"ᑕᒪᕐᒥᑦᑎᐊᖅ ᐱᓕᕆᕙᒃᑲ ᓱᕈᐃᔭᐃᔾᔪᑎᒃᑯᑦ ᐋᖅᑭᒋᐊᕈᑎᒃᑯᑦ," ᑭᒃᑯᑐᐃᓐᓇᓄᑦ ᐅᖃᖅᑎᐅᖃᑕᐅᕗᖅ ᐊᒻᒪ ᐃᓕᓴᐃᔨ ᑎᒻ ᐅ'ᓗᐃᓐ. ᓄᓇᖃᖅᑳᖅᓯᒪᔫᓪᓗᓂ, ᓵᑐᒦᖦᖢᓂ ᓄᓇᑦᓯᐊᕐᒥ. ᐊᑖᑕᑦᓯᐊᖓ ᓅᑦᓯᓚᐅᖅᑐᖅ ᐃᓚᒥᓐᓂᒃ ᔨᐊᓗᓇᐃᒧᑦ ᕿᑐᕐᖓᖏᑦ ᐃᓕᓐᓂᐊᕆᐊᕈᓐᓇᖁᓪᓗᒋᑦ, ᐊᐅᓪᓚᖅᑎᑕᐅᑐᐃᓐᓇᖅᓱᑎᒃ ᐃᓕᓐᓂᐊᕆᐊᖅᑎᑕᐅᑐᐃᓐᓇᖅᓱᑎᒃ. ᐅ'ᑐᐊᖅᑑᑉ ᐊᓈᓇᖓ ᕿᑐᕐᖓᒃᓴᖃᓕᕐᖢᓂ ᓄᑕᕋᖓᓂᒃ, ᐊᓱᐃᓛᒃ ᑎᒍᐊᖅᑖᕆᔭᐅᓪᓗᓂ ᓄᓇᖃᖅᑳᖅᓯᒪᙱᑦᑐᓄᑦ ᖃᑕᙳᑎᒌᓄᑦ ᐃᓚᒋᔭᐅᓪᓗᓂ 60−ᖏᓐᓂ ᓯᑰᑉ. 17-ᖑᓕᕋᒥ ᐅᓇᑕᖅᑐᒃᓴᓄᑦ ᐃᓚᒋᔭᐅᓕᓚᐅᖅᓯᒪᔪᖅ ᐊᕐᕌᒍᓄᑦ ᖁᓕᓄᑦ. 

ᐊᒃᓱᕈᐊᓪᓚᓚᐅᖅᖢᓂ ᐅᕕᓂᖃᑎᒋᙱᑕᒥᓂᒃ, ᐅᓇᑕᖅᑐᒃᓴᓂᒃ ᕿᒪᐃᓚᐅᖅᐳᖅ. ᐱᕈᖅᓴᓪᓗᓂ, ᐅ'ᓗᐊᓐ ᐱᕈᖅᓴᔭᐅᓚᐅᖅᑐᖅ ᐊᑖᑕᒥᓄᑦ ᐅᒃᐱᕈᓱᒃᖢᓂ ᓯᓚᑐᓗᐊᙱᓐᓂᖓᓂᒃ. ᖁᑦᑎᓐᓂᖃᓚᐅᓐᖏᒻᒪᑦ ᐃᓕᓐᓂᐊᕐᕕᕐᔪᐊᕐᒥᑦ, ᑭᓯᐊᓂ ᐃᓅᔪᓐᓃᖅᑐᒥᓂᐅᑎᓪᓗᒍ, ᑎᒍᐊᖅᑎᖓ ᐊᓈᓇᖓ ᐊᐱᕆᓚᐅᖅᐳᖅ ᐊᐅᓪᓚᕐᓂᕐᒪᖔᖅ ᐅᓇᓕᔅᓴᒃᑯᑦ ᓯᓚᑦᑐᓴᕐᕕᕐᔪᐊᕐᒨᕋᔭᕐᓂᕋᖅᑐᓂ. ᐃᓕᓐᓂᐊᖅᓯᒪᒐᓗᐊᖅᑐᓂ, ᐊᖏᖅᑕᐅᓚᐅᖅᑐᖅ ᓯᓚᑦᑐᓴᕐᕕᕐᔪᐊᕐᒧᑦ ᐃᓐᓇᐅᓗᓂ ᐃᓕᓐᓂᐊᖅᑎᐅᓪᓗᓂ ᐋᑐᐋᒥ. 

ᓯᓚᑦᑐᖅᓴᕐᕕᒡᔪᐊᕐᒥ, ᒪᒃᑯᒃᑐᓂᒃ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖅᑎᓂᒃ ᐱᖃᑎᖃᓚᐅᖅᐳᖅ. ᓯᕗᓪᓕᖅᐹᓂ ᑎᓴᒪᓂᒃ ᐸᐃᑉᐹᓂᒃ ᑲᔪᓯᓐᓂᖏᒻᒪᑦ ᑎᑎᕋᒡᒐᓚᐅᕐᒪᑦ ᐊᒻᒪᓗ ᐊᕐᕌᒍᓄᑦ ᑎᓴᒪᓄᑦ ᐱᔭᕇᕋᓱᐊᓚᐅᖅᑐᖅ ᐊᕐᕌᒍᓄᑦ ᐱᖓᓱᓄᑦ. ᑭᖑᓂᐊᒍᑦ, ᐊᑦᑕᖓ ᑎᓕᐅᕆᓪᓗᓂ ᐅᑎᕐᓗᓂ ᐊᖏᕐᕋᒧᑦ ᔭᓗᓇᐃᒧᑦ ᑲᑎᖃᑎᖃᕐᓗᓂ ᐊᑖᑕᑦᑎᐊᖓᓂᒃ ᑕᐃᑯᖓᓗ ᓅᖦᖢᓂ, ᖃᑕᙳᑎᒥᓂᒃ ᐱᖃᑎᖃᕐᓗᓂ, ᑲᑎᑎᑕᐅᓗᓂ, ᕿᑐᕐᖓᖃᓕᕐᓗᓂ ᐅᑎᕐᓗᓂ ᐋᑐᕚᒧᑦ ᐱᔭᕇᖅᓯᓗᓂ ᐃᓕᓐᓂᐊᕌᓂᒍᓯᐊᕐᒥᒃ. 

ᐱᔭᕇᕋᒥ, ᖃᐃᖁᔭᐅᓚᐅᖅᑐᖅ ᐅᖃᐅᔾᔨᒋᐊᖅᑎᐅᓂᕐᒧᑦ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᑲᒥᓴᓐᑯᓐᓄᑦ ᐊᒻᒪᓗ ᐅᖃᐅᔾᔨᓪᓗᓂ ᒪᓕᒐᓕᐅᖅᑎ ᒨᕆ ᓯᖕᑭᓕᐅᕐ, ᑕᐃᒪᐃᓚᐅᖅᑐᖅ ᐊᕐᕌᒍᓄᑦ ᑕᓪᓕᒪᓄᑦ. ᐅᓂᒃᑳᖅᑕᐅᔪᑦ ᐅᖁᒪᐃᓐᓂᖏᑦ ᑐᓴᓚᐅᖅᑕᖏᑦ ᐊᒃᓱᕉᑎᖃᓕᓚᐅᖅᐳᖅ ᓇᖕᒥᓂᖅ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᕐᒥᒃ, PTSD−ᒥᒃ ᖃᐅᔨᓴᖅᑕᐅᓪᓗᓂ, ᓱᓕ ᐊᒃᓱᕈᕈᑎᒋᖃᑦᑕᖅᑕᖓ ᐊᒻᒪ ᒪᒥᓴᖅᑕᐅᓪᓗᓂ. 

"ᐊᓂᒍᐃᔪᓐᓇᑦᑎᐊᕐᓂᖏᑦ ᐃᓄᐃᑦ ᐊᑐᑐᐃᓐᓇᕐᖢᑎᒃ ᐊᑐᓵᖅᑕᒥᓂᒃ ᑭᓯᐊᓂ ᐃᒡᓗᖔᖓᓂᙶᕐᖢᑎᒃ, ᓴᙱᓂᖃᕐᔪᐊᕐᖢᓂ ᐱᔪᒪᓕᖅᑎᑦᑎᓪᓗᓂᓗ ᐅᕙᓐᓄᑦ." 

ᐅᓪᓗᓕᒫᖅ ᐃᖅᑲᓇᐃᔭᕈᓐᓇᐃᓪᓕᓗᓂ ᖁᐊᖅᓵᖅᓯᒪᓂᕐᒥᑦ ᐊᒻᒪ ᐃᓱᒪᖓᒍᑦ ᖃᓄᐃᔾᔪᑎᖃᓕᓚᐅᖅᑎᓪᓗᒍ, O'loan ᑎᒥᒥᒍᑦ ᐊᔪᕈᑎᖃᓕᓚᐅᖅᑐᖅ. ᐅᑎᕋᓱᓚᐅᕋᓗᐊᖅᖢᓂ ᑲᔪᓯᑦᑎᐊᙱᖦᖢᓂ ᑭᓯᐊᓂ ᐃᓱᒪᑦᑎᐊᕈᓐᓇᙱᖦᖢᓂ ᐅᓪᓗᓕᒫᖅ ᐃᖅᑲᓇᐃᔭᕆᐊᒃᓴᖅ. ᐅᓂᒃᑳᖃᑦᑕᓕᓚᐅᖅᑐᖅ ᐃᓚᐅᓕᕐᖢᓂᓗ ᐱᑎᑦᑎᓪᓗᓂ ᐃᓗᓕᖏᓐᓂᒃ ᐊᒃᑐᐊᓂᓕᖕᓄᑦ ᐅᑭᐅᖅᑕᖅᑐᒥ ᐱᓕᕆᐊᒃᓴᓄᑦ ᐅᖃᓪᓚᒃᖢᓂᓗ ᐃᓚᐅᖃᑕᐅᓂᕐᓂ ᐋᖅᑭᒋᐊᕈᑎᓄᑦ ᑐᙵᕕᒋᓪᓗᒍ ᐊᑐᕐᓂᑯᖏᑦ ᐊᓐᓇᒃᓯᒪᔪᓄᑦ ᓱᓕᔪᒥᒃᓗ ᐋᕿᒋᐊᕈᑎᖃᕐᓂᕐᒧᓪᓗ ᐱᕙᓪᓕᐊᓂᖓᓂ.

"ᐊᒃᓱᕈᕐᓇᖅᑐᒃᑰᕐᔪᐊᓚᐅᖅᑐᖓ. ᐊᒻᒪ ᖁᐊᖅᓵᖅᓯᒪᓂᕈᑦ ᐃᓕᓐᓄᑦ ᐊᑕᔪᖅ."

ᒪᒥᓴᖅᑕᐅᓂᕐᒥ, ᐃᓕᑦᑎᓪᓗᓂ ᑲᒪᑦᑎᐊᕐᓂᕐᒥᒃ ᖃᓄᖅ ᐃᓄᐃᑦ ᐃᓱᒪᖕᒪᖔᑕ, ᑲᒪᒋᓪᓗᓂᐅᒃ ᐊᒃᓱᕈᕐᓇᖅᑐᒃᑰᕐᓂᖓ ᖃᐅᔨᓪᓗᓂᓗ ᓂᑲᒍᓱᙱᖦᖢᓂ. ᐃᓕᓚᐅᕐᒥᖕᒪᑦ ᐅᐊᑦᑎᔨᖃᕆᐊᖃᖏᓐᓂᕐᒥᓂᒃ, ᐃᒻᒥᓂᒃ ᐊᕙᓗᓯᒪᔪᓐᓇᓚᐅᖅᑐᖅ ᐃᖅᑲᖅᑐᖅᑕᐅᔪᓐᓇᖏᑦᑐᓂᒃ. ᐅᓇᓕᐅᓚᐅᖅᓯᒪᔪᓕᕆᔨᒃᑯᑦ ᐃᑲᔪᓚᐅᖅᑐᑦ ᐃᓅᓕᓴᐃᓂᕐᒧᑦ ᐊᑭᓂᒃ ᐃᓱᒪᒋᓪᓗᒋᑦ ᐊᒃᑐᐃᓂᕆᓚᐅᖅᑕᖏᑦ ᐅᓇᑕᖅᑐᒃᓴᐃᑦ.

"ᐃᒃᓯᕚᖃᑎᖃᖅᑎᓪᓗᑎᑦ ᓱᓕᑦᑎᐊᖅᑐᒥᒃ ᐃᓕᖕᓂᒃ, ᓴᐃᓕᓐᓇᖅᑐᒥᒃ ᐱᑕᖃᖅᐳᖅ." 

ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐊᖏᕐᕋᕈᒪᓕᕈᒪᓪᓗᓂ ᐃᓕᓐᓂᐊᕐᕕᖕᒧᑦ ᐃᖅᑲᓇᐃᔮᒧᓪᓘᓐᓃᑦ ᐱᕙᒃᐳᖅ ᐅᓇᑕᖅᑐᒃᓴᐃᑦ ᐊᑐᖅᓯᒪᔭᖏᓐᓂᑦ.
"ᑕᕆᐅᑉ ᐊᑭᐊᓄᑦ 18-ᖑᓚᐅᖅᓯᒪᕗᖓ ᐊᔪᖅᓴᙱᓐᓂᖅᓴᐅᓚᐅᖅᓯᒪᓪᓗᖓᓗ ᐱᔾᔪᑎᒋᓪᓗᒍ, ᓲᖃᐃᒻᒪ ᒫᓐᓇ ᐅᖃᐅᓯᖃᓕᓚᐅᕋᒪ ᓄᓇᕐᔪᐊᖅ ᖃᓄᐃᑦᑑᓚᐅᕐᒪᖔᑦ, ᑲᓇᑕᐅᑉ ᐅᖓᑖᓂᓘᓐᓃᑦ. ᖃᐅᔨᒪᔪᖓ ᓄᓇᓕᕗᑦ, ᐅᕝᕙᓘᓐᓃᑦ ᐱᖅᑯᓯᑐᖃᕗᑦ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᑦ, ᐱᒻᒪᕆᐅᒻᒪᑕ. ᑭᓯᐊᓂ... ᖃᐅᔨᒪᒻᒥᔪᖓᑦᑕᐅᖅ ᑭᓪᓕᒋᔭᖏᓐᓂᒃ ᓄᓇᓕᑦᑕ... ᕿᒪᕉᑎᔪᓐᓇᖅᐳᒍᑦ ᐳᐃᒍᙱᓪᓗᑕ ᓇᑭᙶᕐᓂᑦᑎᓐᓂᒃ," ᓇᓗᓇᐃᖅᓯᕗᖅ, ᐅᖃᐅᓯᖃᖅᖢᓂ ᐊᒃᓱᕈᕐᓇᖅᑐᓂᒃ ᐊᖅᑯᓵᖅᑕᐅᔪᓂᒃ ᓄᓇᓕᖕᓂ ᑭᖑᕚᕇᓄᑦ ᖁᐊᖅᓵᕐᓇᖅᑐᒃᑰᕈᑕᐅᓲᓄᑦ.

ᑕᐃᒪᓕ, ᐆ'ᓗᐊᓐᑦ ᒪᒃᑯᒃᑐᓂᒃ ᖃᐅᔨᒪᖁᔨᕗᖅ ᐃᓄᒃᑕᖃᕐᓂᖓᓂᒃ ᐅᑭᐅᖅᑕᖅᑐᒥᙶᖅᑐᓂᒃ ᓲᕐᓗ ᐃᐊᑦᒪᑕᓐᒥ, ᑕᐃᒪᐃᒻᒪᑦ ᐱᕕᒃᓴᖃᖅᐳᖅ ᑲᑎᖃᑎᖃᕆᐊᒃᓴᖅ ᐊᓯᒥᖕᓂᒃ ᓄᓇᒥᓂᒃ ᐊᒻᒪᓗ ᐊᖏᕐᕋᒧᑦ ᑲᑎᙵᖃᑎᖃᕐᓂᖅ ᐊᔪᕐᓇᙱᓐᓂᖅᓴᐅᖕᒪᑦ ᓄᑖᖑᖅᐸᓪᓕᐊᔪᒃᑰᓚᐅᖅᓯᒪᔪᓂᑦ. ᑕᒪᓐᓇ ᐊᑕᖃᑦᑕᐅᑎᓂᖅ ᐃᑲᔪᖅᐸᒃᐳᖅ ᖃᓂᒃᓴᕐᓂᕐᒥᒃ ᐅᕙᑦᑎᓐᓂᒃ ᐱᔪᒃᓯᑎᑦᑎᔪᓂᒃ, ᐅᖓᓯᒋᒐᓗᐊᕐᓗᒍᓘᓐᓃᑦ. 

ᐆ'ᓗᐊᓐᒧᑦ, ᑕᐃᓐᓇ ᐊᑖᑕᑦᓯᐊᒥᓂᒃ ᑲᔪᖏᖅᓴᐃᔪᖅ, ᒥᑭᒋᐊᕐᓂᐊᖅᑎᐅᓚᐅᖅᑐᖅ ᐊᒻᒪᓗ ᕿᑐᕐᖓᒥᓂᒃ ᐊᓯᐅᔨᓪᓗᓂ ᐳᕙᓪᓗᒋᐊᕐᓂᐊᑎᓪᓗᒍ. ᕿᒧᒃᓯᖅᑎᖏᑦ ᓄᓇᓕᐸᐅᔭᕐᒧᑦ ᓅᖦᖢᑎᒃ, ᐊᑖᑕᑦᑎᐊᖓ ᐊᒃᓱᕈᖅᖢᓂ ᐱᓕᕆᓚᐅᖅᐳᖅ ᒎᓗᓯᐅᕐᕕᖕᒥ, ᕿᑐᕐᖓᖏᓪᓗ ᒐᕙᒪᒃᑯᑦ ᐊᑐᐊᒐᖓᓄᐊᖅᖢᑎᒃ. 

"ᐃᓄᑦᑎᐊᕙᐅᑐᐃᓐᓇᓚᐅᖅᑐᖅ, ᓇᒡᓕᒍᓱᒃᖢᓂ ᐊᖑᑎᒥᒃ ᕿᑐᕐᖓᒥᓄᑦ ᐱᐅᓛᒥᒃ ᐱᔪᒪᑐᐃᓐᓇᓚᐅᖅᑐᖅ," ᑕᑯᒃᓴᐅᑎᖦᖢᓂᐅᒃ. ᐊᑖᑕᑦᓯᐊᖓ ᐃᓅᔪᓐᓃᖅᑎᓪᓗᒍ, ᕿᒪᐃᓚᐅᖅᑐᖅ ᐃᖅᑲᐅᒪᓇᖅᑐᒻᒪᕆᐅᓪᓗᓂ.  ᐅᖓᑖᓄᑦ ᖃᑕᙳᑎᖏᑕ, ᐅ'ᓘᓐ ᐱᔪᒃᓯᑎᑦᑎᔪᖅ ᐅᓄᕐᓂᖅᓴᑦ ᐃᖅᑲᓇᐃᔮᖏᓐᓂ ᑐᓄᑦᑎᐊᖓᓃᓐᓂᖓᓂ ᐃᓱᒪᖅᓱᕐᖢᓂᓗ ᐱᓕᕆᔭᕆᐊᒃᓴᖅ ᐱᔪᒪᔭᖏᓐᓂ. ᐅᖃᓪᓚᖕᓂᖓᒍᑦ, ᓂᕆᐅᒃᐳᖅ ᐃᑲᔪᕆᐊᒃᓴᖅ ᐃᓕᓐᓂᐊᕐᑎᓂᑦ ᑐᑭᓯᐅᒪᓂᖕᒥᓂᒃ ᐊᒃᑐᐃᔾᔪᑕᐅᓯᒪᔪᓂᑦ ᐊᖓᔪᖅᑳᖏᓐᓄᑦ ᓄᓇᓕᖏᓐᓄᓪᓗ. 

ᑐᓴᖅᑎᑦᑎᒍᓐᓇᕈᓂ ᓄᑲᖅᑎᐅᓂᖅᓴᒧᑦ, "ᐊᑑᑎᖃᓪᓚᕆᒃᑲᔭᖅᑐᖅ. ᐋᓐᓂᖅᑕᐃᓕᓗᒋᑦ ᐃᓄᐃᑦ. ᐱᕈᖅᓯᐊᑦ ᐱᑦᑎᐊᓕᓐᓇᖅᑐᑦ ᐃᖏᕐᕋᑎᓪᓗᑎᑦ. ᐃᓕᖕᓂᒃ ᐊᒡᒍᐃᓗᑎᑦ. ᐃᓕᖕᓂᒃ ᐱᔪᓐᓇᖅᑎᑦᑎᓗᑎᑦ ᓈᒻᒪᙱᑦᑐᒥᒃ. ᐃᓅᓯᖃᑦᑎᐊᕋᓱᒡᓗᑎᑦ. ᐋᓪᓚᔪᐊᖑᒋᐊᕐᓗᑎᑦ." ᖃᐅᔨᒪᖁᔨᔪᖅ ᕿᒪᐃᓂᕐᒥᑦ ᐃᓂᒥᑦ ᐃᖏᕐᕋᓂᕆᔭᖓᓂᑦ ᑐᑭᓕᐊᖏᓪᓗᓂ.

ᐄ, ᑕᒪᓐᓇ ᐋᖅᑭᖃᑎᒌᒐᓱᓐᓂᐅᔪᖅ ᑐᑭᓕᐊᓐᖏᒻᒪᑦ, ᐊᒻᒪᓗ ᑕᒪᓐᓇ ᓱᕈᔾᔭᐃᒃᑯᑎᐅᔪᖅ ᑭᓱᓕᒫᓂᒃ ᐱᓕᕆᓪᓗᓂ. ᐊᑭᕋᖅᑐᖅᑕᐅᓚᐅᖅᑎᓪᓗᒋᑦ ᐅᓇᑕᖅᑐᓴᓐᖑᐊᑦ, ᓱᕈᓯᐅᑎᓪᓗᒋᑦ ᐱᓂᕐᓗᑦᑕᐅᕙᑦᑐᑦ ᐊᒻᒪᓗ 60-ᖑᔪᑦ ᓯᑰᑉ, ᑎᒻ ᐆ'ᓗᐊᓐ ᓴᖅᑭᖃᑦᑕᖅᓯᒪᒻᒪᑦ ᐊᒥᓱᓂᒃ ᐊᑲᐅᖏᓕᐅᕈᑎᓂᒃ. ᐅᖃᐅᔾᔨᖃᑦᑕᓚᐅᕐᒪᑦ ᓱᓕᔪᒥᒃ ᐃᓱᒪᒋᔪᓐᓇᐃᖃᑎᒌᖕᓂᕐᒧᓪᓗ ᑲᒥᓴᓐᑯᓐᓂᑦ ᓄᖅᑲᑐᐃᓐᓇᓚᐅᕐᒪᑦ ᐊᓯᔾᔨᓚᐅᖅᓯᒪᙱᖦᖢᓂ ᐃᑲᔪᖅᑕᐅᔪᒪᓪᓗᓂᓗ ᒪᒥᓴᕋᓱᒃᖢᓂ. ᒫᓐᓇ ᐅᓂᒃᑳᖅᐳᖅ ᓂᕆᐅᒃᖢᓂ ᐃᑲᔪᓛᕈᒪᓪᓗᓂ ᓄᓇᖃᖅᑳᖅᓯᒪᔪᑦ ᒪᒥᓴᖅᑎᓪᓗᒋᑦ, ᐊᑕᐅᓯᕐᒥᒃ ᓈᓚᒃᑎᓂᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.