ᕕᓂ ᖃᕆᑕᖅ ᑕᐃᒐᔭᖅᑕᐃᑦ ᒥᑕᖅᑐᒐᓪᓚᕆᒻᒥᒃ. ᖃᕆᑕᖅ ᐃᖃᓗᖕᒥᐅᑕᐅᓯᒪᓕᖅᑐᖅ, ᓄᓇᕗᒻᒥ, ᐊᕐᕌᒍᓄᑦ 19-ᑲᓴᖕᓄᑦ, ᑎᑎᕋᖅᑎᐅᓪᓗᓂᓗ, ᓴᖅᑭᑦᑎᔨᐅᓪᓗᓂ, ᐱᙳᐊᖅᑎᐅᓪᓗᓂ, ᐊᒻᒪ ᑕᕐᕆᔭᕐᕕᖕᒥ ᐃᓚᐃᓐᓇᖏᑦ ᑕᐃᑐᐃᓐᓇᖅᖢᒋᑦ.

ᐃᖃᓗᓐᓂ ᓄᓇᖃᓚᐅᖅᑎᓐᓇᒍ, ᖃᕆᑕᖅ ᑲᖏᖅᖠᓂᕐᒥᐅᑕᐅᓚᐅᖅᑐᖅ ᐃᖅᑲᓇᐃᔭᖅᑐᓂ ᒐᕙᒪᑐᖃᒃᑯᓐᓄᑦ ᓅᓕᓚᐅᖅᑐᖅ ᑕᓚᕖᓴᒃᑯᑦ ᐱᕙᓪᓕᐊᔪᓕᕆᔨᐅᓂᐊᕐᓗᓂ ᓰᕖᓰᒃᑯᓐᓄᑦ. ᑐᑭᒧᐊᒃᑎᑦᑎᔨᙳᓚᐅᖅᑐᖅ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ.

ᐅᓄᖅᑐᓄᑦ ᐃᓄᖕᓄᑦ, ᐃᓱᒪᓇᔭᖅᑐᑦ ᖃᕆᑕᖅ ᐃᓕᓐᓂᐊᕆᐊᕐᓗᓂ ᑖᒃᑯᓂᖓᓕᒫᖅ ᐊᔾᔨᒌᖏᑦᑐᓂ ᐃᖅᑲᓇᐃᔮᓂᑦ ᐃᖅᑲᓇᐃᔮᓂᑦ − ᑭᓯᐊᓂ ᐅᖃᖅᑐᖅ ᐃᓕᓐᓂᐊᖅᑕᖓ ᖃᓄᐃᓕᐅᖃᑦᑕᖅᑕᖓᓄᑦ.

"ᐃᓕᓐᓂᐊᖃᑕᐅᓚᐅᖅᑐᖓ. ᑭᓯᐊᓂ ᐊᓯᖏᓐᓄᑦ, ᐊᓪᓛᑦ ᐱᕙᓪᓕᐊᔪᓕᕆᔨᓄᑦ, ᐱᕙᓪᓕᐊᔪᓕᕆᔨᐅᓚᐅᕋᒪ ᓰᕖᓰᒃᑯᓐᓄᑦ. ᐃᖅᑲᓇᐃᔭᖅᓯᓐᓇᖅᑐᑎᒃ ᐃᓕᓐᓂᐊᓚᐅᕐᒪᑕ, ᑕᐃᒪᐃᒻᒪᑦ ᐅᖃᕈᓐᓇᙱᓚᖓ ᑕᒪᓐᓇ ᐃᓕᓐᓂᐊᓚᐅᖅᑕᕋ ᐃᖅᑲᓇᐃᔮᖅᑖᖅᑎᒐᓱᐊᖅᑐᒍ. ᖃᓄᐃᓕᐅᖅᑕᓕᒫᒃᑲ," ᐅᖃᖅᑐᖅ ᖃᕆᑕᖅ.

ᓄᓇᔅᓯᓐᓂ ᐊᐅᓪᓚᕐᓂᐊᕐᓗᓂ, ᖃᕆᑕᖅ ᐅᖃᖅᐳᖅ ᑕᐃᒪᐃᓕᐅᖃᑦᑕᙱᓐᓂᕋᖅᖢᓂ ᓄᓇᓕᖕᓄᑦ ᐊᐅᓪᓚᕋᓱᑐᐃᓐᓇᕐᓂᕐᒧᑦ ᑭᓯᐊᓂ ᖃᓄᐃᓕᐅᕐᓂᐊᕐᓗᓂ.

ᑖᒃᓱᒧᖓ, ᑲᓇᑕᒥ ᓯᓚᕐᔪᐊᒥ ᐅᕕᒃᑲᐅᔪᓂᒃ ᐃᓕᓐᓂᐊᖅᐸᓚᐅᖅᑐᖅ ᐃᓕᓐᓂᐊᕐᕕᐊᓗᒻᒥ ᐊᒻᒪᓗ ᐱᓕᕆᓚᐅᖅᑐᓂ ᐃᓱᒪᓕᐅᓚᐅᕋᓂ ᓄᓇᕗᒻᒨᕈᒪᓂᕋᖅᑐᓂᐅᒃ, ᐊᒻᒪᓗ ᒪᑐᐃᖅᓯᓪᓗᓂ ᐊᒥᓱᑲᓪᓚᐅᔪᓂᒃ.

"ᖁᔭᓕᓂᖅ ᑐᑭᓯᐅᒪᓂᖓᓄᑦ ᐃᓄᐃᑦ ᐱᐅᓯᕆᕙᓚᐅᖅᑕᖏᓐᓂᒃ ᒐᕙᒪᓕᕆᔾᔪᓯᖏᓐᓂᒡᓗ ᑭᖑᓂᐊᒍᓪᓗ ᖁᔭᓕᔾᔪᑎᒋᓕᓚᐅᖅᑕᕋ ᒐᕙᒪᓕᕆᓂᕐᒥᒃ," ᐅᖃᖅᑐᖅ ᖃᕆᑕᖅ.

ᑭᓯᐊᓂ ᐃᓱᒪᓚᐅᕋᓗᐊᖅᑐᓂ ᑲᔪᓯᑦᑎᐊᖅᓯᒪᒋᐊᖓᓂᒃ ᑐᑭᖃᙱᓚᖅ ᐊᕝᕕᐊᕈᑎᑕᖃᖅᓯᒪᙱᒻᒪᑦ. ᑖᔅᓱᒧᖓ, ᐅᖃᖅᑐᓂ ᐃᓚᖓᑦ ᐃᓕᑕᕆᔭᐅᔾᔪᑎᖃᕋᔭᙱᒻᒪᓪᓕ ᖃᓄᐃᑦᑐᑐᐃᓐᓇᕐᒥᒃ "ᐅᕝᕙᓘᓐᓃᑦ ᐃᓕᓐᓂᐊᓪᓚᑦᑖᖅᓯᒪᓂᕐᒥᒃ," ᐊᒻᒪ ᐃᓱᒪᓪᓗᓂ ᖃᓄᖅ ᐱᓕᕆᓂᕐᒪᖔᖅ "ᑭᖑᒻᒧᖔᖅ".

"[ᐅᕙᖓ] ᕿᒡᒋᖅᑕᐅᓚᐅᖅᑐᖓ ᐊᔾᔨᓕᐅᕈᑎᐅᑉ ᓵᖓᓄᑦ ᐊᒻᒪᐃᓛᒃ ᐃᓕᓐᓂᐊᓕᖅᖢᖓ ᐊᔾᔨᓕᐅᕈᑎᐅᑉ ᓵᑦᑎᐊᖓᓂ ᖃᓄᐃᓕᐅᕆᐊᒃᓴᖅ ᑭᖑᓂᐊᒍᑦ," ᖃᕆᑕᖅ ᐅᖃᖅᐳᖅ. ᐅᖃᐅᓯᖃᕐᒪᑦ ᐱᐅᓂᖅᓴᓂᒃ, ᓇᒻᒥᓂᖅ ᓴᖅᑮᔪᓐᓇᖅᓯᕙᓪᓕᐊᓪᓗᑎᒃ.

"ᐱᕈᖅᐸᓪᓕᐊᑦᑎᐊᓕᓚᐅᖅᑐᖅ ᓇᖕᒥᓂᖅ ᐊᐅᓚᑦᑎᔪᓐᓇᕐᓂᐊᕋᑦᑕ ᐊᒻᒪ ᑎᑎᕋᕐᓗᑕ ᓇᖕᒥᓂᖅ ᐱᖁᑎᑦᑎᓐᓂᒃ ᐊᒻᒪ ᓇᖕᒥᓂᖅ ᓴᓇᓗᑕ. ᐃᑲᔪᖅᑕᐅᓗᑎᓪᓗ ᓇᐅᒃᑯᑦ ᐱᔭᕆᐊᖃᕐᒪᖔᑦᑕ," ᐅᖃᖅᑐᖅ ᖃᕆᑕᖅ.

"ᐃᓘᓐᓇᑕ ᐊᔾᔨᒌᙱᑦᑐᓂᒃ ᓴᙱᓂᖃᓚᐅᖅᑐᒍᑦ ᑕᐃᒪᐃᓕᐅᖅᑎᓪᓗᑕ ᐃᓕᓴᖅᓯᖃᑦᑕᐅᑎᓪᓗᑕᓗ ᐊᓯᑦᑕ ᐊᔪᙱᓐᓂᖏᓐᓂᒃ ᐊᒻᒪ ᐃᒃᐱᒋᑦᑎᐊᕐᓗᒋᑦ ᐱᐅᓛᖑᖃᑕᐅᓚᐅᖅᑐᖅ ᓇᖕᒥᓂᖅ ᐱᓕᕆᐊᕆᔪᓐᓇᓚᐅᖅᑰᖅᑕᕗᑦ. ᐃᓛᓐᓂᒃᑯᑦ ᐱᓗᐊᕋᓱᓗᐊᕐᓗᓂ ᐱᓗᐊᕈᓐᓇᖅᑐᖅ."

ᐊᑕᐅᓯᕐᒥᒃ ᐅᖃᐅᔾᔨᔪᓐᓇᕈᓂ ᒪᒃᑯᖕᓂᖅᓴᒥᒃ, ᐃᓕᑦᑎᓇᔭᖅᑐᖅ ᖃᓄᖅ ᐃᑲᔪᖅᑕᐅᔪᒪᓂᕐᒥᒃ ᖃᐅᔨᒪᙱᒃᑳᖓᕕᑦ ᖃᓄᐃᓕᐅᕐᒪᖔᖅᐱᑦ ᐃᓱᒪᓗᓂᓗ ᐃᑲᔪᕐᓂᐊᕐᓂᖓᓂᒃ ᐱᐅᓯᒋᐊᕐᓗᒍ ᑐᓴᐅᒪᔪᓕᕆᓂᖅ.

"ᐅᕙᖓᓕ, ᖃᐅᔨᒪᐸᓗᒃᑲᒪ ᖃᓄᖅ ᐱᔭᕆᐊᖃᕐᒪᖔᑕ ᐊᒻᒪ ᓂᕆᐅᒋᓪᓗᒍ ᑕᐃᒪᓐᓇᐅᓂᐊᕋᓱᒋᓪᓗᒍ. ᐊᒻᒪᓗ ᑕᐃᒪᐃᑐᐃᓐᓇᕋᔭᙱᑦᑐᖅ ᐅᐱᓐᓇᕋᓂ ᖃᐅᔨᒪᓚᐅᙱᓐᓇᒪ ᖃᓄᖅ ᐱᓕᕆᐊᕆᒋᐊᖓ ᐅᕝᕙᓘᓐᓃᑦ ᐃᓱᒪᑦᑕᐅᑎᒋᓚᐅᙱᓐᓇᒪ ᐱᓕᕆᔭᕆᐊᒃᓴᖅ ᑕᐃᒪᐃᑦᑐᓂᒃ."

ᐅᖃᖅᑐᓂ ᑐᑭᓯᐅᒪᓂᕋᖅᑐᓂ ᖃᓄᖅ ᐱᒻᒪᕆᐅᓂᖃᕐᒪᖔᖅ ᐊᒻᒪᓗ ᐊᓯᖏᑦ ᐃᓄᐃᑦ ᐅᖃᕐᕕᖃᕈᓐᓇᖅᑐᑎᒃ ᐃᖅᑲᓇᐃᔭᕐᓂᕐᒥᒃ. ᑭᓯᐊᓂ ᐅᖃᖅᑐᖅ ᖁᔭᓕᒍᓐᓇᓂᕐᒥᑦ ᖃᓄᐃᓕᐅᖃᑦᑕᕐᓂᕐᓄᑦ ᐃᓄᓐᓄᑦ "ᐱᔪᓐᓇᕆᐊᓕᒃ".

"ᖃᖓᑲᓪᓚᒃ ᐃᓱᒪᓚᐅᖅᑐᖓ ᐱᔾᔪᑎᑐᐊᕆᓪᓗᒍ ᖃᓄᐃᒻᒪᑦ ᐱᑦᑎᐊᓚᐅᕐᒪᖔᕐᒪ ᑕᒪᑐᒧᖓ, ᐅᕝᕙᓘᓐᓃᑦ ᑕᐃᒪᐃᓚᐅᖅᑐᖅ ᑭᓇᒧᒃᑭᐊᖅ ᑕᐃᒪᐃᑦᑐᖃᓚᐅᕐᒪᑦ ᐅᕝᕙᓘᓐᓃᑦ ᑕᐃᒪᓐᓇ. ᐃᑭᒪᖃᑕᐅᓵᓕᓚᐅᖅᑐᖓ," ᖃᕆᑕᖅ ᐅᖃᖅᑐᖅ.

ᐅᖃᖅᑐᓂ ᐃᓕᓐᓂᐊᖅᑐᓂ ᐊᖏᕐᓂᕐᒥᑦ ᐱᓕᕆᐊᖏᓐᓂᑦ ᐱᒡᒐᓇᙱᓂᖅᓴᐅᑎᑦᑎᓯᒪᕗᖅ ᐊᓯᖏᓐᓂ ᐱᓇᓱᐊᕐᓂᕐᒥᑦ, ᓲᕐᓗ ᑮᓇᐅᔭᓂᑦ ᐱᓇᓱᐊᕐᓂᕐᒥᑦ ᓇᒻᒥᓂᖅ ᓇᐃᑦᑐᒥᑦ ᑕᕐᕆᔮᔅᓴᓕᐅᕐᓂᕐᒥᑦ.

ᖃᕆᑕᐅᑉ ᑲᔪᖏᖅᓴᐃᓂᖓ ᐱᖃᑦᑕᖅᑐᖅ ᑲᔪᓯᑦᑎᐊᖅᑐᒥᒃ ᐅᓂᒃᑳᖅᑎᓂᑦ ᐃᓄᖕᓂᑦ ᐱᓕᕆᓯᒪᔪᑦ ᑕᕐᕆᔭᕐᕕᖕᒥ, ᑕᕐᕆᔮᒃᓴᓂᑦ, ᑕᓚᕖᓴᒃᑯᓪᓗ ᓴᖅᑭᔮᖅᑎᑦᑎᓂᕐᓂ, ᐱᔪᒪᓂᕐᓗ ᐱᔭᕆᐊᖃᕐᓂᕐᓗ ᑖᒃᑯᓂᖓ ᐅᓂᒃᑳᓂᑦ ᐃᖕᒥᖕᓄᑦ ᐊᓯᖏᓐᓅᙱᑦᑐᖅ ᐃᓄᖕᓄᑦ.

"ᐱᐅᒋᔭᕗᑦ ᖃᓄᐃᓕᐅᖅᓯᒪᓂᕗᑦ ᐱᕕᖃᕐᓂᑦᑎᓐᓂᒡᓗ ᐆᒃᑐᕈᓐᓇᕐᓗᑕ ᑕᐃᒪᐃᓕᐅᒐᔪᖕᓂᖅᓴᐅᓗᑕ... ᐱᔾᔪᑎᒋᕙᕋ ᐊᒻᒪ ᓂᕆᐅᒃᐳᖓ ᐊᓯᓐᓄᑦ ᐱᕕᖃᕈᑕᐅᔪᓐᓇᕐᒪᑦ ᐊᓯᓐᓄᑦ ᐱᔪᒃᓯᓕᖅᑎᑕᐅᓗᑎᒃ."

ᖁᔭᓐᓇᒦᑦᑎᐊᕐᒥᔭᕋ ᔮᔅᒥᓐ ᑲᐸᑕᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.