"ᓱᕈᓯᐅᑎᓪᓗᖓ, ᕿᒻᒥᓂᒃ ᐅᓪᓚᖃᑦᑕᕈᒪᑐᐃᓐᓇᓚᐅᕋᒪ. ᑖᓐᓇ ᓯᓐᓇᑦᑑᒪᒋᑦᑎᐊᓚᐅᖅᑕᕋ," ᐅᐃᓕ ᐴᓪ. ᓵᓐᑦ ᓴᐃᓐᑦ ᒪᕆ, ᐋᓐᑎᐅᕆᐅᒥᐅᑕᐅᓕᖅᑐᖅ ᐊᒻᒪᓗ ᒫᓐᓇ ᐳᕆᓐᔅ ᐃᐊᑦᕗᑦ ᐊᐃᓚᓐᒥ ᓄᓇᖃᓕᖅᑐᖅ. ᐃᓚᖏᑦ ᕿᒻᒥᓂᒃ ᐅᓪᓚᒃᓯᓚᐅᖅᐳᑦ ᐊᒻᒪ ᓯᕗᕚᖏᑦ ᑎᑎᖅᑲᓂᐊᖅᑎᒃᑰᓚᐅᖅᑐᑦ. ᓯᓚᑦᑐᖅᓴᕐᕕᔾᔪᐊᕐᒨᓚᐅᖅᑐᖅ ᐱᔭᕇᕈᓯᐊᕐᓂᕐᒧᑦ ᓄᓇᖃᖅᑳᖅᓯᒪᔪᓂᑦ ᐃᓕᓐᓂᐊᕐᓂᕐᒧᑦ. ᐱᔭᕇᕋᒥ, ᓅᓚᐅᖅᓯᒪᔪᖅ ᓄᓇᑦᓯᐊᕐᒧᑦ ᐊᒻᒪᓗ ᔫᑳᓐᒧᑦ ᕿᒻᒥᓂᒃ ᐊᐅᓚᑦᑎᔭᖅᑐᖅᑐᓂ. ᓄᓇᖃᓚᐅᖅᑎᓪᓗᒍ ᐊᔾᔨᒌᙱᑦᑐᓂ ᓄᓇᖃᖅᑳᖅᓯᒪᔪᓂ ᓄᓇᓕᖕᓂ ᑕᑯᓪᓗᓂᓗ ᐊᒃᑐᐃᓂᖓᓂ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐅᑭᐅᖅᑕᖅᑐᒥ, ᑎᑎᕋᖃᑦᑕᓕᓚᐅᖅᑐᖅ ᑕᒪᑐᒪ ᒥᒃᓵᓄᑦ. ᐊᔾᔨᓐᖑᐊᓂᒃ ᐅᖃᓕᒫᒐᓕᐅᖅᑎᕈᓚᐅᖅᑐᖅ ᐊᒻᒪᓗ ᒫᓐᓇ ᑎᑎᕋᓕᕆᓪᓗᓂ ᑎᑎᖅᑐᒐᖅᓯᒪᔪᓂᒃ. ᐅᓂᒃᑳᖅᑐᐊᖏᑦ ᑐᙵᕕᖃᖅᐳᑦ ᓄᓇᒥ ᐃᓕᓐᓂᐊᖅᑕᒥᓂᒃ ᐊᒻᒪ ᐃᓅᓯᖓᓂ ᕿᓂᕐᓂᕐᒥᒃ.

ᐃᓕᓐᓂᐊᕆᐊᖅᓯᒪᔪᓐᓃᖅᑎᓪᓗᒍ, Poll ᐊᖏᕐᕋᒧᑦ ᐊᐅᓪᓚᕈᒪᖃᑦᑕᓚᐅᙱᑦᑐᖅ ᓲᖃᐃᒻᒪ ᓇᒡᓕᒋᔭᖏᑦ ᐊᒻᒪ ᓄᓇᖅᑲᑎᖏᑦ. ᐊᓈᓇᖓ ᐊᔭᐅᖃᑦᑕᓚᐅᕐᒪᒍ ᐃᓕᓐᓂᐊᕋᓱᐊᖁᔨᓪᓗᓂ ᐊᒻᒪᓗ ᐅᖃᐅᑎᖃᑦᑕᖅᑐᓂᐅᒃ ᐃᓕᓐᓂᐊᕆᐊᕆᐊᖃᕐᓂᕋᖅᑐᓂ. ᐊᔭᐅᖅᑕᐅᓂᖅ ᐃᑲᔫᑎᖃᓚᐅᖅᑐᖅ, Poll ᓇᓗᓇᐃᔭᐃᔪᖅ, "ᐱᕈᖅᓴᐃᓂᖅ ᓇᓗᓇᐃᒃᑯᑕᕐᒥᑦ ᒪᑐᐃᖅᓯᓚᐅᖅᑐᖅ ᐊᒥᓱᓂᑦ ᐊᖅᑯᑎᓂᑦ, ᑭᓯᐊᓂ ᓱᓕ ᐅᑉᐱᕈᓱᑦᑐᖓ ᓄᓇ ᐃᓕᓐᓂᐊᑎᑦᓯᔨᑦᓯᐊᕙᐅᒋᐊᖓᓂᑦ. ᐊᔾᔨᒌᓐᖏᑦᑐᓂᒃ ᐃᓕᑦᑎᔾᔪᑎᖃᓚᐅᖅᑐᖓ ᑕᒪᒃᑯᓂᖓ, ᖃᓪᓗᓈᑦ ᐃᓕᓐᓂᐊᕐᓂᖏᓐᓂᒃ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐱᖅᑯᓯᖏᓐᓂᒃ ᐃᓕᓐᓂᐊᕐᓂᕐᒥᒃ ᐊᒻᒪᓗ ᐅᖃᐅᓯᒃᑯᑦ ᐅᓂᒃᑳᖅᑐᐊᕐᓂᕐᒥᒃ ᐊᒻᒪᓗ ᐃᓕᑦᑎᕙᓪᓕᐊᓂᕐᒥᒃ ᓄᓇᒥᒃ ᐊᒻᒪᓗ ᐃᓕᑦᑎᓂᕐᒥᒃ ᐃᓄᑐᖃᕐᓂᒃ, ᐊᒻᒪᓗ ᑕᒪᒃᑯᐊᕈᓘᔭᐃᑦ ᑲᑎᖦᖢᒋᑦ ᑕᐃᒪᓐᓇ ᐱᓕᕆᔾᔪᑎᒋᓕᓚᐅᖅᑕᒃᑲ."

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᓅᑉᐸᓪᓕᐊᔪᓄᑦ ᐃᓕᓐᓂᐊᒃᑲᓐᓂᕈᒪᓂᕐᒧᑦ ᐃᒪᓐᓇᐅᓇᔭᖅᐳᖅ, "ᐃᓱᒪᒋᔭᕋᓕ ᑕᒪᓐᓇ ᓇᒧᙵᐅᕙᓪᓕᐊᓂᑐᐃᓐᓇᐅᓇᓱᒋᓪᓗᒍ, ᑭᒃᑯᑐᐃᓐᓇᐃᓪᓗ ᐱᓂᐊᖅᐳᑦ ᐱᔭᕆᐊᖃᖅᑕᒥᓂᒃ ᐊᔾᔨᒋᙱᑕᖓᒍᑦ ᓇᖕᒥᓂᒃᑯᓪᓗ, ᑕᐃᒪᐃᓐᓂᖓᓄᓪᓗ ᐃᓕᖕᓂᒃ ᐅᒃᐱᕆᑐᐃᓐᓇᕐᓗᑎᑦ ᓴᐱᓕᙱᓪᓗᑎᓪᓗ ᖃᐅᔨᒪᓗᑎᒡᓗ ᑕᒪᓐᓇ ᐊᒃᓱᕈᕐᓇᓪᓚᕆᖕᓂᐊᕐᓂᖓᓂᒃ, ᑭᓯᐊᓂ ᐊᒃᓱᕈᕐᓗᑕ ᐱᓕᕆᔪᓐᓇᕋᑦᑕ, ᐊᒻᒪ ᐊᔪᕐᓇᖅᑐᓂᒃ ᐊᓂᒍᐃᔪᓐᓇᖅᖢᑕ."

ᐴᓪ ᓅᒻᒪᑦ ᓄᓇᑦᓯᐊᕐᒧᑦ, ᓅᓚᐅᖅᓯᒪᔪᖅ ᐊᐅᔭᒃᑯᑦ ᖃᐅᒪᓂᖃᖅᑐᒻᒪᕆᐅᑎᓪᓗᒍ, ᑕᒪᓐᓇᓗ ᐃᑲᔪᖅᓱᖅᑎᐊᖅᑐᒻᒪᕆᐅᓪᓗᓂ ᖃᓄᐃᓐᖏᑦᑎᐊᕐᓂᖓᓄᑦ. ᐅᑭᐅᒃᑯᑦ ᐊᑦᑐᐃᓚᐅᕐᒪᑦ ᐃᓱᒪᒥᒍᑦ ᐊᒻᒪᓗ ᐊᓂᔭᕆᐊᖃᓕᓚᐅᖅᑐᖅ, ᓂᓪᓚᓱᒃᑲᓗᐊᖅᑎᓪᓗᒍ, ᐊᒻᒪᓗ ᕿᓚᒥᕈᓗᒃ. ᐱᓱᑲᑕᐃᓐᓇᓲᖅ ᓂᕐᔪᑎᓂᒡᓗ ᐱᖃᑎᖃᖅᖢᓂ, ᕿᒧᒃᓯᖅᖢᓂ ᐊᒻᒪ ᐃᖃᐃᓕᓴᖅᖢᓂ. ᓄᓇᓕᖕᓃᖦᖢᓂ ᐃᓄᑑᑎᖦᖢᓂᐅᒡᓗ ᓄᓇᓕᖕᓂ ᖃᓄᐃᓕᐅᕐᓇᓄᑦ ᖁᕕᐊᓲᑎᖃᕆᐊᖅᑐᕐᓗᓂᓗ.

ᐱᕈᖅᐸᓪᓕᐊᓂᖅ, Poll ᐊᕙᓗᔭᐅᓚᐅᖅᑐᖅ ᓴᙱᔪᓄᑦ ᒪᕐᕋᓄᑦ ᐊᔪᓕᖅᓯᒪᓗᐊᖅᑐᓄᑦ, ᐊᖏᕐᕋᒥ ᐋᓐᓂᖅᓯᕆᓂᕐᒧᑦ ᐊᒻᒪᓗ ᓱᕋᒃᐸᓪᓕᐊᔪᓄᑦ. ᐃᓚᒋᔭᐅᔪᖅ ᓯᕗᓪᓕᕐᓄᑦ ᑭᖑᕚᕇᓄᑦ ᐊᒃᓱᕈᙱᓪᓗᓂ ᐃᒥᐊᓗᓗᐊᖃᑦᑕᕐᓂᕐᒧᑦ ᐃᓚᐅᖃᑕᐅᓪᓗᓂᓗ ᒪᒥᓴᐃᓂᕐᒥ. ᐃᓪᓗᐊᕐᔪᖏᑦ ᐱᓱᒍᓐᓇᖅᓯᒪᑦᑎᐊᖅᑐᑦ ᐊᖅᑯᑎᒋᓂᐊᖅᑕᖓᓂᒃ. ᐱᔪᒃᓯᑎᑦᑎᑦᑎᐊᓲᖑᖕᒥᔪᖅ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᓂᒃ ᐱᔪᒃᓯᓕᖅᑎᑕᐅᓲᖑᓪᓗᓂᓗ ᓄᓇᖃᖅᑳᖅᓯᒪᔪᑦ ᓴᐳᓐᓂᐊᖅᑎᖏᓐᓄᑦ, ᒐᕙᒪᓕᕆᔨᓄᑦ, ᐱᙳᐊᖅᑎᓄᑦ ᐊᒻᒪ ᓴᓇᙳᐊᖅᑎᓄᑦ.  "ᐃᓱᒪᒋᔭᕋᓕ ᐱᔪᒃᓯᑎᑦᑎᓂᖅᓴᐅᔪᓐᓇᕐᓂᑦᑎᓐᓂᒃ ᑭᖑᓂᑦᑎᓐᓂᑦ, ᓲᖃᐃᒻᒪ ᓇᓂᑐᐃᓐᓇᑦᑎᐊᖅ ᑕᑯᔪᓐᓇᕋᑦᑎᒍᑦ, ᓄᓇᑦᑎᓐᓂᑐᐊᖑᙱᑦᑐᖅ," ᐅᖃᖅᐳᖅ, ᐃᓱᒪᓪᓗᓂ ᐱᐅᔪᒥᒃ ᐊᒃᑐᐃᓂᕆᓇᔭᖅᑕᖓᓂᒃ ᐱᓕᕆᔾᔪᑎᓄᑦ ᐊᓯᔾᔨᖅᐸᓪᓕᐊᔪᓄᑦ.

ᐊᔾᔨᒌᙱᑦᑐᓂᒃ ᐊᓪᓚᖓᓪᓗᓂ ᐊᒻᒪ ᐊᓂᓰᓇᐱ ᐃᓅᓪᓗᓂ, ᐴᓕ ᑎᑎᕋᕈᒪᓚᐅᖅᐳᖅ ᐅᖃᓕᒫᒐᕐᓂᑦ ᓴᖅᑭᔮᖅᑎᑦᑎᔪᓂᑦ ᓯᕗᓕᕆᓚᐅᖅᑕᖏᑕ ᐅᖃᐅᓯᖓᓂ. ᐅᑎᖅᑎᑦᑎᔪᖅ ᐅᖃᐅᓯᖅᑕᒥᓂᒃ ᑕᐃᒪᐃᓕᐅᖅᖢᓂ ᑎᑎᕋᖅᖢᓂᓗ ᐅᖃᓕᒫᒐᕐᓂᑦ ᐅᔪᕈᖏᓐᓄᑦ ᐅᔪᕈᖏᓐᓄᓪᓗ ᖁᕕᐊᒋᓂᐊᕐᖢᓂᒋᑦ. ᐅᖃᐅᓯᓕᕆᓂᕐᒧᑦ ᖁᕝᕙᕆᐊᕈᑎᓂᒃ ᐱᓚᐅᖅᑐᖅ ᐃᓚᒋᔭᐅᓪᓗᓂ ᐃᓕᓐᓂᐊᕌᓂᒍᓯᐊᖓᓄᑦ ᑭᓯᐊᓂ ᐊᔪᖖᒋᖦᖢᓂ ᑕᐃᒃᑯᓇᓂ ᐃᓕᓐᓂᐊᕐᓂᕐᓂ. ᐅᖃᐅᓯᕐᒥᒃ ᐃᓕᑦᑎᕙᓪᓕᐊᓐᓇᖅᑐᓂᒃ ᐊᒃᓱᕈᕐᓇᕐᒪᑦ ᑭᓯᐊᓂ ᑕᐃᒪᐃᓕᐅᖅᑐᖅ.

ᒪᑐᓕᕐᓗᒍ, ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, Poll−ᑯᑦ ᐅᖃᖅᐳᑦ, "ᐃᓂᒋᔪᒪᔭᐃᑦ ᐅᖃᐅᓯᕆᓗᒍ, ᓇᓂᑐᐃᓐᓇᑦᑎᐊᖅ ᐃᓚᒋᔭᐅᕗᑎᑦ. ᖃᓄᑐᐃᓐᓇᖅ ᐱᓕᕆᔪᓐᓇᖅᑐᑎᑦ, ᐊᒻᒪᓗ ᐊᑕᐅᓯᑐᐃᓐᓇᕐᒥᑦ ᐱᓕᕆᔪᓐᓇᕐᓇᓂ ᐅᕝᕙᓘᓐᓃᑦ ᐊᖅᑯᑎᑦᑎᐊᕙᖕᒥᑦ ᑕᐅᕗᙵᕋᓱᒋᐊᒃᓴᖅ. ᐊᔾᔨᒌᓐᖏᑦᑐᓂᒃ ᐃᖏᕐᕋᓂᖃᖅᑐᐃᓐᓇᐅᒐᑦᑕ, ᐊᒻᒪᓗ ᐱᔪᒪᒍᑦᓯᐅᒃ ᐊᒻᒪᓗ ᐱᓕᕆᔪᒪᒍᔅᓯ, ᑕᐃᒪᐃᒃᑲᔭᖅᑐᖅ. ᐅᒃᐱᕆᔭᒋᑦ, ᐊᒻᒪᓗ ᓇᓗᖏᓚᖓ ᐊᒥᓱᑦ ᐃᓄᐃᑦ ᐅᒃᐱᕈᓱᖕᒪᑕ ᐊᒻᒪᓗ ᐃᑲᔪᖅᑐᐃᓪᓗᑎᒃ ᐃᓕᖕᓂᒃ."

ᐃᓅᓱᒃᑑᑎᓪᓗᒍ, ᐅᐃᓕ ᐴᓪ ᓯᓐᓇᑦᑑᒪᓚᐅᖅᑐᖅ ᕿᒻᒥᓂᒃ ᐅᓪᓚᒃᓯᓪᓗᓂ ᐊᒻᒪᓗ ᓯᓐᓇᑦᑑᒪᖓ ᓱᓕᓪᓗᓂ. ᐅᓂᒃᑳᖅᑐᐊᓂᒃ ᑎᑎᕋᖅᖢᓂ ᓯᕗᕚᑦᑕ ᐅᖃᐅᓯᖓᓂ ᐋᖅᑭᒃᑕᐅᓚᐅᖅᑎᓪᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᐊᒃᑐᐃᓂᖓᓄᑦ, ᐊᓯᔾᔩᔪᓐᓇᖅᐳᖅ ᓄᑕᖅᑲᑦ ᐅᖃᓕᒫᒐᖏᓐᓂᒃ. ᓄᖅᑲᖃᑦᑕᕐᖢᓂ ᐊᓯᔾᔨᕐᐸᓪᓕᐊᓪᓗᓂᓗ, ᐅᖓᓯᒃᑐᒧᑦ ᓅᖦᖢᓂ ᓅᕐᔪᐊᕐᖢᓂᓗ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.