ᐋᓕᓴᓐ ᑎᐊᑦᕗᑦ ᐊᕐᕌᒍᒐᓵᓗᖕᓄᑦ ᐊᒃᓱᕈᓚᐅᖅᑐᖅ ᓇᒡᒍᐊᕐᒥᓂ ᓴᓂᕐᕙᐃᓪᓗᓂ, ᐊᒻᒪ ᐃᖏᕐᕋᓂᕆᓚᐅᖅᑕᖓᓂ ᐃᑲᔪᖅᖢᓂ ᐊᓯᖏᓐᓂᒃ ᐅᖃᓕᒫᒐᕐᒥᓂ, "ᐊᒃᓱᕈᕐᓇᖅᑐᒃᑯᑦ ᐋᓐᓂᐊᕐᓂᖅ: ᓇᖕᒥᓂᖃᕐᕕᒋᔭᕋ ᐱᕈᖅᑎᖦᖢᒍ ᐋᓐᓂᐊᖏᓐᓇᖅᑐᒥᒃ ᐊᐅᓚᑦᑎᓪᓗᓂ," ᑎᑎᖅᑲᙳᖅᑎᑕᐅᓚᐅᖅᓯᒪᔪᖅ 2021-ᒥ.

"ᐃᓱᒪᒋᓚᐅᖅᑕᕋ ᐊᒃᓱᕈᕈᒪ, ᐊᓯᖏᑦ ᐃᓄᐃᑦᑕᐅᖅ," ᐅᖃᖅᑐᕕᓂᖅ ᓯᐅᕗᐊᑦ, ᓇᒃᕚᒃᔅᑖ ᐊᕐᓇᖅ Kwakiutl First Nation−ᑯᓐᓂᙶᖅᑐᖅ ᐋᐸᑦᔅᕗᑦᒥ ᓄᓇᖃᖅᑐᖅ, ᐳᕆᑎᔅ ᑲᓚᒻᐱᐊ 70 ᑭᓚᒦᑕᓂᒃ ᓂᒋᖅᐸᓯᐊᓂ ᕚᓐᑰᕙᐅᑉ.

ᑖᓐᓇ ᐅᖃᓕᒫᒐᖅ ᒪᓂᒪᑎᑦᑎᕗᖅ ᐅᖃᐅᔾᔪᐃᓂᕐᒥᒃ ᐊᓯᖏᓐᓄᑦ ᓇᖕᒥᓂᖃᖅᑎᐅᔪᓄᑦ ᑲᒪᒋᔭᖃᖅᐸᒃᑐᓄᑦ ᐋᓐᓂᐊᑯᑖᒃᐸᒃᑐᓄᑦ ᐋᖅᑭᒃᓱᐃᔪᒪᓪᓗᑎᒃ ᓇᖕᒥᓂᕆᔭᐅᔪᒥᒃ ᐋᖅᑭᒃᓯᒪᓕᕈᑕᐅᔪᓐᓇᖅᑐᓂᒃ ᓇᖕᒥᓂᕐᓗ ᑲᒪᒋᔭᖃᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᑲᒪᒋᔭᖃᕐᓂᐊᕐᓗᓂ ᐊᔭᖅᑭᑦᑕᕈᑕᐅᓕᖅᐸᒃᑐᓂᒃ ᓵᑦᑎᐊᕐᒥᐅᑕᕆᑐᐃᓐᓇᕆᐊᖃᖅᑕᒥᓂᒃ.

ᕿᖅᑯᐊᑦ ᐊᒃᓱᕈᓕᓲᑦ ᓇᒡᒍᐊᕐᒥᒃᑯᑦ ᐊᐅᓚᔾᔭᒍᓐᓇᙱᖦᖢᑎᒃ (Hypermobile Ehlers-Danlos syndrome) ᐊᑐᖅᑕᐅᒐᔪᙱᖦᖢᓂ ᐊᒃᑐᐃᓲᖅ 1-ᓂᒃ 3,100-ᓂᒃ ᐃᓄᖕᓂᒃ. ᖃᐅᔨᒪᓪᓚᑦᑖᓚᐅᙱᒻᒪᑦ ᖃᓄᐃᓕᐅᓪᓚᑦᑖᕐᓂᕐᒪᖔᖅ ᓯᕗᓪᓕᕐᒥ ᐊᒻᒪ ᓇᒻᒥᓂᖅ ᓇᓗᓈᕿᓕᓚᐅᕐᒪᑦ ᐊᒻᒪ ᖃᓄᐃᒍᓐᓃᖅᑐᓂ ᑭᓯᐊᓂ ᖃᐅᔨᓴᖅᑕᐅᓚᐅᖅᑎᓪᓗᒍ ᐱᖓᓱᑦ ᐅᕝᕙᓘᓐᓃᑦ ᑎᓴᒪᑦ ᐊᕐᕌᒍᐃᑦ ᓈᓕᖅᑐᑦ.

"ᐅᓄᖅᑐᒻᒪᕆᐊᓗᖕᓂᒃ ᐊᓐᓄᕌᓂᒃ ᐅᐊᓴᐃᓂᕐᒧᑦ ᑎᑎᕋᖅᓯᒪᔪᓂᒃ ᐱᓯᒪᕗᖓ ᓈᒻᒪᓚᐅᙱᑦᑐᓂᒃ... ᐃᓱᒫᓘᑎᖃᖅᐳᖓ ᐃᓱᒪᒋᔭᐅᓇᔭᕐᓂᓐᓂᒃ ᐃᒪᓐᓇ, hychondriac−ᖑᓇᓱᒋᓗᖓ ᐃᓄᖕᓂᒡᓘᓐᓃᑦ ᐃᓱᒪᓇᔭᕋᓱᒋᓇᔭᕋᒪ ᑕᒪᓐᓇ ᓂᐊᖁᖓᒎᖓᓂᖓᓂᒃ," ᑕᐃᒪᓐᓇ ᓯᐅᕗᐃᑦ ᐅᖃᖅᖢᓂ.

"ᐊᒃᓱᕈᕐᓇᓪᓚᕆᓚᐅᖅᑐᖅ ᐃᓕᑦᑎᓂᖅ ᑭᒡᒐᖅᑐᐃᓂᕐᒥᒃ ᐅᕙᓐᓂᒃ."

ᒫᓐᓇᓕ, ᐱᕕᖃᑦᑎᐊᕐᖢᓂ ᕿᓄᐃᓵᕈᓐᓇᕐᖢᓂᓗ ᐃᖕᒥᓂᒃ ᐃᖅᑲᓇᐃᔮᖓᓂᒃ ᖃᐅᔨᒪᔨᑕᐅᓪᓗᓂ, ᑎᑎᕋᖅᑎᐅᓪᓗᓂ ᐅᓂᒃᑳᖅᑎᐅᓪᓗᓂᓗ. ᕿᑐᑦᑐᒐᐅᔭᐃᑦ ᐅᖃᓕᒫᒐᓕᐅᖅᓯᒪᔪᑦ ᒪᕐᕉᓐᓂᒃ, ᓴᖅᑭᔮᖅᑎᑕᐅᔪᑦ ᐊᒥᓱᒐᓚᓐᓂ ᐅᖃᓕᒫᒐᕐᓂ ᐊᒻᒪᓗ ᖃᐃᖁᔭᐅᓯᒪᔪᓂᒃ ᑎᑎᕋᖅᑐᑎᒃ ᐅᖃᓕᒫᒐᕐᓂ.

ᐅᓂᒃᑳᖅᑎᐅᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᑎᑎᖅᑲᖁᑎᖏᓐᓂ ᑲᓇᑕᐅᑉ ᒐᕙᒪᒃᑯᖏᓐᓄᑦ ᐱᓕᕆᐊᖃᖅᖢᓂᓗ ᓇᓗᓇᐃᕋᓱᐊᖅᖢᓂᑦ ᓇᖕᒥᓂᖃᕐᕖᑦ ᐃᓚᓕᐅᔾᔨᑦᑎᐊᕋᓗᐊᕐᒪᖔᑦ, ᑐᙵᓱᒃᑎᑕᐅᒐᓗᐊᕐᒪᖔᑦ ᐊᑐᐃᓐᓇᐅᒐᓗᐊᕐᒪᖔᑦᓗ ᐃᓄᖕᓄᑦ ᑎᒥᒥᒍᑦ ᐊᔪᕈᑎᓕᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ.

ᐃᓚᖓᑦ ᐅᖃᓕᒫᒐᓕᐊᖓ "ᑲᓇᑕᒥ ᓇᖕᒥᓂᖃᖅᑎᐅᑉ ᒪᓕᒐᒃᓴᖓ ᐃᓱᒪᒋᔪᓐᓇᐃᖃᑎᒌᖕᓂᕐᒧᑦ: ᐱᐅᓛᑦ ᐊᑐᕋᓲᑎᑦ ᓄᓇᖃᖅᑳᖅᓯᒪᔪᑦ ᐃᓚᓕᐅᔾᔭᐅᓂᖏᓐᓄᑦ," ᐋᖅᑭᒃᓯᓪᓗᓂᓗ ᖃᓄᖅ ᐱᓯᓂᓯᐅᔪᑦ ᑲᒪᒋᔭᖃᕈᓐᓇᕐᒪᖔᑕ ᐃᖅᑲᓇᐃᔮᖏᓐᓂ ᐋᕿᒋᐊᕈᑎᖃᕋᓱᖕᓂᕐᓂ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ.

ᐅᖃᕐᖢᓂ ᓴᖅᑭᖦᖢᓂ ᐱᓪᓗᒍ ᖃᕋᓴᐅᔭᒃᑯᑦ ᐊᔪᙱᓐᓂᖓ ᐊᒻᒪ ᑭᓇᑭᐊᖅ ᖃᐅᔨᒪᓚᐅᖅᑕᖓ ᑲᓲᑎᓪᓗᓂᐅᒃ ᑕᒻᒪᖓᙱᑦᑐᒥᒃ ᐅᖃᓕᒫᒐᓕᐅᖅᑎᒧᑦ.

‍

"ᐱᕕᒃᓴᑦᑎᐊᕙᒻᒪᕆᐊᓘᕗᖅ ᑖᓐᓇ ᐅᖃᓕᒫᒐᖅ ᓄᓇᕐᔪᐊᕐᒧᑦ ᓴᖅᑭᑎᓪᓗᒍ," ᐅᖃᓚᐅᖅᐳᖅ ᓯᐅᐃᑦ.

ᓯᐅᕗᐊᑦ ᐅᖃᖅᖢᓂ ᐃᓕᓐᓂᐊᕆᐊᕈᒪᓂᖓ ᓱᒃᑲᒃᑎᒋᐊᖅᑎᑕᐅᓚᐅᖅᐳᖅ ᐱᔭᕇᖅᓯᓪᓗᓂᓗ ᑭᖑᓪᓕᖅᐹᒥ ᐊᕐᕌᒍᓄᑦ ᐱᖓᓱᓄᑦ ᖁᑦᑎᖕᓂᖅᓴᖅ ᐃᓕᓐᓂᐊᕐᕕᖕᒥ ᐊᕐᕌᒎᒃ ᒪᕐᕉᒃ ᐃᓗᐊᓂ ᓲᖃᐃᒻᒪ ᖃᑕᙳᑎᖏᑦ ᓅᖃᑦᑕᕐᒪᑕ ᐊᕐᕌᒍᑕᒫᑦ.

ᐃᓕᓐᓂᐊᕆᐊᒃᑲᓐᓂᖅᐸᓚᐅᖅᑐᖅ ᑭᓯᐊᓂ ᐃᓕᑕᕆᔭᐅᔾᔪᑎᑖᓚᐅᙱᑦᑐᖅ. ᐃᒪᓐᓇᖔᕐᓕ ᐃᖅᑲᓇᐃᔭᖅᖢᓂ ᐃᓕᓐᓂᐊᕐᔪᐊᓚᐅᖅᐳᖅ ᐃᓱᒪᑦᑎᐊᕐᓇᙱᖦᖢᓂ.

"ᐅᒃᐱᕈᓱᑦᑎᐊᓚᐅᖅᑐᖓ ᐱᓕᕆᔾᔪᓯᕐᒥᒃ ᖃᐅᔨᒪᓚᐅᖅᑐᖓᓗ ᓄᑖᓂᒃ ᐊᔾᔨᒌᙱᑦᑐᓂᒡᓗ ᐱᑕᖃᕐᓂᐊᕐᓂᖓᓂᒃ," ᐅᖃᓚᐅᖅᐳᖅ ᔅᐅᐃᑦ.

ᒫᓐᓇ, ᐃᕐᓂᒥᓂᒃ ᐱᕈᖅᓴᐃᑎᓪᓗᒍ, ᐅᖃᐅᑎᔪᓐᓇᖅᑕᖓ ᓇᖕᒥᓂᖃᕈᓐᓇᕐᓂᕐᒧᑦ ᐊᔪᕈᓐᓃᖅᓯᒪᔭᖏᑦ ᓂᑲᒋᔭᐅᓕᕐᓂᕋᖅᖢᓂᒋᑦ. ᓂᕆᐅᒃᑭᕗᖅᑕᐅᖅ ᐋᖅᑭᒃᓱᐃᕙᓪᓕᐊᖏᓐᓇᕈᒪᓪᓗᓂ ᐱᓕᕆᕝᕕᒋᕙᒃᑕᒥᓂᒃ ᐃᓕᑦᑎᕝᕕᒋᒐᔪᒃᑕᒥᓂᒃᑕᐅᖅ.

ᓯᐅᐃᑦ ᐅᖃᖅᖢᓂ ᓱᓕ ᓴᓇᓂᕋᖅᖢᓂ ᐃᓗᓕᖏᓐᓂᒃ ᓴᖅᑭᑦᑎᕙᓪᓕᐊᓪᓗᓂ ᐊᒻᒪ ᓂᐅᕐᕈᑎᖃᕋᓱᐊᖅᖢᓂ ᑕᑯᓪᓗᓂ ᑭᓱᓂᒃ ᑐᓗᖅᑕᕈᑎᓂᒃ ᐱᓕᕆᔪᓐᓇᕐᒪᖔᑦ ᓯᕗᓂᒃᓴᑦᑎᓐᓂ.

"ᖁᕕᐊᓱᑦᑎᐊᖅᑐᖓ ᐃᓄᖕᓄᑦ ᓄᓇᑦᑎᓐᓂ ᐊᒻᒪ ᐱᓕᕆᐊᕆᔭᖏᓐᓂᒃ," ᐅᖃᓚᐅᖅᐳᖅ ᔅᐅᐃᑦ.

ᖁᔭᓐᓇᒦᒃ ᐋᔅᑳᕐ ᐸᐃᑯᕐ III ᑎᑎᕋᓚᐅᕐᓂᖓᓄᑦ ᑖᔅᓱᒥᖓ ᑎᑎᕋᖅᓯᒪᔪᒥᒃ.