ᕇᓇ ᒥᐅᕋᔅᑎ ᐱᔪᒥᓇᖅᑐᒥᒃ ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᑦ ᑎᕆᖅᑯᐊᒍᑦ. Barren Lands First Nation-ᒥ, ᑭᓯᐊᓂ ᐱᕈᖅᓴᓚᐅᖅᑐᖅ ᐳᕌᓐᑕᓐ, ᒫᓂᑑᐸᒥ, ᐱᓕᕆᔪᖅ ᑎᑎᕋᐅᔭᒐᓕᕆᓂᕐᒥᒃ ᐊᒻᒪ ᑎᑎᕋᐅᔭᕐᓂᕐᒥᒃ. ᒥᐅᕋᔅᑎ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐊᕙᑎᓕᕆᓂᕐᒧᑦ ᓴᓇᒪᓂᖓᓄᑦ ᐱᓕᕆᐊᖃᖅᖢᓂᓗ ᐱᔭᕇᖅᓯᔾᔪᓯᐊᕐᒥᑦ ᐃᒡᓗᐃᑦ ᓴᓇᒪᓂᖏᓐᓂᑦ ᑎᑎᕋᐅᔭᕐᓂᕐᒧᑦ ᓯᓚᑦᑐᖅᓴᕐᕕᒡᔪᐊᒥᑦ ᒫᓂᑑᐸᒥᑦ.

ᑖᓐᓇᑐᐊᖑᙱᑦᑐᖅ, ᑭᓯᐊᓂ ᐃᖅᑲᓇᐃᔭᖃᑦᑕᖅᑐᖅ ᐃᓕᓐᓂᐊᖅᑎᐅᓪᓗᓂ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᖅ ᐊᒻᒪ ᐋᖅᑭᒃᓱᐃᔨᐅᓪᓗᓂ ᐳᕈᒃ ᒪᒃᐊᐃᕈᒥ ᓄᓇᖃᖅᑳᖅᓯᒪᔪᑦ ᑎᑎᕋᐅᔭᕐᕕᖓᓂ ᐊᒻᒪ ᖃᐅᔨᓴᖅᑎᓄᑦ ᐃᑲᔪᖅᑎᐅᓪᓗᓂ ᖃᔅᓯᑲᓪᓚᖕᓄᑦ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᓄᑦ. ᓴᖅᑭᔮᕐᕕᐅᓚᐅᕋᓗᐊᖅᑎᓪᓗᒍ ᓄᓇᕐᔪᐊᕐᒥ ᐃᒡᓗᐃᑦ ᓴᓇᒪᓂᖏᓐᓂᒃ ᐱᐅᑦᑎᐊᓚᐅᙱᑦᑐᓂᒃ ᐅᕝᕙᓘᓐᓃᑦ ᖃᐅᔨᒪᔭᐅᔪᒻᒪᕆᖕᓂᒃ ᑕᐃᔅᓱᒪᓂᓕᑕᕐᓂᒃ, ᑭᓯᐊᓂ ᐊᑖᑕᑦᑎᐊᖓ ᐃᑲᔪᓚᐅᖅᑐᖅ ᐃᒡᓗᕋᓛᓕᐅᖅᑐᓂᒃ.

"ᓴᓇᓂᖅ ᐊᒻᒪ ᑎᑎᕋᕐᕕᓕᐅᕐᓂᖅ ᐊᒻᒪ ᑕᒪᒃᑯᐊᕈᓘᔭᐃᑦ ᐱᓕᕆᐊᕆᒐᔭᖅᑕᒃᑲ, ᓲᕐᓗ ᐃᒥᕐᕕᒃ ᑭᔾᔭᖅᑐᐃᓂᖅ, ᐃᓱᒪᒐᓅᖅᑐᐃᓐᓇᐅᓚᐅᖅᑐᖅ ᐊᒻᒪ ᕿᔪᓕᕆᓂᕐᒧᑦ ᐊᒻᒪ ᑎᑎᕋᕆᐊᙵᕈᓐᓇᖅᓯᓪᓗᖓ ᐃᓕᓐᓂᐊᕐᕕᐊᓗᒻᒥᑦ."

ᐃᓕᓐᓂᐊᕐᕕᐊᓗᒻᒥ ᐃᓕᓐᓂᐊᖅᑎᖏᑦ ᕿᔪᓕᕆᔨᕈᕈᒪᓕᓚᐅᖅᓯᒪᔪᑦ, ᑭᓯᐊᓂ ᕿᒥᕐᕈᓕᓚᐅᕐᒥᔪᑦ ᐃᓪᓗᓂᒃ ᐊᒻᒪᓗ "ᐊᖏᓂᖅᓴᒧᑦ ᐅᐸᒍᒪᓕᖅᑐᑎᒃ."

ᑭᓯᐊᓂ ᐃᖏᕐᕋᓂᕆᔭᖓ ᑲᔪᓯᓂᖃᑦᑎᐊᕐᓂᖓᓄᑦ ᐱᔭᕆᐊᑭᑦᑑᖏᓐᓇᖅᓯᒪᖏᒻᒪᑦ. ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, ᒥᐅᕋᓯ ᐅᖃᖅᖢᓂ ᐃᒻᒥᓂᒃ ᖁᓱᔪᓐᓃᕐᓂᕋᖅᖢᓂ, "ᖃᓄᑐᐃᓐᓇᖅ ᐃᓚᒋᔭᐅᖅᑰᔨᙱᖦᖢᓂ" ᐊᒻᒪ "ᖁᕕᐊᓱᙱᖦᖢᓂ ᓄᓇᖃᖃᑕᐅᓂᕐᒥᓂᒃ."

"ᐊᑕᐅᓯᖅ ᐅᕙᓐᓄᑦ ᐃᑲᔪᕐᔪᐊᓚᐅᖅᑐᖅ ᑕᒫᓃᓐᓂᓐᓂ ᑲᑎᖃᑎᖃᖅᖢᓂᓗ ᐊᓯᖏᓐᓂᒃ ᐃᓄᖕᓂᒃ ᐊᑐᖅᓯᒪᔪᓂᒃ ᐊᔾᔨᖓᓂᒃ ᐊᑐᓚᐅᖅᑕᓐᓂᒃ."

ᑲᑎᒃᑲᓐᓂᕐᖢᓂ ᐃᓕᖅᑯᓯᑐᖃᖓ ᐃᑲᔪᕐᔪᐊᖅᓯᒪᔪᖅᑕᐅᖅ ᑖᔅᓱᒧᖓ, ᓇᓂᓯᓪᓗᓂᓗ ᑖᒃᑯᓂᖓ ᐱᑕᖃᖅᑐᓂᑦ ᓄᓇᓕᐸᐅᔭᕐᒥ ᐃᑲᔪᖅᓯᒪᔪᖅ ᐊᕐᕌᒍᒐᓴᖕᓄᑦ. ᒥᐅᕋᓯᐅᑉ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖓ ᓱᓕ ᖃᐅᔨᒋᐊᖃᑦᑕᖅᑕᖓ ᐊᑐᖅᐸᒃᖢᓂᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᖃᓄᐃᙱᑦᑎᐊᕐᓂᕐᒥᒃᓗ ᑐᙵᑎᖦᖢᒍ.

ᐅᓪᓗᒥ, ᐅᖃᐅᑎᕙᓚᐅᖅᑕᖓ, ᐃᒻᒥᓂᒃ ᐅᖃᐅᓯᕆᖁᙱᖦᖢᓂᒋᑦ [ᐃᒃᐱᖕᓃᑦ] ᐊᒻᒪ "ᑭᓱᓕᒫᓂᒃ ᐃᓕᖕᓄᑦ ᐱᓯᒪᖁᙱᖦᖢᓂᒋᑦ."

"ᑕᐃᒪᓕ ᑕᐃᒪᙵᓕᒫᖅ ᐱᓕᕆᐊᕆᖃᑦᑕᓚᐅᖅᓯᒪᔭᕋ. ᐅᖃᕈᓐᓇᖅᓯᓚᐅᖏᑦᑐᖓ, ᐃᓕᓐᓂᐊᖅᑎᑕᐅᓚᐅᖏᑦᑐᖓ ᓂᓪᓕᖁᔭᐅᓪᓗᖓ. ᐃᓕᓐᓂᐊᖅᑎᑕᐅᓚᐅᙱᑦᑐᖓ ᐃᒃᐱᒋᔭᒃᑲ ᐅᖃᐅᓯᕆᔭᕆᐊᒃᓴᖅ," ᐅᖃᖅᑐᖅ ᒥᐅᕋᔅᑎ.

"ᐃᑉᐱᒍᓱᒃᑐᖓ ᑕᒪᓐᓇ ᐊᒥᓱᓄᑦ ᒪᒃᑯᒃᑐᖁᑎᑦᑎᓐᓄᑦ ᐱᓕᕆᐊᖑᔭᕆᐊᓕᒃ ᐃᖕᒥᖕᓂᒃᓗ ᐱᓯᒪᙱᓪᓗᓂ ᓲᖃᐃᒻᒪ ᐃᒃᐱᒍᓱᒃᑲᒪ ᑕᒪᓐᓇ ᐋᓐᓂᕐᓇᕐᔪᐊᕐᓂᖓᓂᒃ ᐊᑯᓂᐅᔪᒃᑯᑦ."

ᐊᒻᒪᓗ ᐃᓕᓐᓂᐊᖅᑎᓄᑦ ᓯᓚᑦᑐᓴᕐᕕᓕᐊᖅᑐᓄᑦ, ᐅᖃᐅᔾᔨᒋᐊᕐᓂᖓ ᐊᑐᖃᑦᑕᕐᓗᓂ ᐃᓘᓇᖏᓐᓂᒃ ᐃᑲᔫᑎᐅᔪᓂᒃ ᐊᑐᐃᓐᓇᐅᑎᑕᐅᔪᓂᒃ.

"ᐅᓄᖅᑐᐊᓘᖕᒪᑕ ᐃᓄᐃᑦ ᑲᓲᑎᔪᓐᓇᖅᑕᑎᑦ ᐊᑐᖅᓯᒪᔭᕐᓄᑦ ᐊᔾᔨᑦᑎᐊᖓᓂᒃ ᐱᓯᒪᔭᕐᓂᒃ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.

ᓄᕕᐱᕆ 2022−ᒥ ᓄᑖᙳᕆᐊᖅᓯᒪᔪᑦ: ᕆᐋᓇ ᐱᔭᕇᖅᓯᓚᐅᖅᐳᖅ Master of Architecture−ᒥᒃ 2021−ᒥ ᒫᓐᓇᓗ ᐃᒡᓗᐃᑦ ᓴᓇᒪᓂᖏᓐᓄᑦ ᐱᓕᕆᓪᓗᓂ ᐃᓂᐅᔪᒧᐊᖅᐸᓪᓕᐊᓪᓗᓂ ᓈᓴᐅᑎ 10−ᒥ ᐃᒡᓗᐃᑦ ᓴᓇᒪᓂᖏᓐᓂᒃ ᑎᑎᕋᐅᔭᖅᑎᓄᑦ. ᓴᓇᙳᐊᖅᑎᐅᕗᖅ, ᑎᑎᕋᖅᑎᐅᓪᓗᓂ, ᑭᒡᒐᖅᑐᐃᓪᓗᓂᓗ ᓄᓇᖃᖅᑳᖅᓯᒪᔪᑦ ᐃᓚᓕᐅᔾᔭᐅᓂᖏᓐᓂᒃ ᑭᒡᒐᖅᑐᐃᓂᖏᓐᓂᒡᓗ ᐋᖅᑭᒃᓱᐃᑎᓪᓗᒋᑦ ᐃᓕᓐᓂᐊᖅᑕᐅᔪᒃᓴᓂᒃ. ᐱᓕᕆᐊᖓ ᓱᓕ ᓇᓗᓇᐃᖅᓯᕙᓪᓕᐊᖏᓐᓇᖅᐳᖅ ᓄᓇᖃᖅᑳᖅᓯᒪᔪᑦ ᓂᐱᖏᓐᓂᒃ, ᓄᓇᓕᖕᓂ, ᐊᒻᒪ ᓄᓇᒥᒃ−ᑐᙵᕕᓕᖕᓂᒃ ᐃᓕᓐᓂᐊᖅᑎᑦᑎᔾᔪᑎᓂᒃ ᐃᒡᓗᐃᑦ ᓴᓇᒪᓂᖏᓐᓂᒃ. ᐃᓚᒋᔭᐅᔪᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒧᑦ ᑐᑭᒧᐊᒃᑎᑦᑎᔨᐅᓪᓗᑎᒃ ᑲᑎᒪᔨᕋᓛᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᐱᓕᕆᐊᒃᓴᓕᕆᔨᖏᓐᓄᑦ ᕈᐃᐅᓪ ᑎᑎᖅᑐᒐᖅᑎᒃᑯᓐᓂ ᑲᓇᑕᒥ, ᑲᑎᒪᑎᑦᑎᔨ ᐅᐃᓂᐹᒡᒥ ᑲᑎᒪᔨᕋᓛᓄᑦ ᐅᐃᓂᐹᒡ ᓄᓇᓕᐸᐅᔭᒃᑯᓐᓂ, ᐃᓚᒋᔭᐅᓪᓗᓂᓗ ᐋᖅᑭᒃᓯᒪᓂᒃᓴᖓᓄᑦ ᑭᒡᒐᖅᑐᐃᓂᕐᒧᑦ ᑲᑐᔾᔨᖃᑎᒌᒧᑦ, ᓂᐅᕕᕐᕕᖕᒧᑦ ᒫᓂᑑᐸᒥ.