"ᐃᓅᓯᖅ ᐊᒥᓱᓂᒃ ᐊᔾᔨᒌᙱᑦᑐᓂᒃ ᐃᓕᓐᓂᐊᒐᒃᓴᓂᒃ ᐊᑐᖃᑦᑕᕐᓂᐊᖅᐳᑎᑦ ᐃᓛᓐᓂᒃᑯᓪᓗ ᐃᖏᕐᕋᓂᕆᔭᕐᓂᒃ ᐊᑐᑐᐃᓐᓇᖅᐸᒡᓗᑎᑦ ᐃᓕᖕᓂᒃ ᐊᑲᐅᒋᔭᕐᓂᒃ," ᓯᑕᕙᓂ ᐱᑐᕋᒃ ᐅᖃᖅᖢᓂ. ᑖᔅᓱᒧᖓ, ᓇᕈ, ᒫᓂᑑᕙᒥ, ᓄᓇᓕᕋᓛᖑᓂᖅᓴᓂ ᓄᓇᓕᖅᐸᐅᔭᓂ ᐅᐊᓂᐸᐃᒡ ᓯᓚᑖᓂ, ᓄᓕᐊᕇᒃ ᐊᒻᒪᓗ ᐊᓈᓇᐅᓪᓗᓂ ᓄᑕᕋᕐᒧᑦ, ᓂᕆᐅᑦᑐᓂ ᓄᑕᕋᒃᑲᓐᓂᕐᒥᒃ ᐊᒻᒪᓗ ᐃᓕᓐᓂᐊᕋᓱᐊᕐᓗᓂ ᓄᓇᓕᓐᓂ ᓄᓇᖃᖅᑳᖅᑐᓄᑦ ᐃᓕᓴᐃᔨᕈᖅᓴᓂᕐᒧᑦ.

ᐃᓅᓯᓕᒫᐸᓗᖓᓂ, ᐱᑐᕋᒃ ᐅᐃᓂᐸᒡᒥ ᓄᓇᖃᓚᐅᖅᑐᖅ, ᑭᓯᐊᓂ ᐅᐃᖓ 6-ᓂᒃ ᐅᑭᐅᓂᑦ ᓄᓇᖃᕈᒪᔪᓐᓃᓚᐅᖅᑐᑦ ᓄᓇᓕᐸᐅᔭᕐᒥ, ᐊᒻᒪᓗ ᐱᕈᖅᓴᐃᓂᖅ ᓄᑕᖅᑲᓂᒃ ᐱᐅᓂᖅᓴᐅᒐᔭᕐᒪᑦ ᓯᓚᑖᒍᑦ ᓄᓇᓕᐸᐅᔭᐅᑉ ᑭᓪᓕᖓᑕ. ᓇᒡᓕᒍᓱᓕᕐᖢᑎᒃ ᓇᕈᕐᒥᒃ, ᐸᓂᖓ ᓯᓚᒥ ᐱᙳᐊᕆᐊᒃᓴᖅ ᐊᓕᐊᓇᐃᒋᔭᖃᕐᖢᓂ ᐊᐅᓚᑲᑕᓕᕐᖢᓂᓗ ᐱᒋᐊᕐᕕᒋᔭᖏᓐᓄᑦ.  

ᐱᓕᕆᔨᒻᒪᕆᐅᓪᓗᓂ, ᓯᕗᓪᓕᖅᐹᒥ ᐱᓕᒻᒪᒃᓴᓚᐅᖅᑐᖅ Red River ᓄᓇᓕᖕᓂ ᓯᓚᑦᑐᖅᓴᕐᕕᖕᒥ ᓄᑕᖅᑲᓄᑦ ᒪᒃᑯᒃᑐᓄᓪᓗ ᑲᒪᒋᔭᐅᕙᖕᓂᕐᒧᑦ ᐱᓕᕆᐊᖑᕙᒃᑐᒥ. ᐃᖅᑲᓇᐃᔭᖃᑦᑕᖅᓯᒪᔪᖅ ᐊᑦᑕᕐᓇᖅᑐᒦᑦᑐᓂᑦ ᐊᒻᒪ ᓄᓇᓕᐸᐅᔭᐅᑉ ᐃᓗᐊᓂ ᒪᒃᑯᑦᑐᓂᑦ ᐊᖏᕐᕋᖏᓐᓂᑦ ᐅᕝᕙᓘᓐᓃᑦ ᐃᓄᓕᕆᔨᒃᑯᑦ ᑲᑐᔾᔨᖃᑎᒌᒃᑯᖏᑕ ᐋᖅᑭᓱᖅᓯᒪᓂᖏᓐᓂᑦ ᐊᕐᕌᒍᓐᓄᑦ ᐱᖓᓲᔪᖅᑐᓄᑦ, ᐊᓯᔾᔨᕆᐊᖃᕐᓂᖓᓄᑦ. "ᐊᒃᓱᕈᕐᓇᖅᑐᒻᒪᕆᐅᓕᓚᐅᖅᑐᖅ ᐃᓚᒋᔭᐅᔭᕆᐊᒃᓴᖅ ᐱᓕᕆᔾᔪᓯᕐᒧᑦ ᓱᕋᒃᓯᒪᖅᑰᔨᒋᔭᓐᓄᑦ, ᐊᓱᐃᓛᒃ ᐱᓇᔪᓚᐅᖅᑐᖓ ᐊᔾᔨᒋᙱᑦᑎᐊᖅᑕᖓᓂᒃ ᐃᖅᑲᓇᐃᔮᕆᓛᕈᒪᔭᓐᓂᒃ," ᐃᖅᑲᐅᒪᔪᖅ.

ᐃᖏᕐᕋᔪᓕᕆᓕᕆᓚᐅᖅᖢᓂ ᐊᕐᕌᒍᓄᑦ ᖃᔅᓯᐊᕐᔪᖕᓄᑦ, ᐱᑐᕋᓯᒃ ᐅᑎᓕᓚᐅᖅᑐᖅ ᒪᒃᑯᒃᑐᓂᒃ ᐱᓕᕆᖃᑎᖃᓕᖅᖢᓂ ᐅᐃᓂᐹᒡᒥ ᑐᑦᑕᕐᕕᒃᑯᑦ ᑕᐃᔭᐅᓪᓗᓂ ᒥᐊᓕᒪᓐ ᐃᓕᓐᓂᐊᖅᑐᓕᕆᓂᕐᒧᑦ ᐃᑲᔪᖅᑎᐅᓪᓗᓂ. ᐅᔾᔨᕈᓱᓚᐅᖅᑐᖅ ᐱᑕᖃᙱᓐᓂᐅᔪᒥᑦ ᓄᓇᖃᖅᑳᖅᓯᒪᔪᓄᑦ ᐃᓕᓴᐃᔨᓄᑦ ᐊᒻᒪᓗ ᓄᓇᖃᖅᑳᖅᑐᓄᑦ ᓄᓇᓕᖕᓄᑦ ᐊᒻᒪᓗ ᓇᓂᓯᓪᓗᓂ ᐱᓕᕆᐊᒃᓴᒥᑦ ᓯᓚᑦᑐᖅᓴᕐᕕᒡᔪᐊᒥᑦ ᐅᐃᓂᐹᒡᒥᑦ ᐃᑲᔪᕋᓱᒃᖢᓂ ᑕᑕᑎᕆᓂᕐᒧᑦ.

ᐱᑐᕋᓯᒃ ᐱᔪᒃᓯᑎᑦᑎᓚᐅᖅᑐᖅ ᐃᓕᓐᓂᐊᕐᕕᖕᒥᓂ. "ᐱᖃᑎᒃᑲ ᐅᕙᓐᓂᒃ ᐊᓂᒍᐃᓯᒪᓕᖅᑐᑦ ᐅᑭᐅᑦ ᑎᓴᒪᑦ ᐊᓂᒍᖅᑐᓂᒃ. ᖃᕋᓴᐅᔭᒃᑰᓚᐅᐱᓪᓚᓚᐅᖅᑐᒍᑦ ᓄᕙᒡᔪᐊᕐᓇᒧᑦ, ᐊᔾᔨᒋᙱᐊᕐᔪᓚᐅᖅᑕᖓ ᓂᕆᐅᒋᓚᐅᖅᑕᒪ, ᑭᓯᐊᓂ ᐱᐅᑦᑎᐊᖅᓯᒪᔪᖅ ᐊᒻᒪ ᐅᑭᐅᒃ ᒪᕐᕈᒃᑲᓐᓃᒃ ᐊᒥᐊᒃᑯᖃᖅᖢᓂ ᑲᑐᔾᔭᐅᓪᓗᓂ ᐃᓕᓴᐃᔨᙳᕆᐅᖅᓴᓂᕐᒧᑦ ᐱᓕᕆᐊᖅ, ᓴᓇᐅᒐᓕᕆᓂᕐᒧᑦ ᐊᒻᒪ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᖦᖢᒋᑦ. ᐊᔭᐅᖅᑐᐃᔪᖓ," ᓇᓗᓇᐃᖅᓯᓪᓗᓂ.

ᐱᔪᒃᓯᑎᑕᐅᑦᑎᐊᕐᒥᔪᖅ ᐃᓕᓴᐃᔾᔪᓯᕐᒥᒃ ᐃᓐᓇᕐᓂᒃ ᐊᒻᒪ ᖃᐅᔨᖃᑦᑕᖅᓯᒪᔭᖏᓐᓂᒃ ᐱᓕᕆᖃᑎᖃᖅᑐᓂᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᓂᒃ ᐃᓕᓐᓂᐊᖅᑐᓕᕆᔪᓂᒃ. "ᐊᒥᓱᑦ ᐃᓕᓐᓂᐊᖅᑎᖁᑎᒃᑲ ᐊᒃᓱᕈᕐᓇᖅᑐᒃᑰᖃᑦᑕᓚᐅᖅᑐᑦ ᑲᓲᑎᓇᓱᒃᓗᑎᒃ ᐃᓕᓐᓂᐊᕐᕕᐊᕈᓯᕐᒥ ᑭᓇᑐᐃᓐᓇᕐᒧᑦ ᐊᒻᒪ ᐃᒪᓐᓇᐅᑲᓴᑦᑎᐊᕐᖢᓂ ᖃᐅᔨᑎᓪᓗᒋᑦ ᐊᑐᕐᓂᑯᖏᓐᓂ, ᐊᔪᕐᓇᙱᓐᓂᖅᓴᒃᑯᑦ ᑲᓲᑎᔪᓐᓇᕐᖢᑎᒃ ᐊᔪᕐᓇᙱᑦᑐᑯᓘᓪᓗᓂᓗ ᓇᒃᓴᕆᐊᒃᓴᖅ. ᑕᐃᒪᓕ ᑐᙵᕕᖃᖅᐳᖅ ᐊᒻᒪᓗ ᐱᓕᕆᔪᓐᓇᖅᓯᓪᓗᑎᑦ ᐃᓕᓐᓂᐊᖅᑎᐊᖅᓯᒪᑦᑎᐊᕐᓂᕐᒥᑦ," ᐅᖃᐅᓯᖃᖅᑐᖅ.

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᐊᕕᒃᓯᓂᕐᒥᒃ ᒪᓕᒍᒪᓪᓗᓂ ᐱᔪᒪᔭᖏᓐᓂᒃ ᐃᑲᔪᖅᑐᐃᕗᖅ. "ᐊᖏᕐᕋᖃᕐᓂᖅ ᐊᒃᓱᕈᕐᓇᖅᑑᕗᖅ; ᐃᓚᑎᑦ ᐱᖃᓐᓇᕆᔭᑎᓪᓗ ᕿᒪᒃᖢᒋᑦ ᐊᒃᓱᕈᕐᓇᕐᔪᐊᕈᓐᓇᖅᐳᖅ, ᑭᓯᐊᓂ ᐱᐅᔪᐊᓘᔪᓐᓇᖅᑰᖅᑐᖅ. ᐃᓛᓐᓂᒃᑯᑦ ᐱᐅᓂᖅᓴᓂᒃ ᐱᕕᒃᓴᖃᓕᓲᖑᒻᒪᑕ ᓇᒥᑐᐃᓐᓇᖅ. ᐃᓛᓐᓂᒃᑯᑦ ᐅᓗᕆᐊᓇᖅᑐᖅ ᑐᓂᔭᐅᕐᔪᐊᖃᑦᑕᖅᑐᖅ. ᐅᕙᓐᓄᓪᓕ, ᓄᓇᖃᓕᖅᑐᖅ ᓄᓇᓕᕐᔪᐊᖑᖏᑦᑐᓂ ᐊᒻᒪᓗ ᐊᐅᓚᕆᐊᖃᖃᑦᑕᓕᖅᑐᖓ ᓄᓇᓕᐸᐅᔭᕐᒧᑦ, ᐱᒡᒐᓇᕐᒪᑦ. ᑭᓯᐊᓂ ᑐᓂᔭᐅᖃᑦᑕᖅᑐᑦ. ᐃᓱᒪᒍᕕᑦ ᑕᐃᒪᓐᓇ ᐱᓕᕆᔪᒪᒍᕕᑦ ᐅᕝᕙᓘᓐᓃᑦ ᐱᓇᓱᐊᕈᒪᒍᕕᑦ, ᐅᖃᖅᐳᖓ ᑲᔪᓯᓗᖓ. ᐃᓚᖏᑦ ᐊᖏᓛᑦ ᐊᓂᒍᖅᑎᓐᓇᓱᒋᐊᖃᖅᐸᒃᑕᕗᑦ ᐊᓂᒍᖅᑎᓪᓗᒋᓪᓗ ᐃᓅᓯᑦᑎᓐᓂ, ᑕᒪᓐᓇ ᐊᓂᒍᖅᑎᒃᑯᕕᐅᒃ, ᑐᓐᓂᖅᑯᓯᐊᖑᕙᒃᑐᖅ ᐱᐅᔪᒻᒪᕆᐊᓘᕗᖅ," ᑕᐃᒪᓐᓇ ᐅᖃᖅᖢᓂ. ᐃᓕᓐᓂᐊᖃᑎᖏᑦ ᐊᐅᓪᓚᖃᑦᑕᖅᑐᑦ ᐃᑲᕐᕋᒥᒃ ᐊᕝᕙᖓᓂᓪᓗ ᐅᓐᓄᑕᒫᑦ ᐃᓕᓐᓂᐊᕆᐊᖅᑐᑎᒃ ᐅᖃᐅᔾᔨᓪᓗᑎᒃ ᐊᑑᑎᖃᕐᓂᖓᓂᒃ ᐃᖅᑲᓇᐃᔮᖃᑦᑎᐊᕐᓂᐊᕐᓗᓂ.

ᕿᑐᕐᖓᒃᑲ ᐱᔪᒪᓂᖃᑦᑎᐊᕋᒪ ᑲᔪᓯᑦᑎᐊᕐᓂᕐᒥᒃ ᐃᓅᓯᕐᒥ ᐊᒻᒪᓗ ᐱᓕᕆᑦᑎᐊᕐᓗᑎᒃ ᐋᖅᑭᒃᓯᓂᕐᒧᑦ ᐊᖅᑯᑎᒋᓂᐊᖅᑕᖓᓂᒃ ᐃᒃᐱᒍᓱᒃᓗᑎᒃ ᐱᓕᕆᑦᑎᐊᕈᓐᓇᕐᓂᕐᒥᓂᒃ ᐃᓅᓯᕐᒥᓂᑦᑕᐅᖅ.

ᐊᖓᔪᖅᑳᖑᓕᕐᓂᖅ ᐃᓕᓐᓂᐊᖅᑎᓪᓗᒍ ᐊᒃᓱᕈᕐᓇᖅᑑᓯᒪᔪᖅ ᐊᒻᒪᓗ ᓂᕆᐅᖕᓂᖃᕐᓂᕐᒧᑦ ᐱᔾᔪᑎᐅᓪᓗᓂ. "ᐃᓱᒪᒌᓐᓇᖃᑦᑕᖅᑕᕋ ᒫᓐᓇ ᐊᓂᒍᐃᔾᔪᑎᑖᕈᓐᓇᖅᓯᑕᐃᓐᓇᕋᒪ ᐱᓱᑲᑕᑐᐃᓐᓇᕐᓗᖓᓗ, ᖃᐅᔨᒪᓪᓗᖓ ᒪᕐᕉᖕᓂᒃ ᕿᑐᕐᖓᖃᕐᓂᓐᓂᒃ ᑕᑖᖅᓯᒪᓂᐊᕐᓂᓐᓂᒃ ᐱᒻᒪᕆᐅᓂᐊᕐᒪᑦ, ᑭᓯᐊᓂ ᐊᔪᕐᓇᖅᑐᒻᒪᕆᐊᓘᖕᒪᑦ ᑕᐃᑯᙵᕆᐊᒃᓴᖅ. ᐊᒃᓱᕈᕐᓇᕐᓂᐊᖅᑐᖅ ᑭᓯᐊᓂ ᑕᐃᑯᙵᕐᓂᐊᖅᑐᒍᑦ," ᐱᑐᕋᒃ ᑲᓐᑐᕇᔅ.

ᐃᓚᒌᑦ ᐱᕕᖃᕐᓂᖓ ᐊᒻᒪ ᓯᓚᒦᓐᓇᖅ ᐊᓂᕝᕕᒋᓯᒪᓪᓗᓂᐅᒃ, ᕿᑎᐊᓃᖦᖢᓂ ᐊᒻᒪ ᒪᓂᕋᐅᓪᓗᓂ. "ᖃᕆᑕᐅᔭᐅᑉ ᑐᓄᐊᓂ ᐃᒃᓯᕚᖅᑎᓪᓗᑎᑦ ᐃᓕᓐᓂᐊᕐᓗᑎᑦ ᐅᕝᕙᓘᓐᓃᑦ ᐃᓕᓐᓂᐊᕐᕕᐊᕈᓯᕐᒥ, ᐊᔪᕐᓇᕈᔪᖕᒪᑦ ᑭᓱᑐᐃᓐᓇᕐᒧᑦ ᐊᒃᑐᐊᓂᖃᕆᐊᒃᓴᖅ. ᐊᓃᖅᓯᒪᓪᓗᖓ ᐱᔪᒃᓯᑎᑦᑎᕐᔪᐊᖅᓯᒪᔪᖅ ᐅᕙᓐᓄᑦ ᐃᓕᓐᓂᐊᕐᕕᖕᒥ ᓇᓂᓯᑐᐃᓐᓇᕐᖢᓂᓗ ᓇᓕᒧᒌᒃᑐᒥᒃ," ᓇᓗᓇᐃᖅᓯᓪᓗᓂ. ᑮᓇᐅᔭᑦ ᐊᒥᐊᒃᑯᖏᑦ ᐊᒃᓱᕈᕐᓇᖅᑑᓯᒪᒋᕗᑦᑕᐅᖅ, ᑭᓯᐊᓂ ᐃᑲᔫᓯᐊᑦ ᐊᒻᒪ ᐃᓕᓐᓂᐊᕈᑎᒃᓴᑦ ᐃᑲᔫᑕᐅᓯᒪᕗᑦ.

ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒥᒃ ᓇᖕᒥᓂᖅ ᑭᓱᑐᐃᓐᓇᒥᒃ, ᑲᑉᐱᐊᓱᒋᐊᖃᕋᔭᙱᑦᑐᖅ ᐃᓅᓯᕆᒋᐊᒃᓴᖅ ᐃᖅᑲᓇᐃᔮᖅᑖᓚᐅᙱᓐᓂᕐᓂᒃ ᑲᑉᐱᐊᓱᙱᓪᓗᓂᓗ ᐊᔾᔨᒋᙱᑕᖓᓂᒃ ᐊᖅᑯᑎᖃᕆᐊᒃᓴᖅ ᐃᓕᓐᓂᐊᖃᑎᒥᓂᒃ.  ᓯᓚᑦᑐᓴᕐᕕᕐᔪᐊᕐᒨᕋᓱᐊᓚᐅᖅᑐᖅ ᐱᔭᕇᓚᐅᖅᑎᓪᓗᒍ ᐃᓕᓐᓂᐊᕐᕕᕐᔪᐊᕐᒥᑦ ᐊᒻᒪ ᓯᕗᓪᓕᖅᐹᖓᓂᑦ ᐱᓇᓱᐊᕈᓰᑦ ᖃᐅᔨᒪᓚᐅᖅᐳᖅ ᓈᒻᒪᙱᒻᒪᑦ. ᖃᐅᔨᒪᓚᐅᕋᓗᐊᖅᑎᓪᓗᒍ, ᐃᓕᓐᓂᐊᕈᓐᓃᖅᖢᓂ ᓯᕗᓪᓕᖅᐹᒥ ᓴᐱᓕᙱᖦᖢᓂ. "ᑲᙳᓱᒃᐳᑎᑦ ᓄᖅᑲᕈᒪᓕᕈᕕᑦ ᐊᓯᐊᓂᒃ ᐱᓇᔪᒡᓗᑎᑦ," ᐅᖃᖅᐳᖅ. ᐊᓈᓇᒥᓄᑦ ᐅᖄᓚᓪᓗᓂ ᐃᓕᓐᓂᐊᕈᓐᓃᕐᓂᕋᖅᖢᓂ ᐃᖅᑲᓇᐃᔭᕆᐊᓚᐅᖅᓯᒪᓪᓗᓂᓗ ᒪᒃᑖᓄᑦ ᐊᕐᕌᒍᓄᑦ ᐱᖓᓱᓄᑦ.

ᐱᑐᕋᒃ ᐊᑐᕐᖢᓂ ᐃᓅᓯᕐᒥ ᐅᑎᕐᖢᓂᓗ ᐃᓕᓐᓂᐊᒃᑲᓐᓂᕐᓂᕐᒧᑦ ᖁᕕᐊᒋᑦᑎᐊᓚᐅᖅᑕᖓᓄᑦ: ᑐᙵᓇᖅᑑᓪᓗᓂ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐃᓕᓐᓂᐊᕐᕕᐊᕈᓯᕐᒥ. ᖃᐅᔨᒪᔪᖅ ᖃᓄᖅ ᑐᑭᖃᑦᑎᐊᕐᒪᖔᑦ ᐃᔾᔪᐊᒐᒃᓴᑦᑎᐊᕙᐅᓂᖓᓂᒃ ᑖᔅᓱᒧᖓ.  "ᓄᓇᑦᑎᓐᓂ ᐱᑕᖃᓪᓚᕆᓚᐅᙱᑦᑐᖓ ᐊᓪᓚᖓᓂᕋᖅᑕᐅᔪᒥᒃ, ᐃᓐᓇᐅᓂᖅᓴᐅᓕᖅᑎᓪᓗᖓ, ᑕᑯᓪᓗᖓ ᑲᔪᓯᓂᖃᑦᑎᐊᖅᑐᓂᒃ ᐊᓪᓚᖓᔪᓂᒃ ᐊᒻᒪ ᐊᕐᓇᓂᒃ ᑕᖅᑳᓂ, ᐅᕙᓐᓄᑦ ᐊᖏᔪᐊᓘᓚᐅᖅᑐᖅ," ᐃᖅᑲᐅᒪᔪᖅ.

ᓄᓕᐊᕇᒃ ᐊᒻᒪ ᐊᓈᓇᐅᔪᖅ, ᐃᓕᓐᓂᐊᖅᑎ ᐊᒻᒪ ᓯᕗᓂᒃᓴᒥ ᐃᓕᓴᐃᔨ, ᓄᓇᓕᖕᓂ ᓄᓇᖃᖅᖢᓂ ᓇᒡᓕᒋᔭᒥᓂᒃ, ᑰᒃᑐᒦᙶᖅᑐᐃᓐᓇᐅᓚᐅᖅᐳᑦ.  ᐃᓅᓯᖅ ᓯᑕᕙᓂ ᐱᑐᕋᔅᒥᒃ ᐊᑐᓚᐅᖅᑐᖅ ᐊᔾᔨᒋᙱᐊᕐᔪᒃᑕᖓᓂᒃ ᓂᕆᐅᒋᓚᐅᖅᑕᒥᓂᒃ, ᑭᓯᐊᓂ ᒫᓐᓇ ᐃᓂᒦᓕᖅᑐᖅ ᐃᒻᒥᓂᒃ ᐱᐅᒋᓪᓗᓂ ᐃᑲᔪᕐᓂᖓᓗ ᐃᓕᓐᓂᐊᕐᕕᐊᕈᓯᕐᒥ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᐱᔪᒃᓯᑎᑕᐅᔭᕆᐊᖃᖅᑐᓄᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.