Broadcasting while Aboriginal: Trailblazing Mediaist &>ing-ᒧᑦ ᐊᓛᓯᒃᑯᑦ ᑐᓴᖅᑎᑦᑎᕗᑦ
"ᓴᓗᒻᒪᖅᓴᐅᑏᑦ ᓯᕗᕋᓐᓂ ᐃᓂᖃᑦᑎᐊᕐᓂᕋᓚᐅᖅᑐᑦ ᐊᒻᒪ ᑲᔪᓯᑦᑎᐊᕈᓐᓇᖅᑎᖦᖢᓂᖓ. ᖁᔭᓕᔪᒪᐃᓐᓇᐅᔭᖅᑕᒃᑲ ᐱᔪᓐᓇᖕᓂᓕᒫᓐᓂᑦ," ᐱᕙᓪᓕᐊᔪᓕᕆᔨᐅᖃᑕᐅᓪᓗᖓ ᑎᑎᕋᖅᖢᓂᓗ ᐅᐊᑉᔅᕼᐃᒡ ᐊᓛᓯᒥᑦ. ᐃᓚᒋᔭᐅᔪᖅ ᓇᓄᕐᒧᑦ ᒃᓛᓐᒧᑦ, ᐅᐊᓴᐃᖕ ᓄᓇᖃᖅᑳᖅᓯᒪᔪᓂᑦ, ᕋᔅ ᒫᓐᓇ ᓄᓇᖃᖅᑐᖅ ᓴᑦᐳᕆ, ᐋᓐᑎᐅᕆᐅᒥᑦ.
ᐱᔭᕇᓚᐅᖅᑎᓪᓗᒍ ᕋᐃᐅᓴᓐ ᓯᓚᑦᑐᓴᕐᕕᒡᔪᐊᖓᓂ ᐱᔭᕇᖅᓯᔾᔪᓯᐊᖅ ᓯᕗᓪᓕᖅ ᐱᕙᓪᓕᐊᔪᓕᕆᔨᐅᓂᕐᒧᑦ ᐱᔭᕇᕈᓯᐊᕐᒥᒃ, ᐱᓕᕆᖃᑎᖃᓚᐅᖅᑐᖅ ᓰᕖᓰᒃᑯᓐᓂ ᐊᒻᒪ ᓄᓇᖃᖅᑳᖅᓯᒪᔪᑦ ᐅᖃᓕᒫᒐᓕᐊᖏᓐᓂ ᑲᓇᑕᓕᒫᒥ ᐱᒋᐊᓚᐅᖅᑎᓪᓗᒍ ᓯᓚᓕᕆᓂᕐᒧᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ. ᐃᖅᑲᓇᐃᔮᓕᒫᐸᓗᖏᓐᓄᑦ, ᐃᖅᑲᓇᐃᔭᓚᐅᖅᑐᖅ ᑕᓚᕖᓴᒃᑯᑦ ᐱᕙᓪᓕᐊᔪᓕᕆᔨᐅᓪᓗᓂ. ᓰᕖᓰᒃᑯᓐᓂ ᐃᖅᑲᓇᐃᔭᖅᑎᓪᓗᒋᑦ, ᐊᓛᓯ ᑎᑎᕋᓚᐅᖅᑐᖅ ᐅᖃᓕᒫᒐᕐᓂᑦ, ᐱᖃᓯᐅᑎᓪᓗᓂᑦ ᓄᑖᖅ ᐊᐳᑦ, ᓂᐅᕕᕐᕕᑦᑎᐊᕙᐅᓛᖑᓚᐅᖅᑐᖅ. ᑕᒪᓐᓇ ᑲᔪᓯᓂᖃᑦᑎᐊᕐᓂᖓ ᐃᑲᔪᓚᐅᖅᐳᖅ ᓅᑉᐸᓪᓕᐊᓂᕐᒥᒃ ᐅᓪᓗᓕᒫᖅᓯᐅᑎᒧᑦ ᐃᖅᑲᓇᐃᔭᓕᕐᓂᕐᒥᒃ. ᐃᓅᓯᖃᕐᒪᑦ ᖃᐅᔨᒪᓚᐅᖅᓯᒪᙱᑕᒥᓂᒃ.
"ᐃᓱᒪᒋᑐᐃᓐᓇᓵᖅᑕᒃᑲ ᐅᓂᒃᑳᕗᑦ ᐅᖃᓕᒫᒐᕐᓃᙱᖦᖢᑎᒃ ᑕᐃᒪᓐᓇᑐᐃᓐᓇᐅᓪᓗᓂᓗ."
ᐱᕈᖅᓴᓪᓗᓂ ᒪᒃᑯᒃᖢᓂ 1990−ᖏᓐᓂ, ᐊᓛᓯ ᓴᖅᑭᔮᕐᕕᐅᓚᐅᙱᑦᑐᖅ ᓄᓇᖃᖅᑳᖅᓯᒪᔪᓄᑦ ᐱᕙᓪᓕᐊᔪᓕᕆᔨᓄᑦ, ᑎᑎᕋᖅᑎᓄᓪᓘᓐᓃᑦ ᐱᕙᓪᓕᐊᔪᓕᕆᓂᒃᑯᑦ ᐃᓕᓐᓂᐊᕐᓂᒃᑯᓪᓘᓐᓃᑦ. ᖁᕕᐊᒋᔭᖃᐃᓐᓇᐅᔭᓚᐅᖅᑐᖅ ᖃᓪᓗᓈᑎᑐᑦ ᐃᓕᓐᓂᐊᖅᑐᓂ ᑭᓯᐊᓂ ᑕᑯᕙᙱᖦᖢᓂ ᓄᓇᖃᖅᑳᖅᓯᒪᔪᓂᒃ ᑕᑯᒃᓴᐅᔪᓂᒃ ᐅᖃᓕᒫᒐᕐᓂ ᐅᖃᓕᒫᖅᑕᖏᓐᓂ. ᖁᕕᐊᓇᖅᑐᖅ, ᐊᔭᖓ ᐅᖃᓕᒫᒐᕐᓂᑦ ᑐᓂᓯᖃᑦᑕᓕᓚᐅᖅᑐᖅ ᓄᓇᖃᖅᑳᖅᓯᒪᔪᓄᑦ ᐅᖃᓕᒫᒐᓕᐅᖅᑎᓄᑦ, ᐃᔨᖏᑦ ᐅᒃᑯᐃᖅᖢᓂᒋᑦ ᓄᓇᖃᖅᑳᖅᓯᒪᔪᑦ ᐅᓂᒃᑳᖅᑐᐊᖏᓐᓂᒃ ᑐᓴᖅᑎᑦᑎᑐᐃᓐᓇᕆᐊᖃᓕᖅᖢᑎᒃ. ᑎᑎᕋᓚᐅᖅᑐᖅ ᓱᓕᙱᑦᑐᓂᒃ, ᑲᑎᖦᖢᒋᑦ ᓯᕗᓪᓕᖅᐹᒥ ᐅᓂᒃᑳᖅᑕᖏᑦ.
ᖁᑦᑎᓂᖅᓴᒥ ᐃᓕᓐᓂᐊᖅᑐᓂ, ᔮᒪᓂᒨᓚᐅᖅᑐᖅ ᑕᐅᖅᓰᖃᑎᖃᖅᑐᓂ. ᐊᐅᓪᓚᓚᐅᖅᑎᓐᓇᒍ, ᐅᐸᑦᑕᐅᓚᐅᖅᑐᖅ ᑲᓇᑕᒥ ᐱᕙᓪᓕᐊᔪᓕᕆᔨᓄᑦ ᑎᑎᕋᖁᔭᐅᓪᓗᓂ ᐱᕕᖃᕐᓂᕐᒥᓂᒃ ᑕᐃᑲᓂ ᐅᐱᓐᓇᕋᓂ ᑐᓴᓚᐅᖅᓯᒪᖏᒻᒪᑕ ᐊᒥᓱᓂᒃ ᐃᖅᑭᓖᑦ ᓱᕈᓯᖏᓐᓂᒃ ᓄᓇᖅᔪᐊᕐᒧᑦ ᐊᐅᓪᓚᖅᑐᓂᒃ. ᖃᐅᔨᒪᓚᐅᓐᖏᓚᖅ ᐊᑭᓕᖅᑕᐅᔪᓐᓇᕆᐊᔅᓴᖅ ᑎᑎᕋᕐᓗᓂ ᐊᒻᒪᓗ ᖁᕕᐊᑦᑐᒻᒪᕆᐅᓪᓗᓂ. ᔪᕐᒪᒃᑯᑦ ᐃᓕᓐᓂᐊᖅᑎᖏᑦ ᑐᙵᓱᒃᑎᑦᑎᓚᐅᖅᐳᑦ ᑕᓖᖕᓂᒃ ᐊᒻᒪ ᐱᔪᒪᓂᖃᑦᑎᐊᖅᖢᓂ ᑭᓇᐅᓂᕐᒥᓂᒃ. ᑎᑎᕋᓚᐅᖅᑐᖅ ᐱᕕᖃᕈᓐᓃᕐᓂᕋᖅᖢᓂ ᐱᕙᓪᓕᐊᔪᓕᕆᔨᙳᕈᒪᓕᖅᖢᓂᓗ.
ᐅᑎᕐᒪᑦ ᑐᕌᓐᑐᒧᑦ ᐱᔭᕇᕆᐊᖅᑐᖅᑐᓂ ᐃᓕᓐᓂᐊᕕᒻᒧᑦ, ᐱᒋᐊᓕᓚᐅᖅᑐᖅ. "ᐃᓄᑑᖅᑰᔨᓚᐅᖅᑐᖓ. ᓇᓂᓯᓚᐅᙱᑦᑐᖓ ᐊᒥᓱᓂᒃ ᐃᓄᖕᓂᒃ ᐅᕙᓐᓂᒃ ᐱᔪᒪᓂᖃᖅᑐᓂᒃ, ᐃᓕᖅᑯᓯᓐᓂ, ᐊᒃᓱᕈᕆᐊᖃᓚᐅᖅᑐᖓᓗ ᖃᐅᔨᓇᓱᒃᓗᖓ ᐊᓯᖏᓐᓄᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᓄᓇᓕᐸᐅᔭᕐᒥ, ᓲᖃᐃᒻᒪ ᓯᐊᒻᒪᒃᓯᒪᓗᐊᕋᑦᑕ," ᐃᖅᑲᐅᒪᔪᖅ. ᓇᓂᓯᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᑲᓇᑕᒥ ᑐᑦᑕᕐᕕᖓᓂ ᐊᒻᒪ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᓄᑦ ᐱᔨᑦᑎᕋᕐᕕᒃ ᓯᓚᑦᑐᖅᓴᕐᕕᒡᔪᐊᖓᓂ ᐱᒻᒪᕆᐅᓪᓗᑎᒃ ᐊᑐᒐᒃᓴᑦ ᐃᓂᐅᓪᓗᓂᓗ ᑲᓲᑎᓗᑎᒃ ᓄᓇᓕᖕᒥ.
ᐊᑐᖅᓯᒪᔭᖓ ᓯᓚᑐᓂᕐᒥᓂᒃ ᑐᓴᖅᑎᑦᑎᓚᐅᖅᐳᖅ. "ᑕᐃᒪᓕ ᓇᓂᓯᒍᕕᑦ ᐊᓯᖏᓐᓂᒃ ᓄᓇᖃᖅᑳᖅᓯᒪᔪᓂᒃ ᓄᓇᔅᓯᓐᓂᙶᖅᓯᒪᙱᑦᑑᒐᓗᐊᓂᒃ, ᐅᕝᕙᓘᓐᓃᑦ ᐃᓕᖅᑯᓯᒃᑰᖓᔪᓂᒃ ᐃᕝᕕᑎᑑᖅᑐᓂᒃ, ᐱᖃᓐᓇᕆᔭᖅᑖᕈᓐᓇᕐᓂᐊᖅᐳᑎᑦ ᑕᒪᑐᒥᖓ ᖃᐅᔨᖃᑦᑕᖅᓯᒪᔭᕐᓂᒃ ᓄᓇᖃᖅᑳᖅᓯᒪᔪᓂᒃ ᕿᒪᐃᓯᒪᔪᓂᒃ ᓄᓇᔅᓯᓐᓂ ᑕᐃᒪᐃᓕᐅᕆᐊᖅᑐᕐᓗᑎᒡᓗ ᐊᖏᔪᐊᓗᖕᒥᒃ, ᐱᒻᒪᕆᐅᔪᒥᒃ, ᐱᐅᔪᒻᒪᕆᖕᒥᒃ. ᑕᒪᓐᓇ ᒪᒃᑯᑦᑐᓄᑦ, ᐃᖅᑲᐅᒪᐃᓐᓇᕆᐊᖃᖅᑐᒋᕙᕋ ᐱᓕᕆᑦᑎᐊᖅᑐᒻᒪᕆᐅᒐᔅᓯ ᐊᒻᒪ ᐃᓕᓐᓂᐊᑲᓐᓂᖅᑎᑦᑎᓪᓗᓯ. ᖃᓄᑐᐃᓐᓇᖅ ᐃᓕᓐᓂᐊᕋᓗᐊᕈᕕᑦ, ᖃᓄᐃᓕᐅᕈᒪᒐᓗᐊᕈᕕᑦ, ᑭᖑᓂᐊᒍᑦ, ᑕᒪᓐᓇ ᐊᒃᓱᐊᓗᒃ ᐱᕚᓪᓕᕐᓂᖃᕐᒪᑦ. ᐅᐱᒍᓱᒃᓗᑎᑦ ᐊᓪᓗᕐᔪᐊᕐᓂᕐᓂᒃ, ᓄᒫᓱᒃᑲᓗᐊᕈᕕᑦ, ᐅᕝᕙᓘᓐᓃᑦ ᐊᖏᕐᕋᕐᓂ ᐋᓐᓂᐊᖅᑰᔨᒐᓗᐊᕈᕕᑦ, ᐅᕝᕙᓘᓐᓃᑦ ᐅᐃᒻᒪᒃᓯᒪᓗᑎᑦ, ᐊᒻᒪ ᐅᖓᓯᓗᐊᒧᑦ ᐊᖏᕐᕋᕐᓂ ᐅᖓᓯᓗᐊᓕᕐᓗᑎᑦ. ᕿᓂᕐᓗᑎᑦ ᐊᓯᖏᓐᓂᒃ ᐃᓄᖕᓂᒃ ᐃᓕᖕᓂᒃ ᐃᖅᑲᐃᓯᑐᐃᓐᓇᕐᓗᑎᓪᓗ ᑭᓱᓂᒃ ᐱᑕᖃᕐᒪᖔᖅᐱᑦ, ᖃᓄᕐᓗ ᐱᒻᒪᕆᐅᑎᒋᖕᒪᖔᑦ ᖃᓄᐃᓕᐅᕐᒪᖔᖅᐱᑦ. ᑕᐃᒪᓕ, ᑭᓱᑐᐃᓐᓇᐃᑦ ᐊᓂᓂᐊᖅᑐᑦ ᐊᒻᒪᓗ ᑕᐃᑯᖓ ᑎᑭᐅᑎᓂᐊᖅᑐᑎᑦ ᐊᒻᒪᓗ ᖃᐅᔨᒪᓚᐅᖏᓂᓐᓂ, ᐱᔭᕇᕐᓂᐊᖅᑐᑎᑦ," ᐅᖃᐅᔾᔨᒋᐊᖅᑐᖅ.
ᐊᓛᓯ ᐊᑐᖅᑕᐅᑎᓪᓗᒍ ᓯᓚᑦᑐᖅᓴᕐᕕᔾᔪᐊᕐᒧᑦ, ᐱᕙᓪᓕᐊᔪᓕᕆᔨᓄᑦ ᐃᓕᓐᓂᐊᕆᐊᖅᑐᑦ ᐊᑭᑦᑐᕋᐅᑎᖃᑕᐅᓚᐅᖅᑐᑦ. ᐱᓕᕆᐊᒃᓴᖃᖅᖢᓂ ᑲᓇᑕᐅᑉ ᓯᓚᑖᓂᙶᖅᑐᓂᒃ ᐊᒻᒪ ᐅᓂᒃᑳᖅᖢᓂ ᐱᒻᒪᕆᐅᓂᖓᓂᒃ ᓄᓇᖃᖅᑳᖅᓯᒪᔪᑦ ᑭᒡᒐᖅᑐᖅᑎᑦ ᐱᕙᓪᓕᐊᔪᓕᕆᔨᓄᑦ, ᐱᓇᔪᓚᐅᖅᐳᖅ ᐃᓯᖅᖢᓂᓗ, ᓄᓇᖃᖅᑳᖅᓯᒪᔪᑦ ᐃᓕᓐᓂᐊᖅᑎᑐᐊᑦᑎᐊᖓ ᓴᓂᕐᕙᒃᑕᐅᓯᒪᔪᒥᒃ 120-ᓂᒃ ᐃᓕᓐᓂᐊᖅᑎᑕᖃᖅᖢᓂ. ᓯᕗᓪᓕᕐᒥ, ᕋᔅ ᐱᕙᓪᓕᐊᔪᓕᕆᔨᐅᔪᒪᓚᐅᖅᑐᖅ ᑭᓯᐊᓂ ᐅᖃᐅᓯᐅᖃᑦᑕᓚᐅᕐᒪᑦ ᑐᓴᖅᓴᐅᑎᑦᑎᓂᒃᑯᑦ ᐊᒻᒪ ᓴᖅᑭᑎᑦᑎᓂᒃᑯᑦ.
ᐃᓕᑦᑎᓚᐅᖅᑐᖅ ᖃᓄᖅ ᖁᑭᕆᐊᕆᐊᒃᓴᖅ ᐋᖅᑭᒃᓱᐃᓂᕐᒥᒡᓗ ᑕᕐᕆᔮᒃᓴᓂᒃ, ᐊᔾᔨᓕᐅᕈᑎᒃᑯᓪᓗ ᐊᓂᖅᓵᖅᑐᕈᑎᒃᑯᓪᓗ ᐊᔪᕈᓐᓃᕐᖢᓂ, ᑭᓯᐊᓂ ᐊᒃᓱᕈᕐᓇᖅᑐᒃᑰᕐᖢᓂ ᓄᓇᖃᖅᑳᖅᓯᒪᔪᓂᒃ ᐃᓕᓐᓂᐊᖃᑎᖃᑎᖃᙱᓪᓗᓂ. "ᐃᓂᖓᓄᐊᕋᔪᒃᑕᑦ, ᐃᓕᓐᓂᐊᕐᕕᐊᕈᓯᕐᒥ ᐅᖃᖃᑎᒌᒃᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᐱᔾᔪᑎᖏᓐᓄᑦ. ᑭᒡᒐᖅᑐᖅᑎᐅᓪᓗᐊᑕᕋᕕᑦ ᓄᓇᖃᖅᑳᖅᓯᒪᔪᓕᒫᓄᑦ ᑲᓇᑕᒥ. ᑭᒃᑯᓕᒫᑦ ᓂᕆᐅᒻᒪᑕ ᖃᐅᔨᒪᓂᐊᖅᑐᒋᓪᓗᓯ ᑭᓱᓕᒫᓂᒃ. ᑕᐃᒪᓕ ᐊᓯᖏᓐᓂᒃ ᐱᓯᒪᔭᐃᓐᓇᕆᕙᓯᐅᒃ. ᐃᓛᓐᓂᒃᑯᑦ ᐅᐊᑲᓪᓚᓗᐊᖅᑐᐊᓘᖃᑦᑕᕐᒪᑦ. ᐅᖃᖅᐳᖓ, ᓄᖅᑲᕈᒪᓕᓚᐅᖅᑐᖓ ᐊᕐᕌᒍ ᐱᖓᔪᒋᓕᖅᑕᖓᓄᑦ ᑎᑭᓕᖅᑎᓪᓗᖓ," ᐃᖅᑲᐅᒪᔪᖅ. ᕿᓂᕐᓂᖅ ᐃᓕᖅᑯᓯᑐᖃᕐᓂᒃ ᐃᓅᖃᑎᒌᖕᓂᕐᒧᓪᓗ ᐃᓗᓕᖏᓐᓂᒃ ᐊᒃᓱᕈᕐᓇᖅᑐᒥᒃ ᐱᓕᕆᐊᖃᕐᓂᕐᒥᓂ, ᓇᓗᓚᐅᖅᐳᖅ ᑲᔪᓰᓐᓇᕈᓐᓇᕋᔭᕐᒪᖔᑦ, ᑭᓯᐊᓂ ᐊᓂᒍᐃᓚᐅᖅᐳᖅ ᐃᖅᑲᓇᐃᔭᓯᑲᐅᑎᒋᓪᓗᓂᓗ.
ᓇᓕᒧᒌᒃᑎᑦᑎᓂᖅ ᐊᒻᒪᓗ ᒪᑭᑕᐃᓐᓇᕐᓂᖅ ᐊᒃᓱᕈᖅᖢᓂ ᐱᓕᕆᑎᓪᓗᒍ, ᕋᐃᔅ ᑕᐅᑐᒃᑐᖅ ᐃᓕᖅᑯᓯᖓᓂᒃ ᐊᒻᒪᓗ ᓄᓇᓕᖓᓂᒃ. ᑎᒥᒃᑯᑦ ᓈᒻᒪᒃᓴᐃᓐᓇᕋᓱᓲᖅ, ᐅᕿᙱᓐᓂᖅᓯᐅᖅᖢᓂ, ᐅᓪᓚᒃᖢᓂ, ᐊᒻᒪ ᐊᔪᕈᓐᓃᖅᓴᖅᖢᓂ ᓴᓇᙳᐊᕐᓂᕐᒥᒃ. ᐊᓛᓯ ᐃᓚᒥᓂᒃ ᐱᖃᑎᖃᖃᑦᑕᖅᑐᖅ, ᐃᓱᒪᑐᔫᓪᓗᓂ, ᐅᖃᓕᒫᖅᖢᓂ, ᑕᕐᕆᔭᖅᖢᓂ ᐃᓱᒪᒥᒍᓪᓗ ᐆᒻᒪᕆᒃᖢᓂ. ᑯᒃᑭᑕᐹᕐᓂᕐᒥᒃ ᖁᕕᐊᒋᔭᖃᓲᖅ ᐊᐅᓪᓚᑲᑕᒃᖢᓂᓗ.
ᑐᓴᖅᑎᑦᑎᔪᓐᓇᕈᓂ ᒪᒃᑯᖕᓂᖅᓴᓄᑦ ᓇᖕᒥᓂᖅ ᐅᖃᐅᓯᕐᒥᓂᒃ ᐃᓕᓐᓂᐊᕐᓂᖅ ᐱᒻᒪᕆᐅᓂᖅᓴᐅᓇᔭᖅᑐᖅ. ᐱᕈᖅᓴᒐᓗᐊᖅᖢᓂ ᓄᓇᓕᖕᓂ ᐅᖃᐅᓯᕐᖓᐅᑎᓕᖕᓄᑦ, ᓯᕗᓪᓕᐅᔾᔨᓚᐅᙱᑦᑐᖅ ᐃᓕᑦᑎᓂᕐᒥᒃ, ᐃᓱᒪᓕᐊᕆᔭᖓ ᐅᒡᒍᐊᕈᑎᒋᕙᐅᒃ. ᒫᓐᓇ, ᐱᓇᔪᒃᓯᒪᔪᖅ ᐃᓕᑦᑎᓇᓱᒃᖢᓂ ᐅᖃᐅᓯᕐᒥᓂᒃ ᐊᒻᒪᓗ ᐊᓯᐅᔨᓪᓗᓂ.
ᐱᔪᒃᓯᑎᑦᑎᕗᖅ ᒪᒃᑯᒃᑐᓂᒃ ᐱᓕᕆᔪᓂᒃ ᓇᑭᙶᕈᓘᔭᖅᑐᓂᒃ, ᐅᑭᐅᖅᑕᖅᑐᒥ ᓄᓇᓕᖕᓂ ᐃᑲᔫᑎᒃᓴᓕᐅᖅᐸᒃᑐᓂᒃ ᐅᖃᐅᓯᕐᒥᓂ ᐃᓕᖅᑯᓯᕐᒥᓂᒡᓗ ᑲᔪᓯᑎᑦᑎᓪᓗᑎᒃ, ᐊᒻᒪ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᖏᓐᓂᒃ ᓂᒡᓚᖅᓯᑎᑦᑎᕙᒃᖢᑎᒃ ᓄᓇᕐᔪᐊᕐᒥ. ᐊᓛᓯ ᑎᓕᐅᖅᑕᐅᕗᖅ ᕿᑐᕐᖓᖏᑦ ᐱᔪᓐᓇᕐᓂᖃᕐᓂᖅᓴᐅᓂᐊᕐᓂᖏᓐᓂᒃ ᐊᒻᒪ ᐃᓂᑦᑎᐊᕙᐅᓂᖅᓴᐅᓗᑎᒃ ᐅᑭᐅᖃᖅᑎᓪᓗᒍ ᖁᔭᓕᓗᒋᑦ ᓄᓇᖃᖅᑳᖅᓯᒪᔪᑦ ᒪᒃᑯᒃᑐᑦ ᐱᓇᔪᖃᑦᑕᕐᓂᖏᓐᓄᑦ.
"ᖁᔭᓕᑦᑎᐊᖅᑕᒃᑲ ᒪᒃᑯᒃᑐᑦ ᐆᒪᐃᓐᓇᕐᒪᑕ ᓴᙱᒃᑎᑉᐹᓪᓕᖅᖢᑎᒡᓗ. ᐅᑎᖅᓯᒪᓕᕋᑦᑕ ᐃᓚᖏᓐᓂᒃ ᐱᓂᕐᓗᓐᓂᐅᕙᑦᑐᓂᒃ ᐊᒻᒪᓗ ᐱᓪᓚᕆᓐᖑᐊᖅᑐᓂᒃ ᐱᒋᐊᖅᑎᑕᐅᔪᓂᒃ ᓇᓪᓕᐊᑐᐃᓐᓇᑦᑎᐊᓂᒃ ᐃᓄᓐᓂᒃ ᓱᓕ ᐊᑐᕈᓐᓇᖅᑕᖏᓐᓂᒃ, ᐊᒻᒪᓗ ᐃᓅᓱᒃᑐᐃᑦ ᐱᓱᕋᔭᒻᒪᑕ ᐊᒻᒪᓗ ᐱᐅᔪᒻᒪᕆᓐᓂᒃ ᐱᓕᕆᓪᓗᑎᒃ ᐊᒻᒪᓗ ᐃᓅᓯᑦᑎᐊᕙᒻᒪᕆᐅᓪᓗᓂ ᑕᒪᓐᓇ ᐱᔾᔪᑎᒋᓪᓗᒍ," ᐱᔭᕇᖅᑐᖅ.
ᑲᓕᒎᑎᑕᖃᓚᐅᖅᑐᖅ ᓯᕗᓂᐊᒍᑦ ᐃᓂᖃᑦᑎᐊᓚᐅᕐᓂᕐᒥᓂᒃ ᐊᒻᒪᓗ ᑭᒃᑯᑦ ᑲᔪᓯᑦᑎᐊᕈᓐᓇᖅᑎᓚᐅᕐᒪᖔᕐᒥᒋᑦ. ᑕᐃᒃᑯᐊ ᐅᐱᒋᕙᖏᑦ ᐊᔪᓐᖏᑎᑕᐅᑦᑎᐊᓚᐅᕐᒪᑦ ᐱᔪᓐᓇᕐᓂᓂ ᐊᑐᑦᑎᐊᕈᓐᓇᕐᓂᕐᒥᓂᒃ. ᒫᓐᓇ ᐱᕙᓪᓕᐊᔪᓕᕆᔨᑦᑎᐊᕙᐅᓕᖅᑐᖅ ᐊᒻᒪ ᐅᖃᓕᒫᒐᓕᐅᖅᑎᐅᓪᓗᓂ, ᐅᐊᑉᔅᕼᐃᒡ ᕋᐃᔅ ᐱᔪᓐᓇᕐᓂᖅᑖᖅᑎᑦᑎᕗᖅ ᓄᑖᓂᒃ ᒪᒃᑯᒃᑐᓂᒃ ᐅᓂᒃᑳᑲᑕᒃᖢᓂᓗ ᐃᓱᒫᓘᑎᒋᔭᒥᓂᒃ ᐅᖃᓕᒫᒐᕐᒦᖃᑕᐅᙱᖦᖢᓂ ᒪᒃᑯᒃᑎᓪᓗᒍ. ᑕᐅᕗᙵᖅᐸᓪᓕᐊᓪᓗᓂ, ᐃᓕᑦᑎᓪᓗᓂ ᐃᓚᒋᔭᐅᓂᕐᒥᓂᒃ, ᐊᓱᐃᓛᒃ ᑖᓐᓇ ᐊᒥᖅᑳᖃᑎᖃᕐᖢᓂ ᐊᑐᕐᓂᑯᖏᓐᓂ ᓄᓇᖃᖅᑳᖅᓯᒪᔪᑦ ᐃᓄᐃᑦ, ᐋᖅᑭᒃᓯᔪᖅ ᐱᖁᑎᖏᓐᓂ ᐊᓯᖏᓐᓄᑦ, ᒪᒃᐱᒐᖏᑎᒍᑦ.
ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᕐᒪᑦ ᑕᒪᑐᒥᖓ.
