"ᓇᖕᒥᓂᖃᕐᓂᕐᒥᒃ ᐱᒋᐊᖅᑎᑦᑎᓇᓱᓚᐅᖅᓯᒪᙱᑦᑐᖓ," ᐊᐃᕐᕆᓕ ᒥᑦᓱᓪ−ᐳᐊᑐ, ᐊᐅᓚᑦᑎᔨᒻᒪᕆᒃ ᐊᒻᒪ ᐋᖅᑭᒃᓱᐃᔨᒻᒪᕆᒃ ᓛᕝᑕᓐ ᔨᐅᕗᓕᒧᑦ, ᒥᑦᓱᓪ−ᒧᑦ. ᓛᕝᑕᓐ ᓇᖏᖅᑐᖅ ᐅᔪᕈᓕᒫᖏᑦ ᐅᔪᕈᖏᓪᓗ ᐊᒻᒪᓗ ᑲᒻᐸᓂᐅᔪᖅ ᑎᑭᖦᖢᓂ ᓯᖓᐃᑎᓪᓗᒍ ᐃᒡᓕᕐᒥ ᑕᖃᐃᖅᓯᖅᖢᓂ ᐊᒻᒪᓗ ᑕᑯᒥᓴᐅᑎᓕᐅᖅᐸᓪᓕᐊᓕᕐᖢᓂ. ᑐᓂᓯᓚᐅᖅᑐᖅ ᓱᓇᑐᐃᓐᓇᕐᓂᑦ ᓇᓪᓕᒋᔭᖏᓐᓂᑦ ᑭᓯᐊᓂ ᑐᓄᐊᓂᑦ ᐃᓱᒪᖓᑕ, ᕿᒪᐃᒍᒪᓚᐅᖏᑦᑐᖅ ᕿᑐᕐᖓᖏᓐᓂᑦ ᕿᒪᒍᒪᑦᓱᓂᒋᑦ ᐃᖅᑲᓇᐃᔭᕐᒪᖔᑕᓗ ᓯᓚᑖᓂᑦ ᐊᖏᕐᕋᐅᑉ. ᑕᐅᑐᓪᓗᐊᑕᖅᑕᖓ ᖃᑕᙳᑎᒌᑦ ᐃᖅᑲᓇᐃᔭᕈᒪᓂᕐᒥᒃ ᐊᖏᕐᕋᒥ ᓴᓇᑐᓗᓂᓗ ᐃᖅᑲᓇᐃᔭᕐᓂᕐᒥᒃ ᐊᖏᕐᕋᒥ. 

"ᑕᐃᒎᑎᒐᔪᒃᐸᕗᑦ ᓇᖕᒥᓂᖃᕐᓂᖅ ᐱᖓᔪᖓᓂ ᕿᑐᕐᖓᑦᑎᓐᓂ ᓲᖃᐃᒻᒪ ᓄᑕᕋᓛᑦᑎᓐᓂ ᐱᕈᖅᐸᓪᓕᐊᓕᓚᐅᕐᒪᑦ." 

"ᓴᖅᑭᑉᐸᓪᓕᐊᑐᐃᓐᓇᖅᑐᖅ... ᓴᓇᕈᓘᔭᖃᑦᑕᓚᐅᖅᑐᖓ ᐃᓄᐃᓪᓗ ᑭᐅᓪᓗᑎᒃ ᑮᓇᐅᔭᓂᒡᓗ ᑐᓂᓯᔪᒪᓕᖅᖢᑎᒃ," ᒥᑦᓱᓪ−ᐳᑑ ᐃᖅᑲᐅᒪᔪᖅ. ᓯᕗᓪᓕᕐᒥ, ᑮᓇᐅᔭᓕᐅᓚᐅᙱᑦᑐᖅ ᐊᑭᓖᓗᓂ ᓂᐅᕕᐊᒃᓴᓂᑦ ᓂᐅᕕᕐᓗᓂ ᐱᖁᑎᓂᒃ ᓂᐅᕕᕐᕕᕋᓛᒥ. ᓯᕗᓪᓕᖅᐹᒥ ᓄᓇᖅᔪᐊᕐᒥ ᓴᓇᐅᒐᕐᓂᒃ ᑕᑯᔭᒐᖃᖅᑎᑦᑎᑎᓪᓗᒍ, ᐃᓄᐃᑦ ᖃᐅᔨᒪᓚᐅᙱᒻᒪᑕ ᓂᐅᕕᕆᐊᖓ ᑕᑯᒥᓴᐅᑎᓂᒃ ᐃᑲᔪᓚᐅᖅᐳᖅ ᑕᑯᓪᓗᓂ ᓇᒻᒥᓂᖁᑎᖓ ᑲᔪᓯᑦᑎᐊᕈᓐᓇᕆᐊᖓ.  

"ᖁᕕᐊᒋᑦᑎᐊᖅᑕᒃᑲ ᐱᓕᕆᐊᒃᑲ ᖁᔭᒋᑦᑎᐊᖅᐸᒃᑲᓗ ᐃᓄᐃᑦ ᑭᐅᖃᑦᑕᕐᒪᑕ. ᑕᐃᒪᐃᑦᑐᓕᕆᑎᓪᓗᑎᑦ, ᖃᓄᑐᐃᓐᓇᖅ ᐃᓱᒪᒋᔭᖃᕋᓗᐊᕈᕕᑦ, ᐃᓱᒪᒋᓗᒍ ᐅᖃᖃᑎᖃᖅᑎᓪᓗᑎᑦ ᓄᓇᕐᔪᐊᕐᒥ."

ᓱᒃᑲᐃᑦᑐᒥ, ᒥᑦᓱᓪ-ᐳᐊᑐ ᓴᓇᓚᐅᖅᑐᖅ ᒪᑭᒪᒍᓐᓇᖅᑐᒥᒃ ᓇᒻᒥᓂᖃᕐᓂᕐᒥᒃ ᐱᑦᔪᑎᒋᓪᓗᒍ ᐊᖏᔪᒥᒃ ᐱᔭᒃᓴᖃᖁᔨᓚᐅᖏᒻᒪᑦ ᐊᖏᕐᕋᖓᑕ ᓯᓚᑖᓂᒃ. ᐋᑐᕚᒥ ᑕᕐᕆᔭᖅᑎᑕᐅᓚᐅᖅᐳᖅ ᓂᐅᕐᕈᑕᐅᓪᓗᓂᓗ, ᓂᕕᐊᓱᖅᑎᐅᔪᖅ ᓛᕆᐊᑦ ᖁᖓᓯᖓ ᐅᐃᖓ ᓴᓇᓪᓗᓂᐅᒃ. ᐊᖏᕐᕋᒥᒃ ᐊᖁᓐᓂᖅ, ᖃᐅᔨᓚᐅᖅᑐᑦ ᓇᒻᒥᓂᖁᑎᒋᔭᐅᔪᖅ ᑲᔪᓯᑦᑎᐊᕈᓐᓇᕆᐊᖓ ᐊᒻᒪᓗ ᐃᑲᔪᖅᑐᖅᑕᐅᑦᓯᐊᖅᓯᒪᒋᐊᖅ ᐃᓚᓪᓚᕆᖏᓐᓄᑦ ᐊᐅᓪᓚᕈᓐᓇᖁᓪᓗᒋᑦ ᐱᔭᕆᐊᖃᕐᓂᖏᑦᑕ. 

"ᐅᓪᓗᒥᒧᑦ, ᐃᓕᑦᑎᕙᓪᓕᐊᑐᐃᓐᓇᖅᑐᖓ."

ᔨᐅᕗᓕ ᐸᕐᓇᐅᑎᒋᒋᐊᙵᓚᐅᖅᑕᖓᓃᓚᐅᙱᓚᖅ, ᐱᒋᐊᓚᐅᖅᑎᓪᓗᒍ ᐱᕙᓪᓕᐊᔪᓕᕆᔨᓄᑦ ᐃᓕᓐᓂᐊᕐᕕᒻᒥᑦ. ᕿᒪᐃᓪᓗᓂ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᓂᕐᒥᒃ ᐃᓱᒪᓕᕐᖢᓂᓗ ᐋᖅᑭᒍᒪᓕᕐᖢᓂᐅᒃ ᓇᖕᒥᓂᖅ ᐃᓕᓐᓂᐊᖅᑕᖓ ᐅᖃᓕᒫᕐᓂᒃᑯᑦ ᓈᓚᖕᓂᒃᑯᓪᓗ podcasts−ᓂᒃ.  ᐊᔾᔨᒌᙱᑦᑐᑎᒍᑦ, ᒥᑦᓱᓪ-ᐳᐊᑐᕈ ᐃᖅᑲᓇᐃᔭᓕᓚᐅᖅᑐᖅ ᐊᖏᓂᖅᐹᒥᑦ ᐊᕙᓗᓕᐅᖅᑐᓂᑦ ᐊᒥᐊᓕᒐᐃᑦ ᐅᐊᖕᓇᖓᓂᑦ ᒪᒃᑯᒃᖢᓂ. 

ᐊᒥᐊᕆᖃᑦᑕᓚᐅᖅᐳᖅ ᓲᕐᓗ ᓄᓇᖃᖅᑳᖅᓯᒪᔪᑦ ᕗᑦᓚᓐ ᐊᒥᐊᕆᔨ ᓅᕙᓪ ᒧᕇᓱ.  "ᐃᓱᒪᒋᔭᒃᑯᓪᓕ, ᓴᖅᑭᑦᑎᓂᖅ ᐃᓗᓕᖏᓐᓂᒃ ᓴᓇᙳᐊᖅᑕᐅᔪᓄᑦ, ᓇᒧᙵᕋᓗᐊᕈᓂ, ᓱᓕᑦᑎᐊᖏᓐᓇᓚᐅᖅᑐᖅ," ᐊᒃᑐᐊᓂᖃᖅᐳᖅ. ᐃᓄᐃᑦ ᖃᐃᖃᑦᑕᓚᐅᖅᓯᒪᔪᑦ ᐊᔾᔨᒌᓕᖅᑎᓐᓇᓱᐊᕐᓗᒋᑦ ᐃᓪᓗᒥᐅᑕᖏᑦ, ᑭᓯᐊᓂ ᑎᓕᐅᕆᒐᔭᖅᑐᖅ ᐃᓄᓐᓂᒃ ᓴᓇᕈᓘᔭᖃᑦᑕᖁᔨᓪᓗᓂ ᓇᒻᒥᓂᖅ ᐱᐅᔫᔮᖅᑐᖅ ᓇᒧᑐᐃᓐᓈᕋᓗᐊᖅᑲᑦ.

"ᑖᓐᓇ ᐃᓱᒪᒋᔭᐅᔪᖅ ᒫᓐᓇ ᐅᖃᐅᓯᐅᓯᒪᓕᖅᐳᖅ ᑕᑯᒥᓴᐅᑎᓄᑦ ᐱᐅᔪᐊᓘᓂᕐᓄᑦ ᐱᐅᔪᐊᓘᓂᕐᓄᑦ, ᓴᖅᑭᑎᑦᑎᔪᒪᓪᓗᑕᓗ ᐱᐅᓛᒥᒃ ᐃᓗᓕᖏᓐᓂᒃ ᐃᓕᖕᓄᑦ, ᖃᓄᑐᐃᓐᓇᑦᑎᐊᖅ. ᐊᓐᓄᕌᑎᑦ ᐊᔾᔨᒌᓕᖅᑎᓐᓇᓱᙱᖦᖢᒋᑦ. ᓂᑲᒍᓱᖕᓂᐅᕗᖅ," ᓇᓗᓇᐃᖅᑕᖓ. 

"ᐊᒃᓱᐊᓗᒃ, ᐊᔾᔨᐅᙱᑦᑐᒻᒪᕆᐊᓗᒃ, ᑭᓯᐊᓂ ᐅᕙᓐᓄᑦ ᐃᑲᔪᑦᑎᐊᖅᓯᒪᔪᖅ."

ᓅᑦᑎᓂᖅ ᐊᔪᙱᓐᓂᕐᓂ ᐅᖃᐅᓯᕆᕙᒃᐸᐅᒃ ᐅᖃᖃᑎᖃᓕᕌᖓᒥᒃ ᒪᒃᑯᒃᑐᓂᒃ ᓇᖕᒥᓂᖃᖅᑎᐅᔪᓂᒃ. "ᐱᓕᕆᓚᐅᖅᑐᖓ ᐃᓗᐊᓂ ᑖᔅᓱᒪ ᐃᓱᒪᑐᑦᑎᐊᕐᖢᓂ ᐱᓯᓂᓯᐅᑉ ᑐᑭᓯᓪᓗᒋᓪᓗ ᐊᑐᖃᑦᑕᖅᑕᖏᑦ ᑭᓱᓪᓗ ᑐᑭᖃᕐᒪᖔᑕ ᑭᓱᓪᓗ ᑐᑭᖃᙱᒻᒪᖔᑕ," ᐃᖅᑲᐅᒪᔪᖅ. ᒥᑦᓱᓪ-ᐳᐊᑐᕈ ᐃᓕᓐᓂᐊᓚᐅᖅᑐᖅ ᓂᐅᕕᖅᑎᐅᓂᕐᒥᑦ, ᓴᓇᔨᐅᓂᕐᒥᑦ, ᖃᓄᖅ ᐊᑭᖃᖅᑎᑦᑎᓂᕐᒥᑦ ᐊᒻᒪᓗ ᓴᓇᒍᓐᓇᓂᕐᒥᑦ.  ᐃᓕᓐᓂᐊᖅᑎᑦᑎᖃᑦᑕᓚᐅᖅᐳᖅ ᐋᖅᑭᒃᓱᐃᓂᕐᒥᒃ ᐃᓚᒋᔭᐅᓪᓗᓂ ᐃᓕᓐᓂᐊᖏᓐᓇᕐᓂᕐᒧᑦ ᓯᓚᑦᑐᖅᓴᕐᕕᖕᒥ ᐊᒻᒪ ᐅᖃᓪᓚᐅᔾᔨᓪᓗᓂ ᐋᖅᑭᒃᓯᒪᓂᒃᓴᖏᓐᓂᒃ. 

"ᐃᓄᒐᓴᐃᑦ ᐱᒋᐊᖅᐸᙱᑦᑐᑦ ᑭᓯᐊᓂ 30-ᖏᓐᓂ 40-ᖏᓐᓂᓗ. ᐊᖏᔪᒻᒪᕆᒻᒥᒃ ᐊᑦᓱᕈᕐᓇᕐᓂᖃᕐᒪᑦ ᐊᒻᒪᓗ ᓂᑲᒍᓱᓐᓂᖅᑕᖃᖅᓱᓂ ᓇᒻᒥᓂᖃᖅᑎᐅᓪᓗᓂ ᐊᒻᒪᓗ ᓲᕐᓗ ᐱᐊᕋᖃᖅᑑᔮᖅᓱᓂ. ᐱᕙᒌᔭᖅᓯᒪᑦᑎᐊᕈᒪᕗᑎᑦ ᓄᑕᕋᓛᕐᒧᑦ ᑎᑭᑉᐸᑦ ᐅᓐᓄᐊᒃᑯᑦ ᐃᖅᑯᒪᐃᓐᓇᕐᓂᐊᕋᕕᑦ," ᒥᑦᓱᓪ−ᐳᐊᑐᕈᔅ. 

 "ᑕᕝᕙᓃᑉᐳᒍᑦ ᓄᖅᑲᖅᑎᑦᑐᒪᓪᓗᒋᑦ ᐱᓕᖅᑭᑦᑕᕐᓂᕆᔭᐅᔪᑦ, ᑕᑯᒃᓴᐅᑎᑦᑎᔪᒪᓂᕐᒧᓪᓗ ᓄᑖᓂᒃ ᐊᑐᖅᑕᐅᔪᓐᓇᖅᑐᓂᒃ ᑕᐃᒪᐃᓕᐅᕐᓂᐊᕐᓗᓂᓗ, ᑕᐃᒪᐃᑦᑕᕆᐊᖃᖅᐳᖅ ᐱᑕᖃᕆᐊᖃᖅᖢᓂ, ᐃᓄᑦᑎᐊᕙᐅᑐᐃᓐᓇᕐᓗᑎᓪᓗ, ᒫᓐᓇᑦᑎᐊᖅ."

"ᐊᓯᐊᑦᑕᐅᖅ ᐅᖃᐃᓐᓇᐅᔭᖅᑕᕋ ᓇᖕᒥᓂᖃᖅᑎᐅᔪᓄᑦ... ᑕᒪᓐᓇ ᑲᔪᓯᑦᑎᐊᕐᓂᐅᔪᖅ ᐃᖅᑲᓇᐃᔮᖓᑕ ᐃᓗᐊᓃᒻᒪᑦ. ᓇᒻᒥᓂᖃᖅᑎᐅᒍᕕᑦ, ᒪᒥᓴᖁᔭᐅᒻᒪᕆᑉᐳᑎᑦ. ᑕᐃᒪᐃᒻᒪᑦ ᐊᒥᓱᑦ ᐃᓄᐃᑦ ᓄᓇᓕᑦᑎᓐᓂᑦ ᓄᖅᑲᖓᑎᑦᑎᔨᐅᕗᑦ, ᖃᓄᖅ. ᐱᓪᓗᒍ ᖃᓄᐃᓗᐊᖅᑐᐊᓘᒻᒪᑕ ᓱᕋᑉᐸᓪᓕᐊᔪᑦ, ᐱᐅᙱᓗᐊᕋᑦᑕ, ᑲᓐᖑᓲᑎᖃᕆᐊᖃᕋᑦᑕ, ᑖᒃᑯᐊᓕᒫᑦ BS-ᖑᔪᑦ ᓴᖅᑭᓚᐅᖅᑕᕗᑦ. ᓇᒻᒥᓂᖃᖅᑎᐅᓪᓗᓂ ᐆᒻᒪᑎᒨᖏᑦᑐᖅ. ᐱᓕᕆᔪᒪᑦᑎᐊᕆᐊᖃᖅᑐᑎᑦ ᓲᖃᐃᒻᒪ ᐱᑕᖃᕐᔪᐊᕐᒪᑦ," ᐅᖃᖅᑐᖅ. 

"ᐅᓄᖅᑐᒻᒪᕆᐊᓗᖕᓂᒃ ᐱᓕᕆᕝᕕᖕᒥᓂ ᐱᓕᕆᐊᒃᓴᖅᑕᖃᖅᐳᖅ ᓴᖅᑭᑎᑦᑎᓂᐊᖅᑐᒥᒃ ᒪᒥᓴᕐᓂᕐᒧᑦ, ᑕᐃᒪᓐᓇᐅᓗᑎᑦ. ᑕᒪᓐᓇ ᐱᓕᕆᐊᖑᕗᖅ ᓇᒻᒥᓂᖃᖅᑎᐅᓪᓗᓂ." 

ᑮᓇᐅᔭᓕᐅᙱᑎᓪᓗᒍ ᐱᒋᐊᕐᓂᖓᓂ, ᓇᒻᒥᓂᖅ ᑕᑯᓚᐅᙱᒻᒪᒍ ᐊᑑᑎᖃᕐᓂᖓ ᐱᓪᓗᒍ ᒪᒥᓴᙱᓗᐊᓚᐅᕐᒪᑦ ᓱᓕ.  "ᖃᐅᔨᒪᓚᐅᖅᑐᖓ ᐊᓕᐊᓇᐃᒍᓱᖕᓂᓐᓂᒃ ᐊᒻᒪᓗ ᓄᓇᕐᔪᐊᖅ ᓯᒃᑲᖓᓂᖅᓴᐅᖁᓚᐅᖅᑕᕋ, ᐳᕆᑎᐊᐃ. ᐊᒃᓱᕈᒻᒪᕆᓚᐅᖅᑐᖓ 'ᐊᑭᓕᖅᑕᐅᔭᕆᐊᖃᕐᓂᓐᓂᒃ?'" ᐃᖅᑲᐅᒪᔪᖅ. ᒥᑦᓱᓪ−ᐳᐊᑐ ᐊᒃᓱᕈᓚᐅᖅᑐᖅ ᐊᑭᓕᐅᕆᓂᕐᒥᑦ ᖃᐅᔨᒪᒐᓗᐊᖅᖢᓂ ᐱᓕᕆᔾᔪᑎᒃᑯᑦ ᖃᓄᖅ ᐱᓕᕆᔭᕆᐊᒃᓴᖅ. ᐃᒻᒥᓂᒃ ᑲᒪᒋᖁᔨᕗᖅ ᖁᕕᐊᓲᑎᖃᕐᓂᒃᑯᑦ ᐊᒻᒪ ᖃᓄᑐᐃᓐᓇᖅ ᐱᓕᕆᓗᓂ ᒪᒥᓴᕆᐊᖃᖅᑕᒥᓂᒃ. 

"ᑭᓇᑐᐃᓐᓇᑦᑎᐊᒥᒃ ᐅᖃᐅᔾᔨᑦᑕᐃᓕᒋᑦ ᑭᓇᐅᔭᕆᐊᖃᕐᒪᖔᖅᐱᑦ, ᐅᕝᕙᓘᓐᓃᑦ ᖃᓄᐃᓕᐅᕆᐊᖃᕐᒪᖔᖅᐱᑦ. ᑲᑉᐱᐊᓱᙱᓪᓗᑎᑦ ᑕᖅᓴᖃᕆᐊᒃᓴᖅ ᓯᓚᑖᓂ ᑐᑭᓕᐊᖅᑐᑦ."

ᐅᖃᐅᔾᔪᐃᓂᖓ ᒪᒃᑯᒃᑐᒧᑦ ᓄᓇᖃᖅᑳᖅᓯᒪᔪᒧᑦ ᖃᐅᔨᓇᓱᒃᖢᓂ ᖃᓄᐃᓕᐅᕈᒪᖕᒪᖔᕐᒥᓂᒃ ᐃᖅᑲᓇᐃᔮᒥᓄᑦ ᐃᒪᐃᑉᐳᖅ, "ᐊᖏᔪᑦ ᐋᖅᑭᒃᓯᒪᓕᖅᑎᑕᐅᔪᑦ ᐋᖅᑭᒃᑕᐅᕙᙱᓚᑦ, ᖃᐅᔨᔭᐅᕙᒃᐳᑦ... ᐅᑕᖅᑭᑦᑎᐊᖅᐸᒡᓗᑎᑦ, ᐃᓕᖕᓂᒃ ᑲᒪᒋᑦᑎᐊᖅᐸᒡᓗᑎᑦ, ᐅᒃᐱᕆᓗᒋᓪᓗ ᑖᒃᑯᐊ ᐃᓗᒃᑯᑦ ᑮᓇᐅᔭᕆᔭᐅᔪᑦ. ᖃᐅᔨᒪᓚᐅᙱᓐᓇᒪ 18-ᖑᑎᓪᓗᖓ. ᖃᐅᔨᒪᑐᐃᓐᓇᓚᐅᖅᑐᖓ ᓴᓇᙳᐊᖅᑕᐅᕈᓘᔭᖃᑦᑕᖅᑐᖓ ᐊᓕᐊᓇᐃᒋᑦᑎᐊᓚᐅᖅᑕᕋ ᐊᒻᒪ ᐃᓱᒪᑐᔫᓪᓗᖓ ᐊᓕᐊᓇᐃᒋᑦᑎᐊᓚᐅᖅᑕᕋ." 

ᓇᒻᒥᓂᕐᒥᓂᒃ ᐱᒋᐊᖅᑎᑦᑎᓇᓱᐊᓚᐅᖅᓯᒪᙱᑦᑐᖅ, ᑭᓯᐊᓂ ᐊᐃᐳᕈᒥ ᒥᑦᓱᓪ-ᐳᑑᕈ ᑕᐃᒪᐃᓚᐅᖅᑐᖅ. ᐊᑐᖃᑦᑕᖅᑐᓄᑦ ᖃᒥᑦᑕᐅᑎ ᐊᒻᒪ ᑕᑯᒥᓴᐅᑎᓕᐅᓲᖅ, ᐅᖃᐅᓯᖃᖅᑐᖅ ᓂᑲᓇᖅᑐᓂᑦ ᐊᒻᒪ ᐃᓅᓯᕐᒥᑦ ᐃᓕᓯᒪᔭᖏᓐᓂᑦ. ᖃᐃᖁᔨᔪᖅ ᓄᓇᖃᖅᑳᖅᓯᒪᔪᓂᑦ ᒪᒃᑯᑦᑐᓂᑦ ᖃᐅᔨᒋᐊᖁᔨᑦᓱᓂ ᐊᐱᖅᑯᑎᑦᓴᖃᖅᐸᑕ ᑭᐅᔪᓐᓇᖅᑕᖓᓂᑦ.  ᐃᕐᓂᓚᐅᖅᑎᓪᓗᒍ ᒪᕐᕉᖕᓄᑦ ᕿᑐᕐᖓᖏᓐᓄᑦ ᐊᒻᒪᓗ ᓇᒃᓴᖅᖢᓂ ᐊᓯᔾᔨᕈᓐᓇᖅᑐᒥᒃ ᑕᑯᒥᓴᐅᑎᓂᒃ ᑲᒻᐸᓂᐅᔪᒥᒃ ᓄᓇᕐᔪᐊᕐᒧᑦ, ᒥᑦᓱᓪ-ᐳᐊᑐᕈ ᐃᓅᓯᓕᐅᓚᐅᖅᑐᖅ ᐃᒻᒥᓂᒃ ᒪᒥᓴᖅᖢᓂ. ᐆᒻᒪᑎᖓ ᒪᓕᒃᖢᒍ ᖁᕕᐊᒋᔭᖏᓪᓗ, ᓯᕗᒃᑲᑕᖅᑎᐅᕗᖅ. 

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.