"ᐊᔪᙱᑦᑐᖓ. ᓯᓐᓇᑦᑑᒪᒋᔭᓐᓂᒃ ᐃᓅᔪᖓ," ᐅᖃᖅᑐᖅ ᓵᓐᑎ ᐴᓱ. ᐅᐱᒍᓱᒃᖢᓂ ᐃᓚᒋᔭᐅᔪᖅ ᓯᑏᓐ ᕆᕗᒥ ᓄᓇᖃᖅᑳᖅᓯᒪᔪᓂ ᐋᓐᑎᐅᕆᐅ ᐅᐊᖕᓇᖓᓂ, ᐃᖅᑭᓖᑦ ᐱᖓᓱᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᕐᒥ, ᐅᓪᓗᓕᒫᖅ ᐃᖅᑲᓇᐃᔭᖅᓯᒪᔪᖅ ᐅᖃᖅᑎᐅᓪᓗᓂ ᐊᒻᒪ ᑎᑎᕋᖅᑎᐅᓪᓗᓂ ᐊᕐᕌᒍᓄᑦ ᖁᓕᓄᑦ. "ᐅᖃᐅᓯᓕᒫᕋ ᐅᖃᖅᑕᕋ ᐃᓱᒪᖅᓲᑎᒐ, ᐅᖃᓕᒫᒐᕆᒐᓗᐊᕈᒃᑯ, ᐃᓕᓐᓂᐊᕐᓇᑦ ᓴᖅᑭᖅᑕᒃᑲ ᐅᕝᕙᓘᓐᓃᑦ ᐊᐱᖅᓱᕐᓃᑦ, ᑐᑭᖓ ᓴᙱᓂᖃᕐᓂᖅ. ᓄᓇᖃᖅᑳᖅᓯᒪᔪᑦ ᐃᓄᐃᑦ ᖃᐅᔨᒪᔭᕆᐊᓖᑦ ᖃᓄᖅ ᐃᒃᐱᖕᓇᕐᒪᖔᑦ," ᑲᔪᓯᔪᖅ. 

"ᐅᖃᐃᓐᓇᓲᖑᔪᖓ ᐊᔪᕐᓇᙱᓐᓂᖅᓴᐅᓇᔭᕐᓂᖓᓂᒃ ᐅᕙᓐᓄᑦ ᐊᓂᖅᓵᖅᑐᕈᓐᓃᕆᐊᒃᓴᖅ ᑎᑎᕋᕋᔭᖅᑕᓐᓂ. ᐃᖅᑲᐅᒪᙱᑦᑐᖓ ᑎᑎᕋᙱᓪᓗᖓ."

ᑎᑎᕋᖅᑎᙳᕐᓂᖅ ᓴᖅᑭᓚᐅᖅᑐᖅ ᑖᔅᓱᒧᖓ. "ᓄᓇᕐᔪᐊᕋ ᑐᑭᖃᐃᓐᓇᐅᔭᖅᐳᖅ. ᐅᕙᓐᓂᒃ ᐅᖃᖃᑎᖃᕈᓐᓇᖅᑐᖓ, ᐅᕝᕙᓘᓐᓃᑦ ᐃᓛᓐᓂᒃᑯᑦ, ᐊᑖᑕᒐ ᐃᓅᔪᓐᓃᓚᐅᖅᑎᓪᓗᒍ, ᐊᒥᓱᑦ ᐱᓇᓱᐊᖅᑎᒃᑲ ᐅᖃᖃᑎᒋᓚᐅᖅᐸᒃᑲ ᑕᐃᑲᓃᒃᑲᔭᕋᒪ ᓱᓕ ᑕᐃᑲᓃᓐᓂᖅᐸᑦ. ᐃᓛᓐᓂᒃᑯᑦ ᐅᖃᓪᓚᖃᑦᑕᓚᐅᕐᒪᑦ Creator-ᒧᑦ. ᖃᓄᐃᑦᑑᒐᓗᐊᖅᐸᑦ, ᑎᑎᕋᑐᐃᓐᓇᕈᓐᓇᖅᑐᖓ ᑐᑭᖃᕆᐊᖃᑐᐊᕈᒪ," ᓈᓴᐃᒃᑲᓐᓂᖅᐳᖅ. ᑎᑎᕋᕆᐊᖃᒻᒪᕆᒻᒪᑦ. 

ᐊᖏᕐᕋᒥ ᐋᓐᓂᖅᑎᕆᓂᕐᒧᑦ ᐊᓂᒍᐃᓯᒪᔪᖅ, ᑲᑎᑎᑕᐅᓯᒪᔪᖅ, ᕿᑐᕐᖓᖃᕐᖢᓂ ᐃᓄᑑᓪᓗᓂᓗ ᐊᓈᓇᙳᕐᖢᓂ ᒪᒃᑯᒃᑎᓪᓗᒍ. ᐅᓪᓗᓕᒫᖅ ᐃᖅᑲᓇᐃᔭᓚᐅᖅᑐᖅ ᐃᑲᔪᕋᓱᒃᖢᓂ ᒪᕐᕉᖕᓂᒃ ᕿᑐᕐᖓᒥᓂᒃ ᑎᑎᕋᖅᑎᐅᓪᓗᓂ ᓄᓇᖃᖅᑳᖅᓯᒪᔪᓄᑦ ᐃᖅᑲᓇᐃᔭᕐᓂᕐᒧᑦ ᐱᓕᒻᒪᒃᓴᐃᓂᕐᒧᓪᓗ ᐱᓕᕆᕝᕕᖕᒥ, ᐃᑲᔪᕐᖢᓂ ᐃᓄᖕᓂᒃ ᐅᑎᖅᑐᓂᒃ ᐃᓕᓐᓂᐊᕐᕕᖕᒧᑦ, ᓇᓂᓯᓗᓂ ᓄᑖᒥᒃ ᐃᖅᑲᓇᐃᔮᒥᒃ ᐅᕝᕙᓘᓐᓃᑦ ᐱᒋᐊᕐᓗᑎᒃ ᓇᖕᒥᓂᖅ ᓇᖕᒥᓂᕆᔭᖏᓐᓂ. ᓇᒡᓕᒋᔭᐅᒐᓗᐊᖅᖢᓂ, ᐱᔪᒃᓯᑦᑎᐊᓚᐅᕐᒥᔪᖅ. 

ᐅᑎᕐᖢᓂ ᐃᓕᓐᓂᐊᕐᕕᖕᒧᑦ ᐱᖓᓱᐃᕐᖢᓂ, ᐱᓇᔪᒃᓗᓂ ᓄᑖᓂᒃ ᐃᖅᑲᓇᐃᔮᓂᑦ, ᖃᐅᔨᓪᓗᓂ ᐱᔪᒪᓯᒪᔭᖓ ᓅᓪᓗᓂ ᓯᕗᓂᐊᓂ ᑭᐳᒥ ᑎᕆᖅᑯᐊᓄᑦ ᑎᑎᕋᕐᕕᖕᒧᑦ ᐊᑕᐅᓯᐊᕐᖢᓂ. ᑎᑎᕋᖅᑎᒦᙶᓚᐅᖅᑐᖅ ᐊᖓᔪᖅᑳᕆᔭᒧᑦ ᑎᑎᕋᕐᕕᖕᒥᑦ, ᐱᓕᕆᐊᓄᑦ ᐊᐅᓚᑦᑎᔨ, ᐱᓕᕆᕝᕕᐅᑉ ᐊᐅᓚᑦᑎᔨᖓᑦ ᑐᑭᒧᐊᒃᑎᑦᑎᔨᒻᒪᕆᒡᓗ $4 ᒥᓕᐊᓐ ᑮᓇᐅᔭᓕᐅᕋᓱᐊᙱᑦᑐᓄᑦ ᑐᕋᓐᑐᒥᑦ. "ᐊᕐᕌᒍᓄᑦ 20−ᓄᑦ ᐱᓕᕆᐊᖑᓚᐅᖅᑐᖅ, ᑭᓯᐊᓂ ᑐᕌᒐᕆᔭᕋ ᐊᓂᒍᓚᐅᖅᑕᕋ," ᖁᖓᖦᖢᓂ. 

ᑭᖑᓂᐊᒍᑦ, ᐊᓈᓇᖓ ᐃᓅᔪᓐᓃᕐᖢᓂ, ᕿᒃᓵᕐᔪᐊᕐᖢᓂ ᑕᐅᑐᒃᑕᖓᓗ ᐊᓯᔾᔨᕐᖢᓂ. "ᐃᖅᑲᐃᑎᑕᐅᑦᑎᐊᓚᐅᖅᐳᖓ ᐃᓅᓯᖅ ᓇᐃᑦᑐᑯᓘᓂᖓᓂᒃ. ᖃᐅᑉᐸᑦ ᑕᐃᒪᐃᓪᓚᕆᓐᓂᐊᕐᓂᕋᖅᑐᖃᔾᔮᖏᑦᑐᖅ. ᓇᖕᒥᓂᖅ ᐊᖓᔪᖅᑳᕆᔪᒪᓐᓂᕈᒪ, ᐊᒻᒪ ᓇᖕᒥᓂᖅ ᓂᐱᒐ ᑲᒪᒋᓗᒍ, ᑕᐃᒪᐃᓕᐅᕆᐊᖃᓚᐅᖅᑐᖓ," ᐃᖅᑲᐅᒪᔪᖅ. ᐊᕝᕋᐃᑦ ᐳᐃᒍᖅᐸᓚᐅᖅᑕᖓ ᐊᓈᓇᖓᑕ ᐅᓂᒃᑳᖏᑦ ᐃᓕᓴᐃᔾᔪᑎᖏᓪᓗ, ᑎᑎᕋᕐᖢᓂᐅᒃ ᓯᕗᓪᓕᖅᐹᒥ ᐅᖃᓕᒫᒐᓕᐊᖓ, ᓄᖅᑲᕐᖢᓂ ᐃᖅᑲᓇᐃᔮᖓᓂᒃ ᐃᖅᑲᓇᐃᔮᖃᓕᕐᖢᓂᓗ ᐱᑕᖃᙱᓐᓂᐅᔪᒧᑦ ᓂᐅᕕᐊᒃᓴᖃᕐᓂᕐᒧᑦ. 

"ᓄᓇᖃᖅᑳᖅᓯᒪᔪᑦ ᐃᓄᐃᑦ ᖃᐅᔨᒪᔪᑦ ᓴᐱᓕᖅᓴᕋᐃᙱᓐᓂᕐᒥᒃ. ᖃᐅᔨᒪᔪᒍ ᖁᓅᕐᒥᓇᖅᑐᒥᒃ. ᖃᐅᔨᒪᔪᒍᑦ ᐊᑦᓱᕉᑕᐅᔪᓂᒃ. ᐃᓅᓯᕆᓚᐅᖅᑕᓐᓂᒃ ᐃᓕᓐᓂᐊᖅᑎᑦᑎᑐᐃᓐᓇᓚᐅᖅᑐᖓ ᐊᒻᒪ ᓇᖕᒥᓂᖁᑎᓐᓄᑦ ᐱᓇᔪᒃᖢᖓ."

ᐃᓚᒋᔭᐅᓕᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᑲᔪᖏᖅᓴᐃᓂᕐᒧᑦ ᐅᖃᖅᑎᓂᑦ, ᑎᑎᕋᕆᐊᓯᓚᐅᖅᑐᖅ ᓯᑕᒪᓂᑦ ᐅᖃᓕᒫᒐᕐᓂᑦ ᓴᖅᑭᑎᑦᓯᓂᕐᒥᓪᓗ ᐊᒥᓱᓂᑦ ᑲᑎᒪᓂᐅᔪᓂᑦ ᐅᖃᐅᓯᖃᕐᓂᕐᒥᑦ ᐊᑦᓱᕈᓐᓇᖅᑐᓂᑦ ᑕᑯᓯᒪᔭᖏᓐᓂᑦ ᓄᓇᓕᓐᓂᑦ: ᓇᒻᒥᓂᖅ ᐱᔪᓐᓇᑦᓯᐊᖏᓐᓂᕐᒥᑦ, ᓇᒻᒥᓂᖅ ᐅᐱᒋᑦᓯᐊᖏᓐᓂᕐᒥᑦ, ᐃᓗᐊᓂᑦ ᓂᑲᒍᓱᓐᓂᕐᒥᑦ. ᐳᓯᐊᐃ ᐃᑲᔪᕈᒪᓚᐅᖅᑐᖅ ᓄᓇᖃᖅᑳᖅᓯᒪᔪᓂᑦ ᐃᒻᒥᓂᒃ ᐅᒃᐱᕆᓗᑎᒃ.

ᐃᓕᓐᓂᐊᕐᕕᒃ ᐃᓂᐅᓚᐅᖅᐳᖅ ᐴᓱ ᐃᒻᒥᓂᒃ ᐅᒃᐱᕆᓕᖅᖢᓂ. "ᓄᓇᖃᖅᑳᖅᓯᒪᓪᓗᖓ ᐊᕐᓇᐅᓪᓗᑎᑦ ᑕᒫᓂ ᑲᓇᑕᒥ, ᑐᓴᖅᐸᒃᑭᕗᑎᑦ ᑐᓴᖅᑕᐅᔪᒃᓴᓂᒃ ᐅᓄᙱᓐᓂᖅᓴᐅᓂᕐᓂᒃ, ᑭᓱᑐᐃᓐᓇᒧᑦ ᐅᖃᐅᓯᖃᓚᐅᖅᓯᒪᔾᔮᙱᓚᑎᑦ... ᑕᒪᓐᓇ ᖁᕕᐊᒋᓪᓚᕆᓚᐅᖅᑕᕋ. ᓲᖃᐃᒻᒪ ᓇᓗᓇᐃᖅᓯᔪᓐᓇᖅᓯᓚᐅᕋᒪ ᐱᒻᒪᕆᐅᒋᔭᓐᓂᒃ. ᐊᔪᕐᓇᕐᓂᖅᓴᐅᓚᐅᖅᑐᖅ ᓯᓚᑖᓂ ᐃᓕᓐᓂᐊᕐᕕᐅᑉ, ᑭᓯᐊᓂ ᐊᔪᙱᓐᓂᖅᓴᐅᓇᔭᖅᑐᖓ." 

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐊᐅᓪᓚᕈᒪᔪᓄᑦ ᓄᓇᒥᓂᑦ ᐃᖅᑲᓇᐃᔭᕆᐊᕐᓗᓂ ᐃᓕᓐᓂᐊᕐᓗᓂᓗ ᐃᓱᒪᑦᑎᐊᕐᓇᖅᐳᖅ. "ᕿᑐᑦᑐᒐᐅᔭᕐᓄᑦ ᐃᓕᙱᒃᑯᕕᐅᒃ ᐊᑐᐃᓐᓇᐅᔪᓄᑦ, ᐊᑕᐅᓯᖅ, ᑕᒻᒪᖅᑰᙱᑦᑐᑎᑦ, ᐊᒻᒪ ᒪᕐᕉᒃ, ᓇᖕᒥᓂᖅ ᓴᓇᓗᑎᑦ."  ᐴᓱ ᐅᒃᐱᕈᓱᒃᑭᕗᖅ ᓄᓇᖃᖅᑳᖅᓯᒪᔪᑦ ᐃᓄᐃᑦ ᓇᖕᒥᓂᖅ ᐆᒃᑐᕋᕆᐊᖃᕐᓂᖏᓐᓂᒃ ᐆᒃᑐᕋᙱᖔᕐᓗᑎᒃ ᑐᑭᓪᓗᐊᑕᖏᓐᓂᒃ. ᐱᔪᒪᔪᖅ ᓄᓇᖃᖅᑳᖅᓯᒪᔪᑦ ᐅᖃᓪᓚᒃᑎᖃᕐᓂᖅᓴᐅᓗᑎᒃ, ᐅᒃᐱᕈᓱᒃᓗᑎᒃ ᑲᓇᑕᒥᐅᑦ ᐃᓕᑦᑎᔭᕆᐊᖃᕐᓂᖏᓐᓂ ᓄᓇᖃᖅᑳᖅᓯᒪᔪᑦ ᓂᐱᖏᓐᓂ ᐋᖅᑭᖃᑎᒌᒐᓱᖕᓂᕐᒧᑦ, ᐊᖏᓂᖅᓴᒥᓗ ᐊᓯᔾᔨᕐᓂᖅ ᐊᔪᕐᓇᕋᔭᙱᑦᑐᖅ ᓱᒃᑲᓂᖅᓴᐅᓗᓂᓗ ᓄᓇᖃᖅᑳᖅᓯᒪᔪᑦ ᓂᐱᖏᑎᒍᑦ. 

"ᑕᐃᒪᓕ ᑭᓯᐊᓂ ᓂᖀᑦ ᖄᖓᓄᐊᖅᑎᖦᖢᒍ ᐊᒻᒪ ᐃᒐᓛᖅ ᕿᓂᕋᒃᑯ ᑎᕆᖅᑯᐊᓂ ᑎᑎᕋᕐᕕᓐᓂ ᑕᐃᒪᐃᓕᐅᓕᖅᑎᓪᓗᖓ? ᐅᖃᓚᐅᕐᒪᑕ ᑕᐃᒪᐃᒍᓐᓇᖏᓐᓂᕋᖅᑐᑎᒃ. ᐱᓕᕆᔪᒻᒪᕆᐅᓚᐅᖅᑐᖓ, ᐅᔾᔨᕈᓱᓚᐅᙱᓐᓇᒪᓘᓐᓃᑦ ᑭᓱᓂᒃ ᐊᓂᒍᖅᑎᑦᑎᖕᒪᖔᕐᒪ," ᐴᓱ ᓇᓗᓇᐃᖅᓯᓪᓗᓂ. ᑕᐃᒪᙵᓂᑦ, ᐅᖃᖅᑎᑦᑎᐊᕙᐅᖏᓐᓇᖅᐳᖅ, ᓂᒡᓕᓇᖅᑐᒥᒃ ᐅᖃᓗᑲᑕᓚᐅᖅᓯᒪᙱᖦᖢᓂ, ᖃᓂᖓ ᐊᑐᙱᖔᖅᖢᓂ. 

"ᑕᒪᓐᓇ ᓇᒧᙵᐅᕙᓪᓕᐊᓂᐅᓯᒪᔪᖅ ᖃᓄᖅ ᐊᖏᑎᒋᔪᒥᒃ ᐅᕙᓐᓂᒃ ᐅᒃᐱᕆᕗᖓ? ᖃᓄᖅ ᓴᐱᓕᖅᓴᕋᐃᙱᑉᐳᖓ? ᒪᑭᒃᑲᓐᓂᕈᓐᓇᖅᐳᖓ ᐅᑭᐊᒃᓵᖅ ᐊᓂᒍᖅᐸᑦ?"

ᐱᒋᐊᓚᐅᖅᑐᖅ YouTube-ᑯᑦ ᑕᕐᕆᔭᐅᓯᐊᓂᒃ ᖃᐅᑕᒫᑦ, ᖃᐅᔨᑎᑦᑎᓪᓗᓂ ᐱᔪᒃᓯᑎᑦᑎᓂᕐᒥᒃ ᑭᓯᐊᓂ ᓄᓇᖃᖅᑳᖅᓯᒪᔪᑦ ᓄᓇᓕᖏᑦ ᐃᑲᔪᖅᑕᐅᓇᓱᓕᓚᐅᖅᖢᑎᒃ. ᓄᕙᒡᔪᐊᖕᓇᐅᑎᓪᓗᒍᓘᓐᓃᑦ, ᐅᖃᓪᓚᒃᖢᓂ Zoom−ᒥᑦ, ᑭᓯᐊᓂ ᐊᒃᓱᕈᖅᖢᓂᑦᑕᐅᖅ. $48,000-ᓂᒃ ᖃᓄᐃᓕᐅᕐᓂᐅᔪᓂᒃ ᓄᖅᑲᖅᑎᑦᑎᓚᐅᖅᐳᖅ 24-ᓂᒃ ᐃᑲᕐᕋᓂᒃ ᓴᓇᔭᐅᒃᑲᓐᓂᕆᐊᖃᓕᓚᐅᖅᖢᓂᓗ. ᐄ, ᑕᐃᒪᓐᓇ ᐱᓕᕆᑦᑎᐊᕈᓐᓇᖅᑐᖅ. "ᐃᒪᓐᓇᐅᓚᐅᖅᑐᖓ, 'ᐊᑏ, ᓵᓐᑎ, ᐱᒋᐊᓚᐅᖅᐳᑎᑦ 0−ᒥᑦ ᑕᐃᒪᐃᓕᐅᒃᑲᓐᓂᓚᐅᙱᓐᓂᕐᓂ. ᐱᓕᕆᕈᓘᔭᕆᑦ.' ᓇᖕᒥᓂᕆᔭᕋ ᒫᓐᓇ ᓴᙱᓂᖅᓴᐅᓕᖅᑐᖅ ᑕᐃᒪᙵᓂᑦ," ᐅᖃᖅᑐᖅ ᐅᐱᒍᓱᒃᖢᓂ. ᓯᓚᑖᓂ ᐅᖃᓕᒪᓂᖓᑕ ᑎᑎᕋᕐᓂᖓᓗ, ᕿᑐᕐᖓᒥᓂᒃ ᐃᕐᖑᑕᒥᓂᓪᓗ ᐱᖃᑎᖃᖅᐸᒻᒥᔪᖅ ᐊᒻᒪᓗ ᐅᖃᓕᒫᖅᐸᒃᑭᓪᓗᓂ. 

ᓵᓐᑎ ᐴᓱ ᐅᖃᖅᐳᖅ ᐃᖅᑲᓇᐃᔭᙱᓐᓂᕋᖅᖢᓂ, ᓲᖃᐃᒻᒪ ᓯᓐᓇᑦᑑᒪᒥᓂᒃ ᐃᓅᖕᒪᑦ. ᐅᖃᐅᓯᓕᒫᑦ ᐅᖃᖅᑕᖏᑦ ᓂᕈᐊᕆᓪᓗᓂᒋᑦ ᐊᒻᒪᓗ ᐴᓱᒧᑦ, ᑐᑭᒋᒻᒪᒍ ᓴᓐᖏᓕᖅᐹᓪᓕᕐᓂᐅᑉ. ᓄᓇᖃᖅᑳᖅᓯᒪᔪᓂᒃ ᖃᐅᔨᒪᖁᔨᒃᑲᓐᓂᖅᐳᖅ ᖃᓄᖅ ᐃᒃᐱᖕᓇᕐᒪᖔᑦ... ᑕᐃᒪᓐᓇᓗ ᐃᒻᒥᓂᒃ ᐅᒃᐱᕆᑎᖦᖢᓂᒋᑦ. ᑐᙵᓴᐃᔨᒦᙶᓚᐅᖅᑐᖅ ᑕᐃᑯᖓ ᐊᒻᒪᓗ ᓇᒻᒥᓂᖅ ᑐᑭᒥᓂᒃ ᐊᑐᖅᑐᓂ ᑲᔪᓯᑦᑎᐊᕐᓂᕐᒧᑦ. ᐃᓅᓯᖅ ᓇᐃᑦᑐᑯᓘᖕᒪᑦ ᐊᒻᒪ ᖃᐅᒃᐸᑦ ᑕᐃᒪᐃᓪᓚᑦᑖᕐᓂᐊᕐᓂᕋᖅᑕᐅᙱᖦᖢᓂ, ᑭᓯᐊᓂ ᓯᕗᓂᒃᓴᖓ ᑕᑯᒥᓇᕐᓂᖅᓴᐅᖕᒪᑦ ᖃᐅᑕᒫᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.