ᐃᓂᒃᓴᒥᒃ ᕿᓂᕐᓂᖅ ᓇᓂᓯᓂᕐᓗ: ᒥᑦᔅ ᕼᐋᓪᒻᔅ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᖅ 

ᐊᕙᑎᓕᕆᓂᕐᒧᑦ ᐃᓕᓐᓂᐊᕐᓂᖅ ᒥᑦᔅ ᕼᐋᓪᒻᔅ ᐃᓕᓐᓂᐊᕆᐊᓚᐅᖅᑐᖅ ᐃᓕᓐᓂᐊᖅᖢᓂ ᓄᓇᒥᒃ ᐃᓕᑦᑎᓪᓗᓂᓗ ᖃᓄᐃᒻᒪᑦ ᐱᒻᒪᕆᐅᖕᒪᖔᑦ ᐱᕕᖃᕆᐊᒃᓴᖅ. ᑐᕌᓐᑐᒥᐅᑕᖅ ᐊᒻᒪᓗ ᐱᓕᕆᓪᓗᓂ ᐱᓕᕆᐊᒧᑦ ᐊᐅᓚᑦᑎᔨᐅᓪᓗᓂ TakingItGlobal-ᑯᓐᓄᑦ. ᒧᕼᐊᒃ ᐊᖑᑦ ᐊᒻᒪᓗ ᐃᓚᒋᔭᐅᔪᖅ ᑎᐊᑐᓪ ᒃᓛᓐᒧᑦ, ᐱᕈᖅᓴᓚᐅᖅᑐᖅ ᓵᓂᐊᒥ ᐱᕈᖅᓴᓚᐅᖅᑐᖅ ᐊᓈᓇᒧᑦ 6-ᓂᑦ ᓄᓇᓕᕐᔪᐊᓂᑦ. 

TakingItGlobal, Holmes−ᑯᑦ ᐱᓕᕆᓲᖑᕗᑦ ᒪᒃᑯᒃᑐᓄᑦ ᓯᕗᓕᖅᑎᐅᓂᕐᒧᑦ ᑮᓇᐅᔭᓂᒃ, ᐊᐃᑦᑑᑎᓂᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓄᑦ, 15-ᒥ 35-ᒧᑦ, ᐱᓇᔪᖕᓂᐊᖅᖢᑎᒃ ᓇᖕᒥᓂᖃᖅᑎᑦ ᐊᐃᑦᑑᑎᖏᓐᓂᒃ, ᐱᓕᕆᐊᒧᑦ ᐊᐃᑦᑑᑎᓂᒃ, ᖃᖓᑦᑕᐅᑎᓄᑦ ᐊᐃᑦᑑᑎᓂᒃ, ᓯᕗᓕᖅᑎᙳᕆᐅᖅᓴᔪᓄᑦ, ᐱᓕᒻᒪᒃᓴᖅᑐᓄᑦ ᐊᒻᒪ ᑲᑎᒪᕐᔪᐊᖅᑐᓄᑦ. ᐱᓕᕆᐊᖃᖃᑦᑕᕐᒥᔪᖅ ᓯᕗᓂᒃᓴᒥ ᐊᖅᑯᓯᓂᐅᓂᐊᖅᑐᓄᑦ ᐱᓕᕆᐊᖑᔪᒥ ᐅᑯᑎᒎᓇᖅ, Connected North Program ᐊᒻᒪᓗᑦᑕᐅᖅ ᑭᒃᑯᑦ ᓄᓇᖏᑦ, ᐃᑭᐊᖅᑭᕕᒃᑯᑦ−ᑐᙵᕕᓕᖕᒥᒃ ᐊᑐᖅᑕᐅᔪᓐᓇᖅᑐᒥᒃ ᐊᑐᖅᐸᒃᖢᓂ GIS−ᒧᑦ ᐱᓕᕆᔾᔪᑕᐅᕙᒃᑐᓂᒃ ᐃᑲᔪᕈᒪᓪᓗᒋᑦ ᐊᑐᖅᑏᑦ ᓇᓗᓇᐃᔭᐃᓂᐊᕐᓗᑎᒃ ᓄᓇᖃᖅᑳᖅᑐᑦ ᑲᑐᔾᔨᖃᑎᒌᖏᓐᓂᒃ, ᐅᑭᐅᖅᑕᖅᑐᒥ ᐊᕕᒃᓯᒪᓂᕐᓂᒃ, ᓄᓇᖃᖅᑳᖅᑐᓪᓗ ᓄᓇᓕᖏᓐᓂᒃ ᑲᓇᑕᓕᒫᒥ. 

ᐱᔭᕇᕋᒥ ᔪᐊᒃ ᓯᓚᑦᑐᓴᕐᕕᕐᔪᐊᖓᓂ ᐊᕙᑎᓕᕆᓂᕐᒧᑦ ᐃᓕᓐᓂᐊᕈᑎᖓᓂ, ᐱᖃᓐᓇᕆᔭᕋ ᐅᖃᓚᐅᖅᓯᒪᒻᒪᑦ ᐃᖅᑲᓇᐃᔮᔅᓴᒥᒃ ᐊᑐᐃᓐᓇᐅᔪᖃᕐᓂᕋᐃᓪᓗᓂ ᖃᐅᔨᓴᕐᓂᐊᕐᓗᓂ ᖃᕋᓴᐅᔭᕐᒧᑦ, ᑖᓐᓇ ᓄᓇᒋᓕᖅᑐᓂᐅᒃ. ᐊᐅᔭᒃᑯᑦ ᐃᓕᓐᓂᐊᓚᐅᖅᑐᖅ ᐊᒻᒪᓗ ᐊᔾᔨᒌᙱᑦᑐᓂᒃ ᐱᓕᕆᐊᖃᓕᓚᐅᖅᑐᖅ ᑎᒥᐅᔪᒥᑦ. 

ᐃᓕᓐᓂᐊᕐᓂᕐᒧᑦ ᐊᖅᑯᑎᒋᔭᖓ ᑕᒪᐅᖓ ᐊᔾᔨᐅᖏᑦᑑᓯᒪᔪᖅ. Holmes-ᑯᑦ ᐊᓂᒍᐃᓚᐅᖅᐳᑦ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ 2007-ᒥ ᐊᒻᒪ ᕚᓐ ᕌᒃ ᓯᓚᑦᑐᖅᓴᕐᕕᖕᒧᐊᓚᐅᖅᓯᒪᓪᓗᓂ ᓚᓐᑕᓐᒥ ᐊᐅᓚᐅᓯᕆᔨᙳᖅᖢᓂ. ᐃᓕᓐᓂᐊᕆᐊᓚᐅᖅᓯᒪᔪᖅ 2008-ᒥ ᐊᓃᑲᐃᓐᓇᑎᓪᓗᒍ ᐊᒻᒪᓗ ᐱᔭᕇᕐᒪᑦ, ᐃᖅᑲᓇᐃᔮᔅᓴᖅᑕᖃᓚᐅᖏᑦᑐᖅ. ᐃᖅᑲᓇᐃᔮᖃᖃᑦᑕᖅᓯᒪᔪᖅ ᐃᓪᓗᓕᐅᓂᕐᒥᑦ ᐊᕐᕌᒍᒐᓚᓐᓄᑦ ᐃᓕᓐᓂᐊᕆᐊᒃᑲᓐᓂᓚᐅᕋᓂ ᐊᕙᑎᓕᕆᓂᕐᒧᑦ ᖃᐅᔨᓴᕐᓂᕐᒧᑦ ᔪᐊᒃ ᓯᓚᑦᑐᓴᕐᕕᔾᔪᐊᖓᓂᑦ ᓯᑕᒪᓄᑦ ᐊᕐᕌᒍᓐᓄᑦ ᐱᓕᕆᐊᓄᑦ ᑐᕌᒐᖃᕐᓂᕐᒥᑦ ᐊᕙᑎᓕᕆᓂᕐᒧᑦ ᐊᐅᓚᑦᓯᓂᕐᒥᑦ,

ᖃᐅᔨᓚᐅᖅᑐᖅ ᐊᑐᕐᓂᑯᖏᓐᓂ ᐊᒃᓱᕈᕐᓇᖅᑐᓂ ᐃᓕᖅᑯᓯᖃᑎᒌᙱᑦᑐᓂ ᑕᐅᑐᒃᑕᒃᑯᑦ.

"ᐅᓄᓚᐅᙱᑦᑐᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐱᓕᕆᐊᓐᓂ. ᐊᑕᐅᓯᒃᑲᓐᓂᐅᕙᓪᓚᐃᖅᑲᐅᔪᖅ. ᐊᒥᓱᐊᖅᑎᖅᑐᑎᒃ ᐅᖃᐅᓯᖃᖅᑎᓪᓗᒋᑦ ᓄᓇᒥᒃ, ᓄᓇᐅᔪᖅ ᓄᓇᐅᔪᖅ ᐊᒻᒪᓗ ᑐᑭᖓ ᓄᓇᐅᑉ. ᐊᒥᓲᓚᐅᙱᑦᑐᑦ ᐃᓕᓴᐃᔩᑦ ᐅᐱᒋᔭᐅᔪᑦ, ᑭᓯᐊᓂ ᖃᓪᓗᓈᖑᖃᑎᒌᓄᑦ ᐃᓕᓐᓂᐊᕐᓂᖅ. ᐱᐅᔪᐊᓘᓕᖅᑎᑦᑐᓐᓇᓚᐅᖅᑕᕋ."

Holmes−ᑯᑦᑕᐅᖅ ᓵᑦᑎᐊᕐᒥᐅᑕᖃᓚᐅᕆᕗᑦ ᑮᓇᐅᔭᑎᒍᑦ ᐊᔭᖅᑭᑦᑕᕈᑕᐅᓕᖅᐸᒃᑐᓂᒃ, ᐊᔪᕐᓇᖅᑐᖅᓯᐅᕈᑎᖃᖅᖢᑎᒃ ᓇᒧᙵᐅᑎᑦᑎᓇᓱᖕᓂᕐᒥᒃ ᐱᓇᔪᒍᑕᐅᔪᒥᒃ ᑲᔪᓯᓂᕆᔭᐅᕙᒃᑐᒥᒃ, ᑮᓇᐅᔭᖁᑎᒋᔭᐅᓂᐊᖅᑐᓂᒃ ᐊᑭᓖᓂᐊᕐᓗᓂ ᐃᓕᓐᓂᐊᕈᑎᖏᓐᓄᑦ, ᐊᑐᖅᑐᐊᕐᓂᕐᒧᑦ, ᓂᕿᓄᑦ ᐊᓯᖏᓐᓄᓪᓗ ᐊᑭᓕᖅᓱᕆᐊᖃᖅᐸᒃᑕᖏᓐᓄᑦ. "ᐃᓕᓐᓂᐊᕐᕕᖕᒥ, ᐃᓕᑎᑦᑎᕙᙱᑦᑐᑦ ᖃᓄᖅ ᑮᓇᐅᔭᖅᑑᑎᒃᓴᓂᒃ. ᓄᑖᖑᓪᓗᑎᑦ ᓱᕈᓯᐅᒐᕕᑦ ᐊᑐᖅᑐᐊᖅᑎᑕᐅᓪᓗᑎᑦ ᓇᑭᒃᑭᐊᖅ ᐊᒻᒪᓗ ᑮᓇᐅᔭᑲᓪᓛᓗᓐᓂᑦ ᐱᓪᓗᑎᑦ ᓯᕗᓂᑦᑎᐊᖓᒍᑦ ᐃᓄᐃᑦ ᐅᖃᐅᔾᔨᕙᒻᒪᑕ ᐊᐅᑦᑕᔫᖅᑖᖁᔨᓪᓗᑎᑦ," ᐃᖅᑲᐅᒪᔪᖅ.  

ᐋᖅᑭᒃᓯᓂᖅ ᐃᓅᖃᑎᒌᖕᓂᕐᒧᑦ ᑲᑎᓐᓂᕐᓂ ᐊᒃᓱᕈᕐᓇᓚᐅᖅᑐᖅ ᓲᖃᐃᒻᒪ ᑲᙳᓱᓗᐊᓚᐅᕐᒪᑦ ᐅᐸᒍᑎᙱᖦᖢᓂᓗ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐅᐸᒐᕐᒧᑦ ᐃᕐᖐᓐᓇᖅ ᓇᓂᓯᓇᓱᒃᓗᓂ ᓄᓇᓕᖕᒥ. "ᖃᓪᓗᓈᖑᔪᖓ ᐃᓅᔪᖓ. ᖃᐅᔨᒪᓚᐅᖅᑐᖓ ᐊᒥᓱᓂᒃ ᐃᓄᓐᓂᒃ ᐅᐸᖃᑎᖃᖅᑐᓂᒃ ᐊᒻᒪᓗ ᐱᖃᓐᓂᕆᔭᓐᓂᒃ, ᑭᓯᐊᓂᓕ ᐃᓱᒪᓚᐅᖏᑦᑐᖓ ᐃᓂᒋᒋᐊᖓᓂᒃ ᑕᐃᑲᓂ ᐃᓂᒥᒃ ᑎᒍᓯᓇᓱᐊᖅᑐᖓ. ᖃᐅᔨᒋᐊᓚᐅᙱᑦᑐᖓ, ᐃᓚᐅᓚᐅᕐᓇᖓᓗ ᑖᒃᑯᓇᓂ ᐃᓂᐅᔪᓂᑦ, ᑕᒪᓐᓇᓗ ᐱᓕᕆᐊᕆᔪᒪᓇᔭᖅᑕᕋ ᐊᒻᒪᓗ ᑎᓕᐅᕆᔾᔪᑎᒋᖃᑦᑕᖅᑕᒃᑲ ᐃᓕᓐᓂᐊᖅᑎᑦ ᒫᓐᓇ ᖃᐅᔨᒪᓕᕐᓗᖓ ᖃᓄᐃᖕᒪᖔᑦ," Holmes ᑕᑯᒃᓴᐅᑎᑦᑎᔪᖅ. 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐊᐅᓪᓚᕈᒪᔪᓄᑦ ᓄᓇᓕᖕᒥᓂᒃ ᐃᖅᑲᓇᐃᔭᕆᐊᕐᓗᓂ ᐃᓕᓐᓂᐊᕐᕕᖕᒧᓪᓘᓐᓃᑦ ᐃᓱᒪᒋᔭᐅᑦᑎᐊᕐᖓᖅᐳᖅ. "ᓯᕗᓪᓕᖅ, ᐊᒃᓱᕈᕐᓇᙱᑦᑐᖅ ᓄᓇᓯ ᕿᒪᒃᓗᒍ. ᓄᓇᔅᓯᓐᓃᖏᓐᓇᕈᒪᒍᕕᑦ ᑕᐃᑲᓂᓗ ᐃᖅᑲᓇᐃᔭᕐᓗᑎᑦ, ᖃᓄᐃᖏᑦᑐᖅ. ᑕᐃᑲᓃᖏᓐᓇᕈᓐᓇᖅᑐᑎᑦ, ᐱᑎᑦᑎᔪᓐᓇᖅᑐᑎᑦ ᓄᓇᓕᔅᓯᓐᓄᑦ," ᐅᖃᖅᑐᖅ.

"ᐊᒃᓱᕈᕐᓇᖅᑐᒻᒪᕆᐅᓕᕐᒪᑦ ᒫᓐᓇ ᓄᓇᔅᓯᓐᓂ ᐊᐅᓪᓚᕐᓂᐊᕐᓗᓂ ᐅᑎᙱᖦᖢᓂᓗ. ᓄᓇᓯᓐᓂᒃ ᐊᐅᓪᓚᕈᒪᒍᕕᑦ, ᐊᑏᒎᖅ. ᑕᐃᒪᐃᙱᒃᑯᕕᑦ, ᑕᐃᒪᐃᑦᑕᕆᐊᖃᖅᑰᔨᙱᓪᓗᑎᑦ."

Holmes−ᑯᑦ ᖃᐅᔨᓴᖁᔨᓇᔭᖅᐳᑦ ᓇᒧᙵᐅᖕᒪᖔᖅᐱᑦ, ᐃᓄᖕᓂᒃ ᑲᑎᖃᑎᖃᕐᓗᑎᑦ, ᐅᖃᖃᑎᒋᓗᒋᑦ ᖃᓄᖅ ᐱᓕᕆᐊᖅ ᖃᓄᐃᑦᑑᖕᒪᖔᑦ, ᐃᓕᓐᓂᐊᕐᕕᒃ ᖃᓄᐃᑦᑑᖕᒪᖔᑦ, ᓄᓇᓕᐸᐅᔭᖅ ᖃᓄᐃᑦᑑᖕᒪᖔᑦ ᐊᒻᒪ ᐃᑲᔫᑎᒃᓴᓂᒃ ᓇᓂᓯᓗᑎᑦ ᐃᑭᐊᖅᑭᕕᒃᑯᑦ. "ᐱᒻᒪᕆᐅᓛᖑᔪᖅ, ᐃᓱᒪᔪᖓ, ᐱᓕᕆᖃᑎᒌᒃᐸᓪᓕᐊᓂᖅ ᐃᓚᐅᑎᑦᑎᓂᕐᓗ ᐃᓄᖕᓂᒃ ᓯᓚᑦᑐᖅᓴᕐᕕᖕᓂ ᓄᓇᓕᖕᒥᓗ. ᐊᒥᓲᕗᑦ ᓄᓇᓕᓐᓂ ᐃᓂᒃᓴᐅᔪᑦ ᓯᓚᑖᓃᑦᑐᑦ ᓯᓚᑦᑐᓴᕐᕕᐅᔪᑦ ᓄᓇᓕᓐᓂ ᐅᐸᒍᓐᓇᖅᑕᓯ ᐱᖃᓐᓂᕆᔭᒃᑯᒃ, ᓄᓇᓕᓐᓂ ᐅᐸᑦᑕᕐᕕᐅᔪᓄᑦ, ᐊᒻᒪᓗ ᑕᐃᒪᐃᑦᑐᕈᔪᓐᓄᑦ. ᐃᓄᖕᓂᑦ ᐃᑲᔪᖃᑦᑕᕆᑦ, ᐃᓅᖃᑎᖃᖅᐸᒡᓗᑎᑦ ᐊᒻᒪ ᐃᓚᐅᑎᑉᐸᒡᓗᒋᑦ ᓄᓇᓕᓕᒫᑦ," ᐅᖃᖅᐳᖅ.

Holmes-ᑯᑦ ᐅᖃᖅᑐᑦ ᓲᖃᐃᒻᒪ ᐅᖃᐅᔾᔭᐅᔾᔪᑎᒋᔪᒪᓚᐅᖅᑕᖓ.

"ᐅᖃᐅᔾᔭᐅᔪᒪᓇᔭᖅᐳᖓ ᐃᓚᐅᖃᑦᑕᖁᔨᓪᓗᖓ ᖃᓄᐃᓕᐅᖅᑐᓂᒃ ᐃᓕᓐᓂᐊᕐᕕᖕᒥ ᐊᒻᒪ ᓄᓇᓕᖕᓂ ᑲᙳᓱᓗᐊᖁᙱᖦᖢᒋᑦ. ᖃᓄᐃᖏᑦᑐᖅ ᑲᔪᓯᙱᒋᐊᖅ, ᖃᓄᐃᖏᑦᑐᖅ ᐊᑲᐅᖏᑦᑐᖅ, ᐃᓅᖃᑎᒌᓐᓂᕐᒧᑦ ᓯᕘᕋᓂᖅ ᐱᓪᓚᕆᐅᕗᖅ ᐊᒻᒪᓗ ᑲᒪᒋᓂᐊᕋᕕᐅᒃ ᖃᓄᐃᓕᐅᕋᓗᐊᕈᕕᑦ."

"ᐅᐸᒋᐊᖃᑐᐃᓐᓇᖅᑐᑎᑦ ᐃᓕᓗᒋᓪᓗ ᐊᑲᐅᖖᒋᑦᑐᑦ ᐃᖅᑲᓇᐃᔮᑦ. ᑕᐃᒪᓕ, ᐊᓱᐃᓪᓛᓗᒃ, ᐊᓱᕐᕆᓕᕐᓂᐊᖅᐳᑎᑦ ᐃᖢᕐᕆᓕᕐᓗᑎᓪᓗ. ᐊᑯᓂᐊᓘᑐᐃᓐᓇᕆᐊᓕᒃ, ᑭᓯᐊᓂ ᑕᐃᑯᙵᓛᖅᑐᑎᑦ. ᐊᔭᐅᖅᑐᖅᑕᐅᒃᑲᓐᓂᕈᒪᓇᔭᖅᐳᖓ ᐃᓕᓐᓂᐊᕐᕕᖕᒥ ᓄᓇᓕᖕᓂ ᐊᒻᒪ ᓄᓇᖅᑲᑎᓐᓂ," ᑕᐃᒪᓐᓇ ᐅᖃᖅᖢᓂ.

ᐅᓪᓗᒥ, ᓂᔾᔭᐅᓯᔭᕐᓂᒃᑯᑦ, ᓴᓇᙳᐊᕐᓂᒃᑯᑦ ᐊᒻᒪᓗ ᐃᒻᒥᓂᒃ ᐱᐅᓂᖅᐸᖑᓇᓱᐊᖅᑐᓂ, ᐱᓇᓱᐊᖏᓐᓇᖅᑐᓂ ᐃᒻᒥᓂᒃ ᐱᐅᓯᕙᓪᓕᐊᖏᓐᓇᓂᕐᒧᑦ ᖃᐅᑕᒫᑦ. ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᑎᓪᓗᒍ, ᐃᒻᒥᓂᒃ ᐃᓚᐅᖃᑦᑕᓚᐅᖅᐳᖅ ᓴᓇᐅᒐᓕᕆᓂᕐᒥᒃ, ᑐᓴᕐᓈᕐᓂᕐᒥᒃ ᐊᒻᒪ ᓴᓇᑐᓂᕐᒥᒃ. "ᐅᔾᔨᕈᓱᖕᓂᐊᕈᕕᑦ ᐱᕙᓪᓕᐊᔪᓕᒫᓂᑦ ᐃᓄᖕᓄᑦ ᑐᓴᐅᒪᔾᔪᑎᒃᑯᑦ, ᐊᑕᐅᓯᖅ ᓴᖅᑭᖏᓐᓇᐅᔭᖅᑐᖅ ᐃᓄᐃᑦ ᓴᓇᐅᒐᓕᐅᓲᑦ. ᑕᒪᓐᓇ ᐊᓂᒍᖅᐸᑦ, ᑭᖑᒧᑦ ᑕᑯᒋᐊᕐᓂᐊᖅᐳᒍᑦ ᐃᒪᓐᓇᓗ, 'ᓴᓇᙳᐊᕐᓂᖅ ᐊᓂᒍᖅᑎᓚᐅᖅᑕᕗᑦ, ᐃᓄᐃᑦ ᓴᖅᑭᑦᑎᕙᓪᓕᐊᕗᑦ ᐃᓄᐃᓪᓗ ᐃᓅᖃᑎᒥᓄᑦ ᐃᑲᔪᖅᑕᐅᔪᒪᓪᓗᑎᒃ ᓴᖅᑭᑦᑎᓗᑎᒡᓗ ᓄᑖᓂᒃ ᐱᓕᕆᖃᑎᒌᒍᓯᕐᓂᒃ'," ᐅᖃᖅᖢᓂ. 

ᓄᓇᒥᒃ ᐃᓕᓐᓂᐊᓚᐅᖅᖢᓂ, Holmes−ᑯᑦ ᖃᐅᔨᓚᐅᖅᐳᑦ ᐃᓂᒋᔭᒥᓂᒃ ᐊᒻᒪ ᐱᓕᕆᐊᕆᓪᓗᐊᑕᖃᑦᑕᖅᑕᒥᓂᒃ. ᐃᓕᑦᑎᓚᐅᖅᑐᖅ ᖃᓄᖅ ᐃᓂᖃᕐᓂᕐᒥᒃ ᐊᒻᒪᓗ ᑎᑎᖅᑲᓂᒃ ᐃᓂᓕᐅᕆᓂᕐᒥᒃ, ᐃᒃᐱᒋᑦᑎᐊᕐᓗᒍ ᑭᖑᓂᑦᑎᓐᓂᑦ ᐊᒻᒪᓗ ᓂᕆᐅᖕᓂᖃᕐᓂᖅ ᓯᕗᓂᒃᓴᒧᑦ. ᐅᐸᒃᑕᐅᑦᑕᐃᓕᒪᑎᓪᓗᒋᑦ, Holmes−ᑯᑦ ᖃᐅᔨᒋᐊᓚᐅᖅᐳᑦ ᓴᖅᑭᑦᑎᓪᓗᑎᒡᓗ ᓄᓇᓕᖕᓂ ᓇᖕᒥᓂᖅ ᓴᓇᙳᐊᕐᓂᒃᑯᑦ.

ᖁᔭᓐᓇᒦᑦᑎᐊᕐᒥᔭᕋ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.