ᑕᕐᕆᔭᖅᑎᐅᔪᒪᓚᐅᖅᑐᖅ, ᑭᓯᐊᓂ ᓄᑖᒥᒃ ᐱᓕᕆᐊᒃᓴᖃᓕᓚᐅᖅᑐᖅ ᑐᙵᑦᑎᐊᓕᕈᑎᒋᔭᕆᐊᖃᖅᑕᒥᓂᒃ ᐱᓇᔪᒍᒪᓪᓗᓂ. ᒪᐃᑯ ᔨᐊᓐᑭᓐᔅ ᐳᕆᓐᔅ ᐋᓪᐳᑦ, ᓴᔅᑳᑦᓱᐊᓐᒥᐅᑕᒃᓴᔭᐅᔪᖅ ᑭᓯᐊᓂ ᑐᕌᓐᑐᒧᑦ ᓅᓚᐅᖅᓯᒪᔪᖅ ᐅᑭᐅᑦ ᖁᓕᑦ ᐊᓂᒍᖅᓯᒪᓕᖅᑐᑦ. ᐱᔭᕇᕋᒥ ᐃᓕᓐᓂᐊᕐᕕᐊᓗᒻᒥ, ᐃᓱᒪᔅᓴᖅᓯᐅᕆᐊᖃᒻᒪᕆᓚᐅᖅᑐᖅ ᐃᖅᑲᓇᐃᔮᖅᑖᕈᒪᓕᕋᐃᒐᒥ. ᐊᒥᐊᖃᓚᐅᕐᒪᑦ, ᐃᖅᑲᓇᐃᔭᖅᑐᓂ ᓴᓇᔨᕈᕆᐅᔅᓴᓂᕐᒧᑦ ᐊᒥᓱᑎᑐᑦ ᐃᓕᓐᓂᐊᖃᑎᖏᑦ ᐊᐱᖅᑯᓯᕐᒦᙶᖅᓯᒪᓚᐅᖅᑯᑦ. ᐊᐅᖅᑭᑦᑎᓂᖅ, ᖃᑦᑎᕆᓂᖅ, ᐸᓖᓯᓕᕆᓂᖅ ᐊᒻᒪ ᐅᐊᔭᓕᕆᓂᖅ ᐊᐱᖅᑯᑕᐅᔪᓐᓃᓚᐅᕐᒥᔪᑦ. 

ᖃᐅᔨᓴᓚᐅᖅᑐᖅ ᐃᖅᑲᓇᐃᔮᕆᔪᒪᔭᒥᓂᒃ ᐊᒻᒪᓗ ᐃᓕᓴᐃᓪᓗᓂ ᖁᕕᐊᒋᙱᖦᖢᓂᐅᒃ ᑭᓯᐊᓂ ᖁᕕᐊᓱᒃᖢᓂ. ᐃᓕᓐᓂᐊᑦᑎᐊᓚᐅᖅᑎᓪᓗᒍ ᐃᓕᓐᓂᐊᕐᕕᐊᓗᒻᒥ ᐱᓇᓱᓕᓚᐅᖅᑐᖅ ᑐᕌᓐᑐᒥ ᑕᕐᕆᔭᓕᐅᕐᓂᕐᒧᑦ ᐃᓕᓐᓂᐊᕐᕕᖕᒧᐊᖅᖢᓂ ᐃᓇᖐᓪᓗᓂ. ᐃᓕᓐᓂᐊᕈᑎᖏᑦ ᐱᔭᕇᕐᒪᑕ, ᔨᐊᓐᑭᓐᔅ ᖃᐅᔨᓕᓚᐅᖅᑐᖅ ᐃᖅᑲᓇᐃᔮᖓ ᐃᓅᓯᖓᓗ ᐱᙳᐊᖅᑎᐅᑉ ᓂᕆᐅᓇᓗᐊᓚᐅᙱᒻᒪᑦ, ᐊᓱᐃᓛᒃ ᐅᑎᕐᖢᓂ ᐃᓕᓐᓂᐊᕐᕕᖕᒧᑦ ᑐᓴᐅᒪᔪᓕᕆᓂᕐᓂ ᑭᒃᑯᑐᐃᓐᓇᕐᓄᓪᓗ ᐱᓕᕆᖃᑎᖃᕐᓂᕐᒧᑦ. 

ᒫᓐᓇ ᐊᓂᒍᐃᓕᕋᒥ, ᐱᓕᕆᖃᑎᖃᖅᐸᒃᑭᕗᖅ ᕈᐃᐅᓪ ᐹᓐᒃ−ᑯᓐᓂᒃ ᑐᓴᐅᒪᑎᑦᑎᕙᖕᓂᕐᒧᑦ ᓂᐅᕐᕈᑎᖃᖅᐸᖕᓂᕐᒧᓪᓗ, ᐱᒋᐊᓚᐅᖅᓯᒪᓪᓗᓂᓗ ᕈᐃᐅᓪ ᐹᓐᒃ−ᒥᒃ ᐅᑯᑎᒎᓇᖅ, ᓄᓇᖃᖅᑳᖅᑐᓄᑦ ᐃᓄᖕᓄᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᐊᖑᕙᒃᑐᑎᒍᑦ (IPDP−ᑯᑦ). ᓂᕈᐊᓚᐅᖅᑐᖅ ᑐᓴᐅᒪᖃᑦᑕᐅᑎᓂᕐᒥᑦ ᖁᕕᐊᒋᔭᖃᐃᓐᓇᓲᖑᓂᖓᓄᑦ ᐱᔨᑦᓯᕋᖅᑕᐅᔪᓂᑦ-ᐱᓕᕆᐊᖃᕐᓂᕐᒥᑦ ᐃᖅᑲᓇᐃᔭᖅᑎᓪᓗᒍ ᐃᒥᕋᓚᕝᕕᓐᓂᑦ ᓂᕆᕕᓐᓂᓪᓗ, ᐃᓅᖃᑎᒌᓐᓂᕐᒥᑦ ᖃᐅᑕᒫᑦ. ᑐᓴᐅᒪᑎᑦᑎᓂᖅ, ᐊᔾᔨᐸᓗᐊ, ᑐᙵᕕᖃᖅᐳᖅ ᐃᓄᖕᓂᒃ ᐊᒻᒪ ᐱᓕᕆᖃᑎᒌᒍᓯᕐᓂᒃ, ᓈᒻᒪᖅᑰᔨᓪᓗᓂᓗ. 

ᐃᖅᑲᓇᐃᔭᖅᖢᓂ ᑐᓴᐅᒪᑎᑦᑎᓂᕐᒥᒃ, ᔨᓐᑭᓐᔅ ᕿᑎᐊᓃᑦᑐᖅ ᑲᑐᔾᔨᖃᑎᒌᒧᑦ ᐅᕝᕙᓘᓐᓃᑦ ᓇᓗᓇᐃᒃᑯᑕᕐᒧᑦ ᐊᓯᖏᓐᓄᓪᓗ, ᓴᖅᑭᑎᑦᑎᓪᓗᓂ ᑐᓴᖅᑎᑦᑎᓂᕐᒥᒃ ᐃᓗᐊᓂ ᓯᓚᑖᓂᓗ ᓈᓚᒃᑎᓄᑦ ᐅᖃᐅᓯᕐᔪᐊᒃᑯᑦ ᓈᓚᒃᑎᓄᑦ ᑐᑭᓯᐊᔭᖓᒍᑦ. ᐃᓕᓐᓂᐊᕐᕕᖕᒥ, ᐃᓕᑦᑎᓚᐅᖅᑐᖅ ᐅᖃᐅᓯᐅᑉ ᖁᑦᑎᖕᓂᖏᑦ ᓈᒻᒪᒃᑎᓐᓇᓱᒃᖢᒋᑦ 8-ᓂᒃ ᐅᑭᐅᓕᒃ ᓲᖃᐃᒻᒪ ᐅᓄᕐᓂᖅᓴᑦ ᐃᓄᐃᑦ ᓈᓚᑦᑎᐊᙱᓗᐊᕐᒪᑕ ᑭᓯᐊᓂ ᐊᑐᐃᓐᓇᐅᔪᒥᒃ ᐅᖃᐅᓯᖅᑕᒥᒃ, ᐃᓱᒪᒋᔭᐅᓪᓗᐊᑕᕐᓂᐊᖅᑐᑦ ᐃᓕᑦᑎᒃᑲᓐᓂᕈᒪᓪᓗᑎᒡᓗ.  

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ, ᓲᕐᓗ, ᐊᓯᔾᔩᔪᒪᓕᕐᖢᓂ ᐃᖅᑲᓇᐃᔮᕆᓛᕈᒪᔭᖏᓐᓂᑦ, ᐊᓈᓇᖓᑕ ᐃᓕᓐᓂᐊᖅᑎᑕᖏᓐᓂᑦ. "ᐃᓕᓐᓂᐊᕐᓂᖅ ᐊᑐᓚᐅᖅᓯᒪᔾᔮᙱᑦᑐᖅ. ᑮᓇᐅᔭᐃᑦ... ᐅᕝᕙᓘᓐᓃᑦ ᐃᓕᓐᓂᐊᕈᕕᑦ, ᐊᑐᖅᑕᐅᕙᒃᐳᖅ ᐃᑲᔫᑎᓂᐊᖅᑐᒧᑦ ᐃᓕᖕᓄᑦ ᖃᓄᑐᐃᓐᓇᖅ. ᐃᓕᑦᑎᓂᐊᖅᑐᑎᑦ ᐃᓕᖕᓂᒃ, ᐅᕝᕙᓘᓐᓃᑦ ᐃᓕᑦᑎᓂᐊᖅᑐᑎᑦ ᑭᓱᒥᑭᐊᖅ ᐱᔪᒪᔭᕐᓂᒃ," ᐅᖃᐅᓯᕆᕙᖏᑦ. ᔨᓐᑭᓐᔅ ᑎᓕᐅᕆᕗᖅ ᐃᓕᓐᓂᐊᖅᑎᓂᒃ ᐱᓇᔪᖁᓪᓗᒋᑦ ᑕᐃᒪᐃᑦᑕᕆᐊᖃᕌᖓᒥᒃ, ᑕᐃᒪᐃᓪᓚᕆᖕᓂᕐᒥᓂᒡᓗ ᓇᓗᓇᐃᖅᓯᓪᓚᕆᒃᐸᒃᖢᑎᒃ ᓇᓃᑦᑕᕆᐊᖃᕐᓂᕐᒥᓂᒃ.  

"ᐃᓱᒪᔪᖓ ᐱᕙᓪᓕᐊᓂᖅ ᐃᓅᓪᓗᓂ ᐃᑲᔫᑎᖃᓛᖑᓇᓱᒋᓪᓗᒍ ᖃᓄᐃᓕᐅᕈᓐᓇᖅᑕᕐᓄᑦ ᐃᓅᓗᓂ. ᐃᓕᓐᓂᐊᖅᑎᙳᕐᓂᖅ ᖃᓄᑐᐃᓐᓇᖅ ᐊᓯᐊᒍᓪᓘᓐᓃᑦ ᐱᐅᔪᐊᓘᔪᖅ ᓱᒃᑲᒃᑎᒋᐊᕐᓗᒍ ᐊᑐᕐᓂᑯᓂ ᐃᓕᖕᓂᒃᓗ ᑎᑭᐅᑎᓗᑎᑦ ᖁᕕᐊᓱᒃᕕᒋᔭᕐᓂ ᓇᓃᒻᒪᖔᖅᐱᑦ," ᑲᔪᓯᓗᓂ. 

ᓄᓇᖃᖅᑳᖅᓯᒪᔪᑦ ᐃᓄᐃᑦ ᐃᓱᒪᑎᓪᓗᒋᑦ ᑕᕐᕆᔭᐅᓯᐅᕐᓂᕐᒥᒃ, ᔨᐊᓐᑭᓐᔅ ᑎᓕᐅᕆᕗᖅ ᐃᓚᐅᖁᓪᓗᓂᒋᑦ. ᓴᓇᕝᕕᐅᔪᖅ ᕿᓂᖅᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᐊᔪᙱᓐᓂᖏᓐᓂᒃ ᐊᒻᒪ ᐊᒥᒐᖅᓯᑎᓪᓗᒋᑦ, ᐱᕕᒃᓴᖅᑕᖃᐅᑦᑎᐊᖅᐳᖅ ᐊᔾᔨᒌᙱᑦᑐᓂᒃ ᐱᓕᕆᐊᒃᓴᓂᒃ, ᐱᓕᕆᐊᖑᖃᑦᑕᖅᓯᒪᔪᓂᒃ ᑮᓇᐅᔭᓕᐅᕋᓱᐊᕐᕕᖕᓄᑦ. ᑕᒪᒃᑯᐊ ᐱᕕᒃᓴᓕᒫᑦ ᑕᑯᑎᑦᑎᕗᑦ ᐊᔪᙱᓐᓂᖃᕐᓂᕐᒥᒃ ᐃᖅᑲᓇᐃᔭᕐᓂᕐᒥᒃ ᐃᓚᒋᔭᐅᓗᓂ ᐱᓕᕆᖃᑎᒌᓂ, ᓴᖅᑭᑎᑦᑎᓗᑎᑦ ᐱᕕᒃᓴᒃᑲᓐᓂᕐᓂᒃ ᐊᔪᙱᓐᓂᖃᕐᓂᕐᒥᒡᓗ ᑕᑯᒃᓴᐅᑎᑦᑎᓂᕐᒥᒃ ᐃᓄᖕᓂᒃ ᖃᓄᐃᓕᐅᕈᓐᓇᕐᓂᕐᓂᒃ. 

ᑕᕐᕆᔭᓕᐅᕐᓂᖅ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐱᔭᕆᐊᑐᒐᓚᓚᐅᖅᑐᖅ ᔨᐊᓐᑭᓐᔅᒧᑦ ᓴᐱᓕᖅᑑᔮᓕᓚᐅᕐᒪᑦ ᓯᓐᓇᑦᑑᒪᒥᓂᒃ. ᐱᓕᕆᒃᑲᓐᓂᕈᒪᓕᓚᐅᖅᑐᖅ ᖁᕕᐊᒋᓂᖅᓴᐅᔪᒪᓪᓗᓂᐅᒃ ᐃᖅᑲᓇᐃᔮᖅᑖᕈᓐᓇᕐᓂᐊᕐᒪᑦ ᑲᔪᓯᑎᓐᓂᐊᖅᑕᒥᓂᒃ. ᑕᒪᓐᓇ ᓴᓇᕕᒃ ᐋᖅᑭᒃᓯᒪᓂᖓᒍᑦ, ᐱᕕᒃᓴᖅᑕᖃᐅᖅᑐᒻᒪᕆᐅᕗᖅ ᐃᓚᐅᓂᐊᕐᓗᓂ ᐃᖅᑲᓇᐃᔭᖅᑎᑕᐅᓚᐅᑲᑐᐃᓐᓇᖅᐸᒃᑐᓂᒃ ᓂᕆᑎᑦᑎᔪᒪᓂᕐᒧᓪᓗ ᓴᓇᙳᐊᖅᑎᐅᑉ ᑕᕐᓂᖓᓂᒃ, ᓇᓂᓯᓯᒪᕗᖅ ᐱᔪᒃᓯᑦᑎᐊᖅᑐᓂᒃ ᐱᓕᕆᐊᒃᓴᓂᒃ ᐃᓚᐅᓂᐊᕐᓗᓂ. Podcasting-ᖑᓕᓚᐅᖅᑐᖅ ᖁᕕᐊᒋᔭᖓ ᐊᒻᒪᓗ ᓇᓂᓯᓚᐅᖅᑐᖅ ᐊᔪᕈᖕᓃᖅᓴᐃᓂᕐᒥᒃ ᐊᒻᒪᓗ ᐃᓱᒪᑐᔫᓪᓗᓂ ᑭᖑᓪᓕᖅᐹᒥ. "ᐃᓕᖕᓂᒃ ᐃᓚᒋᔭᐅᔭᕆᐊᖃᙱᑦᑐᑎᑦ. ᐊᒥᓱᐃᖅᓱᕈᓐᓇᖅᑐᑎᑦ ᐃᓕᖕᓂᒃ, ᑖᒃᑯᐊᓗ ᑎᑎᕋᖅᓯᒪᔪᑦ ᐱᕈᖅᐸᓪᓕᐊᑎᑐᐃᓐᓇᕐᓗᒋᑦ ᐊᔾᔨᒌᖏᑦᑐᒃᑯᑦ ᐊᑐᕐᑎᓪᓗᒋᑦ," ᐅᖃᖅᑐᖅ.  

"ᐃᓕᖕᓂᒃ ᐃᓚᒋᔭᐅᔭᕆᐊᖃᙱᑦᑐᑎᑦ. ᐊᒥᓱᐃᖅᓱᕈᓐᓇᖅᑐᑎᑦ ᐃᓕᖕᓂᒃ, ᑖᒃᑯᐊᓗ ᑎᑎᕋᖅᓯᒪᔪᑦ ᐱᕈᖅᐸᓪᓕᐊᑎᓪᓗᒋᑦ ᐊᔾᔨᒌᖏᑦᑐᒃᑯᑦ ᐊᑐᕐᓂᒃᑯᑦ"

ᒪᒃᑯᖕᓂᖅᓴᖅ ᐃᒻᒥᓂᒃ ᐅᖃᐅᔾᔨᔪᓐᓇᕈᓂ ᓈᓚᖕᓂᖅᓴᐅᓕᕋᔭᕐᒪᑦ ᐊᓈᓇᒥᓂᒃ ᐊᒻᒪᓗ ᐃᒻᒥᓂᒃ ᖃᐅᔨᒪᔪᓐᓃᕐᓗᓂ ᑲᑉᐱᐊᓱᖕᓂᕐᒥᓂᒃ. ᐃᒻᒥᓂᒃ ᐅᖃᐅᑎᒐᔭᖅᑐᖅ, "ᑭᓇᑐᐃᓐᓇᖅ ᐃᓱᒪᙱᑦᑐᖅ ᑕᐃᒪᓐᓇᓴᐃᓐᓇᖅ ᐃᓱᒪᒋᓚᐅᖅᑕᕐᓂᒃ. ᑭᓇᑐᐃᓐᓇᖅ ᑕᓗᕈᒃᑯᑎᔪᖅ ᐃᓕᓐᓂᒃ ᐅᐱᓐᓇᕋᓂ ᐱᔭᒃᓴᖃᖅᑐᒻᒪᕆᐅᒻᒪᑕ ᐃᓱᒪᓪᓗᑎᒃ ᖃᓄᖅ ᐃᓄᐃᑦ ᖃᐅᔨᓴᕐᒪᖔᑕ. ᐃᕝᕕᑐᐊᖅ. ᐱᓇᔪᒃᐸᒡᓗᑎᑦ ᑲᔪᓯᕙᓪᓕᐊᔪᒪᓂᕐᒧᑦ ᐱᕕᒃᓴᖃᕐᓂᖅᓴᐅᓗᑎᓪᓗ ᐊᔪᕈᓐᓃᕈᕕᑦ."

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, ᔨᐊᓐᑭᓐᔅ ᐃᖕᒥᓂᒃ ᖁᒻᒧᒃᓗᓂ ᐃᓱᒪᑐᓂᒃᑯᑦ. ᐊᓕᐊᓇᐃᒍᓱᒃᑭᕗᖅᑕᐅᖅ ᐅᓪᓚᒋᐊᒃᓴᖅ ᓇᑲᑕᐅᔭᕆᐊᒃᓴᖅ. ᓴᖅᑭᑦᑎᖏᓐᓇᐅᔭᕐᓂᖓᓄᑦ ᐱᓕᕆᔨᒻᒪᕆᐅᓂᒃᑯᑦ ᓇᖕᒥᓂᕐᓗ, ᖃᐅᔨᓪᓗᓂ ᐃᕐᖐᓐᓈᕈᑎᒥᒃ ᐃᓯᕌᖓᑦ, ᑐᐊᕕᕐᖢᓂ ᑎᑭᐅᑎᓇᓱᒃᓗᓂ. ᐅᓪᓚᒃᑎᓪᓗᒍ, ᐱᖏᒐᖃᑦᑕᙱᑦᑐᖅ ᖃᓄᑐᐃᓐᓇᖅ ᑕᒪᑐᒥᖓ ᑕᐅᑐᓪᓗᐊᑕᕈᓐᓇᕐᖢᓂᓗ ᑎᒥᖓ ᐊᐅᓚᑎᓪᓗᒍ ᑐᓂᓗᒍᓗ ᐊᑐᕐᓂᑯᖏᓐᓄᑦ. ᐃᓱᒪᒥᓂᒃ ᐅᐃᒻᒪᒃᑎᑦᑎᖃᑦᑕᖅᑐᖅ ᐃᓛᓐᓂᒃᑯᑦ ᐅᓪᓚᒃᑎᓪᓗᒍ ᐃᓱᒪᒥᒍᓪᓗ ᐊᓂᕝᕕᒃ ᐃᑲᔪᕐᔪᐊᓲᖅ. ᐃᖃᐃᓕᓴᕋᒥ ᐅᑎᕈᓂ, ᐱᔪᒃᓯᑦᑎᐊᖃᑦᑕᖅᑐᖅ ᐃᓗᓕᖏᓐᓄᑦ. 

ᑲᔪᖏᖅᓴᐃᔭᕆᐊᖃᓕᕌᖓᑦ, ᔨᐊᓐᑭᓐᔅ ᑕᐅᑐᓲᖅ ᐊᐃᑉᐸᕇᒍᓯᖏᓐᓂᒃ. podcasting-ᖑᓕᕌᖓᑦ, ᖃᐅᔨᒪᒐᔪᖕᒪᑦ ᓇᑭᑦ ᐱᒋᐊᕈᒪᖕᒪᖔᕐᒥᓂᒃ ᖃᓄᐃᓕᐅᕐᓂᕐᒥᒃ ᐊᒻᒪᓗ ᐱᕙᓪᓕᐊᑎᖦᖢᓂᒋᑦ ᑕᐃᑲᙵᑦ, ᐅᒃᐱᕈᓱᖕᓂᖃᕐᖢᓂ ᐱᕙᓪᓕᐊᓂᖓᓂᒃ ᓴᖅᑭᑦᑎᓂᐊᕐᓗᓂ ᐊᔾᔨᐅᙱᑦᑐᒥᒃ. "ᐃᓱᒪᒋᔭᕋ ᓴᓇᑐᓂᖅ ᐊᒻᒪ ᓴᓇᙳᐊᖅᑏᑦ ᐃᑲᔫᑎᖃᖅᑐᒻᒪᕆᐅᒻᒪᑕ ᓂᐱᖃᙱᑲᐃᓐᓇᖅᑎᓪᓗᒋᑦ ᐊᒻᒪ ᑕᐃᒃᑯᐊ ᓇᒻᒥᓂᖅ ᐃᒃᓯᕚᕈᓐᓇᖃᑦᑕᖅᑐᑦ ᓂᐊᖁᕐᒥᓂᒃ ᐊᒻᒪ ᑕᑯᓐᓇᒐᖃᕐᕕᒻᒨᕈᓐᓇᖅᑐᑎᒃ ᖃᕋᑕᒃᑯᑦ ᓂᐸᐃᑐᐃᓐᓇᖅᑐᑎᒃ ᓯᓚᕐᔪᐊᕐᒥᑦ," ᑐᓂᓯᕙᑦᑐᖅ.  

ᐱᙳᐊᖅᑎᐅᔪᒪᑎᓪᓗᒍ ᐊᑕᐅᓯᐊᕐᖢᓂ, ᒪᐃᑯ ᔨᐊᓐᑭᓐᔅ ᐱᔪᓐᓇᑦᑎᐊᓚᐅᖅᑐᖅ ᒥᑦᑐᓐᓇᕐᖢᓂ ᓄᑖᒥᒃ ᐃᖅᑲᓇᐃᔮᒥᒃ ᐱᑎᖦᖢᓂᐅᒃ ᑐᙵᑦᑎᐊᕐᖢᓂ ᐱᔭᕆᐊᖃᖅᑕᖓ ᐱᓇᓱᒃᓗᒍ ᓴᓇᑐᓂᒃᑯᑦ ᖁᕕᐊᒋᑦᑎᐊᖅᑕᖓ. ᒪᑐᓯᓚᐅᓐᖏᓚᖅ ᑕᓗᓂᒃ ᓯᓐᓇᑦᑑᒪᒋᔭᒥᑎᒍᑦ, ᓇᒻᒥᓂᖅ ᑎᑎᕋᕈᒪᓕᓚᐅᕐᒪᑦ ᐊᒻᒪ ᓴᓇᓐᖑᐊᖅᑎᖓᑕ ᐆᒻᒪᑎᖓ ᐊᔾᔨᒋᓐᖏᑕᖓᓂᒃ ᑎᑎᕋᖅᑐᓂ. podcasting-ᑯᑦ ᐊᒻᒪ ᐃᖅᑲᓇᐃᔮᖃᖅᖢᓂ ᑐᓴᐅᒪᔪᓕᕆᔨᒃᑯᓐᓂ, ᐱᓕᕆᖃᑎᖃᖅᐳᖅ ᖃᓄᐃᑦᑑᓂᕆᖃᑦᑕᖅᑕᒥᓂᒃ ᖁᕕᐊᒋᔭᒥᓂᒃ ᐊᒻᒪ ᐊᔪᙱᓐᓂᕐᒥᓂᒃ ᐊᑐᖅᖢᓂ ᐱᓕᕆᖃᑎᒌᒃᐸᓪᓕᐊᑎᑦᑎᓪᓗᓂ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.