"ᑕᐃᒪᓕ ᐅᐸᑐᐃᓐᓇᕈᕕᐅᒃ, ᑎᑭᐅᑎᔪᓐᓇᖅᑐᑎᑦ ᐃᓱᒪᓚᐅᖅᓯᒪᙱᑕᕐᓂᒃ," ᑎᓕᐅᕆᔪᖅ ᐅᐃᓕᐊᒻ ᐅᓛᔅᒥᒃ. ᓄᓇᖃᖅᑐᖅ ᕼᐊᐃᑕ ᒍᕙᐃᒥ ᐊᒻᒪᓗ ᐱᓕᕆᖃᑎᖃᖅᑐᓂ ᕼᐊᐃᑕ ᓱᕈᓯᕐᓄᑦ ᐃᓚᒌᓄᓪᓗ ᐱᔨᑦᑎᕋᖅᑎᒃᑯᓐᓂ ᐃᓚᒌᓄᑦ ᐸᐸᑦᑎᔨᐅᓪᓗᓂ. ᐃᓕᓐᓂᐊᖅᑎᑦᑎᖃᑦᑕᖅᑐᖅ ᐃᓅᓯᕐᒥᒃ ᓲᕐᓗ ᓂᕿᓕᐅᕐᓂᕐᒥᒃ, ᑮᓇᐅᔭᒃᑯᕕᓕᕆᓂᕐᒥᒃ, ᓂᕿᓂᒃ ᑲᑎᖅᓱᐃᓂᕐᒥᒃ, ᖃᐅᔨᓇᓱᖕᓂᕐᒥᒃ ᑐᓴᒐᒃᓴᓂᒃ ᐊᒻᒪᓗ ᐋᖅᑭᒃᓱᐃᓂᕐᒥᒃ ᐃᓅᓯᕐᒧᑦ ᖁᑦᑎᖕᓂᖅᓴᒥᒃ ᐃᓕᓐᓂᐊᕌᓂᒃᑎᓪᓗᒍ, ᐃᓕᓐᓂᐊᖅᑎᑦᑎᕙᒃᖢᓂ ᓂᔾᔭᐅᑎᓂᒃ ᐊᒻᒪᓗ ᐱᓕᕆᖃᑎᖃᖃᑦᑕᖅᓯᒪᓪᓗᓂ ᓄᓇᓕᖕᓂ ᓴᓇᙳᐊᖅᑎᓂᒃ ᓇᐹᖅᑐᓂᒃ. 

ᒪᒃᑯᒃᑐᑦ ᐃᖅᑲᓇᐃᔭᖃᑦᑕᖅᓯᒪᔭᖏᑦ ᐅᑭᐅᑦ ᖁᓕᑦ ᐅᖓᑖᓄᑦ ᐊᒻᒪ ᓈᒻᒪᖅᑰᔨᓪᓗᓂ ᓇᖕᒥᓂᖅ ᐊᑐᖅᓯᒪᔭᒥᓂᒃ. "ᐱᕈᖅᐸᓪᓕᐊᑎᓪᓗᖓ, ᑕᐃᒪᐃᑦᑐᒥᒃ ᐃᑲᔪᖅᓱᖅᑕᐅᓗᐊᓚᐅᙱᑦᑐᒍᑦ. ᐱᓕᕆᐊᒃᓴᖃᓗᐊᓚᐅᙱᑦᑐᒍᑦ, ᐱᙳᐊᑐᐃᓐᓇᙱᖦᖢᑕ ᓲᕐᓗ ᐹᔅᑲᑦᐹᕐᓂᖅ ᑕᒪᒃᑯᓂᖓᒐᓚᒡᓗ," ᐃᖅᑲᐅᒪᔪᖅ. 

ᒪᒃᑯᒃᑐᑦ ᐱᓕᕆᓂᖏᑦ ᐸᕐᓇᐅᑎᒌᓐᓇᖃᑦᑕᙱᒃᑲᓗᐊᖅᖢᓂᐅᒃ, ᑐᓴᕐᓈᖃᑦᑕᕈᒪᓂᖓ ᐱᒋᐊᓚᐅᖅᓯᒪᕗᖅ ᓄᑕᕋᐅᑎᓪᓗᒋᑦ. ᖃᐅᔨᒋᐊᓚᐅᖅᑐᖅ ᐅᖃᓕᒫᒐᕐᓂᑦ ᐊᒻᒪᓗ ᖃᕋᓴᐅᔭᖅ ᐱᓚᐅᖅᑕᖓ 20-ᓂᑦ ᓂᔾᔭᐅᑎᓂᑦ ᓂᔾᔭᐅᑎᓕᐅᖅᑐᓂ. ᒫᓐᓇ ᐃᓕᑦᑎᕙᓪᓕᐊᓕᖅᑐᖅ ᖃᓄᖅ ᑲᑎᑎᑦᑎᔪᓐᓇᕐᓂᕐᒥᒃ ᐊᔪᙱᓐᓂᖃᑦᑎᐊᕐᓂᕐᒥᒡᓗ ᐊᔪᕈᓐᓃᖅᑎᑦᑎᔪᒪᓂᕐᒥᓄᑦ ᓄᓇᓕᖕᓂ ᒪᒃᑯᒃᑐᓂᒃ. ᑐᓴᕐᓈᕐᓂᖅ ᐃᑲᔪᖅᑐᖅ ᐊᒃᑐᐊᓂᖃᕐᓂᖓᓄᑦ. "ᑕᒪᓐᓇ ᖁᕕᐊᒋᑦᑎᐊᖅᑕᕋ ᐱᓕᕆᐊᕆᔭᕆᐊᒃᓴᖅ ᓄᖅᑲᖅᑎᑦᑐᓐᓇᙱᖦᖢᒍᓗ," ᑕᐃᒪᓐᓇ ᐅᖃᖅᖢᓂ. 

ᐊᐃᑉᐸᖓ ᐱᓕᕆᐊᕆᔭᖓ ᐱᙳᐊᖅᑎᐅᓪᓗᓂ. ᑲᙳᓱᓗᐊᓕᕋᒥ ᐃᓕᓐᓂᐊᖃᑎᒥᓄᑦ, ᐱᓕᕆᓚᐅᖅᑐᖅ ᐃᑦᔅ-ᒥ ᓴᕕᒃ ᑕᕐᕆᔭᓕᐊᒥ, ᑎᓕᐅᖅᑕᐅᓪᓗᓂ ᑕᒻᒪᖅᓯᒪᔪᖅᓯᐅᖁᔭᐅᓪᓗᓂ ᐱᖃᓐᓇᕆᔭᖏᓐᓄᑦ ᖃᑕᙳᑎᖏᓐᓄᓪᓗ. ᑕᐃᒪᙵᓂᑦ ᕼᐄᑕ ᐅᖃᐅᓯᐅᑉ ᓂᐱᖓᓂᒃ ᐱᓕᕆᓯᒪᓕᖅᑐᖅ ᐊᓯᖏᓐᓄᑦ ᐱᓕᕆᐊᒃᓴᓄᑦ. ᐃᓇᖐᓯᒪᔪᒪᔫᒐᓗᐊᖅ ᑭᓯᐊᓂ ᐱᓕᕆᔨᐅᔪᑦ ᐱᓕᕆᖃᑎᖃᑐᐃᓐᓇᕐᓂᐊᖅᑐᑦ ᓄᓇᓕᐸᐅᔭᐅᓂᖅᓴᒥᑦ, ᐃᓱᒪᒋᓯᒪᔮᖓ ᑕᕐᕆᔭᓕᐊᖑᓚᐅᖅᑎᓪᓗᒍ 30-ᓂᒃ ᑐᓂᕐᕈᑎᓂᒃ ᐊᒻᒪᓗ ᓄᓇᕐᔪᐊᓕᒫᒨᖅᑕᐅᓪᓗᓂ. 

ᕿᐊᓇᖅᑐᒻᒪᕆᐅᕗᖅ ᐃᓅᓯᕆᓚᐅᖅᑕᖓᓂᑦ ᐃᓕᓐᓂᐊᕐᕕᕐᔪᐊᕐᒥᑦ, ᐅᓛᔅ ᐊᔅᓱᕈᖅᑎᓪᓗᒍ, ᓄᖅᑲᑐᐃᓐᓇᖅᑐᓂ ᐊᒻᒪ ᐅᑎᖅᑐᓂ ᖃᐅᔨᒐᒥ ᐃᓕᓐᓂᐊᕐᓂᕐᒥᓂᒃ ᐱᔭᕇᖅᓯᓐᖏᒋᐊᖓ ᐊᕝᕕᐊᕈᑕᐅᔪᓐᓇᕐᒪᑦ ᐃᖅᑲᓇᐃᔮᕆᓛᕈᒪᔭᖏᓐᓂᑦ. ᐃᓕᓐᓂᐊᖅᑕᖓ ᐱᒻᒪᕆᐅᓂᖅᓴᐅᓚᐅᖅᑐᖅ ᐱᔭᕇᖅᖢᓂᓗ 19-ᒥ. ᐃᓕᓴᐃᔨᑦ ᐊᖓᔪᖅᑳᖓᑦᑕ ᐅᖃᐅᑎᓚᐅᖅᐹᖓ ᓯᓚᑐᓗᐊᕐᓂᕋᖅᖢᓂ ᓯᓚᑦᑐᖅᓴᕐᕕᓕᐊᕆᐊᒃᓴᖅ ᐅᒃᐱᕈᓱᓕᖅᑎᖦᖢᓂᐅᒡᓗ ᐆᒃᑐᖁᓪᓗᓂᐅᒃ. ᐃᑲᔪᖅᑐᐃᑦᑎᐊᕐᓂᖓᓄᑦ ᐊᑐᖃᑦᑕᖅᑐᖅ ᑕᐃᒪᓐᓇ ᐊᑐᓚᐅᖅᑐᖅ. 

ᐅᓪᓗᒥᒧᑦ ᑎᑭᖦᖢᒍ, ᓱᓕ ᐊᓕᐊᓇᐃᒋᔭᖃᖅᐳᖅ ᐃᓕᑦᑎᕙᓪᓕᐊᓂᕐᒥᒃ. ᐅᓂᒃᑳᖅᑐᖅ ᒪᒃᑯᒃᑐᓄᑦ ᖃᐅᔨᒪᓂᐊᕐᒪᑕ ᐊᑐᒐᒃᓴᖅᑕᖃᐃᓐᓇᐅᔭᕐᓂᖓᓂᒃ ᐱᔪᒃᓯᓐᓇᖅᑐᒥᒃ ᐃᓕᓐᓂᐊᕐᓂᕐᒥᒃ ᐱᔭᕇᕋᓱᒃᓗᒍ ᐱᓕᕆᔨᒻᒪᕆᐅᓂᕐᒧᑦ ᑐᕌᒐᒃᓴᑎᑦ. "ᑭᓱᑐᐃᓐᓇᑦᑎᐊᑦ ᐃᓕᓐᓂᐊᕐᓇᕈᓘᔭᖅᑐᑦ ᐅᓪᓗᒥ," ᓇᓗᓇᐃᖅᓯᓪᓗᓂ. 

ᓯᓚᑦᑐᖅᓴᕐᕕᖕᒧᐊᓚᐅᙱᑎᓪᓗᒍ, ᐊᓂᑐᐃᓐᓇᓚᐅᖅᑐᖅ ᕼᐊᐃᑕ ᒍᕙᐃᒥᒃ ᖃᔅᓰᕌᕐᔪᒃᖢᓂ ᖃᐅᔨᒪᙱᖦᖢᓂᓗ ᓄᓇᓕᐸᐅᔭᐅᑉ ᐃᓅᓯᖓᓂᒃ, ᖃᓄᖅ ᐊᖁᑦᑐᓐᓇᕐᒪᖔᑦ ᐅᕝᕙᓘᓐᓃᑦ ᑲᑎᖃᑎᖃᕆᐊᒃᓴᖅ ᓄᑖᓂᒃ ᐃᓄᖕᓂᒃ. ᑎᓕᐅᕆᔪᖅ ᒪᒃᑯᑦᑐᓂᑦ ᐊᖏᕐᕋᐅᔾᔨᖁᔨᑦᓱᓂ ᐃᓕᓐᓂᐊᕐᕕᒻᒧᑦ ᓇᓂᓯᖁᔨᑦᓱᓂ ᐱᖃᑎᖏᓐᓂᑦ ᑕᐃᒪᐃᓚᐅᕐᒪᑦ. ᐅᖃᐅᓯᖃᖅᑐᖅ ᓯᓚᑦᑐᓴᕐᕕᒻᒥᒃ ᐊᖏᓂᖅᐸᐅᒋᐊᖓᓂᒃ ᑲᒪᒋᔭᑦᓴᖏᓐᓂᒃ ᐃᓕᓐᓂᐊᖅᑏᑦ ᑎᑭᐅᑎᒍᓐᓇᕐᓂᐊᕐᒪᑕ ᐃᓅᓯᖏᓐᓂᒃ, ᐃᓕᓐᓂᐊᕐᓗᑎᒃ, ᐅᖃᓕᒫᕐᓗᑎᒃ ᐊᒻᒪᓗ ᐊᖏᕐᕋᒥᓂᒃ ᐃᓕᓐᓂᐊᕈᑎᖃᕐᓗᑎᒃ ᑭᓯᐊᓂ ᑕᒪᓐᓇ ᖁᕕᐊᒋᒻᒥᔭᖓ, ᓄᑖᕐᓂᒃ ᐊᑐᖅᓯᒪᔭᖏᓐᓂᒃ. 

ᓇᔭᒥᓂᒃ ᐊᒻᒪ ᐃᓪᓗᐊᕐᔪᖓᓂ ᓄᓇᖃᕇᓚᐅᖅᑐᖅ ᓄᓇᓕᐸᐅᔭᕐᒥ ᐃᑲᔪᓚᐅᕐᒥᔪᖅ ᐃᓅᓯᕆᓂᐊᓕᖅᑕᒥᓄᑦ. ᐃᓕᖅᑯᓯᑐᖃᕐᓄᑦ ᖁᐊᖅᓵᕐᓂᖅ ᐊᑦᓱᕈᕐᓇᓚᐅᖅᑐᖅ ᓄᓇᓕᒻᒦᙶᖅᓱᓂ 800-ᓂᒃ ᐃᓄᓐᓂᒃ ᖃᐅᔨᒪᓚᐅᖅᑐᖅ ᒪᓚᓯᓇ ᓯᓚᑦᑐᓴᕐᕕᒻᒥᒃ ᓈᓇᐃᒥ ᖃᐅᔨᒪᓚᐅᓐᖏᑦᑐᖅ. ᒥᑭᓂᖅᓴᐅᑎᓪᓗᒍ ᓄᓇᓕᐸᐅᔭᖅ, ᐊᑐᖅᑕᐅᓕᓚᐅᖅᑐᖅ. ᑕᐃᑲᖓᑦ, ᐋᖅᑭᒋᐊᖅᓯᒍᓐᓇᓚᐅᖅᑐᖅ ᕕᒃᑑᕆᐊᒧᑦ, ᕚᓐᑰᕗᒧᑦ, ᐊᒻᒪᓗ ᓅᕙ ᓯᑰᓴᒧᑦ. ᐃᓅᓯᖃᕐᓂᖅ ᐃᒪᐅᑉ ᖃᓂᒋᔮᓂ ᑭᓱᓕᒫᑦ ᐃᒃᐱᖕᓇᕐᓂᖅᓴᐅᓚᐅᖅᐳᑦ, ᐃᓱᒪᓪᓗᑎᒃ ᐃᒪᖓᑕ ᓴᓂᐊᓂ ᐊᖏᕐᕋᖓᓂ.

ᐊᓯᐊᑦᑕᐅᖅ ᐊᓂᒍᖅᑎᓐᓇᓱᒋᐊᖃᖅᑕᖓ ᐃᓅᓯᖓᓂ ᓇᖕᒥᓂᖅ ᖁᓱᙱᖦᖢᓂ ᓇᖕᒥᓂᕐᓗ−ᐃᒃᐱᒋᑦᑎᐊᙱᖦᖢᓂ. ᐱᔪᒪᓂᖃᕐᓂᒃᑯᑦ ᐊᒻᒪᓗ ᓴᐱᓕᖅᑕᐃᓕᓂᒃᑯᑦ, ᑎᑭᐅᑎᒍᓐᓇᖅᓯᒪᔪᖅ ᐊᒥᓱᓄᑦ ᑐᕌᒐᖏᓐᓄᑦ. ᐃᒻᒥᓂᒃ ᐊᑦᑎᕋᓱᐊᕐᓂᖅ ᓂᔾᔭᐅᓯᔭᕐᓂᕐᒧᑦ ᐱᔭᕆᐊᑐᓯᒪᔪᖅ ᑭᓯᐊᓂ ᑕᐃᒫᑦᓴᐃᓐᓇᖅ ᐱᓇᓱᐊᖏᓐᓇᕐᓂᖅ ᐊᒻᒪᓗ ᐊᑐᓕᕐᓂᖅ ᑕᐅᑐᑦᑕᒃᑯᑦ ᐃᓕᑉᐸᓪᓕᐊᓂᐅᒻᒪᑦ ᐊᒻᒪᓗ ᐱᕕᖃᕐᓂᐅᔪᖅ ᓴᓇᙳᐊᕐᓂᕐᒧᑦ ᐅᖃᐅᓯᖃᕐᓂᕐᒥᒃ ᐃᑲᔪᕐᓂᖃᖅᓯᒪᔪᖅ. ᐃᓇᖐᓯᒪᔪᖅ ᑭᓂᕕᖕᒥ ᐱᓇᓱᐊᕈᓰᖕᓄᑦ ᒪᕐᕉᖕᓄᑦ ᐱᓕᒻᒪᒃᓴᖅᖢᓂ ᐊᒃᓱᕈᕐᓇᖅᑑᓚᐅᖅᑐᖅ ᑭᓯᐊᓂ ᐱᓕᒻᒪᒃᓴᕐᓂᖓ ᐃᑲᔪᓚᐅᖅᑐᖅ ᖃᓄᐃᑦᑑᓂᖓᓂᒃ ᐊᑐᖅᖢᓂᓗ ᐃᒃᐱᒋᔭᖏᓐᓂᒃ. ᒪᑐᐃᙶᕐᓗᓂ ᐃᓱᒪᒥᐅᑕᖃᕈᓐᓇᕐᓂᖅ ᐃᓕᑦᑎᔪᒪᓂᕐᓗ ᐊᔪᓕᕐᓂᕐᒥᒃ ᐱᕈᖅᐸᓪᓕᐊᑎᓪᓗᒍ, ᓄᑖᓂᒃ ᐆᒃᑐᕐᓗᓂ ᐊᒻᒪᓗ ᓈᒻᒪᑦᑎᐊᖅᑐᒃᑰᖅᑎᑦᑎᙱᖦᖢᓂ. ᑲᑉᐱᐊᓱᖕᓂᖓ ᓂᔾᔭᐅᓯᔭᖃᑦᑕᕆᐊᒃᓴᖅ ᐱᓕᕆᐊᕆᕙᐅᒃ ᑐᓴᖅᑎᑦᑎᕙᓪᓕᐊᖃᑦᑕᕐᓂᐊᕐᒪᑦ ᐱᓕᕆᐊᒥᓂᒃ ᑭᒃᑯᓕᒫᓄᑦ.

ᒪᒃᑯᖕᓂᖅᓴᓂᒃ ᐅᖃᐅᔾᔪᐃᔪᓐᓇᕈᓂ, ᐃᒻᒥᓂᒃ ᐊᔭᐅᖅᑐᕆᐊᖃᕋᔭᖅᐳᖅ ᐃᒻᒥᓂᒃ ᖁᓱᔪᓐᓃᕐᓗᓂ ᑲᑉᐱᐊᓱᒃᓴᕋᐃᓪᓗᓂᓗ. ᐅᖃᕈᓐᓇᖁᔨᔪᖅ, "ᐊᑏᒎᖅ. ᖃᓄᐃᙱᑦᑐᖅ. ᐃᖅᑲᖅᑐᐃᔨᐅᔾᔮᖏᓐᓇᕕᑦ. ᑲᑉᐱᐊᓱᑐᐃᓐᓇᕆᑦ."  ᓯᓂᖕᓂᖅᓴᐅᖁᔨᒋᕗᖅ ᐊᒻᒪ ᐃᒻᒥᓂᒃ ᑲᒪᒋᑦᑎᐊᕐᓂᖅᓴᐅᓗᓂ ᑎᒥᖏᑦ ᓴᐳᑎᓇᓱᒡᓗᓂᒋᑦ. 

ᐸᓂᖓ ᐃᓅᒻᒪᑦ, ᖃᐅᔨᓕᓚᐅᖅᑐᖅ ᓇᖏᖅᓯᒋᐊᖃᕆᐊᒥᒃ ᐊᒻᒪᓗ ᐆᑦᑑᑎᑦᑎᐊᕙᐅᓪᓗᓂ ᐊᒻᒪᓗ ᐃᓱᒪᓪᓗᓂ ᑐᓂᒍᒪᔭᒥᓂᒃ ᓱᕈᓯᐅᖏᒋᐊᖓᓂᒃ. ᕋᔅ ᐸᓂᖓ ᑕᐃᒪᓐᓇᓴᐃᓐᓇᖅ ᐊᒃᓱᕉᑎᖃᖁᓚᐅᖏᒻᒪᒍ ᐃᒻᒥᓂᒃ ᐅᐱᒋᓗᓂ ᐊᒻᒪᓗ ᒫᓐᓇ ᐅᖃᐅᓯᕆᓕᖅᑕᖓ "ᓴᙱᔪᒻᒪᕆᐊᓗᒃ ᓱᕈᓯᑯᓗᒃ." ᑲᔪᖏᖅᓴᐃᖏᓐᓇᖃᑦᑕᖅᑐᖅ ᖃᐅᑕᒫᑦ ᐱᐅᓂᖅᓴᒥᑦ ᐱᓕᕆᖃᑦᑕᖁᓪᓗᒍ.

ᑲᔪᓯᑎᑦᑐᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᖓ, ᐅᓛᔅ ᖁᕕᐊᓱᒃᖢᓂ ᓂᐱᖃᙱᖦᖢᓂ ᐱᙳᐊᖃᑎᖃᖅᖢᓂᓗ ᐳᓯᑳᒥᓂᒃ. ᐊᑐᖃᑦᑕᖅᑐᖅ ᑕᐅᑐᙳᐊᕐᓂᕐᒥᒃ, ᐊᓂᖅᑎᕆᓂᕐᒥᒃ ᐃᖃᐃᓕᓴᕐᓂᕐᒥᒃᓗ ᓴᒃᑯᑦᑎᓗᓂ ᓯᕘᕋᓂᕐᒥᒃ. ᐃᖃᐃᓕᓴᕐᓂᖅ, ᓯᓚᒦᓪᓗᓂ, ᑐᓴᕐᓈᕐᓂᖅ, ᐊᒻᒪ ᒪᒥᓴᕐᓂᖅ ᐃᑲᔪᕐᒥᔪᖅ ᓇᓃᖏᓐᓇᕐᓂᕐᒥᒃ. ᐅᑉᐱᕐᓂᖅ ᓇᒻᒥᓂᖅ ᐸᖅᑭᓂᖅ ᐱᒻᒪᕆᐅᕗᖅ ᒪᓕᑦᑐᒋᑦ ᖃᑦᑎᑦ ᐃᓄᐃᑦ ᐊᑦᑕᑎᖃᕐᒪᖔᑕ ᑖᔅᓱᒥᖓ ᐊᒻᒪ ᖃᐅᑕᒫᑦ ᐊᑐᖅᑕᐅᕙᑦᑐᑎᒃ. 

ᑲᔪᖏᖅᓴᐃᔭᕆᐊᖃᖅᑎᓪᓗᒍ, ᕋᔅ ᑕᑯᒥᓇᖅᑑᔮᖅᑐᖅ ᐱᖅᑯᓯᖓᓐᓂᑦ ᐊᒻᒪ ᑕᑯᕙᒃᑕᖓ ᖃᔭᕆᐊᕐᓂᕐᒥᑦ, ᓴᓇᙳᐊᕐᓂᕐᒥᑦ, ᐅᖃᐅᓯᖓᓂᑦ, ᐃᙱᐅᓯᖏᓐᓂᑦ ᐊᒻᒪ ᒧᒥᕈᓯᖏᓐᓂᑦ. "ᐅᖃᐅᓯᖅᐳᑦ ᐊᓐᓂᕐᓇᖅᑐᒻᒪᕆᐅᕗᖅ. ᑐᑭᓯᒍᕕᐅᒃ ᐱᖅᑯᓯᒃᑯᑦ ᐅᖃᐅᓯᑦ ᐅᖃᓪᓚᒍᕕᓪᓗ, ᐃᓕᖕᓄᑦ ᐅᑎᕈᑎᒋᓪᓚᕆᒃᐸᐃᑦ, ᓴᙱᓂᖅᓴᐅᖅᑰᔨᓪᓗᑎᓪᓗ ᓴᙱᓂᕐᓴᐅᓪᓗᑎᓪᓗ ᖃᓄᐃᙱᑦᑎᐊᖅᖢᑎᒡᓗ," ᐅᖃᐅᓯᖃᖅᐳᖅ, ᐅᖃᐅᓯᖃᖅᖢᓂ ᐅᖃᐅᓯᖕᒥᓂᒃ ᐅᖃᐅᓯᖃᓗᐊᖅᖢᓂ ᓴᕕᖕᒥᑦ.  ᐃᓄᐃᑦ ᐃᓅᓯᑦᓯᐊᕆᓛᒥᓂᒃ ᐃᓅᓯᖃᕋᓱᐊᖅᐸᒻᒥᔪᑦᑕᐅᖅ. 

ᒪᒃᑯᒃᑐᑦ ᑲᔪᖏᖅᓴᕈᒪᓗᒋᑦ, ᐅᓛᓯ ᐅᖃᕈᒪᕗᖅ, "ᐅᖁᖓᓗᑎᑦ ᑮᓇᒃᑯᑦ ᒪᓂᕋᐅᒐᓗᐊᕈᕕᑦ, ᒪᑭᒃᑲᓐᓂᕐᓗᑎᑦ ᐊᒻᒪ ᐳᔫᓕᕐᓗᑎᑦ ᓯᕗᒻᒧᐊᒃᐸᓪᓕᐊᖏᓐᓇᕐᓗᑎᓪᓗ. ᐃᓱᓕᕝᕕᖃᙱᑦᑐᖅ ᑎᑭᐅᑎᔪᓐᓇᖅᑕᕐᓄᑦ ᐃᓅᓯᕐᓄᑦ. ᓱᒃᑲᐃᖅᑰᔨᒐᓗᐊᕈᕕᑦ, ᑭᓱᑐᐃᓐᓇᒥᒃ ᐊᓂᒍᐃᔪᓐᓇᖅᑐᑎᑦ ᐃᓱᒪᐃᑦ ᐃᓱᒪᒋᔪᓐᓇᖅᑕᕐᓂᒃ... ᐱᓱᑲᑕᑐᐃᓐᓇᕐᓗᑎᑦ, ᐃᖏᕐᕋᑲᑕᐃᓐᓇᕐᓗᑎᑦ ᐅᐸᒍᒪᔭᕐᓄᑦ, ᐅᐸᒡᕕᑦᑎᐊᕙᖕᒧᐊᖃᑦᑕᕐᓂᐊᖅᐳᑎᑦ, ᖃᐅᔨᓚᐅᖅᓯᒪᙱᑕᑎᑦ ᐅᐸᓚᐅᖅᓯᒪᔾᔮᙱᓐᓇᕕᒋᑦ ᐳᐃᒍᖅᑕᐃᓕᓗᒋᓪᓗ ᖁᕕᐊᓱᒋᐊᒃᓴᖅ. ᐳᐃᒍᖅᑕᐃᓕᒋᑦ ᐃᓕᖕᓂᒃ ᖁᕕᐊᓲᑎᖃᕆᐊᒃᓴᖅ ᑲᔪᓯᑦᑎᐊᕐᓂᕐᓂᒡᓗ ᐃᓅᓯᖕᓂᓪᓗ ᖁᕕᐊᓲᑎᒋᓗᒍᓗ ᐊᓯᖕᓄᑦ... ᖁᕕᐊᓱᕐᔪᐊᖅᑐᑦ ᖁᕕᐊᓱᒃᖢᑎᒡᓗ."

ᐅᐃᓕᐊᒻ ᕋᔅ ᖃᐅᔨᒪᔪᖅ ᓯᕗᓪᓕᐅᓗᓂ ᑲᔪᓯᑐᐃᓐᓇᕈᕕᑦ, ᑎᑭᐅᑎᔪᓐᓇᕋᕕᑦ ᐃᓱᒪᓚᐅᖅᓯᒪᙱᑕᕐᓂᒃ ᓯᓐᓇᑦᑑᒪᒋᓚᐅᖅᓯᒪᙱᑕᕐᓂᒃ. ᐊᓂᒍᐃᔪᓐᓇᙱᖦᖢᓂ ᓯᓚᑦᑐᖅᓴᕐᕕᓕᐊᕆᐊᒃᓴᖅ, ᒪᒃᑯᒃᑐᓂᒃ ᖃᑕᙳᑎᒌᓂᒡᓗ ᐱᓕᕆᖃᑎᖃᖅᖢᓂ, ᑕᕐᕆᔭᖅᑎᑦᑎᕙᒃᖢᓂ, ᐊᒻᒪ ᐃᙱᖅᖢᓂ, ᐃᓕᓐᓂᐊᖏᓐᓇᖅᐳᖅ ᐊᒻᒪ ᐃᓕᓴᐃᔨᑦᑎᐊᕙᐅᓪᓗᓂ.  ᐃᓕᑕᒥᓂᒃ ᐅᖃᐅᓯᖃᖅᖢᓂ ᑭᓱᓂᒃ ᐱᔭᕆᐊᖃᖅᑕᒥᓂᒃ ᓴᖅᑭᑦᑎᓇᓱᒃᖢᓂ ᐱᕈᖅᐸᓪᓕᐊᑎᓪᓗᒍ ᕼᐄᑕ ᒍᕙᐃᒥ ᐃᑲᔪᖅᐸᒃᐳᖅ ᐅᑎᖅᑎᑦᑎᓂᕐᒥᒃ ᓯᕗᒻᒧᐊᒃᐸᓪᓕᐊᑎᓪᓗᒍ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.