ᐅᓂᒃᑳᖅᑐᐊᖃᑦᑕᐅᑎᓂᖅ ᐊᒻᒪ ᐃᓕᓐᓂᐊᖅᑎᑦᑎᓂᖅ ᒪᒥᓴᕐᓂᕐᒥᒃ, ᓇᖕᒥᓂᖅ ᐱᓕᕆᔪᖅ ᑭᓯᐊᓂ ᐃᑲᔪᖃᑦᑕᖅᑐᖅ ᑭᒃᑯᓕᒫᓂᒃ. ᑲᐅᕈᓪ ᓄᑲᖅᖠᖅ ᑯᑕᑭᓐ-ᔫᑭᓕᐊ ᔭᓗᓇᐃᒥᐅᑕᖅ, ᐱᕈᖅᓴᓚᐅᖅᓯᒪᔪᖅ ᑐᓖᑕᒥ ᐊᒻᒪᓗ ᑎᓖᓐ ᓄᓇᖃᖅᑳᖅᓯᒪᔪᓂᒥᐅᑕᒃᓴᔭᐅᓪᓗᓂ. ᒪᕐᕉᖕᓂᒃ ᓇᖕᒥᓂᖃᖅᐳᖅ, ᐊᑕᐅᓯᖅ ᑕᐃᔭᐅᔪᖅ Ever Good Medicine, ᐃᓕᓴᐃᓪᓗᓂ ᐱᕈᖅᑐᓂᒃ ᐃᓅᓕᓴᐅᑎᓂᒃ ᐊᒻᒪ Shuta Productions-ᓂᒃ, ᖃᕆᓴᐅᔭᒃᑯᑦ ᐊᒻᒪ ᑕᕐᕆᔭᐅᓯᐅᖅᑎᓂᒃ.

ᐱᒋᐊᓚᐅᖅᓯᒪᔪᖅ ᐃᓅᓕᓴᐅᑎᓕᕆᓂᕐᒧᑦ ᐱᓕᕆᓪᓗᓂ ᓲᖃᐃᒻᒪ ᐃᓄᐃᑦ ᓄᓇᓕᖓᓂ ᐅᖃᐅᓯᖃᓚᐅᕐᒪᑕ ᐱᔭᕆᐊᖃᕐᓂᕐᒥᒃ ᐃᓅᓕᓴᐅᑎᓄᑦ ᐊᑐᕋᓱᒃᐸᒃᑕᖏᓐᓂ. ᑯᑕᑭ−ᔮᒃᓕ ᖃᐅᔨᔪᒪᑦᑎᐊᓚᐅᖅᑐᖅ ᐊᐱᖅᓱᑲᑕᒃᖢᓂᓗ ᐊᒥᓱᓂᒃ, ᐱᔪᒪᑦᑎᐊᕐᖢᓂ ᐱᔪᓐᓇᖅᑕᓕᒫᒥᓂᒃ. ᒪᓕᒃᖢᒋᑦ ᐃᓕᑕᖏᑦ ᐃᓐᓇᕐᓂᑦ ᓄᓇᓕᖕᒥᐅᓂᒡᓗ, ᐃᓕᓐᓂᐊᕐᑎᑦᑎᕙᒃᐳᖅ ᐃᓕᓐᓂᐊᕐᑎᑦᑎᓂᒃᑯᑦ, ᐃᓕᓐᓂᐊᕐᕕᖕᒥᑦ ᐅᖃᓪᓚᖕᓂᒃᑯᑦ, ᐃᓅᓕᓴᐅᑎᓄᓪᓗ ᐱᓱᖕᓂᒃᑯᑦ. ᖁᕕᐊᒋᓂᖅᐹᖓ ᑕᑯᕙᒃᑕᒥᓂᒃ ᖁᕕᐊᓇᖅᑐᓂᒃ ᐃᓄᖕᓂᒃ ᐅᖃᐅᓯᖃᖅᑐᓂᒃ ᐃᓅᓕᓴᐅᑎᓂᒃ ᐊᒻᒪ ᓇᖕᒥᓂᖅ ᐊᑐᖅᓯᒪᔭᖏᓐᓂᒃ.

ᓵᑕ ᑕᕐᕆᔭᓕᐅᖅᑎᖏᑦ ᐊᑎᖅᑖᓚᐅᖅᑐᑦ ᓱᑑᒐᑦᒥᑦ (ᖃᓪᓗᓈᑦ ᐃᓄᖏᓐᓂᑦ) ᑲᒻᐸᓂᖓᓗ ᑕᑯᖁᓪᓗᓂᐅᒃ ᐃᓕᖅᑯᓯᕐᒥᓂᒃ ᐅᓂᒃᑳᒥᓂᒡᓗ. ᑕᑯᕙᐃᑦ ᐱᓕᕆᐊᖑᔪᑦ ᐅᓂᒃᑳᑐᐃᓐᓇᐅᙱᖦᖢᑎᒃ ᑭᓯᐊᓂ ᐅᓂᒃᑳᖅᑐᐊᓂᒃ. ᐅᓪᓗᖅ ᐊᑕᐅᓯᖅ ᐅᖃᓕᒫᒐᓕᐅᕈᒪᔪᖅ, ᐃᓐᓇᐃᑦ ᐅᓂᒃᑲᐅᓯᖏᓐᓂᒃ ᑐᓴᖅᑎᑦᑎᓗᓂ ᐊᒻᒪ ᐃᓅᓕᓴᐅᑎᓂᒃ ᐱᓱᑲᑕᒍᒪᓗᓂ.

ᐃᓄᑑᑎᖃᑦᑕᖏᒻᒪᒍ, ᑭᓯᐊᓂ. ᑯᑕᑭ−ᔮᒃᓕᐊ ᐱᓕᕆᖃᑎᖃᐃᓐᓇᐅᔭᖅᑐᖅ ᐃᓱᒪᒋᔭᖏᓐᓂᑦ ᓄᓕᐊᖓᓄᑦ ᐊᐱᖅᓱᑲᑕᒃᖢᓂᓗ ᐃᓱᒪᒃᓴᖅᓯᐅᑦᑎᐊᕐᖢᓂᓗ ᐊᑖᑕᒥᓂᒃ. ᐃᓕᒐᓱᐊᖅᓯᒪᔪᖅ ᐱᔪᓐᓇᕐᓂᓕᒫᒥᓂᒃ ᐊᑖᑕᒥᓂᒃ ᐊᒻᒪᓗ ᑎᑎᕋᖅᓱᓂ ᓯᓚᑐᓂᕐᒥᓂᒃ.

ᒪᒃᑯᓐᓂᖅᓴᐅᓪᓗᓂ, ᑲᖑᓱᑦᑐᒻᒪᕆᐅᓚᐅᖅᐳᖅ ᐊᒻᒪ ᑲᖐᓱᑦᑐᒻᒪᕆᐅᓪᓗᓂ ᑭᓯᐊᓂ ᐃᓕᒍᒪᓚᐅᕐᒪᑦ ᐃᓅᓯᓕᕆᓂᕐᒥᑦ ᐊᒻᒪ ᓇᒻᒥᓂᖅ ᑕᖅᑲᐅᖓᖅᑎᑦᑎᓪᓗᓂ. ᓇᒻᒥᓂᖅ ᑕᖅᑲᐅᖓᖅᑎᒃᑲᓐᓂᓕᓚᐅᖅᑕᖓ. ᐊᒻᒪ ᐃᓄᐃᑦ ᐅᔾᔨᕈᓱᓕᓚᐅᖅᑐᑦ. ᐊᐱᕆᔭᐅᓕᓚᐅᖅᑐᖅ ᐅᖃᖅᑎᒧᑦ ᖃᓄᐃᓕᐅᕐᓇᒧᑦ ᐊᒻᒪᓗ ᐃᑯᒪᖓ ᖃᒥᖦᖢᓂ ᖃᐃᒐᓛᒋᐊᖃᓕᓚᐅᖅᑐᖅ ᖃᓂᙳᕐᓇᐅᑎᖓ ᓄᖅᑲᓚᐅᕐᒪᑦ. ᐅᖃᐅᔾᔪᐃᓂᖓ ᐃᓄᖕᓂᒃ ᑲᙳᓱᒃᑐᓂᒃ ᑭᒃᑯᑐᐃᓐᓇᓂᒃ ᐅᖃᓪᓚᖕᓂᕐᓂᒃ ᑕᐅᑐᒐᖃᓪᓗᐊᑕᕈᒪᓂᐅᕗᖅ ᐃᓄᖕᓂᒃ ᖃᐅᔨᒪᔭᕐᓂᒃ ᐃᓄᒋᐊᓗᐊᖅᑐᓂ, ᐃᓱᒪᒥᐅᑕᖃᕋᓱᒃᐸᒃᖢᓂᓗ ᑖᒃᑯᓂᖓ ᐅᖃᓪᓚᒃᐸᖕᓂᔅᓯᓐᓂᒃ. ᐱᔭᕇᖅᑎᓪᓗᒍ, ᑯᒃᓴᓱᑦᑎᐊᓚᐅᕋᓗᐊᖅᑎᓪᓗᒍ ᓱᓕ ᖁᕕᐊᓱᑦᑐᒻᒪᕆᐅᓚᐅᖅᐳᖅ.

ᐱᕈᖅᓴᓪᓗᓂ ᐃᓅᓪᓗᓂ ᐸᓯᒥ, ᑯᑕᑭᓐ−ᔭᐃᒃᓕ ᐃᓕᓐᓂᐊᓚᐅᖅᑐᖅ ᐃᑭᑦᑐᓕᐅᕐᓂᕐᒥᒃ, ᐅᖅᑯᐊᒥᒃ, ᓂᕿᓂᒃ ᑲᑎᖅᓱᐃᓂᕐᒥᒃ, ᐊᒻᒪ ᒥᑭᒋᐊᕐᓂᐊᕐᓂᕐᒥᒃ. ᐃᓕᓐᓂᐊᕆᐊᓚᐅᖅᓯᒪᔪᖅ ᒥᑭᔪᑕᐅᓂᕐᓴᓄᑦ ᐊᒻᒪᓗ ᐃᓕᓐᓂᐊᕐᕕᕐᔪᐊᓄᑦ ᐊᒻᒪᓗ ᓯᓚᑦᑐᓴᕐᕕᕐᔪᐊᖓᓄᑦ ᐊᓪᐳᑕᐅᑉ ᐃᐊᑦᒪᓐᑕᓐᒥ ᐃᓕᓐᓂᐊᖅᑐᓂ ᐃᓱᒪᓕᐅᖅᑎᓪᓗᒍ ᖃᓄᐃᓕᐅᕐᓂᐊᕐᒪᖔᕐᒥ. ᓯᕗᓪᓕᕐᒥ, ᑐᓴᕐᓈᕈᒪᓚᐅᖅᑐᖅ, ᑯᒃᑭᑕᐹᕐᓗᓂ, ᐱᔅ, ᐱᐊᓄ, ᐃᔭᕈᕙᐅᔭ, ᐊᓐᔨᓐᑲ ᐊᒻᒪ ᐃᙱᖅᖢᓂ. ᐊᑕᐅᑦᑎᒃᑯᑦᑕᐅᖅ, ᐱᓕᕆᐊᖃᕈᒪᓚᐅᖅᑐᖅ "ᐱᓗᐊᕐᓂᖅᓴᐅᔪᒥᒃ", ᐊᓱᐃᓛᒃ ᐱᔪᒪᓕᓚᐅᖅᑐᖅ ᐱᓯᓂᓯᒧᑦ ᑎᑎᕋᕐᕕᖕᒥᐅᑕᓕᕆᓂᕐᒥᒃ.

ᓇᒻᒥᓂᖁᑎᖃᕐᓂᕐᒧᑦ ᐊᐅᓚᑦᑎᓂᐅᔪᖅ ᑐᑭᖃᑦᑎᐊᓚᐅᖅᑐᖅ ᑕᐃᓐᓇ ᐊᑖᑕᖓ ᓴᓇᔨᒻᒪᕆᐅᓚᐅᕐᒪᑦ ᐃᖅᑲᓇᐃᔭᖅᑐᓂ ᐊᒻᒪᓗ ᐃᓕᓐᓂᐊᖅᑎᓯᒪᓪᓗᓂᐅᒃ. ᐊᔪᕐᓇᙱᑦᑐᑯᓘᓚᐅᖅᑐᖅ ᑎᑎᕋᕐᕕᖕᒥᓪᓗ ᐊᐅᓚᑦᑎᓕᖅᖢᓂ. ᐊᑯᓂᐅᓕᖅᑐᖅ, ᓈᓴᐅᓯᕆᓂᕐᒧᑦ ᐃᓕᓴᐃᔨᐅᓚᐅᖅᓯᒪᔪᖅ ᐊᕈᐊᕋ ᓯᓚᑦᑐᓴᕐᕕᖓᓂ ᕗᐊᑦ ᓯᒥᑦᒥ ᐊᒻᒪᓗ ᔨᐊᓗᓇᐃᒥ ᐊᒻᒪᓗ ᐃᓇᖐᓯᒪᓚᐅᖅᑐᓂ ᐃᓕᓴᐃᔨᐅᓪᓗᓂ ᑐᓕᑕᒥ. ᓈᓴᐅᑏᑦ ᑐᑭᖃᐃᓐᓇᐅᔭᖅᑐᑦ ᑖᔅᓱᒧᖓ, ᐊᒃᓱᕈᖅᑎᓪᓗᒍ ᖃᓪᓗᓈᑎᑐᑦ ᑎᑎᕋᐅᓯᕐᒥᓪᓗ.

ᑳᓐᑐᕌᖃᑦᑎᐊᖅᑎᓪᓗᒍ ᐊᒻᒪ ᐃᖅᑲᓇᐃᔮᔅᓴᖃᖅᑐᒻᒪᕆᐅᓪᓗᓂ ᐱᓕᕆᖃᑎᖃᖅᑐᓂ ᐊᔾᔨᒌᙱᑦᑐᓂᒃ ᑲᑐᔾᔨᖃᑎᒌᓂᒃ, ᓇᒻᒥᓂᖅ ᐱᓇᓱᐊᕈᒪᓚᐅᖅᐳᖅ. ᐃᑲᔪᖅᑕᐅᓪᓗᓂ Inspire NWT-ᑯᓐᓄᑦ, ᓇᒻᒥᓂᕐᒥᓂᒃ ᐱᒋᐊᖅᑎᑦᑎᔪᓐᓇᓚᐅᖅᑐᖅ. ᓴᓇᕙᙱᑦᑐᖅ ᐅᕝᕙᓘᓐᓃᑦ ᓂᐅᕐᕈᑎᖃᖅᐸᒐᓂ ᐃᓅᓕᓴᐅᑎᓂᒃ ᑭᓯᐊᓂᓕ ᐃᓕᓐᓂᐊᖅᑎᑦᑎᑐᐃᓐᓇᖅᐸᙱᑦᑐᖅ ᐱᖁᑎᒥᓂᒃ ᐊᒻᒪᓗ ᐊᖑᓇᓱᓐᓂᐅᑉ ᒥᒃᓵᓄᑦ. ᑯᑕᑭ-ᔫᑭᓕᐊ ᐃᓕᓐᓂᐊᖅᑎᑦᑎᑐᐃᓐᓇᓲᖅ ᖃᐅᔨᒪᔭᒥᓂᒃ ᐃᓕᓴᐃᔭᕆᐊᖃᙱᒻᒪᑦ ᑭᓱᓕᒫᓂᒃ ᐃᓕᓴᐃᔾᔪᑎᒋᓯᒪᔭᒥᓂᒃ. ᐃᓚᖏᑦ ᐃᓕᓴᖅᑕᐅᔪᑦ ᑖᔅᓱᒧᖓᑐᐊᖅ ᐃᓚᖏᓐᓄᓪᓗ ᑐᕌᖓᕗᑦ. ᑕᐃᒪᓕ, ᑎᑎᕋᕈᒪᔪᖅ ᐅᖃᓕᒫᒐᕐᒥᒃ ᐃᓕᑕᒥᓂᒃ.

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᖃᐅᔨᓇᓱᒃᖢᓂ ᖃᓄᖅ ᐃᓱᒪᒋᔭᖃᕐᒪᖔᑕ ᖃᓄᐃᓕᐅᕈᒪᓂᕐᒥᓂᒃ, ᐃᓱᒪᒋᓗᒍ ᑕᖏᖃᑦᑎᐊᖅᑐᓂᒃ ᑕᑎᒋᔪᓐᓇᖅᑕᖏᓐᓂᒃ, ᑭᓱᓂᒡᓗ ᓄᓇᓕᖕᒥᐅᓂᒃ ᐱᔭᕆᐊᖃᕐᒪᖔᑕ. ᑯᑕᑭ−ᔮᒃᓕ ᐃᓱᒪᖁᔨᖕᒥᔪᖅ ᖃᓄᖅ ᐊᒃᓱᕉᑎᖃᓪᓚᕆᖕᒪᖔᑕ. ᑕᐃᑲᙵᑦ, ᕿᓂᖁᔨᔪᖅ ᖃᕆᑕᐅᔭᒃᑯᑦ ᐊᑐᒐᒃᓴᓂᑦ ᐃᓕᑦᑎᓗᑎᒃ ᑭᓱᓂᒃ ᐃᓱᒪᒋᔭᖃᕐᒪᖔᑕ. ᐃᓚᓯᔪᖅ ᑎᓕᐅᕆᓂᕐᒥᑦ, "ᐅᖃᐅᔾᔨᖏᓐᓇᓲᖑᔪᖓ ᐃᓄᓐᓂᑦ, ᐊᑏᒎᖅ... ᐊᔪᓕᕋᓗᐊᕈᕕᑦ, ᖃᓄᐃᖏᑦᑐᖅ ᑲᔪᓯᖏᒃᑯᕕᑦ. ᐊᒥᓱᐃᖅᓱᖅᖢᖓ ᐊᔪᓕᖃᑦᑕᓚᐅᖅᑐᖓ... ᐊᓂᖅᓵᕐᓗᑎᑦ, ᖃᓄᐃᙱᑦᑐᖅ ᐅᑎᕆᐊᒃᓴᖅ... ᑲᔪᓯᑐᐃᓐᓇᕆᑦ." ᐃᒪᐃᖁᔨᖕᒪᑦ ᐊᒥᓱᓂᒃ ᐊᔾᔨᒌᙱᑦᑐᓂᒃ ᐱᓕᕆᖁᔨᙱᖦᖢᓂ, ᓄᖅᑲᖓᓚᐅᑲᑐᐃᓐᓇᙱᖦᖢᓂ ᐆᒃᑐᒃᑲᓐᓂᖅᖢᓂᓗ.

ᑲᔪᓯᑎᑦᑐᒪᓪᓗᒍ ᐃᓱᒪᒃᑯᑦ ᖃᓄᐃᙱᑦᑐᓐᓇᕐᓂᖓ, ᑯᑕᑭ−ᔫᑲ ᒪᒥᓴᖃᑦᑕᖅᓯᒪᕗᖅ ᐊᕐᕌᒍᓄᑦ ᖁᓕᓄᑦ. ᐱᙳᐊᖃᑦᑕᖅᑐᖅ, ᐱᓐᖑᐊᖅᑐᓂ ᐊᒻᒪᓗ ᓂᔾᔭᐅᓯᔭᖅᑐᓂ, ᐊᒻᒪᓗ ᐱᓱᑦᑐᓂ, ᐃᒥᒐᖅᑖᑐᐃᓐᓇᕋᓗᐊᕈᓂ. ᐱᕕᖃᕐᓂᖅ ᖁᕕᐊᒋᓪᓗᒋᑦ ᒥᑭᑦᑐᑦ ᓲᕐᓗ ᑐᓴᕐᓈᕐᓂᖅ ᓂᐅᕕᕆᐊᕐᓂᕐᓘᓐᓃᑦ ᓄᑕᖅᑲᓄᑦ ᖁᕕᐊᓱᒃᑎᑦᑎᖕᒥᔪᖅ. ᓇᒻᒥᓂᖅᓱᕐᓂᖅ ᐊᒻᒪᓗ ᐃᓚᒌᑦ ᐃᓅᓯᖏᑦ, ᐃᓛᓐᓂᒃᑯᑦ ᐃᒻᒥᓂᒃ ᐱᕕᖃᕆᐊᖃᓲᖑᒻᒪᑦ ᐊᒻᒪᓗ ᓄᓕᐊᕇᒃ ᐃᒻᒥᓂᒃ ᓄᐊᑦᑎᓇᓱᐊᖅᐸᑦᑐᑎᒃ ᒥᑭᔫᒐᓗᐊᒃᑯᑦ ᐅᓪᓗᒃᑯᑦ.

ᐱᔭᕇᕈᑎᒋᓗᒍ, ᑯᑕᑭ−ᔮᒃᓕ ᑎᓕᐅᕆᔪᖅ ᒪᒃᑯᑦᑐᓂᑦ ᐱᒐᓱᐊᖁᔨᓂᕐᒥᑦ ᖁᕕᐊᒋᔭᖏᓐᓂᑦ. "ᓇᒡᓕᒋᔭᕐᓂᒃ ᐱᓕᕆᓗᑎᑦ. ᓇᖕᒥᓂᕐᒥᓂᒃ ᐱᒋᐊᖅᑎᑦᑎᒍᕕᑦ, ᐊᓕᐊᓇᐃᒋᙱᒃᑯᕕᐅᒃ ᓇᒡᓕᒋᙱᒃᑯᕕᐅᒃᓘᓐᓃᑦ, ᐃᖅᑲᓇᐃᔮᒃᑲᓐᓂᐅᕗᖅ," ᓇᓗᓇᐃᖅᓯᓪᓗᓂ. ᐃᓱᒪᓪᓗᓂ ᓯᕗᓪᓕᕐᒧᑦ ᓇᖕᒥᓂᖃᕐᓂᕐᒧᑦ ᐃᓱᒪᒋᔭᖏᓐᓂ, ᓂᑲᒍᓱᒃᓗᓂ ᐊᖓᔪᖅᑳᓄᑦ ᑎᒍᐊᖅᑖᕈᒪᔪᓄᑦ ᕿᑐᕐᖓᖏᓐᓄᑦ. ᑕᑯᓚᐅᖅᑐᖅ ᒪᑐᐃᖓᓪᓗᓂ ᓂᐅᕕᐊᒃᓴᖃᕐᓂᕐᒥᒃ ᐊᒻᒪᓗ ᑎᑦᑎᓇᖅᑑᓪᓗᓂ.

ᐃᒻᒥᓂᒃ ᐃᑲᔪᖃᑦᑕᖅᑐᖅ ᐅᓂᒃᑳᖃᑦᑕᕐᓂᒃᑯᑦ ᐊᒻᒪ ᐃᓅᓕᓴᐅᑎᓂᑦ ᐃᓕᓐᓂᐊᖅᑎᑦᑎᓪᓗᓂ ᒪᒥᓴᐃᓂᕐᒥᑦ ᓇᒻᒥᓂᖁᑎᒋᔭᐅᔪᓂᑦ ᓴᓇᓯᒪᔭᖏᓐᓂᑦ. ᐊᑕᐅᑦᑎᒃᑯᑦᑕᐅᖅ, ᑲᐅᕈᓪ ᓄᑲᖅᖠᖅ ᑯᑕᑭᓐ−ᔫᑭᓕᐊᑉ ᐱᓕᕆᐊᖏᑦ ᐃᑲᔫᑎᖃᖅᐳᑦ ᑭᒃᑯᓕᒫᓄᑦ ᑲᑎᑉᐸᒃᑐᓕᒫᓄᑦ ᓈᓚᒋᐊᖅᑐᖅᖢᑎᒃ. ᐃᓚᒥᓂᒃ ᐱᕈᖅᓴᐃᓂᖅ ᐊᒻᒪ ᐃᓕᖅᑯᓯᕐᒥᓂᒃ ᐊᒥᖅᑳᖃᑎᖃᖅᖢᓂ, ᑲᑎᙵᖃᑎᖃᓕᖅᐸᒃᐳᖅ ᐊᒻᒪ ᐃᓄᖕᓂᒃ ᐃᑲᔪᖅᖢᓂ. ᑲᙳᓱᓕᕋᒥ, ᖃᐃᓪᓗᓂ ᖁᓕᕈᐊᖓᓂ ᐃᓕᑦᑎᓪᓗᓂᓗ ᖃᓄᖅ ᓴᔪᖕᓂᖅᓴᕐᓂᕐᒥᒃ ᖁᕕᐊᒋᓛᒥᓂᒃ ᐱᓕᕆᓂᕐᒥᒃ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.