ᖃᓄᐃᙱᑦᑎᐊᖏᓐᓇᕐᓂᖅ Viral World-ᒥ: ᒥᓯᐅᓪ ᑯᑉ-ᒥᒃ ᓄᓇᖃᖅᑳᖅᓯᒪᔪᓐᓇᓱᒋᓐᓈᔪᖅ Tiktok-ᒥ

ᐊᒥᓱᑦ ᐃᓄᐃᑦ ᖃᐅᔨᒪᕗᑦ ᒥᓯᐊᓪ ᑯᑉ ᑎᑭᒃᑐᕐᒥᐅᖅ, ᑭᓯᐊᓂ ᐅᐃᓂᐸᒡᒥᐅᑕᖅ. ᖁᕕᐊᓲᑎᒋᔭᐅᔪᖅ ᓄᓇᖃᖅᑳᖅᓯᒪᔪᑦ ᑎᒃᔅᑕᒃ, Chubb ᐅᐃᓂᐹᒡᒥ ᐸᓂᐸᓂᐱ ᑯᕇ Nation (Oxford House), ᐅᖓᓯᒋᔭᐅᓪᓗᓂ ᓄᓇᓕᒃ ᐃᑲᕐᕋᓄᑦ ᖁᓕᓄᑦ ᐅᐃᓂᐲᒡᒥ.

Chub's ᐊᓈᓇᖓ Cross Lake-ᒥᐅᑕᖅ ᑭᓯᐊᓂ ᐱᕈᖅᓴᓚᐅᖅᑐᖅ ᐅᐃᓂᐹᒡᒥ, ᓴᐃᓐᑦ ᓄᐊᐳᑦᒥ, ᓂᒋᖅᐸᓯᐊᓂ. ᖃᐅᔨᓚᐅᖅᑐᖅ ᓅᑉᐸᓪᓕᐊᓂᖅ ᕆᔾ ᐃᓅᓯᖓᓂ ᓄᓇᓕᐸᐅᔭᐅᑉ ᐃᓅᓯᖓᓄᑦ ᐊᒃᓱᕈᕐᓇᖅᑐᒧᑦ, ᐅᔾᔨᕈᓱᒃᖢᓂ ᖃᓄᖅ ᐃᓄᐃᑦ ᑕᐅᑐᖕᒪᖔᑕ ᐊᔾᔨᒋᙱᑕᖓᓂᒃ ᓲᖃᐃᒻᒪ ᐊᔾᔨᒋᙱᑕᖓᓂᒃ ᑕᐅᑐᖕᒪᑦ. ᐊᓂᒍᐃᓚᐅᖅᑎᓪᓗᒍ ᐃᓅᓯᓕᒫᕐᓗ ᐃᓄᑑᓪᓗᓂ, ᒥᓯᐅᓪ ᖃᐅᔨᓪᓗᓂ ᐃᓅᖃᑎᒥᓂᒃ. ᕿᓂᓚᐅᖅᑐᖅ ᓄᓇᓕᖕᓂ ᑭᓯᐊᓂ ᐊᓯᐅᓪᓗᓂ ᐊᖅᑯᑎᒃᑯᑦ.

ᕿᓂᕋᓱᑐᐃᓐᓇᕋᑖᖅᐳᖓ ᖃᓄᐃᓐᓂᕐᓂᒃ ᐊᒻᒪ ᖃᓄᐃᓕᐅᕆᐊᖃᕐᒪᖔᕐᒪ. ᐋᖓᔮᖕᓇᖅᑐᓄᑦ ᐃᒥᐊᓗᓐᓄᓪᓗ ᑲᑕᓚᐅᖅᑐᖓ. ᑕᒻᒪᖅᑐᖓ ᑲᑕᓚᐅᕋᒪ. ᐅᕙᓐᓂᒃ ᐊᓯᐅᔨᓚᐅᖅᑐᖓ ᐊᒻᒪᓗ ᖃᐅᔨᒃᑲᓐᓂᓕᓚᐅᖅᑐᖓ ᑲᑎᒃᑲᓐᓂᖅᖢᖓ ᐃᓕᖅᑯᓯᑦᑎᓐᓄᑦ ᐊᒻᒪᓗ ᐊᕐᕌᒍᒧ ᐋᖓᔮᕐᓇᖅᑑᓪᓗᖓ ᐃᒥᐊᓗᖕᒧᑦ ᐋᖓᔮᕐᓇᖅᑐᓄᓪᓗ.

ᓱᓐᓂᐅᒪᓕᕋᒥ, Chubb−ᒥᒃ ᐃᓕᑦᑎᓚᐅᖅᐳᖅ, "ᓇᖕᒥᓂᖅ ᖃᐅᔨᓇᓱᒋᐊᖃᖅᑐᑎᑦ ᓇᖕᒥᓂᖅ, ᖃᓄᐃᓕᐅᕈᒪᖕᒪᖔᖅᐱᑦ ᐃᓅᓯᕐᓂ, ᐃᓅᓯᕆᒐᕕᐅᒃ ᐅᓂᒃᑳᕆᒐᕕᐅᒃ." ᐅᓂᒃᑳᖅᑐᖅ ᑎᒃᑎᒃ-ᒥᑦ ᓈᓚᒋᐊᖅᑐᖅᓯᒪᔪᓄᑦ, ᑭᓯᐊᓂ ᑐᙵᕕᒋᒐᔪᙱᑕᖓ.

ᑕᐅᑐᓚᐅᖅᑐᖅ ᑎᒃᑐᒃ ᑕᕐᕆᔮᒃᓴᓂᒃ Youtube−ᒥ ᐱᖃᓐᓈᖏᓪᓗ ᖃᐅᔨᓪᓗᓂᔾᔪᒃᓗ ᖁᕕᐊᓱᒃᑎᑦᑎᓂᕐᓂ. ᑭᖑᓂᐊᒍᑦ, ᓄᑖᒥᒃ ᐆᒃᑐᕈᒪᓕᓚᐅᖅᑐᖅ. ᓯᓚᑦᑐᓴᕐᕕᕐᔪᐊᕐᒨᕋᓱᐊᓚᐅᖅᑎᓪᓗᒍ U-ᒥ ᓴᓇᔨᒻᒪᕆᓐᓄᑦ ᐊᔪᓚᐅᕐᒪᑦ, ᐊᓯᔾᔩᔪᒪᑦᑎᐊᓚᐅᖅᑐᖅ.  

ᑕᖅᑮᑦ ᐊᒥᓲᖏᑦᑐᑦ ᐊᓂᒍᖅᑎᓪᓗᒋᑦ ᑎᒃᑐᒃ ᐱᒋᐊᓚᐅᖅᑎᓪᓗᒍ, ᑲᔪᓯᑦᑎᐊᓚᐅᖅᑐᖅ. ᖃᐅᑕᒫᑦ ᒪᓕᒃᐸᓪᓕᐊᖃᑦᑕᖅᐸᓪᓕᐊᑐᐃᓐᓇᓕᓚᐅᖅᑐᖅ. ᐃᓄᐃᑦ ᒫᓐᓇ ᒪᓕᖃᑦᑕᓕᓚᐅᖅᑕᖏᑦ, ᑭᓯᐊᓂ ᐃᓱᒪᓚᐅᖅᑐᖅ ᑭᓇᒥᒃ ᒪᓕᓚᐅᕐᒪᖔᑦ ᒪᒃᑯᖕᓂᖅᓴᐅᓪᓗᓂ ᓇᖕᒥᓂᖅ ᕿᓂᕋᓱᒃᓗᓂ.

Chubb-ᑯᑦ ᖃᐅᔨᑎᑕᐅᓚᐅᖅᐳᑦ ᖁᕕᐊᓲᑎᖃᖅᑎᓪᓗᒋᑦ ᐊᒻᒪ ᐊᑭᓯᕐᓂᒃ ᐊᓈᓇᑦᑎᐊᒃᑯᖏᓐᓂᒃ. ᐊᑖᑕᑦᓯᐊᖓ ᐃᓅᔪᓐᓃᓚᐅᕐᒪᑦ ᐊᓈᓇᖓᓗ ᐃᓕᖅᑯᓯᕐᒥᓂᒃ ᑲᑐᔾᔨᓪᓗᓂ. ᐱᔭᕇᖅᓯᔪᒪᓪᓗᓂ ᓴᓐᑎᓐᔅ ᐊᕐᕌᒍᖏᓐᓂᒃ, Chubb's ᐊᓈᓇᖓ ᓇᒃᓴᓚᐅᖅᑕᖓ. ᖃᑕᙳᑎᖏᑦ ᐊᒃᑐᐊᓂᖃᖅᑎᖦᖢᓂᒋᑦ ᐃᓕᖅᑯᓯᒧᑦ ᐃᑲᔪᕐᖢᓂᓗ ᑎᑭᑉᐸᓪᓕᐊᓕᖅᑎᓪᓗᒍ ᑎᒃᑐᒧᑦ ᐊᒻᒪ ᕿᓂᕐᖢᓂ ᖃᐅᑕᒫᑦ ᐃᓅᓯᖓᓂ, ᑕᒻᒪᕐᖢᓂ ᑭᓯᐊᓂ ᐅᑎᒧᑦ ᓇᓂᓯᓪᓗᓂ.

ᐊᕐᕌᒍᒥᒃ ᐃᓚᑰᓂᖃᓚᐅᖅᑐᖅ ᓯᓚᑦᑐᖅᓴᕐᕕᒡᔪᐊᕐᒥᑦ ᐆᒃᑐᓚᐅᖅᑎᓪᓗᒍ, ᒃᕌᔅ ᑕᓯᕐᒧᑦ ᓅᖦᖢᓂ ᐊᓈᓇᑦᑎᐊᒥᓂᒃ ᐱᖃᑎᖃᖅᖢᓂ. ᒪᒥᐊᓇᖅᑑᒐᓗᐊᖅ, ᑕᒻᒪᖅᖢᓂ ᑲᑕᓚᐅᕐᒪᑦ ᖃᐅᔨᓪᓗᓂᓗ ᐃᓅᓯᖓ ᑎᕝᕗᐊᓕᕐᓂᖓᓂᒃ. ᐃᓛᓐᓂᒃᑯᑦ ᐊᒃᓱᕈᖃᑦᑕᖅᑎᓪᓗᒍ ᓇᓂᓯᓇᓱᒃᖢᓂ ᐱᐅᔪᒥᒃ ᐊᒃᑐᐊᓂᖃᕐᓂᕐᒥᒃ "ᓄᓇᕐᔪᐊᒧᑦ", ᓴᓇᙳᐊᕐᖢᓂ ᐃᖕᒥᓂᒃ ᐊᒥᖅᑳᕈᑎᒋᔪᓐᓇᖅᑕᖓᓂᒃ ᐃᓕᖅᑯᓯᖓᑕ ᖃᕋᓴᐅᔭᒃᑯᑦ.

ᐊᒃᓱᕈᖃᑦᑕᓚᐅᕐᒪᑦ ᑎᒃᑐᒃᑯᑦ ᐊᒻᒪᓗ ᐊᓂᓪᓗᓂ ᑎᒃᑐᒧᑦ, ᐊᒻᒪᓗ ᖁᕕᐊᑦᑐᓂ ᑕᐃᒪᐃᓚᐅᕐᒪᑦ. ᑕᐅᑐᒐᖃᓚᐅᖅᑐᖅ ᖃᕆᑕᐅᔭᒃᑯᑦ ᓴᖅᑭᔮᕐᓂᖓᓄᑦ ᐅᑎᕐᑎᑕᐅᑐᐃᓐᓇᕐᖢᓂ.

ᐃᑲᔪᕈᒪᖅᑲᐅᒐᒪ ᓄᑲᖅᑎᖁᑎᓐᓂᒃ, ᑕᒪᓐᓇ ᑐᑭᖃᖅᐸᑦ. ᐊᓯᓐᓂᒃ ᐃᑲᔪᕈᒪᓚᐅᕋᒪ ᓲᖃᐃᒻᒪ ᒪᒃᑯᒃᑎᓪᓗᖓ ᐊᑲᐅᙱᓕᐅᕈᑎᖃᖃᑦᑕᓚᐅᕋᒪ. ᑕᐃᑲᓃᒍᒪᒻᒥᒐᒪ ᑕᐃᒃᑯᓄᖓ ᐅᕕᒃᑲᕐᓄᑦ ᐊᑲᐅᙱᓕᐅᕈᑎᖃᖅᑐᓄᑦ ᐊᒻᒪᓗ ᔭᒐᐅᖅᑲᔪᓄᑦ.

ᑎᑎᕋᖃᑦᑕᖅᑐᖅ ᑐᓴᖅᑎᑦᑎᓪᓗᓂ ᓈᓚᒋᐊᖅᑐᖅᓯᒪᔪᓄᑦ, ᑭᓯᐊᓂ ᑐᓴᖅᑎᑦᑎᔪᖅ ᐃᓕᓐᓂᐊᖅᑎᓄᑦ ᐊᐅᓪᓚᖅᑐᓄᑦ ᓄᓇᓕᖕᒧᑦ ᐃᓄᑑᓗᐊᖅᑰᔨᖃᑦᑕᔾᔮᙱᒻᒪᑕ ᐊᒃᓱᕈᓗᐊᖅᑰᔨᙱᖦᖢᑎᒃᓗ ᐃᓕᖅᑯᓯᒃᑯᑦ ᖁᒃᓴᓪᓚᖕᓇᖅᑐᒧᑦ ᓄᓇᓕᐸᐅᔭᕐᒧᐊᕆᐊᒃᓴᖅ:

ᐱᖃᓐᓇᕆᔭᑐᖃᒃᑲ ᓱᖏᐅᑎᔪᓐᓇᖃᑦᑕᓚᐅᙱᑦᑐᑦ ᓄᓇᓕᐸᐅᔭᐅᑉ ᐃᓅᓯᖓᓄᑦ. ᐃᓄᑑᓗᐊᒧᑦ ᐊᑲᐅᙱᓕᐅᕈᑎᖃᓚᐅᖅᑐᑦ. ᑕᒪᓐᓇ ᑲᔪᓯᑎᑐᐃᓐᓇᕐᓗᒍ. ᑭᓱᓕᒫᑦ ᐊᔾᔨᒌᖏᓐᓇᔾᔮᙱᑦᑐᑦ. ᑖᒃᑯᐊ ᐊᔾᔨᒌᓐᖏᓐᓂᖏᑦ ᐊᑐᑐᐃᓐᓇᕐᓗᒋᑦ, ᐊᔅᓱᕈᓐᓇᑐᒃᑰᖏᓐᓇᕐᓗᑎᑦ ᐊᒻᒪᓗ ᑕᐅᕗᙵᕐᓂᐊᖅᑯᑎᑦ.

ᓄᓇᓕᐸᐅᔭᐅᑉ ᐃᓅᓯᖓ ᓴᖅᑭᑎᑦᑎᓯᒪᕗᖅ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ Chubb−ᒥᒃ ᐊᓂᒍᖅᑎᑦᑕᕆᐊᖃᓚᐅᖅᑕᖓᓂᒃ. "ᐊᒃᓱᕈᕐᓇᖅᑐᒥᒃ ᐅᕕᓂᖃᑎᒋᙱᑕᓐᓂᒃ ᐊᑐᓚᐅᖅᑐᖓ, ᓇᓗᓇᙱᑦᑐᖅ. ᓄᓇᓕᐸᐅᔭᐅᑉ ᐃᓅᓯᖓᓂ, ᑕᑯᔪᓐᓇᖅᑕᑦ, ᑭᓯᐊᓂ ᖃᓄᐃᓕᐅᕐᕕᒋᔪᒪᙱᑕᑦ ᓲᖃᐃᒻᒪ ᑲᑉᐱᐊᓱᒃᑲᕕᑦ ᐃᓕᖕᓄᑦ. ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᖅ ᐱᔾᔪᑕᐅᕐᔪᐊᖅᐳᖅ, ᐱᓗᐊᖅᑐᒥ ᐃᓅᓯᖅ ᐊᑐᖅᑕᐅᑎᓪᓗᒍ, ᐊᒻᒪ ᖀᖅᓱᓗᐊᙱᓪᓗᓂ ᐅᕝᕙᓘᓐᓃᑦ ᐱᕈᖅᓴᓗᐊᙱᓪᓗᓂ Rez−ᒥ, ᐊᔾᔨᒋᙱᑕᖓᓂᒃ ᑕᐅᑐᒃᐳᑎᑦ."

ᐅᕕᓂᖃᑎᒋᙱᑕᒥᒃ ᐊᑭᕋᖅᑐᕐᓂᖅ ᐊᒻᒪ ᐋᓐᓂᖅᓯᕆᖃᑦᑕᕐᓂᖅ, Chubb−ᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᓯᒪᕗᑦ ᓄᓇᕐᔪᐊᕐᒥ. ᐊᑲᐅᙱᓕᐅᕈᑎᖃᖅᐸᒃᑭᕗᖅ ᑎᒃᑐᕐᒧᑦ. ᐅᖃᐅᓯᖃᖅᑐᖅ ᑕᒪᒃᑯᓂᖓ, ᐅᖃᖅᑐᓂ, "ᐅᖃᐅᓯᐅᕈᓘᔭᖃᑦᑕᕐᓂᐊᖅᑐᖅ, ᐊᐱᖅᑯᑎᑐᐃᓐᓇᐅᔪᑦ ᐅᕝᕙᓘᓐᓃᑦ ᐊᑭᕋᖅᑐᕐᓂᖅ ᐊᒻᒪᓗ ᐃᑉᐱᒍᓱᖏᓐᓂᐅᔪᖅ, ᑭᓯᐊᓂᓕ ᓱᖁᑎᒋᔪᒪᓐᖏᑐᐃᓐᓇᖅᑕᕋ ᐅᐱᓐᓇᕋᓂ ᑭᒃᑯᓕᒫᑦ ᒪᑐᐃᖓᔪᐃᓐᓇᐅᖏᒻᒪᑕ, ᑭᒃᑯᓕᒫᑦ ᐊᖏᕈᒪᖏᒻᒪᑕ ᐅᖃᐅᓯᕆᔭᕐᓂᒃ. ᐃᔩᒃᑭᒃ ᑎᒍᑐᐃᓐᓇᕈᓐᓇᖅᑕᑎᑦ ᐊᖑᔪᓐᓇᖅᑕᕐᓂᑦ."

ᑭᖑᒧᑦ ᑕᑯᓪᓗᓂ, ᐅᖃᕈᓐᓇᖁᔨᔪᖅ ᒪᒃᑯᖕᓂᖅᓴᓄᑦ ᐃᖕᒥᓂᒃ ᐱᓪᓚᑦᑖᕌᓗᒃᑕᐃᓕᓗᓂ, ᐃᓱᒪᓗᐊᙱᓪᓗᓂ ᐱᑎᑦᑕᐃᓕᓗᒍᓗ ᑭᒃᑯᓕᒫᑦ ᐃᓕᒃᑐᑦ ᐱᔾᔮᙱᒻᒪᑕ. ᐊᑯᓂᐊᓘᖅᑐᖅ, ᑭᓯᐊᓂ ᑭᓇᑐᐃᓐᓇᖅᑎᑐᑦ, ᐱᓕᕆᐊᖃᕆᐊᖃᖅᑐᖅ ᐃᓱᒪᖓ ᖃᐅᔨᓴᖅᑕᐅᖏᓐᓇᖁᓪᓗᒍ ᐊᑦᓱᕈᓐᓇᑎᓪᓗᒍ.

ᐱᔭᒃᓴᖃᐃᓐᓇᖃᑦᑕᖅᑐᖓ. ᐃᓱᒪᐃᑦ ᐱᔭᒃᓴᖃᖅᑎᑦᑕᕆᐊᖃᖅᑕᐃᑦ. ᐃᓱᒪᑐᐃᓐᓇᕈᓐᓇᙱᑦᑐᑎᑦ ᐱᐅᙱᑦᑐᓂᒃ ᐃᓱᒪᒥᐅᑕᓂᒃ. ᑕᒪᓐᓇ ᐊᑐᕈᓐᓃᕆᐊᖃᕋᕕᐅᒃ ᐆᒻᒪᖅᑯᑎᐅᔪᖅ. ᐅᑎᖅᓯᒪᓕᕋᒪ ᐱᓕᕆᒃᑲᓂᕐᓗᖓ.

ᐱᔪᒃᓯᑎᑕᐅᑦᑎᐊᖅᑎᓪᓗᒍ ᑭᖑᓂᑦᑎᓐᓂᑦ ᐊᒻᒪ ᐃᓕᖅᑯᓯᕆᔭᐅᔪᒥᑦ ᓄᓇᖓᓂ, ᒥᓯᐅᓪ ᑯᑉ ᑕᐅᑐᓪᓗᐊᑕᖅᐳᖅ ᐱᕈᖅᓴᐃᓂᕐᒥᑦ ᓯᕗᒻᒧᑦ ᑕᐅᑐᖕᓂᐅᔪᒥᑦ. ᐅᖃᖅᖢᓂ, "ᑕᑯᔪᒪᕗᖓ ᐱᐅᓂᖅᓴᒥᒃ ᓯᕗᓂᒃᓴᒥᒃ ᓄᓇᖃᖅᑳᖅᑐᓄᑦ ᓄᓇᖅᑲᑎᓄᓪᓗ ᐅᕙᓐᓄᓪᓗ ᐱᐅᓂᖅᓴᒥᒡᓗ ᓯᕗᓂᒃᓴᒥᒃ."

ᖃᕆᑕᐅᔭᒃᑯᑦ ᓄᓇᕐᔪᐊᖅ ᐃᓛᓐᓂᒃᑯᑦ ᐃᑉᐱᓐᓂᐊᓂᖃᕈᓐᓇᖅᑐᖅ ᓴᓇᔭᐅᓯᒪᔪᓂᑦ ᐊᒻᒪᓗ ᓂᑲᒍᓱᓐᓂᕐᒥᑦ, ᐅᖃᐅᓯᕆᓚᐅᖅᑕᖓ ᐱᒻᒪᕆᐅᑎᑦᓯᔪᖅ ᓱᓕᓂᕐᒥᑦ, ᐅᖃᐅᓯᖃᕐᓂᕐᒥᑦ"ᐅᖃᕈᒪᔪᖓ ᑭᒃᑯᑐᐃᓐᓇᐃᑦ ᓱᓕᖏᓐᓇᖁᓪᓗᒋᑦ ᓇᒻᒥᓂᖅ."

ᒥᓯᐊᓪ ᑦᓵᑉ ᑲᔪᖏᖅᓴᐃᔪᖅ ᒪᒃᑯᑦᑐᒥᑦ ᐊᕐᓇᒥᑦ ᑐᕌᒐᖃᕐᓂᕐᒥᑦ ᐃᒻᒥᓂᒃ, ᓱᓐᓂᐅᒪᐃᓐᓇᓂᕐᒥᑦ ᐊᒻᒪ ᐊᑦᑐᐊᓂᖃᕐᓂᕐᒥᑦ ᐃᓕᖅᑯᓯᕐᒧᑦ, ᐃᓚᒋᔭᐅᑦᓱᓂᓗ ᖃᓄᐃᖏᑦᓯᐊᕐᓂᕐᒧᑦ ᓄᓇᓕᓐᓂᑦ ᓄᓇᕐᔪᐊᕐᒥ. ᑲᔪᓯᑦᑎᐊᕐᓂᖓ ᒪᓕᒃᑎᐅᒐᓗᐊᖅᑎᓪᓗᒍ, ᑕᑯᒃᓴᐅᑦᑎᐊᕐᒪᑦ ᓄᓇᓕᖓᑕ ᓴᙱᓂᖓᓂᒃ ᐊᒻᒪ ᐅᒃᐱᕈᓱᖕᓂᖓᓂᒃ ᑐᓴᖅᑎᑦᑎᔪᓐᓇᕐᓂᕐᒥᓂᒃ ᑭᓇᐅᓂᕐᒥᓂᒃ ᓄᓇᕐᔪᐊᕐᒥᐅᓂᒃ ᑐᑭᓯᐊᐃᓐᓇᖃᑦᑕᙱᖦᖢᒍ. ᓲᕐᓗ ᐃᓗᓕᖏᑦ ᓴᖅᑭᖃᑦᑕᖅᑕᖏᑦ, ᒥᓯᐅᓪ ᑯᑉ ᐃᖏᕐᕋᓂᕆᔭᖓ ᐅᓂᒃᑳᑦᑎᐊᕙᐅᕗᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.