"ᑕᐃᒪᐃᖏᓐᓇᐅᔭᔾᔮᙱᑦᑐᖅ ᐅᕝᕙᓘᓐᓃᑦ ᖁᕕᐊᓇᐃᓐᓇᐅᔭᔾᔮᙱᑦᑐᖅ, ᑭᓯᐊᓂ ᐱᒻᒪᕆᐅᑐᐃᓐᓇᖅᐳᖅ ᐱᓕᕆᐊᕇᓐᓇᕆᐊᒃᓴᖅ. ᖃᐅᑕᒫᐸᓗᒃ ᐃᓱᐊᓂ ᐊᖏᓂᖅᓴᐅᓂᐊᖅᑐᖅ," ᓲᐱ ᑐᕆᒻᓚᐃ ᐅᖃᖅᑐᖅ. ᑕᒪᓐᓇ ᐅᑉᐱᕆᔭᐅᒻᒪᑦ ᐱᔨᑦᑎᑦᑎᐊᖅᓯᒪᓪᓗᓂᓗ ᑲᓇᑕᒥ ᓯᐊᕐᕆᔭᐅᑎᑯᑖᓄᑦ ᐃᓕᓐᓂᐊᖅᑐᓂ ᐊᒻᒪᓗ ᐃᓅᓯᕐᒥ. ᐃᓅᓚᐅᖅᓯᒪᔪᖅ ᓴᑦᐳᕆᒥ, ᐋᓐᑎᐅᕆᐅᒥ ᐊᒻᒪᓗ ᐱᕈᖅᓯᒪᓪᓗᓂ ᐋᑐᕚᒥ, ᑎᒻᒥᓐᔅ, ᐊᒻᒪᓗ ᒫᓐᓇ ᓄᓇᖃᓕᖅᑐᖅ ᑕᓐᑐ ᐸᐃᒥ.

ᐃᓕᓐᓂᐊᕐᓂᖓ ᐱᔾᔪᑎᒋᓪᓗᒍ, ᑐᕆᒻᐱᓚᐃ ᐃᓕᓐᓂᐊᕐᕕᕐᔪᐊᕐᒨᓚᐅᖅᑐᖅ ᐋᑐᕚᒥ, ᐊᒻᒪᓗ ᓚᐃᒃᕼᐃᑦ ᓯᓚᑦᑐᓴᕐᕕᕐᔪᐊᖓᓅᖅᑐᓂ ᒪᕐᕉᓐᓂᒃ ᐊᕐᕌᒎᓐᓂᒃ ᐃᓱᒪᓕᕆᓂᕐᒥᒃ ᐃᓕᓐᓂᐊᖅᑐᓂ. ᓅᓚᐅᖅᑐᖅ ᓴᑦᐳᕆᒧᑦ ᐱᔭᕇᕋᓱᒃᖢᓂᐅᒃ ᐱᔭᕇᕈᓯᐊᖅ ᓘᕆᐊᓐ ᓯᓚᑦᑐᖅᓴᕐᕕᒡᔪᐊᖓᓂ. ᓯᕗᓪᓕᖅᐹᒥ ᐃᓕᓐᓂᐊᕈᒪᓚᐅᖅᑐᖅ ᐋᓐᓂᐊᓯᐅᖅᑎᐅᓂᕐᒥᒃ, ᑭᓯᐊᓂ ᑎᑎᕋᐅᔭᓚᐅᖅᑐᖅ ᖃᓄᑎᒋ ᐃᓱᒪᓕᕆᓂᕐᒥᒃ ᐃᓂᖅᑎᕈᑕᐅᒻᒪᖔᖅ ᐊᒻᒪᓗ ᖃᑦᑎᓂᒃ ᐱᓕᕆᕕᓐᓂᒃ ᖃᐅᔨᓴᕆᐊᖃᕐᒪᖔᑕ. ᐱᓇᓱᐊᖅᑐᖅ ᖁᑦᓯᓂᖅᐹᒥᑦ ᐋᓐᓂᐊᖅᑐᓕᕆᓂᕐᒧᑦ ᐃᓱᒪᓕᕆᓂᕐᒧᑦ ᐱᓕᕆᐊᓂᑦ ᐊᒻᒪ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᕐᕕᒻᒥᑦ ᐊᒻᒪᓗ ᓱᓕ ᓇᓗᔪᖅ ᓇᒥ ᓄᖅᑲᕐᓂᐊᕐᒪᖔᖅ.

ᐃᒡᓗᒌᖏᓐᓇᕋᓱᒃᓗᓂ, ᑐᕆᒻᓚᐃ ᑕᑎᖃᖅᑐᖅ ᐅᓄᖅᑐᓂᒃ ᑎᑎᕋᖅᓯᒪᔪᓂᒃ ᑎᑎᕋᐃᓐᓇᐅᔭᕐᖢᓂᓗ ᑭᓱᑐᐃᓐᓇᓂᒃ ᑲᑕᒃᓯᒪᔪᓂᒃ. ᐊᕙᓗᓯᒪᖃᑦᑕᕐᖢᓂ ᐃᓄᖕᓄᑦ ᐊᒥᖅᑳᕈᑎᖃᖅᑐᓄᑦ ᐱᔪᒪᔭᖏᓐᓂ ᖁᕕᐊᒋᓪᓗᓂᐅᒡᓗ ᐃᖃᐃᓕᓴᕐᓂᕐᒥᒃ ᐊᒻᒪ ᐃᑳᕐᓂᕐᒥᒃ ᓄᓇᓕᕐᔪᐊᒥ ᓯᐊᕐᕆᔭᐅᑎᑯᑖᓂᒃ. ᐊᔪᕈᓐᓃᖅᓴᑦᑎᐊᕋᓱᓲᖅ ᐊᐅᓚᑦᑎᑦᑎᐊᕋᓱᒃᖢᓂ ᑭᓱᓕᒫᓂᒃ.

ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᓄᓇᒥᓂᒃ ᐊᐅᓪᓚᕈᒪᔪᓂᒃ ᓄᓇᒥᓂᒃ ᐃᓕᓐᓂᐊᕈᒪᓪᓗᑎᒃ ᐊᒃᑐᐊᓂᖃᐃᓐᓇᕈᒪᓪᓗᑎᒃ ᓄᓇᓕᖏᓐᓄᑦ, ᐃᓕᖅᑯᓯᖏᓐᓄᑦ, ᐱᖅᑯᓯᖏᓐᓄᑦ ᐊᒻᒪ ᐊᖕᒪᓗᖅᓯᓯᒪᔪᓄᑦ ᐊᐃᓯᒪᓗᑎᒃ, ᓄᑖᓂᒃ ᑕᑯᑲᑕᒍᒪᓗᑎᒃ ᐅᐸᒐᓱᒃᑕᒥᓄᑦ. ᑐᕆᒻᐱᓚᐃ ᐃᒪᐃᖁᔨᒋᕗᖅ ᐊᔪᕈᓐᓃᖅᓴᐃᓐᓇᖁᔨᓪᓗᓂ ᑭᓱᑦ ᐱᒻᒪᕆᐅᖕᒪᖔᑕ, ᓲᕐᓗ ᐃᓕᖅᑯᓯᕆᔭᐅᔪᒃᑯᑦ, ᐊᕙᓗᔭᐅᓯᒪᓪᓗᑎᒃ ᐃᑲᔪᖅᑐᐃᔪᓄᑦ ᐃᓄᖕᓄᑦ ᓲᕐᓗ ᓯᓚᑦᑐᖅᓴᕐᕕᒡᔪᐊᑉ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ ᐅᐸᒡᕕᖓ.

ᑭᓇᒧᒃᑭᐊᖅ ᑲᙳᓱᖕᓂᖅᓴᒧᑦ ᐅᕝᕙᓘᓐᓃᑦ ᑲᖐᓱᒃᑐᒧᑦ, ᐅᖃᕐᖢᓂ ᐊᑲᐅᒋᔭᕐᓂᒃ ᐊᓂᔪᒪᔪᓐᓃᕐᓗᓂ, ᒥᑭᑦᑐᑯᓗᖕᒥ ᐊᓪᓗᕆᐊᕌᕐᔪᑐᐃᓐᓇᕋᓗᐊᕐᓗᓂ ᓯᕗᓪᓕᕐᒥ ᐊᒃᓱᕈᕐᓇᓗᐊᖅᑰᔨᒃᐸᑦ. ᑐᕆᒻᐱᓚᐃᒃᑯᑦ ᖃᐅᔨᒋᐊᖃᑦᑕᖁᔨᕗᑦ ᓯᕗᓂᑲᓪᓚᖓᒍᑦ ᐅᕝᕙᓘᓐᓃᑦ ᐊᖏᕐᕋᒧᑦ ᖃᓂᓐᓂᖅᓴᐅᕌᕐᔪᒡᓗᑎᑦ. ᐊᓱᐃᓛᒃ, ᐅᖃᐅᔾᔨᓪᓗᓂ ᓱᓕᑦᑎᐊᕐᓂᕐᓂᒃ ᐃᓕᖕᓄᑦ ᖃᐅᔨᒪᒋᐊᕐᓗᓂᓗ ᒪᓕᑦᑎᐊᕐᓗᑎᑦ ᐱᔭᕆᐊᖃᖅᑕᕐᓂᒃ ᑲᔪᓯᑦᑎᐊᕐᓗᑎᑦ ᐊᑐᒐᔪᒃᑕᕐᓂᒃᓗ ᐃᒃᐱᒋᓗᒍ ᑐᙵᑦᑎᐊᕐᓂᖅ. ᐃᑲᔪᕐᓂᐊᕐᓗᓂ ᓇᖕᒥᓂᖅ−ᒪᓕᒐᓕᐅᕐᓂᕐᒥᒃ ᐃᓗᐊᕆᔭᒥᓂᒃ, Tremblay−ᑯᑦ ᐃᒪᓐᓇᐅᖁᔨᓇᔭᖅᐳᑦ, ᐃᖅᑲᐃᑎᑦᑎᔾᔪᑎᓂᒃ, ᐊᓂᖅᓵᖅᑐᕐᓂᕐᒧᑦ ᐊᔪᕈᓐᓃᖅᓴᕐᓂᕐᓂᒃ, ᓇᖕᒥᓂᖅ ᐱᕕᒃᓴᖃᖅᐸᖕᓂᕐᒥᒃ, ᐅᖃᒃᑲᓐᓂᕐᓂᕐᒥᒡᓘᓐᓃᑦ ᐅᖃᒃᑲᓐᓂᖃᑦᑕᕈᒪᓂᕐᒥᒃ.  

ᐊᐳᖅᑕᕈᑏᑦ ᐱᔾᔪᑎᒋᓪᓗᒋᑦ, ᑐᕆᒻᐱᓚᐃ ᐃᓚᒥᓂᒃ ᓄᓇᓕᒥᓂᒡᓗ ᖃᓪᓗᓈᑑᕈᓐᓇᓚᐅᖅᐳᖅ ᐅᐃᕖᑑᖅᖢᓂ, ᐊᔪᕐᓇᓚᐅᖅᑐᖅ ᐃᓕᓐᓂᐊᓚᐅᖅᑎᓪᓗᒍ ᐅᐃᕖᑎᑐᑦ. ᑎᑎᕋᕈᓐᓇᖅᓯᓂᖅ ᑭᓱᓕᒫᓂᒃ ᖃᓪᓗᓈᑎᑐᑦ ᐅᐊᑲᓪᓚᒻᒪᕆᐊᓘᓚᐅᖅᑐᖅ, ᑕᐃᒪᓐᓇᓗ ᖁᓱᔪᓐᓃᖅᐸᓪᓕᐊᓪᓗᓂ ᐅᖃᓪᓚᒋᐊᒃᓴᖅ ᐃᓱᒪᒥᓂᒃ. ᑕᒪᓐᓇ ᖃᐅᔨᔭᐅᖃᑦᑕᖅᑐᖅ ᓈᒻᒪᓈᖅᑐᓂ ᐊᒻᒪᓗ ᐃᓕᑉᐸᓪᓕᐊᓪᓗᓂ ᐃᓱᒫᓗᒋᐊᖃᓐᖏᖦᖢᓂ ᖃᓄᖅ ᐊᓯᖏᑦ ᐃᓄᐃᑦ ᐃᓱᒪᖕᒪᖔᑕ. ᐊᕙᓗᐃᓂᖅ ᐃᑲᔪᖅᑐᐃᔪᓂᒃ ᐃᓄᖕᓂᒃ ᐃᑲᔪᕐᓂᖃᕈᓐᓇᕆᕗᖅᑕᐅᖅ ᑲᑉᐱᐊᓱᙱᖦᖢᓂ ᐅᖃᓪᓚᒍᓐᓇᕐᓂᕐᒥᒃ.  

‍

‍

ᑐᓱᓐᓇᕌᖓᑦ, ᑐᕆᒻᐱᓚᐃ ᑕᐅᑐᖃᑦᑕᖅᑐᖅ ᐃᓄᖕᓄᑦ ᖃᓂᒋᔭᖏᓐᓃᑦᑐᓄᑦ, ᖃᑕᙳᑎᖏᓐᓄᑦ, ᓄᓇᓕᖏᓐᓄᓪᓗ. ᕿᒥᕈᓐᓇᑦᑎᐊᕐᓂᕐᒥᓂᒃ ᐊᒻᒪ ᐱᔪᒃᓯᓐᓇᕐᓂᖓᓂᒃ ᐊᓂᒍᐃᔪᒪᓪᓗᓂ ᐊᒻᒪ ᐱᔪᒃᓯᓕᕐᓇᖅᖢᓂ ᓇᖕᒥᓂᖅ ᑐᕌᒐᒥᓄᑦ ᑐᕌᕋᓱᒃᑕᒥᓄᑦ. ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᒧᑦ ᓇᖕᒥᓂᖅ ᐃᒪᐃᒃᑲᔭᖅᑐᖅ,

"ᖃᓄᐃᙱᑦᑐᖅ ᐊᖅᑯᑎᒋᔭᐃᑦ ᐊᔾᔨᒋᙱᑉᐸᒍ ᐊᓯᕕᑦ ᐃᖏᕐᕋᓂᕆᔭᖓᓂᑦ. ᖃᓄᐃᙱᑦᑐᖅ ᑭᒃᑯᓕᒫᓪᓗ ᐊᔾᔨᒌᙱᖦᖢᑎᒃ. ᐃᒪᓐᓇ ᑐᑭᖃᙱᓚᖅ, ᐊᓂᒍᖅᑎᑦᑎᔾᔮᙱᓐᓇᕕᑦ ᐱᓇᔪᒃᑕᕐᓂᒃ, ᑭᓯᐊᓂ ᐃᒪᓐᓇ ᑐᑭᖃᖅᐳᖅ, ᑭᒃᑯᑐᐃᓐᓇᑦᑎᐊᑦ ᐊᑐᕆᐊᓕᖏᑦ ᐊᔾᔨᒌᙱᑐᐃᓐᓇᐅᕗᑦ. ᑭᒃᑯᓕᒫᑦ ᓇᖕᒥᓂᖅ ᐃᖏᕐᕋᓂᐊᖅᑐᑦ ᖁᕕᐊᓱᑐᐃᓐᓇᕐᓗᑎᒡᓗ ᓇᓃᓕᕐᒪᖔᖅᐱᑦ. ᖁᕕᐊᒋᓗᒍ ᓇᒧᙵᐅᕙᓪᓕᐊᓂᕆᔭᐃᑦ ᓇᒧᙵᐅᓂᕆᔭᕐᓄᑦ, ᐃᒃᐱᒋᔭᖃᙱᓪᓗᑎᓪᓗ ᑐᐊᕕᓗᐊᕆᐊᒃᓴᖅ ᐱᔭᕇᖅᓯᔭᕆᐊᒃᓴᖅ ᑭᓱᑐᐃᓐᓇᓂᒃ ᑕᐃᑲᓃᓐᓂᕐᓂᒡᓗ ᐊᓯᓕᒫᑎᑦ. ᐱᕕᒃᓴᐃᑦ ᖃᐃᓂᐊᖅᑐᖅ."  

ᐅᖃᐅᔾᔪᐃᓂᖓ ᑭᓇᒧᒃᑭᐊᖅ ᐊᒃᓱᕉᑎᖃᖅᑐᒧᑦ ᐊᖅᑯᑎᒋᓂᐊᖅᑕᖓᓄᑦ ᐃᒪᓐᓇᐅᓇᔭᖅᐳᖅ, "ᑭᖑᓪᓕᖅ ᐃᓱᒪᑐᐃᓐᓇᕐᓗᓂᓗ ᖃᓄᐃᓕᐅᕈᒪᖕᒪᖔᖅᐱᑦ ᖃᓄᕐᓗ ᑕᐃᑯᙵᕈᓐᓇᕐᒪᖔᖅᐱᑦ, ᖃᐅᔨᒪᒋᐊᕐᓗᑎᓪᓗ ᐱᓕᕆᓗᑎᑦ ᐃᓕᖕᓂᒃ ᐊᓯᖕᓂᓪᓗ ᖁᕕᐊᓱᒃᑎᑦᑎᙱᓪᓗᓂ, ᖁᕕᐊᒋᑦᑎᐊᕐᓗᒍᓗ ᒫᓐᓇ ᖃᓄᐃᓕᐅᖅᑐᖃᖅᑎᓪᓗᒍ. ᐊᓂᖅᓵᑐᐃᓐᓇᕐᓗᑎᑦ. ᑭᓱᓕᒫᑦ ᑐᐊᕕᓗᐊᖅᑰᔨᔪᑦ ᒫᓐᓇ. ᐃᖅᑲᐅᒪᑐᐃᓐᓇᕐᓗᑎᑦ ᓇᓃᓕᕐᒪᖔᖅᐱᑦ ᒫᓐᓇ ᐊᒻᒪ ᐱᖃᓐᓇᕆᔭᑎᑦ ᖃᑕᙳᑎᑎᓪᓗ ᖁᕕᐊᒋᑦᑎᐊᕐᓗᒋᑦ ᐊᒻᒪ ᓄᓇᖅᑲᑎᔅᓯᓐᓂ ᐃᑲᔪᖅᓱᖅᑕᐅᑦᑎᐊᖅᑰᔨᓗᑎᑦ."

ᐋᖅᑭᒃᓯᒪᐃᓐᓇᖅᑎᓪᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓ, ᑐᕆᒻᐱᓚᐃ ᐅᔾᔨᖅᓱᑦᑎᐊᓲᖅ ᐱᕕᒃᓴᖏᓐᓂ ᐊᐅᓚᑦᑎᓂᕐᓂ ᖃᐅᔨᔪᓐᓇᕐᓂᐊᕐᒪᑦ ᑭᓱᓂᒃ ᐱᔭᕆᐊᖃᕐᒪᖔᑦ ᐊᑐᕐᓗᓂᓗ ᐱᑕᖃᖅᑐᓂᒃ ᐊᑐᐃᓐᓇᐅᔪᓂᒃ ᑖᔅᓱᒧᖓ. ᓇᓂᓯᔪᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᓂᕐᒧᑦ ᐅᖃᐅᔾᔨᒋᐊᖅᑎᒥᒃ ᓄᓇᖃᖅᑳᖅᓯᒪᔪᓄᑦ ᐅᐸᒐᕐᒥ ᐃᑲᔫᑎᖃᕐᓂᖓᓂᒃ. ᖃᑕᙳᑎᖏᓐᓄᑦ ᐅᖃᓪᓚᖃᑎᖃᖃᑦᑕᕐᒥᔪᖅ ᐅᖃᖃᑎᒋᕙᒃᖢᒋᑦ ᐊᔪᕈᓐᓃᖅᓴᖅᐸᒃᖢᓂᒋᓪᓗ ᐊᒃᓱᕈᕐᓇᖅᑐᖅᓯᐅᓗᐊᕐᓂᕐᒧᑦ ᐃᑲᔪᖅᑕᐅᔪᒪᓪᓗᓂ. ᐱᕕᖃᕐᖢᓂ ᑲᑎᒍᑎᓂᕐᒥᒃ ᓯᓚᒧᑦ ᑲᑉᐱᐊᓱᒃᑎᓪᓗᒍ ᐃᖕᒥᓂᒃ ᑐᙵᑦᑎᐊᕆᐊᒃᓴᖅ.

ᐃᓚᖏᓐᓃᙶᖅᖢᓂ ᓄᓇᖅᔪᐊᕐᒥᙶᖅᑐᓂᒃ ᓯᐊᕐᕆᔮᖅᑎᓂᒃ, ᐊᖓᔪᖅᑳᖏᑦ ᖃᐅᔨᓇᓱᑦᑎᐊᓚᐅᖅᐳᑦ ᐱᙳᐊᕐᓂᕐᒥᒃ ᐱᕈᖅᐸᓪᓕᐊᔪᓂᒃ. ᓯᐊᕐᕆᔭᐅᑎᑯᑖᒃᑯᑦ ᓯᐊᕐᕆᔮᕐᓂᖅ ᑲᓲᑎᓯᒪᓂᖅᐸᐅᓚᐅᖅᑐᖅ ᐊᒻᒪᓗ ᓱᑲᓐᓂᑭᓴᐅᑎᓪᓗᓂ, ᐃᓚᐅᖃᑕᐅᓪᓗᓂ ᑲᑎᑦᑕᖅᑐᓂᒃ ᐊᒻᒪᓗ ᐃᓕᓐᓂᐊᑲᓐᓂᖅᑐᓂ ᐋᑐᕚᒥ. ᓇᓂᓯᓚᐅᕐᒥᔪᖅ ᐊᓪᓚᓄᑦ ᓄᓇᖃᖅᑳᖅᓯᒪᔪᑦ ᐱᙳᐊᕐᓂᕐᒧᑦ ᓄᓇᓕᖕᓂ ᐊᒻᒪ ᓯᐊᕐᕆᔭᐅᑎᑯᑖᓂᒃ ᑕᒪᐃᓐᓂᒃ ᓯᓚᑦᑐᖅᓴᕐᕕᒡᔪᐊᓂ ᐃᓚᐅᕝᕕᒋᔭᖏᓐᓂᒃ. ᐊᐅᔭᒃᑯᑦᑕᐅᖅ ᓯᐊᕐᕆᔭᐅᑎᑯᑖᒃᑰᖃᑦᑕᕐᒥᔪᖅ ᐅᑭᐅᒧᑦ ᐸᕐᓇᒃᖢᓂ.  ᑐᕆᒻᐱᓚᐃ ᑭᒡᒐᖅᑐᐃᔪᓐᓇᖅᓯᓯᒪᕗᖅ ᑲᓇᑕᒥ ᐊᒻᒪ ᐋᓐᑎᐅᕆᐅᒥ ᓱᒃᑲᓴᐅᔾᔪᐊᖅᑎᓪᓗᒋᑦ ᖁᕕᐊᒋᑦᑎᐊᖅᖢᓂᐅᒡᓗ ᐱᕕᒃᓴᕆᖃᑦᑕᓚᐅᖅᑕᖏᑦ. ᑭᖑᓪᓕᖅᐹᒧᑦ ᐊᕐᕌᒍᒧᐊᕐᖢᓂ ᓱᒃᑲᓴᐅᔾᔪᐊᕐᓂᕐᒧᑦ, ᓴᖅᑭᔮᖅᑎᑦᑎᔪᖅ ᐃᓅᓯᓕᒫᒧᑦ ᐃᓕᑕᖏᓐᓂ ᐃᓄᐃᓪᓗ ᑲᑎᑕᖏᑦ ᐊᖅᑯᑎᒃᑯᑦ.

ᓯᓚᒧᐊᕆᐊᒃᓴᖅ ᖁᕕᐊᒋᔭᖃᖅᑐᖅ, ᐊᒃᓱᕈᖅᖢᓂ ᐱᓕᕆᓪᓗᓂ, ᖁᕕᐊᓱᒃᖢᓂ ᐊᒻᒪ ᐅᑎᖅᖢᓂ ᐃᖏᕐᕋᑦᑎᐊᕐᓇᕐᓂᖅᓴᐅᓪᓗᓂ. ᐊᑭᑦᑐᕋᐅᑎᖃᑕᐅᓪᓗᓂ, ᓱᒃᑲᓴᐅᔾᔪᐊᕐᓂᕐᒥᒃ ᖁᕕᐊᒋᔭᖃᖅᑐᖅ.

ᐃᓅᓯᕐᒥ ᐃᓕᑦᑎᔾᔪᑎᒋᔭᖏᑦ ᐃᓕᑕᖏᑦ ᑭᒃᑯᑐᐃᓐᓇᑦᑎᐊᑦ ᐊᖅᑯᑎᖏᑦ ᐊᔾᔨᒋᙱᒻᒪᒋᑦ, ᐃᓕᑦᑎᓯᒪᔪᖅ ᐊᓐᓇᒍᓐᓇᕐᓂᕐᒥᒃ ᕿᓄᐃᓵᕈᓐᓇᕐᓂᕐᒥᒃᓗ, ᑭᓱᓕᒫᑦ ᐅᓐᓄᐊᖏᓐᓇᒃᑰᖅᐸᙱᑦᑐᑦ ᐃᖅᑲᓇᐃᔭᕆᐊᖃᕐᖢᑎᓪᓗ ᑭᓱᑐᐃᓐᓇᓄᑦ ᐅᔾᔨᕈᓱᐃᓐᓇᙱᑐᐃᓐᓇᕆᐊᖃᖅᑐᑎᑦ ᐱᕙᓪᓕᐊᓂᖓᓂᒃ ᑭᓯᐊᓂ ᐊᒃᓱᕈᕐᓂᖅ ᓇᒧᙵᖅᐸᓪᓕᐊᖏᓐᓇᐅᔭᖅᑐᖅ. ᐃᓕᑦᑎᓯᒪᔪᖅ ᓱᓕᓂᕐᒥᒃ ᐃᖕᒥᓄᑦ ᑕᐅᑐᓪᓗᐊᑕᕐᖢᓂᓗ ᑭᓱ ᐃᑲᔪᕐᒪᖔᑦ, ᐊᑲᐅᒋᓛᕆᓪᓗᓂᐅᒃ ᖁᕕᐊᓱᒃᓗᓂᓗ.

ᓲᐱ ᑐᕆᒻᐱᓚᐃ ᖃᐅᔨᒪᔪᖅ ᓯᐊᕐᕆᔭᐅᑎᑯᑖᓂᒃ ᐊᒻᒪᓗ ᐃᓅᓯᕐᓂ ᐱᐅᖏᓐᓇᔾᔮᖏᓐᓂᖓᓂᒃ ᐅᕝᕙᓘᓐᓃᑦ ᐃᑉᐱᓐᓂᐊᓂᖃᔾᔮᖏᓐᓂᖓᓂᒃ, ᑭᓯᐊᓂ ᐃᖅᑲᓇᐃᔭᐃᓐᓇᕆᐊᖃᑦᑐᖅ. ᖃᐅᑕᒫᒐᓛᒃ ᑐᕌᖅᑎᑦᑎᓂᐊᖅᑐᖅ ᐊᖏᓂᖅᓴᒧᑦ, ᐃᓕᓐᓂᐊᕋᓗᐊᕈᓂ ᐃᓱᒪᓕᕆᔭᐅᓂᕐᒧᑦ ᖃᐅᔨᓴᖅᑕᐅᓂᕐᒥᒃ ᐅᕝᕙᓘᓐᓃᑦ ᐱᓕᒻᒪᒃᓴᕐᓂᕐᒥᒃ ᐱᓕᕆᖃᑎᖏᓐᓂᒃ. ᖃᐅᔨᒪᙱᑐᐃᓐᓇᕆᐊᓕᒃ ᓱᓕ ᓇᒧᑦ ᑎᑭᓐᓂᐊᕐᒪᖔᑦ, ᐃᓱᒪᓕᕆᓂᖅᓴᐅᓂᐊᕈᓂ ᐅᕝᕙᓘᓐᓃᑦ ᐃᓱᒪᓕᕆᓂᖅᓴᐅᓂᐊᕐᒪᖔᑦ, ᑭᓯᐊᓂ ᖃᐅᔨᒪᔪᖅ ᖃᓄᖅ ᐃᓅᓯᖃᕈᒪᖕᒪᖔᑦ ᐊᒻᒪ ᐅᐱᒋᔭᐅᓗᓂ ᑭᓇᒥᙶᕐᒪᖔᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑎᑎᕋᓚᐅᕐᒪᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ!