ᖃᐅᔨᔪᒪᓂᖃᖅᖢᓂ, ᐅᐃᓕᔅ ᔭᓐᕕᐅᕐ ᓇᓂᓯᓚᐅᖅᐳᖅ ᓄᑖᒥᒃ ᐊᑐᖅᑕᐅᔪᓐᓇᖅᑐᒥᒃ ᓴᖅᑭᑎᑦᑎᔪᒪᓪᓗᓂ ᐱᔪᒃᓯᓂᕆᔭᖓᓂᒃ ᐅᖃᐅᓯᕐᒧᑦ ᐃᓕᖅᑯᓯᑐᖃᖓᓄᓪᓗ ᐃᓅᓯᖓᓄᑦ ᐊᒥᖅᑳᕈᑎᒋᓕᖅᖢᒍᓗ ᓄᓇᕐᔪᐊᒧᑦ. ᔮᓂᕕᐅᕐ ᓛᓯ, ᓴᔅᑳᑦᓱᐊᓐᒥᐅᑕᖅ, ᐃᓚᒋᔭᐅᔪᖅ ᐃᒪᑦᑎᐊᕙᖕᒧᑦ ᐊᓪᓚᓄᑦ ᓄᓇᖃᓕᖅᑐᖅ 4-ᒥ ᓄᓇᕗᒻᒥ. ᓯᕗᓪᓕᖅᐹᖅ ᐅᖃᐅᓯᖅ ᐃᖅᑭᓖᑦ ᐱᕈᖅᓴᓚᐅᖅᓯᒪᓪᓗᓂᓗ ᐊᑕᐅᓯᕐᒧᑦ ᐊᓈᓇᒧᑦ. 6-ᓂᒃ ᓇᔭᖃᓚᐅᖅᑐᖅ ᐊᒻᒪᓗ ᐊᑕᐅᓯᕐᒥᒃ ᓄᑲᖃᑦᑐᓂ, ᒪᕐᕈᐃᓐᓇᑯᓘᓐᓂᒃ ᓄᓇᖃᓚᐅᖅᑐᖅ. ᓄᑕᕋᐅᓂᖓ ᐱᓕᕆᔪᒻᒪᕆᐅᕙᓚᐅᖅᑐᖅ ᐱᙳᐊᕐᓂᕐᒧᑦ, ᑭᓯᐊᓂ ᐱᓗᐊᖅᑐᒥᒃ ᕼᐋᑭᕐᓂᕐᒥᒃ ᖁᕕᐊᒋᔭᖃᓚᐅᖅᑐᖅ.

ᕼᐋᑭᖅᑎᑑᓚᐅᙱᑦᑐᖅ ᓯᓐᓇᑦᑑᒪᒋᑐᐃᓐᓇᕋᑖᙱᑕᖓ. ᐃᓕᓐᓂᐊᕐᕕᐊᓗᒻᒥ, ᖃᑦᑎᕆᔨᐅᔪᒪᓚᐅᕐᒪᑦ ᐊᒻᒪᓗ ᓇᔭᖓ ᐅᖃᖅᑐᓂ ᐱᓇᓱᐊᖁᔨᓪᓗᓂ ᐅᓇᓕᔅᓴᐅᔪᓂᒃ. ᑕᑕᑎᕈᑎᒥᓂᒃ ᐅᐸᒍᑎᔪᖃᓚᐅᖏᑦᑐᖅ ᐊᒻᒪᓗ ᐱᔭᕇᕋᒥ, ᓵᔅᑲᑑᓐᒨᓚᐅᖅᑐᖅ, ᑳᓪᒍᕆᒧᑦ, ᐊᖏᕐᕋᒧᑦ ᓅᓚᐅᕋᓂ ᐃᖅᑲᓇᐃᔭᕆᐊᖅᑐᓂ ᐊᒻᒪᓗ ᐱᐅᓕᑦᓯᓪᓗᓂ ᓄᑖᒥᒃ ᒎᓕᒥᒃ. ᑭᖑᓂᑦᑎᐊᖓᒍᑦ, ᒥᖦᖢᓂ ᕗᐊᑦ ᒪᒃᒨᕆᒥ, ᐱᓕᕆᓚᐅᖅᑐᖅ ᐊᕐᕌᒍᓄᑦ 14-ᓄᑦ ᒪᕐᕉᖕᓄᑦ ᑲᒻᐸᓂᐅᔪᓄᑦ.  ᐊᒃᓱᕈᖅᖢᓂ ᐱᓕᕆᓪᓗᓂ ᐱᙳᐊᒃᑲᓐᓂᖅᖢᓂᓗ, ᔭᓐᕕᐅᕐ ᐋᖓᔮᕐᓇᖅᑐᓄᑦ ᐃᒥᐊᓗᖕᒧᓪᓗ ᐋᖓᔮᖕᓇᖅᑐᒧᐊᖅᖢᓂ ᐃᓅᓕᓴᖅᑕᐅᓇᓱᒋᐊᖃᓚᐅᖅᖢᓂᓗ ᖃᔅᓰᕌᕐᔪᒃᖢᓂ. ᑕᒪᓐᓇ ᐊᑐᓚᐅᖅᑕᖓ ᐃᑲᔪᓚᐅᖅᑐᖅ ᐊᓯᐊᓂᒃ ᐱᓕᕆᖔᑐᐃᓐᓇᕆᐊᖃᖅᑐᓂ. 

ᑕᖃᓯᒪᓚᐅᖅᑐᖅ ᐅᖓᓯᓗᐊᒧᑦ ᕿᑐᕐᖓᒥᓂᒃ ᐃᖅᑲᓇᐃᔭᖅᑎᓪᓗᒍ. ᐊᑖᑕᖓ ᐃᓅᔪᓐᓃᓚᐅᖅᑎᓪᓗᒍ, ᓇᔭᖓ ᑎᓕᐅᕆᓪᓗᓂ ᐱᓇᔪᖁᓗᒍ ᓯᓚᑦᑐᖅᓴᕐᕕᒃᔪᐊᒧᑦ ᐃᓐᓇᐅᓗᓂ ᐃᓕᓐᓂᐊᖅᑎᐅᓗᓂ. ᐃᓯᓕᓚᐅᖅᑐᖅ ᐊᒻᒪᓗ ᒫᓐᓇ, ᐃᓕᓐᓂᐊᓕᖅᑐᖅ ᐃᓄᓕᕆᔨᕈᕈᒪᓪᓗᓂ ᓇᔭᖓᑎᑐᑦ. ᔭᓄᐃᕗᕐ ᐊᕐᕌᒎᖕᓄᑦ ᒪᕐᕉᖕᓄᑦ ᓄᓇᕐᔪᐊᕐᒥ ᖃᓂᒻᒪᒍᑕᐅᕙᓪᓕᐊᔪᒥᒃ ᐃᓕᓐᓂᐊᓚᐅᖅᐳᖅ ᖃᕋᓴᐅᔭᒃᑯᑦ, ᐊᒃᓱᕉᑎᖃᕐᓂᖅᓴᐅᓪᓗᓂ ᑲᒪᒋᔭᖃᑦᑎᐊᙱᖦᖢᓂ ᐊᒻᒪ ᑭᖑᕙᙱᖦᖢᓂ ᐱᓕᕆᐊᒃᓴᓄᑦ. ᐱᓕᕆᔪᒻᒪᕆᐅᑎᓪᓗᒍ ᐃᓄᓕᕆᓂᕐᒥᒃ, ᐃᓕᑦᑎᓚᐅᕐᒥᔪᖅ podcasting-ᒥᒃ. 

ᓯᕗᓪᓕᖅᐹᒥ ᐊᕐᕌᒍᒥ ᓯᓚᑦᑐᖅᓴᕐᕕᒡᔪᐊᒥ, ᑕᕐᕆᔮᒃᓴᓕᐅᓚᐅᖅᐳᖅ, ᐱᖃᓐᓇᕆᔭᒥᓂᒃ ᐅᖃᓗᖃᑎᖃᖅᖢᓂ ᓂᐱᓕᐅᓚᐅᖅᑕᖓᓂᒃ. ᑕᕐᕆᔭᓕᐅᒃᑲᓐᓂᓚᐅᖅᑐᖅ ᐅᖄᓚᓪᓗᓂ ᖃᐅᔨᒪᔭᒥᓂᒃ, ᑭᐅᓇᓱᐊᖅᖢᓂᒋᑦ ᐅᖄᓚᖃᑦᑕᖅᑕᖏᓐᓂᒃ ᖃᐅᔨᒪᔭᐅᙱᑦᑐᒥᒃ ᓈᓴᐅᑎᒥᒃ. ᖁᓕᑦ ᐊᓂᒍᖅᑎᓪᓗᒋᑦ ᐅᖄᓚᔪᑦ, ᖁᕕᐊᓱᕝᕕᒻᒥ ᐊᒻᒪᓗ ᓄᑖᖑᕋᑖᖅᑐᓂ ᐊᒻᒪᓗ ᐱᖃᑎᖓ ᐅᑉᐱᕈᓱᓕᓚᐅᖅᑐᖅ ᑲᔪᓯᓂᐊᕐᓂᕋᖅᑐᓂ ᐊᒻᒪᓗ ᑮᓇᐅᔭᓂᒃ ᓄᐊᑦᑎᓪᓗᓂ ᓱᓇᒃᑯᑖᓄᑦ. ᑕᑯᓚᐅᖅᐳᖅ ᐱᑕᖃᙱᓐᓂᕆᔭᐅᔪᒥᒃ ᖃᓄᖅ ᑕᒪᒃᑯᐊ ᐊᓪᓚᐃᑦ ᑕᕐᕆᔭᒐᒃᓴᖏᑦ ᒪᓂᒪᓚᐅᕐᒪᖔᑕ ᐱᒋᐊᖅᖢᑎᒡᓗ ᑕᑯᒃᓴᐅᑎᑦᑎᓂᕐᒥᒃ, ᐊᓪᓚᐃᑦ Yati Podcast−ᑯᑦ, ᑕᒪᓐᓇᓗ ᐃᖏᕐᕋᓯᒪᓕᖅᖢᓂ 2020−ᖑᓚᐅᕐᓂᖓᓂᑦ. 

Youtube−ᑯᑦ ᐊᒻᒪ Facebook−ᑯᑦ ᐊᑐᐃᓐᓇᐅᓪᓗᑎᒃ, ᐱᔪᒃᓯᓕᕐᓇᓵᖅᐳᖅ ᐊᒻᒪ ᖁᕕᐊᓱᒍᑕᐅᓪᓗᓂ ᔭᓄᐊᕆᒥ. "ᖁᕕᐊᓇᖅᐳᖅ ᐅᓂᒃᑳᑲᑕᒍᓐᓇᖅᓯᒪᒐᒪ ᐃᓄᖕᓄᑦ ᓇᓂᑐᐃᓐᓇᑦᑎᐊᖅ, ᐅᕙᓐᓂᓪᓗ ᐃᓕᑦᑎᓪᓗᖓ.  ᐃᖅᑭᓖᑦ ᐅᖃᐅᓯᙵᕆᒐᒃᑯ, ᑭᓯᐊᓂ ᐃᓕᑦᑎᕙᓪᓕᐊᖏᓐᓇᐅᔭᖅᑐᖓ ᐊᒻᒪ ᖁᕕᐊᓇᖅᑑᓪᓗᓂ ᐱᐅᓯᕆᕙᓚᐅᖅᑕᓐᓂᒃ ᐃᓕᑦᑎᔪᓐᓇᖃᑦᑕᖅᓯᒪᔭᓐᓂᒃ," ᑕᑯᒃᓴᐅᑎᑦᑎᓪᓗᓂ. 

ᐃᓱᒪᓕᕌᖓᑦ ᒪᒃᑯᒃᑐᓂᒃ ᓄᓇᒥᓂᒃ ᕿᒪᐃᔪᒪᓇᔭᕐᓂᕐᒥᒃ ᐃᓕᓐᓂᐊᕆᐊᕐᓗᑎᒃ ᐅᕝᕙᓘᓐᓃᑦ ᐃᖅᑲᓇᐃᔮᒃᓴᖃᓕᕐᓗᑎᒃ, ᐃᒪᓐᓇ ᐅᖃᖅᐳᖅ "ᓇᒡᓕᒋᔭᕐᓂᒃ ᓇᓂᓯᓗᓂ." ᓱᓕ ᖃᐅᔨᓇᓱᒃᑐᖅ ᖃᓄᐃᓕᐅᕋᓱᖕᒪᖔᑦ, ᑭᓯᐊᓂ ᖃᐅᔨᓚᐅᖅᑐᖅ ᖁᕕᐊᒋᑦᑎᐊᖅᑕᖓᓂᒃ ᓂᕆᐅᒋᔭᖏᓐᓂᒡᓗ ᒪᒃᑯᒃᑐᑦ ᓄᓇᖃᖅᑳᖅᓯᒪᔪᑦ ᖃᓄᐃᓕᐅᖅᐸᒃᑭᓪᓗᑎᒃ. "ᐆᒃᑐᕋᕐᓗᑎᑦ ᐆᒃᑐᕐᓗᑎᑦᓘᓐᓃᑦ ᓄᑖᒥᒃ. ᐊᔪᖅᐸᑦ, ᑲᔪᓯᓗᓂ," ᑎᓕᐅᕆᔪᖅ. 14-ᓂᒃ ᐊᕐᕌᒍᓂᒃ ᑕᐃᒫᔅᓴᐃᓐᓇᖅ ᐃᖅᑲᓇᐃᔮᖃᓚᐅᖅᑎᓪᓗᒍ ᐊᒻᒪ ᑮᓇᐅᔭᒃᑯᑦ ᐊᐅᓚᑕᐅᓪᓗᓂ, ᐱᔾᔪᑎᖃᕐᓂᖅᓴᐅᓚᐅᖅᐳᖅ ᐊᒻᒪ ᖁᕕᐊᓱᑦᑐᓂ ᓄᑖᓂᒃ ᐱᓇᓱᐊᖅᑐᓂᒃ. 

"ᖁᕕᐊᒋᑦᑎᐊᖅᑕᒃᑲ ᐱᓕᕆᐊᕆᔭᒃᑲ. ᐅᖃᖃᑎᖃᖃᑦᑕᖅᑐᖓ ᐃᓄᓐᓂᒃ ᐱᓇᓱᐊᕈᓯᑕᒫᑦ ᐊᒻᒪᓗ ᐃᓕᓐᓂᐊᑲᓐᓂᖃᑦᑕᖅᑐᖓ. ᐃᓄᐃᑦ ᖃᐅᔨᒪᖁᒐᒃᑭᑦ: ᑲᑉᐱᐊᓱᒃᑕᐃᓕᒋᑦ ᓲᖃᐃᒻᒪ ᑐᕌᑦᑎᐊᙱᑎᑦᑎᔪᓐᓇᕋᕕᑦ ᐅᕝᕙᓘᓐᓃᑦ [ᓯᕗᒧᐊᖅᑕᐃᓕᓗᑎᑦ]. ᑭᓇᑐᐃᓐᓇᕐᒥᑦ ᖃᐅᔨᔪᒪᓗᐊᖅᑎᑦᑎᑦᑕᐃᓕᓗᑎᑦ," ᔭᓄᕗᕐ ᑐᓴᖅᑎᑦᑎᕗᖅ. ᐃᖅᑲᐅᒪᔪᖅ ᖃᓄᖅ ᐃᓱᒪᓚᐅᖅᓯᒪᓂᕐᒥᓂᒃ ᐃᓅᓯᓕᕆᔨᒧᑦ ᑲᒪᒋᔭᐅᔪᒪᔪᓐᓃᖅᖢᓂ ᐊᐃᑉᐸᖓᓂ ᒪᒥᓴᕐᕕᖕᒥ.  "ᖃᐅᔨᔪᒪᓕᓚᐅᖅᑐᖓ ᑎᒃᑕᐅᓇᓱᖃᑦᑕᕐᓂᖓᓂᒃ. ᐅᓪᓗᒥᓗ ᖃᐅᔨᒪᑎᖅᑲᐅᙱᓐᓇᒃᑯ, ᖃᐅᔨᔪᒪᓂᖄᕐᔪᒃᑐᖅ ᓱᓕ ᐃᑭᖃᑦᑕᐃᓐᓇᕐᒪᑦ ᐊᒻᒪ ᐅᓪᓗᒃᑲᓐᓂᕐᒥᒃ ᓴᓗᒪᓪᓗᖓ, ᑭᓯᐊᓂᑦᑕᐅᖅ ᐅᖃᐅᓯᕆᔭᐃᓐᓇᕆᓕᖅᑕᒃᑲ ᑖᒃᑯᐊ ᐃᓄᐃᑦ ᐅᓂᒃᑳᖅᑐᐊᖏᑦ ᑭᒃᑯᓕᒫᓄᑦ ᖁᕕᐊᒋᔭᐅᓕᖅᑐᒧᑦ," ᑲᔪᓯᓪᓗᓂ. 

‍

ᐅᖓᑖᓄᑦ podcast, ᐳᓚᕋᖃᑦᑕᕐᒥᔪᖅ ᓄᓇᓕᖕᓄᑦ ᐅᖃᓪᓚᒋᐊᖅᑐᕐᖢᓂ ᐃᓕᓐᓂᐊᕐᕕᖕᓄᑦ. "ᐅᖃᐅᓯᕆᓂᐊᖅᐸᕋ ... ᐅᐃᕆᓯᒪᔭᓐᓄᑦ ᐅᓂᒃᑳᕋ. ᑕᐃᒪᓕ ᐅᖃᐅᓯᖅ ᐱᒻᒪᕆᐅᑏᓐᓇᓲᕆᒐᒃᑯ ᐊᒻᒪᓗ ᐃᓕᖅᑯᓯᖃᕐᓂᖅ ᐱᒋᐊᕐᕕᒋᓂᕋᕐᓗᒍ, ᓇᓂᔭᕆᐊᖃᕋᓗᐊᕈᕕᐅᒃ, ᐅᑎᕐᕕᒋᓗᒍ, ᐅᕝᕙᓘᓐᓃᑦ ᐱᓯᒪᒐᓗᐊᕈᕕᐅᒃ ᐅᕝᕙᓘᓐᓃᑦ ᓴᙱᓂᖅᓴᐅᑎᒋᐊᖃᕋᕕᐅᒃ," ᓇᓗᓇᐃᖅᓯᒻᒪᑦ. ᔭᓄᕕᐊ ᐱᔪᒃᓯᑎᑕᐅᕗᖅ ᐊᓪᓚᓄᑦ ᐅᖃᖅᖢᓂ "ᖃᐅᔨᒪᙱᒃᑯᑦᑎᒍᑦ ᐅᖃᐅᓯᕗᑦ ᐃᓕᖅᑯᓯᕗᓪᓘᓐᓃᑦ, ᐊᒃᓱᕈᕐᓂᐊᖅᑐᒍᑦ." ᑕᐃᒪᐃᒻᒪᑦ ᖁᕕᐊᒋᔭᖃᖅᐳᖅ ᐅᖃᐅᓯᖃᕆᐊᖓ ᐃᓕᖅᑯᓯᑐᖃᕐᒥᓂᒃ ᐊᒻᒪ ᐃᓕᓯᒪᔭᓕᒫᖏᓐᓂᑦ.  

ᐅᖃᓪᓚᒃᖢᓂ ᐊᒻᒪ podcasting-ᒥ ᐊᓕᐊᓇᐃᒋᒐᓗᐊᖅᖢᓂᐅᒃ, ᐱᓕᕆᐊᒃᓴᕐᔪᐊᒻᒪᕆᐊᓗᒃ, ᑭᓯᐊᓂ ᐃᓛᓐᓂᒃᑯᑦ ᐊᑑᑎᖃᖅᑐᐃᓐᓇᐅᖕᒪᑦ. ᒪᒃᑯᒃᑐᑦ ᑲᑎᒪᑎᓪᓗᒋᑦ, ᑐᙵᓱᒃᑎᑦᑎᑎᓪᓗᒍ, ᒪᒃᑯᒃᑐᖅ ᐊᕐᓇᖅ ᐅᖃᕈᒪᓚᐅᖅᑐᖅ ᐊᓪᓚᓂᒃ ᑭᓯᐊᓂ ᑲᑉᐱᐊᓱᓚᐅᖅᑐᖅ ᐃᒡᓚᖃᑦᑕᕐᓂᐊᕋᓱᒋᓪᓗᓂ. ᐅᖃᐅᑎᓚᐅᖅᐹᖓ ᑕᐃᒪᐃᔾᔮᖏᓐᓂᕋᖅᑐᓂ ᑭᓯᐊᓂ ᐅᓂᒃᑳᖅᑐᓂ ᓂᕆᐅᓐᓂᕋᖅᑐᓂ ᐅᓪᓗᕐᒥᒃ ᐊᑕᐅᓯᕐᒥᒃ ᒪᒃᑯᑦᑐᓂᒃ ᑲᑉᐱᐊᓱᓐᓂᐊᙱᒋᐊᖓ. 

ᐱᓕᕆᐊᖃᖃᑦᑕᖅᑐᖅ ᑲᑉᐱᐊᓱᖕᓂᕐᒥᑦ ᐃᓅᓂᕐᒥᑦ ᐅᓪᓗᕐᒥ ᐊᑕᐅᓯᕐᒥᑦ, ᐱᕈᖅᓴᐃᓂᖅ ᒪᕐᕉᓐᓂᒃ ᕿᑐᕐᖓᕐᓂᑦ ᑮᓇᐅᔭᑎᒍᑦ ᐱᔭᕆᐊᑐᒍᓐᓇᖅᑐᖅ. ᔭᓄᕕ ᐃᓛᓐᓂᒃᑯᑦ ᐅᑎᕋᓱᖃᑦᑕᖅᑐᖅ ᕗᐊᑦ ᒪᒃᒨᕆᒧᑦ ᑮᓇᐅᔭᑎᒍᑦ ᐃᓗᐊᖅᓴᕐᓂᖅᓴᐅᔪᒪᓪᓗᓂ, ᑭᓯᐊᓂ ᖃᐅᔨᒪᔪᖅ ᑎᒥᖓ ᑕᐃᒪᐃᑦᑐᓕᕆᔪᓐᓇᐃᓪᓕᖕᒪᑦ. ᑐᓴᖅᑎᑦᑎᔾᔪᑎᑦ ᓈᓚᒃᑎᓂᑦ ᑕᐅᑐᒃᑐᓂᒡᓗ ᖁᔭᓕᔪᑦ ᖃᓄᐃᓕᐅᖃᑦᑕᕐᓂᕐᒥᓂᒃ. "ᖃᐅᔨᒪᓚᐅᖅᓯᒪᙱᑦᑐᑎᑦ ᑭᓇᒥᒃ ᐃᓅᓯᖃᖅᑎᓐᓂᐊᕐᒪᖔᖅᐱᐅᒃ ᐅᓪᓗᒃᑲᓐᓂᕐᒧᑦ," ᖁᖓᖦᖢᓂ. 

ᐊᐅᓚᑦᑎᓂᐊᕐᓗᓂ ᐊᒃᓱᕈᕐᓇᖅᑐᒥᒃ ᓴᓚᐅᓱᒡᓗᓂᓗ, ᔭᓐᕕᐅ ᐱᐅᒃᓴᖅᐳᖅ golf−ᒥᒃ. ᓴᓗᒻᒪᖅᓴᐃᓕᓵᖅᑎᓪᓗᒍ, ᓂᙵᓚᐅᖅᑐᖅ, ᑭᓯᐊᓂ ᒎᓪᕝ ᖁᕕᐊᒋᓚᐅᖅᐹ ᐱᐅᓯᒋᐊᕈᒪᓪᓗᓂᓗ. ᐃᓄᑑᔪᒪᖃᑦᑕᕐᒥᔪᖅ. ᑕᖃᐃᖅᓯᕐᓂᖅ ᐊᒻᒪ ᓂᐱᖃᙱᖦᖢᓂ ᐃᑲᔪᖅᑐᖅ ᓴᙱᓂᕐᒥᒃ ᖃᐅᒃᐸᒧᑦ ᐊᒡᒋᖅᑐᒧᑦ. 

ᐊᕐᕌᒍᑦ 14 ᐊᓂᒍᖅᓯᒪᓕᖅᑎᓪᓗᒋᑦ, ᐃᓕᖅᑯᓯᕐᒥᓄᑦ ᐊᖏᕐᕋᓕᖅᑐᖅ. ᓱᕈᓯᐅᓪᓗᓂ, ᖃᑦᑎᕆᔨᐅᔪᒪᓚᐅᖅᑐᖅ, ᑭᓯᐊᓂ ᒫᓐᓇ ᓂᑲᒍᓱᓕᖅᑐᖅ ᐅᖃᐅᓯᐅᑉ ᐆᒻᒪᖅᑎᑕᐅᒃᑲᓐᓂᕐᓂᖓᓂᒃ. ᐃᓕᓐᓂᐊᕐᕕᐊᕈᓯᕐᒥ, ᓇᓂᓯᓪᓗᓂ ᐱᔾᔪᑎᒥᒃ, ᑕᒪᒃᑮᓄᑦ ᐃᓄᓕᕆᔨᐅᓂᕐᒧᑦ ᐃᓕᓐᓂᐊᖅᑎᐅᓪᓗᓂ ᐅᖃᓪᓚᒃᖢᓂᓗ ᐱᔪᒪᓕᖅᑎᖦᖢᒋᑦ ᒪᒃᑯᒃᑐᑦ ᐃᓕᑦᑎᔪᓐᓇᕐᓂᐊᕐᒪᑕ ᐊᑐᖅᑕᒥᓂᒃ. ᖁᕕᐊᓲᑎᒋᓪᓗᒍ ᐃᖅᑭᓕᖕᓄᑦ ᐅᖃᐅᓯᖅᑕᖅ ᖃᐃᖁᔭᐅᓯᒪᔪᓄᑦ ᐃᖅᑭᓕᖕᓄᑦ ᓄᓇᓕᖕᓂ, ᐃᓄᖕᓄᑦ ᑐᓴᐅᒪᔾᔪᑎᒃᑯᑦ ᑐᓴᖅᑎᑦᑎᕙᓪᓕᐊᔪᖅ ᐃᓄᖕᓂᓪᓗ ᑲᑎᑎᑦᑎᓪᓗᓂ ᐱᖅᑯᓯᑐᖃᒃᑯᑦ ᐅᖃᐅᓯᖅᑕᖓᓂᒃ ᐱᖅᑯᓯᒃᑰᙱᑦᑐᖅ. ᖃᐅᔨᔪᒪᓂᖃᖅᖢᓂ, ᐅᐃᓕᔅ ᔭᓐᕕᐅᕐ ᐃᓄᖕᓂᒃ ᑲᑎᖃᑎᖃᖅᐳᖅ ᓈᓚᒃᖢᓂᓗ ᐅᓂᒃᑲᐅᓯᖏᓐᓂᒃ ᐊᓯᒥᓂᒡᓗ ᐃᑲᔪᕈᓐᓇᕐᓂᐊᕐᒥᖕᒪᑦ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.