ᓄᓇᖅᐸᓯᒃᑐᒥ ᑭᑭᓐᓄᔅᕗᐃ ᒪᒃᑯᒃᑑᑐᐃᓐᓇᕆᐊᓕᒃ, ᑭᓯᐊᓂ ᑕᐅᑐᒍᒪᓕᕇᖅᑐᖅ ᓯᕗᓂᒃᓴᑦᑎᓐᓂ.

Kicknosway Cree ᐊᒻᒪ Potawatami Walpole Island-ᒥᙶᖅᑐᖅ ᐋᓐᑎᐅᕆᐅᒥ, ᑭᓯᐊᓂ ᒫᓐᓇ ᐋᑐᕚᒥ ᓄᓇᖃᖅᑐᖅ, ᐋᓐᑎᐅᕆᐅᒥ.

17-ᓂᒃ ᐅᑭᐅᓕᒃ ᐊᒻᒪᓗ ᒫᓐᓇᐅᔪᖅ ᐃᓕᓐᓂᐊᕐᕕᐊᓗᒻᒦᑦᑐᖅ, ᑭᓯᐊᓂ ᐸᕐᓇᓯᒪᔪᖅ ᖃᓄᐃᓕᐅᕈᒪᒻᒪᖔᕐᒥᓂᒃ ᐃᓕᓐᓂᐊᑲᓐᓂᓕᕈᓂ.

"ᐃᓚᖏᑦ ᑐᓴᕈᒪᓇᔭᖅᑕᒃᑲ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᒃᓴᖏᑦ, ᑭᓯᐊᓂ ᑕᒪᐃᑎᒍᑦ, ᐃᓕᓐᓂᐊᕐᓂᖅ ᐱᒻᒪᕆᐅᓇᓱᒋᔭᕋ, ᐅᐊᓕᓂᖅᐸᓯᖕᒥᑐᐊᖑᙱᑦᑐᖅ, ᐃᓕᓐᓂᐊᖅᑎᑦᑎᓂᖅᓴᐅᓲᑦ ᐃᓕᔅᓯᓐᓂᒃ ᐃᓕᓐᓂᐊᕐᕕᖕᒥ, ᑭᓯᐊᓂᑦᑕᐅᖅ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᑦᑎᓲᖑᒋᓪᓗᑎᒃ," ᑭᑯᓅᔅᕙᐃ ᐅᖃᖅᑐᖅ.

"ᑕᒪᕐᒥᑦᑎᐊᖅ ᑖᒃᑯᐊᒃ ᑲᑎᑉᐸᒃᑎᒍᑦ, ᐱᐅᔪᐊᓘᓇᓱᒋᔭᕋ. ᑕᒪᓐᓇ ᕿᒥᕐᕈᓪᓚᕆᑦᑕᕋ."

ᓱᓕ ᓅᓚᐅᙱᒃᑲᓗᐊᖅᑎᓪᓗᒍ ᐃᓕᓐᓂᐊᕐᕕᕐᔪᐊᕐᒥᑦ ᓯᓚᑦᑐᓴᕐᕕᕐᔪᐊᕐᒧᑦ, ᓱᓕ ᐅᖃᐅᔾᔨᒋᐊᕈᓐᓇᖅᐳᖅ ᓇᒻᒥᓂᖅ ᑐᓂᓯᖁᓪᓗᒍ, ᖃᐅᔨᒪᒋᐊᖃᖅᑐᓂᓗ ᖃᓄᑐᐃᓐᓇᖅ ᐱᓕᕆᐊᖃᕋᓗᐊᕈᓂ ᐱᐅᒻᒪᑦ.

"ᓇᖕᒥᓂᖅ ᐃᓕᓐᓂᐊᑐᐃᓐᓇᙱᑦᑐᖓ ᐃᓕᓐᓂᐊᕐᓗᖓᓗ, ᑭᓯᐊᓂᑦᑕᐅᖅ ᐱᕕᖃᕐᓂᓐᓄᑦ ᐃᓕᑦᑎᔪᓐᓇᕐᓂᓕᒫᓐᓂᑦ. ᐊᓱᐃᓛᒃ ᐃᓕᓐᓂᐊᖅᑎᑦᑐᓐᓇᖅᑕᒃᑲ ᐊᓯᒃᑲ ᐃᓚᖏᑦ ᐃᓕᑦᑐᓐᓇᓚᐅᖅᑕᒃᑲ ᓯᓚᑦᑐᖅᓴᕐᕕᖕᒥ," ᐅᖃᖅᑐᖅ ᑭᒃᓅᔅᕗᐃ.

ᐅᖃᕆᓪᓗᓂᓗ, ᖃᐅᔨᒪᔪᖅ ᓯᕗᓕᕆᓚᐅᖅᑕᖏᑦ ᑕᐃᑲᓃᓐᓂᐊᕆᐊᖏᑦ ᑕᓯᐅᖅᑎᐅᓗᑎᒃ ᐅᐊᓕᓂᕐᒥᐅᑎᒍᑦ ᐊᒻᒪᓗ ᐃᓄᐃᑦ ᐱᐅᓯᖏᑎᒍᑦ ᐃᓕᓐᓂᐊᓂᒃᑯᑦ ᓱᓕ ᒪᑭᒪᑎᑦᓯᑎᓪᓗᒋᑦ ᐱᖅᑯᓯᑐᖃᕐᓂᒃ.

"ᑕᐃᒪᓕ ᑲᔪᓯᑎᑦᑎᔪᓐᓇᖅᐳᖓ ᑕᒪᐃᓐᓂᒃ ᑕᐃᒪᐃᑦᑐᓂᒃ ᐃᓕᑦᑎᕙᓪᓕᐊᓂᕐᒥᒃ ᓯᕗᒻᒧᐊᖅᐸᓪᓕᐊᓕᕐᓗᖓᓗ, ᐃᓕᑦᑎᕙᓪᓕᐊᓂᕐᒥᒃ ᖃᓄᖅ ᐃᓕᓐᓂᐊᖅᑎᑦᑎᔪᓐᓇᕐᓂᕐᒥᒃ ᐊᓯᒥᓂᒃ ᐱᔪᒃᓯᑎᑦᑎᓗᓂᓗ ᐊᓯᒥᓂᒃ ᐊᑕᐅᑦᑎᒃᑯᑦ," ᑕᐃᒪᓐᓇ Kicknosway−ᒋᔭᐅᔪᖅ ᐅᖃᖅᖢᓂ.

ᐊᓯᒥᑎᒍᑦ ᐱᔪᒪᓕᖅᑎᑦᑎᓂᕐᒧᑦ, Kickosway-ᑯᑦ ᑕᐃᒪᐃᓕᐅᓕᕇᖅᑐᑦ. ᑐᓂᔭᐅᓚᐅᖅᑐᖅ ᐃᓕᖅᑯᓯᓕᕆᔨᒃᑯᓐᓄᑦ, ᐃᑦᑕᕐᓂᓴᓕᕆᔨᒃᑯᓐᓄᑦ, ᐊᒻᒪᓗ ᐅᑉᐱᕐᓂᕐᒧᑦ ᐃᓕᑕᕆᔭᐅᔾᔪᒻᒥᑦ Indspire-ᑯᓐᓂᑦ, ᐊᒻᒪᓗ ᒪᒃᑯᓛᖑᓪᓗᓂ ᑐᓂᔭᐅᓪᓗᓂ.

ᑭᑭᓅᔅᕙᐃ ᐅᖃᖅᐳᖅ ᐅᐱᒍᓱᑦᑎᐊᕐᓂᕋᖅᖢᓂ ᑕᐃᒎᓯᖅᑖᕈᓐᓇᓚᐅᕐᒪᑦ, ᐊᒻᒪ ᐱᙳᐊᖅᑎᓕᒫᑦ ᐃᓕᑕᕆᔭᐅᔾᔪᑎᑖᖅᑎᑦᑎᓚᐅᖅᑐᑦ ᐃᓄᐃᑦ ᐃᓅᓯᖏᑦ ᐱᐅᓯᕚᓪᓕᖁᓪᓗᒋᑦ "ᐊᓕᐊᓇᑦᑎᐊᖅᑐᖅ."

"Indspire-ᑯᑦ ᑐᓐᓂᖅᑯᓯᐊᖅᑐᑦ, ᐊᓕᐊᓇᐃᑦᑎᐊᓚᐅᖅᑐᖅ. ᐊᒻᒪᓗ ᑐᓂᔭᐅᒐᒪ ᐃᓕᑕᕆᔭᐅᔾᔪᑎᓐᓂᒃ, ᐅᐊᓂᐸᐃᒡᒦᓚᐅᖅᑐᒍᑦ ᐊᒻᒪᓗ ᖁᕕᐊᓇᒻᒪᕆᓚᐅᖅᑐᖅ ᑲᑎᑦᑕᐃᓐᓇᕆᓪᓗᒋᑦ ᑐᓂᔭᐅᔪᓕᒫᑦ, ᓂᑲᒍᓱᓐᓂᓕᒫᑦ ᐊᒻᒪᓗ ᑕᒪᓐᓇ ᖁᕕᐊᓇᒻᒪᕆᓚᐅᖅᑐᖅ ᐊᒻᒪᓗ ᐃᓘᓇᑎᒃ ᐃᑉᐱᓐᓂᐊᓂᖃᖁᓇᖅᐳᑦ ᖃᓄᖅ ᐃᑉᐱᓐᓂᐊᓂᖃᒻᒪᖔᕐᒪ ᐅᓪᓘᒃ ᒪᕐᕉᒃ ᐃᓗᐊᓂ."

ᑭᑭᓅᔅᕙᐃ ᐊᑯᓂᑲᓪᓚᕈᓗᒃ ᐱᔭᕇᖅᓯᒪᓕᕋᓗᐊᖅᑎᓪᓗᒍ, ᐊᐳᖅᑕᕈᑎᖃᖃᑦᑕᖅᓯᒪᒻᒥᔪᖅ ᓱᕈᓯᐅᓂᕐᒥᓂᒃ ᐱᖃᓐᓇᕆᔭᒥᓂᒃ ᐊᓯᐅᔨᓪᓗᓂ ᐊᖏᔪᐊᓗᒻᒥᒃ.

"ᐊᒃᓱᕈᕐᓇᖅᑐᒻᒪᕆᐅᓚᐅᖅᐳᖅ ᐅᕙᓐᓄᑦ, ᑕᐃᔅᓱᒪᓂ ᓅᑉᐸᓪᓕᐊᓕᓚᐅᕋᒪ ᕿᑎᐊᓂ ᐃᓕᓐᓂᐊᕐᕕᖕᒥ ᐊᖓᔪᒃᖡᑦ ᐃᓕᓐᓂᐊᕐᕕᖓᓄᑦ. ᐊᒻᒪᓗ ᐃᓕᑉᐹᓕᖅᓯᒪᔪᒻᒪᕆᐅᓪᓗᑎᒃ, ᐊᖏᕐᕋᒥᒃ ᐃᓕᓐᓂᐊᕈᑎᖏᑦ ᐱᒡᒐᓇᖅᓯᕙᓪᓕᐊᑐᐃᓐᓇᕐᖓᑕ... ᐅᕙᓐᓄᑦ, ᐅᕙᓐᓄᑦ ᐅᓄᖅᑐᐊᓘᓚᐅᖅᑐᖅ," ᐅᖃᖅᑐᖅ ᑭᒃᓄᔅᕗᐃ.

ᐅᖃᕐᖢᓂ ᐊᓂᒍᖅᑎᖦᖢᓂᐅᒃ ᑐᓗᕈᑎᐅᔪᖅ ᐃᓕᓴᕆᔭᕆᐊᖃᓚᐅᖅᑕᖓ ᐱᖃᓐᓇᕆᔭᖏᑕ ᐃᓅᓯᖓᓂ ᖁᔭᓕᓗᓂᓗ ᐱᖃᑎᒋᓚᐅᖅᑖᓄᑦ, ᐅᓪᓗᒥ ᓱᓕ ᑕᐃᒪᐃᖦᖢᓂ ᐱᓕᕆᓂᐊᕐᖢᓂᓗ "ᖃᖓᓕᒫᖅ."

"ᐃᓕᑦᑎᓯᒪᕐᔪᐊᖅᑐᖅ ᐅᕙᓐᓂᒃ ᖃᓄᖅ ᖁᔭᓕᔭᕆᐊᖃᕐᓂᑦᑎᓐᓂᒃ ᐃᓅᓯᑦᑎᓐᓂᒃ. ᑕᐃᒪᐃᒻᒪᑦ ᖃᓄᐃᓕᐅᖅᑕᓕᒫᒃᑲ ᐅᐱᒋᔪᒪᑐᐃᓐᓇᖅᑕᒃᑲ."

ᓄᓇᖅᐸᓯᒃ ᓯᕗᓕᖅᑎᐅᓕᕐᒥᔪᖅ ᐊᑐᖅᖢᓂ TikTok−ᒥᒃ ᐊᒥᖅᑳᖃᑎᖃᖅᖢᓂ ᒧᒥᕐᓂᕆᕙᒃᑕᒥᓂᒃ, ᐃᓕᖅᑯᓯᑐᖃᕐᓂᒃ ᑭᒡᒐᖅᑐᐃᓂᕐᒥᒡᓗ ᓄᓇᕐᔪᐊᕐᒥᐅᓄᑦ, 380,000 ᐅᖓᑖᓃᑦᑐᓂᒃ ᒪᓕᒃᑎᓂᒃ ᐊᒻᒪᓗ 9 ᒥᓕᐊᓐ−ᓂᒃ ᐱᐅᒋᔭᖃᖅᐳᖅ ᐃᓱᒪᑐᔪᓂᒃ ᑕᕐᕆᔭᒐᒃᓴᖁᑎᒥᓂᒃ!

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.