"ᐅᔾᔨᕈᓱᓕᓚᐅᖅᑐᖓ ᑕᐃᒪᓐᓇ ᐃᓅᔪᓐᓇᙱᓐᓇᒪ ᑕᐃᒪᓕ ᓄᖅᑲᖅᑎᑦᑐᒪᓕᓚᐅᖅᑕᕋ ᐃᖏᕐᕋᓂᕆᔭᐅᔪᖅ ᒪᒥᑉᐸᓪᓕᐊᓗᒍᓗ ᐊᖕᒪᓗᖅᓯᓯᒪᔪᖅ," ᑖᓐᔭ ᓂᑲᓐ ᐃᖅᑲᐅᒪᔪᖅ. Ojibwe country-ᒥᐅᑕᖅ ᓵᔨᓐᒥ ᐊᒻᒪᓗ ᓯᐅᒃᔅ ᕕᐅᑦ, ᐋᓐᑎᐅᕆᐅᒥ. ᓃᑲᓐ ᐃᓱᒪᓕᕆᔨᐅᓪᓗᓂ ᐊᒻᒪ ᐅᐃᕆᓯᒪᔪᓕᕆᔨᐅᓪᓗᓂ ᓂᔅᓇᕙ ᒐᒥᒃ ᐱᖃᓐᓇᕆᔭᖃᕐᕕᖓᓂ ᐊᒻᒪᓗ ᐊᑐᖅᑐᐊᖅᑎᓄᑦ ᐃᑲᔪᖅᑎᐅᓪᓗᓂ ᓯᐅᒃᔅ−ᒥ ᐃᒡᓗᓕᕆᔨᒃᑯᓐᓂ.

ᓂᑲᓐ ᐊᔪᕐᓇᖅᑐᒃᑰᓚᐅᖅᑐᖅ ᓄᑕᕋᐅᓂᕐᒥᓂᒃ ᐱᕈᑲᐅᖅᑐᕆᐊᖃᕐᖢᓂᓗ. ᖁᐊᖅᓵᖅᓯᒪᓂᒃᑰᖅᓯᒪᔪᖅ ᕿᑐᕐᖓᖅᑖᓚᐅᖅᑎᓐᓇᒍ ᐊᒻᒪ ᕿᑐᕐᖓᖅᑖᕋᑖᖅᑎᓪᓗᒍ ᐊᒻᒪ ᐊᑐᖃᑦᑕᖅᓯᒪᓪᓗᓂ ᐊᐅᓚᑦᑎᔪᓐᓇᐃᓕᓪᓗᓂ.  ᓃᑲᓐ ᓯᐅᒃᔅ−ᒦᓕᓚᐅᖅᑐᖅ ᐊᓈᓇᖓ ᕿᒪᒃᖢᓂᐅᒃ ᐋᖓᔮᖅᖢᓂ ᐊᑖᑕᒥᓂᒃ ᐱᖃᑎᖃᖅᖢᓂ. ᐊᒥᓱᐃᖅᓱᖅᖢᑎᒃ ᐊᓂᓇᓱᓚᐅᖅᖢᑎᒃ, ᑖᒃᓯᒧᑦ ᑎᑭᑦᑕᓯᓐᓇᓕᓚᐅᖅᑐᑦ ᓯᐅᒃᔅ−ᒧᑦ, ᑭᖑᓪᓕᖅᐹᒥ ᕿᒪᒃᖢᓂᐅᒃ, ᐊᓈᓇᖓ ᓱᓕᓂᐊᕐᓂᕋᖅᖢᓂ ᐅᑎᓚᐅᖅᓯᒪᙱᖦᖢᓂ. ᐃᓚᖓᑦ ᓇᔭᖓᑕ ᓱᓕ ᑕᐃᑲᓂ ᓄᓇᖃᕐᒥᔪᖅ, ᐃᖅᑲᓇᐃᔭᖅᖢᓂ ᓯᐅᒃᔅ−ᒧᑦ ᐃᖅᑭᓖᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔪᓐᓇᐅᑎᓕᖕᓄᑦ, ᐊᐃᑉᐸᖓᓗ ᓇᔭᖓ ᐅᐃᓂᐹᒡᒥ ᓄᓇᖃᖅᖢᓂ ᐃᒡᓗᒥᐅᑕᕆᔭᐅᕙᒃᖢᓂᓗ. 

ᐃᒻᒥᓂᒃ ᐃᓅᓯᕐᒥᓂᒃ ᒪᑭᑦᑎᓇᓱᒃᑎᓪᓗᒍ, ᓃᑲᓐ ᓂᕿᓕᐅᕐᓂᕐᒧᑦ ᐃᓕᓐᓂᐊᕆᐊᓚᐅᖅᑐᖅ ᑭᓯᐊᓂ ᖃᐅᔨᓚᐅᖅᑐᖅ ᐃᖅᑲᓇᐃᔮᖓ ᓈᒻᒪᙱᓐᓂᖓᓂᒃ ᐊᖓᔪᖅᑳᑦᑎᐊᕙᐅᓂᕐᒧᑦ ᑲᒪᒋᔭᕆᐊᖃᖅᑕᖏᓐᓄᑦ. ᑭᖑᓂᐊᒍᑦ, ᓄᓇᖃᖅᑳᖅᓯᒪᔪᑦ ᓄᑕᖅᑲᓄᑦ ᐃᓚᒌᓄᓪᓗ ᐱᔨᑦᑎᕋᕈᑎᓄᑦ ᐱᓕᕆᐊᖅᑖᓚᐅᖅᐳᖅ, ᓄᓇᖃᖅᑳᖅᓯᒪᔪᑦ ᐃᓄᓕᕆᔨᙳᕆᐅᖅᓴᓪᓗᑎᒃ, ᐃᓕᓐᓂᐊᕐᕕᖕᒧᓪᓗ ᐅᑎᖅᖢᓂ ᓴᐱᙱᖦᖢᓂ ᐱᓕᕆᓚᐅᖅᐳᖅ.  

"ᖁᕕᐊᓱᒻᒪᕆᓚᐅᖅᑐᖓ. ᐱᔪᓐᓇᔾᔮᕋᓱᒋᓚᐅᖏᓐᓇᒪ ᓲᖃᐃᒻᒪ ᓯᕗᓪᓕᖅᐹᒥ ᐊᒃᓱᕈᕐᓇᖅᑐᒻᒪᕆᐅᓚᐅᕐᒪᑦ ᐊᒻᒪ ᓄᑖᑦᑎᐊᒥᒃ ᐃᖅᑲᓇᐃᔮᒃᓴᒥᒃ ᐊᓯᔾᔩᑐᐃᓐᓇᖅᖢᖓ, ᐃᓕᕋᓇᒻᒪᕆᓚᐅᖅᑐᖅ, ᑭᓯᐊᓂ ᐊᓂᒍᐃᔪᓐᓇᓚᐅᖅᑕᕋ. ᐃᓕᓴᐃᔨᒃᑲ ᐃᑲᔪᖅᑐᐃᑦᑎᐊᓚᐅᖅᑐᑦ, ᐃᑲᔪᓪᓚᕆᓚᐅᖅᑐᑦ ᐊᓂᒍᐃᓂᖕᒥᑦ," ᓈᓴᐃᒃᑲᓐᓂᖅᖢᓂ. ᐃᓕᓐᓂᐊᖅᑎᓪᓗᒍ ᐃᓚᖏᑦ ᐃᓕᓐᓂᐊᖅᑏᑦ ᐃᓕᓐᓂᐊᕆᐊᖃᑎᒋᖃᑦᑕᓚᐅᖅᑕᖏᑦ ᖃᐅᔨᒪᕙᒌᖅᑐᑎᓪᓗ. 

ᒫᓐᓇ ᐱᔭᕇᕐᒪᑦ, ᖁᕕᐊᒋᕙᐅᒃ ᐃᖅᑲᓇᐃᔮᖓ, ᐊᒻᒪᓗ ᐅᖃᖅᑐᓂ ᐱᐅᓂᖅᐹᒥᒃ "ᐃᑲᔪᕐᓂᖅ ᐃᓄᓐᓂᒃ, ᐱᓗᐊᖅᑐᒥᒃ ᐅᖃᖃᑎᒋᔪᓐᓇᑐᐃᓐᓇᖅᑐᒋᑦ, ᐊᒻᒪᓗ ᐃᖅᑲᑦᑐᐃᔨᖃᖏᑎᓪᓗᒋᑦ. ᓲᖃᐃᒻᒪ ᖃᐅᔨᒪᖕᒪᑕ ᐊᔾᔨᑦᑎᐊᖏᓐᓂᒃ ᐊᑐᓚᐅᕐᓂᖏᓐᓂᒃ." ᑕᒪᓐᓇ ᖃᐅᔨᒪᓂᖅ ᐊᔪᙱᓐᓂᖃᕐᓂᕐᓗ ᐊᒃᑐᐊᓂᖃᕐᓂᕐᒥᒃ ᑐᑭᖃᖅᐳᖅ ᓴᖅᑭᓕᕈᓐᓇᕐᓂᖏᓐᓂᒃ ᑕᒪᑐᒧᖓ ᐊᓂᒍᖅᑎᓐᓇᓱᒋᐊᖃᖅᐸᒃᑕᖏᓐᓄᑦ. "ᐃᒃᐱᖕᓂᐊᓂᒃᑯᑦ ᐅᖃᐅᓯᕆᖃᑦᑕᖅᑕᕋ. ᑭᓯᐊᓂ ᐅᕙᓐᓄᑦ ᐱᒻᒪᕆᐅᕗᖅ," ᑲᔪᓰᓐᓇᖅᐳᖅ, ᐅᖃᐅᓯᖃᖅᖢᓂ ᖃᓄᖅ ᐃᑲᔪᖅᑕᐅᕙᒃᑐᑦ ᐅᖃᐅᓯᖃᖅᐸᖕᒪᖔᑕ ᖃᓄᖅ ᖃᓱᕚᓪᓕᖅᑎᑦᑎᕙᖕᒪᖔᑕ, ᖃᓄᕐᓗ ᐃᒃᐱᒋᔭᖃᖅᐸᙱᓐᓂᖏᓐᓂᒃ ᐃᓄᑑᓗᐊᕐᓂᕐᒥᒃ ᖃᐅᔨᒪᓂᕐᒥᓂᒃ ᑐᑭᓯᐅᒪᓂᕐᒥᓂᒃ ᖃᓄᐃᓕᐅᕐᓂᕐᒥᓂᒃ. 

"ᑭᓇᑐᐃᓐᓇᖅ ᐊᑐᖁᙱᑕᕋ ᐊᑐᓵᖅᑕᓐᓂᒃ ᓲᖃᐃᒻᒪ ᐊᔪᕐᓇᕐᒪᑦ ᐃᓄᑑᓪᓗᓂᓗ ᐊᒻᒪ ᐃᓛᓐᓂᒃᑯᑦ ᓴᐱᓕᕈᒪᑐᐃᓐᓇᕐᓇᕐᒪᑦ."

ᖃᐅᑕᒫᑦ, ᐱᔪᒃᓯᑎᑕᐅᖃᑦᑕᖅᑐᖅ ᓄᑕᕋᐅᓂᕐᒥᓄᑦ ᐃᕐᓂᖓᓄᓪᓗ. ᖃᐅᔨᒪᓪᓗᒍ ᐅᑭᐅᖓ, ᑭᓱᖃᓚᐅᙱᑦᑐᖅ ᖃᐅᔨᒪᓪᓗᓂᓗ ᐱᑕᖃᕐᔪᐊᕐᓂᖓᓂᒃ, ᑭᓇᒥᑭᐊᖅ ᐃᓄᑑᖅᑰᔨᖁᔨᙱᖦᖢᓂ ᓇᒧᙵᐅᕕᒃᓴᖃᙱᖦᖢᑎᒃᓗ. ᓂᕆᐅᓐᓂᖃᑦᑎᐊᖅᐳᖅ ᓯᕗᓂᔅᓴᖅᑎᓐᓄᑦ ᐊᒻᒪ ᖃᓄᖅ ᑎᒍᒥᐊᕐᓂᐊᕐᒪᖔᕐᒥᐅᒃ ᐊᒻᒪ ᖃᐅᔨᒪᔭᖓ. "ᐃᕐᓂᕋ ᐃᓕᑕᖓ, ᐃᓕᓐᓂᐊᖅᑎᑦᑎᔪᓐᓇᖅᑐᖅ ᐃᓄᖕᓂᒃ ᐊᖅᑯᑎᒋᕙᒃᑕᖏᓐᓂᒃ ᐃᓅᓯᖓᓂ," ᖁᖓᖦᖢᓂ. 

‍

ᐊᖓᔪᖅᑳᒥᓂᒃ ᐱᖃᑎᖃᕐᓂᖓᓄᑦ, ᐱᓕᕆᖃᑎᒌᒃᐸᓪᓕᐊᓕᓚᐅᖅᐳᑦ ᐱᓕᕆᖃᑎᒌᒍᓯᕐᓂᒃ ᐋᖅᑭᒃᓯᓇᓱᒃᖢᑎᒃ. ᐱᒡᒐᓇᖅᑐᒻᒪᕆᐅᓚᐅᖅᐳᖅ ᓇᒻᒥᓂᖅ ᐱᓇᓱᐊᖅᑐᓂ ᐊᒻᒪ ᓂᑲᒍᓱᑦᑐᒻᒪᕆᐅᓪᓗᓂ ᑕᐃᒃᑯᓄᖓ, ᑐᑭᓯᓐᓇᓂ ᓇᒻᒥᓂᖅ ᐊᔅᓱᕈᕈᑎᒋᕙᑦᑕᖏᓐᓂᑦ ᓴᖅᑮᓇᓱᐊᖅᑎᓪᓗᒍ ᐊᒻᒪ ᓇᔭᒥᓂᒃ. ᓂᑲᓐ ᐃᓱᒪᒋᔪᓐᓇᐃᖅᓯᒪᕗᖅ ᐊᖓᔪᖅᑳᒥᓂᒃ ᐊᒻᒪᓗ ᐸᓯᔭᖏᑦ ᒥᑭᓪᓕᒋᐊᖅᓯᒪᒋᕗᑦ. 

ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒥᒃ ᓇᖕᒥᓂᖅ ᑭᓱᑐᐃᓐᓇᒥᒃ ᐃᒪᐃᓐᓇᔭᖅᐳᖅ, "Just going. ᐃᓅᓯᖅ ᐊᒃᓱᕈᕐᓇᖅᓯᕙᒃᐳᖅ. ᑭᓱᓕᒫᑦ ᖃᓄᐃᔾᔮᖏᑦᑐᑦ. ᑐᒃᓯᐊᑐᐃᓐᓇᕐᓗᑎᑦ ᐊᒻᒪ smudge−ᒥᑦ ᓲᖃᐃᒻᒪ Creator's−ᑯᑦ ᑕᐃᑲᓃᖏᓐᓇᐅᔭᕐᒪᑕ." ᐅᖃᐅᔾᔪᐃᓂᖓ ᓄᓇᖃᖅᑳᖅᓯᒪᔪᓄᑦ ᒪᒃᑯᒃᑐᓄᑦ ᓄᓇᒥᓂᒃ ᕿᒪᐃᓪᓗᓂ ᕿᓂᖅᖢᓂ ᐱᕕᒃᓴᓂᒃ ᐃᓕᓐᓂᐊᕐᕕᖕᒧᑦ ᐱᓕᕆᓪᓗᓂᓗ ᖃᐅᔨᓴᕈᒪᓪᓗᑎᒃ. ᑎᓕᐅᕆᔪᖅ ᒪᒃᑯᑦᑐᓂᑦ ᖃᐅᔨᖁᔨᓂᕐᒥᑦ ᓱᓇᐃᑦ ᐃᑲᔫᑎᑦᓴᐃᑦ ᐱᔨᑦᓯᕋᐅᑏᓪᓗ ᐊᑐᐃᓐᓇᐅᒻᒪᖔᑕ ᓅᒍᒪᔭᖏᓐᓂᑦ. "ᓄᓇᓕᒃ ᐊᖏᓪᓗᓂ, ᐃᓕᖅᑯᓯᒃᑯᑦ ᖁᒃᓴᓪᓚᖕᓇᖅᐳᖅ ᐊᒃᑐᐃᕐᔪᐊᕈᓐᓇᖅᖢᓂᓗ ᑭᐊᑐᐃᓐᓇᐅᑉ ᐃᓱᒪᖓ ᖃᓄᐃᙱᑦᑎᐊᕐᓂᖓᓂᒃ," ᓇᓗᓇᐃᖅᓯᓪᓗᓂ, ᑕᐃᒪᐃᒻᒪᑦ ᐃᓱᒪᕗᖅ ᐱᕙᒌᔭᖅᓯᒪᑦᑎᐊᕐᓇᓛᖑᓇᓱᒋᓪᓗᓂᐅᒃ. 

ᐊᔪᕐᓇᖅᖢᓂ ᐃᓅᓯᖅ, ᓃᑲᓐ ᓇᓂᓪᓗᓂᐅᒃ. "ᖁᕕᐊᓇᑦᑎᐊᖅᑐᖅ ᓱᓕᓗ ᑕᒫᓃᑉᐳᖓ. ᓴᓗᒪᔪᖓ ᐊᒻᒪᓗ ᓱᓐᓂᐅᒪᓪᓗᖓ ᐊᒻᒪᓗ ᖃᓄᐃᖏᑎᐊᖅᑐᖓ. ᐃᕐᓂᕋ ᖃᓄᐃᙱᑦᑎᐊᖅᑐᖅ ᖁᕕᐊᓱᒃᖢᓂᓗ," ᖁᖓᖦᖢᓂ, ᐃᓱᒪᓪᓗᓂ ᖃᓄᑎᒋ ᑎᑭᓕᕐᓂᕐᒥᓂᒃ. ᐅᓪᓗᒥᐅᓕᖅᑐᖅ ᑐᒃᓯᐊᖃᑦᑕᖅᑐᖅ, ᒥᑎᖅᓲᑎᓂᒃ, ᓯᓚᒦᑉᐸᒃᖢᓂ ᐊᒻᒪ ᐅᖃᓪᓚᑦᑎᐊᖅᐸᒃᖢᓂ ᐃᒻᒥᓂᒃ ᑕᕐᕋᖅᑑᑎᒃᑰᖅᑎᓪᓗᒍ. ᐃᒻᒥᓂᒃ−ᐃᓱᒪᒃᓴᖅᓯᐅᕈᑎᖃᖃᑦᑕᖅᑐᖅ ᓴᐸᖓᓪᓗᓂ ᐊᒻᒪᓗ ᐃᕐᓂᖓ ᓴᐸᖓᑎᒐᓱᖃᑦᑕᕐᒪᒍ. ᒪᒃᑯᓗᐊᓚᐅᕐᒪᑦ ᐊᒻᒪᓗ ᓂᕆᖃᑦᑕᓕᖅᑐᓂ ᓴᐸᖓᕐᓂᒃ, ᐆᑦᑐᑲᓐᓂᕈᒫᕐᓂᐊᓕᖅᑐᖅ ᐊᖏᔪᑦᑎᐅᓕᕈᓂ.   

"ᐃᓱᒪᒋᓚᐅᖅᓯᒪᙱᑕᕋ ᐊᔾᔪᒥᓇᖅᑑᓂᖓᓂᒃ ᖃᓄᑐᐃᓐᓇᕐᓘᓐᓃᑦ," ᐅᖃᖅᖢᓂ, ᑭᓯᐊᓂ ᖃᑕᙳᑎᖏᑦ ᓱᕋᒃᑎᖦᖢᒋᑦ, ᐃᕐᓂᖓ ᓄᑕᕋᐅᓚᐅᖅᓯᒪᙱᖦᖢᓂ. ᒪᒥᓴᖅᑎᓪᓗᒍ ᐊᖕᒪᓗᖅᓯᓯᒪᔪᖅ, ᐃᓂᓕᐅᖅᑐᖅ ᐊᓯᖏᑦ ᒪᒥᓴᕈᓐᓇᕐᓗᑎᒃ, ᐃᑲᔪᕐᓗᒋᑦ ᓄᓇᖃᖅᑐᑦ ᓯᐅᒃᔅ ᑕᐅᑐᒃᓗᑎᒃ ᐋᖅᑭᒃᓯᒪᐃᓐᓇᖅᑎᑦᑎᓂᕐᒥ ᐃᒡᓗᓂᑦ ᐊᒃᓱᕈᕐᓇᖅᑐᓂᒃᓗ ᐃᓱᒪᓕᕆᓂᕐᒥ ᐅᐃᕆᓯᒪᔭᖃᕐᓂᕐᒥᒃᓗ. ᑖᓂᐊ ᓃᑲᓐ ᐃᓅᖏᓐᓇᕈᓐᓇᓚᐅᙱᑦᑐᖅ, ᒫᓐᓇᓕ ᐃᓅᔪᓐᓇᖅᓯᓪᓗᓂ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.