ᑕᔅ ᒪᑲᐃ ᑕᐃᓇᔭᖅᑕᐃᑦ ᐊᔾᔪᒥᓇᑦᑎᐊᖅᑐᖅ − ᐃᓚᖓᒍᑦ ᖁᕕᐊᒋᑦᑎᐊᕐᒪᒍ ᐱᓕᕆᖃᑎᖃᕆᐊᒃᓴᖅ ᒪᒃᑯᒃᑐᓂᒃ. ᒪᑲᐃ 20-ᓂᒃ ᐅᑭᐅᓕᒃ ᐊᒻᒪᓗ ᐸᐃᓐ ᑯᕇᒃ ᓄᓇᖃᖅᑳᖅᑐᓂᑦ ᒫᓂᑑᐸᒥ, ᑭᓯᐊᓂ ᒫᓐᓇᐅᔪᖅ ᐅᐃᓂᐸᒡᒥ ᓄᓇᖃᖅᑐᖅ.

ᐃᓕᓐᓂᐊᖅᑎᐅᔪᖅ ᓯᓚᑦᑐᓴᕐᕕᔾᔪᐊᖓᓂ ᒫᓂᑑᕙᐅᑉ, ᐊᒻᒪᓗ ᒫᓐᓇᐅᔪᖅ ᐱᐊᓂᒃᓯᕙᓪᓕᐊᓕᖅᑐᖅ ᐊᕐᕌᒍ ᐱᖓᔪᒋᓕᖅᑕᖓᓂᒃ. ᒪᑲᐃ ᐱᓕᕆᖃᑎᖃᖃᑦᑕᕐᒥᔪᖅ ᐊᒥᓱᓂᒃ ᐃᓅᓱᒃᑐᓂᒃ, ᐊᒻᒪᓗ ᑕᐃᒪᐃᖃᑦᑕᖅᓯᒪᓪᓗᓂ 15-ᓂᒃ 16-ᓂᓪᓘᓐᓃᑦ ᐅᑭᐅᖃᓕᕋᒥ.

"ᐃᖅᑲᐅᒪᔪᖓ ᓯᕗᓪᓕᖅᐹᒥ ᐊᓇᐅᓯᑲᑕᒋᐊᙵᓚᐅᖅᓯᒪᓪᓗᖓ ᓄᑕᖅᑲᓄᑦ ᐊᐅᓪᓛᖅᓯᒪᑎᓪᓗᒋᑦ ᓄᓇᒪ ᖃᓂᒋᔮᓂ. ᑖᓐᓇ ᓯᕗᓪᓕᖅᐹᕆᓚᐅᖅᑕᕋ ᐱᓕᕆᖃᑎᖃᕐᓗᖓ ᒪᒃᑯᒃᑐᓂᑦ ᐊᒻᒪᓗ ᑐᓐᓂᖅᑯᓯᐊᓂᑦ ᐱᓪᓗᖓ ᐱᓕᕆᖃᑎᖃᕐᓂᕐᒥᑦ ᒪᒃᑯᒃᑐᓂᑦ," ᐅᖃᖅᑐᖅ ᒪᑲᐃ.

ᐊᖏᔪᖅ ᐱᔪᒪᓂᕆᔭᖓ ᓯᓚᑦᑐᖅᓴᕐᕕᒡᔪᐊᓕᐊᕈᒪᑎᓪᓗᒍ ᑕᑯᓪᓗᓂ ᐊᖓᔪᖓ ᐱᔭᕇᖅᓯᓚᐅᖅᑐᖅ U M−ᒥᑦ ᑕᒪᒃᑮᓄᑦ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᑮᓇᐅᔭᓕᕆᓂᕐᒧᑦ ᐱᔭᕇᕈᓯᐊᕐᒥᑦ ᐊᒻᒪ ᒪᓕᒐᓕᕆᓂᕐᒧᑦ ᐱᔭᕇᕈᓯᐊᕐᒥᑦ.

ᐅᖃᖅᑐᓂ ᑕᑯᓐᓇᕆᐊᖅᑐᖅᑐᓂ ᐊᓂᒥᓂᒃ ᐱᕈᖅᓴᑎᓪᓗᒍ ᐃᓕᓐᓂᐊᕐᕕᒃᑯᑦ, ᐊᒻᒪᓗ ᑕᒪᓐᓇ "ᐃᒪᐃᑐᐃᓐᓇᕆᐊᖃᖅᑐᖅ" ᑕᐃᒪᐃᒻᒪᑦ ᑕᕝᕗᖓᑦᓴᐃᓐᓇᖅ ᐃᓕᓐᓂᐊᕐᕕᒻᒨᕈᒪᓚᐅᖅᑐᖅ ᐊᓂᖓ ᕿᒥᕐᕈᓚᐅᕋᓗᐊᖅᑎᓪᓗᒍ ᐊᓯᖏᓐᓂᒃ ᐃᓕᓐᓂᐊᕐᕕᐅᔪᓂᒃ.

"ᐊᖏᕐᕋᒧᑦ ᖃᓂᑦᑑᖕᒪᑦ ᖃᐅᔨᒪᓪᓗᖓᓗ ᐊᓯᖏᑦ ᐃᓄᐃᑦ ᐊᒥᐊᓕᒐᓕᐊᓚᐅᖅᑐᑦ M−ᒧᑦ ᑲᔪᓯᑎᑦᑎᔪᒪᓚᐅᖅᖢᖓᓗ ᕿᒪᒃᑕᕕᓂᕐᒥᓂᒃ ᑎᑎᕋᖅᖢᑎᒡᓗ ᓇᖕᒥᓂᖅ ᐅᓂᒃᑳᓐᓂᒃ," ᐅᖃᓚᐅᖅᐳᖅ ᒪᑲᐃ.

ᒫᓐᓇ ᐱᖓᔪᖓᓐᓂ ᐊᕐᕌᒍᒦᓕᖅᑐᖅ ᓴᓇᕈᓘᔭᕐᓂᕐᒧᑦ, ᐅᖃᖅᖢᓂᓗ ᐃᓱᒪᓂᕋᖅᖢᓂ ᓇᖕᒥᓂᖃᕐᓂᕐᒧᑦ ᐃᓕᓴᕆᔭᐅᔾᔪᑎᑖᕈᒪᓂᕋᖅᖢᓂ ᐊᒻᒪ ᓇᖕᒥᓂᖅ ᐱᓕᕆᕝᕕᖃᕐᓂᕐᒧᑦ ᐃᓕᓐᓂᐊᖃᑕᐅᔪᒪᓂᕋᖅᖢᓂ.

ᑭᓯᐊᓂ ᐃᓱᒪᒃᓴᖅᓯᐅᕈᑎᒋᓚᐅᖅᑐᒋᑦ ᐊᒻᒪᓗ ᕿᒥᕐᕈᓚᐅᖅᑐᒋᑦ ᐊᔾᔨᒌᙱᑦᑐᓂᒃ ᖃᐅᔨᓴᕐᓂᐅᔪᓂᒃ, ᐅᖃᓚᐅᖅᑐᖅ ᓇᓂᓯᓯᒪᔭᕇᕐᓂᕋᖅᑐᓂ ᐊᖏᕐᕋᒥᓂᒃ ᓇᒦᓕᕇᕐᒪᖔᖅ.

ᖃᐅᔨᒪᒐᓗᐊᖅᑐᓂ ᖃᓄᐃᓕᐅᕈᒪᓂᕐᒥᓂᒃ ᒫᓐᓇᐅᔪᖅ, ᐱᔭᕆᐊᑭᑦᑐᑯᓘᖃᑦᑕᓚᐅᖏᒻᒪᑦ ᐊᒻᒪᓗ ᐊᐳᖅᑕᕈᑎᖃᖃᑦᑕᓚᐅᕐᒪᑦ ᐱᖃᓯᐅᑎᓪᓗᒋᑦ ᐋᖅᑭᒋᐊᖅᑕᐅᓂᖏᑦ ᐃᓕᓐᓂᐊᕐᕕᐊᓗᒻᒥᒃ ᐃᓕᓐᓂᐊᕐᕕᔾᔪᐊᒧᑦ.

"ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᑦᑎᓲᖑᕗᑎᑦ ᐱᕐᔪᐊᓂᒃ ᐃᓅᓯᕐᒧᑦ ᐊᔪᖅᑕᐅᙱᑦᑐᓂᒃ ᐊᒻᒪ ᑕᐃᒃᑯᐊ ᐃᓅᓯᕐᒥ ᐊᔪᙱᑕᑎᑦ ᐱᕙᒌᔭᕆᐊᖃᖅᑕᑎᑦ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐃᓕᓐᓂᐊᕌᓂᒃᑳᖓᑕ. ᑕᒪᓐᓇ ᐱᒻᒪᕆᐅᕗᖅ ᐃᖅᑲᐅᒪᓗᒍ ᑎᑭᑉᐸᓪᓕᐊᑎᓪᓗᑎᑦ, ᐱᓗᐊᖅᑐᒥᑦ ᓯᓚᑦᑐᓴᕐᕕᕐᔪᐊᕐᒨᕈᕕᑦ," ᐅᖃᖅᑐᖅ ᒪᑲᐃ.

ᐅᖃᖅᑐᓂ ᐃᓕᒍᓐᓇᕐᓂᕋᖅᑐᓂ 15-ᓂᒃ 16-ᓂᓪᓘᓐᓃᑦ, ᐊᖓᔪᖅᑳᖏᑦ ᓅᒻᒪᑕ ᓄᓇᓕᖓᓐᓄᑦ ᑖᕕᓐᒥᑦ ᐊᒻᒪᓗ ᐃᓱᒪᓕᐅᖅᑐᓂ ᐅᐃᓂᐸᒡᒧᑦ.

"ᐊᖏᔪᒧᑦ ᐃᓕᓐᓂᐊᕐᕕᖕᒧᐊᕈᕕᑦ ᐅᕝᕙᓘᓐᓃᑦ ᓄᓇᓕᐸᐅᔭᕐᒧᑦ, ᖃᓄᐃᑦᑑᒐᓗᐊᖅᐸᑦ, ᓇᖕᒥᓂᖅ ᐅᖃᕆᐊᖃᖃᑦᑕᕐᓂᐊᖅᐳᑎᑦ, 'ᐊᑏ, ᑖᓐᓇ ᑕᕝᕙ ᑎᑭᓚᐅᖅᑕᕋ, ᑕᐃᒪᐃᓕᐅᕋᓱᒃᑲᒪ, ᐅᑎᔾᔮᓇᖓᓗ ᑭᓯᐊᓂ ᐊᓂᒍᒃᑯᒃᑯ," ᐅᖃᖅᑐᖅ ᒪᑲᐃ.

ᐅᖃᕆᓪᓗᓂᓗ ᐃᓕᓐᓂᐊᖅᑎᓄᑦ ᐃᓱᒪᔪᑦ ᐊᐅᓪᓚᕈᒪᓪᓗᑎᒃ ᓄᓇᓕᖏᓐᓂ ᐃᓕᓐᓂᐊᕆᐊᕐᓗᑎᒃ, ᐃᖅᑲᓇᐃᔭᕐᓗᑎᒃ, ᖃᓄᑐᐃᓐᓇᕐᓘᓐᓃᑦ ᐱᔪᒪᔭᖏᓐᓂ, ᑕᐃᒪᐃᑐᐃᓐᓇᕈᓐᓇᖅᑐᑦ: ᖃᓄᑐᐃᓐᓇᖅ ᐱᔪᒪᔭᖏᓐᓂ.

ᐅᖃᖅᑐᓂ ᓯᓚᑦᑐᓴᕐᕕᔾᔪᐊᖅ ᓇᓖᕌᕋᔅᓴᑑᙱᒻᒪᑦ ᑕᖅᑳᓂ, ᐊᒻᒪᓗ ᓂᕈᐊᖅᑐᓂ ᐊᖏᔪᖅᑳᖏᑦ "ᑎᑎᕋᐅᔭᓚᐅᕐᒪᑕ" ᑕᕝᕗᖓ ᐊᒻᒪᓗ ᑕᕝᕗᖓ ᑎᑭᐅᑎᓪᓗᓂ.

"ᐃᓱᒪᖅᓱᑦᑎᐊᖅᐳᑎᑦ ᖃᓄᐃᓕᐅᕈᒪᖕᒪᖔᖅᐱᑦ ᑕᒪᐅᙵᕈᕕᑦ. ᐊᒥᓲᖕᒪᑕ ᓇᓖᕌᒐᒃᓴᑦ ᑭᓱᑐᐃᓐᓇᐃᓪᓗ ᑎᑭᑕᒃᓴᐅᓪᓗᑎᒃ," ᐅᖃᖅᑐᕕᓂᖅ ᒪᑲᐃ.

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ.