"ᓅᑉᐸᓪᓕᐊᓂᖅ ᐃᓅᓕᓴᐅᑎᐅᕗᖅ" ᒥᑕᐅᑎᒋᕙᐅᒃ ᓅᕐᔪᐊᖅᖢᓂᓗ ᓄᓇᕐᔪᐊᕐᒥ ᐃᓕᓐᓂᐊᕐᓂᓕᕆᓂᕐᒥ ᓄᓇᕐᔪᐊᓕᒫᒧᑦ ᐃᑭᐊᖅᑭᕕᖕᒧᑦ. ᓂᒃ ᐹᓴᐸ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᐳᕆᓐᔅ ᐋᓪᐳᑦᒥ, ᓴᔅᑳᑦᓱᐋᓐᒥ ᑕᐃᑲᓂᓗ ᐃᓚᔮᖏᑦ ᑕᐃᑲᓂ ᓄᓇᖃᓕᖅᖢᑎᒃ. ᐱᖓᔪᒋᓕᖅᑕᖓᓂᒃ ᐊᕐᕌᒍᒥᒃ ᓯᓚᑦᑐᓴᕐᕕᕐᔪᐊᕐᒥ ᐃᓕᓐᓂᐊᖅᑎᐅᔪᖅ ᓴᔅᑳᑦᓱᐊᓐᒥ ᓯᓚᑦᑐᓴᕐᕕᕐᔪᐊᖓᓂ ᐸᐃᑉᐹᑖᕋᓱᐊᖅᑐᓂ ᐃᓕᓐᓂᐊᓂᕐᒥᒃ ᓴᔅᑳᑦᓱᐊᓐᒥ ᓄᓇᖃᖅᑳᖅᑐᓄᑦ ᐃᓕᓴᐃᔨᕈᖅᓴᓂᕐᒧᑦ ᐃᓕᓐᓂᐊᕈᑎᒥᒃ. ᓂᕈᐊᓚᐅᖅᑐᖅ ᕿᑐᕐᖓᒥᓂᒃ ᐱᐅᒃᓴᕋᒥ ᐊᒻᒪᓗ ᐃᓕᓴᐃᔨᑦᑎᐊᕙᐅᓪᓗᓂ. ᖁᕕᐊᒋᔭᓕᒃ ᐃᓕᓴᐃᓂᕐᒥᒃ ᐃᓕᑦᑎᕙᓪᓕᐊᓂᕐᒥᒡᓗ ᖃᕆᑕᐅᔭᒃᑯᑦ ᑭᓯᐊᓂ ᖃᐅᔨᒪᙱᖦᖢᓂ ᐱᖅᑯᓯᒃᑯᑦ ᐃᓕᓐᓂᐊᕐᕕᐊᕈᓯᕐᒥ ᐃᓕᓴᐃᔨᐅᔪᒪᖕᒪᖔᑦ. 

ᓯᓚᑖᓂ ᐃᓕᓐᓂᐊᕐᓂᓕᕆᓂᐅᑉ, ᖃᕋᓴᐅᔭᒃᑯᑦ ᓂᐅᕕᐊᒃᓴᖃᖅᑎᐅᕗᖅ ᓇᖕᒥᓂᕆᔭᐅᔪᒥᒃ ᑕᐃᔭᐅᔪᒥᒃ Prairie Digital Solutions, ᐊᑐᐃᓐᓇᐅᑎᑦᑎᓪᓗᓂ ᖃᕋᓴᐅᔭᒃᑯᑦ ᐋᖅᑭᒋᐊᕈᑎᒃᓴᓂᒃ ᐊᒻᒪ ᐃᑭᐊᖅᑭᕕᒃᑯᑦ ᐱᕙᓪᓕᐊᑎᑦᑎᓂᕐᒥᒃ. ᓇᒻᒥᓂᕐᒥᓂᒃ ᐱᒋᐊᓚᐅᖅᓯᒪᔪᖅ ᖁᕕᐊᒋᔭᒥᓂᒃ ᐱᓕᕆᓪᓗᓂ. ᓴᖅᑭᔮᖅᑎᑦᑎᓲᖅ ᓇᖕᒥᓂᖅ ᐱᓕᒻᒪᒃᓴᐃᔨᓂᑦ ᖁᕕᐊᒋᓪᓗᓂᐅᒡᓗ ᐆᒻᒪᕆᒃᖢᓂ. 

ᓇᒻᒥᓂᖃᕐᓂᖅ ᐱᔪᒥᓇᖅᑑᕗᖅ ᐱᓪᓗᒍ ᐃᓚᒥᓄᑦ ᐱᕕᖃᕈᒪᒻᒪᑦ, ᐱᖃᓐᓈᕇᒃ ᐊᒻᒪ ᓱᕈᓯᖏᑦ ᓴᖅᑭᐊᑐᐃᓐᓇᕆᐊᓖᑦ ᓯᕗᓂᔅᓴᖅᑎᓐᓂᑦ. ᐃᖅᑲᓇᐃᔭᕐᓂᕐᒥᑦ-ᐃᓅᓯᕐᒥᑦ ᓇᓕᒧᒌᑎᑦᓯᓂᕐᒥᑦ ᑕᑯᕙᑦᑕᖓ ᓇᒻᒥᓂᖅ ᓇᒻᒥᓂᖁᑎᖓᓂᑦ. ᐊᒻᒪᓗ, ᐃᑲᔪᕈᒪᔪᖅ ᐃᓄᓐᓂᒃ ᐅᑉᐱᕈᓱᑦᑐᓂᒃ ᐃᒻᒥᓂᒃ ᐊᒻᒪᓗ ᑕᒪᓐᓇ ᑐᕌᒐᐅᔪᖅ ᑲᔪᖏᕐᓴᐃᔾᔪᑎᒋᖃᑦᑕᕐᒪᒍ. ᖁᕕᐊᒋᔭᖃᕐᒥᔪᖅ ᓴᖅᑭᑎᑦᓯᓂᕐᒥᑦ ᐱᕕᖃᕐᓂᐅᔪᓂᑦ ᓇᓂᓯᓂᕐᒥᓪᓗ ᐋᖅᑭᒋᐊᕈᑎᑦᓴᓂᑦ ᑐᕌᒐᖃᖏᖔᖅᓱᓂ ᐊᑲᐅᙱᓪᓕᐅᕈᑎᓂᑦ. ᐃᓅᓯᓕᒫᕐᒥ ᓇᒻᒥᓂᖃᖅᑎᐅᓪᓗᓂ ᐊᒻᒪᓗ ᐃᒻᒪᖃ ᓇᒻᒥᓂᖃᕐᓂᕐᒥᒃ ᐃᓕᓐᓂᐊᖅᑎᑦᑎᓪᓗᓂ. 

ᐃᓕᓐᓂᐊᕐᓂᖓ ᐃᓚᖃᓚᐅᖅᐳᖅ ᐃᓕᓐᓂᐊᓕᓵᖅᑐᓂᒃ ᐃᓕᓐᓂᐊᕈᑎᓕᖕᓄᑦ 12-ᒧᑦ ᑎᑭᖦᖢᒍ ᐊᒻᒪ ᑭᖑᓂᐊᒍᑦ ᓯᓚᑦᑐᖅᓴᕐᕕᒡᔪᐊᖅ. ᐃᖕᒥᓃᖅᑕᐃᓕᒪᑎᑦᑎᓂᕐᒧᑦ ᐱᓕᒻᒪᒃᓴᓯᒪᔪᖅ ᒪᒥᓴᕐᓂᕐᒧᓪᓗ ᐊᒃᓱᕈᕐᓇᖅᑐᒃᑰᖅᑐᓄᑦ ᐋᖅᑭᒐᓲᑎᓄᑦ ᐱᓕᒻᒪᒃᓴᐃᓂᕐᒥ, ᐃᓕᑦᑎᓗᓂ ᖃᓄᖅ ᐃᑲᔪᕈᓐᓇᕐᒪᖔᑦ ᓄᑕᖅᑲᓂᒃ ᐊᑐᐊᒐᓕᐅᕋᓱᒃᓗᑎᒃ ᐃᒃᐱᖕᓂᐊᔾᔪᑎᖏᓐᓂ. ᕙᓴᐸ ᐃᓕᑦᑎᓚᐅᖅᑐᖅ ᐃᓚᒥᓂᒃ ᐃᓅᓯᓕᕆᔨᒥᓂᒡᓗ ᑕᑯᖃᑦᑕᖅᓯᒪᓪᓗᓂᐅᒃ 8-ᓂᒃ ᐅᑭᐅᖃᓕᕋᒥ. "ᐱᕚᓪᓕᖅᓯᒪᓂᖅᓴᐅᖅᑰᖅᑐᖓ ᐃᓕᓐᓂᐊᓪᓚᑦᑖᕐᓂᕐᒥᒃ ᐱᙱᖔᕐᓗᒍ. ᐃᓕᑦᑎᓪᓚᕆᓚᐅᖅᑐᖓ ᐱᒻᒪᕆᐅᓂᖓᓂᒃ ᐃᓂᖅᑎᕆᓂᖅ ᐃᓕᓐᓂᐊᕐᓂᒃᑯᑦ," ᐊᒃᑐᐊᓂᖃᖅᑐᖅ. 

ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᓄᓇᒥᓂᒃ ᕿᒪᐃᔪᒪᓇᔭᕐᓂᕐᒥᒃ, ᐹᓴᐸᐅᑉ ᐅᖃᐅᔾᔪᐃᓂᖓ ᐃᒪᐃᓐᓇᔭᖅᐳᖅ, "ᐱᑦᑕᐃᓕᒋᑦ. ᓯᓐᓇᑦᑑᒪᒍᕕᑦ, ᐊᓪᓗᕈᒃ. ᐃᓅᓯᐅᑉ ᐃᓗᐊᓂ ᖃᓄᐃᑦᑐᑐᐃᓐᓇᑦᑎᐊᒥᒃ ᐃᓱᒪᓕᐅᕆᐊᖃᓕᓲᖑᒐᑦᑕ. ᐃᓱᒪᓕᐅᕈᑎᒋᕙᑦᑕᕗᑦ ᐃᓅᓱᒃᑑᓪᓗᑕ ᐊᑦᑐᐃᓂᖃᕐᒪᑦ ᐃᓐᓇᑦᑎᓐᓂᒃ. ᑕᒪᒃᑯᐊ ᐃᓱᒪᓕᐅᕈᑎᒋᔭᕗᑦ ᒫᓐᓇᐅᔪᖅ ᐱᒻᒪᕆᐅᒻᒪᑕ. ᐅᓗᕆᐊᓇᖅᑐᓂᒃ ᐱᓗᑎᑦ ᐃᓕᑦᑎᓗᑎᓪᓗ, ᓲᖃᐃᒻᒪ ᐃᓕᑦᑎᖃᑦᑕᕋᕕᑦ ᑕᒻᒪᕌᖓᕕᑦ."  

ᐊᓯᖓ ᐅᖃᐅᔾᔨᒋᐊᕈᑎᖓ ᐃᒪᐃᒃᑲᔭᖅᑐᖅ, "ᐃᓕᖕᓂᒃ ᓇᒡᓕᒋᓂᖅᓴᐅᓗᑎᑦ ᑭᓇᑐᐃᓐᓇᕐᒥᑦ ᓄᓇᕐᔪᐊᕐᒥ ᐊᒻᒪ ᐃᓕᖕᓂᒃ ᓯᕗᓪᓕᐅᑎᓗᑎᑦ. ᐃᒻᒥᓂᕿᔪᓐᓇᖏᒻᒪᑦ, ᐃᓕᓐᓄᑦ ᑐᕌᖓᒻᒪᑦ, ᐊᒻᒪᓗ ᑕᒪᓐᓇᑐᐊᖅ ᐅᓪᓗᖅ ᐊᓂᒍᖅᑎᓪᓗᒍ. ᐃᒻᒥᓂᒃ ᐅᒃᐱᕆᑐᐃᓐᓇᕐᓗᑎᑦ, ᐱᔪᓐᓇᕐᓂᖃᕋᕕᑦ ᖃᓄᑐᐃᓐᓇᖅ ᐱᔪᒪᔭᕐᓂᒃ ᓄᓇᕐᔪᐊᕐᒥ. ᐱᓕᕆᓗᑎᑦ ᖃᓄᐃᓕᐅᕆᐊᖃᖅᑕᕐᓂᒃ. ᑐᓂᓯᒋᐊᖃᕋᕕᑦ, ᓅᒋᐊᖃᕈᕕᑦ ᐊᕐᕌᒍᓄᑦ ᐊᒥᓲᖏᑦᑐᓄᑦ, ᑕᐃᒪᐃᓕᖓᕗᖅ. ᐃᓅᓯᕐᓂ ᐱᐅᙱᑦᑑᕗᖅ ᑲᔪᓯᑦᑎᐊᕈᒪᓂᔅᓯᓐᓂᒃ." 

ᕿᓂᕐᓂᖅ ᐃᑲᔪᖅᑐᐃᓂᕐᒧᑦ ᐊᑐᖅᑕᐅᖃᑦᑕᖅᑐᒥᒃ ᓄᑖᒥ ᓄᓇᔅᓯᓐᓂ ᐅᓇᐅᕗᖅ, Basaraba−ᑯᑦ ᐊᑐᖁᔭᖓ, ᐅᑯᑎᒎᓇᖅ, ᓯᓚᑦᑐᖅᓴᕐᕕᒡᔪᐊᑎᒍᑦ ᓄᓇᓕᒃᑎᒍᑦ ᐅᕝᕙᓘᓐᓃᑦ ᓄᓇᓕᖕᓂ ᓄᓇᖃᖅᑳᖅᑐᓄᑦ ᓄᓇᓕᒋᔭᐅᔪᑎᒍᑦ.  "ᐃᓄᑑᖅᑰᔨᓚᐅᖅᓯᒪᒍᕕᑦ, ᖃᐅᔨᒪᖁᑐᐃᓐᓇᖅᑕᒋᑦ ᐃᓄᑑᙱᓐᓇᕕᑦ. ᓄᓇᖃᖅᑳᖅᓯᒪᔪᑦ ᖃᑕᙳᑎᒌᑦ ᐅᓄᖅᑐᒻᒪᕆᐊᓗᐃᑦ ᐃᓕᖕᓄᑦ ᑐᙵᕕᖃᖅᑐᑦ," ᑎᓕᐅᕆᔪᖅ.

ᐊᒥᓲᕗᑦ ᐱᔾᔪᑎᐅᔪᑦ ᑲᔪᓯᑦᑎᐊᕐᓂᕐᒧᑦ, ᒪᓕᑦᑐᒍ ᕙᓴᐸ. "ᓯᕗᕚᕗᑦ, ᐅᕙᑦᑎᓐᓄᑦ ᐱᓕᕆᔪᒻᒪᕆᐅᓚᐅᖅᐳᑦ. ᑕᕝᕙᓃᒃᑲᔭᙱᓇᑦᑕ ᐅᓪᓗᒥ ᓯᕗᓕᕕᓂᕗᑦ ᐱᑕᖃᖅᑎᓐᓇᒍ ᐊᒻᒪᓗ ᑕᐃᒪᐃᒻᒪᑦ ᐃᖅᑲᐅᒪᒋᐊᖃᖅᐸᕗᑦ. ᓯᕗᓕᕕᓂᕗᑦ ᐅᐱᒍᓱᒃᑎᑦᑕᕆᐊᖃᖅᑕᕗᑦ, ᐃᓚᑎᑦ ᐅᐱᒋᓗᒋᑦ, ᐃᓕᖕᓂᒃ ᐅᐱᒍᓱᒃᑎᓪᓗᑎᑦ. ᐅᓪᓗᖅ ᐊᓂᒍᖅᑎᓪᓗᒍ, ᐃᓕᖕᓄᑐᐊᖅ ᐱᔾᔪᑎᖃᖅᐳᖅ," ᓇᓗᓇᐃᖅᓯᓪᓗᓂ.

ᐃᓅᓯᖓᓂ, ᐹᓴᐸ ᐊᒃᓱᕉᑎᖃᖃᑦᑕᓚᐅᖅᐳᖅ ᐊᑖᑕᖓ ᐊᒃᓱᕈᖅᖢᓂ ᐊᓈᓇᖓᓗ ᐊᒃᓱᕈᕐᓇᖅᑐᒃᑰᖅᖢᓂ. ᓱᕈᓯᐅᓪᓗᓂ, ᓅᓚᐅᖅᓯᒪᔪᖅ ᐊᑦᑕᒥᓄᑦ ᐊᒃᑲᒥᓄᓪᓗ ᐊᒻᒪᓗ ᐊᕕᑦᑕᐅᓪᓗᓂ ᐊᖓᔪᖅᑳᒥᓂᒃ ᐊᒃᓱᕈᓚᐅᖅᑐᖅ. ᐊᑖᑕᖓ ᐃᓅᔪᓐᓃᓚᐅᖅᑐᖅ ᐆᒻᒪᑎᒥᒍᓪᓗ ᐱᔾᔪᑎᖃᖅᓱᓂ ᐊᒻᒪᓗ ᐊᑦᓱᕈᕐᓇᖅᑐᒃᑰᖅᓯᒪᑎᓪᓗᒍ, ᓱᓕ ᐊᑦᓱᕈᖃᑦᑕᖅᑐᖅ ᐊᑖᑕᖓ ᐅᐱᒋᒐᓱᐊᖅᓱᓂᐅᒃ, ᑕᑯᑦᓴᐅᑎᑦᓯᑦᓱᓂ ᐊᔾᔨᒥᒃ ᐃᖅᑲᐅᒪᓂᐊᖅᑕᒥᓂᒃ.

"ᐅᖃᐅᓯᕆᖅᑳᕈᒃᑯ, ᑭᓱᓕᒫᑦ ᒪᓕᒃᐸᒃᑕᒃᑲ, ᓴᐃᒪᓇᖅᑑᓪᓗᓂᓗ ᖁᕕᐊᓇᖅᖢᓂᓗ."

ᐃᓚᒌᑦ ᖁᐊᖅᓵᖓᓇᖅᑐᒃᑰᖅᓯᒪᔪᑦ, ᕙᓴᐸ ᐊᔅᓱᕈᕈᑎᖃᓚᐅᖅᑐᖅ ᐅᑉᐱᕈᓱᓐᓂᕐᒥᑦ ᐊᒻᒪ ᐃᒻᒥᓂᒃ ᐅᑉᐱᕈᓱᓐᓂᕐᒥᑦ, ᐃᑲᔪᕐᓱᐃᓂᖃᓪᓚᕆᓚᐅᖅᑐᖅ, ᐱᓐᖑᐊᓂᕐᒥᑦ ᐊᒻᒪ ᐅᑉᐱᕈᓱᓐᓂᖓᓂᑦ ᒎᑎᒥᑦ. ᕼᐋᑭᖃᑦᑕᖅᓯᒪᔪᖅ, ᐹᔅᑭᑦᐹᓪ, ᐊᓇᐅᓕᒑᖅᑐᓂ, ᕚᓕᐹᖅᑐᓂ, ᕚᓕᐹᖅᑐᓂᓗ, ᓵᓚᔅᓴᖅᑐᓂ ᐱᓐᖑᐊᖅᑎᓂᑦ. ᓯᓚᑖᓂ ᐱᙳᐊᕐᓂᐅᑉ, ᐅᖃᖃᑎᖃᓚᐅᖅᑐᖅ ᐃᒃᐱᒋᔭᒥᓂᒃ ᐃᓅᓯᓕᕆᔨᖓᓄᑦ ᐱᖃᓐᓇᕆᔭᒥᓃᖃᑎᒋᓪᓗᓂᐅᒡᓗ ᖃᑕᙳᑎᖏᓪᓗ.  

ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒥᓂᒃ ᐅᖃᕋᔭᖅᑐᖅ, "ᑲᔪᓯᒋᑦ, ᓴᙱᔫᖏᓐᓇᕆᑦ ᑭᓱᓕᒫᓪᓗ ᖃᓄᐃᔾᔮᒐᑎᒃ ᐃᓱᐊᓂ. ᐱᓕᕆᑦᑎᐊᖏᓐᓇᕈᕕᑦ, ᓂᕈᐊᑦᑎᐊᑲᑕᒃᑯᕕᑦ, ᓂᕈᐊᕐᓗᑎᑦ ᐱᐅᔪᒥᒃ ᓂᕈᐊᙱᖔᕐᓗᑎᑦ ᐱᐅᙱᑦᑐᒥᒃ, ᒎᑎᐅᑉ ᐃᓕᖕᓂᒃ ᐱᓕᕆᓂᐊᖅᐳᖅ. ᑲᔪᓰᓐᓇᕐᓗᑎᑦ ᐅᒃᐱᕈᓱᐃᓐᓇᕐᓗᑎᓪᓗ." 

ᐃᓱᒪᖓ ᖃᓄᐃᙱᑦᑎᐊᕐᒪᖔᑦ ᖃᐅᔨᒋᐊᖃᑦᑕᖁᓪᓗᒍ ᐱᒋᐊᓵᖅᑎᓪᓗᒍ ᖃᓂᒻᒪᒍᑕᐅᕙᓪᓕᐊᔪᖅ, ᐹᓴᐸ ᐃᓱᒪᖅᓱᖅᖢᓂ ᐱᓕᕆᓚᐅᖅᐳᖅ, ᑐᒃᓯᐊᖅᖢᓂ, ᔫᑑᑉ ᑕᕐᕆᔭᐅᓯᐊᖏᓐᓂᒃ ᓈᓚᒃᖢᓂ, ᑕᕐᓂᓕᕆᓪᓗᓂ, ᐊᔪᕈᓐᓃᖅᓴᖅᖢᓂ ᐅᒃᐱᕐᓂᓕᕆᓂᕐᒥᒃ, ᐊᒻᒪ ᐱᓕᕆᓪᓗᓂ. ᓄᓲᕋᐅᑎᒥᒃ ᓂᐅᕕᓚᐅᖅᑐᖅ ᐊᒻᒪᓗ ᓄᑦᑐᒃᓯᖃᑦᑕᓕᓚᐅᖅᑐᖅ, ᐊᖅᓴᕐᒥᒃ ᐊᔪᕈᓐᓃᖅᓴᖅᖢᓂ, ᐊᒻᒪᓗ ᐊᓯᖏᑦ ᖁᕕᐊᒋᔭᖏᑦ ᖁᕕᐊᒋᔭᑎᑦ, ᐃᖅᑲᐅᒪᕗᑎᑦ ᖃᓄᖅ ᐃᓅᓯᖅ ᐱᒻᒪᕆᐅᑎᒋᖕᒪᖔᑦ ᐊᒻᒪᓗ ᐃᖅᑲᐅᒪᕗᑎᑦ ᖃᓄᐃᒻᒪᑦ, ᖃᐅᔨᒍᕕᐅᒃ ᐱᔾᔪᑎᒋᔭᐃᑦ," ᐊᒃᑐᐊᓂᖃᖅᑐᖅ. ᐊᓯᒥᒃ ᑲᑎᙵᖃᑎᖃᐃᓐᓇᕐᓂᖅ ᑮᓇᒃᑯᑦ ᑲᑉᐱᐊᓱᒃᑎᙱᖦᖢᒍᓗ ᐊᐅᓚᙱᓪᓗᒍ, ᐅᒃᐱᕐᓇᙱᖦᖢᓂ.  

"ᖁᕕᐊᒋᔭᕐᓂᒃ ᐱᓕᕆᓗᑎᑦ, ᐃᖅᑲᐅᒪᕗᑎᑦ ᐃᓅᓯᖅ ᐱᒻᒪᕆᐅᓂᖓᓂᒃ ᐊᒻᒪ ᐃᖅᑲᐅᒪᓗᑎᑦ ᖃᓄᐃᒻᒪᑦ, ᐱᔾᔪᑎᒋᔭᕐᓂᒃ ᖃᐅᔨᕗᑎᑦ."

ᐱᔪᒪᓕᕋᒥ, ᕙᓴᐸ ᑕᐅᑦᑐᖃᖅᑐᖅ ᑯᕇᑐᒥᑦ ᐊᒻᒪ ᓯᓐᓇᑦᑑᒪᖏᓐᓂᑦ. ᐃᑲᔪᕐᓂᖅ ᐃᓄᓐᓂᒃ ᐱᐅᓂᖅᐹᒥᒃ ᐃᓅᒍᓐᓇᕐᒪᑕ ᐊᒻᒪᓗ ᐅᒡᒍᐊᕈᑎᒋᑦᑕᐃᓕᕙᒻᒥᔭᖓᑦᑕᐅᖅ. ᐊᓈᓇᖓ, ᐊᑦᑕᖏᑦ ᐊᒃᑲᖏᓪᓗ ᐱᔪᒃᓯᑎᑦᑎᓲᑦ ᐃᖕᒥᓂᒃᓗ ᓇᒡᓕᒍᓱᒃᓗᑎᒃ. "ᐅᕙᓐᓂᒃ ᓇᒡᓕᒋᕐᔪᐊᖅᑐᖓ ᐊᒻᒪ ᖃᓄᐃᒻᒪᑦ ᐃᓅᓯᑦᑎᐊᕙᖃᙱᒻᒪᖔᕐᒪ?" ᐅᖃᖅᐳᖅ.  

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᐹᓴᐸ ᐅᖃᖅᖢᓂ, "ᖃᓄᑐᐃᓐᓇᖅ ᓯᓐᓇᑦᑑᒪᒐᓗᐊᕈᕕᑦ, ᑕᐃᒪᐃᓕᐅᕐᓗᑎᑦ. ᐊᒥᓱᑦ ᐃᓄᐃᑦ ᐅᖃᕈᒪᒻᒪᑕ ᖃᓄᐃᓕᐅᕈᓐᓇᖏᓐᓂᕋᖅᑐᑎᒃ. ᑭᓯᐊᓂ ᐅᓪᓗᖅ ᐊᓂᒍᖅᐸᑦ, ᑕᒪᒃᑯᐊᓕᒫᑦ ᐃᓱᒪᒋᔭᑎᑦ ᐊᒻᒪ ᐱᔪᒪᒍᕕᑦ, ᐊᑏ, ᐊᑯᓂᐅᓂᖓ." ᑎᓕᐅᕆᔪᖅ ᒪᒃᑯᑦᑐᓂᑦ ᐃᖅᑲᓇᐃᔭᖁᔨᑦᓱᓂ ᐱᔪᒪᔭᖏᓐᓂᑦ ᑲᑎᙵᖏᖔᖅᓱᑎᒃ. "ᓇᖕᒥᓂᖃᓕᕈᓐᓇᕈᒪ, ᖃᓄᐃᓕᐅᕈᓐᓇᕐᒥᔪᓯ ᓲᖃᐃᒻᒪ ᓇᖕᒥᓂᖃᕐᓂᐊᕋᓱᒋᓚᐅᙱᓐᓇᒪ. ᐃᓕᖕᓂᒃ ᐅᒃᐱᕆᑐᐃᓐᓇᕐᓗᑎᑦ, ᐆᑮ? ᐃᓕᖕᓂᒃ ᐅᐱᒍᓱᒃᑎᓪᓗᑎᑦ ᐅᓪᓗᖅ ᐊᓂᒍᖅᑎᓪᓗᒍ," ᐱᔭᕇᖅᐳᖅ. 

"ᒨᓪᑦ ᐃᓅᓕᓴᐅᑎᐅᓪᓗᓂ" ᒥᑕᐅᑎᓪᓗᓂ, ᓂᒃ ᕙᓴᐸ ᓅᕐᔪᐊᖅᑐᖅ ᓄᓇᕐᔪᐊᒥ ᐃᓕᓐᓂᐊᕐᓂᓕᕆᓂᕐᒥ ᑲᒪᒋᔭᖏᓐᓄᓪᓗ ᓄᓇᕐᔪᐊᒥ ᐅᐃᐊᒃᑯᑦ. ᐃᓕᑦᑎᕙᓪᓕᐊᓂᖅ ᐃᓅᓂᕐᓗ ᐅᒃᐱᕐᓂᒃᑯᑦ ᓴᐃᒻᒪᖅᑎᑦᑎᓂᒃᑯᓪᓗ, ᓇᖕᒥᓂᖅ ᐊᑐᒐᒃᓴᓕᐅᖅᑐᖅ ᐃᖕᒥᓂᒃ ᖃᑕᙳᑎᖏᓐᓂᒃᓗ ᐅᐱᒍᓱᒃᑎᑦᑎᓪᓗᓂ. ᐃᑲᔪᖅᑐᐃᔾᔪᓯᖓᓄᐊᖅᖢᓂ ᐃᑲᔪᖅᑐᐃᓪᓗᓂᓗ ᐊᓯᒥᓂᒃ, ᐅᒡᒍᐊᕐᓇᙱᖦᖢᓂ ᓂᕆᐅᖕᓂᖃᑦᑎᐊᖅᖢᓂᓗ ᓯᕗᓂᒃᓴᑦᑎᓐᓄᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.