"ᐃᓚᒋᔭᐅᓚᐅᖅᐳᖓ ᑖᒃᑯᓄᖓ ᓄᑕᖅᑲᓄᑦ ᐅᒃᐱᕆᔭᖃᑦᑎᐊᓚᐅᙱᑦᑐᓄᑦ ᑕᒪᓐᓇᓗ ᐊᒃᓱᕉᑎᒋᓚᐅᖅᐸᕋ, ᖁᕕᐊᓱᑦᑎᐊᖅᐳᖓᓗ ᑕᐃᒪᐃᓚᐅᕐᓂᓐᓂᒃ," ᓂᑰᓪ ᐃᐅᒥᓐᔅᑭ−ᒥᒃ ᐅᖃᐅᓯᖃᖅᐳᖅ. ᑎᑎᖅᑐᒐᖅᑎᖓ ᐊᑎᖃᖅᑐᖅ ᓂᑭ ᐃ ᐊᒻᒪᓗ ᕙᔅᑦ ᕘᕐᔅ ᓄᓇᖃᖅᑳᕐᓯᒪᔪᖅ ᖃᓂᒋᔭᖓᓂ ᒥᐊᑐ ᑕᓯᐅᑉ, ᓴᔅᑳᑦᓱᐊᓐ. ᐅᑭᐅᑦ ᑕᓪᓕᒪᑦ ᐊᓂᒍᖅᑐᓂᒃ, ᐃᕐᒪᓐᔅᑭ ᕕᒃᑑᕆᐊᒥ ᓄᓇᖃᖅᓯᒪᓕᖅᑐᖅ ᒪᕐᕉᖕᓂᒃ ᕿᑐᕐᖓᖃᖅᖢᓂ ᑭᓯᐊᓂ ᐃᓅᓚᐅᖅᓯᒪᔪᖅ ᐱᕈᖅᓴᓪᓗᓂᓗ ᕚᓐᑰᕙᒥ. 

ADHD-ᖃᖅᑐᖅ, ᐅᑭᐅᑦ ᐊᕙᑎᑲᓴᐃᑦ ᐊᓂᒍᖅᓯᒪᓕᖅᑐᑦ ᓂᕈᐊᓚᐅᖅᓯᒪᔪᖅ ᓴᓇᕝᕕᐊᓗᖕᒥᒃ ᓅᑦᑐᓐᓇᖅᑕᒥᓂᒃ: ᑐᓴᕐᓈᕐᓂᖅ. ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓂᒃᑎᓪᓗᒍ, ᐃᓕᑕᕆᔭᐅᔾᔪᑎᑖᓚᐅᖅᐳᖅ ᓂᐱᓕᐅᕈᑎᓄᑦ ᐊᒻᒪ ᓴᓇᔭᐅᔪᓄᑦ ᐊᒻᒪ ᓂᖅᑎᐅᖅᑎᐅᔪᒪᓕᓚᐅᖅᓯᒪᓪᓗᓂ. ᐃᐅᒥᓐᑭᓐ ᐱᓕᕆᖃᑎᖃᓕᓚᐅᖅᑐᖅ ᕚᓐᑰᕙᒥ−ᑐᙵᕕᓕᖕᒥᒃ ᓄᓇᖃᖅᑳᖅᑐᑦ ᒪᒃᑯᒃᑐᑦ ᑲᑐᔾᔨᖃᑎᒌᖏᓐᓂᒃ ᐊᕐᕌᒎᓵᖅᑐᓂ ᖁᓕᓂ, ᐱᒋᐊᖅᖢᑎᒃ ᐃᑲᔪᖅᖢᒋᑦ ᓴᓇᙳᐊᕐᕕᖕᒥᒃ ᐱᑎᖦᖢᒋᑦ. 

ᐱᓕᕆᖃᑦᑕᖅᑕᖏᑦ ᐅᓂᒃᑳᑲᑕᐃᓐᓇᖅᖢᓂ ᐊᒻᒪ ᒪᒥᓴᖅᖢᓂ ᑐᓴᕐᓈᕐᓂᒃᑯᑦ ᐊᒻᒪ ᑐᓴᒐᒃᓴᑎᒍᑦ. ᓄᖅᑲᖓᑲᐃᓐᓇᓚᐅᖅᑐᖅ ᐃᕐᓂᖓ ᐱᙳᐊᒃᑲᓐᓂᓕᓚᐅᖅᖢᓂᓗ ᐊᒥᓱᓄᑦ ᖃᓂᒻᒪᓐᓇᐅᑎᓪᓗᒍ, ᐃᖅᑲᐅᒪᓪᓗᓂ ᖃᓄᑎᒋ ᓇᒡᓕᒋᔭᐅᖕᒪᖔᑦ ᖁᙱᐊᖅᑕᐅᑎᓪᓗᒍ. Ermineskin−ᑯᑦ ᐱᓇᔪᒍᒪᓕᓚᐅᖅᓯᒪᕗᑦ ᑕᕐᕆᔭᐅᓯᐅᖅᑎᓂᒃ ᐊᒻᒪ ᐱᓕᕆᐊᒃᓴᓂᒃ ᐊᐅᓚᑦᑎᓪᓗᑎᒃ. 

"Hip hop ᓴᙱᔪᒻᒪᕆᐊᓗᒃ ᐃᓅᓕᓴᐅᑎᐅᓪᓗᓂ, ᓄᓇᖃᖅᑳᖅᑐᓄᓪᓗ ᓄᓇᓕᖕᓄᑦ ᐊᑐᖅᑕᐅᖃᑦᑕᖅᓯᒪᓪᓗᓂ."

ᐃᒻᒥᓂᒃ ᒪᒥᓴᓚᐅᖅᑐᖅ ᓯᕝᕕᐊᒃᑯᑦ ᐃᓅᓯᕐᒥᒍᑦ ᐊᒃᓱᕉᑎᖃᖅᖢᓂ ᐅᐃᕆᓯᒪᓂᕐᒥᒃ, ᐊᖏᕐᕋᖃᙱᓐᓂᕐᒥᒃ ᐊᒻᒪ ᐸᓂᖓ ᐊᑯᓂᐅᓕᖅᑐᖅ ᐸᓂᖃᕈᓐᓃᖅᖢᓂ. ᒫᓐᓇᓵᒃᑯᑦ, Ermineskin ᐊᐅᓚᑦᑎᓚᐅᖅᐳᖅ ᓄᓇᕐᔪᐊᕐᒥ ᓄᓇᖃᖅᑳᖅᓯᒪᔪᑦ Hip Hop−ᑯᓐᓂ ᐃᓕᓴᕆᔭᐅᔾᔪᑎᓂᒃ. ᐸᓂᖓ ᑲᑕᓚᐅᖅᑐᖅ ᓇᒡᓕᒍᓱᒃᖢᓂ ᐃᓱᒪᖅᓱᖅᖢᓂ, ᓂᕆᖃᑎᒌᒃᖢᓂ ᑭᐳᒥ.

 "ᑕᐃᒪᓕ ᐃᓅᓯᓐᓂ ᐋᓐᓂᐊᓕᖅᑎᓪᓗᖓ ᓄᑭᖃᓕᕈᒪᓕᖅᑎᓪᓗᖓ ᐊᑐᕐᓗᒋᓪᓗ ᕿᒡᒋᖅᑕᐅᑎᓪᓗᖓ ᖁᕕᐊᓱᒍᑎᒋᖃᑦᑕᖅᑕᒃᑲ, ᓲᖃᐃᒻᒪ ᕿᑐᕐᖓᒃᑲ ᐊᓈᓇᑦᑎᐊᕙᐅᔭᕆᐊᖃᕐᒪᑕ. ᖁᕕᐊᓱᑦᑎᒍᓐᓇᖏᑕᒃᑲ ᑕᒪᑐᒥᖓ ᐊᑐᖏᒃᑯᒪ. ᐊᖏᓂᖅᐸᐅᓚᐅᖅᑐᖅ ᓂᔾᔭᐅᓯᔭᕐᓂᖅ, ᐊᒻᒪᓗ ᓱᓕ," ᐃᖅᑲᐅᒪᔪᖅ. 

ᐱᓕᕆᐊᖃᖅᖢᓂ ᑳᓐᑐᓛᒋᔭᐅᓂᐊᖅᑐᒥᒃ ᑮᓇᐅᔭᑎᒎᖓᔪᓐᓇᖅᐳᖅ ᓂᕆᕕᒡᔪᐊᕐᓇᒧᑦ ᐊᒻᒪ ᑳᖕᓇᖅᑐᒧᑦ ᑭᓯᐊᓂ ᐱᔭᒃᓴᖃᙱᓐᓂᖅᓴᐅᓗᓂ ᕿᑐᕐᖓᒥᓂᒃ ᐱᖃᑎᖃᕐᓂᖅᓴᐅᔪᓐᓇᖅᐳᖅ. ᐃᓕᑦᑎᓯᒪᔪᖅ ebbs-ᓂᒃ ᐊᒻᒪᓗ ᐃᖏᕐᕋᓂᕆᔭᐅᔪᓂᒃ ᓴᓇᕝᕕᐅᔪᓂᒃ ᐊᒻᒪᓗ ᖃᓄᖅᑑᕆᓂᕐᒧᑦ ᓇᓕᐊᖕᓄᑦ ᑳᓐᑐᕌᓄᑦ ᐱᖃᑦᑕᕐᒪᖔᑦ. Ermineskin−ᑯᑦ ᐱᓇᔪᖁᔨᕗᑦ ᖃᓄᑐᐃᓐᓇᖅ ᑮᓇᐅᔭᓂᒃ ᐊᑐᐃᓐᓇᐅᔪᓂᒃ. ᐃᖅᑲᓇᐃᔮᖃᕐᓂᖅ ᓴᓇᙳᐊᕐᓂᕐᒧᑦ ᐊᑐᖁᒐᔪᒃᐸᐅᒃ ᐃᓄᖕᓄᑦ ᑲᑎᑉᐸᒃᑕᖏᓐᓄᑦ ᓱᓕᑦᑎᐊᖅᑐᓄᑦ ᐅᕝᕙᓘᓐᓃᑦ ADHD−ᖃᖅᑐᓄᑦ ᓲᖃᐃᒻᒪ ᐃᓚᐅᖃᑕᐅᔪᓐᓇᕐᒪᑕ ᓇᖕᒥᓂᖅ ᐃᖏᕐᕋᓂᖏᑎᒍᑦ, ᓇᖕᒥᓂᖅ, ᐱᔪᒪᓕᖃᑦᑕᕐᒪᑕ. ᑎᓕᐅᕆᔪᖅ ᒪᒃᑯᑦᑐᓂᑦ ᐱᓇᓱᐊᖁᔨᑦᓱᓂ ᓴᓇᙳᐊᖅᑎᐅᓂᕐᒥᑦ ᐱᔪᒪᑉᐸᑕ, ᑭᓯᐊᓂ ᑕᑎᖃᖏᑦᑐᖅ ᓴᓇᕕᐅᔪᓂᑦ ᐃᓘᓐᓇᖏᓐᓄᑦ ᑮᓇᐅᔭᓕᐊᖏᓐᓄᑦ.   

"ᓄᓇᖃᖅᑳᖅᓯᒪᔪᓄᑦ ᐊᕐᓇᐅᓪᓗᓂ, ᑲᒪᓇᓪᓚᕆᑦᑐᖅ ᑕᑯᓪᓗᓂ ᐊᓯᖏᓐᓂᑦ ᓄᓇᖃᖅᑳᖅᓯᒪᔪᓂᑦ ᐊᕐᓇᓂᑦ ᐱᓕᕆᑎᓪᓗᒋᑦ ᐱᔾᔪᑎᒋᑦᓱᒍ ᐊᖑᑎᓂᑦ ᐱᒐᔪᓛᖑᒻᒪᑦ. ᐃᓚᒋᔭᐅᒐᒪ ᓄᓇᖃᖅᑳᖅᓯᒪᔪᓄᑦ ᐊᕐᓇᓄᑦ ᐱᓕᕆᖃᑦᑕᖅᑐᓄᑦ ᕚᓐᑰᕗᒥ hip hop-ᒥ, ᐊᒻᒪᓗ ᑕᑯᒃᑲᓐᓂᕈᒪᓪᓗᖓ. ᑕᑯᔪᒪᕐᔪᐊᖅᑐᖓ ᐊᒥᓱᑎᒍᑦ ... ᓲᖃᐃᒻᒪ ᐅᓂᒃᑳᖅᑐᐊᕗᑦ ᓴᙱᔫᖕᒪᑕ. ᖃᐅᔨᒪᓚᐅᖅᓯᒪᙱᑦᑐᑎᑦ ᑭᓇ ᑕᒪᑐᒥᖓ ᑐᓴᕐᓂᐊᕐᒪᖔᑦ," Ermineskin ᓯᓐᓇᑦᑑᒪᔪᖅ ᓂᐱᖃᖅᖢᓂ. ᓯᕗᓕᕕᓂᑐᖃᖏᑦ ᑎᒍᔭᐅᓇᔭᓚᐅᖅᑐᑦ ᖃᓄᐃᓕᐅᕐᓂᖓᓄᑦ ᒫᓐᓇ ᐃᓱᒪᒋᕙᐅᒃ ᐅᐱᒋᔭᐅᓂᖓ ᑲᒪᒋᔭᒃᓴᖓᓗ ᑲᔪᓯᓗᓂ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᐊᐅᓪᓚᕈᒪᓪᓗᑎᒃ ᓄᓇᒥᖕᓂᒃ ᓄᒃᑕᕐᓂᐊᕐᓗᑎᒃ ᐊᓯᐊᓄᓪᓘᓐᓃᑦ ᓅᓪᓗᑎᒃ ᐃᑲᔪᖅᑐᐃᕗᖅ. Ermineskin−ᑯᑦ ᐅᒃᐱᕆᔭᖃᖅᐳᑦ ᐊᑐᖅᐸᖕᓂᕐᒥᒃ ᐃᓅᓯᕐᓂᒃ ᐊᖏᕐᕋᕕᑦ ᓯᓚᑖᓂ ᑕᑯᓪᓗᓂᓗ ᓄᓇᕐᔪᐊᕐᒥᒃ. ᓯᕗᓪᓕᖅᐹᒥ ᓄᓇᕐᔪᐊᕐᒧᑦ ᐊᐅᓪᓚᕆᐅᕐᓂᖓ ᓂᐱᓕᐅᕆᓂᐊᕐᒪᑦ ᓂᔾᔭᐅᑎᒥᓂᒃ ᐊᒻᒪᓗ ᐱᔭᕇᖅᓴᕋᐃᒍᒪᓪᓗᓂ. ᐅᖃᖃᑎᖃᓲᖅ ᐸᓂᒥᓂᒃ ᑲᑉᐱᐊᓱᖁᙱᖦᖢᒍ ᐱᕕᖃᕆᐊᒃᓴᖅ. ᓇᖕᒥᓂᖅ ᐃᓅᓯᕐᒥᓂ ᓂᕈᐊᖅᖠᕈᓐᓇᓚᐅᖅᑐᖅ ᐊᒃᓱᕈᖅᖢᓂ ᖃᓄᐃᑦᑐᓐᓃᖅᐸᓪᓕᐊᓇᓱᒃᖢᓂ. ᓂᕆᐅᒋᔭᖃᖅᑐᖅ ᒪᒃᑯᑦᑐᖅ ᐃᓕᓐᓂᐊᕐᓂᐊᕆᐊᖓ ᑕᒻᒪᖃᑦᑕᕐᓂᖓᓄᑦ ᐱᐅᓂᖅᓴᓂᓪᓗ ᓂᕈᐊᕐᓂᕐᒥᑦ, ᓲᕐᓗ ᓯᓚᑦᑐᓴᕐᕕᔾᔪᐊᕐᒨᕐᓂᕐᒥᑦ. 

"ᐅᒃᐱᕈᓱᐃᓐᓇᐅᔭᖅᑐᖓ ᓯᕗᓕᕕᓂᕗᑦ ᑐᓄᑦᑎᓐᓃᖏᓐᓇᐅᔭᕐᓂᖏᓐᓂᒃ ᖃᓄᐃᓕᐅᕈᑦᑕᓗ ᐱᐅᔪᒃᑯᑦ, ᐃᑲᔪᖅᓱᐃᓂᐊᖅᑐᑦ ᐅᕙᑦᑎᓐᓂᒃ, ᑕᐃᒃᑯᐊᓗ ᐱᕕᒃᓴᑦ ᐃᓕᖕᓄᑦ ᐅᐸᒍᑎᓂᐊᖅᑐᑦ," ᐃᐅᕆᓐᔅᑭᒧᑦ ᐱᑎᑕᑦ. ᐊᔾᔨᐸᓗᐊᑦᑕᐅᖅ, ᐃᒻᒥᓂᒃ ᓄᓱᒃᓯᓪᓗᓂ ᓂᕈᐊᖅᓯᒪᔭᒥᓄᑦ ᐊᖅᑯᑎᒋᔪᒪᔭᒥᓄᑦ ᓇᓃᒃᑲᓗᐊᕈᓂ. ᑕᐃᒪᐃᒻᒪᑦ ᒪᒃᑯᒃᑐᓂᒃ ᒪᓕᖁᔨᕗᖅ ᐅᖄᓚᔭᒥᓂᒃ ᓱᖁᑎᒋᙱᖦᖢᓂᒋᓪᓗ ᐃᓄᐃᑦ ᐱᔪᒪᔪᓐᓃᖅᑐᑦ. 

"ᑕᑯᒃᑲᓐᓂᕈᒪᑐᐃᓐᓇᖅᐳᖓ ᐊᒥᓱᒃᑲᓐᓂᕐᓂᒃ ᒪᒃᑯᒃᑐᓂᒃ ᓱᕋᒃᓯᔪᓂᒃ ᑕᒪᒃᑯᓂᖓ ᐊᑐᖅᑕᐅᕙᒃᑐᓂᒃ. ᑕᐃᒪᐃᒍᒪᒐᓗᐊᖅᑐᖓ. ᑕᒪᓐᓇ ᓂᕆᐅᒋᕙᕋ ᐊᒻᒪᓗ ᑐᒃᓯᐅᑎᓪᓗᒍ. ᐊᕕᒃᑐᕐᓗᒋᑦ ᐱᓕᖅᑭᑦᑕᕐᓃᑦ ᐊᒻᒪᓗ ᖁᕕᐊᒋᓗᒍᑎᒋᔭᑎᑦ."

ᐅᖃᐅᔾᔨᒋᐊᕈᓐᓇᕈᓂ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐃᓕᓐᓂᐊᑦᑎᐊᕐᓇᕐᓂᖅᓴᐅᓇᔭᖅᑐᖅ ᐊᒻᒪ ᓲᖑᓵᕐᕕᐅᙱᓪᓗᓂ. ᐃᓕᓐᓂᐊᖃᑎᒥᓄᑦ ᐊᒃᓱᕈᖅᑎᑕᐅᓂᖅ ᐊᓯᔾᔨᓚᐅᖅᐳᖅ ᐃᓅᓯᖓᓂᒃ ᐊᒥᓱᓂᒡᓗ ᑐᓗᖅᑕᕈᑎᓂᒃ ᓴᖅᑭᑎᑦᑎᓪᓗᓂ. ᐃᒻᒥᓂᒃᑕᐅᖅ ᓈᓚᑦᑎᐊᖁᒋᕗᖅ, ᐃᓕᓴᕆᓗᒋᑦ ᐊᖓᔪᖅᑳᕆᔭᑦ ᐃᓕᓴᐃᔨᓪᓗ ᐱᐅᓛᓂᑦ ᐅᖃᐅᔾᔪᐃᕙᙱᒻᒪᑕ. 20-ᖏᓐᓂ, ᑐᕌᒐᖃᕐᓂᖅᓴᐅᖁᔨᔪᖅ ᐃᖅᑲᓇᐃᔮᖓᓂᑦ ᐊᓂᑐᐃᓐᓇᖏᓪᓗᓂ ᐊᒻᒪ ᐆᑦᑐᕋᑐᐃᓐᓇᖏᓪᓗᓂ. ᑕᐃᔅᓱᒪᓂᓕ ᐱᔪᓐᓇᕐᓂᖃᑦᑎᐊᓚᐅᖅᑐᖅ ᐊᖏᔪᒥᒃ ᑐᕌᒐᖃᕋᓱᐊᖅᑐᓂ ᐊᒻᒪᓗ ᖁᕕᐊᒋᔪᓐᓇᓚᐅᖅᑐᓂᒋᑦ ᓴᖅᑭᖅᑐᑦ. ᐃᒻᒥᓂᒃᑕᐅᖅ ᐅᖃᐅᑎᓇᔭᕐᒥᔪᖅ, "ᖃᓄᐃᙱᑦᑐᖅ ᑲᔪᓯᑦᑎᐊᕆᐊᒃᓴᖅ. ᖃᓄᐃᙱᑦᑐᖅ ᖁᕕᐊᓱᒋᐊᒃᓴᖅ."

ᐊᐅᓚᓐᓂᐊᕐᓗᒍ ᐃᓱᒪᖓ ᒫᓐᓇ, Ermineskin−ᒧᑦ ᐃᓚᐅᕙᒃᐳᖅ ᐃᓗᐊᖅᓴᖅᑕᐅᓂᕐᒧᑦ, ᑎᑎᕋᖅᐸᒃᖢᓂ, ᐱᓱᒃᖢᓂ, ᐱᙳᐊᖅᐸᒃᖢᓂᓗ PokemonGo−ᒥᒃ. ᐃᓚᓕᐅᔾᔨᓪᓗᓂ ᐱᙳᐊᕈᑎᓂᒃ, ᐱᓱᒍᓐᓇᕐᓂᖅᓴᐅᔪᖅ ᐱᓱᑐᐃᓐᓇᕈᓂ ᐃᖃᐃᓕᓴᕐᓗᓂ ᐃᓄᑑᓗᓂ.  

"ᒪᒥᓴᕐᓂᕐᒧᑦ ᐃᖏᕐᕋᓃᑦ ᓴᙱᓛᖑᕗᖅ ᐱᓕᕆᐊᕆᔪᓐᓇᖅᑕᕐᓂᑦ. ᐃᓄᐃᑦ ᖃᐃᔪᑦ ᑭᖑᓂᖓᒍᑦ ᖁᔭᓕᓂᐊᖅᑐᑦ ᑕᒪᒃᑯᓂᖓᓗ ᐊᑐᕆᐊᖃᔾᔮᒐᑎᒃ."

ᓄᖅᑲᐅᓯᕐᓗᖓ, ᐃᐅᒥᓐᑭ ᐅᖃᕈᒪᔪᖅ, "ᖃᓄᐃᖏᑦᑐᖅ ᐱᓱᒋᐊᒃᓴᖅ ᑕᒪᒃᑮᓐᓂᑦ ᓄᓇᕐᔪᐊᓂᑦ. ᖃᓄᐃᙱᓚᖅ ᐱᒃᑯᒋᓗᒋᑦ ᐃᓕᖅᑯᓯᓯ, ᖁᕕᐊᓲᑎᖃᕐᓃᑦ ᐃᓕᖅᑯᓯᑐᖃᐃᓪᓗ ᐅᖃᐅᓯᐃᓪᓗ. ᑕᒪᓐᓇ ᐱᒻᒪᕆᐅᓱᒋᕙᕋ. ᑭᓯᐊᓂ ᖃᓄᐃᙱᓚᖅ ᐱᓱᒋᐊᒃᓴᖅ ᓄᓇᕐᔪᐊᕐᒥ ᒫᓐᓇ ᐃᓅᑎᓪᓗᑕ... ᓇᓕᐊᒃᑯᑐᐃᓐᓈᕆᐊᖃᖅᑰᔨᙱᓪᓗᑎᑦ. ᐱᓱᒍᓐᓇᖅᑐᑎᑦ ᑕᒪᒃᑮᓄᑦ ᐱᒃᑯᒍᓱᓪᓗᑎᓪᓗ. ᐅᐱᒍᓱᑐᐃᓐᓇᕐᓗᑎᑦ ᖃᓄᑐᐃᓐᓇᖅ." 

ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᓯᓚᑦᑐᖅᓴᕐᕕᒡᔪᐊᓕᐊᖁᖕᒥᔭᖓᑦ ᐃᒻᒥᓂᒃ ᑭᒡᒐᖅᑐᐃᓐᓇᖁᓪᓗᓂᒋᑦ. "ᐃᖅᑲᐅᒪᔭᕆᐊᖃᖅᐳᒍᑦ ᐊᒥᓱᑦ ᑖᒃᑯᐊ ᐊᑐᖅᑕᐅᕙᒃᑐᑦ ᒫᓐᓇ ᓈᓚᒃᐸᓪᓕᐊᓕᕐᓂᖏᓐᓂᒃ. ᐅᓐᓄᐊᖏᓐᓇᖅ ᐊᓯᔾᔨᔾᔮᓐᖏᑦᑐᖅ. ᑭᓯᐊᓂ ᖁᓱᙱᒃᑯᑦᑕ ᑕᒪᒃᑯᓂᖓ ᐅᖃᐅᓯᖃᕆᐊᒃᓴᖅ, ᐊᒃᓱᕈᕐᓗᑕ ᐱᓕᕆᓗᑕ ᐱᔪᒪᔭᑦᑎᓐᓂ, ᑭᓱᑐᐃᓐᓇᑦᑎᐊᓂᒃ ᐱᔭᕆᐊᖃᖅᐳᒍᑦ ᑭᓇᑐᐃᓐᓇᑦᑎᐊᑎᑐᑦ." 

ᐃᓚᖓᑦ ᓱᕈᓯᐅᓪᓗᓂ ᐅᑉᐱᕐᓂᖃᓗᐊᓚᐅᙱᑦᑐᖅ, ᓂᑭ ᐃᕋᒥᓐᔅᑭ ᐅᓇᑕᖃᑕᐅᓚᐅᕐᒪᑦ, ᐊᒻᒪᓗ ᖁᕕᐊᓱᑦᑐᒻᒪᕆᐅᓪᓗᓂ ᑕᐃᒪᐃᓚᐅᕐᒪᑦ. ᐊᕕᒃᑐᐃᓂᖅ ᐱᓕᖅᑭᑦᑖᕐᓂᕐᒥᒃ ᐊᕕᒃᑐᕐᖢᒍᓗ, ᓂᑭ E ᒪᒥᓴᖅᑐᖅ hip hop−ᑯᑦ ᐊᒥᖅᑳᖃᑎᖃᕐᖢᓂᓗ ᐅᓂᒃᑳᓂᑦ ᒪᒃᑯᒃᑐᓄᑦ.  ᐊᖑᑎᓂᒃ−ᐱᕈᖅᓴᐃᓪᓗᓂ ᓴᓇᕝᕕᒡᔪᐊᒥ, ᓇᓂᓯᓪᓗᓂ ᐊᑐᒐᒃᓴᓂᒃ ᓇᖏᕐᓗᓂ ᐃᓄᒋᐊᒃᓗᓂ ᓈᒻᒪᒃᓯᑎᓪᓗᒍ ᓄᓇᓕᖓᓄᑦ ᐃᓕᓐᓂᐊᖃᑎᖏᓐᓄᓪᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.