"ᑕᑯᔪᖓ ᑮᓇᐅᔭᓕᕆᔾᔪᓯᕐᒥᒃ ᐊᑲᐅᓛᖑᓂᖓᓂᒃ ᐊᒃᑐᐃᓂᖅᐹᖑᑎᓪᓗᒍ ᓄᓇᔅᓯᓐᓂ ᐃᓅᓪᓗᑎᑦ... ᑕᒪᓐᓇ ᑐᙵᕕᐅᒻᒪᑦ. ᑕᒪᓐᓇ ᑐᙵᕕᐅᔪᖅ ᓇᒥᑐᐃᓐᓇᖅ ᑲᓇᑕᒥ ᑐᑭᓯᐅᒪᓂᐅᕗᖅ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᕐᒥᒃ. ᐊᒻᒪᓗ ᑭᖑᓪᓕᕐᒥ, ᖃᓄᖅ ᐊᑐᕈᓐᓇᖅᑭᐅᒃ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᖅ ᐱᔨᑦᑎᕋᑦᑎᐊᓂᖅᓴᐅᓂᕐᒧᑦ ᒪᓕᒐᓕᐅᖅᑎᓄᑦ?" ᐅᖃᖅᑐᖅ ᑮᓇᐅᔭᓕᕆᔨ ᑳᑕ ᐅᐃᓪᓴᓐ.

ᐅᐃᓪᓴᓐ ᕚᓐᑰᕗᒥᐅᑕᐅᓕᖅᑐᖅ, ᐳᕆᑎᔅ ᑲᓚᒻᐱᐊᒥ, ᑭᓯᐊᓂ ᐅᐃᓂᐹᒡᒥᐅᑕᒃᓴᔭᐅᔪᖅ. ᐃᓅᓂᑯ ᐱᒍᐃᔅ ᓄᓇᖃᖅᑳᖅᓯᒪᔪᓂ, ᓄᓇᖃᓚᐅᖅᑐᖅ ᖃᓂᒋᔭᖓᓂ ᐃᖃᓗᓕᕆᕝᕕᖕᒥ ᓅᓐᓇᓱᖕᓂᖓᓂ ᐅᐃᓂᐹᒡᒧᑦ 8−ᖓᓂ ᖁᑦᑎᖕᓂᓕᖕᓂ. ᐱᔭᕇᓚᐅᖅᑐᖅ ᐊᒻᒪᓗ ᓯᓚᑦᑐᓴᕐᕕᕐᔪᐊᕐᒨᖅᑐᓂ ᒫᓂᑑᕙᒧᑦ ᑮᓇᐅᔭᓕᕆᔨᕈᕈᓐᓇᖅᓯᖁᓪᓗᒍ. ᖁᑦᑎᓐᓂᓕᒃ 11 ᐃᓱᒪᓕᐅᖅᑎᓪᓗᒍ ᐃᖅᑲᓇᐃᔮᕆᓛᕈᒪᔭᕐᒥᓂᒃ ᐊᒻᒪ CPA-ᖑᓪᓗᓂ. ᑮᓇᐅᔭᓕᕆᓂᕐᒧᑦ ᐊᐅᓚᑦᑎᓂᖅ ᓄᓇᓕᖓᓂ ᐅᖃᐅᓯᐅᓪᓗᐊᑕᓚᐅᖅᑐᖅ ᐱᕈᖅᐸᓪᓕᐊᑎᓪᓗᒍ ᐊᒻᒪᓗ ᓇᒡᓕᒋᔭᐅᖏᓐᓇᐅᔭᖅᖢᓂ ᓈᓴᐅᑎᓂᑦ, ᑕᐃᒪᐃᒻᒪᑦ ᑮᓇᐅᔭᓕᕆᓂᖅ ᐱᕙᓪᓕᐊᑐᐃᓐᓇᓚᐅᖅᑐᖅ ᐊᒻᒪᓗ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ.

"ᐱᐅᒋᔭᕋ ᐃᓚᓯᑐᐃᓐᓇᕐᓂᖅ ᐊᒻᒪ ᐃᓚᙵᖅᓯᓂᖅ ᐊᒻᒪ ᓈᒻᒪᒋᔭᐅᓂᖓ. ᑭᓯᐊᓂᓕ ᒫᓐᓇᐅᔪᖅ ᐱᓕᕆᖃᑎᖃᖅᐸᓕᖅᑐᖓ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᖃᐅᑕᒫᑦ. ᑐᕌᒐᕆᓪᓗᐊᑕᖅᑕᕋᓗ... ᐱᐅᓯᑎᑕᐅᒋᐊᕐᓗᓂ ᐊᐅᓚᓂᕆᕙᑦᑕᖏᑦ ᐃᖅᑭᓖᑦ ᐱᔨᑦᓯᑦᓯᐊᓂᖅᓴᐅᖃᑦᑕᕈᓐᓇᖁᓪᓗᒋᑦ ᐃᓚᒋᔭᐅᔾᔪᑎᖏᓐᓄᑦ ᐊᒻᒪᓗ ᓴᖅᑮᓗᑎᒃ ᐱᐅᓂᖅᓴᒥᒃ ᐃᓅᒐᓱᐊᕐᓂᕐᒥᒃ ᑭᒃᑯᓕᒫᓄᑦ ᑲᓇᑕᒥ," ᐅᐃᓪᓴᓐ ᓇᓗᓇᐃᔭᐃᔪᖅ. ᐃᑉᐱᒍᓱᖏᒃᑲᓗᐊᖅᑎᓪᓗᒍ ᐃᓚᑰᓂᖏᓐᓂᑦ ᖃᐅᔨᒪᓂᕐᒥᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᓯᓂᕐᒥᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ, ᑕᑯᔪᖅ ᐅᖁᒪᐃᑦᓴᕐᓂᕐᒥᑦ ᑮᓇᐅᔭᓕᕆᓂᕐᒧᑦ ᐅᓂᒃᑳᓕᐅᕐᓂᕐᒥᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᑦ ᑭᓪᓕᖃᖅᑎᑕᐅᔪᓂᓪᓗ ᓴᖅᑭᖅᑕᐅᔪᓂᑦ ᑖᒃᑯᓄᖓ.

ᓯᓚᑦᑐᖅᓴᕐᕕᒡᔪᐊᒦᖃᑕᐅᓪᓗᓂ ᖃᑯᖅᑕᐅᓪᓗᓂ ᐃᓕᓐᓂᐊᖅᑎᐅᓪᓗᓂ, ᕕᐅᓪᓴᓐ ᐃᓱᒪᓚᐅᖅᐳᖅ ᐱᓱᐃᓐᓇᐅᔭᕐᓂᖓᓂᒃ ᒪᕐᕉᖕᓂ ᓄᓇᕐᔪᐊᕐᒥ. ᓱᓕ ᐃᓚᒥᓂᒃ ᐱᕈᖅᓴᐃᓚᐅᖅᑐᖅ, ᓂᕆᐅᒋᔭᐅᓚᐅᕐᒥᔪᖅ ᐅᐸᒍᑎᓂᐊᕋᓱᒋᔭᐅᓪᓗᓂ ᖃᓄᐃᓕᐅᖅᑐᖃᖅᑎᓪᓗᒍ ᐅᐸᒡᕕᒋᙱᑕᒥᓂᒃ. ᐱᓕᕆᖃᑕᐅᔪᒻᒪᕆᐅᓚᐅᖅᐳᖅ ᐃᓕᓐᓂᐊᖅᑎᓄᑦ ᓯᕗᓕᐅᖅᑎᓄᑦ ᐊᒻᒪ ᐃᓚᒋᔭᐅᖃᑕᐅᓪᓗᓂ ᑐᒥᓕᕆᔨᓄᑦ. ᕕᐅᓪᓴᓐ 33-ᓂᒃ 1999-ᒥ, ᑭᓯᐊᓂ ᑕᐱᖃᓚᐅᖏᑦᑐᑦ ᑕᒪᑐᒧᖓ ᖁᑭᖅᑕᐅᖔᓕᓚᐅᖅᑐᖅ. ᐃᓕᓴᐃᔨᖓ ᐃᓕᓐᓂᐊᖅᑎᑦᑎᖃᑦᑕᓚᐅᕐᒪᑦ 12-ᖏᖅᓱᖅᖢᓂ ᐱᓇᓱᐊᕈᓯᕐᒥ ᐊᒻᒪᓗ ᐊᒃᓱᕈᖅᖢᓂ ᐱᓕᕆᑎᓪᓗᒍ, ᓵᓚᒃᓴᒐᔪᓚᐅᙱᑦᑐᖅ. ᐃᓕᑦᑎᓪᓗᓂ ᐅᖃᐅᔾᔪᖅᓱᖅᑕᐅᓂᕐᒥᒃ ᐊᒻᒪᓗ ᖃᓂᓛᖑᓚᐅᖅᖢᓂ ᐃᓕᓐᓂᐊᕐᓂᖏᓐᓂ, ᐃᓕᓐᓂᐊᖅᑎᓄᑦ ᓯᕗᓕᐅᖅᑎᐅᓂᕐᒧᑦ ᐊᒻᒪᓗ ᑐᔾᔭᖅᓯᓂᕐᒧᑦ ᐱᓇᓱᖕᓂᖏᓐᓂ.

ᐃᓚᖓ ᐊᖏᓛᖑᔪᖅ ᐃᓕᑦᑎᔾᔪᑎᒋᓚᐅᖅᑕᖓ ᑐᒥᖏᓐᓂ ᓯᓚᒥᓗ ᐊᑲᐅᒋᔭᖓᒍᑦ ᐃᖢᕐᕆᙱᖦᖢᓂ ᑕᐃᒪᓐᓇᓗ ᐃᖢᕐᕆᙱᖦᖢᓂ, ᓇᓂᓯᓪᓗᓂ ᐊᖏᓛᒥᒃ ᐱᕈᖅᐸᓪᓕᐊᓂᕐᒥᒃ. ᐊᑐᓂ ᐃᖃᐃᓕᓴᕈᒪᑦᑎᐊᙱᖦᖢᑎᒃ, ᖃᓄᐃᑦᑑᓂᖏᑦ ᐊᒻᒪ ᐃᖅᑲᓇᐃᔮᑦᑎᐊᕙᐃᑦ ᐋᖅᑭᒃᑕᐅᓪᓗᑎᒃ, ᑭᖑᓪᓕᕐᒥ ᐃᓕᓐᓂᐊᕐᓇᖅ ᐊᔪᕐᓇᙱᓐᓂᖅᓴᐅᓕᖅᑎᓪᓗᒍ. ᕕᐅᓪᓴᓐ ᐃᓕᑦᑎᒃᑲᓐᓂᓚᐅᖅᑐᖅ ᐃᖕᒥᓂᒃ ᓱᓕᑦᑎᐊᕐᓗᓂᓗ ᐃᖕᒥᓂᒃ. ᐃᓕᓴᕆᓗᒍ ᓇᓂ ᑕᒻᒪᕐᒪᖔᑦ ᓯᕗᒻᒧᐊᒍᓐᓇᕐᓂᐊᕐᒪᑦ ᐊᑑᑎᖃᑦᑎᐊᓚᐅᖅᑐᖅ.

ᐃᓚᐅᓪᓚᕆᒍᓐᓃᖅᑎᓪᓗᒍ ᑐᒥᓯᐅᕐᓂᕐᒧᑦ ᓯᓚᒥᓗ, ᐊᔪᕈᓐᓃᖅᓴᖅᑐᖅ ᓇᑉᐸᐃᓐᓇᖓᓂᒃ ᐅᓪᓚᖃᑕᐅᓂᕐᒥᒃ. ᕕᐅᓪᓴᓐ ᖁᕕᐊᓱᒃᑐᖅ ᐱᓇᓱᐊᖅᖢᓂ ᑐᕌᒐᕆᔭᒥᓂᒃ ᐃᓂᖅᑎᕆᓂᕐᒧᑦ, ᓴᖅᑭᑦᑎᓪᓗᓂ ᐱᓕᒻᒪᒃᓴᐃᓂᖕᒧᑦ ᐃᓂᒃᓴᒥᑦ ᐅᖓᓯᒃᑐᒥᓪᓗ ᑐᕌᒐᕆᔭᖏᓐᓂᑦ ᐊᒃᓱᕈᖕᓇᖅᖢᓂ. ᐅᖓᓯᒃᑐᒧᑦ ᐅᓪᓚᖕᓂᖅ ᑎᒥᒃᑯᑦ ᐋᓐᓂᕐᓇᕈᓐᓇᖅᑐᖅ, ᑭᓯᐊᓂ ᖁᕕᐊᒋᔭᓕᒃ ᐊᑐᕋᓱᒃᐸᒃᓗᓂ ᐊᒃᓱᕈᕐᓗᓂᓗ ᐃᖅᑲᓇᐃᔭᕐᖢᓂ ᓯᓚᑖᓂ ᐃᖅᑲᓇᐃᔮᖓᑕ.

ᐃᖅᑲᓇᐃᔭᕐᓇᐅᑉ ᐅᓪᓗᖓ ᐊᔾᔨᒌᑉᐸᖏᒻᒪᑕ ᕕᐅᓪᓴᓐᒧᑦ, ᐊᐅᓪᓚᖅᓯᒪᒐᓗᐊᕈᓂ ᐃᑲᔪᕆᐊᖅᑐᕐᓗᓂ ᓄᓇᖃᖅᑳᖅᓯᒪᔪᓂᑦ ᑐᑭᓯᐅᒪᓗᓂ ᖃᓄᖅ ᐊᐅᓚᓂᖃᓲᖑᒻᒪᖔᑕ ᓇᓂᓯᒍᓐᓇᕐᓂᐊᕐᒪᑦ ᐱᐅᓯᕚᓪᓕᕈᑎᔅᓴᖏᓐᓂᑦ ᐅᕝᕙᓘᓐᓃᑦ ᑐᓵᔪᓐᓇᕐᓂᖏᓐᓂᑦ ᐊᔅᓱᕉᑕᐅᔪᓂᑦ ᑕᓚᕖᓴᒃᑯᑦ ᐅᖄᓚᖃᑦᑕᖅᑐᓄᑦ. ᐱᓕᕆᖃᑎᖃᖅᐸᒻᒪᑦ ᐊᒥᓱᓂᒃ ᐃᑲᔪᖅᑕᐅᒋᐊᓕᓐᓂᒃ ᖃᓄᑐᐃᓐᓇᖅ ᐱᔭᕆᐊᖃᖅᐸᑕ, ᑮᓇᐅᔭᓂᒃ ᐊᑐᖅᑐᑦᓴᓂᒃ ᐃᖅᑲᓇᐃᔮᓄᑦ ᐸᕐᓇᐅᑎᓄᑦ. ᐊᐅᓚᑕᐅᑦᑎᐊᕐᓂᖅᓴᐅᓕᕐᓗᑎᒃ ᑮᓇᐅᔭᑦ ᐃᒡᓗᑖᕈᑕᐅᒃᑲᓐᓂᕈᓐᓇᖅᐳᑦ ᐃᓚᒋᔭᐅᔪᓄᑦ, ᕕᐅᓪᓴᓐ ᐅᓂᒃᑳᖅᐳᖅ, ᐊᒻᒪ ᓇᖕᒥᓂᖅ ᓄᓇᒥᓂᒃ ᐱᓕᕆᖃᑎᖃᕈᓐᓇᖅᑎᓪᓗᒍ, ᓄᓇᓕᖕᓂ ᐱᓕᕆᖃᑎᖃᖅᐸᒡᓗᓂ ᑲᓇᑕᓕᒫᒥ ᐃᑲᔪᕈᓐᓇᖅᐳᖅ ᐃᓄᖕᓂᒃ. ᐃᖅᑲᓇᐃᔭᖅᑐᓂ ᑲᒻᐸᓂᐅᔪᒧᑦ ᒫᓐᓇ, ᐊᐱᕆᓚᐅᕐᒪᑦ ᓄᒃᑎᖅᑎᕆᖁᔨᓪᓗᓂ ᕚᓐᑰᕗᒥ ᐊᓪᓚᕝᕕᖓᓄᑦ ᓯᓚ ᐅᖅᑰᓂᕐᓴᐅᑎᓪᓗᒍ ᐊᒻᒪᓗ ᐊᖏᖅᑐᑎᒃ. ᓯᓚᒥ ᐱᓕᕆᓂᖅᓴᐅᖃᑦᑕᓕᕐᒪᑦ ᖁᕕᐊᓱᓐᓂᖅᓴᐅᓪᓗᓂᓗ.

ᑭᖑᓪᓕᖅᐹᖅ ᓇᓚᐅᑦᑖᖅᑕᐅᔪᖅ ᕕᐅᓪᓴᓐ ᑐᓴᓚᐅᖅᐳᖅ 100 ᑐᖔᓂ ᓄᓇᖃᖅᑳᖅᑐᑦ CPAs-ᑕᖃᕐᓂᖓᓂᒃ ᑲᓇᑕᒥ. "ᑕᐃᒪᓕ CPA−ᖑᑐᐊᕈᕕᑦ, ᑮᓇᐅᔭᓕᕆᔨᒻᒪᕆᐅᓪᓗᓂ, ᒪᓕᒐᓕᕆᔨᐅᑉ ᓇᓕᒧᐸᓗᒋᕚ ᐅᕝᕙᓘᓐᓃᑦ ᓘᒃᑖᒧᑦ, ᐱᓕᕆᔨᒻᒪᕆᐅᕗᑎᑦ ᑕᐃᑲᓂ. ᐱᓐᓇᕆᔭᐅᓕᖅᐳᑎᑦ ᑕᒪᐃᓐᓂᒃ ᑲᑐᔾᔨᖃᑎᒌᒡᕕᖕᓂ," ᐅᖃᖅᖢᓂ. ᖃᐅᔨᒪᓂᖅ CPA−ᒥᒃ ᐊᓐᓂᕐᓇᖅᑐᒻᒪᕆᐅᕗᖅ ᑲᓇᑕᒥ ᐅᕝᕙᓘᓐᓃᑦ ᐱᓕᕆᔨᓪᓚᕆᒋᔭᐅᕙᒃᑐᒥ ᓲᕐᓗ MNP−ᒥ ᑕᐃᑲᓂ ᕕᐅᓪᓴᓐ ᐃᖅᑲᓇᐃᔭᖅᑎᓪᓗᒍ, ᓇᓗᓇᐃᖅᓯᓪᓚᕆᒃᖢᓂ.

"ᖃᓄᑐᐃᓐᓇᖅ ᐅᐸᒍᒪᔭᓐᓅᕈᓐᓇᖅᑐᑎᑦ ᑲᓇᑕᒥ. ᖃᓄᑐᐃᓐᓇᖅ ᐱᔪᒪᔭᕐᓂᒃ ᐱᓕᕆᔪᓐᓇᖅᑐᑎᑦ. ᑖᓐᓇ ᑭᓪᓕᒋᓪᓚᕆᑦᑕᖓ. ᐊᐅᓚᑦᑎᔪᓐᓇᖅᑐᑎᑦ ᒥᓕᐊᒐᓴᓐᓂᑦ ᑲᒻᐸᓂᐅᔪᒥᑦ, ᐅᕝᕙᓘᓐᓃᑦ ᑮᓇᐅᔭᓕᕆᓂᕐᒧᑦ ᐊᐅᓚᑦᑎᔨᐅᔪᓐᓇᖅᑐᑎᑦ ᐃᓅᓯᖃᑦᑎᐊᕈᒪᒍᕕᑦ. ᖃᓄᑐᐃᓐᓇᖅ ᐱᓕᕆᔪᓐᓇᖅᑐᑎᑦ ᑮᓇᐅᔭᓕᕆᔨᐅᓗᑎᑦ," ᐅᐃᓪᓴᓐ ᐱᖃᖃᑕᐅᓗᓂ. ᐊᒥᓱᑦ ᐃᓕᑕᖏᑦ ᐃᓕᓐᓂᐊᕐᕕᒻᒥ ᐊᑐᓗᐊᖃᑦᑕᖏᑦᑕᖏᑦ ᒫᓐᓇ ᑭᓯᐊᓂ ᐱᒻᒪᕆᐅᓚᐅᖅᑐᑦ ᑐᓐᖓᕕᐅᔪᑦ ᐃᓕᑉᐸᓪᓕᐊᔭᖏᓐᓄᑦ ᐃᖅᑲᓇᐃᔭᖅᑎᓪᓗᒋᑦ ᒫᓐᓇ.

ᓂᕆᐅᒋᔭᖏᑦ ᐃᓱᒪᒋᓪᓗᒋᑦ ᓯᕗᓂᒃᓴᑦᑎᓐᓄᑦ, ᓯᕗᓕᖅᑎᐅᔪᒪᕗᖅ ᐃᓕᓐᓂᐊᖅᑎᑦᑎᓗᓂᓗ ᐊᓯᒥᓂᒃ ᖃᓄᖅ ᐃᑲᔪᑦᑎᐊᕈᓐᓇᕐᒪᖔᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ. "ᐃᓱᒪᒋᔭᕋ ᑕᒪᓐᓇ ᐱᒻᒪᕆᐅᓇᓱᒋᓪᓗᒍ ᐃᓛᓐᓂᒃᑯᑦ ᐊᓯᐅᓪᓗᓂ, ᑭᓯᐊᓂ ᓄᓇᓖᑦ ᖃᐅᔨᒪᖕᒪᑕ ᑭᓱᓂᒃ ᐱᔪᒪᓛᖑᖕᒪᖔᑕ, ᑕᐃᒪᐃᒻᒪᑦ ᐃᑲᔪᖅᓱᑐᐃᓐᓇᕈᒪᕙᒃᑲ ᖃᓄᑐᐃᓐᓇᖅ. ᑭᓯᐊᓂ ᐃᑲᔪᕈᓐᓇᖏᓐᓇᒪ ᓄᓇᓕᕐᔪᐊᓕᒫᓂᑦ ᑲᓇᑕᒥ. ᐱᓕᕆᖃᑎᒌᒃᑐᖃᕆᐊᖃᖅᑐᑎᑦ," ᐅᐃᓪᓴᓐ ᓯᓐᓇᑦᑑᒪᔪᖅ ᓂᐱᖃᕐᓗᓂ. ᐃᑲᔪᖅᓱᖅᖢᒍ ᓇᒧᙵᐅᕙᓪᓕᐊᓂᕆᔭᖓᓄᑦ ᐱᖃᓐᓈᕆᕚ, ᑮᓇᐅᔭᓕᕆᔨᐅᒋᓪᓗᓂ, ᖃᑕᙳᑎᖏᑦ ᐊᐅᓚᑦᑎᔨᖏᓪᓗ.

ᑕᐃᒫᖅᐸᓪᓕᐊᓕᖅᑎᖦᖢᒍ, ᕕᐅᓪᓴᓐ ᑐᓴᖅᑎᑦᑎᔪᒪᕗᖅ ᐃᒪᓐᓇ, "ᑮᓇᐅᔭᓕᕆᓂᖅ ᐱᐅᙱᒻᒪᑦ. ᐃᓚᖏᑦ ᖁᕕᐊᓇᕐᓂᖅᐹᑦ ᐃᖅᑲᓇᐃᔮᑦ ᑕᑯᓯᒪᔭᒃᑲ ᑐᙵᕕᖃᖅᑐᑦ ᑮᓇᐅᔭᓕᕆᓂᕐᒥᒃ... ᓈᓴᐃᑐᐃᓐᓇᖅᐸᑦᑐᒍᑦ. ᐊᒥᓱᓂᒃ ᐱᓕᕆᖃᑦᑕᖅᑐᒍᑦ. ᐊᒥᓱᒃᑲᓐᓂᑦ ᐃᓱᒪᒋᑐᐃᓐᓇᕆᐊᖃᖅᑕᑎᑦ."

ᑮᓇᐅᔭᓕᕆᔾᔪᓯᕐᒥᒃ ᐊᑐᖅᖢᓂ ᐊᒃᑐᐃᔾᔪᑎᒋᓇᓱᒃᖢᓂᐅᒃ ᓄᓇᒥ, ᕕᐅᓪᓴᓐ ᑕᐅᑐᖅᑰᖅᑕᖃᖅᐳᖅ ᐃᖅᑲᓇᐃᔮᒥᓂᒃ ᐱᓕᕆᔪᒪᓪᓗᓂ ᑭᖑᓪᓕᕐᒥ ᐱᓕᕆᐊᖑᔪᒃᓴᒧᑦ: ᑕᑯᒃᓴᐅᑎᑦᑎᓪᓗᓂ ᐊᔾᔨᖓᓂᒃ ᓯᕗᓕᖅᑎᐅᓂᕐᒥᒃ ᑕᑯᒃᓴᐅᑎᑦᑎᓪᓗᓂ ᓯᓚᑦᑐᖅᓴᕐᕕᒡᔪᐊᕐᒥ ᐃᑲᔪᒃᑲᓐᓂᕈᒪᓪᓗᓂ ᐅᓄᕐᓂᖅᓴᓂᒃ ᐃᓄᖕᓂᒃ ᓈᒻᒪᒃᑐᒃᑯᑦ. ᓈᓴᐃᑐᐃᓐᓇᙱᖦᖢᓂ, ᐃᖅᑲᓇᐃᔮᒥᓂᒃ ᓈᓴᐃᔪᖅ ᐊᒻᒪᓗ ᖁᕕᐊᒋᓪᓗᒍ ᖁᕕᐊᒋᓪᓗᒍ ᐃᓅᓯᖓᓄᑦ ᐱᔪᒪᔭᖓ ᖁᑦᑎᖕᓂᓕᒃ 11-ᒥᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.