ᐃᖅᑲᓇᐃᔮᑦᑎᐊᕙᐅᓚᐅᖅᑐᖅ ᐱᐅᓂᖅᓴᒧᑦ... ᐃᒻᒥᓂᒃ ᐅᒃᐱᕆᓗᓂ ᓴᓇᙳᐊᖅᑎᐅᓂᕐᒥᓂᒃ. ᔪᐊᒐ ᖃᐅᓐᓇᖅ ᐃᒡᓗᓕᖕᒥᐅᑕᖅ, ᓄᓇᕗᒻᒥ ᑭᓯᐊᓂ ᓅᑕᐅᓚᐅᖅᓯᒪᔪᖅ ᐋᑐᕚᒧᑦ ᓄᑕᕋᐅᓕᖅᖢᓂ ᐊᕐᕌᒍᑦ ᐊᕙᑎᑦ ᐅᖓᑖᓂ. ᐅᓪᓗᓕᒫᖅ ᓴᓇᙳᐊᖅᑎᐅᔪᖅ. ᐊᕐᕌᒍᓄᑦ ᖁᓕᓄᑦ ᓄᓇᕗᑦ ᓯᕗᓂᒃᓴᕗᒻᒥ ᐃᖅᑲᓇᐃᔭᓚᐅᖅᓯᒪᔪᖅ ᐊᐅᓚᑦᑎᔨᐅᓪᓗᓂ ᐊᒻᒪ ᐊᐅᓚᑦᑎᔨᐅᓪᓗᓂ. ᐃᓅᖃᑎᒥᓂᒃ ᖃᓂᒋᔭᖃᕆᐊᒃᓴᖅ ᖁᕕᐊᒋᔭᖃᓚᐅᖅᑐᖅ ᐃᑲᔪᖅᐸᒃᖢᓂᒋᓪᓗ ᕿᓂᖅᑎᓪᓗᒋᑦ ᑭᓯᐊᓂ ᓴᓇᙳᐊᖅᑕᒥᓂᒃ ᐱᕕᒃᓴᖃᙱᖦᖢᓂ. ᖁᕕᐊᒋᔭᖃᖅᑐᖅ ᐱᖅᑯᓯᑐᖃᕐᓂᑦ ᐊᒡᒐᒻᒧᑦ ᑲᑭᓂᓕᐅᓂᕐᒥᑦ, ᓯᐅᑎᓕᐅᓂᕐᒥᑦ, ᑎᑎᖅᑐᒐᕐᓂᕐᒥᑦ, ᑎᑎᖅᑐᒐᕐᓂᕐᒥᑦ, ᐊᒥᐊᕆᓂᕐᒥᓪᓗ, ᑎᑎᕋᕈᒪᓂᕐᒥᓪᓗ ᑕᕐᕆᔭᓕᐅᕐᓂᕐᒥᓪᓗ. ᓴᓂᕌᒍᑦ, ᐱᒋᐊᖅᑎᑦᑎᔪᒪᔪᖅ podcast−ᒥᑦ.    

ᐊᓈᓇᖓ ᐋᓐᓂᐊᓯᐅᖅᑎᐅᓪᓗᓂ ᓅᓚᐅᖅᓯᒪᔪᖅ ᓄᓇᕗᒻᒧᑦ ᐊᒻᒪᓗ ᑲᑎᑎᑕᐅᓯᒪᓪᓗᓂ ᐃᓅᓪᓗᓂ. ᑎᓴᒪᓂᒃ ᕿᑐᕐᖓᖃᓚᐅᖅᑐᑦ ᐊᕕᓚᐅᖅᑎᓐᓇᒋᑦ. ᐊᓈᓇᖓ ᐋᑐᕚᒧᑦ ᓅᓚᐅᖅᓯᒪᔪᖅ ᐱᖓᓱᓂᒃ ᕿᑐᕐᖓᖃᖅᖢᓂ ᐃᓕᓐᓂᐊᑦᑎᐊᕈᓐᓇᖅᓯᖁᓪᓗᒋᑦ. ᓄᓇᒥᓄᑦ ᐊᐅᓪᓚᖅᖢᓂ ᐊᑭᑐᔪᒻᒪᕆᐊᓘᖕᒪᑦ, ᐃᖃᓗᖕᓄᐊᓚᐅᖅᑐᖅ ᓴᓇᙳᐊᕐᓂᒃᑯᑦ ᐊᒻᒪ ᐅᑎᕋᔪᖕᓂᖅᓴᐅᔪᒪᓪᓗᓂ ᓯᕗᓂᒃᓴᑦᑎᓐᓂ. 

ᐊᑯᓂᐊᓗᒃ, ᐊᐅᓪᓚᕐᓂᖅ ᐃᒃᐱᒍᓱᓚᐅᖅᑐᖅ ᑎᑭᐅᑎᔪᓐᓇᙱᖦᖢᓂ ᑭᓯᐊᓂ ᖃᐅᔨᓪᓗᓂ ᐊᔪᙱᓐᓂᖏᓐᓂ ᐱᔪᓐᓇᕐᓂᖏᓐᓂᒃᓗ, ᐊᔪᕐᓇᙱᑦᑐᖅ. "ᐊᔭᖅᑭᑦᑕᕈᑎᑕᖃᖅᐳᖅ, ᐱᓗᐊᖅᑐᒥ ᓄᓇᖃᖅᑳᖅᓯᒪᒍᕕᑦ, ᑭᓯᐊᓂ ᐹᖏᑦ ᐅᓄᖅᑐᐊᓘᖕᒥᔪᑦ. ᐊᒃᓱᕈᒃᑲᓐᓂᕆᐊᖃᑐᐃᓐᓇᕆᐊᖃᖅᑐᑎᑦ, ᑭᓯᐊᓂ ᐱᕕᒃᓴᑦ ᑕᐃᑲᓃᑦᑐᑦ," ᖃᐅᕋᖅ ᓇᓗᓇᐃᖅᐳᖅ. 

ᐅᓪᓗᓕᒫᖅ ᓴᓇᙳᐊᖅᑎᓄᑦ ᓅᖦᖢᓂ ᑲᑉᐱᐊᓇᓚᐅᖅᐳᖅ ᑮᓇᐅᔭᑎᒍᑦ ᑭᓯᐊᓂ ᐸᕐᓇᒃᓯᒪᓚᐅᖅᑐᖅ ᐃᖏᕐᕋᑦᑎᐊᖁᓪᓗᒍ. ᓈᓴᕐᖢᓂᒋᑦ ᐅᓪᓗᖏᓐᓂ ᓄᖅᑲᕋᓱᒃᓗᓂ, ᖃᐅᔨᓪᓗᓂ ᑲᑉᐱᐊᓱᖕᓂᖓᓂᒃ ᑐᓂᓯᒪᑦᑎᐊᕐᓂᕐᒥᒃ. ᒪᒥᓴᕐᖢᓂ, ᐃᓱᒪᒥᒍᑦ ᐋᓐᓂᐊᕈᑎᒃᑰᕐᖢᓂ ᐊᓯᖏᓐᓄᑦ ᐱᔾᔪᑎᓄᑦ ᐃᓅᓕᓴᐅᑎᑐᕐᖢᓂᓗ ᐊᐅᓚᓪᓗᒍ ᐊᐅᑉ ᓯᖒᔭᕐᓂᖓ. 

"ᖃᐅᔨᒪᙱᑦᑐᖓ ᓇᑭᙶᕐᓂᐊᕐᒪᖔᑦ ᑮᓇᐅᔭᕋ, ᑭᓯᐊᓂ ᖃᓄᑐᐃᓐᓇᖅ ᐱᔪᒪᔭᓐᓂᒃ ᐱᓕᕆᔪᓐᓇᖅᑐᖓ."

ᐃᖅᑲᓇᐃᔮᒥᓄᑦ ᐅᑎᙱᖦᖢᓂ, ᓴᓇᙳᐊᕈᓐᓇᖅᓯᓚᐅᖅᑐᖅ. ᐱᒡᒐᓇᖅᑐᒻᒪᕆᐅᓚᐅᖅᐳᖅ ᐱᓪᓗᒍ ᐃᖅᑲᓇᐃᔮᖓ ᐱᐅᓚᐅᕐᒪᑦ ᐊᒻᒪ ᐃᓄᐃᑦ ᐱᐅᓪᓗᑎᒃ ᑭᓯᐊᓂ ᐱᓇᓱᐊᕈᒪᓚᐅᕐᒪᑦ ᐱᔪᒪᔭᖏᓐᓂᑦ. ᓱᓕ ᐱᓕᕆᔪᖅ ᐱᓇᓱᐊᕈᒪᔭᒥᓂᒃ. ᐱᓕᕆᖃᑎᖃᕐᒪᑦ ᐊᓂᒥᓂᒃ ᐃᓚᖏᓐᓄᑦ ᐱᓕᕆᐊᓄᑦ ᓴᓇᙳᐊᖃᑦᑕᕐᒪᑦ ᐊᒻᒪᓗ ᒥᖅᑯᓕᓐᓂᒃ ᐱᓕᕆᖃᑎᖃᖅᐸᒃᑭᓪᓗᓂ. ᖃᐅᓐᓇᖅ ᐱᓕᕆᖃᑎᖃᕐᒥᔪᖅ ᓇᒻᒥᓂᖃᖅᑎᐅᔪᓂᒃ ᐱᐅᓴᐅᑎᓂᒃ ᓇᒻᒥᓂᖁᑎᖃᖅᑐᓂᒃ ᐊᒻᒪᓗ ᐃᓱᒪᒋᔭᖃᖅᑐᑎᒃ ᑎᑎᖅᑐᒐᕐᓂᒃ. 

ᐱᕈᖅᓴᓪᓗᓂ, ᓴᓇᙳᐊᕐᓂᕐᒧᑦ ᐃᓕᓐᓂᐊᕐᕕᐊᓗᖕᒧᐊᓚᐅᖅᑐᖅ ᓲᖃᐃᒻᒪ ᐊᓈᓇᖓ ᓅᖦᖢᓂᒋᑦ ᐊᖑᔭᒥᓄᑦ. ᐃᓕᓐᓂᐊᖃᑦᑕᓚᐅᖅᐳᖅ ᐊᒥᓱᓂᒃ ᐃᓕᓐᓂᐊᖅᑐᓂ ᐊᒻᒪ ᐃᓕᓐᓂᐊᖅᑐᓂ ᐱᕙᓪᓕᐊᔪᓕᕆᔨᓂᒃ, ᑕᕐᕆᔮᓕᐅᕐᓂᕐᒥᒃ, ᑕᑯᓐᓇᒐᓕᐅᕐᓂᕐᒥᒃ, ᒧᒥᕐᓂᕐᒥᒃ, ᐊᒻᒪ ᑕᕐᕆᔭᕐᕕᒻᒥᑦ. ᑕᐃᑲᙵᑦ, ᓯᓚᑦᑐᖅᓴᕐᕕᒡᔪᐊᓕᐊᓚᐅᖅᑐᖅ ᐋᑐᕚᒥ ᓄᓇᖃᖅᑳᖅᓯᒪᔪᓄᑦ ᐃᓕᓐᓂᐊᖅᑐᓄᑦ, ᒪᓕᒐᓕᕆᔨᙳᕈᒪᓪᓗᓂ ᐅᕝᕙᓘᓐᓃᑦ ᐃᓕᓴᐃᔨᒻᒪᕆᐅᔪᒪᓪᓗᓂ ᐃᖅᑲᓇᐃᔮᖃᑦᑎᐊᖅᖢᓂᓗ ᐊᑭᓕᖅᓱᖅᑕᐅᑦᑎᐊᖅᑐᒥᒃ. 

ᐃᓱᒪᓚᐅᙱᑦᑐᖅ ᓴᓇᙳᐊᖅᑎᐅᔪᓐᓇᕋᓱᒋᙱᖦᖢᓂ ᐅᕝᕙᓘᓐᓃᑦ ᐊᔪᙱᑦᑎᐊᕋᓱᒋᙱᖦᖢᓂ. ᑕᐃᑲᓂᑦᑕᐃᓐᓇᖅ, ᐊᓕᐊᓇᐃᒋᔭᖃᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕈᑎᖏᓐᓂᒃ, ᐃᓕᓐᓂᐊᖃᑎᖏᓐᓂᒃ ᐊᒻᒪ ᐃᓕᓐᓂᐊᕐᕕᐊᕈᓯᖏᓐᓂᒃ ᐅᖃᖃᑎᒌᒃᑎᓪᓗᒋᑦ. ᐱᔭᕇᖅᓯᓂᖅ ᐱᓕᕆᐊᒃᓴᓂᒃ ᐊᒃᓱᕈᕐᓇᓚᐅᖅᐳᖅ ᐃᓚᒌᓄᓪᓗ ᐊᓂᒍᖅᑎᓐᓇᓱᒋᐊᖃᖅᐸᒃᑐᓄᑦ, ᐊᒃᓱᕈᖅᐸᒃᖢᓂ ᐃᓕᓐᓂᐊᕐᕕᖕᒥ ᑭᓯᐊᓂ ᓇᖕᒥᓂᖅ ᐊᖏᕐᓂᕋᓕᕋᒥ ᓄᖅᑲᕈᒪᓂᕐᒥᒃ. 

ᐱᑦᑕᐃᓕᓪᓗᓂ ᓯᕗᓪᓕᕐᒥ, ᑕᑯᓪᓗᓂ ᐃᓕᓐᓂᐊᕐᓂᖓᓂᒃ ᐊᖅᑯᑎᑦᑎᐊᕙᐅᓂᖓᓂᒃ ᓴᐳᒻᒥᓗᒍ, ᐊᑭᓕᖅᓱᖅᑕᐅᑦᑎᐊᕐᖢᓂ ᐃᖅᑲᓇᐃᔮᖅ ᑭᓯᐊᓂ ᐱᖃᕇᕐᖢᓂ ᓇᓗᓇᐃᒃᑯᑕᖃᙱᖦᖢᓂ. ᐃᓱᒪᓚᐅᖅᑐᖅ ᓇᓗᓇᐃᒃᑯᑕᖅ ᐅᖃᐅᓯᐅᓂᖓᓂᒃ ᐊᑑᑎᖃᕐᓂᖓᓂᒃ ᐊᒻᒪ ᓱᓕᙱᖦᖢᓂ. 

ᐃᓕᓐᓂᐊᕐᕕᖕᒧᐊᕆᐊᖃᙱᖦᖢᓂ, ᓴᓇᙳᐊᕈᓐᓇᖅᓯᓚᐅᖅᑐᖅ.  ᓴᓇᐅᒐᖓ ᑲᑎᙵᔪᓐᓃᓚᐅᖅᑐᖅ ᑕᒫᙵᑐᐃᓐᓇᖅ ᑭᓯᐊᓂ ᐱᐅᓯᕚᓪᓕᓚᐅᖅᑐᖅ ᐊᒃᑐᐊᓂᖃᕐᓂᖓᓄᑦ ᐃᖕᒥᓄᑦ ᐃᓕᖅᑯᓯᖓᓄᓪᓗ ᐃᓕᓴᕐᓇᐅᑎᖓᓄᑦ. "ᐅᕙᓐᓂᒃ ᐃᓕᑦᑎᕙᓪᓕᐊᑎᓪᓗᖓ, ᓴᓇᐅᒐᕋ ᑐᑭᖃᕐᓂᖅᓴᐅᖅᑰᔨᒋᓚᐅᖅᑕᕋ ᓲᖃᐃᒻᒪ ᖃᐅᔨᒪᓚᐅᕋᒪ ᑭᓇᐅᖕᒪᖔᕐᒪ," ᐃᖅᑲᐅᒪᔪᖅ.  

ᐊᐅᓚᓐᓂᐊᕐᓗᒍ ᐱᔪᒃᓯᓂᕆᔭᖓ, ᖃᐅᓐᓇᖅ ᐃᒻᒥᓂᒃ ᖃᐅᔨᓴᖃᑦᑕᖅᑐᖅ ᐊᒻᒪᓗ ᐊᑐᖅᐸᒃᖢᓂ ᐃᒻᒥᓂᒃ−ᐃᒃᐱᒋᑦᑎᐊᕐᓂᕐᒥᑦ, ᓇᖕᒥᓂᖅ ᓇᒡᓕᒍᓱᖕᓂᕐᒥᒃ ᐊᒻᒪᓗ ᐃᓄᑦᑎᐊᕙᐅᓂᕐᒥᒃ. ᐊᖏᖃᑦᑕᖅᑐᖅ ᑕᒻᒪᕌᖓᑦ ᑎᑭᐅᑎᙱᖦᖢᓂᓘᓐᓃᑦ ᑐᕌᕆᔭᖏᓐᓄᑦ ᐸᕐᓇᐃᓪᓗᓂᓗ ᐱᔪᒪᓕᕐᓂᕐᒥᒃ ᐊᑐᕋᓱᒃᐸᒃᑕᖓᓄᑦ ᐱᓇᓱᐊᕈᓰᒃ ᒪᕐᕉᒃ ᐊᓂᒍᕌᖓᑎᒃ ᓴᓇᙳᐊᕐᓂᕐᒧᑦ ᐊᐅᓪᓚᕐᓂᕐᓂ ᐱᓕᕆᔨᒻᒪᕆᐅᓂᕐᒧᓪᓗ ᐱᕙᓪᓕᐊᓂᕐᒥ. "ᓴᓇᐅᒐᖅ ᐃᓕᓴᕐᓇᐅᕗᖅ ᐊᒃᑐᐊᓂᖃᖅᖢᓂᓗ. ᓴᓇᐃᓐᓇᕆᐊᖃᙱᑦᑐᑎᑦ ᓴᓇᙳᐊᖅᑎᐅᓗᑎᑦ," ᐃᖕᒥᓂᒃ ᐃᖅᑲᐃᓯᔪᖅ. ᐊᑐᖃᑦᑕᕐᓂᖅ ᓴᖅᑭᔮᖅᑎᑦᑎᓂᕐᓗ ᐱᓕᕆᐊᕆᔭᐅᔪᓂᒃ ᐊᓯᒥᓄᑦ ᓴᓇᙳᐊᕈᓯᐅᒋᕗᑦ ᐊᒻᒪ ᐃᒻᒥᓂᒃ ᐅᐱᒋᕙᒃᖢᓂ ᑲᔪᓯᑎᑦᑏᓐᓇᕋᓱᒃᖢᓂ. 

ᓇᖕᒥᓂᖅ ᑲᒪᒋᑦᑎᐊᕆᐊᖃᓕᕌᖓᑦ, ᓄᔭᖏᑦ ᑯᑭᖏᓪᓗ ᐱᕕᖃᖅᑎᓐᓇᓱᒃᐸᖏᑦ, ᓈᓚᒃᐸᒃᖢᓂ ᓂᐱᓕᐅᖅᓯᒪᔪᓂᒃ ᐊᒻᒪ ᑎᑎᕋᖅᐸᓪᓕᐊᔪᓂᒃ. ᓄᖅᑲᕋᒥ ᐃᖅᑲᓇᐃᔭᕈᓐᓃᕋᒥ ᐃᓅᓯᖓᓂᒃ ᓇᐅᑦᑎᖅᓱᖅᑎᐅᓪᓗᓂ ᖃᐅᔨᓴᖅᑕᐅᙱᖦᖢᓂᓗ ᑎᒥᒃᑯᑦ ᐃᖃᐃᓕᓴᕐᓂᕐᒧᑦ, ᐃᖕᒥᓂᒃ ᓄᖅᑲᕐᖢᓂ. ᐊᐅᑉ ᓯᖒᔭᕐᓂᖓ ᑲᑉᐱᐊᓱᖕᓂᖅ ᐊᒻᒪᓗ ᑎᒥᓂ ᐱᕙᒌᔭᕈᒪᓂᖅ ᐊᓈᓇᐅᓂᐊᕐᓗᓂ ᐃᑲᔪᖅᐸᒃᐳᖅ ᓯᕗᓪᓕᖅᐸᐅᑦᑎᐅᔾᔨᓂᕐᒥᒃ ᓇᖕᒥᓂᖅ−ᑲᒪᒋᑦᑎᐊᕈᓐᓇᕐᓂᕐᒥᒃ. 

ᐃᒻᒥᓂᒃ ᑲᒪᒋᓂᖅᓴᐅᒍᓂ, ᐊᑲᐅᓂᖅᓴᐅᕗᖅ ᐱᓇᓱᐊᖏᓐᓇᖃᑦᑕᕋᒥ. ᐱᓱᒋᐊᖅᑐᖅᓯᒪᑎᓪᓗᒍ, ᑐᑭᓯᓇᖅᓯᖃᑦᑕᖅᑐᖅ, ᐱᓗᐊᖅᑐᒥ ᐃᒫᓄᑦ. ᑎᒥᖓ ᐊᐅᓚᔾᔭᒃᐸᓪᓕᐊᑎᓪᓗᒍ ᐃᒻᒥᓂᒃ ᐊᒃᓱᕈᓗᐊᒧᑦ ᐃᓱᒪᒧᓪᓗ ᓯᒥᒃᓯᒪᔾᔪᑕᐅᕙᒃᐳᖅ. 

ᐃᓱᒪᒋᓪᓗᒍ ᓂᕆᐅᒋᔭᖏᑦ ᓯᕗᓂᒃᓴᒧᑦ, ᖃᐅᓐᓇᖅ ᐅᑕᖅᑭᔪᓐᓇᙱᑦᑐᖅ ᐱᒋᐊᕋᓱᒃᓗᓂ ᓂᕆᐅᖕᓂᓕᒫᒥᓂᒃ ᐱᔭᕇᕋᓱᒃᓗᒍ, ᖃᐅᔨᒪᓗᓂ ᐱᓕᕆᓂᐊᕐᓂᕐᒥᓂᒃ ᐱᐅᔪᒻᒪᕆᖕᓂᒃ, ᖁᕕᐊᓇᖅᑐᓂᒃ. "ᓄᓇᖃᖅᑳᖅᓯᒪᔪᓄᑦ, ᒫᓐᓇ ᓂᕈᐊᕐᕕᖃᖅᐳᒍᑦ, ᓄᓇᖃᖅᑳᖅᓯᒪᙱᑦᑐᓂᒃ ᐃᓄᖕᓂᒃ ᖃᐅᔨᒪᑦᑎᐊᖅᑐᓂᒃ ᐅᕙᑦᑎᓐᓂ ᐊᒻᒪ ᓱᓕᓪᓚᑦᑖᖅᑐᓂᒃ. ᖃᐅᔨᒪᔪᖓ ᐊᒥᓱᑦ ᑲᒪᓇᖅᑐᑦ ᓴᖅᑭᓂᐊᖅᑐᑦ," ᓴᖅᑭᔮᖅᑎᑦᑎᔪᖅ. ᐱᕈᖅᐸᓪᓕᐊᔪᒥᒃ ᑕᕐᕆᔭᐅᓯᐅᖅᑎᖃᕐᖢᓂ ᓴᓇᐅᒐᓕᕆᓂᕐᓂᒃᓗ, ᓇᓚᐅᑦᑖᕐᖢᓂ ᐃᓄᐃᑦ ᐃᓄᐃᑦ ᐱᕚᓪᓕᕈᑎᖃᕐᓂᐊᕐᓂᖏᓐᓂᒃ. "ᑭᒃᑯᓕᒫᑦ ᐃᑲᔪᐃᓐᓇᐅᔭᖅᑐᑦ, ᑭᓯᐊᓂ ᓂᕆᐅᒃᐳᖓ ᐃᑲᔫᑎᖃᕐᓂᐊᕐᓂᖓᓂᒃ ᓄᓇᖃᖅᑳᖅᓯᒪᔪᑦ ᐃᓄᐃᑦ ᖁᕝᕙᓯᖕᓂᖅᓴᐅᓕᕐᓗᑎᒃ, ᓲᖃᐃᒻᒪ ᐃᓄᐃᑦ ᐅᕙᑦᑎᓐᓂᒃ ᐱᒻᒪᕆᐅᒍᓱᖕᓂᖅᓴᐅᖕᒪᑕ ᐊᒻᒪ ᐱᒻᒪᕆᐅᒍᓱᖕᓂᖅᓴᐅᓕᖅᖢᑕ ᐅᓂᒃᑳᑦᑎᓐᓂᒃ," ᑲᔪᓯᓗᓂ. 

ᐱᔪᒃᓯᓕᖅᑎᑦᑐᒪᓪᓗᒋᑦ ᓄᓇᖃᖅᑳᖅᑐᑦ ᒪᒃᑯᒃᑐᑦ, ᖃᐅᓐᓇᖅ ᐃᒪᓐᓇᐅᖁᔨᓇᔭᖅᐳᖅ, ᐃᓱᒪᒋᔭᖃᕐᓗᓂ ᓂᕈᐊᕆᓯᒪᔭᒥᓂᒃ ᐊᐱᕆᓗᑎᒡᓗ ᓇᖕᒥᓂᖅ ᓂᕈᐊᕆᔭᖃᕐᒪᖔᑕ ᑲᑉᐱᐊᓱᖕᓂᕐᒥᒃ ᖁᕕᐊᓱᖕᓂᕐᒥᒡᓘᓐᓃᑦ, ᓇᒡᓕᖕᓂᕐᒥᒃ ᖁᕕᐊᓱᖕᓂᕐᒥᒡᓗ. "ᐃᓅᓯᖅ ᐊᔭᐅᖅᑐᕐᓂᐊᖅᐸᑎᑦ ᖃᓄᑐᐃᓐᓇᖅ ᓂᕈᐊᕋᓗᐊᕈᕕᑦ. ᐱᓕᕆᑐᐃᓐᓇᕆᐊᖃᕐᒥᔪᓯ ᖁᕕᐊᒋᔭᔅᓯᓐᓂᒃ ᓲᖃᐃᒻᒪ ᐊᖅᑯᑎᒃᑯᑦ ᐊᐳᖅᑕᖅᑐᖃᕐᓂᐊᕐᒪᑦ ᖃᓄᑐᐃᓐᓇᖅ ᐱᒐᓗᐊᕈᕕᑦ, ᑕᒻᒪᙱᖦᖢᑎᑦ? ᐃᓕᖕᓂᒃ ᐊᐱᕆᓪᓚᕆᒃᐳᖓ, ᑕᒪᓐᓇ ᖁᕕᐊᒋᕙᕋ? ᑕᒪᓐᓇ ᖁᕕᐊᒋᓪᓚᕆᒃᑲᒃᑯ?" ᐅᖃᖅᑐᖅ. 

ᐃᓕᑕᕆᓗᒋᑦ ᐃᓄᐃᑦ ᐃᖅᑲᓇᐃᔭᕆᐊᖃᕐᒪᑕ ᐃᓅᓇᓱᒡᓗᑎᒃ, ᖁᐊᓇᖅ ᒪᒃᑯᒃᑐᓂᒃ ᐃᖅᑲᐅᒪᖁᔨᕗᖅ ᑮᓇᐅᔭᓕᐅᕆᐊᖃᕐᓂᔅᓯᓐᓂᒃ ᑭᓯᐊᓂ ᐃᓅᓯᑐᐊᕆᔭᕆᐊᖃᙱᑕᐃᑦ. ᐅᖃᕆᓪᓗᓂᓗ ᑲᑉᐱᐊᓱᙱᖦᖢᓂ ᑕᒻᒪᕐᓗᓂ ᓂᕈᐊᕐᓂᕐᒥᒃ. "ᑕᒻᒪᖅᓯᒪᔪᑦ ᑕᒻᒪᖃᑦᑕᙱᑦᑐᑦ, ᐃᓕᑕᐅᔪᑦ. ᐃᓕᖕᓂᒃ ᓯᕗᓪᓕᐅᓗᑎᑦ ᓂᕈᐊᕆᔭᑎᓪᓗ ᓯᕗᓪᓕᐅᑎᓗᒋᑦ ᓇᖕᒥᓂᖅ ᐱᑎᙱᖦᖢᒋᑦ. ᖁᕕᐊᓱᒃᑯᕕᑦ, ᐊᒻᒪᓗ ᐃᓅᓯᑦᑎᐊᕙᐅᓛᒥᒃ ᐃᓅᓯᖃᖅᑎᓪᓗᑎᑦ, ᖃᐅᒪᔪᐊᓘᔪᑎᑦ, ᐊᒻᒪᓗ ᑭᒃᑯᓕᒫᑦ ᐊᕙᑎᖕᓃᑦᑐᑦ ᓴᙲᑦᑐᑯᓘᓪᓗᑎᒃ ᐊᒻᒪᓗ ᐊᖅᓴᕐᒧᑦ ᐃᑭᑎᑕᐅᓕᖅᐸᒃᖢᑎᒃ. ᐃᓅᓯᑦᑎᐊᕙᐅᓛᒥᒃ ᐃᓅᓯᖃᕆᑦ," ᐃᓱᓕᑉᐳᖅ. 

ᐃᖅᑲᓇᐃᔮᑦᑎᐊᕙᐅᓚᐅᖅᑐᖅ ᐱᐅᓂᖅᓴᒧᑦ... ᐃᒻᒥᓂᒃ ᐅᒃᐱᕆᓗᓂ ᓴᓇᙳᐊᖅᑎᐅᓂᕐᒥᓂᒃ. ᔪᕋᒐ ᖃᐅᓐᓇᖅ ᐃᓕᑦᑎᓯᒪᔪᖅ ᐱᓕᕆᓂᒃᑯᑦ ᐊᔪᙱᓐᓂᕐᓂ ᐊᑭᑦᑐᕋᐅᑎᖃᑕᐅᖏᓐᓇᕐᓂᕐᒥᒃ ᓂᐅᕕᐊᒃᓴᖃᕐᕕᖕᒥ ᐃᓱᒪᖓᓗ ᐱᔭᕆᐊᖃᖅᑕᖓᓂᒃ ᐱᑎᓪᓗᒍ. ᐅᒃᐱᕆᓪᓗᒍ ᓇᒡᓕᒍᓱᒃᖢᓂᓗ, ᐃᓗᒥᒍᓪᓗ ᐱᐅᒋᔭᓂ ᐊᒻᒪ ᓴᙱᓂᖓ ᖃᐅᔨᓪᓗᓂᐅᒃ ᓴᓇᙳᐊᖅᑕᐅᑎᓪᓗᒍ ᓄᓇᕐᔪᐊᕐᒥᐅᓄᑦ.  

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.