"ᐃᒃᐱᒋᐃᓐᓇᐅᔭᖅᑕᕋ ᐅᕙᓐᓂᒃ ᐅᖃᐅᓯᖃᕈᓐᓇᕐᓂᓐᓂᒃ ᓴᓇᙳᐊᕐᓂᒃᑯᑦ," ᓴᓕᒻ ᑎᒡᕌᓐᑦ, urban ᐃᓅᓪᓗᓂ ᓴᓇᙳᐊᖅᑎ ᐋᑐᕚᒥᐅᑕᖅ. ᓴᓇᙳᐊᖃᑦᑕᖅᓯᒪᔭᖏᑦ ᐃᒻᒥᓂᒃ−ᐃᓱᒪᒋᔭᖃᑦᑎᐊᖅᓯᒪᔪᑦ, ᑐᓴᐅᒪᖃᑎᒌᒍᑕᐅᓪᓗᓂ ᓄᓇᓕᖕᓄᑦ ᐊᒻᒪ ᐃᒃᐱᒋᔭᖏᓐᓄᑦ ᒫᓐᓇ. ᐱᐅᓯᖓ ᐊᓯᔾᔨᖅᐸᓪᓕᐊᓯᒪᕗᖅ ᕿᕐᓂᖅᑕᒥᑦ ᖃᐅᓪᓗᖅᑕᒥᓪᓗ ᑕᖅᓴᙳᖅᖢᓂ. ᓴᓇᓯᒪᔭᖏᑦ ᒪᓕᒃᓯᒪᔪᑦ ᐃᒃᐱᒋᔭᖏᓐᓂᒃ ᐊᒻᒪ ᐅᖃᕈᓯᖏᑦ ᐱᕈᖅᐹᓪᓕᖅᓯᒪᓕᖅᖢᑎᒃ ᐊᒻᒪ ᐊᓯᔾᔨᑲᑕᐃᓐᓇᖅᖢᑎᒃ ᖃᑯᒍᙳᖅᐸᓪᓕᐊᑎᓪᓗᒍ.

ᑕᐃᒪᖓᓂ ᑎᒍᕌᓐᑦᐳ ᓱᕈᓯᐅᓚᐅᕐᓯᒪᒻᒪᓂ, ᑎᑎᖅᑐᒐᖅᑎᐅᓯᒪᔪᖅ, ᑎᑎᖅᑐᒐᖅᑎᐅᓯᒪᓪᓗᓂ ᐊᒻᒪ ᑕᑯᓴᐅᑎᑦᑎᔪᒪᓂᖃᕐᓱᓂ ᓴᓇᓯᒪᔭᖏᓐᓂ. 2020−ᒥ ᖃᕆᑕᐅᔭᒃᑰᖓᓕᖅᑎᓪᓗᒍ ᓴᖅᑭᑎᑉᐸᓪᓕᐊᓕᕐᖢᓂᐅᒡᓗ ᐱᓕᕆᐊᖓ ᖃᕆᑕᐅᔭᒃᑯᑦ. ᑭᖑᓂᐊᒍᑦ ᒪᓕᓕᓚᐅᖅᓯᒪᔪᖅ ᑕᐸᐃᖅᑐᓂ. ᐃᖅᑲᓇᐃᔭᕇᕋᒥ, ᐊᐃᑉᐸᕐᒥᓂᒃ ᑕᐅᑐᓕᖅᐸᒃᐳᖅ. ᒥᖅᓱᖃᑦᑕᕐᒥᔪᖅ, ᓴᐸᖓᕐᓂᒃ ᐊᒻᒪ ᓴᓇᙳᐊᓲᓂᒃ.

ᖃᑕᙳᑎᖏᑦ ᖃᒪᓂᑦᑐᐊᕐᒥᐅᑕᐅᔪᑦ, ᓄᓇᕗᒻᒥ, ᓄᓇᖃᖅᓯᒪᒐᓗᐊᖅᑐᓂ ᓄᓇᓕᐸᐅᔭᒥ ᐃᓅᓯᓕᒫᖓᓂ. ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᓚᐅᖅᑎᓪᓗᒋᑦ, ᑎᒡᕋᓐᑦᐳᕋᐃ ᐃᓕᓐᓂᐊᓚᐅᖅᐳᑦ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᖢᑎᒃ Algonquin ᓯᓚᑦᑐᖅᓴᕐᕕᖕᒥ ᐊᒻᒪ ᐱᓕᕆᖃᑎᖃᓕᓚᐅᖅᖢᑎᒃ ᐱᓕᕆᐊᒃᓴᓂᒃ ᐃᓄᖕᓄᑦ ᐋᑐᕚᒥ ᐃᓕᓐᓂᐊᕆᐊᓚᐅᙱᓐᓂᖏᓐᓂᒃ ᑐᕌᓐᑐᒥ ᑕᕐᕆᔮᒃᓴᓂᒃ ᐃᓕᓐᓂᐊᕐᕕᖕᒥ. ᐱᔭᕇᕋᑖᓚᐅᖅᑐᖅ ᑐᕌᓐᑐ ᑕᕐᕆᔭᓕᐊᓄᑦ ᐃᓕᓐᓂᐊᕐᕕᒻᒥ ᑎᑎᖅᑐᒐᕐᓂᕐᒧᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᓂᕐᒧᑦ. ᐱᓇᓱᐊᕐᓂᐊᖅᑐᖅ ᐃᓕᑕᕆᔭᐅᔾᔪᑎᑖᕋᓱᐊᕐᓗᓂ ᑭᖑᓪᓕᕐᒥ.

Degrandpré−ᑯᑦ ᑎᑎᕋᐅᔭᖅᑎᐅᕗᑦ, ᖃᕆᓴᐅᔭᒃᑯᑦ ᐱᓕᕆᕙᒃᖢᓂ ᐊᒻᒪ ᓇᓗᓇᐃᒃᑯᑦᑎᖅᓱᐃᕙᒃᖢᓂ. ᐃᑲᔪᖃᑦᑕᖅᑐᖅ ᑲᒻᐸᓃᑦ ᖃᐅᔨᓇᓱᐊᖅᑎᓪᓗᒋᑦ ᖃᓄᖅ ᐃᒻᒥᓂᒃ ᑭᒡᒐᖅᑐᑦᑎᐊᓛᖑᔪᓐᓇᕐᒪᖔᑦ, ᐱᕈᖅᐸᓪᓕᐊᓗᓂ ᐊᒻᒪᓗ ᓴᓇᓗᓂ ᑲᑐᔾᔨᖃᑎᒌᑦᑎᐊᕐᓂᕐᒥᑦ ᐊᒻᒪᓗ ᐱᓕᕆᖃᑎᖃᖅᐸᒃᑭᓪᓗᓂ ᒪᒃᑯᒃᑐᓂᒃ ᐊᒻᒪᓗ ᐃᓕᓐᓂᐊᖅᑎᑦᑎᕙᒃᖢᓂ ᐃᓕᖅᑯᓯᑐᖃᕐᒥᓂᒃ ᓴᓇᙳᐊᕐᓂᒃᑯᑦ. ᐊᒻᒪ ᓱᓕ, ᓴᓇᙳᐊᖃᑦᑕᖅᑐᖅ ᐊᒻᒪ ᓴᓇᖃᑦᑕᖅᑐᖅ ᖃᕋᓴᐅᔭᒃᑯᑦ ᑎᑎᖅᑐᒐᕐᓂᑦ.

ᐊᐳᖅᑕᕈᑕᐅᓕᕌᖓᑕ, ᓂᐊᖁᕐᒧᑦ ᐱᓕᕆᓂᐊᕐᓗᓂ ᐊᒃᓱᕈᕐᓇᖃᑦᑕᖅᓯᒪᖕᒪᑦ, ᐱᕕᒃᓴᖃᑦᑎᐊᕐᓇᙱᖦᖢᓂ. ᐅᖃᐅᓯᕆᓪᓗᒍ ᐊᖏᕐᕋᖓᑕ ᐊᕙᑎᖓ ᐃᒃᐱᒍᓱᖕᓂᖅᓴᐅᓗᓂ ᐅᐃᒻᒪᒃᓴᕋᐃᓐᓂᕐᓴᐅᓂᕐᒥᒃ ᐊᖏᕐᕋᒥᓗ ᐃᓂᒃᓴᖓᓗ ᐊᑐᑦᑎᐊᕐᓂᖅᓴᐅᓗᓂ ᐃᑲᔪᖅᓯᒪᔪᖅ ᐱᔭᕇᕋᓱᒃᓗᓂ. ᐃᓚᒌᓄᑦ ᐃᑲᔪᖅᑐᖅᑕᐅᙱᖦᖢᓂ ᓴᓇᙳᐊᖅᑎᙳᕋᓱᒃᓗᓂ ᐊᒃᓱᕈᕐᓇᖃᑦᑕᖅᓯᒪᖕᒥᔪᖅ, ᑐᓴᖅᖢᓂ ᐃᓄᖕᓂᒃ ᐅᖃᐅᓯᖃᖅᑐᓂᒃ ᖃᓄᖅ ᐊᑲᐅᙱᓪᓕᐅᕈᑕᐅᕙᖕᒪᖔᑦ ᐃᖅᑲᓇᐃᔮᕆᓛᕈᒪᔭᒥᓄᑦ ᓴᖅᑭᑕᐅᓲᖑᓂᖓᓂᒃ ᓇᓗᓈᕿᔾᔪᑕᐅᓕᖅᐸᒃᖢᓂ. ᖃᐅᔨᒋᐊᖃᑦᑕᓕᕋᒥ ᑲᑐᔾᔨᖃᑎᒌᓂᑦ ᐃᖅᑲᓇᐃᔮᖓᑕ ᒥᒃᓵᓄᑦ, ᖁᓱᔪᓐᓃᓚᐅᖅᑐᖅ. ᐃᖅᑲᐅᒪᖕᒥᔪᖅᑕᐅᖅ ᐃᒻᒥᓂᒃ ᓴᓇᖃᑦᑕᕋᒥ ᐱᓕᕆᐊᒥᓄᑐᐊᖑᙱᑦᑐᖅ.

ᐃᓱᒪᖓ ᖃᐅᔨᒋᐊᖃᑦᑕᖁᓪᓗᒍ, ᑎᒡᕌᓐᑦᐳᐃ ᓯᓚᒨᖃᑦᑕᖅᑐᖅ, ᕿᒥᕐᕈᓪᓗᓂ ᓇᐹᖅᑐᓂᑦ ᐊᒻᒪ ᐃᒪᕐᒥᑦ ᑕᑯᓪᓗᓂ. ᒪᒃᑯᒃᖢᓂ ᓂᑲᓪᓗᖓᓪᓗᓂ, ᖃᐅᔨᓪᓗᓂ ᓴᓚᐅᓱᖕᓂᕐᒥ ᐃᒃᓯᕚᕐᖢᓂ ᖃᓂᒋᔭᖓᓂ ᐋᑐᕚᑉ ᑰᖓᑕ ᐊᒻᒪ ᓂᑲᒍᓱᒃᓗᓂ ᐃᒃᐱᖕᓂᐊᓂᖓᒍᑦ. ᓄᖅᑲᖓᑲᐃᓐᓇᕐᓂᖅ ᓄᓇᕐᔪᐊᕐᒥ ᐊᒻᒪᓗ ᐊᐅᓪᓛᖅᓯᒪᓪᓗᓂ, ᐃᓄᑑᓪᓗᓂ ᐃᑲᔪᖅᓯᒪᔪᖅ ᖃᓄᐃᖏᑎᐊᕐᓂᖓᓄᑦ. ᐱᙳᐊᕐᓂᖅᑕᐅᖅ ᖁᕕᐊᒋᔭᖓ ᐃᓱᒪᖓ ᐊᒃᓱᕈᕐᓇᖅᑑᓪᓗᓂ.

ᐱᕈᖅᐸᓪᓕᐊᓪᓗᓂ, ᑎᒍᕌᓐᑦᐳᐊ ᐊᒃᑲᒥᓄᑦ ᐱᔪᒃᓯᑎᑕᐅᓚᐅᖅᐳᖅ ᓴᓇᙳᐊᖅᑎᐅᓚᐅᖅᓯᒪᔪᓄᑦ. "ᑕᑯᓪᓗᒍ ᑖᓐᓇ ᖃᐅᔨᒪᓂᕐᓗ ᐃᓐᓇᐅᒐᓗᐊᕐᓗᖓ, ᓴᓇᐅᒐᓕᐅᖏᓐᓇᕈᓐᓇᖅᑐᖓ, ᐊᓕᐊᓇᐃᓚᐅᖅᑐᖅ ᑕᑯᔭᕆᐊᒃᓴᖅ," ᐅᖃᙳᐊᖅᖢᓂ. ᐃᓚᖓᑦ ᐊᒃᑲᖓᑕ ᐊᒥᐊᕆᔨᐅᓚᐅᖅᐳᖅ ᐊᒥᓱᓪᓗ ᐊᒥᐊᖅᓯᒪᔪᑦ ᑐᙵᕕᖓᓂ ᐃᒻᒥᓂᒃ ᐅᖃᐅᓯᖃᐃᓐᓇᖁᓪᓗᓂᐅᒃ. "ᐃᓛᓐᓂᒃᑯᑦ ᐅᖃᐅᓰᑦ ᐊᑕᖐᔪᓐᓇᙱᒻᒪᑕ ᖃᓄᖅ ᐃᒃᐱᒋᔭᖃᕐᒪᖔᖅᐱᑦ. ᐃᓛᓐᓂᒃᑯᑦ ᐊᒥᐊᕆᓂᖅ ᐅᕝᕙᓘᓐᓃᑦ ᑎᑎᖅᑐᒐᕐᓂᖅ ᑎᒍᓯᔪᓐᓇᓪᓚᕆᑉᐸᒻᒪᑦ ᐅᖃᐅᓯᓕᒫᓂᒃ ᐱᔪᓐᓇᖏᑦᑐᓂᒃ," ᓇᓗᓇᐃᖅᓯᓪᓗᓂ.

ᐅᖃᐅᔾᔪᐃᓂᖓ ᓴᓇᙳᐊᖅᑎᓄᑦ "ᓴᓇᙳᐊᖅᑕᐅᔪᓕᒫᐸᓗᐃᑦ ᓴᓇᙳᐊᖅᑕᐅᕙᒃᑐᑦ." ᐸᑦᑕᐃᑦᑐᐃᑦ ᖁᕕᐊᒋᓚᐅᖅᑕᖏᑦ ᐃᓕᓐᓂᐊᕐᕕᐊᓗᒻᒥ, ᐆᑦᑑᑎᒋᓗᒍ. Degrandpré ᐅᖃᕋᔭᕐᒥᔪᖅ, "ᐃᓕᖕᓂᒃ ᐅᒃᐱᕆᑦᑎᐊᕐᓗᑎᑦ ᐊᒻᒪ ᐱᓕᕆᐊᑎᑦ ᐅᖃᐅᓯᕆᑐᐃᓐᓇᕐᓗᒋᑦ. ᐃᓛᓐᓂᒃᑯᑦ, ᒫᓐᓇᓘᓐᓃᑦ, ᐃᖅᑲᓇᐃᔮᕋ ᑎᑭᐅᑎᕙᙱᑦᑐᖅ ᓂᕆᐅᒋᔭᓐᓄᑦ, ᓇᖕᒥᓂᕐᓗ ᐃᓱᒪᒋᙱᖦᖢᒍ. ᖃᐅᔨᒪᔪᖓ ᓴᓇᐅᒐᐃᑦ ᐊᑑᑎᖃᕐᒪᑕ. ᐃᓄᐃᑦ ᑕᑯᖃᑦᑕᖅᑐᑦ ᐊᔾᔨᒌᖏᑦᑐᓂᑦ ᑕᑯᒍᒥᓇᕋᐃᒻᒪᑕ, ᐃᖅᑲᓇᐃᔮᑎᓪᓗ ᓇᒻᒥᓂᖅ ᐅᖃᓕᒪᑎᓪᓗᒋᑦ, ᐊᒻᒪ ᓇᒻᒥᓂᖅ ᑐᑭᖃᑦᓯᐊᕐᓗᑎᑦ ᑐᓴᖅᑕᐅᑎᑦᓯᒍᓐᓇᕐᒥᔪᑦ ᑕᖅᑳᓂ, ᐱᔾᔪᑎᒋᑦᓱᒍ ᑕᒪᒃᑮᒃ ᐱᒻᒪᕆᐅᒻᒪᑎᒃ, ᑲᑐᔾᔨᓯᓐᓈᑦ ᐃᖅᑲᓇᐃᔮᓐᓂᑦ."

ᐃᓱᒪᒋᓪᓗᒍ ᑐᕌᕆᔭᖓ ᓯᕗᓂᒃᓴᒧᑦ, ᑎᒡᕋᓐᑦᐳᐃ ᐱᓕᕆᔪᒪᔪᖅ ᑕᑯᔭᒐᖃᕐᕕᖕᓂ. ᐱᔭᕇᖅᓯᔪᒪᒋᕗᖅᑕᐅᖅ ᐃᓕᓴᐃᔨᙳᕆᐅᖅᓴᓂᕐᒥᒃ ᓴᓇᙳᐊᕐᓂᕐᒧᑦ. ᑐᑭᒧᐊᒃᑎᑦᑎᔨᙳᕈᒪᓂᐊᖅᑐᖅ ᓯᕗᓂᒃᓴᑦᑎᓐᓂ, ᐅᕝᕙᓘᓐᓃᑦ ᓴᖅᑭᑦᑎᔪᒪᓪᓗᓂ ᐃᓛᒃᑰᖅᑐᒥᒃ ᐱᓕᕆᐊᒃᓴᒥᒃ ᑲᑎᙵᑎᑦᑎᔪᒥᒃ ᐃᓕᑦᑎᕙᓪᓕᐊᓂᕐᒥᒃ ᐃᓕᖅᑯᓯᓕᕆᓂᕐᒥᒃ ᓴᓇᙳᐊᕐᓂᒃᑯᑦ. ᓴᓇᐅᒐᖅ ᖃᓄᖅ ᐊᒃᑐᐊᓂᖃᕐᒪᖔᑦ ᐃᓕᖅᑯᓯᖓᓄᑦ, ᑭᖑᓂᐊᒍᑦ. "ᐃᓄᕐᔪᐊᖑᓪᓗᖓ, ᑕᒫᓂ ᐋᑐᕚᒥ, ᓴᖅᑭᑦᑎᔪᓐᓇᖅᖢᖓ ᖃᐅᔨᒪᓪᓗᑎᒃ ᓯᕗᓕᕕᓂᒃᑲ ᑕᐃᒪᐃᓕᐅᖃᑦᑕᕋᔭᕐᓂᖏᓐᓂᒃ ᐅᑭᐅᓄᑦ 1000−ᓄᑦ, ᐃᕐᖑᑕᒃᑲᓗ ᑕᑯᓪᓗᓂᖓ ᐃᓕᓴᐃᓪᓗᓂᖓᓗ, ᑲᑎᙵᑦᑎᐊᖅᑰᔨᑎᖦᖢᓂᖓ," ᐃᓱᒪᑦᑎᐊᓕᓚᐅᖅᑐᖅ.

ᑭᖑᓪᓕᖅᐹᒥ, ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ, ᑎᒡᕌᓐᑦᐳᐃ ᐅᖃᖅᐳᖅ, "ᑕᒪᕐᒥᑦᑎᐊᖅ ᐃᓕᓗᒋᑦ, ᐱᓗᐊᖅᑐᒥᒃ ᑯᒃᓴᓱᒃᑲᓗᐊᕈᕕᑦ... ᐃᓯᒐᐃᑦ ᐹᒧᐊᕋᓱᒃᓗᒍ ᐱᒋᐊᕈᑎᑦᑎᐊᕙᐅᔪᖅ. ᓯᕗᓪᓕᖅᐹᑦᑎᐊᕐᒥ ᓴᓇᔭᕆᐊᖃᙱᑦᑐᑎᑦ. ᑕᖅᑲᐅᖓ ᑎᑭᕋᑖᕋᕕᐅᒃ ᐊᒻᒪᓗ ᐱᓕᕆᐊᕆᔪᓐᓇᓛᖅᑕᐃᑦ ᓯᕗᓂᑦᑎᓐᓂ. ᓱᓕ ᐃᓕᑦᑎᕙᓪᓕᐊᔪᒻᒪᕆᐅᔪᖓ ᓴᓇᙳᐊᕐᓂᕐᒥᒃ ᐃᓅᓯᕐᒥᒡᓗ, ᐱᓕᕆᐊᒃᑲ ᑕᖅᑲᐅᖓᑐᐃᓐᓇᖅ ᐋᖅᑭᒋᐊᖅᖢᒍᓗ ᓯᕗᓂᒃᓴᑦᑎᓐᓂ."

ᐃᒻᒥᓂᒃ ᐅᐱᒋᓂᖅ ᓴᓇᙳᐊᕐᓂᒃᑯᑦ ᐊᒻᒪᓗ ᐃᓅᓇᓱᐊᕐᓂᒃᑯᑦ, ᓵᓕᒻ ᑎᒡᕌᓐᑦᕆ ᑲᔪᖏᖅᓴᐃᓯᒪᔪᖅ ᐃᓱᒪᑐᔫᓪᓗᓂ ᐃᓅᓯᕐᒧᑦ ᐊᒻᒪᓗ ᐱᓕᕆᔨᒻᒪᕆᐅᓪᓗᓂ. ᖃᐅᔨᓚᐅᖅᑐᖅ ᐊᒃᑐᐊᓂᖃᕐᓂᕐᒥᒃ ᐃᓕᖅᑯᓯᒧᑦ ᓴᓇᙳᐊᕐᓂᒃᑯᑦ ᐊᒻᒪᓗ ᓴᖅᑭᑦᑎᓂᒃᑯᑦ ᐊᒻᒪᓗ ᐊᖏᔪᒥᒃ ᑕᐅᑐᒐᖃᕐᖢᓂ ᖃᓄᖅ ᐃᑲᔪᕈᖕᓇᖅᑐᖅ ᐊᓯᒥᒃ ᑕᐃᒪᓐᓇᑦᑕᐃᓐᓇᖅ ᐱᓕᕆᑎᓪᓗᒍ ᓴᓇᙳᐊᕐᓂᒃᑯᑦ ᖁᕕᐊᒋᔭᖓᒍᑦ. ᐃᓯᖅᑎᖦᖢᒍ, ᐱᕕᒃᓴᖃᖅᑎᖦᖢᓂᐅᒡᓗ ᐊᒥᖅᑳᖃᑎᖃᖅᖢᓂᓗ ᐃᓕᑕᒥᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.