ᑐᓴᐅᒪᑎᑦᑎᓂᖅ ᓄᓇᓕᖕᓄᑦ: ᐋᓐᑐᕋᐃ ᒧᐊᕆᓴᐅ ᐃᖏᕐᕋᓂᕆᓛᖅᑕᖓ

ᕗᐊᑦ ᐅᐃᓕᐊᒻ ᓄᓇᖃᖅᑳᖅᓯᒪᔪᖅ, ᐋᓐᑎᐅᕆᐅ, ᐋᓐᑐᕋᐃ ᐱᕈᖅᓴᓚᐅᖅᑐᖅ ᑭᐊᓐᕋᒥ. ᐊᑖᑕᖓ ᓯᕗᓪᓕᖅᐸᐅᖃᑕᐅᓚᐅᖅᑐᖅ ᓄᓇᖃᖅᑳᖅᓯᒪᔪᓂᑦ ᐆᒪᔪᕐᓂᐊᖅᑎᓂᑦ ᑕᓯᕐᒥᑦ ᕗᑦᔅᒥᑦ, ᐋᓐᑐᕋᐃ ᒧᐊᕆᓴᐅ ᐃᖅᑲᓇᐃᔮᖃᑦᑎᐊᖅᓯᒪᔪᖅ. ᐃᓇᖐᓯᒪᓚᐅᖅᖢᓂ, ᑎᔅᓯᓈᕿᓪᓗᓂ ᐊᒻᒪ ᑐᔪᕐᒥᕕᖕᓂ ᐱᓕᕆᓪᓗᓂ ᕚᓐᑰᕙᒥ, ᐋᓐᑐᕋᐃ ᑐᕌᓐᑐᒧᑦ ᓅᓚᐅᖅᓯᒪᕗᖅ ᓂᕆᔭᖅᑐᕐᕕᖕᒥ ᐃᖅᑲᓇᐃᔭᓚᐅᖅᓯᒪᓪᓗᓂᓗ.

ᓂᖅᑎᐅᖅᑎᐅᓚᐅᖅᑎᓪᓗᒋᓪᓕ, ᐃᓅᓯᖅ ᓄᑖᒥᒃ ᐊᓐᑐᕋᐃᒧᑦ ᑎᑭᖦᖢᒍ. ᐊᐅᓚᑦᑎᔨᐅᓚᐅᖅᐳᖅ 360-ᓂᒃ, ᓂᕆᕝᕕᒃ ᖁᓪᓕᖅᐹᖓᓂ CN tower-ᒥ, ᒫᓐᓇ ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨᐅᓕᖅᖢᓂ ᐋᓐᑎᐅᕆᐅᒥ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᓄᑦ (ONWA). ᐊᖅᑯᑎᒋᓚᐅᖅᑕᖓᑦ ᐱᓕᕆᐊᒃᓴᖏᑕ ᓂᕆᐅᓇᙱᖦᖢᓂ.

ᐋᓐᑐᕋᐃᐅᑉ ᖃᑕᙳᑎᖏᑦ ᐅᑎᓚᐅᖅᓯᒪᔪᑦ ᕗᐊᑦ ᐅᐃᓕᐊᒻ ᓄᓇᖃᖅᑳᖅᓯᒪᔪᓄᑦ ᑭᓄᐊᕋᒥᑦ 1978−ᒥ, ᐊᕐᕌᒍᒐᓴᐃᑦ ᐱᕙᓪᓕᐊᑎᓪᓗᒍ ᐃᒃᐱᒋᓪᓗᓂ ᓇᑲᑕᐅᓂᕐᒥᒃ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓂ. ᑎᑎᕋᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᓂᐱᖏᓐᓄᑦ ᑕᓚᕖᓴᒃᑯᑦ ᓴᖅᑭᔮᖅᑎᑦᑎᓪᓗᓂ ᐊᑭᓕᖅᓱᖅᑕᐅᓇᓂ ᐱᓕᕆᔪᒪᓪᓗᓂ ᓲᖃᐃᒻᒪ ᐊᒃᑐᐊᓂᖃᕈᒪᓚᐅᕐᒪᑦ ᑐᕌᓐᑐᒥ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ. ᓄᖅᑲᓕᓚᐅᖅᑐᖅ ᓂᕆᕝᕕᖕᒥ ᐃᖅᑲᓇᐃᔮᒥᓂᒃ ᐱᓇᔪᒃᖢᓂᓗ ᐃᓚᒋᔭᐅᔪᒪᓪᓗᓂ ᓄᓇᖃᖅᑳᖅᓯᒪᔪᑦ ᑕᕐᕆᔭᕐᕕᖓᓂ ᓄᓇᖃᖅᑳᖅᓯᒪᔪᑦ ᑕᕐᕆᔭᕐᕕᖓᓂ. ᑕᐃᒪᐃᑦᑐᒪᖅᑲᐅᒐᓗᐊᖅ, ᑭᓯᐊᓂ ᑕᐃᑲᓃᓚᐅᓐᖏᒻᒪᑦ.

ᑖᓐᓇ ᐅᓪᓗᖅ ᐊᖏᖅᑕᐅᓚᐅᖅᑎᓪᓗᒍ ᑕᕐᕆᔭᕐᕕᓕᕆᓂᕐᒧᑦ ᓄᓇᖃᖅᑳᖅᓯᒪᔪᑦ ᓂᐱᖏᓐᓄᑦ ᐅᖃᓕᒫᒐᕐᒥ ᖃᐃᖁᔨᓚᐅᖅᐳᖅ ᓈᓚᐅᑎᒃᑰᖃᑕᐅᖁᓪᓗᒍ. ᐃᑳᖅᑎᓪᓗᒋᑦ, ᐋᓐᑐᕋᐃ ᓂᕈᐊᕆᐊᖃᓚᐅᖅᑐᖅ ᑖᒃᑯᓂᖓ ᒪᕐᕉᓐᓂᒃ. ᑕᐃᒪᓕ ᓈᓚᐅᑎᒥᒃ ᓂᕈᐊᓕᓚᐅᖅᑐᖅ. "ᐃᓱᒪᓕᐅᕈᑕᐅᓂᖅᐹᖑᓚᐅᖅᑐᖅ ᐃᓅᓯᓐᓄᑦ," ᓇᓗᓇᐃᖅᓯᓪᓗᓂ.

"ᐃᓅᓯᓐᓄᑦ ᐊᖅᑯᑎᒐ ᑐᑭᒧᐊᒃᑎᑦᑎᓯᒪᔪᖅ ᐃᓕᑦᑎᓯᒪᓪᓚᕆᒃᖢᖓᓗ ᐊᖏᕆᐊᒃᓴᖅ ᖃᓄᕐᓗ ᒪᑐᐃᙶᕈᓐᓇᕆᐊᒃᓴᖅ ᐊᒻᒪ ᓴᐃᒻᒪᖅᑎᑕᐅᓯᒪᕐᔪᐊᖅᑐᖓ ᐃᓄᖕᓂᑦ ᐃᓅᓯᓐᓂ ᐃᓕᓐᓂᐊᖅᑎᑦᑎᓯᒪᔪᓂᑦ."

ᐃᓚᐅᖃᑕᐅᓚᐅᖅᑐᖅ ᓄᓇᖃᖅᑳᖅᓯᒪᔪᑦ ᓂᐱᖏᓐᓂ ᓈᓚᐅᑎᕋᓛᒃᑯᑦ (AVR) ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᒃ ᑲᓇᑕᒥ ᓄᓇᖃᖅᑳᖅᓯᒪᔪᑦ ᐱᔭᕇᕐᓂᕐᒧᑦ ᑐᙵᕕᖓᓄᑦ (Indspire), ᓴᓂᐊᓂ ᐃᓱᒪᑕᐃᑦ ᐋᓐᑎᐅᕆᐅ (COO), ᑲᓇᑕᒥ ᑲᑎᒪᔩᑦ ᓄᓇᖃᖅᑳᖅᓯᒪᔪᓄᑦ ᐱᓯᓂᓯᓄᑦ (CCAB) ᒥᓚᐅᙱᑎᓪᓗᒍ ᐃᖅᑲᓇᐃᔮᖅ ᐋᓐᑎᐅᕆᐅ ᓄᓇᖃᖅᑳᖅᓯᒪᔪᑦ ᐊᕐᓇᐃᑦ ᑲᑐᔾᔨᖃᑎᒌᖏᑦ (ONWA) ᑐᓴᐅᒪᔪᓕᕆᓂᕐᒧᑦ ᐊᐅᓚᑦᑎᔨ.

"ᑖᓐᓇ ᒪᑐᓐᓂᕈᒃᑯ ᐅᖃᕐᓗᖓᓗ, 'ᐋᒃᑲ, ᐅᑕᖅᑭᓂᐊᖅᐳᖓ ᐊᐅᔭᒃᑯᑦ ᐱᓕᕆᐊᖑᓂᐊᖅᑐᒥᒃ' ᖃᐅᔨᒪᙱᖦᖢᖓ ᐃᓅᓯᕋ ᑭᓲᓇᔭᓚᐅᕐᒪᖔᑦ, ᑭᓯᐊᓂ ᖃᐅᔨᒪᑐᐃᓐᓇᖅᐳᖓ ᐅᓇ, Creator−ᒋᔭᐅᔪᖅ ᐅᕙᓐᓂᒃ ᐅᖃᐅᔾᔨᓚᐅᖅᐳᖅ ᑖᓐᓇ ᐹᖓ ᐱᖁᓪᓗᒍ, ᐹᖓ 1−ᒥᒃ ᐱᓗᒍ. ᑕᐃᒪᐃᓚᐅᖅᑐᖓᓗ. ᐊᒻᒪᓗ ᐊᖏᓂᖅᐹᕆᓚᐅᖅᑕᕋ."

ᑲᒪᒋᔭᖃᖅᖢᓂ ᑲᑐᔾᔨᖃᑎᒌᑦ ᐅᖃᓕᒫᒐᖏᓐᓂᒃ, ᓯᓚᑐᔫᓪᓗᓂ, ᑕᕐᕆᔮᒃᓴᓕᐅᖅᖢᓂ, ᑭᓱᓕᒫᓂᒃ ᑐᓴᒐᒃᓴᓕᕆᔪᓂᒃ, ᐋᓐᑐᕋᐃ ᐱᓕᕆᐊᒃᓴᖃᐃᓐᓇᖅᐳᖅ ᐱᓕᕆᐊᕆᔭᒥᓂᒃ. "ᖃᐅᔨᒪᔪᑎᑦ ᓄᑕᐅᙱᑦᑐᖅ ᐱᔪᒥᓵᕈᑎ ᐊᓯᖓᓂᒃ ᐱᓕᕆᔪᒪᙱᑉᐸᑦ, ᑐᓂᓗᒍ ᑐᓴᐅᒪᔪᓕᕆᔾᔪᑎᓄᑦ. ᑭᓯᐊᓂ ᖁᕕᐊᓇᖅᑐᒻᒪᕆᐅᕗᖅ ᐃᖅᑲᓇᐃᔮᖅ. ᐊᓕᐊᓇᐃᒋᑦᑎᐊᖅᑕᕋ ᐱᓕᕆᐊᕋ," ᐋᓐᑐᕋᐃ ᐅᓂᒃᑳᖅᑐᖅ.

ᐱᓕᕆᔪᒻᒪᕆᐅᑎᓪᓗᒍ ᑐᓴᐅᒪᖃᑦᑕᐅᑎᓂᕐᒥᑦ, ᐋᓐᑐᕋᐃ ᓱᓕ ᖁᙱᐊᖅᑎᑦᑎᔨᐅᔪᖅ ᐊᒻᒪᓗ ᓂᑲᒍᓱᒃᑎᐅᓪᓗᓂ ᓇᖕᒥᓂᖅ ᐱᔪᓐᓇᐅᑎᒥᓂᒃ. ᐃᓚᐅᖃᑎᖃᓚᐅᖅᑐᖅ ᒪᐃᑯ ᐅᐊᓯᐴᓐᒥᑦ ᒪᕐᕉᖕᓂᒃ−ᑕᕐᕆᔭᐅᑎᒃᑯᑦ 15 ᒥᓂᑦᒥᑦ ᓇᖏᖅᖢᓂ, ᐊᒻᒪᓗ ᐊᕐᕌᒍᒃᑲᓐᓂᕐᒥᑦ ᐃᓚᒋᔭᐅᓕᓚᐅᖅᖢᓂ "Soulo"-ᒥᑦ. ᒫᓐᓇᐅᔪᖅ ᑕᕐᕆᔭᓕᐅᖅᑎᖁᑎᖃᖅᑐᖅ ᐊᒻᒪᓗ ᓴᖅᑭᓚᐅᖅᓯᒪᒋᓪᓗᓂ ᓄᓇᑐᐃᓐᓇᕐᒥ.

"ᑕᕝᕙᓂ ᐃᓕᑕᕆᔭᐅᔾᔪᑎᑖᖅᓯᒪᙱᑦᑐᖓ ᐅᕝᕙᓘᓐᓃᑦ, ᑭᓯᐊᓂ ᐃᓅᓯᓐᓂ ᐱᓕᕆᖃᑦᑕᖅᓯᒪᓂᖅᓴᐅᕗᖓ ᑖᒃᑯᓄᖓ 62-ᓄᑦ ᐊᕐᕌᒍᓄᑦ ᐊᒻᒪ ᐱᖓᓱᑦ ᑯᐊᑕᐃᑦ ᓄᓇᕐᔪᐊᕐᒥ ᑐᓂᒍᓐᓇᖅᑕᖏᓐᓂᑦ."

ᐃᓕᓐᓂᐊᕐᓂᓕᕆᓂᖅ, ᐋᓐᑐᕋᐃ ᓇᓗᓇᐃᖅᓯᓪᓗᓂ, "ᐃᓕᓐᓂᐊᕐᕕᓕᐊᓚᐅᖅᑐᖓ ᑎᓯᔪᓂᒃ ᑲᓱᒃᑕᖅᑐᓂᒃ." ᐅᐃᓂᐸᒡᒥ ᐃᓕᓐᓂᐊᕐᕕᐊᓗᒻᒥ ᐱᔭᕇᖅᑐᖅ, ᐋᓐᑐᕋᐃ ᐃᓕᓐᓂᐊᕆᐊᓚᐅᖅᑐᖅ ᑎᑎᖅᑐᒐᐅᔭᕐᓂᕐᒧᑦ ᕚᓐᑰᕗᒥ ᓄᓇᓕᓐᓂ ᓯᓚᑦᑐᓴᕐᕕᖓᓂ. ᓴᓇᙳᐊᖅᑎᐅᔪᒪᓚᐅᖅᑐᖅ ᑭᓯᐊᓂ ᖃᐅᔨᑲᐅᖅᑐᓚᐅᖅᑐᖅ ᓈᓴᐅᓯᕆᓂᕐᒥᑦ ᐊᓯᔾᔨᖅᖢᓂᓗ. ᐃᓕᓐᓂᐊᖅᓯᒪᙱᒃᑲᓗᐊᖅᖢᓂ, ᐋᓐᑐᕋᐃ ᓇᓂᓯᓯᒪᔪᖅ ᓴᓇᙳᐊᕐᓂᕐᒥᑦ ᐃᓅᓯᕐᒥᑦ ᓇᒻᒥᓂᖅ ᐅᐱᒋᔭᒥᒍᑦ.

"ᐃᓚᖓ ᐱᐅᒋᔭᒻᒪᕆᒋᔭᕋ ᓄᓇᖃᖅᑳᖅᓯᒪᔪᑦ ᓄᓇᓕᖓᑦ ᓄᓇᕐᔪᐊᖅ ᐊᙳᑎᓯᒪᖕᒪᑦ ᐅᕙᑦᑎᓐᓄᑦ ᐊᒻᒪᓗ ᑕᒪᒃᑯᐊ ᐱᕕᒃᓴᕐᔪᐊᑦ ᑕᖅᑳᓂ, ᑭᓯᐊᓂ ᑐᓗᖅᑕᕈᑕᐅᒐᔪᓚᐅᖅᑐᖅ ᓯᓚᑦᑐᖅᓴᕐᕕᒡᔪᐊᒥ ᐃᓕᓐᓂᐊᓚᐅᙱᒃᑯᕕᑦ, ᐸᐃᑉᐹᖃᙱᒃᑯᕕᑦ, ᓈᒻᒪᓚᐅᙱᓐᓇᕕᑦ. ᑕᐃᒪᓕ, ᑕᒪᓐᓇ ᐊᓯᑦᔨᖅᑕᐅᒻᒪᑦ ᐃᓅᓯᐅᑉ ᐊᑐᖅᑕᐅᓂᕆᓚᐅᖅᑕᖓᓂᒃ ᐃᒃᐱᒋᔭᐅᑦᑎᐊᕐᓂᕐᓴᐅᓕᕐᒪᑦ. ᐊᒻᒪᓗ ᓴᐃᒻᒪᖅᑎᑕᐅᓪᓗᖓ ᑕᒪᑐᒧᖓ."

ᐋᓐᑐᕋᐃᐅᑉ ᐅᖃᐅᔾᔪᐃᓂᖓ ᒪᒃᑯᒃᑐᓄᑦ ᐱᔪᒥᓇᓗᐊᙱᓚᖅ, "ᑭᓱᒥᑭᐊᖅ ᓇᖏᖅᓯᔪᒪᓂᐊᖅᑐᑎᑦ ᐅᓪᓛᒃᑯᑦ. ᐱᓕᕆᓗᑎᑦ ᖁᕕᐊᓱᒍᑎᒋᓂᐊᖅᑕᕐᓂᒃ. ᑲᑉᐱᐊᓱᙱᓪᓗᑎᓪᓗ ᐆᒃᑐᕆᐊᒃᓴᖅ ᐊᔾᔨᒌᙱᑦᑐᓂᒃ. ᑲᑉᐱᐊᓱᙱᓪᓗᑎᑦ ᐊᓯᔾᔩᔭᕆᐊᒃᓴᖅ ᑕᒻᒪᖃᑦᑕᙱᓪᓗᑎᓪᓗ. ᐃᓅᓱᒃᑑᑎᓪᓗᑎᑦ ᐱᓕᕆᓗᑎᑦ ᐃᓅᓯᓕᒫᕐᓂ ᐱᓕᕆᕙᒡᓗᑎᓪᓗ. ᐊᒥᓱᓂᒃ ᑕᒻᒪᖃᑦᑕᖅᓯᒪᕗᖓ ᐊᒻᒪ ᐊᒥᓱᓂᒃ ᐃᓱᒪᓕᐅᖃᑦᑕᖅᓯᒪᓪᓗᖓ. ᐃᒃᓯᕚᑐᐃᓐᓇᙱᓪᓗᑎᑦ ᐃᓱᒫᓗᒃᑎᓪᓗᓯ ᑭᖑᓂᑦᑎᓐᓂ, ᐃᒃᓯᕚᑐᐃᓐᓇᖅᐸᒃᓗᓯ ᓯᓐᓇᒃᑑᒪᓂᕐᒥᒃ ᓯᕗᓂᒃᓴᒧᑦ."

ᒪᕐᕉᓕᖓᓪᓗᓂ, ᐋᓐᑐᕋᐃ ᐊᒃᓱᕈᕐᓇᖅᑐᒃᑰᖃᑦᑕᓚᐅᖅᐳᖅ ᐃᓅᓯᕐᒥ ᑭᓯᐊᓂ ᑲᑕᒃᑎᙱᖦᖢᓂᐅᒃ. "ᐊᑐᐃᓐᓇᐅᔭᖅᑕᕋ ᑎᔅᓯᓈᕿᔾᔪᑎᒐ ᓴᓇᐅᒐᕋᓗ ᒪᑐᐃᖅᓯᓂᕐᒧᑦ ᐹᓂᒃ ᐃᒡᓗᕋᓛᓕᐅᕐᐸᒃᖢᖓᓗ ᐋᖅᑭᒃᓯᓗᓂ ᐊᑦᑕᕐᓇᙱᑦᑐᒥᒃ ᐃᓂᒃᓴᒥᒃ ᓇᖕᒥᓂᖅ ᓄᓇᕐᔪᐊᒥ," ᐅᖃᖅᑐᖅ."

ᓇᖕᒥᓂᖅ ᐃᖏᕐᕋᓂᕆᓚᐅᖅᑕᖓ ᓇᖕᒥᓂᖅ−ᐱᔪᒪᑦᑎᐊᕐᖢᓂ ᐊᐃᑉᐸᕇᒃ ᐊᖏᖃᑎᒌᙱᖦᖢᑎᒃ. ᖃᐅᔨᒪᓪᓗᒍ ᓇᖕᒥᓂᖅ ᓇᒧᙵᐅᕙᓪᓕᐊᓂᕆᔭᖓ ᖃᓄᕐᓗ ᐃᑲᔪᕐᓂᖃᖅᑎᒋᖕᒪᖔᑦ ᓇᓂᓯᓂᖅ ᓄᓇᓕᖕᓂᒃ, ᐋᓐᑐᕋᐃ ᐱᑐᐃᓐᓇᐅᙱᑦᑐᒥᒃ ᐃᓚᒋᔭᐅᕗᖅ ᐆᒻᒪᑎᒥᓄᑦ ᒪᕐᕉᖕᓄᑦ−ᑕᕐᕆᔭᖕᓄᑦ ᐃᓄᖕᓄᑦ ᐅᐸᒐᕐᓂᙱᑦᑐᓂ ᓄᓇᓕᖕᓂ, ᑕᒪᒃᑯᐊᓗ ᓵᑦᑎᐊᕐᒥᐅᑕᖃᑐᐃᓐᓇᕆᐊᖃᖅᖢᑎᒃ ᐅᐸᒃᑕᐅᑦᑕᐃᓕᒪᓂᕐᒥᒃ ᑕᓗᕈᒃᑯᑎᓂᕐᒥᒡᓗ. ᐋᓐᑐᕋᐃ ᓴᙱᔪᒃᑯᑦ ᐃᑲᔪᖅᑐᐃᕙᒃᐳᖅ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᕐᒧᑦ, ᐱᒻᒪᕆᐊᓘᓂᖓᓂᒃ ᐃᓗᐊᖅᓴᖅᑕᐅᓂᖅ ᐊᑕᖃᑎᖃᕐᓂᕐᓗ ᓄᓇᓕᖕᓂᒃ, ᐱᖃᓐᓇᕆᔭᕐᓂᒃ ᐃᓚᖏᓐᓂᒡᓗ ᖃᓄᐃᙱᑦᑎᐊᖏᓐᓇᕈᒪᓂᕐᒥᓄᑦ.

"ᐃᓕᑦᑎᔪᓐᓃᓚᐅᖅᓯᒪᙱᑦᑐᖓ ᐃᓅᓯᖅ ᐃᓕᑦᑎᕙᓪᓕᐊᕐᔪᐊᕐᓇᕐᒪᑦ."

"ᐅᔾᔨᖅᓱᑦᑎᐊᙱᓪᓗᓯ. ᐃᓱᒪᖅᓱᕐᓂᖅᓴᐅᓗᑎᑦ. ᒪᑐᐃᙶᕐᓂᖅᓴᐅᕙᑦ. ᐅᔾᔨᖅᓱᑦᑎᐊᖅᖢᖓ ᐃᓅᓯᓐᓂ ᐅᔾᔨᑐᑦᑎᐊᓚᐅᖅᑐᖓ ᐊᒻᒪ ᐃᓅᓯᓐᓂ ᖁᕕᐊᒋᔭᖃᕐᓂᖅᓴᐅᓇᔭᓚᐅᖅᑐᖓ ᐊᓄᕆᒥᒃ ᐅᔾᔨᖅᓱᑦᑎᐊᕐᓂᖅᓴᐅᓕᕐᓗᖓ." ᑖᓐᓇ ᐅᖃᐅᔾᔨᒋᐊᕈᑎᐅᔪᖅ ᐋᓐᑐᕋᐃ ᒧᐊᕆᓴᐅ ᓇᒻᒥᓂᖅ ᐱᔪᓐᓇᕈᓂ. ᐊᔪᙱᑦᑐᖅ, ᐱᔭᕇᖅᓯᓯᒪᔪᖅ ᐊᒻᒪ ᐃᓱᒪᑐᔪᖅ ᒪᕐᕉᒃ−ᑕᕐᕆᔭᐅᔫᒃ ᐊᖑᑦ, ᐋᓐᑐᕋᐃ ᒧᐊᕆᓴᐅ ᓯᓚᑐᔪᒻᒪᕆᒃ ᐊᒥᖅᑳᕈᑎᒋᓪᓗᒍ ᓄᓇᕐᔪᐊᕐᒧᑦ.

ᐱᒋᐊᕐᓂᖓᓂᑦ ᑐᔪᕐᒥᕕᓕᕆᓂᕐᒥᑦ, ᓂᕆᕕᓐᓂᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ, ᐋᓐᑐᕋᐃ ᐃᑲᔪᖃᑦᑕᖅᑐᖅ ᐃᓄᓐᓂᑦ ᑐᓴᖅᑕᐅᓂᕐᒥᑦ, ᑕᑯᔭᐅᓂᕐᒥᑦ ᑐᙵᓱᑦᑎᑦᓯᓂᕐᒥᓪᓗ. ᐃᓅᓯᓕᒫᖅ ᐃᓕᓐᓂᐊᖅᑎ ᐊᒻᒪ ᐃᑳᕐᕕᓕᐅᖅᑐᖅ ᓄᓇᓕᖕᓂ ᐅᓂᒃᑳᑦᑎᐊᕐᓇᖅᖢᓂ, ᐋᓐᑐᕋᐃ ᖁᕕᐊᒋᔭᖃᕐᓂᖓ ᐃᓕᓐᓂᐊᕐᓂᕐᒥᒃ ᐊᒻᒪ ᖃᐅᔨᔪᒪᓂᕐᒥᒃ ᑐᓴᐅᒪᑎᑦᑎᑦᑎᐊᕈᑎᒋᓯᒪᕚ, ᑭᒡᒐᖅᑐᐃᑦᑎᐊᓕᖅᖢᓂ ᐊᒻᒪ ᓄᓇᓕᖕᓂᙶᖅᑐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᑦᓵᑦ ᑎᑎᕋᓚᐅᖕᓂᖓᓄᑦ ᑕᒪᑐᒥᖓ.