ᐸᓂᖓ ᓴᓇᙳᐊᖅᑎᐅᑉ ᐊᒻᒪᓗ ᕿᓂᖅᑐᖅ ᓴᓇᐅᒐᕐᒥᒃ, ᓴᐃᕋ ᕗᓗᐊᕆᓐᔅ ᑕᐃᕕᑦᓴᓐ ᓴᓇᙳᐊᖅᓯᒪᔪᖅ ᓇᒻᒥᓂᖅ ᐊᖅᑯᑎᒥᓂᒃ ᐃᓕᓐᓂᐊᕐᓂᕐᒧᑦ. ᕼᐃᑕ ᐊᑎᖓ ᓯᒐᓐ ᔮᑦᒍ ᓵᓐ ᒋᓛᓐᔅ ᑐᑭᖃᖅᑐᖅ ᑭᓪᓕᖅ ᐊᕐᕕᖅ ᐊᕐᓇᖅ ᑖᓐᒥᑦ. ᔪᕼᐅᒐ ᔮᓇᔅ ᑐᓗᒐᖅ ᕼᐊᐃᑕ ᒍᕙᐃᒥᑦ ᐊᒻᒪᓗ ᐃᑲᔪᖅᑎᐅᔪᖅ ᐃᓕᓴᐃᔨᒻᒪᕆᒻᒧᑦ ᓴᐃᒪᓐ ᕗᕋᐃᓱ ᓯᓚᑦᑐᓴᕐᕕᕐᔪᐊᖓᓂ ᐃᓕᓴᐃᔨᐅᓪᓗᓂ ᐃᓕᓐᓂᐊᖅᑐᓕᕆᔨᒃᑯᓐᓄᑦ. ᑕᐃᒪᙵᑦ 2018−ᖑᓚᐅᖅᑎᓪᓗᒍ, ᑎᑎᕋᖅᓯᒪᕗᖅ ᑎᑎᕋᖃᑕᐅᓯᒪᓪᓗᓂᓗ ᖃᔅᓯᑲᓪᓚᖕᓂᒃ ᐅᖃᓕᒫᒐᕐᓂᒃ.

ᐱᕈᖅᐸᓪᓕᐊᓪᓗᓂ, ᑕᐃᕕᑎᓴᓐ ᐃᓕᓐᓂᐊᕐᕕᒻᒦᓐᓂᖅᓴᐅᓚᐅᖅᑐᖅ ᐱᙳᐊᖃᑦᑕᓚᐅᖅᑐᓂ. ᐃᓕᓐᓂᐊᕐᓂᖓᓂ, ᑕᐃᕕᑦᓴᓐ ᐃᓕᓐᓂᐊᕆᐊᖃᑦᑕᓚᐅᖅᐳᖅ ᐊᒥᓱᓂᒃ ᐊᔾᔨᒌᙱᑦᑐᓂᒃ ᓄᑲᖅᖡᑦ ᐃᓕᓐᓂᐊᕐᕕᖏᓐᓂᒃ. ᒍᕋᐃᑦ 9-ᒥ, ᐊᑖᑕᒥᓂᒃ ᐱᖃᑎᖃᓕᓚᐅᖅᑐᖅ ᐊᒻᒪᓗ ᐱᔭᕇᖅᑐᓂ ᐃᓕᓐᓂᐊᕐᕕᐊᓗᒻᒥ ᓲᕆ, ᐳᕆᑎᔅ ᑲᓚᒻᐱᐊᒥ. ᐃᓕᓐᓂᐊᕌᓂᒍᓯᐊᖃᕐᖢᓂ ᐃᓱᒪᓕᕆᓂᕐᒥ Hᐊᓕᕚᒃᔅᒥ ᑖᓪᕼᐊᐅᓯ ᓯᓚᑦᑐᖅᓴᕐᕕᒡᔪᐊᒥ. ᐱᔭᕇᕋᒥᐅᒃ ᐱᔭᕇᕈᓯᐊᖓ, ᐃᓪᓗᒧᑦ ᐊᖓᔪᖅᑳᕈᓚᐅᖅᑐᖅ ᐅᑭᐅᑭᓗᐊᖅᑐᓄᑦ ᒪᒃᑯᑦᑐᓄᑦ ᕚᓐᑰᕗᒥ.

ᑭᖑᓂᐊᒍᑦ, ᓄᓇᖃᖅᑎᓪᓗᒍ ᐃᖅᑲᓇᐃᔭᕐᖢᓂᓗ ᑎᐊᓐᒫᒃᒥ ᐱᖃᑎᒌᒃᓗᑎᒃ, ᐱᔪᒃᓯᑎᑕᐅᓚᐅᖅᑐᖅ ᖁᕕᐊᓱᖕᓂᕐᒧᑦ ᓄᓇᕐᔪᐊᒥ ᐃᓕᓐᓂᐊᕐᕕᖕᓄᑦ ᐋᖅᑭᒃᓯᓪᓗᓂᓗ ᕿᒥᕐᕈᔪᒪᓂᕐᒥᒃ ᐃᓕᓐᓂᐊᕐᓂᕐᒥᒃ. ᐅᑎᕋᒥ ᐳᕆᑎᔅ ᑲᓚᒻᐱᐊᒧᑦ, ᓅᓚᐅᖅᓯᒪᔪᖅ ᕼᐃᑕ ᒍᕙᐃᒧᑦ ᐃᖅᑲᓇᐃᔭᖅᑎᑕᐅᓪᓗᓂ ᐃᓕᓐᓂᐊᕐᓂᓕᕆᓂᕐᒧᑦ ᐃᑲᔪᖅᑎᐅᓂᕐᒧᑦ. ᐊᕐᕌᒍ ᐅᖓᑎᑦᑎᐊᖓᓂ, ᐅᑎᓚᐅᖅᑐᖅ ᐃᓕᓐᓂᐊᕐᕕᖕᒧᑦ ᐱᔭᕇᖅᓯᔭᖅᑐᖅᖢᓂ ᐃᓕᓴᐃᔨᐅᓂᕐᒧᑦ ᐱᓕᒻᒪᒃᓴᕐᓂᕐᒥᑦ SFU−ᑯᑎᒍᑦ Northern BC−ᑯᑦ.

ᐃᓕᓴᐃᔨᐅᓚᐅᖅᖢᓂ ᐊᕐᕌᒍᓄᑦ ᖃᔅᓯᐊᕐᔪᖕᓄᑦ Hᐊᐃᑕ ᒍᕙᐃᒥ, ᐊᖏᖅᑕᐅᓚᐅᖅᑐᖅ UBC−ᑯᓐᓂ ᐱᔭᕇᖅᓯᓪᓗᓂ ᓇᓗᓇᐃᒃᑯᑕᕐᒥᒃ ᐊᒻᒪ Master's degree−ᒥᒃ ᐅᖃᓕᒫᕈᓐᓇᕐᓂᕐᒧᑦ/ᑎᑎᕋᕈᓐᓇᕐᓂᕐᒧᑦ ᐃᓕᓐᓂᐊᕐᓂᕐᒥᒃ ᓅᓚᐅᙱᓐᓂᕐᒥᓂ Whitehorse−ᒧᑦ ᑕᐃᑲᓂ, ᐃᓕᓴᐃᓚᐅᖅᓯᒪᓪᓗᓂ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ. ᐱᔪᒪᓂᖃᓕᓚᐅᖅᑐᖅ ᐃᑲᔪᖅᑐᐃᓂᕐᒥᑦ ᑎᑎᕋᕐᓂᕐᒥᑦ ᐱᓇᓱᐊᕐᓂᕐᒥᓪᓗ Ph.D UBC-ᒥ ᐅᖃᐅᓯᓕᕆᓂᕐᒧᑦ ᐅᖃᓕᒫᕈᓐᓇᑦᑎᐊᕐᓂᕐᒧᓪᓗ ᐃᓕᓐᓂᐊᕐᓂᕐᒥᑦ ᐱᔭᕇᖅᓯᒪᑦᓱᓂᓗ ᓘᑦᑖᖑᓂᕐᒥᑦ 2016-ᒥ. ᑕᐃᕕᑦᓴᓐ ᐃᖅᑲᓇᐃᔭᓚᐅᖅᓯᒪᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᕕᖓᓐᓂ UBC−ᒥ ᐊᕐᕌᒍᒧᑦ ᓅᖦᖢᓂ UFV−ᒧᑦ ᒪᕐᕉᖕᓄᑦ ᐊᕐᕌᒎᖕᓄᑦ ᐃᓕᓴᐃᔨᙳᕆᐅᖅᓴᓂᕐᒧᑦ, ᐊᒻᒪᐃᓛᒃ ᓅᖦᖢᓂ SFU−ᒧᑦ 2020−ᒥ ᓂᕆᐅᒋᔭᖃᖅᖢᓂ ᖃᐅᔨᓴᒃᑲᓐᓂᓛᕐᓂᕐᒥᒃ.

"ᓄᓇᖃᖅᑳᖅᓯᒪᔪᑦ ᐊᕐᓇᐅᓪᓗᖓ ᓯᓚᑦᑐᖅᓴᕐᕕᖕᒥ, ᐊᒃᓱᕈᕐᓇᖅᑐᒻᒪᕆᐊᓘᔪᓐᓇᕐᒪᑦ ᐃᓂᖃᑦᑎᐊᖃᑦᑕᖅᓯᒪᓪᓗᖓᓗ, ᐅᖃᖃᑎᖃᖃᑦᑕᖅᓯᒪᓪᓗᖓᓗ ᐊᒥᓱᓂᒃ ᐃᓄᖕᓂᒃ ᐊᒻᒪ ᐊᔪᕐᓇᕈᓐᓇᑦᑎᐊᖅᖢᓂ ᓄᓇᖃᖅᑳᖅᓯᒪᔪᓄᑦ ᐊᕐᓇᐅᔭᕆᐊᒃᓴᖅ," ᑕᑯᒃᓴᐅᑎᑕᖓ. ᑐᑭᖃᑦᑎᐊᖅᑐᒥᒃ ᖃᐅᔨᓴᕋᓱᒃᓗᓂ, ᐊᑖᑕᒥᓂᒃ ᐱᓕᕆᖃᑎᖃᖅᖢᓂ ᐊᒻᒪ ᓴᓇᙳᐊᕆᐅᖅᓴᓂᕐᒥᒃ ᐃᓕᓐᓂᐊᖅᖢᓂ, ᖁᕕᐊᓱᒃᓯᒪᕗᖅ ᐊᔾᔨᒌᒃᑎᑦᑎᓇᓱᒃᖢᓂ ᐊᒃᓱᕈᕐᓇᖅᑐᓂᒃ.

ᑕᐃᕕᑦᓴᓐ ᖃᐅᔨᓴᕐᓂᖓ ᐃᓚᖃᖅᐳᖅ ᑕᐅᑐᒐᖃᓪᓗᐊᑕᕐᓂᕐᒥᒃ ᓄᓇᖃᖅᑳᖅᑐᓄᑦ ᐊᔪᕈᓐᓃᖅᓴᖅᑎᑕᐅᓯᒪᔪᓄᑦ, ᑎᑎᕋᖅᓯᒪᓕᖅᑎᑦᑎᓪᓗᓂᓗ ᐊᑐᖃᑦᑕᖅᓯᒪᔭᒥᓂᒃ ᐊᕐᕌᒍᖃᑎᒌᙱᑦᑐᓄᑦ ᐃᓕᑦᑎᕙᓪᓕᐊᓪᓗᓂ ᐊᑖᑕᒥᓂᒃ. ᐱᓕᕆᐊᖃᖅᐳᖅ ᓄᑖᒥᒃ ᐅᖃᓕᒫᒐᕐᒥᒃ ᑐᙵᕕᖃᖅᑐᒥᒃ ᑕᒪᒃᑯᓂᖓ ᐊᔪᕈᓐᓃᖅᓴᒐᒃᓴᓂᒃ ᐊᑐᖃᑦᑕᖅᓯᒪᔭᒥᓂᒡᓗ. ᐱᓕᕆᖃᑎᖃᕐᒥᔪᖅ ᕼᐊᐃᑕ ᒍᕙᐃ ᐃᓕᓐᓂᐊᕐᕕᖕᒥ ᓯᕗᓕᖅᑎᓂᑦ ᐱᓕᕆᖃᑎᖃᖅᖢᓂ Sk'a−ᒥᑦ ᑐᙵᕕᖏᓐᓂᑦ ᓇᓗᓇᐃᔭᖅᓯᒪᔪᑦ ᐸᑦᑕᐃᑦᔅᒥᑦ Pedagogy−ᒥᑦ. ᖁᕕᐊᓱᒃᑐᖅ ᑕᑯᔭᕆᐊᒃᓴᖅ ᑐᙵᕕᐅᔪᓂᑦ ᐊᑐᖅᑕᐅᔪᓂᑦ ᐃᓕᓐᓂᐊᕐᓂᓕᕆᓂᖕᒧᑦ.

ᐃᓚᖓᓐᓄᑦ ᐊᑕᖐᔪᒥᒃ ᖃᐅᔨᓴᖅᑕᐅᓂᖓᓄᑦ ᓘᒃᑖᖓᓄᑦ, ᐊᐱᖅᓱᓚᐅᖅᑐᖅ ᐊᑖᑕᒥᓂᒃ ᐃᓕᓐᓂᐊᖁᓪᓗᒍ ᐃᓕᓐᓂᐊᖅᓯᒪᓂᖓᓂᒃ ᓄᑲᑉᐱᐊᖑᓪᓗᓂ ᐱᕈᖅᓴᓪᓗᓂ ᕼᐄᑕ ᒍᕙᐃᒥ. ᐊᐱᖅᓱᖅᑕᐅᑎᓪᓗᒍ ᐅᖃᐅᓯᖃᖅᐸᓪᓕᐊᓕᖅᑎᓪᓗᒍ ᓇᐸᔪᖁᑎᒥᓂᒃ ᐱᕈᖅᓴᓂᕆᓚᐅᖅᑕᖓᓂᒃ 1969-ᒥ, ᖃᐅᔨᓚᐅᖅᐳᖅ ᑐᓴᒐᒃᓴᖅᑕᖃᕐᓂᖅᓴᐅᓂᖓᓂᒃ ᐃᓕᓐᓂᐊᕈᓐᓇᖅᓯᓚᐅᖅᑕᒥᓂᒃ, ᑕᐃᒪᓕ ᐊᑖᑕᒥᓄᑦ ᐅᖃᖅᖢᓂ ᐅᑎᕐᓂᕋᖅᖢᓂ ᐅᖃᐅᓯᐅᔪᒧᑦ ᐱᕕᒃᓴᖃᕐᓂᖅᓴᐅᓕᖅᑎᓪᓗᒍ. ᐅᑎᕋᒥᒃ ᐱᓕᕆᐊᒃᓴᒧᑦ ᐊᕐᕌᒎᒃ ᒪᕐᕉᒃ ᐊᓂᒍᖅᑎᓪᓗᒋᑦ, ᖃᐅᔨᓪᓗᓂ ᐊᑲᐅᓂᖅᓴᐅᓂᖓᓂᒃ ᕿᒥᕐᕈᐊᒐᕐᒧᑦ.

ᑎᑎᕋᕈᒪᓕᕐᖢᓂᐅᒃ ᓂᐅᕕᕐᓗᒍᓗ ᑭᖑᓂᐊᒍᑦ, ᑲᑎᖃᑎᖃᕐᖢᓂ ᓯᕗᓂᒃᓴᒥ ᐅᖃᓕᒫᒐᓕᐅᖅᑎᒥᒃ, ᐳᐊᕐᕆᓯᒥᒃ ᐊᒻᒪ ᒪᐃᓐᒥᒃ, ᑲᑎᒪᕕᒃᔪᐊᕐᓂᕐᒥ ᐊᐱᕆᓪᓗᑎᒃᓗ ᐱᓕᕆᐊᖃᕐᒪᖔᑦ ᖃᓄᑐᐃᓐᓇᖅ. ᐅᓂᒃᑳᓚᐅᖅᑐᖅ ᐱᓕᕆᐊᒥᑦ ᑭᖑᓂᐊᒍᓪᓗ ᑲᑎᖦᖢᓂ ᐱᓕᕆᐊᒃᓴᒥᑦ ᓴᖅᑭᑦᑎᔪᒪᓕᕐᖢᓂᓗ ᐸᑦᑕᐃᑦᑐᓂᑦ Pedagogy−ᒥᑦ. ᑕᐃᒪᙵᑦ ᑎᑎᕋᖃᑦᑕᐃᓐᓇᖅᐳᖅ. ᐃᓚᖏᑦ ᐅᓂᒃᑳᖅᑐᐊᑦ ᐊᑖᑕᖓᑕ ᐅᖃᐅᑎᓚᐅᖅᑕᖏᑦ ᐊᔾᔨᓕᐅᖅᑕᐅᖃᑦᑕᓚᐅᕐᓂᖏᓐᓂᒃ ᐅᖃᓕᒫᒐᙳᖅᖢᑎᒃ ᐃᓕᓴᐃᔨᑦ ᐃᓚᐅᔪᓐᓇᖁᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦᑎᑎᓪᓗᒋᑦ.

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᐅᓪᓚᕈᒪᓂᕐᒥᒃ ᓄᓇᒥᓂᒃ ᐃᓕᓐᓂᐊᕆᐊᕐᓗᑎᒃ ᐅᕝᕙᓘᓐᓃᑦ ᐊᐅᓪᓚᕐᓗᑎᒃ ᑲᓇᑕᐅᑉ ᓯᓚᑖᓄᑦ ᐱᓕᕆᓂᐊᕐᓗᑎᒃ ᖁᕕᐊᒋᔭᒥᓂᒃ ᐊᒻᒪᓗ ᖃᐅᔨᓗᑎᒃ ᑭᓱᑦ ᑕᖅᑳᓃᒻᒪᖔᑕ ᐱᕕᒃᓴᐅᔪᓐᓇᖅᑐᑦ ᐱᓪᓗᒋᑦ. "ᐅᔾᔨᕈᓱᒡᓗᑎᑦ ᑭᓱᓂᒃ ᐃᓱᒪᒋᔭᖃᕐᒪᖔᖅᐱᑦ ᑭᓱᓂᒡᓗ ᐱᔪᒃᓯᓐᓇᕆᔭᕐᓂᒃ," ᑎᓕᐅᕆᕙᖕᒪᖔᑦ. ᐊᐃᑦᑖᕈᓱᒃᑐᖅ ᖃᓪᓗᓈᑐᑦ ᐃᓕᓐᓂᐊᕌᓂᒍᓯᐊᕐᒥᒃ ᐱᐊᓂᒃᓯᙱᖦᖢᓂ, ᐃᓱᒪᓪᓗᓂ ᐱᑎᑦᑎᓇᔭᙱᓐᓂᖓᓂᒃ ᐃᖅᑲᓇᐃᔮᒃᓴᓂᒃ. ᑲᓲᑎᓯᒪᐃᓐᓇᕐᓂᖅ ᐃᑲᔪᖅᑐᕐᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ ᐱᔨᑦᓯᕋᕐᓂᕐᒥᓪᓗ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑎᓄᑦ ᐊᓯᐊᓂᑦ ᐊᑐᓕᖁᔨᓂᐅᕗᖅ.

"ᐊᓯᐊᑦᑕᐅᖅ ᐅᔾᔨᕆᔭᕆᐊᖃᕐᒥᔭᕗᑦ ᐃᓚᖏᓐᓂ ᓄᓇᓕᖕᓂ, ᑲᑉᐱᐊᓱᖕᓂᖅᑕᖃᕐᒪᑦ ᐃᓕᓐᓂᐊᕐᓂᕐᒥᒃ ᑲᑉᐱᐊᓱᖕᓂᕐᒥᒡᓗ ᐊᔾᔨᒌᙱᑦᑐᓂᒃ ᐃᓄᖕᓂᒃ ᐱᓕᕆᓂᐊᕐᓂᑦᑎᓐᓂᒃ ᓲᖃᐃᒻᒪ ᐱᓇᔪᒃᑲᑦᑕ [ᐃᓕᓐᓂᐊᖅᑎᑦᑎᓪᓗᐊᑕᕐᓂᕐᒥᒃ] ᐃᓕᓐᓂᐊᕐᓂᕐᒥᒃ. ᖃᐅᔨᒪᑦᑎᐊᕆᐊᖃᖅᑰᖅᑐᒍᑦ ᑲᑎᖃᑎᖃᕐᓗᑕ ᐊᓯᖏᓐᓂᒃ ᐃᓄᖕᓂᒃ ᐃᓕᓐᓂᐊᕋᓱᐊᖅᑐᓂᒃ ᐃᑲᔪᖃᑦᑕᐅᑎᔪᓐᓇᕐᓂᐊᕋᑦᑕ ᑕᕝᕘᓇ," ᐊᒃᑐᐊᓂᖃᕐᒪᑦ.

ᐊᒻᒪᓗ ᑕᐃᕕᑦᓴᓐ ᓯᓚᑦᑐᓴᕐᕕᔾᔪᐊᕐᒥ ᐅᕕᓂᖃᑎᒋᙱᑕᒥᓂᒃ ᐊᑭᕋᖅᑐᕐᓂᖅ. ᑕᕐᕆᔮᒃᓴᓕᐅᓚᐅᖅᑐᖅ ᔫᑑᑉᒥ ᑕᕐᕆᔮᒃᓴᒥᒃ ᐊᑐᖅᓯᒪᔭᖓᓂᒃ. ᐱᓕᕆᐊᖃᖃᑦᑕᓚᐅᕐᒥᔪᖅ ᑎᒥᒃᑯᑦ ᑐᕌᒐᓂᑦ ᓲᕐᓗ ᐃᓕᓐᓂᐊᖅᖢᓂ ᐱᐅᓯᒋᐊᖁᓪᓗᒍ ᐳᐃᔾᔪᕋᕐᕕᖓ ᐱᔭᕇᖅᓯᔪᓐᓇᕐᓂᐊᕐᒪᑦ ᒥᑭᑦᑐᒥᑦ−ᐅᖓᓯᒃᑐᒥᑦ, ᑕᐅᑐᓪᓗᐊᑕᕐᓗᓂ ᐱᐅᓯᒋᐊᒃᑲᓐᓂᕐᓂᕐᒥᑦ ᐊᒃᓱᕈᕐᓇᖅᑐᒃᑯᑦ ᐋᖅᑭᒃᓯᒪᐃᓐᓇᖅᑎᑦᑎᓗᓂᓗ ᓇᓕᒧᒌᒃᑎᑦᑎᓂᕐᒥᑦ ᑕᒪᒃᑭᕐᓗᓂ.

ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐃᓱᒪᒋᔭᕆᐊᖃᕋᔭᖅᑕᖓ. "ᐃᓱᒪᒋᔭᕗᑦ ᐱᓗᐊᖅᑎᑦᑎᓗᐊᒧᑦ ᐊᒻᒪ ᓱᕋᐃᓂᕐᒧᑦ ᑕᕐᓂᑦᑎᓐᓂᒃ ᒪᒃᑯᒃᑎᓪᓗᑕ, ᐱᒻᒪᕆᐅᓗᐊᙱᑦᑐᑦ... ᐊᒃᓱᕈᐃᓐᓇᓲᖑᒐᒪ ᐊᓂᒍᐃᓇᓱᒃᖢᖓ ᐱᓗᐊᖅᑐᒥᒃ ᖃᐅᔨᒪᓪᓗᖓᓗ ᐊᒃᑐᐊᓂᖃᓚᐅᕐᓂᖓᓂᒃ ᐱᐅᙱᑦᑐᓄᑦ ᖃᐅᔨᔭᐅᔪᓄᑦ ᓄᓇᖃᖅᑳᖅᓯᒪᔪᓄᑦ. ᐃᓅᓯᕋ ᑐᓂᓚᐅᖅᑕᕋ ᑕᒻᒪᖅᑎᖦᖢᒍ ᖃᐅᔨᒪᙱᖦᖢᖓᓗ ᑕᒻᒪᖅᑐᒥᒃ ᖃᐅᔨᓚᐅᕐᓂᕐᓂᒃ ᑭᓯᐊᓂ ᑕᒻᒪᕐᓂᕋᓚᐅᖅᑐᖓ ᐱᕙᓪᓕᐊᓂᖓᓂ," ᐊᔾᔨᖃᖅᑎᑦᑎᓪᓗᓂ.

ᐃᓱᒪᖓ ᖃᐅᔨᓴᖅᑕᐅᖏᓐᓇᖁᓪᓗᒍ, ᑕᐃᕕᑎᓴᓐ ᐊᑖᑕᖓᑕ ᓴᓇᕝᕕᖓᓄᐊᕆᐊᒃᓴᖅ ᐊᓕᐊᓇᐃᒋᔭᓕᒃ ᐳᓛᕆᐊᕆᐊᒃᓴᖅ ᓴᓇᙳᐊᕆᐊᖅᑐᕐᓗᓂᓗ. ᐊᔪᖅᑰᔨᙱᒃᑲᓗᐊᖅᖢᓂ, ᐊᑖᑕᒥᓂᒃ ᐱᖃᑎᖃᑦᑎᐊᓲᖅ ᑲᔾᔮᕐᓇᖅᑐᒻᒪᕆᐊᓗᖕᒥ ᐃᓂᖃᖅᖢᓂ ᐃᓱᒪᒥᒍᓪᓗ ᕿᒪᐃᓪᓗᓂ. ᐊᓯᐊᒍᓪᓕ, ᖁᕕᐊᒋᔭᖃᖅᑐᖅ ᓂᕿᓕᐅᕐᓂᕐᒥᑦ, ᔫᒐᓕᐅᓂᕐᒥᑦ, ᐅᖃᓕᒫᕐᓂᕐᒥᑦ, ᑏᑐᕐᓂᕐᒥᑦ, ᐃᓅᓯᓕᕆᓂᕐᒥᓪᓗ. ᐃᓕᓐᓂᐊᕐᒥᔪᖅᑕᐅᖅ ᑕᐅᑐᓪᓗᐊᑕᕐᓂᕐᒥᒃ ᓇᓂᓯᓂᕐᒥᒃ ᖁᕕᐊᓱᖕᓂᕐᒥ ᐃᓅᓯᖓᓂ.

ᑲᔪᖏᖅᓴᐃᓂᕐᒧᑦ, ᑕᐃᕕᑦᓴᓐ ᐅᖃᓕᒫᒐᑦᑎᐊᕙᒻᒪᕆᐊᓗᖕᓂᑦ ᑎᑎᕋᖅᐳᖅ ᓄᓇᖃᖅᑳᖅᓯᒪᔪᓂᑦ ᐊᕐᓇᓂᑦ, ᐊᑖᑕᖓᑕ ᓴᓇᙳᐊᕈᓐᓇᑦᑎᐊᕐᓂᖓᓄᑦ, ᖃᑕᙳᑎᖏᓪᓗ ᕿᒃᓵᖕᓂᑰᓪᓗᑎᒃ ᐊᓂᒥᓂᒃ ᐊᓯᐅᔨᑳᓪᓚᒃᖢᓂ ᐃᑲᔪᐃᓐᓇᖅᖢᓂᓗ ᓄᓇᕐᔪᐊᕐᒧᑦ. ᑲᔪᖏᖅᓴᕈᒪᒍᓂ, ᐅᖃᖅᐳᖅ ᐃᓄᐃᑦ ᐱᓇᓱᐊᖃᑦᑕᖁᓪᓗᓂᒋᑦ ᖁᕕᐊᒋᔭᒥᓂᒃ, ᐃᓅᔪᓐᓇᙱᒃᑯᑎᑦ ᐃᓂᒃᓴᓕᐅᕈᓐᓇᖏᒃᑯᑎᑦ ᐃᓅᓯᖏᓐᓂᒃ ᐃᓚᐅᖃᑕᐅᓗᑎᒃ ᖁᕕᐊᒋᓗᒋᓪᓗ. "ᑕᐃᒪᐃᒍᓐᓇᕈᑦᑕ, ᐃᓱᒪᔪᖓ ᐱᕚᓪᓕᑎᑦᓯᓂᐊᖅᑐᖅ ᐃᓅᓯᑦᑎᓐᓂᑦ ᐊᖏᔪᒻᒪᕆᒻᒥ. ᐊᓯᑦᑎᓐᓄᑦ ᐃᑲᔪᕐᓂᖅᓴᐅᔪᓐᓇᕐᓂᐊᖅᑰᖅᑐᒍᑦ ᐃᒻᒥᖕᓂᒃ ᐃᓐᓄᒃᓯᖅᑳᕈᑦᑕ," ᓇᖕᒥᓂᖃᖃᑕᐅᕗᖅ.

ᐱᕈᖅᓴᔭᐅᓯᒪᔪᖅ ᓴᓇᙳᐊᖅᑎᒧᑦ ᐊᒻᒪᓗ ᑭᓇᑭᐊᖅ ᕿᓂᖅᑎᓪᓗᒍ ᓴᓇᐅᒐᕐᒥᒃ, ᓴᐃᕋ ᕗᓗᐊᕆᓐᔅ ᑕᐃᕕᑦᓴᓐ ᑲᔪᓯᔪᖅ ᓴᓇᙳᐊᖅᖢᓂ ᓇᖕᒥᓂᖅ ᐊᖅᑯᑎᒥᓂᒃ ᐱᓕᕆᓪᓗᓂ ᐃᓕᓐᓂᐊᕐᓂᕐᒧᑦ. ᐱᓇᓱᐊᕐᓂᕐᒥᑦ ᖁᕕᐊᒋᔭᖃᕐᓂᕐᒥᑦ ᐅᖃᐅᓯᖃᕐᓂᕐᒥᓪᓗ ᓂᑲᒍᓱᓐᓂᕐᒥᑦ ᓲᕐᓗ ᐸᑦᑕᐃᑦᑎᑐᑦ, ᐊᓯᔾᔩᔪᖅ ᐃᓱᒪᒋᔭᖏᓐᓂᑦ ᐃᓪᓗᕈᓯᕐᓂᑦ ᓇᒥᑐᐃᓐᓇᖅ. ᓇᒡᕚᖅᓯᓪᓗᓂ ᒥᑎᕐᓇᖅᑐᒥᒃ, ᓱᓕᓪᓗᓂ ᖁᕕᐊᓱᒃᖢᓂᓗ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.