"ᖃᓄᑐᐃᓐᓇᖅ ᐱᓇᔪᒃᑕᐃᑦ ᐃᓕᓴᕆᔭᐅᓂᐊᖅᑐᖅ. ᒎᓇᒥᒃ ᐱᖏᓐᓇᐅᔭᖅᑐᑎᑦ," ᑕᐃᓗ ᓇᑖᒪᒐᓐ ᐅᖃᖅᖢᓂ. ᑐᓂᔭᑎᑦ ᐱᓗᒋᑦ, ᐱᓗᐊᖅᑐᒥᒃ. ᓇᑖᒪᒐᓐ ᑐᓂᓯᔪᒻᒪᕆᐅᒻᒪᑦ ᓄᓇᓕᓐᓄᑦ, ᖃᐅᔨᒪᕗᖅ ᑭᓱᒥᒃ ᐅᖃᐅᓯᖃᕐᒪᖔᖅ. 

ᑕᐃᓗ ᓇᑖᒪᒐᓐ Pinehouse Lake-ᒥᐅᑕᖅ, ᑕᐃᑲᓂᕐᒥᐅᑕᐅᓚᐅᖅᓯᒪᓪᓗᓂ. ᓇᑖᒪᒐᓐ ᓅᓚᐅᖅᑐᖅ ᐃᑲᕐᕌᖕᓄᑦ ᒪᕐᕉᖕᓄᑦ ᐊᖏᕐᕋᒥᓂᒃ ᐃᓕᓐᓂᐊᕆᐊᒃᑲᓐᓂᖅᖢᓂ NORTEP/NORPAC−ᒥ. ᐅᖓᓯᓗᐊᖅᑐᒥᒃ ᓅᑦᑐᒪᓚᐅᙱᑦᑐᖅ ᐊᖏᕐᕋᒥᓂᒃ ᖃᐅᔨᒪᓪᓗᓂᓗ ᐃᓕᓐᓂᐊᖅᑎᓂᒃ ᓄᓇᒋᔭᒥᓃᙶᖅᑐᓂᒃ ᐃᓚᐅᓂᐊᕐᓂᖓᓂᒃ. ᐱᔭᕇᖅᓯᓚᐅᖅᑎᓪᓗᒍ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᓴᓇᐅᒐᓕᕆᓂᕐᒧᑦ, ᓇᑖᒐᓐ ᓅᓚᐅᖅᑐᖅ ᓵᔅᑲᑑᓐᒧᑦ ᐱᔭᕇᖅᓯᓪᓗᓂᓗ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐃᓄᓕᕆᔨᐅᓂᕐᒧᑦ. 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐃᓱᒪᔪᓄᑦ ᐊᖏᕐᕋᒥᓂᒃ ᕿᒪᐃᔪᒪᓪᓗᓂ ᐃᖅᑲᓇᐃᔭᕆᐊᕐᓗᓂ ᐱᕕᒃᓴᓕᐅᕐᓗᓂ ᐊᖏᕐᕋᒥᓂᒃ ᐃᓕᓐᓂᐊᕈᑎᒥᓂᒃ ᐱᓕᕆᓂᐊᕐᓗᓂ. "ᖃᐅᔨᓴᕐᓗᒋᑦ ᑭᓱᓂᒃ ᐅᖃᐅᓯᖃᕈᒪᖕᒪᖔᖅᐱᑦ ᕿᒥᕐᕈᓗᒋᓪᓗ ᐊᔾᔨᒌᙱᑦᑐᑦ ᐱᓕᕆᐊᒃᓴᑦ ᒪᓂᒪᑎᑕᐅᔪᑦ ᐱᓕᕆᕝᕕᖕᒧᑦ ᐱᓕᕆᐊᕆᔪᒪᓇᔭᖅᑕᕐᓄᑦ. ᐃᓄᓕᕆᔨᒃᑯᓐᓄᐊᓚᐅᖅᑐᖓ ᐊᒻᒪᓗ ᐃᓄᓕᕆᔨᒃᑯᑎᒎᓚᐅᖅᑐᖓ, ᑭᓯᐊᓂᑦᑕᐅᖅ ᓄᓇᖃᖅᑳᖅᓯᒪᔪᑦ ᐃᓄᓕᕆᔨᖃᕐᒥᔪᑦ. ᒪᓕᑐᐃᓐᓇᖅᑐᖅ ᐱᔪᒪᔭᕐᓂᒃ. ᐱᓕᕆᐊᒃᓴᖅᑕᖃᐃᓐᓇᐅᔭᖅᑐᖅ ᓈᒻᒪᖕᓂᖅᓴᐅᓇᔭᖅᑐᒥᒃ ᐱᒍᕕᑦ ᓇᓗᓇᐃᔭᐅᑎᓂᒃ ᐱᔭᕆᐊᖃᖅᑕᕐᓂᒃ," ᐃᓅᓯᓕᕆᔭᐅᓗᓂ. 

ᐅᓪᓗᒥ ᐃᖅᑲᓇᐃᔭᖃᑦᑕᖅᑐᖅ ᐊᓴᐱᒧᑦ ᓵᔅᑲᑑᓐᒧᑦ ᐃᓚᒌᓄᑦ ᐃᑲᔪᖅᑎᐅᓪᓗᓂ, ᐃᑲᔪᖅᐸᒃᖢᓂ ᐃᓄᖕᓂᒃ ᓇᒧᙵᐅᕙᓪᓕᐊᓂᕐᒧᑦ ᐊᑐᖅᑕᐅᕙᒃᑐᓂᒃ, ᐱᓕᕆᐊᖃᖅᐸᒃᖢᓂ ᑭᒡᒐᖅᑐᐃᓪᓗᓂ ᐃᑲᔪᖅᐸᒃᖢᓂᓗ ᐃᓄᖕᓂᒃ ᐊᖑᒻᒪᑎᖁᓪᓗᒋᑦ ᐱᔭᕆᐊᖃᖅᑕᖏᓐᓄᑦ. ᓇᑖᒪᒐᓐ ᐱᑎᑦᑎᕙᒃᐳᖅ ᐃᓱᒪᒃᑯᑦ ᐃᑲᔪᖅᑐᐃᓂᕐᒥᒃ ᐱᓕᕆᕝᕕᒋᕙᒃᑕᒥᓄᑦ ᐱᐅᔪᓂᒃᓗ ᐃᓅᖃᑎᖃᖅᐸᖕᓂᕐᓂᒃ. ᐊᓴᐱᒧᑦ ᓵᔅᑲᑑᓐ ᐱᓕᕆᖃᑎᖃᖅᐸᑉᐳᑦ ᐃᓄᓕᕆᔨᓂᑦ ᐱᔪᒪᒐᒥᒃ, ᑕᐃᒪᐃᒋᐊᖃᓐᖏᓐᓂᖏᓐᓄᑦ.

"ᒥᑭᑦᑐᑯᓘᖕᒪᑕ ᐊᔾᔨᒌᙱᕈᓘᔭᖅᖢᑎᒡᓗ ᐃᓄᖕᓄᑦ ᐱᓕᕆᖃᑎᒋᔭᑦᑎᓐᓄᑦ ᐱᔾᔪᑕᐅᓪᓗᑎᒃ ᐅᓄᕐᓂᖅᓴᐃᑦ ᐃᓄᐃᑦ ᐱᔨᑦᑎᕋᖅᑕᕗᑦ ᐊᒃᑐᖅᑕᐅᓴᕋᐃᑦᑐᓂᒃ ᐃᓄᖕᓂᙶᖅᑐᑦ," ᓇᑖᒐᓐ ᐅᖃᓚᐅᖅᐳᖅ. ᓂᕈᐊᓚᐅᖅᑐᖅ ᑕᒪᑐᒥᖓ ᐱᔭᕆᐊᑭᑦᑐᒥᑦ ᐃᓄᖕᓂᑦ ᖃᓄᐃᓕᐅᕈᒪᓚᐅᖕᒪᑦ ᑮᓇᐅᔭᑎᒍᑦ ᐊᔭᐅᕆᔾᔪᑎᖃᙱᓪᓗᓂ ᐱᓕᕆᔪᒪᐃᓐᓇᐅᔭᖕᒪᑦ ᐃᑲᔪᕐᓗᓂ ᐃᑲᔪᖅᑐᐃᓗᓂᓗ.  

ᖁᓱᔪᓐᓃᕐᓂᖅ ᐃᑲᔪᕆᐊᒃᓴᖅ ᓇᑖᒪᒐᓐ ᐱᓕᕆᔭᕆᐊᖃᓚᐅᖅᑐᖅ ᐊᔪᕈᓐᓃᖅᓴᖅᑎᓪᓗᒍ. "ᖃᐅᔨᓚᐅᖅᑐᖓ ᐃᑲᔪᖅᑕᐅᔭᕆᐊᖃᒻᒪᕆᓚᐅᕋᒪ ᑲᔪᓯᔪᒪᓚᐅᕐᓇᖓᓗ ᖃᓄᐃᓕᐅᕐᓗᖓᓗ ᑭᓯᐊᓂ ᖃᐅᔨᒪᑦᑎᐊᓚᐅᕈᒪ ᑖᓐᓇ ᐊᖅᑯᑎᑦᑎᐊᕙᐅᓂᖓᓂᒃ ᑖᔅᓱᒧᖓ ᐃᓄᖕᒧᑦ ᐃᑲᔪᖅᑕᓐᓄᑦ," ᓇᓗᓇᐃᖅᓯᓪᓗᓂ. ᓂᐅᕕᕐᕕᖕᓂ ᐊᒻᒪ ᓂᕆᔭᖅᑐᕐᕕᖕᒥ ᐱᓕᕆᓚᐅᖅᖢᓂ, ᖃᓄᐃᓕᐅᖁᔨᑦᑎᐊᖃᑦᑕᓚᐅᖅᐳᖅ. 

"ᖃᐅᔨᓚᐅᖅᑐᖓ ᐊᖓᔪᖅᑳᑦ ᖃᓄᐃᑦᓴᕈᓐᓃᕈᓐᓇᖏᑦᑐᖅ ᐃᓕᓐᓂᑦ ᖃᓄᐃᑦᓴᖏᓐᓂᕐᒥᑦ ᑖᒃᑯᓂᖓᓕᒫᖅ ᐱᓕᕆᐊᕆᔭᓐᓂᑦ, ᐱᔾᔪᑎᒋᑦᓱᒍ ᐱᒋᐊᖅᑎᑦᓯᒋᐊᖃᕋᕕᑦ," ᑲᔪᓯᖏᓐᓇᖅᑐᖅ, ᑕᑯᑦᓴᐅᑎᑦᓯᓂᕐᒥᑦ ᐃᖏᕐᕋᓂᕆᔭᖓᓂᑦ ᐃᒻᒥᒃᑰᕈᓐᓇᓂᕐᒥᑦ. ᖃᐅᔨᓚᐅᖅᑐᖅ ᑲᒪᒋᔭᐅᔪᑦ ᑕᑯᔪᓐᓇᕐᓂᖏᓐᓂᒃ ᐊᒃᓱᕉᑎᒋᔭᕐᓂᒃ ᑲᒪᒋᓂᐊᕐᓗᒋᑦ ᐃᖢᕐᕆᓂᖅᓴᐅᓕᕐᓗᑎᒡᓗ. 

ᐱᓕᕆᓂᕆᕙᑦᑕᖓ ᐊᓯᔾᔨᖅᓯᒪᔪᒻᒪᕆᐅᕗᖅ ᐱᓪᓗᒍ ᐋᓐᓂᐊᓇᖅᑐᖃᓕᕐᓂᖅᑲᑦ, ᑮᓇᒃᑯᑦ ᐃᑲᔪᕆᐊᖃᑦᑕᓕᖅᑐᓂ ᐅᖄᓚᐅᑎᒃᑯᑦ. ᖃᐅᔨᓚᐅᖅᑐᖅ ᓱᒃᑲᓂᖓ ᓱᒃᑲᐃᓪᓕᕚᓪᓕᖅᓯᒪᓂᖓᓂᒃ ᐊᒻᒪ ᐊᒃᓱᕈᖅᑎᑕᐅᒃᑲᓐᓂᖅᖢᓂ. ᑲᔪᓯᑎᑦᑐᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᖓ, ᒥᑭᑦᑐᓂᒃ ᐱᓕᕆᐊᖃᖃᑦᑕᖅᓯᒪᕗᖅ ᐅᒃᐱᕐᓂᕆᔭᒥᓄᑦ, ᐃᓱᒪᒃᑯᑦ ᐃᓱᒪᒃᑯᓪᓗ ᖃᓄᐃᙱᑦᑐᓐᓇᕐᓂᖓᓄᑦ.

ᐊᐅᓚᑦᑎᔨᖓᓄᑦ ᐊᒻᒪ ᑐᑭᒧᐊᒃᑎᑦᑎᔨᒻᒪᕆᖓ ᐊᓴᐱ ᓵᔅᑲᑑᓐ, ᓇᑖᒪᒐᓐ ᐊᒃᓱᕈᖅᖢᓂ ᐱᓕᕆᖃᑦᑕᖅᐳᖅ ᑭᒡᒐᖅᑐᐃᓪᓗᓂᓗ ᐊᒃᑐᖅᑕᐅᓴᕋᐃᑦᑐᓂᒃ ᐃᓄᖕᓂᒃ ᐱᔨᑦᑎᕋᖅᑕᒥᓂᒃ. ᑕᖃᔪᐃᑦᑑᓪᓗᑎᒃ ᐱᓇᔪᖕᓂᖏᑦ ᐊᑦᑕᕐᓇᙱᑦᑐᒃᑯᑦ ᐱᔪᓐᓇᖅᑎᑦᑎᓯᒪᔪᑦ ᐱᑕᖃᐅᖅᑐᓂᒃ ᐊᔪᕐᓇᙱᑎᑦᑎᓪᓗᑎᒃ ᐋᓐᓂᐊᕕᓕᐊᖅᓯᒪᔪᓄᑦ. 

ᐅᑎᖅᑎᑦᑎᓂᖅ ᐱᓕᕆᔨᒻᒪᕆᐅᓂᕐᒥᒃ ᓄᓇᖃᖅᑳᖅᓯᒪᔪᓄᑦ ᐊᔾᔪᒥᓇᖅᑑᓪᓗᓂ ᓄᓇᓕᖕᒥ, ᑕᐃᓗ ᓇᑐᒪᒐᓐ ᐱᓇᔪᕐᔪᐊᖅᑐᖅ ᐃᓕᓴᕆᔭᐅᖁᓪᓗᒍ. ᐅᒃᐱᕈᓱᒃᓗᓂ ᐱᑎᑕᕐᓂᒃ, ᓇᑖᒐᓐ ᑐᓂᓯᕐᔪᐊᖅᑐᖅ ᓄᓇᓕᖕᒧᑦ ᓇᓂᔭᖓᓂ ᐃᖕᒥᓂᒃ ᕿᒪᕉᑎᓚᐅᖅᑎᓪᓗᒍ Pinehouse Lake−ᒥ ᕿᓂᖅᑎᓪᓗᒋᑦ ᐱᕕᒃᓴᓂᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.