"ᐃᓱᒪᒋᓇᔭᓚᐅᙱᑕᕋ ᐊᖅᑯᑎᒐ ᐃᓅᓯᓐᓂ ᐅᓪᓗᒥ ᐊᑐᕋᔭᓚᐅᖅᑕᕋ. ᐊᖅᑯᑎᑕᖃᕐᓂᐊᕐᒪᑦ ᐊᒻᒪ ᑲᑭᐊᖕᓂᑦ ᐊᖅᑯᑎᒃᑯᑦ. ᖃᓄᖅ ᐃᓅᓯᕐᓄᑦ ᑕᑯᒋᐊᕈᒪᕕᑦ? ᑭᓱᒥᒃ ᕿᒪᒃᓯᔪᒪᕕᑦ? ᑐᓂᕐᕈᓯᕆᔭᐃᑦ ᑐᓂᑦᑎᐊᕐᓗᒍ. ᖃᓄᐃᑦᑑᒐᓗᐊᖅᐸᑦ," ᒥᓯᔅ ᐹᓂᑕ ᓇᐅᓪ. ᐊᓪᓚᓄᑦ ᐃᓅᓚᐅᖅᓯᒪᔪᖅ ᔭᓗᓇᐃᒥ ᓄᓇᖃᓚᐅᖅᓯᒪᓪᓗᓂᓗ, ᓄᓇᑦᓯᐊᕐᒥ ᐊᕐᕌᒍᓄᑦ ᖁᓕᓄᑦ ᐃᓅᓯᕆᓚᐅᖅᑕᖓᓂ ᐋᓪᕘᑕᒥ ᐊᓈᓇᒥᓂᒃ ᐱᖃᑎᖃᖅᖢᓂ. ᐅᑎᓚᐅᖅᓯᒪᔪᖅ 35-ᓂᒃ ᐊᕐᕌᒍᓂᒃ ᐃᖅᑲᓇᐃᔮᖅᑖᖁᓪᓗᒍ ᐊᒻᒪᓗ ᐃᓚᒥᓂᒃ. 

"ᖃᓄᕐᓕ ᐃᓅᓯᕐᓄᑦ ᑕᑯᒋᐊᕈᒪᕕᑦ? ᑭᓱᒥᒃ ᕿᒪᒃᓯᔪᒪᕕᑦ? ᑐᓂᕐᕈᓯᕆᔭᐃᑦ ᑐᓂᑦᑎᐊᕐᓗᒍ. ᖃᓄᐃᑦᑑᒐᓗᐊᖅᐸᑦ."

ᐊᒻᒪᓗᑦᑕᐅᖅ ᓱᓇᒃᑯᑖᖃᖅᑎᑦᑎᕙᒃᑐᓄᑦ ᐊᐅᓚᑦᑎᔨᒻᒪᕆᐅᓪᓗᓂ ᐊᖓᔪᖅᑳᖑᓪᓗᓂᓗ ᐅᑭᐅᖅᑕᖅᑐᒥᑦ ᐱᖁᑎᖃᖅᑎᑦᑎᕙᒃᑐᓄᑦ ᑲᓇᑕᒥᑦ, ᐅᖃᓕᒫᒐᓕᐅᖅᓯᒪᖕᒥᔪᖅ ᐃᓕᓴᕆᔭᐅᓪᓗᓂᓗ ᐱᓕᕆᖃᑎᒌᖑᓪᓗᓂ ᑭᒃᑯᓕᒫᓄᑦ ᐊᑐᐊᒐᓂᑦ ᓯᓚᑦᑐᖅᓴᕐᕕᖕᒧᓪᓗ ᐱᓕᕆᐊᒃᓴᓂᑦ ᐊᐅᓚᑦᑎᓂᖕᓂᑦ. ᐊᕐᕌᒍᑦ 30 ᐅᖓᑖᓄᑦ ᐱᓕᕆᓂᑯᖃᕐᖢᓂ ᒐᕙᒪᒃᑯᓐᓄᑦ, ᑐᓴᖅᑎᑦᑎᔪᖅ ᓯᓚᑐᓂᕐᒥᓂᒃ ᖃᐅᔨᒪᔨᑕᐅᓪᓗᓂ ᒫᓐᓇ. 

ᑭᐅᖃᑦᑕᖅᑐᖅ ᐊᐱᖅᑯᑎᐅᓂᖅᐹᖑᔪᒥᑦ ᐃᖅᑲᓇᐃᔮᖓᑕ ᒥᔅᓵᓄᑦ, ᓇᓗᓇᐃᖅᓯᓪᓗᓂ, "ᑭᓱᑦ ᓱᓇᒃᑯᑖᖃᖃᑦᑕᖅᑲᑦ? ᐄ, ᑕᒪᓐᓇ ᓂᐅᕕᖃᑦᑕᕐᓂᖅ, ᐃᓗᓕᖏᑦ ᐊᒻᒪᓗ ᐊᐅᓚᓂᖏᑦ... ᐃᓯᑐᐃᓐᓇᕐᓗᑎᒃ ᐱᓕᕆᖃᑦᑕᖅᑐᑦ ᓄᓇᕐᔪᐊᕐᒥ ᐊᒻᒪ ᓄᓇᔅᓯᓐᓂ, ᖃᓄᖅ ᓂᐅᕕᕐᕕᖕᒧᐊᓲᖑᖕᒪᖔᑦᓯ."

ᐱᑖᖅᐸᓪᓕᐊᓂᖅ ᐃᖅᑲᓇᐃᔮᕆᓕᓚᐅᖅᑕᖓ ᓲᖃᐃᒻᒪ ᓯᕗᓪᓕᖅᐹᒥ ᐃᖅᑲᓇᐃᔮᖓ ᐃᖅᑲᓇᐃᔭᕐᖢᓂ ᐱᓚᒃᑐᐃᕕᖕᒥ ᐅᓪᓘᑉ ᐃᓚᐃᓐᓇᖓᓄᑦ ᐃᖅᑲᓇᐃᔮᖓᓂ ᑕᑯᒐᔪᒃᖢᓂᓗ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᑦ ᐱᖃᙱᖦᖢᑎᒃ ᐱᔭᕆᐊᖃᖅᑕᖏᓐᓂ, ᐊᑯᓂᐅᑎᒋᓂᖓᓂᒃ ᑭᖑᕙᕆᐊᖅᑎᑦᑎᓂᕐᓂᒃᓗ ᑲᒪᓂᕐᓂ. ᐊᐅᓚᑦᑎᔩᑦ ᐱᔪᒪᓂᖃᓚᐅᖅᑐᑦ ᐅᖃᐅᓯᖃᕐᓂᕐᒥᑦ ᐊᑲᐅᙱᓪᓕᐅᕈᑎᒥᑦ ᖃᐅᔨᔪᒪᓪᓗᓂᓗ, ᐋᖅᑭᒍᒪᓚᐅᖅᑐᖅ. ᓴᖅᑭᑦᑎᓚᐅᖅᑐᑦ ᐊᔾᔨᒋᙱᑕᖓᓂᑦ ᐅᓪᓘᑉ ᐃᓚᐃᓐᓇᖓᓂᑦ ᐱᓕᕆᐊᖃᖅᖢᓂ ᓂᐅᕕᕋᓱᒃᑎᓪᓗᒍ ᐱᑕᖃᙱᓐᓂᐅᔪᑦ ᐅᓚᕕᓴᕈᑕᐅᓚᐅᖅᑐᑦ ᐋᓐᓂᐊᕕᓕᐊᖅᐸᒃᑐᑦ ᖃᓄᐃᙱᑦᑎᐊᖕᓂᖏᓐᓄᑦ. 

ᑐᑭᓯᐅᒪᓂᖓ ᓘᒃᑖᑉ ᐱᔭᕆᐊᖃᖅᑕᖏᓐᓂᒃ ᐱᓕᕆᑦᑎᐊᕈᑎᒋᓚᐅᖅᐸᐅᒃ ᐃᖅᑲᓇᐃᔮᖓᓂ ᐊᒻᒪ ᖃᐅᔨᓪᓗᓂ ᐅᓪᓗᖅ ᐊᑕᐅᓯᖅ ᐋᓐᓂᐊᕕᓕᐊᖅᑐᖅ ᑲᒪᒋᔭᐅᔭᕆᐊᓕᒃ ᐃᓚᒋᔭᐅᔪᓐᓇᕐᒪᑦ 9−ᓄᑦ ᖃᑕᙳᑎᖏᓐᓄᑦ ᐊᖏᖅᓯᒪᑦᑎᐊᕐᓂᖓᓄᑦ. ᑖᓐᓇ ᓇᖕᒥᓂᖅ ᐱᓕᕆᐊᒃᓴᖅ ᐱᔪᒪᓂᕆᔭᖓ ᐊᔪᙱᓐᓂᓕᒫᖓᒍᑦ ᐱᓕᕆᑎᓪᓗᒍ ᐃᖅᑲᓇᐃᔮᖓᓂ. 

ᐅᓪᓗᒥ, ᐃᖅᑲᓇᐃᔭᖃᑦᑕᖅᑐᖅ ᐊᖏᕐᕋᒥᓂᒃ ᐊᖓᔪᖅᑳᖑᓪᓗᓂ ᑲᑐᔾᔨᖃᑎᒌᖓᓄᑦ, ᐱᓕᕆᐊᖃᖅᖢᓂ ᑲᑐᔾᔨᖃᑎᒌᖑᔫᑉ ᐊᐅᓚᑦᑎᕝᕕᒋᔭᖓᓂᒃ ᑕᐅᑐᒃᖢᓂ ᐱᐅᓯᒋᐊᕐᓂᕐᒥᒃ ᐃᓗᐊᓂ ᑮᓇᐅᔾᔭᒐᓱᐊᖅᑎᐅᙱᖦᖢᑎᒃ. ᓱᓇᒃᑯᑖᖃᖅᑎᑦᑎᕙᒃᑐᓄᑦ ᐊᐅᓚᑦᑎᔨᒻᒪᕆᐅᓪᓗᓂ ᐊᐅᓚᑦᑎᔨᒻᒪᕆᐅᕗᖅ ᑎᒃᑯᐊᖅᑕᐅᓯᒪᓪᓗᓂ ᐊᒻᒪ ᓅᓪ ᓯᕗᓪᓕᖅᐹᖑᓪᓗᓂ ᑎᒃᑯᐊᖅᑕᐅᓪᓗᓂ ᓄᓇᑦᓯᐊᒥ. 

ᐃᓚᒋᔭᐅᓪᓗᓂ ᐃᓕᓐᓂᐊᕐᓂᓕᕆᓂᕐᒧᑦ ᐊᖅᑯᑎᖓᓄᑦ, ᓅᓪ ᓈᒻᒪᒍᓱᓚᐅᖅᑐᖅ ᐱᔭᐅᔭᕆᐊᓕᖕᓂᑦ ᑎᒃᑯᐊᖅᑕᐅᓂᖓᓄᑦ ᐊᔾᔨᒌᖏᑦᑐᓄᑦ ᓯᓚᑦᑐᖅᓴᕐᕕᒡᔪᐊᓄᑦ ᑲᑐᔾᔨᖃᑎᒌᓄᓪᓗ. ᐃᓕᓐᓂᐊᓚᐅᖅᑐᖅ ᐋᑕᐹᔅᑲ ᓯᓚᑦᑐᓴᕐᕕᒡᔪᐊᖓᓂ, ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥ, ᐋᓪᐴᑕᒥ ᓯᓚᑦᑐᖅᓴᕐᕕᒡᔪᐊᖓᓂ, ᐋᓐᑎᐅᕆᐅᒥ ᓯᓚᑦᑐᖅᓴᕐᕕᒡᔪᐊᖓᓂ ᐊᒻᒪ ᑭᖑᓂᐊᒍᑦ ᐊᓂᒍᐃᓚᐅᖅᖢᓂ ᑳᓪᒐᕆ ᓯᓚᑦᑐᖅᓴᕐᕕᒡᔪᐊᕐᒥ ᑎᑎᕋᕆᐅᖅᓴᔪᓂᒃ. 

ᐅᖃᓕᒫᒐᖅ ᑎᑎᕋᓚᐅᖅᑕᖓ ᐊᓈᓇᒪ ᓕᒐᓯᖓ ᐊᒻᒪᓗ ᓴᖅᑭᓛᓕᖅᑐᓂᐅᒃ ᓂᐱᓕᐅᖅᓯᒪᔪᒃᑯᑦ. ᐱᔪᒃᓯᑎᑕᐅᓚᐅᖅᑐᖅ ᑎᑎᕋᕆᐊᒃᓴᖅ ᐊᓕᒃᔅ ᕼᐊᓕ ᐅᖃᓕᒫᒐᖓᓄᑦ, ᕉᑦᔅ. ᐊᓈᓇᖓᑕ ᐃᖏᕐᕋᓂᕆᔭᖓ ᐃᓚᖃᓚᐅᖅᐳᖅ ᓄᒃᑕᕐᓂᕐᒥᒃ ᐅᓂᒃᑳᕐᕕᒋᔪᒪᓪᓗᒍ ᒪᒥᐊᕝᕕᐅᓪᓗᓂᓗ ᐃᒥᒐᕐᒥᒃ, ᑕᐃᒪᐃᓕᐅᖃᑎᒋᓪᓗᒋᑦ ᐊᓯᖏᑦ ᐃᓚᐅᔪᑦ ᕙᑎᓴᓐᓕᐊᓚᐅᖅᑐᑦ. ᖃᑕᙳᑎᖏᑦ ᐊᕕᑎᓪᓗᒋᑦ ᓄᑕᕋᐅᑎᓪᓗᒍ, ᐊᓯᐅᓪᓗᓂ ᑭᖑᓂᐊᒍᓪᓗ ᐋᖅᑭᒃᓯᒃᑲᓐᓂᕈᒪᓕᕐᖢᓂ ᑲᑎᙵᓂᕐᒥᒃ. ᐃᓅᓯᓕᒫᒧᑦ ᖃᐅᔨᓴᕐᖢᓂ ᑕᒪᒃᑮᓂᒃ ᖃᑕᙳᑎᖏᓐᓂ ᐱᕙᒌᔭᕐᖢᓂ ᑎᑎᕋᕐᓗᓂ ᕿᒥᕐᕈᐊᒐᕐᒥᒃ ᐃᓕᓴᐃᓗᓂᓗ ᐊᓯᖏᓐᓂᒃ ᖃᐅᔨᓴᕐᓂᕐᒥᒃ ᓯᕗᓕᕕᓂᖏᓐᓂ ᐊᑯᓂᐅᔪᒃᑯᑦ ᖃᕆᑕᐅᔭᓕᕆᔾᔪᑎᑦ ᖃᕆᑕᐅᔭᒃᑯᓪᓗ ᐊᔪᕐᓇᙱᓐᓂᖅᓴᐅᑎᑦᑎᓪᓗᑎᒃ. 

ᓇᓂᓯᓇᓱᐊᖅᑐᓂ ᐃᓚᒥᓂᒃ, ᑎᑎᕋᖃᑦᑕᕋᔭᖅᑐᖅ, ᑐᒃᓯᕋᖃᑦᑕᖅᑐᓂ ᑎᑎᖅᑲᓂᒃ, ᐊᐅᓪᓚᖃᑦᑕᖅᑐᓂᒃ ᐊᒻᒪᓗ ᐊᐱᖅᓱᖅᑐᓂ ᐃᓐᓇᑐᖃᕐᓂᒃ ᐊᒻᒪᓗ ᐃᓚᖏᓐᓂᒃ. ᑕᒪᓐᓇ ᖃᐅᔨᓴᕐᓂᖅ, ᑮᓇᐅᔭᖃᖅᑎᑕᐅᓪᓗᓂ ᓇᒻᒥᓂᖅ ᑮᓇᐅᔭᒥᓂᒃ ᐊᒻᒪᓗ ᓇᒻᒥᓂᖅ, ᐃᓕᓐᓂᐊᖅᑎᓚᐅᖅᑕᖓ 6-ᒋᔭᐅᒻᒪᑦ ᐅᑭᐅᖅᑕᖅᑐᒥᐅᑕᐅᓪᓗᓂ ᐊᒻᒪᓗ ᑭᖑᕚᕆᔭᐅᓪᓗᓂ ᕗᕌᓐᓱᐊ ᕘᓕ, ᒥᐊᑦᔅ ᐊᓪᓚᖓᔪᖁᑎᖏᑕ ᓄᓇᑦᓯᐊᕐᒥ. ᐱᓇᓱᐊᕐᓂᕆᓯᒪᔭᖓ ᐱᓕᕆᖃᑎᖃᓚᐅᖅᑐᖅ ᑐᑦᓯᐊᕐᕕᓐᓂᑦ, ᓄᐊᑦᓯᓂᕐᒥᑦ ᑎᑎᕋᖅᓯᒪᔪᓂᑦ ᑕᑯᔭᒐᖃᕐᕕᓐᓂᑦ ᑎᑎᖅᑲᑐᖃᕐᓂᓪᓗ, ᓂᐅᕕᖅᑎᒃᑯᓐᓂᑦ, ᐊᒻᒪᓗ ᑭᒡᓕᓯᓂᐊᖅᑕᐅᓯᒪᔪᓂᑦ. ᑭᒃᑯᓕᒫᑦ ᑕᑯᓚᐅᖅᑐᑦ ᐱᐅᓚᐅᖅᑐᑦ ᐊᒻᒪᓗ ᐊᓈᓇᖓᑕ ᓄᓇᓕᖓᑕ ᐃᒃᓯᕋᕐᔪᐊᖓᓂ ᑕᑯᒐᒥ, ᖃᐅᔨᓕᓚᐅᖅᑐᖅ ᖃᓄᖅ ᐃᑎᑎᒋᔪᒥᒃ ᐱᒋᐊᕐᓂᖃᕐᒪᖔᑦ ᐅᑭᐅᖅᑕᖅᑐᒧᑦ ᓄᓇᒧᑦ. 

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᔪᓄᑦ ᐊᐅᓪᓚᕈᒪᓂᕐᒥᒃ ᓄᓇᒥᓂᒃ ᐃᓕᑦᑎᔪᒪᓪᓗᑎᒃ ᑲᓇᑕᐅᑉ ᓯᓚᑖᓄᑦ ᐊᐅᓪᓚᕐᓂᕐᒧᓪᓘᓐᓃᑦ ᐃᓱᒪᒋᔭᐅᑦᑎᐊᖅᐳᒃ. "ᐱᒻᒪᕆᐅᖕᒪᑦ ᐃᓅᓯᑦᑎᐊᕙᖕᒧᑦ ᐃᖏᕐᕋᑦᑎᐊᕐᓂᐊᕐᓗᓂᓗ ᐃᓅᖃᑎᖃᑦᑎᐊᕆᐊᖃᕐᓂᕐᒥᒃ ᐃᓕᖕᓂᒃ ᐊᓯᖕᓂᓪᓗ ᐊᒻᒪ ᐃᓐᓇᕐᓂᒃ ᐊᒻᒪ ᖃᑕᙳᑎᒌᓂᒃ, ᓄᓇᔅᓯᓐᓂ, ᓄᓇᒥᒃ ᐊᒻᒪ ᐅᒃᐱᕐᓂᓕᕆᓂᕐᒥᒃ, ᑭᓯᐊᓂ ᑕᒪᓐᓇ ᐃᓕᖕᓄᑦ ᑭᒡᒐᖅᑐᖅᑕᐅᖕᒪᑦ. ᑕᐃᒪᐃᓕᐅᕈᕕᑦ, ᐃᓄᑦᑎᐊᕙᐅᓪᓗᑎᓪᓗ ᐊᓂᑲᑕᒡᓗᑎᓪᓗ ᐊᓯᑎᓪᓗ ᑕᐃᒪᐃᓕᐅᖃᑎᒋᕙᒡᓗᒋᑦ, ᐊᖅᑯᑎᒋᓂᐊᖅᑕᑦ ᐃᖏᕐᕋᑦᑎᐊᕐᓂᖅᓴᐅᓂᐊᖅᐳᖅ, ᐹᓪᓗ ᒪᒃᐱᖅᓯᒪᓂᖅᓴᐅᓕᕐᓗᑎᒃ ᐃᓕᖕᓄᑦ," ᑕᐃᒪᓐᓇ ᐅᖃᖅᖢᓂ.

ᓄᓇᕐᔪᐊᕐᒧᑦ ᑎᑭᑉᐸᓪᓕᐊᑎᓪᓗᒍ, ᐊᖏᓛᖅ ᑐᓗᖅᑕᕈᑏᑦ ᐊᓂᒍᕆᐊᖃᓚᐅᖅᑕᖏᑦ ᓇᖕᒥᓂᖅ ᑲᑉᐱᐊᒋᔭᖏᑦ ᖁᓱᙱᖦᖢᑎᒃᓗ, ᐱᕙᓪᓕᐊᓂᖓ ᐱᐅᒋᔭᖓ ᓄᑕᕋᓛᒧᑦ ᐱᓱᒍᓐᓇᕐᓂᕐᒥᒃ. ᐊᑐᓕᖁᔨᖃᑦᑕᖅᐳᖅ ᐊᕙᑎᖏᓐᓂᒃ ᐱᐅᔪᓂᒃ ᐊᒻᒪ ᐃᑲᔪᖅᓱᐃᔪᓂᒃ ᐃᓄᖕᓂᒃ ᐃᑲᔪᖅᓱᐃᔪᓂᒃ ᐱᓕᕆᔨᓪᓚᕆᐅᓂᕐᒧᑦ ᐱᕈᖅᐸᓪᓕᐊᔪᓂᒃ ᖄᖏᐅᑎᖁᓪᓗᒋᑦ ᐅᒃᐱᕆᔭᖏᑦ ᑭᒡᓕᖃᖅᑎᑕᐅᔪᑦ. 

ᑐᓴᖅᑎᑦᑎᒍᓐᓇᕈᓂ ᒪᒃᑯᓐᓂᖅᓴᒧᑦ ᓇᒻᒥᓂᖅ ᓯᓚᑦᑐᓴᕐᕕᕐᔪᐊᕐᒨᖅᓴᕋᐃᓪᓗᓂ ᐅᐊᑦᑎᐊᕈᒃᑲᓐᓂᐅᙱᖔᖅᑐᖅ. ᐃᓕᑦᑎᓚᐅᖅᑐᖅ ᐅᑭᐅᖅᑕᖅᑐᒦᙶᖅᖢᓂ ᐅᑎᖅᖢᓂᓗ ᐱᕕᖃᓕᕐᖢᓂ ᐊᖏᒃᓕᒋᐊᕐᓗᒍ ᑕᐅᑐᒃᑕᖓ ᑐᑭᓯᓗᓂᓗ ᖃᓄᖅ ᐱᔭᕆᐊᖃᕐᒪᖔᑦ ᓄᓇᖃᖅᑳᖅᓯᒪᔪᑦ ᑕᐅᑐᒃᑕᖏᓐᓂ, ᒫᓐᓇ ᐱᓂᖅᓴᐅᓕᖅᑐᖅ. 

"ᓄᓇᖃᖅᑳᖅᓯᒪᔪᑦ ᐃᓱᒪᒋᔭᖏᑦ ᐱᒻᒪᕆᐊᓘᕗᑦ, ᐱᒻᒪᕆᐊᓘᓪᓗᑎᒃ ᐊᒻᒪ ᐃᑲᔫᑕᐅᔪᓐᓇᖅᖢᑎᒃ ᐊᒥᓱᓄᑦ ᐃᓅᓯᑦᑎᓐᓄᑦ ᖃᓂᑦᑐᓄᑦ ᐊᒻᒪ ᐅᖓᓯᒃᑎᒋᔪᓄᑦ. ᑕᑯᖃᑦᑕᕋᑦᑕ ᐊᒻᒪᓗ ᐃᒃᐱᒍᓱᒃᑐᑕ ᐊᔾᔨᒋᙱᑕᖓᓂᒃ ᐊᒻᒪᓗ ᐅᕙᑦᑎᓐᓂᒃ ᐱᔭᕆᐊᖃᖅᑐᑎᒃ. ᑕᒪᓐᓇ ᐃᓱᒪᒋᔭᐅᓂᖓ ᐱᑕᖃᕆᐊᖃᕐᒪᑦ ᐊᒥᓱᓂᒃ ᒫᓐᓇᐅᔪᖅ, ᑕᒪᒃᑯᐊ ᓯᓚᔾᔪᐊᓕᒫᒦᑦᑐᑦ. ᓄᓇᖃᖅᑳᖅᓯᒪᔪᑦ ᐃᓱᒪᒋᔭᖏᑦ, ᐱᔭᐅᔭᕆᐊᖃᓪᓚᕆᖕᒪᑕ ᖃᐅᔨᒪᓪᓗᖓᓗ ᐃᑲᔪᕐᓂᖓᓂᒃ," ᓅᓪ ᓇᖕᒥᓂᖃᖃᑕᐅᕗᖅ. 

ᐃᓱᒪᖓ ᖃᐅᔨᓴᖅᑕᐅᖁᓪᓗᒍ, ᓅᐅᓪ ᐊᑐᕋᓱᒃᐸᒃᑕᖓ ᐃᒃᐱᒍᓱᑦᑎᐊᕐᓂᒃᑯᑦ ᐃᖕᒥᓂᒃ ᑲᒪᒋᑦᑎᐊᕐᓂᒃᑯᑦ, ᖃᑕᙳᑎᖏᓐᓂ, ᕿᒻᒥᖏᓐᓂ, ᓄᓇᓕᖏᓐᓂᒃᓗ ᐃᓚᐅᖃᑕᐅᓂᒃᑯᑦ ᐊᑭᓕᖅᓱᖅᑕᐅᙱᓪᓗᑎᒃᓗ ᐱᓕᕆᖃᑦᑕᕐᓂᒃᑯᑦ. ᐃᒻᒥᓂᒃ ᐊᕙᓗᓯᒪᖃᑦᑕᖅᑐᖅ ᖃᓄᐃᙱᑦᑎᐊᖅᑐᓄᑦ ᐃᓄᖕᓄᑦ, ᐃᓚᐅᖃᑕᐅᕙᒃᖢᓂ ᖃᓄᐃᙱᑦᑎᐊᕐᓇᖅᑐᓂᒃ ᖃᓄᐃᓕᐅᕈᑎᓂᒃ, ᐃᑲᔪᖅᐸᒃᖢᓂᓗ ᐱᐅᔪᒃᑯᑦ ᐃᖅᑲᓇᐃᔮᖏᓐᓂ ᐊᓯᖏᑕ, ᐱᔪᒪᓕᖅᑎᑕᐅᓪᓗᓂ ᑕᐃᒃᑯᓄᖓ ᐊᒥᖅᑳᕈᑎᖃᖅᑐᓄᑦ ᑐᓐᓂᖅᑯᓯᐊᖏᓐᓂᒃ. 

ᐅᖃᐅᓯᕆᒃᑲᓐᓂᕐᓗᒍ ᓂᕆᐅᖕᓂᕆᓚᐅᖅᑕᖓ, ᐹᓂᑕ ᓅᓪ ᐅᖃᖅᐳᖅ, "ᑐᓐᓂᖅᑯᓯᐊᑎᑦ ᑐᓂᕙᒡᓗᒋᑦ. ᐊᒥᖅᑳᕈᑎᖃᕐᓗᓯ ᑐᑭᓯᐅᒪᓂᕐᒥᒃ ᓯᓚᑐᓂᕐᒥᒡᓗ, ᐃᓕᑕᕐᓂᒃ. ᑕᒪᓐᓇ ᐊᓂᒍᖅᑎᖃᑦᑕᕐᓗᒍ ᐊᓯᑎᑦ ᐃᖏᕐᕋᑦᑎᐊᕐᓂᖅᓴᐅᓂᐊᕐᒪᑕ. ᑕᐃᒪᐃᓕᐅᑦᑎᐊᕆᑦ." ᐃᓱᒪᓚᐅᖅᓯᒪᙱᑦᑐᖅ ᐃᓅᓯᕆᓚᐅᖅᑕᖓᓂ ᑎᑭᐅᑎᓇᔭᕐᓂᖓᓂᒃ, ᑭᓯᐊᓂ ᐊᐅᓚᑕᐅᓪᓗᓂ ᓇᒡᓕᖕᓂᕐᒧᑦ ᑲᒪᑦᑎᐊᕐᓂᕐᒧᓪᓗ ᖃᑕᙳᑎᖏᓐᓂᒃ, ᐋᖅᑭᒃᓯᓪᓗᓂ ᐱᖃᖅᑎᑦᑎᔨᓂᒃ ᑲᒪᓂᕐᒥᒃ ᐋᖅᑭᒃᓯᓪᓗᓂᓗ ᐱᖁᔨᕗᖔᕈᑎᓂᒃ ᑲᑎᒍᑎᓗᒋᑦ ᐃᖅᑲᓇᐃᔮᖏᓐᓂ ᐃᖅᑲᐅᒪᔾᔪᑎᖏᓐᓂᒃᓗ ᐅᐱᒋᔪᓐᓇᖅᑕᖏᓐᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.