ᒧ, ᖃᓄᓗᒃᑖᖅ ᓴᓇᑐᓂᖅ ᐊᒃᑐᐃᓯᒪᔪᖅ ᑖᒃᑯᓂᖓ ᐊᒻᒪᓗ ᓴᓇᙳᐊᕈᓯᖏᓐᓂᒃ. ᐅᑯᐊᖑᔪᑦ, Onλyota'a:ka (Oneida) ᐊᒻᒪᓗ ᐅᐃᕖᑎᑐᑦ-ᑲᓇᑕᒥ ᐊᒻᒪᓗ ᐱᕈᖅᓯᒪᓪᓗᑎᒃ ᓯᓚᑖᓂ Aamjiwnaang First Nation-ᑯᑦ ᐃᓚᖃᕆᓪᓗᑎᒃ. ᓴᓇᙳᐊᖅᑎᐅᔪᑦ ᐊᒻᒪᓗ ᑕᑯᓐᓇᒐᐅᓪᓗᑎᒃ ᐅᓂᒃᑳᖅᑎᐅᓪᓗᑎᒃ.

"ᖃᔅᓯᑲᓪᓚᖕᓄᑦ ᓴᓇᙳᐊᖅᑎᐅᔪᖓ ᐃᒪᓐᓇ ᑐᑭᖃᖅᖢᓂ ᓴᖅᑭᑦᑎᓲᖑᔪᖓ ᐊᔾᔨᒌᙱᑦᑐᓂᒃ ᐱᓕᕆᐊᖑᓲᓂᒃ."

ᓴᓇᐅᒐᐃᑦ ᐃᓅᓯᖓᑕ ᐃᓚᒋᓯᒪᒻᒪᒍ ᓱᕈᓯᐅᓚᐅᖅᓯᒪᒻᒪᓂᑦ, ᐊᒻᒪᓗ ᐃᓕᓐᓂᐊᕐᕕᐊᓗᒻᒥ ᐱᒋᐊᓚᐅᖅᓯᒪᒻᒪᑕ ᓴᓇᐅᒐᕐᓂᒃ, ᐊᒥᐊᕆᓂᕐᒥᒃ, ᐊᒻᒪᓗ ᓂᐅᕐᕈᑎᖃᖅᑐᑎᒃ ᓴᓇᐅᒐᖏᓐᓂᒃ ᐊᒻᒪᓗ ᐊᑐᖅᑐᑎᒃ ᑖᒃᑯᓂᖓ ᑮᓇᐅᔭᓂᒃ ᐃᑲᔪᖅᑐᐃᓪᓗᑎᒃ ᐃᓅᓱᒃᑐᓂᒃ ᐃᓕᓐᓂᐊᕇᕋᐃᒻᒪᑕ ᓴᓇᖑᐊᕐᓂᕐᒥᒃ. ᐊᒃᓱᕉᑎᖃᖅᑐᑦ ᐃᑲᔪᖅᑐᐃᓂᕐᒥᒃ ᐊᓯᒥᓂᒃ ᐊᑕᓕᖅᑎᑦᑐᒪᓪᓗᒋᑦ ᓴᓇᙳᐊᕐᓂᕐᒧᑦ ᓇᖕᒥᓂᖅ−ᐃᓱᒪᒋᖃᑦᑕᐅᑎᓂᕐᒧᑦ.

ᐊᐅᔭᒃᑯᑦ ᑭᖑᓪᓕᖅᐹᖓᓂ ᐊᕐᕌᒍᒥ ᐃᓕᓐᓂᐊᕐᕕᐊᓗᒻᒥ ᐊᒻᒪᓗ ᓯᕗᓪᓕᖅᐹᒥ ᐊᕐᕌᒍᒥ ᓯᓚᑦᑐᕐᓴᖅᕕᒻᒥ, ᐃᖅᑲᓇᐃᔭᓚᐅᖅᑐᑦ ᓴᓇᖑᐊᒐᕐᓄᑦ ᑲᑎᑦᑕᖅᕕᒻᒥ ᐃᑲᔪᖅᑎᐅᓪᓗᓂ. ᑕᐃᑲᓂ ᐃᖅᑲᓇᐃᔭᖅᑎᓪᓗᒋᑦ, ᖃᐅᔨᓚᐅᖅᑐᑦ ᓇᖕᒥᓂᖅ ᐱᓕᕆᖃᑎᖃᕐᓂᕐᒥᒃ ᒪᒃᑯᒃᑐᓂᒃ ᑕᑯᔭᐅᒐᔪᒃᑐᓂᒃ *ᐊᔾᔨᐅᙱᖦᖢᑎᒃ* (ᖃᐅᔨᒪᔭᕆᐊᓕᒃ: ᐊᔪᕐᓇᖅᑐᖅᑕᖃᙱᑦᑐᖅ − ᑖᓐᓇ ᕿᑐᑦᑐᒐᐅᔭᖅ ᐃᓅᖃᑎᒌᖑᔪᖅ ᓴᓇᓯᒪᔪᖅ). "ᐃᑲᔪᖅᑐᖅᑕᐅᒃᑲᓐᓂᕆᐊᖃᓵᕐᒪᑕ, ᑕᐃᒪᐃᒻᒪᑦ ᑕᒪᓐᓇ ᑕᐅᑐᓪᓗᐊᑕᓚᐅᖅᑕᕋ ᑕᐃᑲᓃᑎᓪᓗᖓ." ᐅᖃᖅᑐᖅ ᒨ.

ᑕᐃᑲᙵᓪᓕ, ᖃᐅᔨᔪᒪᓚᐅᖅᑐᑦ ᓴᓇᙳᐊᕐᓂᕐᒧᑦ ᐊᒻᒪ ᓴᓇᑐᓂᒃᑯᑦ ᐅᖃᐅᓯᖃᕐᓂᕐᒥᒃ ᐃᑲᔪᖅᑐᐃᓂᐊᕐᓗᓂ ᒪᒃᑯᒃᑐᓂᒃ ᐊᒻᒪ ᐃᓅᓱᒃᑑᓂᖏᓐᓂᒃ − ᐃᓅᓯᓕᒫᒥᓂᒃ ᐱᓕᕆᓯᒪᖅᑰᔨᖕᒪᑕ. ᑕᕝᕙᓂ ᓇᓂᓯᓚᐅᖅᑐᑦ ᐃᖅᑲᓇᐃᔮᖃᕐᓂᕐᒥᒃ ᓴᓇᙳᐊᕐᓂᕐᒧᑦ ᐃᖃᐃᓕᓴᕐᓂᕐᒥᒃ.

"ᐅᕙᓐᓄᑦ ᐅᖃᐅᓯᕆᔪᓐᓇᐃᓐᓇᐅᔭᖅᑕᕋ, ᒪᒥᓴᕈᑕᐅᓕᓚᐅᖅᑐᖅ ᐊᒻᒪ ᑐᓴᐅᒪᑎᑦᑎᔾᔪᑕᐅᔪᓐᓇᖅᓯᓪᓗᓂ, ᐅᖃᐅᓯᖅᑕᑦ ᐊᑐᐃᓐᓇᐅᑦᑎᐊᙱᖦᖢᑎᒃ."

ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓂᒃᑎᓪᓗᒋᑦ, ᒨᑦ ᓯᓚᑦᑐᖅᓴᕐᕕᓕᐊᓚᐅᖅᐳᖅ ᐅᑭᐅᓄᑦ ᐱᖓᓱᓄᑦ ᓴᓇᙳᐊᕐᓂᕐᒧᑦ ᐃᓕᑕᕆᔭᐅᔾᔪᑎᑖᖅᖢᓂ ᓅᑕᐅᓪᓗᓂᓗ ᓯᓚᑦᑐᖅᓴᕐᕕᒡᔪᐊᕐᒧᑦ ᓚᑦᐳᕆᔾ−ᒧᑦ ᐱᐊᓂᒋᐊᖅᑐᖅᖢᓂ BFA−ᒥᒃ.

ᐅᑎᓕᓚᐅᕐᒥᔪᑦ ᐋᓐᑎᐅᕆᔪᒧᑦ ᐊᕐᕌᒍᒥᒃ ᓄᖅᑲᖓᓪᓗᑎᒃ ᐃᖅᑲᓇᐃᔭᕆᐊᖅᑐᑎᒃ, ᑐᕌᓐᑐᒨᖅᑐᑎᒃ ᑐᕌᓐᑐᒥ ᓴᓇᐅᒐᓕᕆᓂᕐᒧᑦ ᐱᓕᕆᕕᖓᓂ ᐱᔭᕇᖅᑐᑎᒃ ᐃᓕᑕᕆᔭᐅᔾᔪᑎᒥᓂᒃ.

ᐊᒻᒪᓗ ᒨ ᓯᓚᑦᑐᓴᕐᕕᓕᐊᖅᓯᒪᒐᓗᐊᖅᑐᓂ ᐊᒻᒪᓗ ᓯᓚᑦᑐᓴᕐᕕᕐᔪᐊᕐᒨᖅᓯᒪᒐᓗᐊᖅᑐᓂ, ᐱᓕᕆᖃᑦᑕᕐᓂᖏᑦ ᓄᓇᓕᓐᓂ ᐊᒻᒪᓗ ᓇᒻᒥᓂᖅ ᐃᓕᓐᓂᐊᖅᑎᑕᐅᕙᒃᑭᓪᓗᑎᒃ, ᓄᓇᓕᓐᓂ ᓴᓇᐅᒐᓕᕆᓂᕐᒧᑦ ᐊᕐᕌᒍᕋᓴᓐᓄᑦ.

ᑕᐃᒪᓕ, ᓴᖅᑭᑦᑎᖃᑕᐅᓚᐅᖅᐳᑦ ᓄᓇᓕᖕᓂ ᓴᓇᙳᐊᖅᑕᐅᕙᒃᑐᓄᑦ ᐱᓕᕆᐊᒥᒃ ᑕᐃᔭᐅᓪᓗᓂ "ᐅᓂᒃᑳᓕᐊᕗᑦ, ᓱᓕᔪᖁᑎᕗᑦ", ᓴᓇᐅᒐᕗᑦ ᐊᒻᒪ ᓄᓇᒥ−ᑐᙵᕕᓖᑦ ᐃᓱᒪᒋᔭᐅᑦᑎᐊᖅᓯᒪᔪᑦ ᑕᑯᒃᓴᐅᑎᑦᑎᓂᕐᒧᑦ ᐱᓕᕆᐊᖅ ᓄᓇᓕᒡᔪᐊᖑᓂᖅᓴᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐱᓕᕆᖃᑎᖃᖅᐸᒃᖢᑎᒃ ᑲᔪᖏᖅᓴᐃᔨᓂᒃ, ᓴᓇᙳᐊᖅᑎᓂᒃ, ᑕᕐᕆᔭᐅᓯᐅᖅᑎᓂᒃ, ᐅᓂᒃᑳᖅᑐᐊᖅᑎᓂᒃ, ᐊᒥᕐᓂᒃ ᕿᑐᒻᒪᒃᓴᐃᔨᓂᒃ, ᓴᐸᖓᕐᓂᒃ, ᑎᑕᒃᑎᓂᒃ, ᖃᐅᔨᒪᔪᓂᒃ ᐅᓯᔨᓂᒃ ᐊᒻᒪ ᓴᓇᙳᐊᖅᑎᓂᒃ.

"ᖁᕕᐊᒋᑦᑎᐊᖅᑕᕋ ᓴᖅᑭᓚᐅᖅᑕᕗᑦ ᐊᑕᐅᑦᑎᒃᑯᑦ ᖁᕕᐊᓱᒃᖢᖓᓗ ᑕᑯᓪᓗᓂ ᒪᒃᑯᒃᑐᓂᒃ ᓄᓇᓕᖕᓂ ᐱᓕᕆᔪᓂᒃ ᓇᒡᓕᒋᔭᒥᓂᒃ."

ᐊᒃᓱᕈᕐᓇᕐᓂᖅᐹᖑᖃᑕᐅᔪᖅ ᒨᕆᒧᑦ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ ᐊᒻᒪ ᑭᖑᕚᕇᓄᑦ ᒪᒥᓴᕐᓂᖅ, "ᐱᐅᔪᒻᒪᕆᐊᓗᒃ ᐊᒻᒪ ᐃᓅᓕᓴᐅᑎᓕᕆᓂᖅ," ᐅᖃᖅᑐᖅ ᒨ.

ᐃᓅᓯᓕᕆᖃᑕᐅᖃᑦᑕᖅᓯᒪᓕᖅᑐᑦ ᐃᓕᓐᓂᐊᕕᔾᔪᐊᒦᒍᓐᓃᖅᑐᑎᓪᓗ ᒫᓐᓇᕋᑖᖅ, ᖃᐅᔨᕙᓪᓕᐊᔪᒻᒪᕆᐅᓪᓗᑎᒃ. ᒨ ᐅᖃᖅᐳᖅ ᐃᑲᔪᖅᓱᕈᑎᒻᒪᕆᐅᓯᒪᓂᕋᖅᑐᓂᒋᑦ ᑲᔪᓯᑎᓪᓗᒋᑦ ᒪᒥᓴᕐᓂᒃᑯᑦ. ᐃᓕᑦᑎᓯᒪᕐᔪᐊᖅᑐᑦ ᐃᖕᒥᖕᓂᒃ, ᐃᓅᓯᕆᓯᒪᔭᖏᓐᓂ ᖃᑕᙳᑎᖏᓐᓂᒃᓗ. ᐃᑲᔪᖅᑐᖅ ᐃᒻᒥᖕᓄᑦ ᐊᒃᑐᐊᓂᖅᓴᐅᓗᑎᒃ ᐊᒻᒪᓗ ᐊᓯᐊᒍᑦ ᕿᓄᐃᓵᕈᓐᓇᖅᖢᑎᒃ. ᒨ ᐅᖃᖅᖢᓂ ᐊᔪᕐᓇᕐᓂᖓᓂᒃ ᓇᓂᓯᔭᕆᐊᒃᓴᖅ ᐃᑲᔪᖅᑐᖅᑕᐅᓂᕐᒥᒃ ᓈᒻᒪᖕᓂᕋᐃᓪᓗᓂ ᑖᒃᑯᓄᖓ ᐊᓯᔾᔨᕐᓗᒋᓪᓗ ᓘᒃᑖᑦ ᖃᔅᓰᕌᕐᔪᒃᖢᑎᒃ. "ᖃᐅᔨᒪᓚᐅᖅᑐᖓ ᐊᒃᓱᕈᕐᓇᖅᑑᓂᐊᕐᓂᖓᓂᒃ ᑕᒻᒪᕐᓗᓂᓗ ᓈᒻᒪᒡᓗᓂ, ᐊᑦᑕᕐᓇᕐᓂᖅᓴᐅᓇᔭᓚᐅᖅᑐᖅ, ᑕᐃᒪᓕ ᐅᕙᓐᓂᒃ ᐅᒃᐱᕆᓂᖅᓴᐅᓇᓱᒋᕗᖓ ᐊᒃᓱᕈᖅᖢᖓ ᑭᓯᐊᓂ ᐱᒻᒪᕆᐅᓚᐅᖅᑐᖅ," ᐅᖃᖅᑐᖅ ᒨ.

ᖃᓄᑐᐃᓐᓇᖅ ᐅᖃᐅᔾᔨᔪᓐᓇᖅᐸᑕ ᒪᒃᑯᖕᓂᖅᓴᓂᒃ, ᐃᒪᓐᓇᐅᓇᔭᖅᐳᖅ, "ᖃᓄᐃᙱᑦᑐᑎᑦ ᐃᓕᖕᓂᒃ, ᖃᓄᐃᙱᓚᖅ ᐊᓯᔾᔨᕆᐊᒃᓴᖅ ᖃᓄᐃᙱᖦᖢᓂᓗ ᐃᓱᒪᒋᔭᕐᓂᒃ ᐃᒃᐱᒋᔭᕐᓂᒡᓗ ᐅᖃᕆᐊᒃᓴᖅ. ᐃᒻᒪᖄ ᐅᖃᐅᓯᕆᔭᕆᐊᖃᖅᑕᑎᑦ, ᐃᓄᐃᑦ ᑐᓴᕆᐊᖃᖅᑐᑦ ᐊᓯᖏᓪᓗ ᐃᓄᐃᑦ ᐃᓱᒪᖕᒪᑕ, ᑲᑉᐱᐊᓱᙱᓪᓗᑎᑦ ᐃᓕᖕᓂᒃ ᐅᖃᐅᓯᕆᔭᕆᐊᒃᓴᖅ; ᐅᖃᐅᓯᕆᔭᓯ ᐃᑲᔫᑎᖃᖅᐳᑦ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.