ᔭᓯᑲ ᑐᒪᔅ ᐱᓕᕆᔨᒻᒪᕆᐅᓪᓗᓂ ᐃᓅᓯᕐᒧᑦ ᑲᒪᔨᐅᔪᖅ ᐅᖃᖅᑎᐅᓪᓗᓂ ᑲᒪᔨᐅᓪᓗᓂ ᐊᒻᒪ ᓇᒻᒥᓂᖃᖅᑎᐅᓪᓗᓂ ᐊᕐᓇᓄᑦ, ᐅᐃᓂᐸᒡᒥᐅᑕᐅᓪᓗᓂ. ᓄᓇᖃᖅᓯᒪᔪᖅ ᓄᓇᓕᐸᐅᔭᕐᒥ ᐃᓅᓯᓕᒫᖓᓂ, ᐱᕈᖅᓴᓪᓗᓂᓗ ᐅᐊᓂᐸᐃᒡᐅᑉ ᐃᓱᐊᓂ, ᔭᓯᑲᐅᑉ ᐃᓕᓐᓂᐊᕐᓂᖓ ᐃᖅᑲᓇᐃᔮᕆᓛᕈᒪᔭᖓᓗ ᐊᔾᔨᐅᙱᑦᑑᓪᓗᓂ.

"ᐊᖓᔪᒃᖡᑦ ᐃᓕᓐᓂᐊᕐᕕᖕᒥ ᐊᓂᒍᐃᓵᓚᐅᕋᒪ ᑭᖑᕙᒐᓚᒃᖢᖓ. ᑕᒪᓐᓇ ᑐᕌᒐᐅᓚᐅᙱᑦᑐᖅ ᐅᐱᓐᓇᕋᓂ ᐃᓚᓐᓄᑦ ᐊᑐᖅᑕᐅᓗᐊᓚᐅᓐᖏᒻᒪᑦ ᐅᕝᕙᓘᓐᓃᑦ ᐅᖃᐅᓯᕆᓯᒪᓇᒍ. ᓄᖅᑲᑲᐃᓐᓇᓚᐅᖅᓯᒪᒐᒪ, ᐃᕐᓂᖃᖅᑐᖓ, ᐊᒻᒪᓗ ᐅᑎᓕᕆᓪᓗᖓ ᐃᓕᓐᓂᐊᕐᕕᒻᒧᑦ. ᐃᕐᓂᕋ ᐃᓅᓯᓐᓂ ᐱᐅᓯᑎᑦᑎᐊᓚᐅᖅᑕᕋ. ᐊᕐᕌᓂ ᐃᓕᓐᓂᐊᕐᓇᐅᓚᐅᖅᑐᒥ, ᐃᓚᒋᔭᐅᔪᓐᓇᖅᓯᓚᐅᕋᒪ ᒪᒃᑯᒃᑐᑦ ᐃᖅᑲᓇᐃᔭᖅᑎᑕᐅᑎᓪᓗᒋᑦ, ᐊᒻᒪ ᐊᖓᔪᒃᖡᑦ ᐃᓕᓐᓂᐊᕐᕕᖕᒥ, ᐃᖅᑲᓇᐃᔮᖅᑖᓚᐅᖅᑐᖓ ᒫᓂᑑᐸᒥ ᐆᒻᒪᖅᑯᑎᓕᕆᔨᒃᑯᑦ ᐃᖅᑲᓇᐃᔭᖅᑎᖓᓂᒃ."

"ᐱᕕᒃᓴᑦᑎᐊᕙᐅᓚᐅᖅᑐᖅ ᐃᖅᑲᓇᐃᔮᒧᑦ ᓲᖃᐃᒻᒪ ᐃᓚᓐᓂ ᐃᖅᑲᓇᐃᔭᖅᑐᖃᓚᐅᙱᒻᒪᑦ ᐃᖅᑲᓇᐃᔮᖃᖅᑐᖃᙱᖦᖢᓂᓗ, ᑕᐃᒪᐃᒻᒪᑦ ᐊᖏᔫᓚᐅᙱᑦᑐᖅ. ᐃᖅᑲᓇᐃᔭᓕᖅᑎᓪᓗᖓ ᐃᒪᖕᒨᖅᑐᓄᑦ, ᐱᔨᑦᑎᕋᖅᐸᓚᐅᖅᑐᖓ ᑭᐅᕙᒃᖢᖓᓗ ᐅᖄᓚᔪᓂᑦ, ᐃᓕᓐᓂᐊᑦᑎᐊᓚᐅᖅᑐᖓ ᐊᔪᙱᓐᓂᓕᒫᓐᓂᑦ. ᑕᐃᑲᓂ ᐃᖅᑲᓇᐃᔭᓕᓚᐅᖅᑐᖓ ᐊᕐᕌᒍᓄᑦ 9-ᓄᑦ."

ᑭᓯᐊᓂᓕ, ᐱᓂᕐᓗᓐᓂᐅᓚᐅᖅᑐᖅ ᐱᒋᐊᓚᐅᖅᑐᖅ ᔭᓯᑲᐅᑉ ᕿᓂᕐᓂᖓ ᓯᓚᑖᓐᓂᑦ ᑯᐊᐳᕇᓴᐅᑉ ᓯᓚᕐᔪᐊᕐᒥ. 2005-ᒥ, ᓄᑲᖓ ᓄᑲᖓ ᑐᖁᑕᐅᓪᓗᓂ ᐅᐃᓂᐹᒡᒥ ᐸᓖᓯᓄᑦ, ᐊᒻᒪ ᑭᖑᓂᐊᒍᑦ, ᖃᐅᔨᓪᓗᓂ ᐃᖕᒥᓂᒃ ᕿᓂᕐᓂᕐᒥᒃ ᑐᑭᖃᑦᑎᐊᕐᓂᖅᓴᒥᒃ ᐃᓅᓯᕐᒥ.

"ᒫᓂᑑᕙᒥᑦ ᐆᒻᒪᖅᑯᑎᓕᕆᔨᒃᑯᑦ ᐊᐅᓪᓚᕋᒪ, ᐃᖅᑲᓇᐃᔭᓕᓚᐅᖅᑐᖓ ᐅᑎᖅᑎᑦᑎᓂᕐᒧᑦ ᐃᖅᑲᖅᑐᐃᓂᕐᒥᑦ, ᖃᐅᔨᒪᓚᐅᕐᓇᖓᓗ ᑭᓲᖕᒪᖔᑦ, ᑭᓯᐊᓂ ᐱᓕᕆᑎᓪᓗᖓ ᒪᒥᓴᖅᑎᑦᑎᕐᔪᐊᓚᐅᖅᑐᖓ ᑐᑭᓯᐅᒪᓪᓗᖓᓗ ᖃᓄᐃᒻᒪᑦ ᐊᓂᒐ ᑕᐃᒪᐃᓚᐅᕐᒪᖔᑦ. ᑕᐃᒪᖓᓂ ᐊᓯᔾᔨᖅᓂᖃᓚᐅᕐᓱᖓ ᐃᖃᓇᐃᔨᐅᓂᕐᓄ ᐅᑯᓄᖓ ᑯᐊᐳᕇᓴᑯᓄ ᐊᒻᒪ ᑭᖑᓪᓕᖅᒥ ᐃᖏᕐᕋᓂᕆᓂᐊᕐᑕᖏᓄ, ᐱᒋᐊᓯᔪᒋᐊᑲᓂᕐᓄ ᐃᓕᓐᓂᐊᖅᓂᓄ ᐃᓗᐊᓂ ᓇᒻᒥᓂᕆᔭᕋ ᐊᒻᒪ ᑲᔪᓯᖏᓐᓇᕐᓱᖓᓗ ᐅᓪᓗᒥ.

ᑭᓯᐊᓂ ᓱᓕ, ᕿᓂᕐᓂᖅ ᑐᑭᖃᕐᓂᖅᓴᐅᔪᒥᒃ ᑐᕌᖅᑎᑦᑎᓚᐅᖅᑐᖅ ᔭᓯᑲᒥᒃ ᒫᓐᓇᐅᔪᖅ ᐱᓕᕆᐊᖓᓄᑦ ᐃᓅᓯᕐᒧᑦ ᑲᒪᔨᐅᓪᓗᓂ ᐊᒻᒪᓗ ᐅᖃᖅᑎᐅᓪᓗᓂ. "ᐃᖅᑲᓇᐃᔮᓐᓂᒃ ᕿᒪᐃᓕᓚᐅᖅᑐᖓ (ᐅᑎᖅᑎᑦᑎᓂᕐᒧᑦ ᐃᖅᑲᖅᑐᐃᓂᒃᑯᑦ) ᑕᑯᔪᒪᑐᐃᓐᓇᕋᑖᕋᒪ ᑭᓱᒃᑲᓐᓂᕐᒥᒃ ᐱᑕᖃᕐᒪᖔᑦ ᐅᕙᓐᓄᑦ ᑕᕝᕙᓂ ᓄᓇᕐᔪᐊᕐᒥ? ᖃᓄᐃᓕᐅᕆᐊᖃᖅᐳᖓ ᐃᓅᓯᓐᓄᑦ? ᖃᓄᐃᑦᑐᓂᒃ ᐊᔪᙱᓐᓂᖃᖅᐳᖓ? ᖃᓄᐃᑦᑐᓂᒃ ᐊᔪᕈᓐᓃᖅᑕᐅᕙᒃᑐᓂᒃ ᐊᑐᕈᒪᕗᖓ? ᐱᓕᕆᐊᖃᓚᐅᖅᑐᖓ ᒥᑭᓐᓂᖅᓴᓂᒃ ᐃᖅᑲᓇᐃᔮᓂᒃ ᐃᓅᓯᕐᒧᑦ ᑲᒪᔨᙳᓚᐅᙱᓐᓂᓐᓂ."

ᐊᔾᔨᐅᖏᑦᑐᖅ ᐊᑐᖃᑦᑕᖅᑕᖏᑦ ᐃᓕᓐᓂᐊᕐᓂᕐᒧᑦ ᐃᓕᓐᓂᐊᕐᓂᕐᒧᓪᓗ ᐱᔨᑦᓯᕋᑦᓯᐊᖅᓯᒪᔪᖅ, ᑭᓯᐊᓂ ᐊᖏᖅᓯᒪᓂᖃᖅᑐᖅ ᐊᑦᓱᕈᖅᓯᒪᓂᖓᓄᑦ ᐃᓅᖃᑎᒌᓐᓂᕐᒧᑦ ᓂᕆᐅᒋᔭᖃᕐᓂᕐᒥᑦ ᖁᑦᓯᓂᖅᓴᒥᑦ ᐃᓕᓐᓂᐊᕐᓂᕐᒧᑦ. "ᐃᓱᒪᒋᔭᕋ ᐃᓅᖃᑎᕗᑦ ᐅᖃᐅᔾᔨᖃᑦᑕᕐᓂᖏᓐᓂ ᐅᕙᑦᑎᓐᓂᑦ ᓯᓚᑦᑐᖅᓴᕐᕕᔾᔪᐊᕐᒨᕆᐊᖃᕋᕕᑦ. ᑕᐃᒪᐃᒻᒪᑦ ᐊᒃᓱᕈᒻᒪᕆᓚᐅᖅᑐᖓ ᐃᓱᒪᓪᓗᖓ 'ᓯᓚᑦᑐᖅᓴᕐᕕᒡᔪᐊᓕᐊᙱᒃᑯᒪ, ᓈᒻᒪᙱᓗᐊᕋᒪ. ᓯᓚᑐᙱᓗᐊᕋᒪ. ᖃᓄᕐᓕ ᐃᓱᒪᒋᓇᔭᖅᐸᕋ ᐃᓚᓕᐅᑎᔪᓐᓇᕋᓱᒋᔭᕋ ᐃᖅᑲᓇᐃᔮᕐᓄᑦ ᐃᖅᑲᓇᐃᔮᕆᔭᕐᓄᓪᓘᓐᓃᑦ, ᐃᓄᐃᓪᓗ ᐅᕙᓐᓂᒃ ᑕᐅᑐᒃᑎᓪᓗᒋᑦ ᐃᒃᐱᒍᓱᑦᑎᐊᕐᓂᒃᑯᑦ?"

"ᓯᓚᑦᑐᖅᓴᕐᕕᒡᔪᐊᒥ ᐆᒃᑐᖃᑦᑕᓚᐅᖅᑐᖓ ᐊᑕᐅᓯᐊᙱᖦᖢᖓ ᐅᕙᓐᓄᑦ ᑐᕌᖓᙱᖦᖢᓂ. ᑭᒃᑯᓕᒫᓄᑦ ᑐᕌᖓᙱᒻᒪᑦ. ᐃᓪᓗᒌᓕᖅᑎᒐᓱᐊᓚᐅᖅᑕᕋᓗᐊᕋ ᐊᒻᒪᓗ ᐅᖃᕐᓗᖓ ᖃᓄᐃᖏᑦᑐᖅ ᐃᓕᓐᓂᐊᕐᕕᔾᔪᐊᖃᖏᒃᑯᒪ, ᐊᒥᓱᓂᒃ ᐃᓕᓐᓂᐊᖅᓯᒪᓂᖃᖅᑐᖓ, ᐊᒻᒪᓗ ᐃᓕᓐᓂᐊᖅᑎᑕᐅᓯᒪᓪᓗᖓ ᐊᑕᐅᓯᕐᒥᒃ, ᐃᑲᔫᑎᓪᓚᕆᐅᕙᓪᓚᐃᔪᖅ ᐅᕙᓐᓄᑦ, ᑭᓯᐊᓂᓕ ᖃᐅᔨᒪᓪᓗᖓ ᖃᓄᐃᖏᑦᑐᖅ ᐊᒻᒪᓗ ᐃᓱᒪᔅᓲᑎᒋᓚᐅᖅᑕᕋ ᐊᖏᕐᓗᒍ. ᐅᖃᖃᑎᖃᖅᑐᒻᒪᕆᐅᓚᐅᖅᐳᖓ ᐱᖃᓐᓇᕆᔭᕐᓂᒃ ᐊᒻᒪ ᐃᓄᓐᓂᒃ ᐅᐱᒍᓱᑦᑐᓂᒃ, ᓯᓚᑦᑐᓴᕐᕕᕐᔪᐊᕐᒥᑦ ᐃᓕᑕᕆᔭᐅᔾᔪᑎᖃᖅᑐᓂᒃ ᐊᒻᒪ ᑕᐃᒃᑯᓂᖓ ᐱᑕᖃᙱᑦᑐᓂᒃ. ᐊᒻᒪᓗ (they) ᐅᕙᓐᓄᑦ ᐅᖃᕋᔭᖅᑐᑦ, 'ᖃᐅᔨᒪᒐᕕᒋᑦ ᐱᖁᑎᑎᑦ. ᐃᓱᒫᓗᒋᐊᖃᙱᑦᑐᑎᑦ ᐃᓄᖕᓂᒃ ᐃᓕᖕᓂᒃ ᐃᒃᐱᒍᓱᙱᑦᑐᓂᒃ ᐅᕝᕙᓘᓐᓃᑦ ᑕᑯᑎᑦᑎᓗᑎᑦ ᐃᓕᓴᕆᔭᐅᔾᔪᑎᓂᒃ ᐱᔭᕆᐊᖃᖅᑕᕐᓂᒃ ᓲᖃᐃᒻᒪ ᓯᓚᑦᑐᖅᓴᕐᕕᒡᔪᐊᒥ ᐃᓕᓐᓂᐊᕌᓂᒍᓯᐊᖃᙱᓐᓂᕐᓄᑦ.'"

"ᐊᒃᓱᕈᕈᑎᒋᖃᑦᑕᓚᐅᖅᑕᕋ ᐊᑯᓂᐅᙱᑦᑐᖅ, ᑭᓯᐊᓂ ᖃᐅᔨᓕᓚᐅᕆᕗᖓ ᐃᓄᖕᓂᒃ ᑲᑎᓯᖃᑦᑕᓚᐅᕐᓂᓐᓂᒃ ᑲᑎᒪᕐᔪᐊᖅᑐᓂᒃ ᐅᕝᕙᓘᓐᓃᑦ ᐊᔾᔨᒌᙱᑦᑐᓂᒃ, ᐃᓕᑕᕆᔭᐅᔾᔪᑎᑖᖅᓯᒪᔪᓂᒃ ᐱᓕᕆᐊᕆᓚᐅᖅᑕᓐᓂᒃ ᓲᕐᓗ ᓇᖕᒥᓂᖃᕐᕕᐅᔪᓂᒃ ᐅᕝᕙᓘᓐᓃᑦ ᐃᓅᖃᑎᒌᓂᒃ, ᐅᕝᕙᓘᓐᓃᑦ ᑭᓱᑐᐃᓐᓇᓂᒃ ᐅᖓᕙᕆᐊᕈᑕᐅᓲᓂᒃ ᐱᓕᕆᐊᓐᓂᒃ ᖃᐅᔨᓚᐅᖅᐳᖓᓗ ᐃᖅᑲᓇᐃᔮᓐᓂ ᐱᓕᕆᑦᑎᐊᕐᓂᖅᓴᐅᖃᑦᑕᓚᐅᕐᓂᖏᓐᓂᒃ, ᐃᓱᒪᓕᓚᐅᖅᐳᖓ, 'ᖃᐅᔨᒪᕕᑦ ᑭᓱᒥ? ᓯᓚᑦᑐᓴᕐᕕᔾᔪᐊᒥ ᐸᐃᑉᐹᑖᕆᐊᑐᙱᑦᑐᖓ. ᐅᕙᓐᓄᐅᙱᑦᑐᖅ, ᖃᓄᐃᙱᖦᖢᓂᓗ!' ᐊᒥᓱᓂᒃ ᐃᓕᓐᓂᐊᖅᓯᒪᕗᖓ, ᓲᕐᓗ ᐃᓅᓯᕐᒧᑦ ᐃᑲᔪᖅᑎᐅᓂᕐᒧᑦ ᐃᓕᑕᕆᔭᐅᔾᔪᑎᑖᕐᓂᕐᒧᑦ, ᐃᓕᓐᓂᐊᖅᑎᑦᑎᓂᕐᒧᑦ, ᓯᕗᕙᓯᓐᓂᖅᓴᓂᒃ ᓇᒻᒥᓂᖃᕐᓂᕐᒧᑦ. ᖃᐅᔨᒪᕈᓘᔭᖃᑦᑕᓚᐅᖅᓯᒪᔪᖓ, ᑭᓯᐊᓂ ᖃᐅᔨᒪᔪᓐᓃᖅᑐᖓ."

ᓅᑉᐸᓪᓕᐊᓕᖅᑎᓪᓗᒍ ᐱᓕᕆᕝᕕᖕᒥᓂ ᐃᖅᑲᓇᐃᔮᖓᓂ ᑲᒪᔨᐅᓪᓗᓂ ᐅᖃᓪᓚᒃᖢᓂᓗ, ᔭᓯᑲ ᐊᒃᓱᕉᑎᖃᓚᐅᕐᒥᔪᖅ ᐊᔾᔨᒌᖏᑦᑐᓂᒃ ᐊᒃᓱᕈᕐᓇᖅᑐᓂᒃ, ᐃᓚᐅᓪᓗᑎᒃ ᑮᓇᐅᔭᓕᕆᓂᖅ, ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ, ᓇᓕᒧᒌᒃᑎᑦᑎᓂᕐᓗ ᑲᒪᒋᔭᕆᐊᖃᖅᑕᖏᓐᓂ ᐊᓈᓇᐅᓪᓗᓂ. "ᐃᖅᑲᓇᐃᔮᕋᓕ ᐃᖅᑲᓇᐃᔮᕋ ᐊᑐᓵᖅᑕᕋ ᐱᔾᔪᑎᖃᓚᐅᖅᑐᖅ ᐃᓅᓯᓐᓂ ᖃᓄᐃᓕᐅᖅᑕᓐᓂ. ᐃᓐᓇᐅᓪᓗᖓ, ᐊᓂᒐ ᐊᓯᐅᔨᓚᐅᕋᒃᑯ. ᐊᕕᓕᓚᐅᕋᒪ ᐱᖓᓱᓂᓪᓗ ᕿᑐᕐᖓᖅᑖᕆᐊᖃᓚᐅᖅᑐᖓ ᐃᓄᑑᓪᓗᖓ. ᐊᓯᔾᔩᔪᒻᒪᕆᐅᓚᐅᖅᐳᑦ ᓯᕗᓪᓕᐅᔾᔭᐅᒋᐊᓕᓐᓂᑦ ᕿᑐᕐᖓᒃᑲ ᐱᓕᕆᐊᕆᔪᒪᔭᖏᓐᓂᑦ ᐊᒻᒪ ᖃᓄᖅ ᐊᑐᐃᓐᓇᐅᑎᒍᒪᒻᒪᖔᒃᑭᑦ, ᐊᒻᒪ ᐃᓕᑕᕆᓯᒪᕙᒃᑲ ᐃᓅᓯᖏᓐᓂᑦ ᑐᓂᓯᔪᓐᓇᖁᓪᓗᒋᑦ ᐱᔪᒪᔭᕐᓂᑦ, ᖃᓄᐃᓕᐅᕆᐊᖃᕋᒪ ᖁᕕᐊᒋᒐᔭᖅᑕᓐᓂᒃ.

ᐊᔾᔨᒌᙱᑦᑐᓂᒃ ᐃᖅᑲᓇᐃᔮᖃᖅᑎᓪᓗᒍ, ᔭᓯᑲ ᐃᓕᑦᑎᓯᒪᔪᖅ ᓇᖕᒥᓂᖅ ᖁᓱᙱᓐᓂᖅ ᒪᑐᐃᕈᑎᐅᔪᖅ ᑲᔪᓯᑦᑎᐊᕐᓂᕐᒧᑦ. "ᐃᖅᑲᓇᐃᔮᖑᐃᓐᓇᕐᓂᐊᓕᖅᑐᒥᒃ ᕿᒪᐃᑎᓪᓗᖓ ᐅᖃᖃᑎᖃᕐᓗᖓᓗ ᐃᓄᖕᓂᒃ ᓇᖕᒥᓂᖃᓕᕐᓂᕐᒥᒃ ᐊᒻᒪ ᐃᓅᓯᕐᒧᑦ ᑲᒪᔨᐅᓂᕐᒥᒃ, ᐃᓄᐃᑦ ᐅᖃᖃᑦᑕᓚᐅᖅᑐᑦ ᐅᕙᓐᓂᒃ ᓂᑲᒍᓱᖕᓂᕋᖅᖢᑎᒃ. ᐃᓄᐃᑦ ᐅᕙᓐᓄᑦ ᐅᖃᖃᑦᑕᓚᐅᕐᒪᑕ ᐅᑎᕆᐊᖃᕐᓂᕋᖅᑐᑎᒃ ᐃᖅᑲᓇᐃᔮᖅᑖᕐᓗᖓ. ᐃᖅᑲᓇᐃᔮᖃᐃᓐᓇᕆᐊᖃᖅᑐᖓ ᐅᐱᓐᓇᕋᓂ ᓂᕆᑎᒋᐊᖃᕋᒃᑭᑦ ᕿᑐᕐᖓᒃᑲ. ᑕᐃᒪᐃᒻᒪᑦ ᐅᕙᓐᓂᒃ ᐅᑉᐱᕈᓱᓕᕆᐊᖃᓪᓚᕆᓕᓚᐅᖅᑐᖓ ᓇᓂᑐᐃᓐᓇᓕᓚᐅᕋᒃᑯ, ᓲᖃᐃᒻᒪ ᐅᕙᓐᓂᒃ ᐱᔪᒪᑦᑎᐊᓚᐅᕋᒪ ᑲᔪᓯᖁᔭᐅᓪᓗᖓ."

"ᐅᖃᐃᓐᓇᐅᔭᖅᑐᖓ ᐃᓕᖕᓂᒃ ᐅᒃᐱᕆᔭᕆᐊᖃᕐᓂᕐᓂᒃ. ᑕᒪᓐᓇ ᐃᓚᒋᔭᖓ ᐊᒃᓱᕈᕐᓂᐅᑉ ᐱᓕᕆᒍᒪᓂᖅ ᐊᑦᔨᒋᖏᑎᐊᖅᑕᖓᓂᒃ ᐱᑦᔪᑎᒋᓪᓗᒍ ᐃᓘᓇᑎᒃ ᐅᖃᔾᔮᖏᒻᒪᑕ, 'ᐆ, ᑕᒪᓐᓇ ᐱᐅᔪᒻᒪᕆᐅᔪᖅ. ᐃᑲᔪᕐᓂᐊᖅᐸᑎᒋᑦ.' ᐊᒻᒪᓗ ᐃᓛᓐᓂᒃᑯᑦ ᑐᓴᒡᒐᓇᖅᑐᒻᒪᕆᐅᕙᒻᒪᑦ, ᐱᓗᐊᖅᑐᒥ ᕿᑐᕐᖓᖃᕈᕕᑦ ᐊᒻᒪᓗ ᐱᕈᖅᓴᐃᒍᕕᑦ ᕿᑐᕐᖓᓐᓂᒃ ᑕᒪᓐᓇ ᐊᖏᔪᒻᒪᕆᐅᒻᒪᑦ ᑲᒪᒋᒋᐊᖃᕐᒪᑦ."

ᓱᓕᓪᓗᓂ ᐃᖅᑲᓇᐃᔮᖓᓄᑦ ᐃᓅᓯᖕᒧᑦ ᑲᒪᔨᐅᓪᓗᓂ ᔭᓯᑲ ᓈᓚᒃᑎᓂᑦ 7−ᓂᑦ ᐅᖃᐅᔾᔪᐃᒋᐊᖁᔨᓚᐅᖅᑐᖅ:

1. ᐃᓕᑦᑎᓗᑎᑦ ᖃᓄᐃᓕᐅᖃᑦᑕᖅᓯᒪᓂᕐᓂ, ᓲᖃᐃᒻᒪ ᖃᐅᔨᒪᓕᕈᕕᑦ ᑭᓇᐅᖕᒪᖔᖅᐱᑦ, ᓱᓕ ᕿᓂᕐᓂᐊᖅᑐᑎᑦ.
2. ᐃᓕᓪᓗᒋᑦ ᑐᓂᕐᕈᓯᐊᑎᑦ. ᐃᓅᔪᐃᓐᓇᐅᒐᑦᑕ ᐊᔪᓐᖏᑦᑎᐊᖅᑐᑕ ᐊᒻᒪᓗ ᑐᓂᕐᕈᑎᖃᖅᑐᑕ, ᐊᒻᒪᓗ ᑐᓂᕐᕈᑎᕗᑦ ᑐᓂᔭᐅᓇᓱᐊᖅᑐᑎᒃ.
3. ᐃᓕᑦᑎᓗᑎᑦ ᓇᒥ ᓄᓇᖃᕐᒪᖔᖅᐱᑦ, ᓲᖃᐃᒻᒪ ᓇᒥᑐᐃᓐᓈᖅᑐᐃᓐᓇᐅᒐᑦᑕ. ᐃᓛᓐᓂᒃᑯᑦ ᓇᒥᑐᐃᓐᓈᖅᑰᔨᕙᙱᖦᖢᑕ, ᑕᐃᒪᐃᒻᒪᑦ ᐱᒻᒪᕆᐅᕗᖅ ᐃᓕᑦᑕᕆᐊᒃᓴᖅ ᓇᓂ ᓄᓇᖃᕐᒪᖔᖅᐱᑦ.
4. ᑲᑉᐱᐊᓱᙱᓪᓗᑎᑦ ᐊᐱᕆᔭᕆᐊᒃᓴᖅ. ᐊᐱᖅᓱᖅᐸᒡᓗᑎᑦ ᖃᖓᑐᐃᓐᓇᖅ ᐊᐱᖅᓱᕆᐊᒃᓴᖅ ᐊᒻᒪ ᐊᐱᖅᓱᕈᒪᔪᓐᓃᕈᕕᑦ ᐃᓱᒪᐃᑦ ᐊᖏᒡᓕᕙᓪᓕᐊᑐᐃᓐᓇᕐᒪᑦ.
5. ᐃᓱᒪᒋᓗᒍ ᐅᖓᑖᓅᖓᓗᑎᒃ ᐃᓱᓕᕝᕕᖏᑦ ᖃᐅᔨᒪᔭᕕᑦ. ᐃᓅᓱᒃᑑᑎᓪᓗᒍ, ᖃᐅᔨᒪᔪᖃᓚᐅᖏᑦᑐᖅ ᓇᒻᒥᓂᖅ ᐃᖅᑲᓇᐃᔮᖃᕐᓂᖓᓂᒃ. ᖃᐅᔨᒪᔪᖃᓚᐅᖏᑦᑐᖅ ᐱᔭᕇᖅᓯᒪᔪᒥᒃ ᐃᓕᓐᓂᐊᕐᕕᐊᓗᒻᒥᒃ, ᓇᒻᒥᓂᖃᕐᓂᕐᒥᒃ ᐅᕝᕙᓘᓐᓃᑦ ᓇᒻᒥᓂᖃᕐᓂᕐᒥᒃ. ᑭᓯᐊᓂ ᐃᕐᓂᖓ, ᐃᓱᒪᓕᓚᐅᖅᑐᖅ ᐊᖏᓂᖅᓴᒥᑦ ᐊᒻᒪᓗ ᒪᑐᐃᖅᓯᔪᓐᓇᖅᓯᓚᐅᖅᑐᖅ ᐃᓅᓯᖓᓂᑦ ᐊᖏᓂᖅᓴᓄᑦ.
6. ᖁᕕᐊᓱᒋᑦᑎ ᐃᓅᓯᕐᓂ. ᔭᓯᑲ ᐅᒃᐱᕈᓱᑦᑎᐊᖅᑐᖅ ᐃᓅᓯᖅ ᖁᕕᐊᓇᕆᐊᖃᕐᓂᖓᓂᒃ, ᑐᑭᖃᙱᖦᖢᓂᓗ ᑲᒪᑦᑎᐊᙱᓐᓂᕐᒥᒃ, ᑐᑭᖃᙱᖦᖢᓂ ᑭᓱᑐᐃᓐᓇᒥᒃ ᓂᑲᒍᓱᑐᐃᓐᓇᙱᖦᖢᓂ. ᖁᕕᐊᓱᒡᓗᑎᑦ, ᑭᓯᐊᓂ ᐃᒃᐱᒍᓱᑦᑎᐊᕐᓗᑎᑦ.
7. ᓇᒡᓕᒍᓱᖕᓂᕐᓗ. ᐅᖃᐅᓯᕆᒐᐃᒐᑦᑎᒍ, ᐅᖃᐅᓯᕆᖃᑦᑕᖅᑕᕗᑦ ᐊᒃᓱᐊᓗᒃ, ᑭᓯᐊᓂᓕ ᓇᓪᓕᓐᓂᖅ ᑲᒪᓇᖅᑐᒻᒪᕆᐅᒻᒪᑦ.

ᖁᔭᓐᓇᒦᑦᑎᐊᕐᒥᔭᕋ ᑮᑦ ᑳᓕᐊᐃ ᑎᑎᕋᓚᐅᕐᓂᖓᓄᑦ ᑖᔅᓱᒥᖓ.