"ᖁᕕᐊᓇᑦᑎᐊᖅᑐᖅ ᑕᑯᓪᓗᓂ ᐊᓯᔾᔨᖅᑐᓂᒃ, ᖃᓄᖅ ᓯᐊᕐᕆᔮᕐᓂᖅ ᐊᒃᑐᐃᕐᔪᐊᕈᓐᓇᕐᒪᖔᑦ ᒪᒃᑯᒃᑐᑦ ᐃᓅᓯᖓᓂᒃ." ᐅᖃᖅᑐᖅ ᑐᕆᔅᑕᓐ Hᐊᓄᕆ, ᐊᒪᕈᖅ ᐃᓚᒋᔭᐅᔪᖅ ᑐᕆᓐᑕᓐ Hᐅᐊᓐ Hᐅᐊᓐ ᐊᓐᔨᓐ ᓄᓇᖃᖅᑳᖅᓯᒪᔪᓂ ᖃᓂᒋᔭᖓᓂ ᑖᓴᓐ ᓄᓇᓕᐸᐅᔭᐅᑉ, ᔫᑳᓐ.  ᓄᐊᐅᐃᔾᔭᓐᒥᑦᑕᐅᖅ ᓯᕗᓕᕕᓂᓕᒃ ᐊᓈᓇᖓᑕ ᓴᓂᑦᑎᐊᖓᓂ. ᕚᓐᑰᕗᒧᑦ ᓅᓵᖅᑎᓪᓗᒍ 2015−ᒥ, ᓯᐊᕐᕆᔮᕐᕕᖕᒥ ᓇᖕᒥᓂᖃᓕᓚᐅᖅᓯᒪᕗᖅ, ᐊᒻᒪ ᓯᐊᕐᕆᔮᕐᕕᖕᒥ ᐃᖅᑲᓇᐃᔭᓚᐅᖅᓯᒪᓪᓗᓂ ᖃᐅᔨᕚᓪᓕᕋᓱᒃᖢᓂ. ᓯᑎᒃᑯᑦ ᐅᖄᓚᓚᐅᖅᑐᑦ ᑕᐃᒃᓱᒧᖓ ᐅᐱᓐᓇᕋᓂ ᐊᒥᓱᑲᓪᓚᐅᓚᐅᕐᒪᑕ ᓯᐊᕐᕆᔭᐅᑎᑯᑖᑦ ᑕᐃᑲᓂ ᐊᒻᒪᓗ ᖃᐅᔨᒪᒍᒪᓚᐅᕐᒪᑦ ᑐᓂᐅᖅᑲᐃᓂᕐᒥᒃ.

 ᐃᓕᑦᑎᕙᓪᓕᐊᓪᓗᓂ, ᖃᐅᔨᓪᓗᓂ ᐅᐸᒍᑎᔪᒪᓂᕐᒥᓂᒃ ᐊᔾᔨᒋᙱᑕᖓᒍᑦ. "ᖃᐅᔨᓂᖅᓴᐅᓚᐅᖅᑐᖓ ᓯᐊᕐᕆᔮᖅᑎᓂᒃ, ᖃᐅᔨᓂᖅᓴᐅᓚᐅᖅᑐᖓ ᑮᓇᐅᔭᖃᕈᓐᓃᕋᔭᕐᓂᓐᓂᒃ," ᐅᖃᖅᑐᖅ. ᑖᓐᓇ ᐃᖅᑲᓇᐃᔭᖃᑦᑕᓚᐅᕐᒪᑦ ᐃᓕᓐᓂᐊᑎᐊᖅᓯᒪᓪᓗᓂᓗ ᑕᐃᑲᓂ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕐᕕᖓᓐᓂ, ᑐᓐᖓᓱᑦᑎᑕᐅᑦᑎᐊᓚᐅᖅᑐᖅ ᐊᒻᒪᓗ ᐃᓕᓐᓂᐊᕈᓐᓇᖅᑐᓂ ᐃᓕᓴᐃᔨᑦᑎᐊᕙᓐᓂᑦ.

ᐃᓚᖓᑦ ᐃᓕᓴᐃᔨᖓ ᐊᒻᒪᓗ ᐱᖃᑎᖓ ᓯᕗᓕᐅᕆᓪᓗᓂ ᐱᓇᓱᐊᕐᓂᕐᒥᒃ ᐃᓚᒌᓄᑦ ᓄᓇᓕᓐᓂ ᐃᓅᓯᓕᕆᓂᕐᒥᒃ ᐃᓕᓐᓂᐊᓚᐅᖅᑎᓪᓗᒍ. ᐱᖃᑎᖓ ᐃᓄᓕᕆᔨᐅᓂᕐᒧᑦ ᐃᓕᓐᓂᐊᖅᑎᐅᓚᐅᖅᑐᖅ ᑲᑎᑎᓪᓗᒋᑦ. ᐃᖅᑲᓇᐃᔭᖃᑦᑕᖅᑐᖅ ᐊᕐᓇᐃᑦ ᐅᐸᒐᖃᕐᕕᖓᓂ ᐃᓕᑦᑎᓪᓗᓂᓗ ᐊᑐᕐᓂᑯᖏᓐᓂ ᐊᓕᐊᓇᐃᒍᓱᒃᑎᑦᑎᓪᓗᓂ ᓄᑖᒥᒃ ᐃᖅᑲᓇᐃᔮᕆᓛᕈᒪᔭᖃᕐᓂᕐᒧᑦ ᐊᖅᑯᑎᒥᒃ. 

ᒪᒃᑯᒃᑐᓂᒃ ᐱᓕᕆᔪᒪᓚᐅᖅᑐᖅ ᒫᓐᓇᓗ ᐃᓕᖅᑯᓯᓕᕆᔨᐅᓪᓗᓂ, ᐃᓕᖅᑯᓯᓕᕆᓂᕐᒥᒃ ᓇᒃᓴᖅᖢᓂ ᐋᓐᓂᐊᕕᖕᒥ. ᐃᖅᑲᓇᐃᔭᖃᑦᑕᖅᑐᖅ ᐊᔾᔨᐅᖏᑦᑐᒥᑦ ᐃᓪᓗᕈᓯᕐᒥᑦ ᑕᑕᑦᑐᓂᑦ ᐃᓅᓕᓴᐅᑎᓂᑦ ᐱᔨᑦᓯᕋᖅᑕᖏᑦ ᐃᑉᐱᒍᓱᑦᑎᓪᓗᒋᑦ ᐊᖏᕐᕋᖏᓐᓂᑦ. "ᓯᓐᓇᑦᑑᒪᓇᖅᑑᕗᖅ ᐃᖅᑲᓇᐃᔮᖅ. ᐃᓕᖅᑯᓯᕐᓂᒃ ᓇᒃᓴᖅᑐᖓ, ᐱᕈᖅᐸᓪᓕᐊᔪᖓ, ᐃᓕᑦᑎᕙᓪᓕᐊᑦᑎᐊᖅᖢᖓᓗ," ᐊᓕᐊᓇᖅᑐᓂᒃ. ᐊᕐᕌᒍ ᐅᖓᑖᓄᑦ ᑕᐃᑲᓃᓕᖅᑐᖅ ᐊᒻᒪᓗ ᐱᕕᒃᓴᖃᑦᑎᐊᓕᖅᑐᓂ ᖁᕕᐊᒋᔭᒥᓂᒃ ᐱᓕᕆᓪᓗᓂ. 

 "ᐊᒃᓱᕈᐃᓐᓇᖅᐳᖅ, ᐊᔭᐅᖅᑐᐃᑐᐃᓐᓇᖅᖢᓂ ᓇᖕᒥᓂᖅ ᑭᒡᓕᒋᑎᑕᐅᔪᓂᒃ ᐃᓚᖓᒍᑦ."

ᐊᓯᐊᒍᓪᓕ, ᑎᔅᓯᓈᕿᓂᖅ, ᖃᐅᔨᔭᐅᓯᒪᙱᑦᑐᖅ ADHD ᐊᒻᒪ ᐅᖃᓪᓚᒍᓯᖅ ᐊᔪᕐᓇᕈᑕᐅᓕᖅᖢᓂ ᐃᓕᓐᓂᐊᕐᕕᖕᒥ ᐊᒃᓱᕈᕐᓇᖅᓯᓪᓗᓂ ᐱᕈᖅᐸᓪᓕᐊᑎᓪᓗᒍ. ᐃᓕᓴᐃᔨᖏᑦ ᐅᖃᖃᑎᖃᓚᐅᖅᑐᑦ ᑖᔅᓱᒥᖓ ᐊᒻᒪ ᐃᓄᑑᖅᑰᔨᓪᓗᓂ. ᐱᔭᕇᓚᐅᓐᖏᒻᒪᑦ, ᐅᒡᒍᐊᕈᑎᒋᒻᒪᕆᑦᑕᖓ. ᖁᕝᕙᐸᓪᓕᐊᓂᖅ ᐊᔾᔨᒋᙱᑦᑎᐊᓚᐅᖅᑕᖓ. algebra-ᒥᒃ ᓇᒡᓕᒍᓱᓕᓚᐅᖅᑐᖅ ᐊᒻᒪᓗ ᑎᑎᕋᑦᑎᐊᑲᑕᓕᓚᐅᖅᓯᒪᓪᓗᓂ. 

"ᑕᑯᒃᓴᐅᑎᑦᑎᓪᓚᕆᖕᒪᑦ ᖃᓄᖅ ᐊᔾᔨᒌᙱᑎᒋᔪᓐᓇᕐᒪᖔᑦ ᐃᓕᓴᐃᔨ ᑕᐃᑲᓃᓪᓚᑦᑖᖅᑎᓪᓗᒍ ᐃᓕᖕᓄᑦ ᐱᕕᖃᑦᑎᐊᖅᖢᓂᓗ ᐊᕕᒃᑐᕆᐊᒃᓴᖅ ᑐᐊᕕᓗᐊᙱᓪᓗᓂᓗ."

ᐃᓱᒪᒋᓪᓗᒋᑦ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑦ ᐃᓱᒪᔪᑦ ᓄᓇᒥᓂᒃ ᕿᒪᐃᔪᒪᓂᕐᒥᒃ, ᐅᖃᖅᐳᖅ, "ᒪᑐᐃᖓᔭᕆᐊᖃᕋᕕᑦ ᐊᓯᔾᔨᕈᒪᓗᑎᑦ. ᑕᒪᓐᓇ ᐊᖏᓂᖅᐸᐅᕙᓪᓚᐃᔪᖅ, ᐅᐱᓐᓇᕋᓂ ᕿᒪᓕᕋᕕᐅᒃ ᐊᑲᐅᒋᔭᐃᑦ. ᐃᓛᓐᓂᒃᑯᑦ ᑲᑉᐱᐊᓇᕈᓐᓇᖅᑐᖅ." ᓅᖦᖢᓂ ᓄᓇᓕᕋᓛᒥᙶᖅᖢᓂ ᑳᓪᒍᕆᒥᑦ ᐊᖏᓂᖅᓴᒧᑦ ᓄᓇᓕᐸᐅᔭᕐᒧᑦ ᕚᓐᑰᕙᒧᑦ ᐋᖅᑭᒋᐊᖅᑕᐅᓚᐅᖅᐳᖅ, ᑭᓯᐊᓂ ᖃᐅᔨᓚᐅᖅᐳᖅ ᐊᒥᓱᓂᒃ ᐱᕕᒃᓴᓂᒃ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑕᐅᓂᖏᓐᓂᒃ ᐊᒻᒪ ᐃᓕᖅᑯᓯᓕᕆᓂᕐᒥᒃ ᖃᐅᔨᖃᑦᑕᖅᓯᒪᔭᖏᓐᓂᒃ. 

"ᐊᓕᐊᓇᐃᒍᓱᒃᐲᑦ ᑭᓇᐅᓂᖕᓂᑦ, ᓇᑭᙶᕐᓂᕐᓂᒃ."

ᒪᒃᑯᓐᓂᖅᓴᒥᒃ ᑐᓴᖅᑎᑦᑎᔪᓐᓇᕈᓂ ᐃᒻᒥᓂᒃ ᐅᑕᖅᑭᑦᑎᐊᕈᓐᓇᖅᓯᒐᔭᕐᒪᑦ ᐊᒻᒪᓗ ᐅᐱᒋᓗᒍ ᑭᓇᐅᓂᖓ. ᐃᓱᒪᓚᐅᖅᑐᖅ ᓄᓱᒃᓯᓪᓗᓂ ᐊᓈᓇᖓᑕ ᓴᓂᑦᑎᐊᖓᓂ ᖃᑕᙳᑎᖏᓐᓂ ᐊᒻᒪ ᐊᕐᓇᐅᑉ ᐃᓅᓯᖓᓂ ᐊᑖᑕᖓᑕᓗ ᐃᓕᖅᑯᓯᑐᖃᖓᒍᑦ ᐃᖅᑭᓖᑦ ᖃᑕᙳᑎᖏᓐᓂ. "ᐃᓛᓐᓂᒃᑯᑦ, ᑲᙳᓲᑎᖃᓚᐅᖅᑐᖓ ᓄᓇᖃᖅᑳᖅᓯᒪᓂᓐᓄᑦ," ᐃᖅᑲᐅᒪᔪᖅ. ᑐᓴᕐᓗᓂ ᐅᐱᒍᓱᓐᓂᕐᒥᑦ ᒪᒃᑯᑦᑐᖏᓐᓂᑦ ᐊᓯᔾᔩᓯᒪᑐᐃᓐᓇᕆᐊᓕᒃ ᓱᓇᑐᐃᓐᓇᕐᓂᑦ. ᒫᓐᓇᓕ ᐊᒃᓱᕈᖅᖢᓂ ᐱᓕᕆᓕᖅᐳᖅ ᑲᑎᒃᑲᓐᓂᖅᖢᓂ ᐃᒻᒥᓂᒃ, ᐃᓕᖅᑯᓯᖓᑕ ᐃᓕᓴᕐᓇᐅᑎᖓ ᐃᓚᑰᓯᒪᖅᑰᔨᓪᓗᓂ ᐋᖅᑭᒃᓱᒐᕐᒥᒃ. 

ᓇᓕᒧᒌᒃᑎᓐᓇᓱᒃᓗᒍ ᐃᓱᒪᖓ, Hᐊᓄᕆ ᖁᕕᐊᒋᔭᖃᖅᑐᖅ ᓴᐸᖓᓕᕆᓂᕐᒥ ᕿᓄᐃᓵᕈᓐᓇᕐᓂᕐᓗ ᐃᓱᒪᑦᑎᐊᕈᓐᓇᕐᓂᕐᓗ ᐃᓕᑕᖓ ᐊᑐᕋᓱᒃᐸᒃᑕᖓᓂ. ᓴᐸᖓᓕᕋᒥ ᓯᕗᓕᕕᓂᕐᒥᓂ ᐱᖃᑎᖃᖅᑰᔨᕙᖕᒪᑦ. ᐊᒻᒪᓗ ᓯᐊᕐᕆᔮᕈᓐᓇᑦᑎᐊᕆᓪᓗᓂ ᐃᓗᐊᕆᙱᑕᒥᓂᒃ ᐲᖅᑎᖦᖢᓂᐅᒃ ᐊᒻᒪᓗ ᐅᓗᕆᐊᓇᖅᑑᓂᖓᓂᒃ ᐱᓚᐅᖅᑕᖓ ᑲᑕᒐᖅᖢᓂ ᐊᓯᒥᓄᑦ. ᓯᓚᐃᕐᕆᓐᓇᑦᑎᐊᖅᑐᖅ ᓯᕘᕋᓪᓗᓂ, ᐊᒃᓱᕈᕐᓇᖅᑐᒃᑰᖅᑎᓪᓗᒍ. 

ᐱᓱᔪᖕᓂᖅ ᐃᑲᔪᖅᑐᖅᑕᐅᖅ, ᐃᓂᒃᓴᓕᐅᕐᖢᓂ ᐊᖏᕐᕋᒥ ᐃᖅᑲᓇᐃᔭᕐᕕᖕᒥᓗ. ᐊᖏᕐᕋᒥᓂᒃ ᐅᖃᐅᓯᖃᕆᐊᖃᕈᓂ, ᐃᑲᔪᖅᑎᖃᑦᑎᐊᖅᑐᖅ ᓴᐃᓕᑎᓐᓇᓱᒡᓗᒍ ᐃᓛᓐᓂᒃᑯᓪᓗ ᐅᖃᑐᐃᓐᓇᖅᖢᓂ ᖁᕕᐊᓱᙱᑕᒥᓂᒃ ᓂᐱᖅᑯᖅᑐᔪᒥᒃ ᐊᓯᔾᔩᔪᓐᓇᕐᒪᑦ.  

ᖃᑕᙳᑎᖏᑦ ᐱᔪᒃᓯᑎᑦᑎᔪᑦ ᑲᔪᓯᓂᕐᒥᒃ, ᐊᑦᑕᖏᑕ ᐊᑯᓐᓂᖏᓐᓂᒃ, ᐃᕐᖑᑕᖏᓐᓂᒃ ᐊᒻᒪ ᐊᑖᑕᑦᑎᐊᖏᓐᓂᒃ. "ᐱᒋᐊᓕᖅᑎᓪᓗᖓ ᑲᑎᒃᑲᓐᓂᓕᖅᑎᓪᓗᖓ, ᑕᑯᑎᑦᑎᓪᓗᓂ ᖃᓄᐃᒻᒪᑦ ᑖᒃᑯᐊ ᐱᐅᔪᐊᓘᖕᒪᖔᑕ ᑖᒃᑯᐊᓗ ᑲᒪᓇᖅᑐᑦ ᑲᔪᓯᑎᑕᐅᓚᐅᖅᑐᑦ ᑭᖑᕚᕇᓄᑦ," ᖁᖓᖦᖢᓂ. 

ᐊᒃᓱᕈᕐᓇᖅᑐᒃᑰᖅᓯᒪᑎᓪᓗᒍ, ᑕᐅᑐᓪᓗᐊᑕᕐᓗᓂ ᐱᐅᔪᓂᒃ ᓲᕐᓗ ᖃᑕᙳᑎᒌᑦ ᐃᑲᔪᓲᑦ.  "ᖁᔭᓕᔪᒻᒪᕆᐅᖃᑦᑕᖅᑐᖓ ᖃᐅᑕᒫᑦ ᑲᑎᙵᖃᑎᖃᖃᑦᑕᓚᐅᕋᒪ ᐃᓚᓐᓂᒃ ᐊᒻᒪ ᑕᐃᒪᐃᓐᓂᖓᓄᑦ ᖃᓄᐃᓕᐅᖃᑦᑕᖅᐳᖓ, ᐊᒻᒪ ᐅᓪᓗᒥ ᐃᓅᓪᓗᖓ ᑕᐃᒪᐃᑎᖦᖢᓂᖓ," ᑲᔪᓯᓪᓗᓂ. ᓂᔾᔭᐅᓯᔭᕐᓂᖅ ᐊᒻᒪ ᐃᓅᓯᖅ ᐅᓂᒃᑳᖅᑐᐊᖅ ᐸᕕ ᓴᐃᓐᑦ ᒪᕆᒧᑦ ᐊᒻᒪ ᐊᑐᖅᓯᒪᔭᖓ ᑲᑎᒃᑲᓐᓂᖅᖢᓂ ᐃᓕᖅᑯᓯᑐᖃᕐᒥᓂᒃ ᑭᖑᓂᐊᒍᑦ ᐃᓅᓯᖓᓂ ᓂᕆᐅᖕᓂᖃᓕᕈᑎᒋᓚᐅᕐᒥᔭᖓᑦᑕᐅᖅ. 

ᐱᓕᕆᐊᒥᓂ, Hᐊᓄᕆ ᓂᕆᐅᖃᑎᖃᕈᒪᔪᖅ ᓄᓇᓕᖕᓂ. ᐱᖃᑎᖏᑦ ᑲᑎᓚᐅᖅᐳᑦ ᐊᒻᒪ ᐃᓱᒪᑖᖅᑐᑎᒃ ᑲᑐᔾᔨᖃᑎᒌᒃᑯᓐᓄᑦ ᓯᐊᕐᕆᔮᕐᓂᕐᒧᑦ ᐱᒋᐊᓕᓚᐅᖅᑐᑎᓪᓗ ᐳᕆᓐᔅ ᔪᐊᔾᒧᑦ ᐃᓕᓐᓂᐊᖅᑎᑦᑎᔭᖅᑐᖅᑐᑎᒃ ᓯᐊᕐᕆᔮᕐᓂᕐᒥᑦ. ᑕᐃᒪᙵᓂᑦ, ᑯᒃᑭᖐᔭᖅᓯᒪᔪᖅ ᐱᕈᕐᖢᓂᓗ, ᐅᖓᑕᐅᔾᔨᓪᓗᓂ Hᐊᓄᕆᐅᑉ ᓂᕆᐅᒋᔭᖏᓐᓂᑦ. 

"ᓄᓇᓕᖕᓄᐊᕐᓂᐊᖅᑐᒍᑦ ᑑᑐᓪ ᕿᑭᖅᑕᓕᒫᒥᑦ ᐊᑐᕋᓱᐊᖅᖢᑕ ᓯᐊᕐᕆᔮᕈᑎᙳᐊᓂᑦ ᓴᙱᓂᖅᑖᖅᑎᑦᑎᓇᓱᒃᖢᑕ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᑦ," ᕿᑦᓵᔪᖅ, ᓴᖅᑭᔮᖅᑎᑦᑎᓪᓗᓂ ᖃᓄᖅ ᓯᐊᕐᕆᔮᕐᓂᖅ ᐊᓯᔾᔩᓚᐅᖕᒪᖔᑦ ᓴᖅᑭᑦᑎᓪᓗᓂᓗ ᓄᓇᓕᖕᓂᑦ ᐃᓅᓯᖓᓂᑦ. ᐊᕐᕌᒍᑦ ᐱᖓᓱᑦ ᐊᓂᒍᖅᑎᓪᓗᒋᑦ, ᐊᒥᓱᓂᒃ ᓯᐊᕐᕆᔮᕐᕕᖕᓂᒃ ᑐᓂᓯᖃᑦᑕᖅᓯᒪᓕᖅᐳᑦ ᐊᒥᓱᓂᒡᓗ ᓄᓇᓕᖕᓂ ᐳᓛᕆᐊᖃᑦᑕᖅᓯᒪᓪᓗᑎᒃ, ᐃᓚᒋᔭᐅᓪᓗᓂ ᓇᖕᒥᓂᖅ ᓄᓇᒥᓄᑦ ᐳᓛᕆᐊᕐᓂᖅ, ᒪᒃᑯᒃᑐᖅ ᓱᓕ ᐅᖃᐅᓯᕆᖃᑦᑕᖅᑕᖓ. 

ᐊᓯᐊᒍᑦᑕᐅᖅ ᐊᒃᑐᐃᓂᖃᓚᐅᕐᒥᔪᖅ ᒪᒃᑯᒃᑐᓂᒃ ᓯᐊᕐᕆᔮᕐᓂᒃᑯᑦ ᐅᖃᓕᒫᒐᓕᐅᕐᓂᒃᑯᑦ ᑕᑯᒃᓴᐅᑎᑦᑎᔪᒥᒃ ᓄᓇᖃᖅᑳᖅᓯᒪᔪᑦ ᑭᒡᒐᖅᑐᖅᑕᐅᓂᖏᓐᓂᒃ ᓯᐊᕐᕆᔮᕐᕕᖕᒥ ᓄᓇᓕᖕᓂ. ᑮᓇᐅᔭᖃᖅᑎᑕᐅᓚᐅᖅᑐᖅ ᐊᐃᑦᑑᑎᒃᑯᑦ ᕚᓐ−ᑯᓐᓂᙶᖅᑐᓂᒃ ᐃᓗᓕᖃᖅᖢᓂᓗ ᐊᓐᓄᕌᓂᒃ, ᓴᓇᐅᒐᕐᓂᒃ, ᓯᐊᕐᕆᔮᖅᑎᓂᒃ, ᐃᓕᖅᑯᓯᕐᓂᒃ ᐊᒻᒪ ᐊᔾᔨᙳᐊᓂᒃ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ ᓯᐊᕐᕆᔮᖅᑐᓂᒃ ᐃᓕᓐᓂᐊᖅᓯᓐᓈᑦ ᑲᑎᒪᓯᓐᓈᖅᑎᓪᓗᒋᑦ. ᐊᒻᒪᓗ ᑕᐃᒃᑯᐊ ᑮᓇᐅᔭᓕᐅᕋᓱᐊᓐᖏᑦᑐᑦ ᑕᐃᒪᓐᓇᓴᐃᓐᓇᖅ ᐱᓕᕆᐊᖃᖅᓯᒪᒻᒥᔪᑦ, ᓲᕐᓗ ᐅᖃᓕᒫᒐᓕᐅᓚᐅᖅᑐᑦ ᐊᒻᒪᓗ ᐆᒻᒪᑎᒥᒍᑦ ᐅᖅᑰᑎᑦᑎᓪᓗᑎᒃ ᑕᒪᒃᑯᓂᖓᔅᓴᐃᓐᓇᖅ ᐊᒃᓱᕉᑎᖃᖅᑐᓂᒃ. 

"ᐃᑭᑦᑐᑯᓘᖅᑰᔨᔪᖅ. ᒫᓐᓇ, ᐊᖏᓪᓕᕙᓪᓕᐊᑐᐃᓐᓇᕐᒪᑦ ᐊᒻᒪᓗ ᐊᖏᓪᓕᕙᓪᓕᐊᓪᓗᓂ. ᓂᕆᐅᒍᒪᒐᓗᐊᖅᐳᒍᑦ ᑖᒃᑯᐊ ᓄᓇᓕᕐᔪᐊᑦ ᓯᑲᐅᑦ ᑲᔪᖏᖅᓴᐃᓂᐊᖅᑐᑦ ᐊᓯᖏᓐᓂᑦ ᓄᓇᓕᓐᓂᑦ ᐱᒋᐊᖅᑎᑦᑎᖁᓪᓗᒋᑦ ᐊᔾᔨᐸᓗᐊᓂᑦ. ᐊᔪᕐᓇᕐᒪᑦ ᓇᒥᑐᐃᓐᓈᕆᐊᒃᓴᖅ ᐊᑕᐅᑦᑎᒃᑯᑦ. ᑕᑯᒃᓴᐅᑎᑦᑎᕗᖅ ᖃᓄᖅ ᓯᐊᕐᕆᔮᕐᓂᖅ ᐊᒃᑐᐃᕐᔪᐊᓲᖑᖕᒪᖔᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓄᑦ," Hᐊᓄᕆ ᐹᒻᔅ. 

ᑕᑯᓪᓗᓂ ᐊᓯᔾᔨᖅᑐᓂᒃ, ᖃᓄᕐᓗ ᓯᐊᕐᕆᔮᕐᓂᖅ ᐊᒃᑐᐃᕐᔪᐊᕈᓐᓇᕐᒪᖔᑦ ᐃᓅᓯᖏᓐᓂ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐃᖏᕐᕋᓪᓗᑎᒃ ᑐᕆᔅᑕᓐ Hᐊᓄᕆ ᐅᑎᖅᑎᑦᑎᓗᓂ ᓄᓇᓕᖕᒥ ᑮᓇᐅᔾᔭᒐᓱᙱᖦᖢᓂ, ᑕᑯᓪᓗᓂ ᐃᓅᓕᓴᐅᑎᐅᓂᖓᓂᒃ ᑕᕐᓂᕐᒧᑦ. ᐃᓕᖅᑯᓯᓕᕆᓂᕐᒥᑦ ᐱᓕᕆᐊᖃᖅᑐᓂ ᐋᓐᓂᐊᕕᓐᓂᑦ, ᐱᓕᕆᐊᖃᖅᐳᖅ ᒪᒥᓴᕐᓂᕐᒥᑦ. ᒥᕐᖑᐃᓯᕐᕕᒻᒥᑦ ᐃᓅᓕᓴᐅᑎᒃᑯᕕᒻᒧᑦ, ᐊᖏᔪᐊᓗᒻᒥᑦ ᓅᑉᐸᒻᒪᑦ ᐊᒻᒪ ᐊᑐᖅᑕᐃᓐᓇᕆᓪᓗᓂᒋᑦ. ᓯᓐᓇᑦᑑᒪᒥᓂᒃ ᐱᒋᐊᓚᐅᖅᑐᒃᓴᐅᔫᒐᓗᐊᖅ, ᑭᓯᐊᓂ ᒪᒃᑯᒃᑐᓄᑦ ᓂᐅᕕᕐᕕᖕᒦᓐᓂᐊᕋᓱᒋᔪᖅ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.