ᕇᒐᓐ ᕋᑦ−ᒥᔅᐸᔅ ᐅᖃᖅᐳᖅ ᐃᑲᔪᕈᒪᐃᓐᓇᐅᔭᕐᓂᕐᒥᓂᒃ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ, ᑕᐃᒪᐃᓕᐅᑐᐃᓐᓇᖅᖢᓂᓗ. Ratt-Misponas From Panos Lake, SK, ᑭᓯᐊᓂ ᐱᕈᖅᓯᒪᔪᖅ Pinehouse Lake, SK, ᐃᑲᕐᕋᓄᑦ ᑕᓪᓕᒪᓄᑦ ᓇᑉᐸᕐᒧᓪᓗ ᓵᔅᑲᑑᓐ ᐅᐊᖕᓇᖓᓂ. ᐃᓚᒋᔭᐅᔪᖅ ᓛᒃ ᓚ ᕌᔾ ᐃᖅᑭᓕᖕᓄᑦ.

ᑐᓴᕈᒥᓇᖅᑐᒥᒃ ᐃᓕᓐᓂᐊᖅᓯᒪᔪᖅ, ᓵᔅᑳᑦᓱᐊᓐᒥᓘᓐᓃᑦ ᓯᓚᑦᑐᓴᕐᕕᔾᔪᐊᖑᓕᖅᓱᓂ ᐃᓕᓐᓂᐊᖅᑎᓄᑦ ᑲᑐᔾᔨᖃᑎᒌᓄᑦ ᐊᖓᔪᖅᑳᕆᔭᐅᑦᓱᓂ.

ᐱᒋᐊᓚᐅᖅᓯᒪᔪᖅ ᐊᕐᕌᒍᑦ ᑕᓪᓕᒪᑦ ᐊᓂᒍᖅᓯᒪᓕᖅᑐᑦ ᕋᑦ-ᒥᔅᐴᓇᔅ ᐊᓈᓇᖓᓗ ᐱᓇᓱᐊᖅᑎᓪᓗᒋᑦ ᐃᓕᓐᓂᐊᕐᕕᒃᑲᓐᓂᕐᓄᑦ ᓲᕐᓗ ᓵᔅᑳᑦᓱᐊᓐ, ᐋᓐᑎᐅᕆᐅ, ᐊᒻᒪ ᐳᕆᑎᔅ ᑲᓚᒻᐱᐊ.

ᐅᒡᒍᐊᓇᖅᑑᒐᓗᐊᖅ ᐊᖏᖅᑕᐅᓚᐅᙱᒻᒪᑦ ᐃᓚᖏᓐᓄᑦ ᐃᓕᓐᓂᐊᕐᕕᐅᔪᓄᑦ ᐱᓇᓱᐊᓚᐅᖅᑕᖏᓐᓄᑦ, ᑭᓯᐊᓂᓕ ᐊᖏᖅᑕᐅᓚᐅᖅᑐᖅ ᐃᓕᓐᓂᐊᕐᕕᔾᔪᐊᖓᓄᑦ ᓴᔅᑳᑦᓱᐊᓐ ᐊᒻᒪᓗ ᐱᒋᐊᖅᑐᓂ ᒐᕙᒪᓕᕆᓂᕐᒧᑦ ᐃᓕᓐᓂᐊᕐᓂᕐᒥᒃ.

ᑕᐃᑲᓂ ᐃᓕᓐᓂᐊᖅᑎᓪᓗᒍ, ᐃᑲᔪᕈᒪᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂᒃ ᐊᒻᒪᓗ ᑕᑯᓗᓂ ᒐᕙᒪᓕᕆᓂᕐᒥᒃ ᐊᒻᒪᓗ ᐱᐅᓂᖏᑦ ᑕᐃᑲᙶᖅᑐᑦ, ᑭᓯᐊᓂ "ᐊᑕᖐᔪᒥᒃ" ᐃᒃᐱᒍᓱᒃᑎᑦᑎᓚᐅᙱᑦᑐᖅ.

"ᐱᐅᔪᒻᒪᕆᐊᓗᒃ ᐱᓕᕆᐊᒃᓴᐅᓪᓗᓂ, ᐃᓕᓐᓂᐊᖅᑎᑦᑎᐊᕙᐃᓪᓗ ᑕᐃᑲᙶᖅᓯᒪᔪᑦ, ᐅᕙᓐᓄᑦ ᑐᕌᖓᓚᐅᙱᑦᑐᖅ," ᐅᖃᓚᐅᖅᐳᖅ ᕋᑦ−ᒥᔅ.

ᑕᐃᒪᓕ ᓄᓇᖃᖅᑳᕐᓯᒪᔪᓂᒃ ᖃᐅᔨᓴᕈᒪᓕᓚᐅᖅᑐᖅ ᐊᕐᕌᒍᒥᒃ ᐊᕝᕙᖓᓂᓪᓗ ᐅᖃᖅᑐᓂ ᓇᓪᓕᒋᓂᕋᑦᑐᓂᐅᒃ, ᐱᓗᐊᖅᑐᒥᒃ ᐃᓕᒍᓐᓇᖅᑐᓂ ᐅᐊᑦᑎᐊᕈᓐᓂᓴᕐᓂᒃ. ᐅᖃᕆᓪᓗᓂᓗ ᓯᕗᓪᓕᖅᐹᒥ ᖃᐅᔨᔭᕆᐅᖅᓯᒪᓂᕋᖅᖢᓂ ᓇᖕᒥᓂᖅ ᑭᓇᐅᓂᕐᒥᓂᒃ ᓄᓇᖃᖅᑳᖅᓯᒪᔪᓂᙶᖅᖢᓂ.

ᑭᓯᐊᓂ ᐃᓱᒪᓚᐅᕋᓗᐊᖅᖢᓂ ᐱᐅᓇᓱᒋᒐᓗᐊᖅᖢᓂᐅᒃ ᐱᓕᕆᐊᒃᓴᖅ, ᐅᐸᙱᖦᖢᓂᐅᒃ ᓄᓇᓕᒃ ᐊᒻᒪ ᐃᓕᓴᐃᔪᒪᓕᕐᖢᓂ.

ᕋᑦ−ᒥᔅᐴᓇᔅ ᖃᕆᑕᐅᔭᓕᕆᔨᒃᑯᓐᓄᑦ ᐃᓕᓐᓂᐊᖅᑕᐅᔪᒃᓴᓄᐊᓚᐅᖅᐳᖅ, ᓄᓇᖃᖅᑳᖅᓯᒪᔪᑦ ᐃᓕᓴᐃᔨᙳᕆᐅᖅᓴᔪᑦ ᓴᔅᑳᑦᓱᐋᓐᒥ ᓯᓚᑦᑐᖅᓴᕐᕕᒡᔪᐊᖓᓂ.

"ᓯᓚᑦᑐᖅᓴᕐᕕᓕᒫᒃᑰᖅᓯᒪᕗᖓ, ᐊᒥᓱᓂ ᐱᓕᕆᐊᒃᓴᓂ, ᒪᕐᕉᖕᓂᓪᓗ ᓯᓚᑦᑐᖅᓴᕐᕕᖕᓂᑦ, ᐱᖓᓱᓂᒡᓗ ᓯᓚᑦᑐᖅᓴᕐᕕᖕᓂᑦ ᕿᓂᖅᑎᓪᓗᒋᑦ ᓄᓇᓕᖕᓂᑦ ᐃᑲᔪᖅᑐᐃᓂᖕᒥᑦ, ᐱᓗᐊᖅᑐᒥᑦ ᑭᓇᐅᓂᓐᓄᑦ ᓄᓇᖃᖅᑳᖅᓯᒪᔪᖑᓪᓗᖓ, ITEP−ᓗ ᐱᐅᓛᖑᓚᐅᕐᖢᓂ ᐅᕙᓐᓄᑦ," ᐅᖃᖅᑐᕕᓂᖅ ᕋᑦ−ᒧᔅᐴᓇᔅ.

2017−ᒥ, ᓂᕈᐊᖅᑕᐅᓇᓱᓚᐅᖅᑐᖅ ᐊᒥᐊᓕᒐᕐᒥ ᐊᖓᔪᖅᑳᖑᓪᓗᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑎᒪᔨᖏᓐᓄᑦ, ᑎᓕᐅᕆᓪᓗᓂᓗ ᑭᒃᑯᑐᐃᓐᓇᓂᒃ ᐃᓚᐅᖃᑕᐅᖁᓪᓗᒋᑦ ᖃᓄᑐᐃᓐᓇᖅ ᐃᓕᓐᓂᐊᒃᑲᓐᓂᕐᓂᕐᒧᑦ ᐃᓕᓐᓂᐊᕐᕕᖕᒥ.

"ᐃᓚᐅᖃᑕᐅᓕᓚᐅᖅᑐᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᑲᑎᒪᔨᖏᓐᓂᒃ, ᑭᖑᓂᐊᒍᓪᓗ ᐃᓱᒪᓕᐅᓕᓚᐅᖅᑐᖓ, ᐊᖓᔪᖅᑳᙳᕈᒪᓕᖅᖢᖓ ᓵᔅᑳᑦᓱᐊᓐᒥ ᐃᓕᓐᓂᐊᖅᑎᓄᑦ ᑲᑐᔾᔨᖃᑎᒌᓄᑦ. ᑕᐃᒪᓕ, ᐱᕕᖃᑦᑎᑕᐅᓚᐅᖅᑐᖓ ᑕᓪᓕᒪᒋᔭᐅᓪᓗᖓ ᓄᓇᖃᖅᑲᖅᑑᓗᒻᒧᑦ ᓂᕈᐊᖅᑕᐅᓪᓗᖓ ᑕᒪᑐᒧᖓ ᐊᒻᒪᓗ ᐱᔨᑦᑎᕐᓗᖓ ᑕᒪᑐᒧᖓ. ᑖᓐᓇᓗ ᐅᐱᒋᔭᐅᓪᓗᓂ ᐳᐃᒍᓚᐅᖅᓯᒪᔾᔮᙱᑕᕋ," ᐅᖃᖅᑐᕕᓂᖅ ᕋᑦ−ᒧᔅᐴᓇᔅ.

ᒪᒃᑯᒃᑐᓄᑦ ᐃᓱᒪᔪᓄᑦ ᐊᐅᓪᓚᕈᒪᓪᓗᑎᒃ ᓄᓇᒥᖕᓂᒃ ᐃᓕᓐᓂᐊᕆᐊᒃᑲᓐᓂᕈᒪᓪᓗᑎᒃ ᐅᕝᕙᓘᓐᓃᑦ ᐃᖅᑲᓇᐃᔮᖅᑖᕈᒪᓪᓗᑎᒃ, ᕋᑦ−ᒥᔅᐸᓇᔅ ᓇᓗᓇᐃᖅᓯᕗᖅ ᐊᔪᕐᓇᕐᓂᖓᓂᒃ, ᐱᓗᐊᖅᑐᒥᒃ ᐃᓚᒥᓂᒃ ᕿᒪᐃᓪᓗᓂ ᐊᒻᒪ ᑕᒪᕐᒥᒃ ᐱᕈᖃᑎᒋᓚᐅᖅᑕᖏᑦ ᖃᐅᔨᒪᔭᐃᓐᓇᕆᓪᓗᓂᒋᑦ ᐃᓅᓯᓕᒫᖓᓂ.

ᐅᖃᖅᖢᓂ ᐃᓕᑦᑎᔭᕆᐊᖃᓚᐅᕐᓂᕐᒥᓂᒃ "ᐊᒃᓱᕈᕐᓇᖅᑐᒥᒃ" ᐃᓱᒪᓂᕐᒥᒃ ᓄᓇᓕᖕᒥᓂ ᐊᖏᕐᕋᒧᑦ ᐊᒻᒪᓗ ᓴᐱᓕᖅᓴᕋᐃᙱᖦᖢᓂ ᐃᓕᓐᓂᐊᖅᑕᒥᓂᒃ ᐃᒪᐃᓐᓂᖓᓄᑦ,ᐊᔪᕐᓇᕐᒪᑦ, ᓯᕗᒻᒧᐊᒃᐸᓪᓕᐊᔭᕆᐊᖃᕋᕕᑦ."

"ᐊᒃᓱᕈᕐᓇᖅᑎᓪᓗᒍ, ᐊᔪᕐᓇᖃᑦᑕᖅᑎᓪᓗᒍᓗ, ᑕᐃᒪᐃᑦᑕᕆᐊᖃᓚᐅᖅᐳᖅ. ᐊᐃᑦᑖᕈᓱᙱᑦᑐᖓ ᓴᔅᑳᑦᓱᐊᓐ ᓯᓚᑦᑐᖅᓴᕐᕕᒡᔪᐊᖓᓄᐊᕆᐊᒃᓴᖅ ᐃᓚᐅᖃᑕᐅᓪᓗᖓᓗ ᑕᐃᑲᓂ ᓯᓚᑦᑐᖅᓴᕐᕕᖕᒥ," ᐅᖃᖅᑐᖅ ᕋᑦ−ᒧᔅᐴᓇᔅ.

"ᑕᐃᒪᓕ, ᑕᐃᒪᓐᓇᐅᓚᐅᖅᐳᖅ ᐊᓂᒍᖅᑎᑦᑐᓐᓇᓚᐅᖅᑕᕋ ᐃᒃᐱᒋᔭᓕᒫᒃᑲ, ᐃᓚᐅᓕᓚᐅᕋᒪ ᐃᑲᔪᕈᒪᓕᖅᖢᖓᓗ ᐱᕙᓪᓕᐊᑎᑦᑎᖃᑕᐅᔪᒪᓪᓗᖓ ᑕᐃᒪᐃᑦᑐᒥᒃ ᓄᓇᓕᖕᓂ, ᓄᓇᓕᕋᓛᖑᓂᖅᓴᖅ ᓄᓇᓕᒃ ᐊᖏᓂᖅᓴᒻᒪᕆᐅᓪᓗᓂ, ᓲᕐᓗ ᓴᔅᑳᑦᓱᐋᓐᒥ ᓯᓚᑦᑐᖅᓴᕐᕕᒡᔪᐊᖅ."

ᐊᒻᒪᓗ ᑐᓴᖅᑎᑦᑎᒍᓐᓇᕈᓂ ᓄᑲᖅᑎᐅᓂᖅᓴᒧᑦ, ᓄᓇᑦᓯᓐᓂᒃ ᓇᓪᓕᒋᔭᕐᓂᒃ ᐊᒻᒪᓗ ᐅᑉᐱᕆᔭᕐᓂᒃ ᐱᓗᓂ, ᐊᒻᒪᓗ ᐊᓯᖏᓐᓄᑦ ᓄᓇᐅᔪᓄᑦ ᓇᒃᓴᕐᓗᒍ ᓯᕗᓂᑦᑎᓐᓂ.

ᕋᑦ-ᒫᔅᐴᓇᔅᒧᑦ, ᑕᐃᓐᓇ ᓱᑲᖓᔪᐊᓘᓚᐅᖅᑐᖅ ᓄᓇᓕᒃ ᐱᓐᕼᐊᐅᔅᒥ ᐊᒻᒪᓗ ᓴᖅᑮᓪᓗᓂ ᓇᒥᑐᐃᓐᓈᕋᓗᐊᕈᓂ.

ᐅᖃᕋᔭᕐᒥᔪᖅ ᐅᑕᖅᑭᑦᑎᐊᖃᑦᑕᕐᓗᓂ, ᐃᓄᑑᖃᑎᖃᕐᓗᓂ ᐊᒻᒪᓗ ᐃᖏᕐᕋᓂᕆᓚᐅᖅᑕᖓᓂᒃ.

"ᐅᑕᖅᑭᑦᑎᐊᖅᐸᒡᓗᑎᑦ ᖃᓄᐃᑦᑐᓂᒃ ᐃᓕᑦᑎᕝᕕᒋᔭᕐᓂᒃ ᓇᒧᙵᐅᕙᓪᓕᐊᓂᕆᔭᕐᓂ, ᑭᓯᐊᓂᑦᑕᐅᖅ ᐃᓕᖕᓂᒃ ᐱᑦᑕᐃᓕᒋᑦ. ᓄᓇᕐᔪᐊᕐᒧᑦ ᐊᑐᐃᓐᓇᐅᑎᑦᑎᔪᓐᓇᖅᑐᓯ ᐊᒻᒪ ᐃᓄᖁᑎᕗᑦ ᐊᑐᐃᓐᓇᐅᑎᓪᓗᒋᑦ ᐊᒻᒪ ᐅᓄᖅᑐᑦ ᒪᓂᒪᑎᑦᑎᔪᓐᓇᖅᖢᑎᒃ ᓄᓇᑦᑎᓐᓂ ᐊᒻᒪ ᓄᓇᓕᑦᑎᓐᓂ," ᐅᖃᓚᐅᖅᐳᖅ ᕋᑦ−ᒥᔅᐸᓐᔅ.

"ᑕᒪᓐᓇ ᑐᓴᖅᑕᐅᔪᒃᓴᖅ ᓄᓇᖃᖅᑳᖅᑐᓄᑦ ᒪᒃᑯᒃᑐᓄᑦ ᓄᓇᕐᔪᐊᓕᒫᒥ, ᐃᓕᔅᓯᓐᓂᒃ ᐱᔭᕆᐊᖃᖅᐳᒍᑦ. ᑕᒫᓃᖃᑎᒋᔭᕆᐊᖃᖅᐸᑦᑎᒋᑦ ᓯᕗᒻᒧᐊᒃᑎᓪᓗᑕ ᑲᑐᔾᔨᓪᓗᑕ ᓇᒧᙵᐅᕙᓪᓕᐊᓂᕆᔭᑦᑎᓐᓂᒃ ᓄᓇᖃᖅᑳᖅᓯᒪᔫᓪᓗᑕ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.