartlip ᓄᓇᖃᖅᑳᖅᓯᒪᔪᑦ ᖃᓂᒋᔮᓂ. ᐱᓕᕆᐊᕆᔭᖓ ᒫᓐᓇ ᑐᙵᕕᖃᖅᐳᖅ ᖁᕕᐊᓱᖕᓂᖓᓂᒃ ᐊᒻᒪ ᖁᕕᐊᒋᑦᑎᐊᖅᑕᖏᓐᓂᒃ ᓂᑲᒍᓱᒃᑎᐅᓪᓗᓂ. ᐱᕈᖅᓴᓪᓗᓂ, ᐊᑖᑕᖓ ᐊᐅᓪᓚᕐᓯᒪᓪᓗᓂ ᒪᒃᑯᒃᑎᓪᓗᒍ, ᐊᒥᓱᓂᒃ ᐊᐱᖅᑯᑎᒃᓴᖃᖃᑦᑕᓚᐅᕐᒪᑦ ᑭᓇᐅᓂᕐᒥᓂᒃ, ᐃᓚᒋᔭᐅᓂᕐᒥᓂᒃ ᐊᒻᒪᓗ ᓇᑭᙶᕐᓂᖓᓂᒃ, ᓄᓇᒥᓂᒃ ᓇᓗᓪᓗᓂ ᓇᒥᒥᐅᑕᐅᖕᒪᖔᑦ.
ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᕇᕐᒪᑦ, ᔫᓯᐱ ᐊᐅᓪᓚᓚᐅᖅᑐᖅ ᐊᕐᕌᒍᒐᓚᓐᓄᑦ ᐃᓕᓐᓂᐊᕆᐊᒃᑲᓐᓂᓚᐅᕋᓂ. UBC-ᒨᕈᒪᓚᐅᖅᑐᖅ ᑭᓯᐊᓂ ᓯᓚᑐᔫᓗᐊᓚᐅᙱᑦᑐᖅ ᐅᕝᕙᓘᓐᓃᑦ ᑲᔪᓯᑦᑎᐊᕈᓐᓇᖅᑰᔨᙱᖦᖢᓂ. ᐃᓱᒪᓚᐅᖅᑐᖅ ᕖᓚᓄ ᓯᓚᑦᑐᓴᕐᕕᕐᔪᐊᕐᒨᖔᕆᐊᖃᖅᑐᒋᓪᓗᓂ ᐊᒻᒪᓗ ᖃᓄᖅ ᐱᓐᓂᕐᒪᖔᖅ. "ᐃᓱᒪᒋᔭᕋ ᖃᓄᖅ ᑐᓴᖅᑕᐅᔪᑦ ᐅᖃᐅᔾᔭᐅᖃᑦᑕᕐᒪᖔᑕ ᒪᒃᑯᖕᓂᖅᓴᐅᑎᓪᓗᑕ ᐱᒻᒪᕆᐅᒋᔭᑦᑎᓐᓂᒃ, ᐊᒻᒪ ᖃᐅᔨᒪᓂᕗᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᓱᓕᑦᑎᐊᖃᑦᑕᕐᒪᑕ ᓱᓕᐃᓐᓇᖅᖢᑎᒡᓗ," ᐅᖃᑦᑎᐊᙱᖦᖢᓂ.
ᐃᓕᓐᓂᐊᕐᕕᕐᔪᐊᕐᒨᕋᒥ, ᐃᓕᓐᓂᐊᕐᓂᖃᑦᑎᐊᓚᐅᙱᑦᑐᖅ, ᑭᓯᐊᓂ A's-ᑖᓚᐅᖅᑐᖅ Capilano University-ᒥ. ᐱᓇᔪᓚᐅᖅᐳᖅ UBC−ᑯᓐᓄᑦ ᐊᒻᒪ INdigenous−ᒧᑦ ᐃᓕᓐᓂᐊᖃᑕᐅᓕᖅᖢᓂ, ᐱᕐᔪᐊᓂᒃ ᐃᔭᕈᕙᐅᔭᓂᒃ ᑐᑭᓯᔪᓐᓇᖅᓯᓪᓗᓂ, ᖃᑕᙳᑎᒥᓄᑦ ᐊᒻᒪ ᓄᓇᖅᑲᑎᒥᓄᑦ. ᐃᓕᓐᓂᐊᖅᑕᖏᑦ ᐃᑲᔪᓚᐅᖅᑐᑦ ᑲᙳᓵᕆᓪᓗᓂ ᑖᓐᓇᐅᙱᖦᖢᓂ. ᐃᓕᓐᓂᐊᓚᐅᖅᑎᓪᓗᒍ ᑲᖐᒋᔭᐅᔪᓂᒃ ᖃᓄᐃᒻᒪᑦ ᐅᖃᐅᓯᖅᑕᑦ ᐱᔾᔪᑕᐅᖕᒪᖔᑦ, ᐅᖃᐅᓯᕐᒥᓂᒃ ᐃᓕᓐᓂᐊᕈᒪᓕᓚᐅᖅᑐᖅ.
ᐊᑐᕐᓂᑯᖓ ᐊᓯᔾᔨᕐᖢᓂ ᐃᖕᒥᓂᒃᓗ ᑕᑯᕙᓪᓕᐊᓕᕐᖢᓂ ᑕᒪᒃᑭᕐᖢᓂ ᐃᓅᓪᓗᓂ ᓇᓪᓚᖓᖅᑰᔨᙱᖦᖢᓂ ᐱᔪᒪᑦᑎᐊᕐᖢᓂᓗ. ᐅᖃᐅᓯᓕᕆᓪᓗᓂ, ᐃᓱᒫᓗᒃᑐᖅ ᑖᓐᓇᑐᐊᑦᑎᐊᖑᓇᔭᕐᓂᖓᓂᒃ ᖃᐅᔨᒪᓚᐅᙱᖦᖢᓂ, ᑭᓯᐊᓂ ᖃᐅᔨᓚᐅᖅᑐᖅ ᑕᐃᒪᐃᙱᓐᓂᖓᓂᒃ.
ᐱᓕᕆᐊᒃᓴᑎᒍᑦ, ᐊᑯᓂᐅᔪᒥᑦ ᑲᑎᙵᑎᑦᑎᓪᓗᓂ ᐃᒥᖃᑦᑕᕈᓐᓃᕐᖢᓂᓗ. "ᓈᓚᖃᑦᑕᓚᐅᖅᑐᒍᑦ ᓂᐱᑐᖃᕐᓂᑦ ᐃᓄᐃᑦ ᐅᖃᓪᓚᓲᓂᑦ ᐅᖃᐅᓯᕐᒥᑦ, ᐊᒻᒪᓗ ᐃᑉᐱᓐᓂᐊᓂᖃᑐᐃᓐᓇᓚᐅᖅᑐᖅ ᖁᕕᐊᓲᑎᖃᕐᓂᕐᒥᑦ ᐅᕙᓐᓄᑦ," ᐃᖅᑲᐅᒪᔪᖅ. ᐱᒋᐊᖅᑎᑦᑎᓚᐅᖅᑐᖅ ᐱᓕᕆᐊᒥᑦ ᐊᐱᕆᓚᐅᖅᐳᖅ ᐃᑲᔪᖁᓪᓗᒍ ᐸᕐᓇᐃᑎᓪᓗᒋᑦ ᓂᕆᕕᒃᓴᒥᓂᒃ. ᑭᖑᓂᐊᒍᑦ ᓂᕈᐊᖅᑕᐅᓕᓚᐅᖅᑐᖅ ᑎᑕᒃᑎᓄᑦ ᑲᑎᒪᔨᓄᑦ ᐊᐱᕆᔭᐅᓪᓗᓂᓗ ᐃᓚᐅᖁᔭᐅᓪᓗᓂ ᐊᐅᓚᑦᑎᔨᙳᖁᔭᐅᓪᓗᓂ.
ᑲᑎᒪᔨᐅᑎᓪᓗᒍ, ᔫᓯᐱ ᑲᑐᔾᔨᖃᑎᒌᓕᐅᕋᓱᒃᓯᒪᕗᖅ ᑭᐅᔪᓐᓇᖅᑐᒥᒃ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᖅᑎᓄᑦ. ᖁᑦᑎᒃᓯᕙᓪᓕᐊᔪᒥᒃ ᐋᖅᑭᒃᓯᒪᔪᒥᒃ ᐱᙱᖦᖢᓂ ᓅᖦᖢᓂᓗ ᑎᓴᒪᓄᑦ ᐅᓪᓗᓄᑦ ᐃᖅᑲᓇᐃᔭᕐᓇᒧᑦ ᐱᓇᓱᐊᕈᓯᕐᒧᑦ. ᐃᓄᐃᑦ ᐊᐱᕆᒐᔪᒻᒪᑕ ᖃᓄᑎᒋ ᐅᖃᓕᒪᓯᒪᓕᕐᒪᖔᕐᒥᓂᒃ ᐅᖃᐅᓯᕐᒥᓂᒃ ᐊᒻᒪᓗ ᐅᖃᐅᓯᕆᑦᓴᐅᑎᒋᑦᓱᓂᐅᒃ ᐊᕐᕌᒍᕋᓴᐃᑦ ᓈᓕᖅᑐᑦ.
ᐃᓕᓐᓂᐊᖅᑕᖓ ᓄᖅᑲᓚᐅᙱᑦᑐᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓄᑦ ᐱᔭᕇᕈᓯᐊᕐᒥᒃ ᐅᕝᕙᓘᓐᓃᑦ ᐅᖃᐅᓯᓕᕆᓂᕐᒧᑦ ᐃᓕᓐᓂᐊᕈᑎᖓᑕ ᐊᔪᙱᔾᔪᑎᖏᓐᓂᒃ. ᐱᓕᕆᓂᖓ ᑭᒃᑯᑐᐃᓐᓇᕐᓄᑦ ᓴᓇᐅᒐᕐᓂᒃ ᐅᖃᖃᑎᖃᕐᓂᒃᑯᑦ ᓴᖅᑭᓚᐅᖅᑐᖅ ᑲᔪᖏᖅᓴᐃᔪᒃᑯᑦ ᐃᓄᖕᓂᙶᖅᑐᓂᒃ ᑐᖅᑯᖅᑕᐅᓯᒪᔪᓂᒃ. ᐃᓕᑦᑎᕚᓪᓕᕈᑕᐅᒻᒪᕆᓚᐅᖅᑐᖅ ᑭᖑᓂᑦᑎᓐᓂᑦ ᐱᕙᒌᔭᐅᑎᓂᑦ, ᑭᒡᓕᓕᐅᖕᓂᖕᒧᑦ ᒪᓕᒐᕋᓛᓂᑦ, ᐊᔾᔨᒌᙱᓐᓂᖏᓐᓂᑦ ᒪᙳᐃᑦ ᐊᓯᖏᓪᓗ ᐃᓕᑦᑕᕆᐊᓖᑦ. "ᐃᓕᓐᓂᐊᖅᑎᐅᖅᑰᔨᔪᖅ, ᓲᖃᐃᒻᒪ ᐃᓕᑦᑎᔭᕆᐊᖃᕐᔪᐊᕐᒪᑦ," ᐅᖃᖅᖢᓂ.
"ᐅᖃᐅᓯᖅ ᐅᕙᓐᓄᑦ ᒥᔾᔪᑎᒋᑦᑎᐊᓚᐅᖅᑕᕋ. ᑕᐃᒪᐃᒻᒪᑦ ᐅᒃᐱᕈᓱᑦᑎᐊᖅᐳᖓ ᐃᖅᑲᓇᐃᔮᒥ ᐊᒻᒪ ᐅᒃᐱᕈᓱᒃᖢᖓ ᐃᓄᐃᑦ ᐃᖅᑲᓇᐃᔭᐃᓐᓇᖁᓪᓗᒋᑦ."
ᐃᒪᓐᓇᐅᒐᔪᒃᐸᒃᐳᖅ, ᓇᓗᓈᕿᓕᕌᖓᑦ ᐱᕕᒃᓴᒧᑦ, ᐱᓇᔪᑐᐃᓐᓇᓕᖅᐸᒃᐳᑦ ᓇᓂᓯᓪᓗᓂᓗ ᓂᐱᒥᒃ ᓇᖕᒥᓂᖅ−ᐱᔪᓐᓇᕐᓂᕐᒥᒃ ᓂᐸᐃᓐᓂᖅᓴᐅᓕᖅᐳᖅ. ᑲᑉᐱᐊᓱᒍᑎᒋᔭᒥᓂᒃ ᐊᓂᒍᐃᔪᓐᓇᖅᓯᓪᓗᓂ, ᐃᓕᓯᒪᔪᖅ ᓇᓗᓇᐃᕈᓐᓇᖅᓯᓪᓗᓂᒋᑦ ᐊᒻᒪ ᐃᓱᒪᒃᓴᖅᓯᐅᕈᓐᓇᖅᓯᓪᓗᓂ ᓇᓕᐊᒃ ᐃᒻᒥᓂᒃ ᐅᖃᐅᓯᕆᖕᒪᖔᒍ ᐱᔭᕆᐊᖃᙱᖦᖢᓂ ᐱᔪᒪᔭᒥᓂᒃ. ᑕᒪᓐᓇ ᐃᑲᔪᖃᑦᑕᖅᑐᖅ ᓂᑲᒍᓱᑦᑐᓂ.
ᐊᖓᔪᖅᑳᖑᓪᓗᓂ, ᐸᓂᖓ "ᐊᒃᓱᕈᕐᓇᙱᖦᖢᓂ ᐅᖃᐅᓯᕐᒧᑦ" ᐅᕝᕙᓘᓐᓃᑦ ᐅᑭᐅᒧᑦ ᑐᑭᓯᓇᓱᒃᖢᓂ ᑭᓇᐅᓂᕐᒥᓂᒃ. ᐅᔪᕈᖓ ᒥᑭᑦᑐᑯᓘᑎᓪᓗᒍ, ᖃᐅᔨᒪᔪᒪᓚᐅᕐᒪᑦ ᐊᑎᖏᓐᓂᒃ ᐆᒪᔪᐃᑦ ᐅᖃᐅᓯᖏᑎᒍᑦ ᐊᒻᒪᓗ ᐊᒃᓱᕈᖃᑦᑕᓚᐅᖅᑐᓂ. ᑕᒪᓐᓇ ᐊᑐᓚᐅᖅᑕᖓ ᐱᔪᒃᓯᑎᑦᑎᓚᐅᖅᐳᖅ ᐃᓕᑦᑎᔪᒪᓪᓗᓂ ᐅᖃᐅᓯᕐᒥᓂᒃ ᑕᒪᓐᓇ ᑲᔪᓯᑎᑦᑐᓐᓇᕐᓂᐊᕐᒪᒍ. ᐸᓂᖓᑦᑕᐅᖅ ᖃᐅᔨᒪᖁᖕᒥᔭᖓ, "ᖃᓄᑲᓪᓚᒃ ᓯᓚᑐᔫᔪᓐᓇᕋᕕᑦ ᐊᒻᒪ ᐃᓕᖕᓂᒃ ᐃᖅᑲᖅᑐᐃᔪᓐᓇᖅᖢᑎᑦ ᐊᒻᒪ ᐃᓕᖕᓂᒃ ᐱᒻᒪᕆᐅᒋᔭᕐᓂᒃ ᑐᙵᕕᖃᕐᓗᑎᑦ ᐱᐅᓛᓂᒃ ᐃᓕᖕᓂᒃ ᐱᔪᒪᔭᕐᓂᒃ."
ᓱᕈᓯᐅᑎᓪᓗᒍ, ᔫᓯᐱ ᖃᐅᔨᖃᑦᑕᓚᐅᕐᒪᑦ ᐊᒥᓱᓂᒃ ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᖅᑐᓂᒃ ᐊᒻᒪᓗ ᖃᐅᔨᒪᓗᐊᕋᓂ ᐃᓄᖁᑎᒥᓂᒃ ᐊᒻᒪᓗ ᖃᐅᔨᒪᓚᐅᕋᓂ ᖃᑦᑎᐅᔪᑦ ᑲᒪᓇᖅᑐᒻᒪᕆᐊᓗᓐᓂᒃ ᐱᓕᕆᓚᐅᕐᒪᖔᑕ ᖃᐅᓯᓕᕋᖅᑎᓪᓗᒋᑦ, ᐃᖃᓗᒐᓱᐊᖅᑐᑎᒃ ᐊᒻᒪᓗ ᐃᓄᐃᑦ ᖃᐅᔨᒪᓂᑐᖃᖏᓐᓂᒃ. ᑕᐃᒪᐃᒻᒪᑦ ᖁᕕᐊᓲᑎᖃᖅᐳᖅ ᓄᓇᖃᖅᑳᖅᓯᒪᔪᑦ ᐱᐅᓛᖏᓐᓂᑦ ᐱᒻᒪᕆᐅᕗᖅ ᖃᓄᐃᙱᑦᑎᐊᖕᓂᖏᓐᓄᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ. "ᐃᓱᒪᒋᔭᕋᓕ ᒪᒃᑯᒃᑐᑦ ᐅᖃᐅᑎᖃᑦᑕᖅᑕᕗᑦ ᐱᐅᔪᐊᓘᓂᖏᓐᓂᒃ, ᐃᓄᑦᑎᐊᕙᖕᓂᙶᕐᓂᖏᓐᓂᒃ, ᐊᒻᒪ ᐊᑑᑎᖃᑦᑎᐊᖅᖢᑎᒃ, ᓯᕗᓂᒃᓴᑦᑎᐊᕙᐅᓂᖅᓴᐅᓂᐊᖅᑐᑦ, ᑭᓯᐊᓂ ᐊᕗᖓᐅᔨᓯᒪᖅᑰᔨᒐᑦᑕ.," ᑕᑯᒃᓴᐅᑎᑦᑎᔪᖅ.
ᐃᒻᒥᓂᒃ ᑲᒪᒋᑦᑎᐊᕋᓱᒃᓗᓂ ᐃᓐᓇᐅᓗᓂ, ᐅᕿᙱᓐᓂᖅᓯᐅᓲᖅ, ᐃᓅᓯᓕᕆᔭᐅᔭᖅᑐᖅᖢᓂ, ᖃᐅᑕᒫᑦ ᓯᓚᒦᑉᐸᒃᖢᓂ, ᐱᓱᕋᔭᒃᑲᓗᐊᕈᓂ ᐅᕝᕙᓘᓐᓃᑦ ᕿᔪᖕᒦᒃᑲᓗᐊᕈᓂ ᐅᕝᕙᓘᓐᓃᑦ ᓄᓇᒥ. ᐃᓚᒥᓂᒃ ᐱᖃᑎᖃᖅᖢᓂ ᖁᕕᐊᓱᓕᒃᑲᓐᓂᖅᖢᓂ ᖁᕕᐊᓱᒃᖢᓂᓗ, ᑕᐅᑐᒍᒪᑦᑎᐊᓲᖅ ᓯᕿᓐᓂᖅᑎᓪᓗᒍ.
ᑲᔪᖏᖅᓴᐃᔭᕆᐊᖃᖅᑎᓪᓗᒍ, ᑕᐅᑐᖃᑦᑕᖅᑐᖅ ᐃᓄᐃᑦ ᓄᓇᖏᓐᓂᑦ, ᑭᖑᕚᕇᓄᑦ ᓄᓇᓕᓐᓂᑦ ᒪᒃᑯᑦᑐᓄᑦ ᐃᓄᑐᖃᕐᓄᓪᓗ ᐊᒻᒪᓗ ᐅᑉᐱᕐᓂᕐᒧᑦ ᐊᑐᖃᑦᑕᖅᓯᒪᓂᖓᓄᑦ ᐱᐊᕋᕐᒥᑦ ᐊᖏᕐᕋᕐᒥᑦ. ᐱᔪᒃᓯᑎᑦᑎᕗᖅ ᐸᓂᖓᑕ ᓇᒃᓴᖃᑦᑕᖅᑕᖏᓐᓂᒃ ᓄᓇᕐᔪᐊᕐᒧᑦ ᐊᒻᒪ ᐊᒃᑐᐊᓂᖃᕐᓂᖓ ᐃᓐᓇᕐᓄᑦ. "ᖃᐅᔨᒪᓂᖃᕐᔪᐊᖅᑐᒍᑦ ᓄᓇᓕᑦᑎᓐᓂ, ᓂᑲᒍᓱᕐᔪᐊᕐᖢᓂᓗ ᓰᖅᑯᓐᓄᑦ ᖃᐅᑕᒫᑦ," ᐱᙳᐊᖅᑐᖅ.
ᐃᓕᓐᓂᐊᕐᖢᓂ ᐅᖃᐅᓯᕐᒥᓂ ᐃᒻᒥᓂᒃ ᒥᖦᖢᓂ ᐱᓂᖅᓴᐅᓪᓗᓂ ᓱᓕᑦᑎᐊᕐᖢᓂᓗ. ᓴᓕᐊ ᔫᓯᐱ ᕿᓂᕆᐊᖃᓚᐅᙱᑦᑐᖅ ᑭᓇᑐᐃᓐᓇᕐᒥᑦ ᓱᓕᓂᕋᐃᔪᒥᑦ ᐅᕝᕙᓘᓐᓃᑦ ᐱᑕᖃᙱᓐᓂᐅᔪᓂᑦ ᐃᒻᒥᓂ. ᐃᒻᒥᓂᒃ ᑕᑯᑦᑕᓯᓐᓇᓕᓚᐅᖅᑐᖅ ᐃᓄᐃᓐᓇᐅᓪᓗᓂ ᐊᒻᒪᓗ ᓇᒻᒥᓂᖅ ᐃᓕᖅᑯᓯᕐᒥᓂᒃ ᑭᙴᒪᒋᔭᒥᓐᓂᒃ ᐱᔪᓐᓇᓯᑦᑕᓯᓐᓇᓕᖅᓱᓂ. ᐊᐅᓚᑦᓯᔨᐅᓪᓗᓂ ᐅᖃᐅᓯᓕᕆᓂᕐᒧᑦ ᐱᓕᕆᐊᒧᑦ, ᐃᑲᔪᖃᑦᑕᖅᑐᖅ ᐊᓯᒥᓐᓂᒃ ᐃᑉᐱᓐᓂᐊᔪᓂᒃ ᐃᒻᒥᓐᓄᑦ ᐊᒻᒪᓗ ᖁᔭᓕᑦᓱᓂ ᐱᐅᓂᖓᓂᒃ ᐱᖅᑯᓯᖏᑦ ᐊᒻᒪᓗ ᑭᒃᑯᑐᐃᓐᓇᕐᓄᑦ ᓴᓇᐅᒐᕐᓄᑦ ᐅᖃᐅᔾᔨᒋᐊᖅᑎᐅᓪᓗᓂ, ᐃᑲᔪᖅᑐᖅ ᐃᓄᓐᓂᒃ ᑲᑐᔾᔨᑎᓪᓗᒋᑦ ᐱᐅᓂᖏᓐᓂᒃ ᓄᓇᕐᔪᐊᕐᒥᐅᓕᒫᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.
ᓯᕗᓂᒃᓴᒥ ᐊᖅᑯᓯᓂᕆᔭᐅᕙᒃᑐᑦ ᖃᑦᑎᕆᓂᕐᒧᑦ ᐊᑐᖅᑕᐅᖃᑦᑕᓛᓕᖅᑐᑦ ᐱᓕᕆᐊᖑᕗᑦ TakingITGlobal's Connected North-ᒧᑦ ᐱᓕᕆᐊᖑᕙᒃᑐᒧᑦ.
ᑮᓇᐅᔭᖃᖅᑎᑕᐅᔪᑦ ᕈᐃᐅᓪ ᐹᓐᒃ ᑐᙵᕕᐊᓄᑦ ᐃᑲᔪᖅᑐᐃᓪᓗᑎᒃ ᕈᐃᐅᓪ ᐹᓐᒃ ᓯᕗᓂᑦᑎᓐᓂᑦ ᓴᖅᑭᑕᐅᓛᖅᑐᓂᑦ, ᑲᓇᑕᐅᑉ ᒐᕙᒪᒃᑯᖏᓪᓗ ᐃᑲᔪᖅᑐᐃᓪᓗᑎᒃ ᐃᓕᓐᓂᐊᕐᑎᑦ ᐃᓕᑦᑎᕙᓪᓕᐊᓂᖏᓐᓄᑦ ᐱᓕᕆᐊᒃᓴᓂᑦ.