ᐃᖅᑲᓇᐃᔮᒥᓂᒃ ᓄᖅᑲᕋᒥ, ᐃᖅᑲᓇᐃᔮᖅᑖᑕᐃᓐᓇᓕᓚᐅᖅᑐᖅ ᐅᐊᔭᓕᕆᔨᐅᓂᕐᒧᑦ. ᑲᐅᕈᓪ ᔅᑯᕆᐊᓪ ᐱᕈᖅᓴᓚᐅᖅᓯᒪᕗᖅ ᕗᐊᑦ ᔅᒥᑦ ᐊᒻᒪ ᕗᐊᑦ ᓯᒥᑦᒥᑦ ᐊᒻᒪ ᕼᐊᐃ ᕆᕗᒥᑦ. ᐅᐊᔭᓂᒃ ᑕᐅᖅᓰᖃᑎᖃᓕᓚᐅᖅᑐᖅ ᑲᔪᖏᖅᓴᐃᔨᖓᒍᑦ, ᐊᐅᓚᐅᑎᖃᕝᕕᒻᒥ ᐊᐅᓚᑦᑎᔨᕈᖅᑐᓂ ᐊᒻᒪᓗ ᐅᐊᔭᓕᕆᔨᕈᖅᑐᓂ. ᐃᓕᓐᓂᐊᖅᐸᓪᓕᐊᓪᓗᓂ ᐃᖅᑲᓇᐃᔮᖅᑖᕐᓂᕐᒧᑦ ᐃᓕᓐᓂᐊᓚᐅᖅᑐᖅ ᑕᖅᑭᓄᑦ ᐱᖓᓱᓄᑦ ᐊᕐᕌᒍᒥ ᐃᖅᑲᓇᐃᔭᖅᖢᓂ 9-ᓄᑦ ᑕᖅᑭᓄᑦ ᐃᓚᒋᔭᐅᓪᓗᓂ ᐃᖅᑲᓇᐃᔭᖅᖢᓂ ᐃᓕᓐᓂᐊᖅᖢᓂ.

ᑭᖑᓂᑦᑎᓐᓂ, ᓯᐅᕈᓪ ᓅᖃᑦᑕᓚᐅᖅᐳᖅ ᐃᖅᑲᓇᐃᔮᓂ, ᑭᖑᓂᐊᒍᑦ ᐃᖅᑲᓇᐃᔮᓂ ᑭᓯᐊᓂ ᑐᓂᔭᐅᓚᐅᖅᑎᓪᓗᒍ ᐅᑭᐅᖅᑕᖅᑐᒥ ᓄᓇᓕᖕᓂ ᐊᖓᔪᖅᑳᒥᓂᒃ ᑲᑎᖃᑎᖃᖅᖢᓂ, ᔭᐃᓴᓐ. ᑲᒻᐸᓂᓕᐅᓚᐅᖅᑐᖅ ᔭᐃᓴᓐᒥᒃ ᐊᒻᒪᓗ ᐳᕌᓐᑕᓐᒥᒃ ᐆᒪᖅᑯᑎᓕᕆᓂᕐᒧᑦ ᐅᖃᖃᑎᖃᖃᑦᑕᖅᑐᑎᒃ ᐊᒻᒪᓗ ᔅᑯᐊᕆᐅᓪ ᑲᒪᓪᓗᑎᒃ ᑭᓱᑐᐃᓐᓇᕐᓂᒃ ᑐᕌᖓᔪᓂᒃ ᐅᐊᔭᓅᖅᑐᓄᑦ. ᒫᓐᓇᐅᔪᖅ, ᐱᓕᕆᐊᖃᖅᑐᑦ ᓯᕿᓂᕐᒥᑦ ᐆᒻᒪᖅᑯᑎᑖᕈᑎᓂᑦ, ᐱᓕᕆᖃᑎᖃᖅᖢᑎᒃ ᓄᓇᖃᖅᑳᖅᓯᒪᔪᓂᑦ ᒐᕙᒪᓂᑦ ᑮᓇᐅᔭᖅᑖᕋᓱᒃᖢᑎᒡᓗ ᑖᒃᑯᓄᖓ. ᐸᕐᓇᐃᓲᑦ, ᐋᖅᑭᒃᓱᐃᓪᓗᑎᒃ ᐊᒻᒪ ᐊᑐᓕᖅᑎᑦᑎᓪᓗᑎᒃ ᐱᓕᕆᐊᒥᒃ, ᐊᒃᓱᕈᕐᓇᕈᓐᓇᖅᑐᒥᒃ.

ᐃᓕᑉᐸᓪᓕᐊᓂᐅᓯᒪᔪᖅ ᐊᕐᕌᒍᓂ ᓯᑕᒪᓂ ᐊᓂᒍᖅᑐᓂ ᐃᓘᓐᓇᑦᓯᐊᑎᒃ ᐊᐅᓚᓃᑦ ᐃᓚᐅᑦᓱᑎᒃ ᑐᔪᕐᒥᕕᓐᓂᒃ, ᐅᒥᐊᓂᒃ ᐊᑐᖅᑐᐊᕐᓂᕐᒥᒃ, ᒑᓴᓖᒥᒃ, ᖃᐅᔨᓇᓱᐊᖅᓱᑎᒃ ᓱᓇᓂᒃ ᑎᑭᑎᑦᓯᒋᐊᖃᕐᒪᖔᕐᒥᒃ ᓄᓇᓕᓐᓂᒃ, ᐸᕐᓇᐃᑎᓪᓗᒋᑦ ᓯᓚᒥᒃ, ᐃᑭᑦᑕᐃᓕᓂᕐᒥᒃ ᐊᑦᑕᓇᑦᑕᐃᓕᒪᓂᕐᒥᓪᓗ. Squirrel−ᑯᑦ ᐃᓕᓐᓂᐊᖅᑎᑕᐅᓯᒪᕗᑦ ᔭᐃᓴᓐᒧᑦ ᐃᓕᑦᑎᕙᓪᓕᐊᓪᓗᑎᒃ, ᐱᓗᐊᖅᑐᒥ ᐊᑐᖅᖢᓂ Excel−ᒥᒃ ᖃᓄᕐᓗ ᐅᖃᐅᓯᖃᕈᓐᓇᕐᒪᖔᑦ. ᐸᕐᓇᑦᑐᑦ ᐊᒻᒪᓗ ᐋᖅᑭᒃᓱᐃᓪᓗᑎᒃ ᒪᕐᕉᓐᓂᒃ ᐱᖓᓱᓂᓪᓘᓐᓃᑦ ᐊᕐᕌᒍᓂᒃ ᐊᒻᒪᓗ ᐱᔭᒃᓴᓕᒻᒪᕆᐊᓘᓪᓗᑎᒃ ᐊᕐᕌᒍᓄᑦ ᑕᓪᓕᒪᓄᑦ ᖁᓕᓄᑦ. ᐊᓪᓚᕝᕕᓕᕆᔾᔪᑎᖃᕐᓂᖅ ᐋᖅᑭᔅᓯᒪᑎᓪᓗᒍ ᐃᑲᔪᕐᓂᖃᖅᑐᖅ ᖃᐅᔨᒪᓇᓱᐊᖏᓐᓇᓂᕐᒥᑦ ᖃᕆᓴᐅᔭᒃᑯᑦ ᑐᖅᑯᐃᓂᕐᒥᑦ.

ᐅᖃᐅᔾᔪᐃᓂᖓ ᐃᓕᓐᓂᐊᖅᑎᓄᑦ ᐃᓱᒪᒋᔭᖃᖅᑐᓄᑦ ᓄᓇᒥᓂᒃ ᕿᒪᐃᔪᒪᓪᓗᑎᒃ ᐃᓕᓐᓂᐊᕈᒪᓂᕐᒥᓄᑦ ᐃᒪᐃᓐᓇᔭᖅᐳᖅ, "Just do it. ᑕᒪᓐᓇ ᐃᓕᑉᐸᓪᓕᐊᓂᐅᒻᒪᑦ, ᐱᓗᐊᖅᑐᒥ ᐊᖏᕐᕋᖅᓯᒪᓕᖅᑐᓂ ᓯᕗᓪᓕᖅᐹᒥ... ᐃᓄᑑᓗᐊᓕᕐᓇᕐᒪᑦ, ᐃᓕᕋᓇᓕᕐᓇᖅᖢᓂᓗ... ᑕᖅᑲᐅᖓᑐᐃᓐᓇᖅ ᑕᖅᑲᐅᖓᖅᑎᑲᐃᓐᓇᕋᕕᒋᑦ ᐊᒻᒪᓗ ᑲᑎᓯᑐᐃᓐᓇᖅᑐᑎᑦ ᐃᓄᓐᓂᒃ. ᑕᐃᒪᐃᓕᐅᕌᓂᒃᑯᕕᑦ, ᖃᓄᐃᔾᔮᙱᓚᑎᑦ ᑕᐃᒪᓗ ᖃᑕᙳᑎᑎᑦ ᐊᖏᕐᕋᖅᓯᒪᖅᑰᔨᓕᕐᓗᑎᒃ."

ᐊᐳᖅᑕᕈᑏᑦ ᐱᔾᔪᑎᒋᓪᓗᒋᑦ, ᐃᒥᕋᓱᐃᓐᓇᓕᓚᐅᖅᑐᖅ, ᐊᕐᕌᒍᑦ ᑕᓪᓕᒪᑦ ᐃᓗᐊᓂ. ᐃᓅᓯᖓᑕ ᐃᓚᒋᒻᒪᕆᓚᐅᖅᑕᖓ ᐱᕈᖅᐸᓪᓕᐊᑎᓪᓗᒍ ᐊᒻᒪᓗ ᐊᔪᕈᓐᓂᖅᑐᓂ ᐊᕐᕌᒍᓄᑦ ᑕᓪᓕᒪᓄᑦ ᖁᔭᓐᓇᒦᖅᑐᓂ ᐃᑲᔪᖅᑐᐃᖃᑦᑕᖅᓯᒪᓂᖓᓄᑦ ᐱᖃᓐᓇᕆᔭᒥᓂᒃ ᐊᒻᒪᓗ ᐃᓚᒥᓂᒃ. ᐊᖏᓂᖅᓴᒥᑦ ᐃᓅᖃᑎᖃᓚᐅᖅᑐᖅ ᐊᑐᕋᒥ ᑭᓯᐊᓂ ᒫᓐᓇ, ᒥᑭᓐᓂᖅᓴᐅᓕᖅᑐᖅ ᑭᓯᐊᓂ ᑕᑎᒋᔭᒃᓴᐅᓂᖅᓴᒥᑦ ᐊᖕᒪᓗᖅᓯᓯᒪᔪᒥᑦ ᑐᙵᕕᖃᕐᓂᖅᓴᐅᓪᓗᓂ. ᐃᓄᖕᓂᒃ ᐅᖃᓪᓚᒋᐊᖃᕐᓂᖅ, ᐊᓂᐊᑎᑦᑎᓂᖅ ᐊᒻᒪ ᐃᓕᓐᓂᐊᖅᑎᑕᐅᓂᖅ ᐊᓯᔾᔩᓯᒪᕗᖅ.

ᔅᑯᐊᕆᐊᓪ ᒪᒃᑯᖕᓂᖅᓴᓂᒃ ᐅᖃᐅᔾᔪᐃᔪᓐᓇᕈᓂ ᐃᒪᐃᑦᑑᓇᔭᖅᐳᖅ, "Justly relax and it process. ᐋᓐᓂᐊᓂᒃᑯᑦ, ᐃᓕᑉᐸᓪᓕᐊᖏᓐᓇᐅᔭᖅᑐᒍᑦ, ᐊᒻᒪᓗ ᑎᔅᓯᓈᕿᑐᐃᓐᓇᖅᖢᓂ. ᐃᓛᓐᓂᒃᑯᑦ ᖃᐅᔨᒪᕙᙱᓐᓇᕕᑦ ᐃᓚᖏᑦ ᐃᓄᐃᑦ ᖃᓄᐃᓕᐅᕐᒪᖔᑕ, ᑎᔅᓯᓈᕿᓕᕐᓗᒋᑦ, ᐃᓕᖕᓄᑦ ᑎᔅᓯᓈᕿᓗᑎᑦ. ᐃᓕᑉᐸᓪᓕᐊᖏᓐᓇᕐᓗᑎᑦ ᐊᒻᒪ ᓄᖅᑲᖓᑲᐃᓐᓇᖃᑦᑕᕐᓗᓯ ᐱᔭᕆᐊᖃᓕᕋᐃᒍᕕᑦ." ᐃᓕᑕᖅᓯᔪᖅ ᒫᓐᓇ ᐊᓪᓛᑦ, ᐃᓕᑉᐸᓪᓕᐊᖏᓐᓇᕐᒪᑦ ᐊᒻᒪᓗ ᐳᐃᒍᖅᑐᓂ ᓄᖅᑲᖓᑲᐃᓐᓇᕆᐊᔅᓴᖅ. ᐃᓛᓐᓂᒃᑯᑦ ᐃᖃᓪᓕᐊᖅᐸᒻᒪᑕ ᐅᒥᐊᖃᓕᕋᐃᒐᒥᒃ ᐊᒻᒪᓗ ᓄᖅᑲᖓᑲᐃᓐᓇᕆᐊᖃᑦᑐᑎᒃ. ᖁᕕᐊᒋᔭᖃᖅᑐᖅ ᑕᑯᔭᕆᐊᒃᓴᖅ ᓄᓇᓕᕐᔪᐊᓂᑦ ᐃᖅᑲᓇᐃᔮᖓᒍᑦ ᐊᒻᒪᓗ ᐊᐅᓪᓚᑲᑕᖕᓂᓕᒫᖓᒍᑦ, ᑭᓯᐊᓂ ᐊᔪᕐᓇᕈᓐᓇᖅᑐᖅ ᐊᖏᕐᕋᖅᓯᒪᔭᕆᐊᒃᓴᖅ.

ᐋᖅᑭᒃᓯᒪᐃᓐᓇᖅᑎᓪᓗᒍ ᐃᓱᒪᖓ ᖃᓄᐃᙱᑦᑎᐊᕐᓂᖓᓗ, ᓯᐅᕈᓪ ᐅᖃᖃᑎᖃᕐᓗᓂ ᐱᖃᓐᓇᕆᔭᖏᓐᓂ, ᖃᑕᙳᑎᖏᓐᓂ ᐃᓕᓴᐃᔨᖏᓐᓂᒃᓗ. ᐃᖃᐃᓕᓴᕐᕕᒻᒦᑉᐸᒻᒪᑦ ᐆᑕᖅᑐᓂ ᓄᑭᖃᓗᐊᖅᑐᓂ ᐊᒻᒪᓗ ᐃᖅᑲᓇᐃᔮᖓ ᑎᒥᒃᑯᑦ ᐊᒃᓱᕈᖅᑐᓂ ᐃᑲᔪᖃᑦᑕᖅᑐᖅᑕᐅᖅ. ᐱᔪᒃᓯᑎᑦᑎᓂᐊᕐᓗᓂ, Squirrel−ᑯᑦ ᑕᐅᑐᒃᐸᒃᐸᒃᐳᑦ Youtube−ᒥᒃ ᓈᓚᒃᐸᒃᖢᑎᒡᓗ podcasts−ᓂᒃ. ᑕᐅᑐᒍᒪᒻᒥᔪᖅ TED-ᑯᑦ ᐅᖃᓪᓚᑦᑎᓪᓗᒋᑦ. ᖁᕕᐊᒋᔭᖃᖅᑐᖅ ᐃᓕᓐᓂᐊᖏᓐᓇᓂᕐᒥᑦ ᖃᓄᐃᑦᑐᑐᐃᓐᓇᕐᓂᑦ ᐱᕙᓪᓕᐊᔪᓂᑦ ᐅᖃᓕᒫᕐᓂᕐᒥᓪᓗ ᐅᖃᓕᒫᒐᕐᓂᑦ.

ᐃᖅᑲᓇᐃᔭᖅᑐᖃᕇᕐᒪᑦ, ᑲᐅᕈᓪ ᔅᑯᐊᕆᐅᓪ ᓇᓂᓯᓚᐅᖅᑐᖅ ᐃᖅᑲᓇᐃᔭᖅᑐᓂ ᐅᐊᔭᓂᑦ ᐃᑭᑎᑦᑐᓂᐅᒃ. ᐃᑲᔪᖅᖢᒋᑦ ᓄᓇᓖᑦ ᓯᕿᓂᖕᒨᖅᑐᓂᑦ, ᐸᖕᓇᒃᑐᖅ ᓯᕗᓂᒃᓴᒧᑦ ᐃᒻᒥᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᓄᑦ. ᐱᓕᕆᔾᔪᑎᖏᑦ ᐊᒃᓱᕈᕐᓇᕈᓐᓇᖅᑐᑦ ᑭᓯᐊᓂ ᐃᓕᑦᑎᕙᓪᓕᐊᔪᒻᒪᕆᐅᖕᒪᑦ.

ᖁᔭᓐᓇᒦᒃ ᐋᓕᓴᓐ ᑎᐊᑦᕗᑦ ᔅᕗᐊᑦ ᑎᑎᕋᓚᐅᕐᒪᑦ ᑖᔅᓱᒥᖓ.